مسلسل سعاده كاذبه التكملة

مسلسل سعاده كاذبه

الحلقه 67

رجاء اقعدت تبكي وخايفه وترعش وتمت اترن علي طارق وهو مايردش وخافت عليه لان عارفته هبل وادير اي حاجه 
نين وصل للمستشفي
نزل ولقي انور
انور ؛؛ من
طارق ؛؛ الكلب دكتور سراج
انور ؛ خبطت يده علي صدره
شوري الموضوع
طارق ؛؛ ﻻﻻ ماعليك خليك انت فضيلي الجو انكسره بين ايديا ومانتريح نا
انور ؛؛ هيا
وخشو انور وطارق وسالو علي غرفة سراج وعنده مريض جو

طارق ؛؛ ساعه بيش يطلع
انور ؛؛ وسع بالك
طارق ؛؛ والله انكسره وما نرحمه
انور ؛؛ صوتك ياطارق الانظار علينا
طارق ؛؛بصوت عالي
خلي اللي يسمع يسمع والله انوريه الحقيره ال……

وخبط المقعد بكراعه والانظار كلهن عليه
وطلع المريضه طول طارق خش علي سراج
طارق ؛؛ بحت في الممرضه
اطلعي انتي كذا
سراج ؛؛ استغرب طارق وتم ايبحت فيه
طارق ؛؛ اطلعييييييي راه نبدا فيك انتي
انور ؛؛ تعالي هنا
وطلع الممرضه وصكر انور الباب وقعد قدامه
الممرضه ؛؛ شن انتو عليش جين
انور ؛؛ امشي من قدام وجي
الممرضه ؛؛ متخلفين جين للدكتور في عمله
انور ؛ امشي من قدام وجي محترمك علشان بنت بس
الممرضه ؛؛ علي اساس محترم انت اللي خش علي دكتور هكي
انور ؛؛ رفع يده وقرب منها والممرضه خافت ومشت تجري للريسبشن
الممرضه ؛؛ في 2 تو خشو علي دكتور سراج
الشاب ؛؛ تو خشو
الممرضه ؛؛ اها وشكلهم عركه
الشاب ؛ اوكي عدي وماتقوليش للحد
الو سعد وينك
سعد ؛؛ كنك شن في
شاب ؛؛ انت تو سالت علي دكتور سراج وتو جوه 2 خشو عليه شورك هم
سعد ؛؛ ﻻﻻﻻ ماتقولش طارق خليكي غادي تو انجي انا

منتصر ؛ كنك
سعد ؛؛ طارق دايره عركه في المستشفي
منتصر ؛ شن
هيا صبي
وطلعو يجارو

طارق ؛؛ شن حكيت معه وليش اتمد في يدك عليها

سراج ؛؛ صب من علي الكرسي
اووو اوكي دزتك شن تبيك شن اندير مثلا

طارق ؛ شن انت ماتحسبش وراها راجل ولاه شنو ليش اتمد في يدك ياعن…….

سراج ؛ وطي صوتك واحترم نفسك كاذبه عليك ودازتك ليا
طارق ؛ صح ماعندي عليش نحكي
قرب من سراج وتمه يخنق فيه بسمعات

ليش اتمد في يدك ياكلب مش قالتلك معش نبيك ليش تقرب منها

سراج ؛؛ دف طارق بقوه
اصلا هي مش محترمه اللي تحكي مع مئه واحد في نفس وقت وح ادير فيك كيف مادارت فيا خلتني انتعارك مع ناس علي خاطرها

طارق ؛؛ مسك الكرسي واعزقه علي سراج بقوه
صكر فمك ياعن…..ياولد……
ونلقلك تحكي عليه نهارك اساسا نهيتك علي ايديا هذين تو

وبدو يضاربو

وانور امصبي قدام الباب ويضحك لان عرف ان طارق هو اللي يضرب اكتر شيء

وجا شاب
شاب ؛؛ ياشاب في ضرب جو افتح
انور ؛؛ ﻻ مافي شيء اطمن
شاب ؛؛ تي نسمعو في ضرب افتح
انور ؛ تحرك من هنا راه انخششك جو بيش تاكد شن في جو
وغمزله

شاب ؛؛ دازني سعد شوركم
انور ؛ سعد من تحرك من هنا

وجو يجارو سعد ومنتصر
سعد ؛؛ جو طارق
ا نور ؛؛ خليه ايكسره الكلب
منتصر ؛ حول
ودف انور وخش ولقي طارق يضرب وسراج ادومات
طارق ؛ تو انوريك مره تانيه اتمد يدك علي من ياعن… والله انكسرك

منتصر ؛؛ تريح يا طارق شوري
طارق ؛؛ ماواحد لمسه غيري الكلب هذا
سراج ؛ والله مانك راجل اللي جاي تضرب علي خاطر فرخه وداير روحك راجل كانك راجل ليش اتجيب فيها في فرحي ديرتك بقرونك وخلتك اتجيبها لفرحي

طارق ؛؛ تو انوريك الفرخه هذه من ياعن…….ياولد…….

انور ؛؛ تستاهل ياكلب
سعد ؛؛ تي خلاص كسرت الراجل
وتم سعد ايفك في سراج من ايدين طارق
طارق ؛؛ اطلقني يا سعد
انور ؛؛ الامن الامن
منتصر ؛؛ كر طارق بسرعه

سراج ؛؛ ابتعد من طارق ومسك الكرسي واعزقه علي طارق
طارق ؛؛ وجت في يده
ياعن بوك بكل ياولد……..

ومنتصر وطارق بدو في سراج تمو يضربو فيه

انور ؛؛ هههههه هذا طارق مايلعبش يادكتور
سعد ؛؛ قتلتو الراجل يامنتصر ياهبل ياطارق ودرته حي علي امك

انور ؛؛ الامن جو

وخشو الامن بسرعه ومسكو منتصر وطارق
طارق ؛؛ تي اطلقوني عليه
الامن ؛؛ سكر فمك
طارق ؛ ماحد ايقولي سكر فمك
سعد ؛؛ شيلهم بره بدال ماشالن الدكتور
طارق ؛؛ حول يدك ماتمسكنيش حول نمشي اوحدي
وحول الشرطي شويه وتمو يمشو مع بعضهم

وشالو سراج للطوارئ من كثر الدم الا فيه
ومشو انور وطارق ومنتصر للمركز الشرطه
وفتحلهم محضر وطارق مابش ايقول شن السبب لاي واحد

رجاء ؛؛ قاعده تبكي ومنهاره لان تمت اتحصل في طارق مقفل
حي عليا شن درت في روحي حي هذا هبل واكيده داير مشكله كبيره

ماما ؛؛ ارجيوه وينك
رجاء ؛؛ تمت تمسح في دموعها
وخشت عليها ماما
ماما ؛؛ كنك هنا
رجاء ؛؛:انحس في صداع والحوش فاضي قالت انخش نرقد
ماما ؛؛ اهااا وين خالد
رجاء ؛؛ مش عارفه ماجش
ماما؛ ؛ خوذي بنادول
رجاء ؛؛ باهي ماما امغير سكري الدار بس
ماما ؛؛ باهي
وطلعت ماما وسكرت الباب
ورجاء خشت تحت الفوطه وتمت تبكي وخايفه علي طارق واجد ومافكرتش في سراج شن يبي ايصيرله بكل فكرت في طارق بس شن ادير وشن اصيرله

عمتي ؛؛ حي عليا عليك بخت بختي اعيالي الاثنين في المركز وووو عليا

عمي ؛؛ خلاص تو نمشي انشوفهم بلا شهدره

عمتي ؛؛ هذا طارق اكيده حاط الراجل في العنايه حي عليا

هدي ؛؛ تمت تبكي
اسسسسس ياماما خلاص قالو الراجل اكويس

عمتي ؛ ﻻﻻ هذا نعرف طارق مايسيب الراجل نين ايشوف ادمواته

كلمي خوتك يمشوله

هدي ؛؛ هو من ضارب
عمتي ؛؛:الراجل قال لباتك ضارب دكتور
هدي ؛؛ دكتوررررررر هيييييييييي
عمتي ؛؛ كنك تعرفيه
هدي ؛؛ ونا شن عرفني
عمتي ؛؛ جيبي جهازي انرن علي مراد بالكي يعرف الدكتور

مراد ؛؛ ايوه ياامي
عمتي ؛؛ حي عليا يامراد وينك
مراد ؛؛ كنك شن في
عمتي ؛؛ طارق ومنتصر ضاربين واحد وتقريبا في العنايه قاعد
مراد ؛؛ شن من ووين
عمتي ؛؛ قالو دكتور اضربه في غرفة

وصب مراد بسرعه وصكر الخط

نا ؛؛ كنك شن في
مراد ؛؛ مافي شيء
وخش بسرعه للدار النوم بيش ايغير
وخشيت وراه
نا ؛ حبيبي كنك شن في حتي عشاءك ماكملته
مراد ؛؛ مشكله صايره ماتخفيش تو انجي
نا ؛؛ مشكله من
مراد ؛؛ بصوت عالي
اييييه ماتسالينش نا بروحي مش عارف خلاص

وطلع مراد بسرعه ونا مشيت قعمزت في دار معيشه مع اميره
اميره ؛؛ كنه
نا ؛؛ ماقاليش بس شكله خوته دايرن مشكله
اميره ؛؛ كلمي هدي واساليها
نا ؛؛ باهي

ايوه هدي
هدي ؛؛ وهي تبكي
نعم
نا ؛؛ كنك

هدي ؛؛ طارق ضارب واحد قالو في العنايه
نا ؛؛ هييييييي شن
هدي ؛؛ تسمعي في بكاء حتي غاده انزلت لان معه منتصر وانور قالو ضاربني الراجل ضربه شينه

نا ؛؛ ياناعليا من هذا وليش
هدي ؛؛ مش عارفه قالو دكتور هو اللي جايه في المستشفي واضربه
نا ؛؛ هيييييييييس شن
هدي ؛؛ مسكينهم في المركز
خلاص ويه صكري الجارات خشن علينا جابهن اعياط ماما
نا ؛؛ للدرجه هذه
هدي ؛؛ اهااا عليك فجعه شينه صكري صكري

اميره ؛؛ حي عليك بخت بخت عمتك
نا ؛؛ يسترالله طارق واعر عندهم بكل
اميره ؛؛ يستر الله

ومشي مراد بسرعه شور المركز الشرطه ولقي حاتم وعمي قاعدين

مراد ؛؛ شن صار
حاتم ؛؛ قاعدين جو طارق ومنتصر وانور
مراد ؛؛ انور عيني عينك المشكله شور طارق
عمي ؛؛ خوك هذا كان مايرحلنا من هنا مايتريح
معقوله خاش علي دكتور في غرفة واضربه واهو قالو في العنايه وخوته ملتمين عليه

مراد ؛؛ تو نمشي انشوفه شن المشكله
حاتم ؛؛ مابوش ايقولو قالو حاجه شخصيه
عمي ؛؛ شخصيه معناها وراها بنت العركه هذه
مراد ؛؛ التفت وبحت في عمي
من الدكتور
حاتم ؛؛ سراج قالو اسمه
مراد ؛؛ خبط يده علي راسه
ﻻﻻﻻﻻﻻ ياطارق من جدك انت

عمي ؛؛ كنك انت عارف الموضوع
مراد ؛؛ ﻻﻻ بس نعرفه
عمي ؛؛ باهي شوفه لان هله تو ايكبرو الموضوع
مراد ؛؛ تو نمشي ساهله

ومشي مراد للمستشفي ولقي هل سراج كلهم قاعدين ماحكش مع حد وطول مشي وخش عليه علي اساس دكتور ولقي دكتور عليه

مراد ؛؛ السلام عليكم
دكتور ؛؛ وعليكم السلام
مراد ؛؛ شن حاله
دكتور ؛ تمام بس هله امكبرين الموضوع بيش خوك يمسكوه
مراد ؛؛ شن صارله
دكتور ؛؛ امحصل ضربه علي راسه وكدمات بس ومحاولة خنقه
مراد ؛؛ تعقد بكل وقعد ساكت
دكتور ؛؛ تو نكتب في تقرير انه تمام لان هو تمام مش ح انكبر الموضوع المشكله في الاعل يبو تقرير طويل وعريض

سراج ؛؛ دكتور اكتب الصح
مراد والدكتور التفتو في سراج
سراج ؛؛ نا نبيش الموضوع يكبر مشكله ومشت في حالها
مراد ؛؛ عليش باهي المشكله
سراج ؛؛ سوء تفاهم بس
مراد ؛؛ طارق يا سراج هبل ونا متاكد ان هو اللي غالط

سراج ؛؛ اطمن نا اللي غالط وهو جاي ايدافع بس
دكتور ؛؛ يعني نكتب التقرير الصح مش اللي يبوه هلك
سراج ؛؛ اها نا نبيش مشاكل خلاص اللي صار صار ونبي اندير تنازل

مراد ؛؛ تحرج فيا انت
سراج ؛؛ نا قالتلها من الاول نا اللي غالط
الدكتور ؛؛ خلاص نا طالع تو اندير التقرير
وطلع
ومراد وجا قعمز علي كرسي

مراد ؛؛ علي رجاء الموضوع
سراج ؛؛ ﻻﻻ
مراد ؛؛ نا عارف انك كنت تبيها
سراج ؛؛ الله يسامحها هي اللي وصلتني اللي نا فيه
مراد ؛؛ انحرج ونزل راسه
سراج ؛؛ نا من اول ما شفت طارق عرفته يبيها رجاء مشكلتها بسرعه ماتنحب واتخش للخاطر كيف ماخشت للخاطري خشت في خاطره ومن حقه طارق ايحي وايخبط علي خاطرها
نا اللي غلطت وحكيت معها بصوت عالي وتعصبت عليها بس والله مجرد مانشوفها قدامي انحس فيها ليا ومانبيش حد ايجي شورها انغير عليها من النسمه شفتها شايله اولدك وفيشت غلي فيها واسف يامراد والله نا بروحي نتصرف معها ومش عارف ليش انتصرف هكي

مراد ؛؛ في حاجه بينه وبين رجاء
سراج ؛؛ مش المهم المهم ان نا خسرتها
مراد ؛؛ ان شاءالله لاباس
وصبي يبي يطلع
سراج ؛؛ مراد ماتذكرش اسمها خلي الموضوع في الستر ساد اني خسرتها مانبيش انكون نقطة سوده في حياتها خلاص

مراد ؛؛ ان شاءالله خير
سراج ؛؛ خوتها ما يسمعوش الموضوع
مراد ؛؛ ان شاءالله
وطلع مراد بسرعه وهو غمتله وعطه الدكتور تقرير امتعه وخش شرطي علي سراج وتنازل

عرفها مراد غمتله اكثر لان طلع سراج راجل صح وايحبها مازال خايف عليها وخاف علي سمعتها مع ان في نظره طايشه ومتهوره

ووووووو ماوعرك ياحب لما اتحب صااااح تلقي روحك اتنازل علي كل حاجه بس علشان حبيبك ايتريح ولو حتي راحة مش معاك مستعد اتنازل عليه علشانه

ومشي مراد للمركز ولقي حاتم وعمي واقاربهم

حاتم ؛؛ ها شن
مراد ؛؛ تنازل واكويس الدكتور امغير هله كبرو الموضوع
وقعدو فوق من ساعتين وطلعو كلهم ومشو للحوش
وروحو الناس كلهم وعمي غمتله وخش للدار لان عرف ان مراد وحاتم عندهم كلام

حاتم ؛؛ عاجبك وضعك هذا انت
طارق ؛؛ هو اللي غالط بيش تعرف انه غالط تنازل

مراد ؛؛ ﻻﻻ يا طارق مانيش عيل نا عارف الموضوع بس والله طلعت عيل وهو اللي راجل هو كبر عقله وانت مشيت تضرب وكأنك ولد شوارع مشيت للمكان عمله وتميت تضرب فيه وانت يا منتصر بدال ماتصغر الموضوع واتحز ماشي تضرب معه ياخسارة انك اب اسره تو

منتصر ؛؛ انشوف عركه تبيني نسكت

مراد ؛؛ ﻻﻻ اضرب صاح معاك الحق عليك وجه خلتوني انخشله للمكان عملي خوتي بالطاجيه ويضربو وانت ياانور فرحان امسكر الدار عليهم وماتبيش حد ايخش عليه شن ترجا فيه بيش يقتله وتقعد روحه علي ارقبته

حاتم ؛؛ شن سبب المشكله
منتصر ؛؛ والله ماني عارف
حاتم ؛؛ ما شاء الله ماشي تضرب ومش عارف
وانت ياانور
انور ؛؛ بحت في طارق لان هو بروحه مش عارف

مراد ؛؛ ماشاءالله تبارك الله ماشين اتهزو في روسكم بس مانكم عارفين من اللي غالط
طارق ؛؛ نا خاش سلام
مراد ؛؛ ﻻ نبيك
طارق ؛؛ عنديش كلام انقوله
انور ؛؛ نا سلام
حاتم ؛؛ انت عمي تعقد اليوم لما اعرفك في المشكله
طارق ؛؛ كنه مايشرفش انور ولا شنو ماهو عارف انور صاحبي يعني كيفي
حاتم ؛؛ بس انور تو خاطب ويبي ادير حوش يعني يعقل
طارق ؛؛ ياعن بوه الزاوج تمام هكي

وطلع انور وركب منتصر للشقه

مراد ؛؛ في حاجه بينك وبينها
طارق ؛ من تقصد
مراد ،؛ واضحه رجاء
طارق ؛؛ شن دخلها
مراد ؛؛ الحوش كله عرف ان موضوع فيه بنت وامك وخواتك عرفن
طارق ؛؛ ﻻﻻ مادخلش
حاتم ؛؛ قصدك رجاء اخت ايه
تي والله قالتها من اول في ان

طارق ؛؛ فوت الموضوع خلاص
مراد ؛؛ طارق نسمع حاجه والله ماتلوم الا روحك

طارق ؛؛ شن تبي ادير مثلا وبعدين كان بيني وبينها حاجه انت مش ولي امرها
مراد ؛ من قالك ان صارت مشكله
طارق ؛؛ سمعت كيف ما سمعت تبيني نعرفه امعلي صوته عليها ونسكت
مراد ؛؛ باهي تمشي تضربه
طارق ؛؛ اهااا نمشيله وانكسره اخر
البنت انحبها ونبيها ونبيها بحلال وحاكي عليها عند هلي شن عندك اعتراض

مراد ؛؛ ليش ماحكيتلي نا به
طارق ؛؛ هي ارفضت ماتبيش حد يعرف
مراد ؛؛ يعني قي حاجه
طارق ؛؛ اهااا في خلاص تمام هكي والبنت نبيها
مراد ؛؛ كان تبيها اخطبها مش ادير معها علاقه
طارق ؛؛ ماتخفش مانلعبش بيها
مراد ؛؛ به تعال انشوف يدك
طارق ؛؛ ﻻﻻ صحيت
مراد ؛؛ يااخطبها يا فوتها ماديرلهش مشاكل كان اتحبها صاح
طارق ؛؛ ان شاءالله خير
حاتم ؛؛ بس والله عندك حق تمشي تضرب الراجل البنت تستحق

مراد ؛؛ ماشاءالله انت الكبير اتقول هكي
حاتم ؛؛ هههههه البنت طرف
طارق ؛؛ تي تحشم
حاتم ؛ ههههههههههه خش خش ارقد
يا جنتل
طارق ؛؛ مراد ماتحكيش ل ايه
مراد ؛؛ تي شن قصتكم انتو اليوم
طارق ؛؛ هي مش قايله لحد
مراد ؛؛ ان شاءالله خير

وطلعو حاتم ومراد من الحوش
حاتم ؛؛ كنها غمتلك
مراد ؛؛ طارق تو اديرلي مشاكل
حاتم ؛؛ ﻻ طارق راجل وقدها ماتخفش وبعدين نا من زمان انقولك البنت تنحب وطارق امكبد فيها
مراد ؛؛ وكان خوتها يعرفو شن ايكون موقفي
حاتم ؛؛ ﻻﻻ اطمن تو نخطبوها تو قبل ماتصير مشكله كبيره

وركب مراد في السياره وتم يمشي

طارق خش دار دوش ونسي ان فونه مقفل بكل وحط راسه علي مخده وتم ايفكر في رجاء وااااجد لان تاكد من روحه ان ايحبها ومستعد ادير عاي حاجه علي خاطرها
وقعد ايفكر في كلام سراج وااااااجد وحسه واعر

ورجاء تبكي ومنهاره واتفكر فيه واترن وتلقي فيه مقفل خافت ومعش اعرفت ما ادير بحكم ان فونها سري وماحد يعرفه قعدت طول الليل تبكي وخايفه عليه

وسمعت باب الحوش انفتح
طلعت وشفت والقيت مراد
نا ؛؛بصوت واطي
وينك حبيبي متاخر تو ساعه 2
مراد ؛؛ خش للدار وبدون مايحكي وتم ايغير في ادبشه
ونا خشيت وقعمزت علي سرير وانبحت فيه
نا ؛؛ حبيبي كنك شن في
مراد ؛؛ شيء عادي
نا ؛ طارق داير عركه مع من
مراد ؛؛ مع سراج علي خاطر رجاء
نا ؛؛ هييييييييي شن
مراد ؛؛ اهاااا طلع سراج حاكي كلام مش تمام مع رجاء و الكلام وصل لطارق
نا ؛؛ ليش في حاجه بينهم
مراد ؛؛ ﻻ مافي شيء بس طارق كان عابي يخطب رجاء
نا ؛؛ به
مراد ؛؛ خلاص هذا هو رجاء ماعندهش فون صاح
نا ؛؛ ﻻ ماعندهش
مراد ؛؛ اها به
وجا رقد علي السرير وكرني شوره واضبطني بقوه وحطني علي صدره وولع دخان
نا ؛؛؛ انحبك
مراد ؛؛ هه نجك ليا
نا ؛؛ حول الدخان متاخر تو
مراد ؛؛ اشويه انكمله بس
نا ؛؛ صبيت علي ركبي وحولت الدخان من فمه وتميت انبوس فيه
مراد ؛؛ ويتي نا تعبان اوحدي ماتكثريش عليا
نا ؛؛ ههه من شن تعبان
مراد ؛ هههه تو انوريك
وقلبني علي ظهري وجا فوقي
نا ؛؛ اهااااا ظهري
مراد ؛؛ هههههه شن تبي تو
نا ؛؛ حبيبي كنك راه نافس نا
مراد ؛؛ انا قالت من الاول ماتلعبيش معي
نا ؛؛ هههههه باهي حول
مراد ؛؛ طبس عليا وتم ايبوس فيا
نا ؛؛ حبيبي نافس نا
مراد ؛؛ نبي انشوف حاجه
نا ؛؛ ﻻﻻﻻ فيش
مراد ؛؛ حبيبي نبي انشوف بيش نطمن كنك انتي اي وحده ضروري الدكتور ايشوفها
نا ؛؛ ﻻﻻ تمام نا
مراد ؛؛ كنك متحشمه مني
نا ؛؛ هكي ماتشوفش
مراد ؛ حبيبي مانا اللي ديرلك بيديا هذين ليش الحشم خلني انشوف بيش نتاكد بس

نا ؛؛ حبيبي ﻻﻻﻻ علشان خاطري ﻻﻻﻻ
مراد ؛؛ به براحتك
وحول من فوقي ورقد علي ظهر
ونا جيته ورقدت علي صدره
طبس علي راسي وباسني
نا ؛؛ حبيبي شن صار
مراد ؛؛ ……
حكلي للموضوع بس مابش ايقولي ان في علاقه بين رجاء وطارق

نا ؛؛ غريبه رجاء ماحكتليش شن صار
مراد ؛؛:رجاء ماقالتش لحد ان سراج حكي معها طارق سمعها من بره
نا ؛؛ رجاء مش عارفه بالموضوع صاح
مراد ؛؛ اكيده وماتحكيلهش انتي
نا ؛؛ حاضر

وطول رقدنا

وعينا تاني يوم مراد طول مشي للعمل مع ان مش راقد اكويس ونا قعدت مع بيده وارحيمه

ووعت اميره وحكيتلها الموضوع
اميره ؛؛ والله نا شاكه فيهم
نا ؛؛ بس رجاء عندهش فون
اميره ؛؛ عندها رجاء شايفته بس مابيتش نحكي معها وبعدين باقيه ترقد في دار وتسكر علي روحها ونا كنت شاكه دايره علاقه بس مابيتش نحكي معها قالت اكيده ماتبيش تحكيلنا لان ماتبيش ايصيرلها خيبت امل كيف زمان

نا ؛؛:معناها في علاقه بينها وبين طارق
اميره ؛؛ اكيده هو ﻻن رجاء ﻻ تطلع ولا اتخش نين اتجيب فون وشفره وتحكي اكيده طارق هو اللي جايبلها
نا ؛؛ يسترالله بس مراد قالي طارق ح يخطبها
اميره ؛؛ ان شاءالله
شن تبو غداء
نا ؛؛ اي حاجه اديره
اميره ؛؛ انديرو طاجين
نا ؛؛ به بس حمريه اكويس لان مراد ايحبه متحمر

اميره ؛؛ من اعيوني امغير خليكي علي فروخك بس
نا ؛؛ باهي تو اتشوفي افروخي صار
اميره ؛؛ اهااااا انعنهم افروخي
نا ؛؛ ان شاءالله عقبالك

وعا طارق وكان غمتله بكل خش لحمام غسل وتوضي وصلي وخش للمطبخ ولقي عمتي ادير في الغداء
طارق ؛؛ صباح الخير
عمتي ؛ صباح النور صح النوم
طارق ؛؛ نبي قهوه
عمتي ؛؛ تو انديرلك قعمز نبيك
طارق ؛؛ قعمز علي الكرسي
امي كان علي موضوع اللي امس مانبيش نحكي فيه
عمتي ؛؛ ﻻ نبي نحكي فيه لان نا وباتك سمعنا دوتكم كلها وباتك قالي اخطبيها له

طارق ؛؛ ﻻﻻ نبيش اي خطوه تو نين نتاكد من حاجه
عمتي ؛؛:البنت اكويسه ومحترمه شن تبي تعرف اخر
طارق ؛؛ امي الموضوع شوري نبيش حد يدخل فيه راه نسمع كلام هكي ولاه هكي ماتلمو الا اروحكم
نبيش اي خطوه رسميه

عمتي ؛؛ والله كان تبي تخطبها قولي بيش انكلم هلها ونا متاكده مش ح يرفضو

طارق ؛؛ هي القهوه
عمتي ؛؛ اهي
طارق ؛؛ شكرا
امي قول لهدي ماتحكيش ل محمد علي المشكله
عمتي ؛ خايفه عليها
طارق ؛ اللي هو

وطلع طارق وفتح فونه وجنا عرم رسال من رجاء كلهن بيش تطمن عليها هو غمتله ورد قفل الفون وطلع
رجاء جاها تم تسليم الرسال رنت عليه لقته مقفل غمتله واعرفت ان في حاجه صايره اقعدت تبكي اخر
ماما ؛ ارجيوه تعالي تغدي هيا
رجاء ؛؛ عنديش نيه ماما
ماما ؛؛ تي تعالي تغدي سلم ابنيتي

خالد ؛؛ رجااااء تعالي تغدي هياااا
رجاء ؛؛ باهي
وطلعت رجاء واغسلت وجها وطلعت عليهم وتغدو

خالد ؛؛ خالتي سالمه اليوم جايه هنا
ماما ؛؛ مرحبتين بيهم
وصب خالد ورجاء شالت السفره وضمتها وبرمت علي الحوش وجو عيت خالتي سالمه بعد العصر
طبعا كالعاده امل خشت وتمت اتهدرز مع خالد ودعاء خشت مع رجاء للدار

دعاء ؛؛ كنه جوك هكي
رجاء ؛؛ عارفه طارق صاح
دعاء ؛؛ سلف ايه كنه
رجاء ؛؛……….
دعاء ؛؛ حي عليك قصة حب اتجنننننن
رجاء ؛؛ ماقالتلش انحبك
دعاء ؛؛ وهو شكله ايحبك وايموت فيك
رجاء ؛؛ بكل امس صار…….
دعاء ؛؛ هييييييييييييي حي عليك وين الراجل راه يقعد قاتل سراج
رجاء ؛؛ انعنه مايرد سراج المهم عندي طارق انا تو من امس ونا نبكي وعقلي عنده
دعاء ؛؛ حبيتيه صاح
رجاء ؛؛ امس انصدمت من روحي لما عرفت روحي انحبه للدرجه هذه اتصدقي خلني ننسي سراج وسريبه بكل حبيته بدون مانحس بروحي امس مارقدت بكل من البكاء وماياستش بكل انرن عليه ومايردش بعدين مقفل

دعاء ؛؛ عليك بخت بختك كنه انصفط عليك
رجاء ؛؛ عندي احساس صاريتله حاجه

دعاء ؛؛ عارفه ياارجيوه عدي للحوش ايه ورني عليه من فون ايه وقوليله تعالي وتاكدي منه ان هو اكويس
رجاء ؛؛ قولك هكي
دعاء ؛؛ خير ماتقعدي هنا تحرقي عموما هو مش صاريلته حاجه لان كان صايرتله حاجه راه سمعنا هو اكويس بس انتي امشي ل ايه وكلميه وفهميه الموضوع كله احسن كلام فيس تو فيس احسن من فون

رجاء ؛؛ تمت تمسح في ادموعها
باهي هيا نطلعو انديرو عصريه

دعاء ؛؛ اطلعي انتي نا نحكي مع ابسيطه وانجيك
رجاء ؛؛ شن اخباره
دعاء ؛؛ قاعد اكويس يوم هكي ويوم هكي
رجاء ؛؛ عندي احساس انك ح تزوجيه
دعاء ؛؛ ان شاءالله والله انحبه شاب اكويس بكل ومستعده نرجاه لعند ماايكون روحه ونا انتخرج

رجاء ؛ هههه ان شاءالله

دعاء ؛؛ اهو درلي مشغول شكله مش فاضي

رجاء ؛: نا عليا خطر عليا طارق لما اديرلي مشغول معناتها معش نتصل به نين ماهو يفضي وايرن عليا وكان انرن عليه اخره اديرلي قصه

دعاء ؛؛ ههههه واعر

رجاء ؛؛ علي وعارته بس ايهبل شخصيه اتجنننننننن انحس فيه راجل حرش هكي مع اصحابه راجل وعنده كلمه اتصدقي مستحيل ايصبي ايرد عليا وهو مع اصحابه
دعاء ؛؛ ههههه والله طارق هذا مش ساهل
رجاء ؛: اللي خلني انحبه اكيده مش ساهل
اهي ماما اتنادي هيا نطلعو

وطلعن ولقن امل طالعه حتي هي
رجاء ؛؛:كنك غريبه
امل ؛؛ رن عليه محمد طالعله
رجاء ؛؛ باهي هيا انديرو عصريه
امل ؛؛ سجلتي
رجاء ؛؛ مازال
امل ؛؛ قالي وليد تو انسجلكن ﻻن عنده صاحبه يخدم في المعهد
رجاء ؛؛ عليك قصه وين مانمشو نلقو واحد يعرف العائله
امل ؛؛ من البخت ياحنه مش مكتبولنا ناخذو راحتنا
رجاء ؛؛ ههه انتي انخطبتي شن تبي اخر
امل ؛؛ خطرها علي الخطبه ارجيوه وراس ارجيوه اسرقي مفتاح الشقه وخلينا نركبو فوق انشوفها
رجاء؛؛ ههههههه ليش
امل ؛؛ خالد قالي ماتشوفيهش الا بعد الزواج ونا خاطري انشوفها بعد الاثاث
رجاء ؛؛ هههه وكان كبسنا
امل ؛؛ ارجيوه امتي عمرك خفتي انتي
رجاء ؛؛ هههههههه ناكلو وتو نركبو
امل ؛؛ نجك ليا
واضبطتها
رجاء ؛؛ شن خاطرك اتشوفي قولي الحق
امل ؛؛خالد شاري حاجات وحاطهن في الدولاب خاطري انشوفهن
دعاء ؛؛ عيني عينك ارواب
رجاء ؛؛ ههههههه اكيده
امل ؛؛ اهاااا
رجاء ؛؛ مايهمك شيء انركبك امغير نسرقو المفتاح بس
امل ؛؛ وينه هو
رجاء ؛؛ ماما عندها في دولابها احتياط
امل ؛؛ عارفتك مش ح اتسكريها في وجي نجك ليا

ودارن سفره خفيفه حلوه ومشن وكلن وشالن السفره ولمنها ورجاء اسرقت المفتاح واركبن فوق

امل ؛؛ اتجنننننن مش هكي بكل قايلي
رجاء ؛؛ ههههه اها شفتي صالون هذا عجبني بكل
دعاء ؛؛ ماشاءالله تبارك الله اتجننن الشقه لما حط الاثاث
رجاء ؛ شورك الدار الضيوف انتي
امل ؛؛ اها قاعد الصالون واتي بفرشته بكل حطيته في حوش جدي
رجاء ؛؛ اها تعالي انشوف دار النوم
امل ؛؛ هههه هيا ابسرعه
ياعنجده امسكر الدولاب

رجاء ؛؛ ههههه امخصل خويا
دعاء ؛؛ حي عليكن خالد جا اطلعن ابسرعه
رجاء ؛؛ اجري اجري
واطلعن من الشقه يجارن لقن خالد امصبي علي الدروج
رجاء ؛ هيييييييييي
خالد ؛ هييي صار
دعاء ؛ هههههه خالودي طيب تو ايسبنا
خالد ؛؛ وهو ايفنص فيهن
شن تبن ركبات
رجاء ؛؛ جو بس
خالد ؛؛ انزلن لوطه هيا
وانزل البنات وروسهن لوطه وخالد مسك في يدا امل
امل ؛؛ كنك
خالد ؛؛ اركبي فوق انتي
امل ؛؛ نعم
خالد ؛؛ نا قالت كلمه
امل ؛؛ بحتت في البنات
رجاء ؛؛ اركبي ياحنه راجلك هذا
خالد ؛؛ انزلي وانتي ساكته يارجاء

ونزلن البنات وامل برمت وجها وخشت للشقه وخش وراها خالد وسكر باب الشقه

امل ؛؛ هييييي خالد كنك
خالد ؛؛ علي اساس خفتي ما لوطه انسكرو في الدار علينا
امل ؛؛ فرق لوطه دار وهنا شقه
خالد ؛؛ اهاااا باهي
وقرب منها وشالها
امل ؛؛ حبيبي نزلني
خالد ؛؛ ﻻ
امل ؛؛ حبيبي كنك حي عليا نا
خالد ؛؛ حلالي وفي شقتي
امل ؛؛ طيح سعدك نزلني راه خيرلك
خالد ؛؛ شن تبي اديري مثلا
امل ؛؛ باسته علي خده
حبيبي فكني خلاص

خالد ؛؛ عادويها اخر
امل ؛؛ عيب
خالد ؛؛ حلالي عادي
ومش بها شور صاله وحطها علي كنبه
امل ؛؛ حي عليا نا حول ياخالد
خالد ؛؛ اسسسس تو انحول
ونزل عليها
امل ؛؛ اهاااا حبيبي حول
خالد ؛ اسكتي انحول
امل ،؛ حي عليا اقريب اندوخ
خالد ؛؛ احسن
امل ؛؛ حبيبي ماما تو تسال عليا
خالد؛ حول وخلها اتقعمز وحط راسه علي كرعيها

مفروض تو انتي مدام و حامل مني

امل ؛؛ نزلت راسها علي راسه
ههههه نجك ليا نصيب حبيبي

خالد ؛؛ انحبك
امل ؛؛ ونا اكتر
خالد ؛؛ القيتي الدولاب امسكر
امل ؛؛ راكبه علي خاطره القيته امسكر بس انت كيف عرفتنا ان نحن فوق

خالد ؛؛ امولعات الضيء ياغبيات
امل ؛؛ ييييييي انسينا
به حبيبي وريني شن شاري

خالد ؛؛ انوريك بس تلابسيه ليا
امل ؛؛ ياصايع
خالد ؛؛ هههههههه معناها مانيش اموريهن
امل ؛؛ هيا نبي نطلع
خالد ؛؛ باهي هيا قدامي اطلعي
امل ؛؛ خالودي
خالد ؛ اعيونه
امل ؛؛ نبي افلوس
خالد ؛؛ عليش
امل ؛؛ نبي نشري حاجات علي المعهد وماما قالتلي خطيني تو عنديش
خالد ؛؛ به تو نعطيك
امل ؛؛ عندك قول الحق
خالد ؛؛ عندي اها اطمني
امل ؛؛ متاكد
خالد ؛؛ والله عندي خلاص
امل ؛؛ نجك ليا خطرها دزلي رصيد
خالد ؛ كمل
امل؛؛ امبدري كلمتك به وانت قايلي مادزيش علي رصيد
خالد ؛، حاضر تو لما انركب بعدين اندزلك
امل ؛؛ خلاص خلينا ننزلو
خالد ؛؛ هيا
ونزلو خالد وامل وخشت امل للحوش فرحانه وخالد طلع بره
وقعدو في الحوش للعند الليل وروحو ورجاء مازالت اترن وطارق يا مقفل يا مايردش
وعت تاني يوم

رجاء ؛؛ شيلني ل ايه قبل ماتطلع للعملك

خالد ؛؛ عليش
رجاء ؛؛ امرايفه علي بيده وارحيمه
ماما ؛؛ ياريت اتشيلنا انتغدو غادي لنا كم يوم ماشفنها
خالد ؛؛ باهي وتو اروحكم بيش انشيلكم نا بروحي نبي انشوفهم القطاطيس

وخشت رجاء تجري ووت روحها وتت حتي شنطه اصغيره وحطت فيها قفطان اللي من طارق وحاجات الفون والبست السلسله امتعته وطلعو

الباب دق وطلعت اميره افتحت لان مراد في الحمام

نا ؛؛ يامرحبا
خالد ؛؛ وين القطاطيس
نا ؛؛ خالد فكني ساد مراد ايعامل فيهم كيف القطاطيس
اميره ؛؛ والله رايفت عليكم

وخش خالد ابسرعه ومسك ارحيمه
خالد ؛؛ ارحيمه صاح
نا ؛؛ قصدك ماتفرقش فيهم
خالد ؛؛ ﻻ في فرق بس نتاكد
نا ؛؛ اها هذا ارحيمه

وجانا مراد
خالد ؛؛ اوووو مراد قاعد
مراد ؛؛ عنديش عمل اليوم في الليل عندي

رحاء ؛؛ افتحت اعيونها 10 علي 10 وتفاجت وافرحت
مراد ؛؛:شن الاخبار ياعمتي
ماما ؛؛ الحمدالله
مراد ؛؛ شن جو رجاء
رجاء ؛ تمام الحمدالله
ماما ؛؛؛اليوم وعينا امريفين عليهم
مراد ؛؛ علي القطاطيس
نا ؛؛ مرااااااااد حرام عليك
اميره ؛؛ هههههههه حرقتو دمها قعمزو انديرلكم قهوه
خالد ؛؛ طالع انا
نا ؛؛ خليك
خالد ؛؛ ﻻﻻ وين عندي عمل
نا ؛ اهاااا براحتك بس الغداء هنا
خالد ؛؛ ان شاءالله مع القطاطيس هنا
نا ؛؛ اطلع ياخالد خلاص
مراد ؛؛ هههههه عيب اتلزي فيه
نا ؛؛ مايقولش قطاطيس
خالد ؛؛ ههههههههه نجيهم قطاطيس خالهم

وطلعو خالد ومراد ونا وخواتي وماما قعدنا انهدرزو لعند ماتغدينا ولمينا الحوسه ورجاء اترن علي طارق ومايردش

اذن المغرب ومشي مراد للمستشفي

وجا خالد بيش ايروح بيهم

رجاء ؛؛ ﻻﻻ خلوني انبات نا اليومين هذين وانتي روحي يااميره
اميره ؛؛ باهي ابراحتك بس ساعديها اختك راهي مريضه
رجاء ؛ ماعليك شوري
ماما ؛؛ بسلامه
نا ؛؛ سلام

وطلعو هلي وقعدنا نا ورجاء انهدرزو

نا ؛؛ ارجيوه عندك فون صاح
رجاء ؛؛ نسالك
نا ؛؛ نعم
رجاء ؛؛ طارق داير عركه صاح
نا ؛؛ اهاااا مع سراج
عركه كبيره اخر

رجاء ؛؛ هيييييي شن
نا ؛؛ ……..

رجاء ؛؛ اقعدت تبكي حي عليا نا
نا ؛؛ دايره علاقه معه
رجاء ؛؛ اهااا بس ماحكيتلش نا شن دارلي سراج

نا ؛؛ صاحبه شافكم وحكله من بختك

رجاء ؛؛؛عنديش حظ بكل نا شكله سراج قايل كلام عليا لان طارق مايردش عليا من هذاك اليوم

نا ؛؛ مالقيتي الا طارق

رجاء ؛؛ والله نا كنت رافضته بس هو فرض عليا نحكي معه جابلي فون وقالي افتحيه واحكي معي

نا ؛؛ احكي علاقتكم من البدايه
رجاء ؛؛ ياحنه ………
نا ؛؛ ووووو من وراي هذا كله

رجاء ؛؛ والله كم مره نبي انقولك بس خفتك تحكي لمراد وخفت ننحرج قدامكن كيف ماحرجني سراج

نا ؛ قولي الحق علي من خفتي علي طارق ولاه سراج
رجاء ؛ علي طارق
ويه عادي انكلمه بفونك
نا ؛ خوذي
رجاء؛ شكرا

وخذت فوني وخشت للدار الضيوف

طارق ؛؛ ايوه ايه
رجاء ؛؛ هذه نا
طارق ؛؛ شن تبي واخذه فون غيرك
رجاء ؛؛ لانك ماتردش نبي انقولك كلمتين
طارق ؛؛ هااحكي
رجاء ؛؛ تمت تبكي
طارق ؛ عليش بكاء تو
رجاء ؛ طارق نا قاعده عند ايه و مراد ماسك اليوم تعال نبي انشوفك
طارق ؛؛ عليش تبي اتشوفيني
رجاء ؛؛ تمت تمسح في دموعها
طارق عندك خيرين يااتجيني الليله وانشوفك واتشوفني وانتفاهمو يا اتجي بكره وتاخذ حاجاتك راه جيبتهن واموتيتهن وبراحتك لو تبي تنهي علاقتنا بس المهم عطيني قرارك ماتخلنيش هكي متعلقه بين نارين

طارق ؛؛ غمتله وسكر في وجها بدون مايقول حاجه

رجاء ؛؛ تفاجت من الحركه واقعدت تبكي ومنهاره
ليش ياربي عنديش حظ كني نا شن دايره

وبعد ربع ساعه
ورن فون اخر ولقته طارق
معش اعرفت روحها اترد ولا اتفوته كيف ماصكر في وجها
وفجاء لقت روحها حاطه يدها علي ال……….

يتبع

error: