مسلسل سعاده كاذبه التكملة

مسلسل سعاده كاذبه

الحلقه 41

وفعلا كلهم صبو وسيبوني 
واول ما حسيت بروحي انهرت ابكاء وقعدت نبكي حسيت روحي ولا حاجه بلاه حسيت روحي سيبت اغلي ناس ليا طلعت منىالشقهىويا ريتني ما طلعت حسيت روحي طلعت بجسدي بلا روح سيبت روحي وقلبي وعقلي عنده هو
ييييييييي يا مراد ياريتك طولت في كذبتك عليا ياريتك عيشتي اكترفي الكذبه والله احمل ايام عندي ايامي معاك ونا عايشهةمعاك في حضنك تحت اجناحك

وفجاء اتجي يد علي كتفي
رجاء ؛؛؛ويه خلاص حبيبتي
نا ؛؛ انصدمت لما سمعت صوتها وسكتت ومسحت ادموعي

رجاء ؛؛؛عدت وسكرت الباب بالمفتاح وجت قعمزت جنبي
ويه انتي تحسابيها مشت عليا انتي جايه علشان مريضه بس
نا ؛؛؛اها
رجاء ؛؛؛وكان مانعرفك راه صدقتك انتي اختي وحفظتك حفظ انتي تبكي لان صيرتلك مشكله كبيره ويه راه نفهم عليك ونا عارفه الدموع هذين ماينزلنش الا في مشكله

وكرتني شورها واضبطتني

رجاء ؛؛ احكيلي نا اختك وسرك احكي يا ويه راه نحن خوات ومالنش الا بعضنا لعند امتي تبي تقعدي هي ساكته وكتومه لعند امتي وانتي اتشيلي في قلبك احكي انطقي صرخي مافيش حاجه تستاهل انك تحرقي دمك

نا ؛؛ نحكي ونا خنقتني العبره والصوت دوبه طالع مني

ﻻ في حاجه تستاهل
لما اتشوفي حبيبك يمشي من بين ايديك تقعدي عادي انتي يا رجاء لو عرفتي سراج ح ايسيبك عادي عندك

رجاء ؛؛ انصدمت من كلامي واقعدت تمسح في ادموعها

نا ؛؛ هه شفتي ماتحملتيش بس بمجرد ان هو حبيبك بس
مش نا حبيبي وحياتي وروحي وراجلي عارفه شن راجلي راجلي يعني اقرب شخص ليا يعني سندي وستري وغطاي يعني اللي عايشه تحت اجناحه

تي والله يا رجاء ولو ايصيرلي اي موقف مانلقش احسن من حضنه نسنتر فيه هو ستري وغطاي وهو اللي ح ايدافع عليا هو عرفني وعرف طبعي وحبني بميزاتي بعيوبي
حبيبي اللي انحبه وانموت فيه اللي مانتحملش انكون بعيده عليه
وزيدي عليها ان هو اب اوليديك اللي حامل به
واعره واعره يا ارجيوه واعره نار راكبه فيا نار

رجاء ؛؛ اقعدت تبكي وتضبط فيا

ايوه نبيك هكي احكي فشي غلك ما تحبسيش في قلبك

نا ؛؛ اتصدقي خايفه نفقده وطلعت من شقته وخايفه تي والله كان ايروح ما يلقنيش ادير فيا يوم اسود

رجاء ؛؛ هيييي طالعه من وراه
نا ؛؛ هزيت راسي معناها اها
رجاء ؛؛ ﻻ يا ويه ما تقوليش هكي ليش اتكبري في موضوع هكي اكبر غلط انك طلعتي بلا اذنه

نا ؛؛ عارفه بس نا عندي نقعد هنا تحت رحمة عادل ولا انعيش في شقه انسان معش يبني

رجاء؛ ؛ قصدك هو لزك
نا ؛؛:ﻻﻻ بالعكس هو قالي هذه شقتك ومافيش اطلعو بس طاليقته بدت اتكلم فيه وادزله في رسال

رجاء ؛؛ وانتي هبله كالعاده سيبتلها المجال مفتوح هذا بدال ماتشغليه واتخليه ايحبك وينشغل فيك
خطا يا ويه جيتك خطا
ومراد لو مهم ايدير انت تستاهلي كيف تطلعي بلا اذنه

نا ؛؛ ارجيوه والله نا عارفه دايره غلط بس ها شن اندير نا معش نبي نعيش معه نا خايفه انعيش معه واتجي هي يوم من الايام

رجاء ؛؛ تي تو اتقولي انحبه وانموت فيه وماتبيش اتعيشي معه شن هذا

نا ؛؛ النار اللي طلعتني يا ارجيوه

الباب ؛؛ طق طقطقطق
رجاء ؛؛ امسحي ادموعك مانبيش ماما اتشوفك ولو جا راجلك روحي معه
القعده هنا ما تحلميش بها
لو مهم ايصير هذا راجلك وحاجتك الخاص وما اتخلي حد ايشاركك فيه غيري عليه سودي امعيشته في الشقه جافيه ما ترقديش معه شوقيه عليك بس ماتطلعيش من شقتك يا ايه من وراه وانتي مراته وحامل منه

نا ؛؛ حسيت كلام رجاء كله صاح رجاء صاح ديمه انقولو نا طايشه وعايشه بس في اوقات الجد عقلها خير من مئة عقل وشخصيتها قويه وتحكي واديري اللي تبيه بدون مااتحس حد

رجاء ؛؛:هيا ارقدي ونا خليني انشوف الباب وتو انكلم سراج ايشوفلك مراد قاعد في المستشفي صاح او لا

نا ؛؛ ﻻﻻ كذبه مني ماشي للمستشفي
رجاء ؛؛ اتزيدي في طين بله انتي

وصبت وافتحت الباب ولقتها ايمان

ايمان؛؛ ساعه بيش تفتحن
رجاء ؛؛ كنا نحكو كنك
ايمان ؛؛ امي مريضه عدي شوفيها وكلمي سراج

نا ؛؛ شن ماما
رجاء؛ ؛ وينها

ومشينا نجارو شور ماما
رجاء ؛؛ ماما فيش اتحسي
ماما ؛؛ قلبي غام قلبي غام
رجاء ؛؛ به تعالي اطلعي تنفسي بره وتو انكلم الدكتور سراج
وطلعن ماما في الجنان وقعمزنهن علي الكرسي ونا جيت وقعمزت لوطه وحطيت ايديا علي ركبيها وتميت نبكي

ماما ؛؛ بحتت فيا بعيون ملينات ادموع

سامحيني

نا ؛؛ عليش شن درتلي نين اتقولي هكي نا ما عمري زعلت منك

ماما ؛؛ نا اللي زريتك علي الزواج
نا ؛؛ باهي اللي زريتني نا نحمد في ربي لاني ازوجته
ماما ؛؛ نا عارفه انكم متعاركين
نا ؛؛ عادي اي اثنين ضروري ما يتعاركو
اميره ؛؛ خالتي فاطمه في الطريق خالي حكلها وهي كلمت هدي واعرفت ان في مشكله

ونا بحتت في اميره وفنصت

ماما ؛؛؛عارفه ياويه عارفه ماعندك عليش ساكته

رجاء ؛؛ ماما خوذي دواءك هذا
ماما ؛؛ ﻻﻻ نبيش نفطر
رجاء ؛؛ ماما انتي مريضه افطري ليس عل المريض حرج ضروري تاخذي بيش قلبك اتريح

ماما ؛؛ اميره عدي دريري الفطور ما تقعديش هكي
اميره ؛ تو وقته
ماما ؛؛ عدي مرات مراد يفطر هنا عدي ماتخليش الحوش بلا فطور

اميره ؛؛ والله ماوقته بس هيا يا ايمان انديروه ابسرعه

ايمان ؛؛ هيا
رجاء ؛؛ ويه معش تبكي اس خلاص اسكتي وصبري ماما ياهبله

ماما ؛؛ هو لزك من الشقه
نا ؛؛ ﻻ والله ﻻ

وخشت علينا خالتي فاطمه متعقد

خالتي ؛ ايه شن جيبك انتي هنا
نا ؛؛ ليش نا جايه لهلي مش دايره جنايه نا
خالتي ؛؛ ﻻ دايره طالعه بلا شور راجلك صبي البسي عبايتك وردي لشقتك قبل ماايجي

نا ؛؛ ﻻﻻ نبيش خلاص نا طلعت ونا انكمل بها طلعتي هي جت علي راسي جت

خالي ؛؛ خلوها براحتها

خالتي ؛؛ ﻻﻻ ما تخربهش انت مراه وطالع بلا اذن راجلها عادي عندك انت شن هذا وخطا اصلا انت اتجيبلها بلا اذنه

خالي ؛ تو طلع خطي نا يعني

البنت كلمتني تبكي وحالتها حاله تبيني مانجيهش شن انتي راهي ايه بنت اختي وانتي عارفه بنت اختي عيشه بناتي انا

رحاء ؛؛ خالي خالتي خلاص ماتكبروش القصه تو تنحل

خالتي ؛؛ هي اكبرت من طلعتها من وراء راجلها شن هو لزك اضربك ليش تطلعي من وراه

نا ؛؛ قعدت انشوف فيهم ونبكي ومنهاره وماما اتهدي فيهم

خالي ؛؛ خلاص مااتكثريش علي البنت علشان ولد خوك ولد خوك كان مش غالط راه ما طلعتش من شقته

خالتي ؛ عيسي انت قصدك انفضل فيه عليها تي والله انحس فيهم كيف اعيالي شن مااادرنيش غالطه كذا انت الغلط راكبك انت

رجاء ؛؛ خالي علشان خاطري خلاص ماما مريضه مااتكثروش عليها

خالي ؛؛ اقعدو فيها هنا
وطلع وخبط الباب بقوه

خالتي ؛؛ ايه ليش تطلعي ليش

نا ؛؛ خلاص نا معش نبيه خلاص كل حد في حاله هي طليقته تبيه خلاص تاخذه نا معش نبيه

خالتي ؛؛ عينك تاخذه بدال ما اتصبي ادافعي عليه امخليتها تاخذه منك يا هبله

رجاء ؛؛ خالتي نا حكيت معها وهو كان جاء خذها تو تروح معها

خالتي ؛؛ تي مفروض اتروح قبل ماايحي ويعرفها طالعه اي والله ايدير يوم اسود مراد واعر ونا عرفته وكان ما تو قالب الشقه

نا ؛؛ اديري اللي يبها نا مش ما شيه للشقه
وخشيت للحوش وخشيت للدار وتميت نبكي وجن هن وراي

خالتي ؛؛ خلونا اوحدنا كذا
واطلعن ماما ورجاء

خالتي ؛؛ شن صار
نا ؛؛ يحكي معها
خالتي ؛ شن مستحيل نا نعرفه مراد اكويس
نا ؛؛ ادزله في رسال غرام واغراء وامرايفه عليك وامرايفه علي حضنك شن هي ماتحسش ولاشنو راه نا مراته وانغار عليه

خالتي ؛؛ اتغاري اتسيبي الشقه
نا ؛؛ هو مستقبلها عادي ونا معش نبي نعيش معه خلاص

خالتي ؛؛ انتي حامل انسيتي

نا ؛؛ اساس ما قهرني الا نا حامل
معها حق عمتي ماتبنيش نحمل تو عرفتها عليش لان عارفه ولدها ح ايرد سناء وماتبيش تربطني به عيل نا عرفت قصدها كنت نحسابها ماتحبنيش بس اطلعت اتحبني واتخاف عليا

خالتي ؛؛ تي ليش الكلام هذا هذه نعمه عندك

نا ؛؛ تقريبا نزل امس

خالتي ؛؛ شن ومراد عارف

نا ؛؛ امس عطاني ابرة تثبيت

خالتي ؛؛ هه بيش تعرفي يبيك عطاك ابره تثبيت تو كان مايبيكش راه خلكي تنزفيه نين تخسريه وايسيبك وايرد سناء
ياويه وسعي بالك هذا راجلك ومفروض اتغيري عليه وماتخليش حد ياخذه منك راه والله اكويس شوفي انتي مشيتي وعشت معه وشفتيه كيف اكويس وحنون وامدلعك اللي تبيها اتجي لعندك شوفي مالكي شيء قاعده عنده جابلك فون وذهب و دبش وشقتك ملينا عز شن تبي اكثر من هكي

راجلك بدال هو ايروح ويرقد جنبك ماتخافيش منه

مهم يبرم سيوره جايك جايك انت اللي في الجار وهي اللي في العار
شوفي ايدلع فيك واول امس شراءلك عرم ارواب بيش تعرفي انه ايحبك ويبك ومازال ما شبع منك

ويه راه راجال بدال هو ايخش للمحلات وايجيب ارواب لمراته معناتها هو ايحبها وماشبعش منها ويبيها ويبها ادلعه ومايفكرش في غيره

نا ؛؛ به ليش يحكي معها
خالتي ؛؛ يحكي معها لان هي طليقته وام اعياله وهي قاعده اتحاول اترده بس انتي خليكي معه واتسيبش خليه ايشوفك ملاك بين ايده مش ايشوفك امنكده عليه خلي ينسي الدنيا لما ايخش عليك

الحق كلام خالتي ورجاء اقنعني شيء ما
وقعدت اقريب ساعه وهي تقنع فيا ان مراد اكويس وايحبني ويبني وان خطا طلعتي من شقتي

الحق نا عارفه اطلعتي خطا اساسا انا خايفه منه خايفه ايروح ما يلقنيش اديري مشكله كبيره ومن حقه

وفجاء سمعت صوت عالي

مراد ؛؛ رجاء كلميها ليا تو هنا
رجاء ؛؛ حاضر بس هي مريضه
مراد ؛؛ مادخلنيش نا تو تطلع راه انخش انطلعه من قالها تطلع من قالها

خالتي ؛؛ الله ايربحك يا مراد بشويه عليها

مراد ؛؛ تو تطلع تكسر في كلمتي صار نا قالت فيش اطلعو معناها فيش اطلعو

ونا قعدت نرعش في الدار وخايفه منه ايجني ايكرني

اميره ؛؛ اقعدت تبكي وخايفه واضبط فيا

ايمان ؛؛ وهي تبكي
ليش اتجي يا ويه ليش اتجي اطلعي شوفيه

وخشت عليا رجاء تجري
رجاء ؛؛ اطلعي قاعده اتهدي فيه خالتي وماما
اطلعي راه قالب الجنان

اميره ؛ تي باهي اللي خوتي مش قاعدين راه صارت مشكله

رحاء :؛ شن مشكله راجل ولقي مراته طالعه من وراه وهي تستاهل ما ايجيها

ماما ؛؛ الله ايربحك بشويه عليها هذه امانه عندك يا مراد وراه والله مريضه وحالتها حاله

مراد؛ ؛ يا عمتي غلط طلعتها من وراي غلط تكسر في كلمتي يعني نا قالت فيش اطلعو نا نبي نعرف من اللي جابها بس

خالتي ؛؛:اللي هو بس تو اهدي تو تطلع عليك وراهي حامل خاف عليها

مراد ؛؛ مانيش هبل نين نضربها نا تو تطلع عليا تو راه انخش انكرها

ونا صبيت نمشي والرعشه في كرعيا مش قادره نمشي واول ما شفته قدامي خفت منه

خالتي ؛؛ هيا يا عيشه خشي
وخشن هن جو
ومراد قعد امصبي وايبحت فيا وغمتله

مراد ؛؛ من اللي قالك اطلعي
نا ؛؛ ساكته ومابيتش انرد
مراد ؛؛ بصوت عالي ردي كنك ساكته ردي تي من فالك تطلعي تي ليش تكسر في كلمتي ليش نا مش قالت فيش اطلعو ليش تطلعي

نا ؛؛ قعدت نبكي و خايفه
نا معش نبيك خلاص كل حد في حاله نا في حوش هلي قاعده نين اتجيني ورقتي

وبرمت وجي ومشيت
مسكني مراد من عند يدي وقفني وبرمني

مراد ؛؛ عنديش مراه تقعد في حوش هلها يوم اللي تقعدي فيه في حوش هلك هو يوم اللي تقعدي بورقتك هنا وتكسيرتك لكلمتي والله اتشوفي عليها ياايه

نا ؛؛؛شن تبي اديري مثالا ما خلاص ما درت فيا الا واجد اتخون فيا وتبيني ننطق

مراد ؛؛:الكلمه هذه مانبيش نسمعها صكري فمك والبسي عبايتك واطلعي هيا

نا ؛؛ نبيش
مراد ؛؛ اتعاندي يا ايه صار

رجااااااااااااء

رجاء ؛؛ حي عليا ما لقي الا اسمي يناديه

طبعا هن قعدات في الجاروايبحتن فينا من عند الروشن

خالتي ؛؛ اطلعي شوفيه كنه

وطلعت رجاء علينا
رجاء ؛؛ نعم مراد
مراد ؛؛ وهو ايفنص فيا وشاد علي يدي
جيبلي عبايتها

نا ؛؛ ﻻﻻ نبيش ما نيش طالعه معاك عدي جيب سناء اللي امرايفه عليك وتبي حضن

مراد شد علي ايدي بقوه
نا ؛؛ اهااااا يدي
مراد ؛؛ صكري فمك راه ماسك روحي بالغصب
تحقيش فيا راجل ولا شنو طالعه من وراي واتعلي في صوتك عليا

ماما؛ ؛ حي عليا شاد عليها
خالتي؛ ؛ ماتخفيش والله مش ح ايديرلها حاجه نا نعرفه

مراد؛ ؛ رجاء ابسرعه جيبي العبايه

ومشت رجاء تجري

نا ؛؛ مش لابستها نبيش
مراط ؛؛ نا قالت صكري فمك شن انتي ما تفهميش ولا شنو
نا ؛؛؛قعدت نبكي ومنهاره
مراد ؛ والله يا ايه طلعتك من وراي مش ح تمشي بالساهل والله اتشوفي صار تطلعي من وراي واتعلي في صوتك ونا اتقول مانيش راجل مش مالي عينك ولا شنو

رجاء ؛؛ اهي عبايتها شنطتها

وكرها منها مراد ولابسها ليا ونا نبكي وحط الوشاح علي راسي وطلعني وركبتي في السياره

خالتي فاطمه؛؛ تي والله ايحبها شفتن كيف لابسها وطلعها

اميره ؛؛ واعر شكله مراد
خالتي ؛؛ بس حنون وتو اتشوفن واتقولن خالتي قالت
رجاء ؛؛ معه الحق ايه غالطه طالعه من وراه

ماما ؛؛ حي عليا نا فاطمه الله ايربحك امشي وراهم شوفي شن ادير فيها

خالتي؛ ؛ ﻻﻻ خليهم هو ضر ما راح ايضرها خليهم بروحهم تو لما اتجي قدامه تو يظبطها ويرضا وبعدين كنك انتي انسيتي هي مراته وماحد يقجر يحكي معه

ايمان ؛؛ تي شكله حصله بكل الا هو

رجاء ؛؛ بس راجل وايحبها ايعيط الحب في اعيونه
انتن ماشفتنش لما خش وسالني عليها كان في بدايه مشغول عليها اقريب ايموت ولما قالت اها قاعد تريح تي والله ايحبها

اميره ؛؛ ايه تنحب
خالتي فاطمه؛؛ تي لعند اول امس امطلعه للسوق وشرلها عرم دبش وساعه فضه قالتها ليا هدي
ازي والله بنات تو ما ايعبرن بكل من ابسط حاجه ينسا اللي داير فيه كله لهن

اميره ؛؛ هيا انكملو الفطور

واول ما ركبن في السياره ونا نبكي ومراد ايخبط في السياره بيده ويجري
مراد ؛؛ صكري فمك معش نبيك تبكي صكري

نا ؛؛ مانيش ساكته تجرح فيا وتبيني نسكت

مراد ؛؛ طالعه بلا شوري وتبيني ساكت نا نبي نعرف بس من اللي جابك هنا نبي نعرف من اللي ما عبرنيش وجا خذك
وانتي مش امعبرتني راجل بكل طالعه اتهدي لا اتفكري ولا شيء

نا ؛؛ لاني خلاص معش نبيك
برم مراد وجه عليا وبحت فيا وهو امرفع حاجبه
مراد ؛؛ تعرفي اتحطي يدك علي فمك ولا انسكره لكي نا

حطيت يدي علي فمي وسكتت لاني خفت منه واجد وهو قعد يجري واجد

ووصلنا للحوش ونزلنا
وشدني من يدي وخش بيا وتلقيت نا وهدي عند الدروج
وشافتني كيف نبكي ومتبهدله
هدي ؛؛ هييييي ويه كنك

مراد ؛؛ حولي من قدام وجي راه نبد فيك انتي

هدي ؛؛ مراد البنت حامل بشويه عليها
مراد ؛؛ تي خلااااااااااص سكنتوني بالكلمه هذه خلااااااص
اركبي قدامي اركبي ودفني قدامه ونا تميت نركب بشويه وهو جا ومسك يجي اخر وتم يمشي ابسرعه

نا ؛؛ اهاااا يدي يا مراد بشوي عليا

وصب بيا قدام الشقه وفتحها وخششني بقوه دفني

قبل طحت مسكت روخي قي الحظه الاخيره

وعزق مراد مفتاح علي الساس

مراد؛ ؛ نا يا ايه تكسري كلمتي وتطلعي كيف ما تحقيش فيا راجل ولا شنو نين تطلعي بلا شوري

نا ؛؛ قعدت نبكي ومشيت بسرعه للدار وقعمزت علي السرير
وهو جا وراي

مراد ؛؛ ليش تطلعي ليش
نا ؛؛ نبكي وبصوت واطي

لانك انت معش تبيني

مراد ؛؛ تي من اللي قالها من قالها تي كان نا نبيكش راه لزيتك مش انحطك في الشقه ولا انتي ملبتي مني ولا شنو

لكن واقسم بذات الله يا ايه طلعتك هذه ما راح تمشي علي الفاضي درتني خاين ومش راجل وطلعتي

نا حالفتلك وقالتلك مانخونش فيك لكن انتي امسكره راسك من امس

نا ؛؛ به ليش ادزلك في رسال غرام والغراء وتكتبلك واتقولك امرايفه عليك امرايفه علي رقده جنبك امرايفه علي حضنك

مراد ؛؛:وانتي شن عرفك

نا ؛؛ هه بيش تعرف انت هازي عليا وعايش حياتك معها من وراي
مراد ؛؛ بصوت عالي

تي شن عايش تي صكري فمك راني صايم ورايقي نشفتيه ليا

نا ؛؛ انت من كثر مانك هازي عليا عطيتني اول شفره لكم واقعدت يوميا ادزلي في رسال غرام

مراد ؛؛ شن ادزلك
نا ؛؛ من قبل ما نسمعك تحكي معها ونا في نار يا مراد انشوف في رسال ايجن لراجلي ما تبنيش انغار ما تبنيش ننجن تي افهم راك راجلي وحبيبي وانغار عليك

مراد ؛؛ وينه فونك وينه

نا ؛؛ في الشنطه
ومشي مراد للشنطه وطلع الفون منها
وفتح علي الرسال

نا ؛؛ تقرهنش تقرهنش يا مراد

وجيته نبي انكر الفون منه و هو رفع يده ونا قبل طحت وهو مسكني وقربني منه

واول ما قربت منه قعدت نبكي اخر لاني امرايفه عليه امرايفه

مراد ؛؛ ليش ساكته ليش ما قالتي راه ادزلك في رسال راه درتلها حد

نا ؛؛ تي شن الحد وانت تقولها انحبك

مراد ؛؛ والله ماقتلها انحبك وحق عالنعمه اللي فيك ما قتلها بس هذه احسابها معي
وتو اتشوفي ناقص عليا هي

ورن عليها
مراد ؛؛ ايوه ها سناء شن الرسال اللي ادزي فيهن هنا

سناء ؛؛:نعم حبيبي نا امرايفه عليك ونبي انردلك هذه كل قصه

مراد ؛؛ سناء نلقي رساله تانيه واو تتصلي بيا والله مااتشوفي خير ونا من هذاك اليوم وانا نقولك انتي كرهتني فيك كرهت روحي علشان عرفتك
اني قالتلك نلقي رنه او رساله نهارك اسود وانتي عارفتني لما اطيرلي

سناء ؛؛ نا اللي نعرفك يا مراد نحن بينتنا اعيال ونبي انلمهم في حوش واحد

مراد ؛؛ متاخره يا ابله نا تو متزوج وعندي مراه وانحبها وانخاف عليها وتقريبا انتي عارفه ان هي حامل يعني مااتفكريش اديري اي حاجه راه والله انجيك في الحوش

سناء ؛؛ وانهون عليك
مراد؛؛ هاينه من زمان
وصكر عليها

نا ؛؛ قعدت انبحت فيه ومنصدمه

مراد ؛؛ ها تاكدتي تو ان نا ما انخونش فيك
نا ؛؛ سكتت ونزلت راسي لوطه
مراد؛؛ حولي نبي نطلع
نا ؛؛ وخرت منه
وهو طلع ونا قعدت نبكي
وبعدها سمعت صوت مراد ايهزب لوطه

مراد ؛؛ تي كيف مش عارفين من جا خذها كيف ما شوفتهش وهي طالعه

عمتي ؛؛ والله ما شفتها وبعدين هي كيف تطلع من وراك
مراد؛ ما هذا كله من وراء الحقيره سناء والله احسابها بعدين

وخش عليهم عمي
عمي ؛ مراد كنه حسك عالي
مراد؛ ؛ ﻻ شيء يا باتي
عمتي ؛؛ مراته طالعه من وراه وجاي ايفش في غله علينا
مراد ؛؛ امي فكينا من الكلام هذا
عمتي ؛ جت وودرت عقلك

عمي ؛؛ خلاص مراد وينها ايه
مراد ؛؛ قاعده فوق
عمي ؛؛ وليش تطلع هي
مراط ؛؛ خلاص يا باتي جت وانحلت المشكله
عمي ؛؛ ان شاءالله

واذن المغرب

عمي ؛؛ هدي هاجر حطن سفره لخوكن

مراد ؛؛ ﻻﻻ نبيش
عمي ؛؛ ﻻﻻ خوذ الفطور كيف ماتبيش تفطر انت خوذ فطور وركبه فوق وخليها تفطر

هدي ؛؛ اهي سفره يا مراد

مراد ؛؛ خذا السفره وركب فوق وخش عليا ولاقني انصلي
وحط السفره علي طاولة الصاله وخش توضي وصلي المغرب

ونا قعدت امقعمزه علي السرير ونبكي
وجا وخش عليا

مراد ؛؛ هيا تعالي افطري
نا ؛؛ نبيش عنديش نيه
مراد ؛؛ شد علي فمه التحت وغمض اعيونه

استغفر الله العظيم
وفتحت اعيونه وبحت فيا

نا قالت صبي معناها صبي وانتي ساكته

نا ؛؛ شفت الغضب في اعيونه خفت وصبيت وطلعت للصاله وقعمزت وهو جا جنبي وقعمز وبدا ايدخن

نا ؛؛ تبيش تفطر
مراد؛ ؛ ﻻ شكرا فطرت نكد منك وحرق دم

نا ؛؛ نزلت راسي وغمتلي لاني عرفت روحي غالطه غالطه لاني ماوجتهش من الاول لو واجته راه حكلي وفهمت منه راه ماصارش هذا كله
نا نستاهل اللي ايصيرلي منه في البدايه ظلمته وجافيته وبعدها كسرت كلمته وطلعت بلا شوره

ييييييي ظلمته وظلمت روحي معه

مراد؛؛ كولي كنك اموقفه
نا ؛؛ مافيش نيه
مراد ؛؛ عليش مش عاجبتك قعدت هنا في الشقه
نا ؛؛ ﻻ مش هكي بس
مراد ؛؛ كولي ياايه كولي وانتي ساكته

وطول ما نا ناكل مراد ايبحت فيا وماحولش اعيونه بكل
نين انحرجت كملت وصبيت وشالت السفره وخشيت المطبخ ولميتها وطلعت وخشيت للدار وبجيت انلم في الدبش وايخش عليا مراد

مراد ؛؛ ايه عندك ابره
نا ؛؛:ليش
مراد ؛؛ كيف انتي مستغني علي الجنين ولا شنو

نا ؛؛؛اها به اشويه انغير بس
وطلع مراد بدون ما يحكي معي
ولا كلمه

وغيرت لابستي ولابست روب اقصير شفاف شره ليا هو جديد الحق نا لابسته كنوع للارضاء

ولابسته وجيته في صاله وهو شافني وضحك ضحكت هزو

مراد ؛؛ كنك لابستي هذا
نا ؛؛ هذا اللي القيته قدامي
مراد ؛؛ هيا تعالي صبي
وصبيت وهو عطني الابره ومسكني من وسطي واضبطني من لاوره وهمسلي في وذني

لما تعتبرني راجل صاح ومعش تطلعي من وراي في هذاك الساعه نرقد معاك لكن تو ما تحلميش ومازال ما شفتي شيء من العقاب

ونا التفت وبحتت فيه وانصدمت

مراد ؛؛ خشي وغيري دبشك مافيش منه فايده ما تحوليش

نا ؛؛ انقهرت ومشيت للدار ونا نبكي

وجا مراد وراي
مراد ؛؛ وين الفون
نا ؛؛ اهو
خذه وطلع الشفره وكسرها بالنص وحط الفون علي الزينه وطلع

وسمعنا صوت الباب ايدق طلع مراد وافتحه

هدي ؛؛ اهااا انت قاعد نحسبكش قاعد
مراد ؛؛ كنك شن في
هدي؛ ؛ قبل نبي ايه
مراد؛ ؛ ﻻﻻ فيش ايه معش في ايه هنا لا عاد تنزل ولا عاد حد يركبلها

هدي ؛؛ به انت ماشي للعياده
مراد ؛؛ ﻻﻻ مش ماشي واخذ اجازه خلاص علي العيد
هدي ؛؛:اها به ان شاءالله كل سنه وانت طيب
مراد ؛؛ وانتي طيبه
هدي ديرلي قهوه مره حطيلي في مقي كبير

هدي ؛؛:حاضر

ونزلت هدي وخش مراد ولقني امقعمزه في الدار

ومشي وقعد في الصاله وولع التي في

ونا جيت وقعمزت جنبه
مراد ؛؛ صبي خشي جو
نا ؛؛ مراد نبي انتفرج
مراد ؛؛ ﻻﻻﻻفيش حتي التي في ممنوع يا ابله
نا ؛؛:شن
مراد؛؛ اتقولي كلمه تانيه نهارك صبي خشي جو
نا ؛؛ صبيت متعقد وبديت نقرا في القران وتريحت ورقدت

واوعيت والقيت مراد راقد جنبي
شفت للساعه القيتها ساعه 3 ليل

قربت منه وخشيت في حضنه وحطيت يدي علي لحيته

نا ؛؛:حبيبي حبيبي
وقربت منه حسيت روحي امرايفه عليه وامرايفه علي قربه وبنته قربت منه وحبيته وخذيت يده وحطيتها علي وسطي

وفتح مراد وشافني كيف متقربه منه

مراد؛ ؛ تي شن اديري انتي
نا ؛؛ هيا صبي اسحر ساد في الفطور ما فطرتش
مراد ؛؛ ﻻ لا شكرا
نا ؛؛ بصوت حنون ودافي
حبيبي علشان خاطري هيا صبي كول حاجه تو هكي تنقص ونا نبيكش تنقص نبي مساحه في حضنك نا واوليدي

مراد؛؛:شن تو تبي تقلبيها ليا علي اوربي
نا ؛؛ مش امس انت اضبطتني وقالت امرايف عليك

مراد؛ انتي قالتليها امس مش اليوم بعد طلعوك من وراي

هي صبي حطيلي سحور

نا ؛؛ حاضر باهي

وصبيت وخشيت للمطبخ وبديت انوتيله في السحور
وجاني واسحر وخش رقد
ونا خشيت وراه وقعدت انبحت فيه قديش ايهبل شكله وهو راقد
حطيت راسي علي صدره ورقدت

وقعد وضعي هكي كم يوم ما يحكيش معي الا في حاجات المهمه وحابسني في الدار لا نطلع بره شقه ولا نقعد في صاله انتفرج علي تي في
وقعدت كل يوم نلابسه في روب علي اساس يرضي بس شيء راسه امسكر اتقول اتقول سوداني ميت فيه وما انديرش في فطور لان ممنوع عليا التصبي واجد وطلب مني الراحه
نا ؛؛ مراد انت خايف علي العيل اللي في بطني ومش خايف عليا
مراد ؛؛ كيف تو تبي اتغاري في العيل قبل ما ايجي
نا ؛؛:شفت لك كم يوم امجافيني وماتحكيش معي بكل امغير خوذي دواءك تعالي خوذي الابره كولي انتي حامل وممنوع التصبي واجد
يعني فيش حاجه

مراد ؛؛ لانك مش دايره خير
نا ؛؛حبيبي حرام عليك شن درت نا
مراد ؛؛ كسرتي كلمتي وطلعتي من وراي
قربت منه وخشيت في حضنه وهو راقد
نا ؛؛:اسفه حبيبي والله اسفهى
مراد ؛؛ ماتفعش
نا ؛؛؛به ها تبي تقعد مجافيني هكي
مراد ؛؛ نين تشعفي بيش مره تانيه لما تخطر عليك تطلعي تذكري الايام هذين اتقعمزي وانتي ساكته

نا ؛؛ مش ح انديرها
وقربت اخر قعدت لصقه فيه وحوت الفوطه
حبيبي شفت الروب هذا اللي شريته ليا

مراد ؛؛؛ما تحلميش
نا ؛؛ به ارضي
مراد ؛؛ ارقدي يا ايه الفجر اقريب
نا ؛؛ﻻﻻ نبي انصبي انصليه قبل
وصبيت ولابست لابست الصلاه وبديت نقرا في القران نين اذن الفجر وصليته ومشيت خشيت في السرير
وهو راقد رفعت يده وخشيت فيه خشيت بين ايده وارتخيت ورقدت

واوعيت علي صوت هرجة مراد في الدار

نا ؛؛صبيت وفتحت اعيوني
صباح الخير
والتفت مراد عليا وشافني
مراد ؛؛ صباح النور
انتي كيف ترقدي جنبي بلابستك هذه

نا بحتت في روحي مازالت لابسه الروب
نا ؛؛ هيييييي انسيت بكل
مراد؛؛ صبي استري روحك
نا ؛؛ نبيش مازالت نبي نرقد اخر ودفيت الفوطه ورقدت

مراد؛؛ استغفر الله العظيم
وغمض اعيونه وطلع من الشقه وسمعته سكر الباب بالمفتاح

وبعدها سمعت صوت الباب ايدق

هدي ؛؛ ويه تسمعي فيا حلي ابسرعه
نا ؛؛ اشويه بس
وصبيت ولابست طرف طويل ومشيت للمدخل وماالقيتش المفتاح

نا ؛؛ هدي امسكر عليا الباب وطلع

هدي ،؛ صاااح باهي شن صار فيك شن دارلك

نا ؛؛ مادارلي شيء بس عرف ان سناء ادز في رسال كلمها وهزبها

هدي ؛؛ تستاهل به وانتي لعند امتي ان شاءالله امسكر عليك

نا ؛؛ امتي ما ايحن عليا
هدي ؛؛ حنني قلبه عليك وتلابسي وديري ميك اب
بكره قالو عيد راه بيش تنزلينا

نا ؛؛ صااااح والله خلاص اكدو
هدي ؛؛ اها اكدو خلاص كيف انتي ما اتفرجيش علي التي في
نا ؛؛:ههههه ﻻﻻ حتي هو ممنوع
هدي ؛؛ هههههه شنى هذا حبس ولا شنو

نا ؛؛ههعهههعههههههه هذا اشر
به فرحتني علي العيد الحمدالله والله ماخاطري نفطر اخر انحس في روحي تعبت واجد

هاجر ؛؛ ههههه كنكن تحكن من وراء الباب

هدي ؛؛ حابسها
هاجر؛ ؛ ههههههه تستاهلي ماقالك حد تطلعي من وراه
نا ؛؛ باهي به يا هاجر تو اتشوفي امغير ينطلق اصراحي بس

هاجر ؛؛ راه عمتي ساكنه اترن قالت شوفنها

نا ؛ صاااح

هدي ؛؛ اها هي اللي خلتني نركبلك من كثر ماهي سكنه تبي تعرف شن صار معاك

نا ؛؛ قوليلها تمام وخليها اطمن ماما وقولي راه مراد يعطي فيا في اباري تثبيت وتو وضعي تمام

هدي ؛؛:قصدك قبل نزل
نا ؛؛ اها قبل بس مراد لحق عليا

هاجر ؛؛ تي ياعنجده وخلاص تي والله ايحبك ياهبله وانتي معش تطلعي من وراه وهذا كله ماهو عاطي فيك طريق لوطه
هدي ؛؛ من كتر ماهو خايف عليها ختي الفطور ماايخلي فيها اديره

نا فرحت حسيت روحي عندي راجل ايخبني صاح تو هو راقيله مني ايحبتي وايخاف عليا

هاجر ؛؛ عدي ضمي شقتك ووتي روحك يا وجه الكشايف ومعش تطلعي من وراء راجلك

اساس انا شفتك علي كم مره نبي نمسكك بس انتي طلعتي بسرعه
هدي ؛؛ ياريتك مسكتيها

مراد ؛؛ ماشاءالله تبارك الله الابلات ديرات مواعيد هنا

وكلنا انجمدنا
هدي وهاجر تمن مرتبكات
مراد ؛؛ كنكن امصبيات هنا فيش تحكن

هدي ؛؛ ﻻ شيء بس نطمنو عليها بس
مراد ؛؛ ان شاءالله طمنتي
هاجر ؛؛ خافت وانزلت تجري
هدي ؛؛ عمتي اترن عليا قالتلي اطمني عليها
مراد ؛؛ ﻻﻻﻻ قوليلها قالك مراد مازالت ما قعدت قاتل

نا ؛؛ سمعت الكلمه مسكت ضحكتي من وراء الباي

وبعدها شمعت كرعين هدي يجارن علي الدروج

وفجاء فتح مراد الباب بقوه ولاقني امصبيه
مراد ؛؛ ضربتيها ليا مواعيد ولاه شنو

وخش ونا نمشي وراه

نا ؛؛ مراد عطيني فونك انكلم خواتي
مراد ؛؛:عنديش فون
نا ؛؛ وين شفرتك
مراد ؛؛ قاعده شن تبي فيها
نا ؛؛ به حطها في فوني وخليني انكلم هلي حرام ماما منشغله عليا حرام لها كم يوم

مراد ؛؛ مش تو بعدين
نا ؛؛ امتي باهي
مراد ؛؛ في الليل
نا ؛؛ به

ومشيت من احذه وفتحت الطرف ونا نسلح فيه
مراد؛ ؛ بصوت عالي
استغفر الله العظيم

نا ؛؛ هههههه انسيتك بكل
وخشيت للدار نجري وحولت ولابست توته شورت و كت طبعا حتي هي جديده منه ودرت شعري استشوار
ومشيت للمطبخ نبرم عليها بشويه بشويه

نين اذن المغرب ونزل مراد وجاب الفطور وجا
وجيته هجوم

نا ؛؛ جيعانه اليوم
مراد؛؛:قصدك اليوم صايمه
نا ؛؛ ﻻ فاطره بس جعت وكان خاطري في حاجه مالحه
مراد ؛؛ به جيبلي ميه

وجبتله ميه وفطرنا ولميت السفره وبخرت وخشيت درت ميك اب ودرت روج فوشي فاقع اللي ايحبه مراد وحطيت العطر وطلعت عليه

وهو مقعمز جيت ورقدت علي المخده اللي علي كرعيه
وهو قعد ايبحت فيا ومستغرب
مراد ؛؛ كنك شن في
نا ؛؛ شيء جيت نبي انتفرج معاك
مراد ؛؛ مش قالت ممنوع

صبيت وحولت المخده وقعمزت علي اكراعه

نا ؛؛ حبيبي خلاص لعند امتي وانت تقعد اتعاقب فيا
مش حبيبتك انهون عليك نا

والله انحبك والله رايفت عليك يا شيني وقربت منه

مراد ؛؛؛ غمض اعيونه ووخر مني

صبي حيبلي الفون بيش انحطلك الشفره اتكلمي

نا ؛؛ حاضر
وصبيت وجبت الفون وجيت قعمزت جنبه

وطلع مراد الشفره وركبها في فوني وولعها

مراد؛ ؛ تبي رقم من
نا ؛؛؛رقم من عندك
مراد ؛؛ في رقم تقرببا امتع ايمان
نا ؛؛ به رن عليها

نا ؛؛:الو ايمان
ايمان ؛؛؛ اهلا ويه كنك مقفل
نا ؛؛ نبي انغيرها شفرتي
ايمان ؛؛:به ها شن صار مراد شن قالك
نا ؛؛ ﻻ شيء قاعدين جونا تمت
وبحتت فيه وابتسمت
مراد طلع دخان وولعه
ايمان ؛؛ يعني جوك تمام فيش اي حاجه
نا ؛؛ تمام الحمدالله شن اخباركم انتو
ايمان ؛؛؛اكويسين الحمدالله نسالو عليك عند هدي قالت مااجيرش في فطرو انرفعو فيها لها علشان مريضه والحق تريحنا لان عرفن هكي ان مراد مهتم بيك
نا ؛؛ اها اكيده يهتم بيا مش نا مراته وحبيبته
مراد ؛؛ يحكي بصوت واطي
وتطلعي من وراي
نا ؛؛:بحتت فيه وضحكت
ايمان؛ ؛ امس كنا عند خالتي سالمه شايلن عيدية امل
نا ؛؛ اوووو عليك جو فاتني اميره مشت معكم
ايمان ؛؛ اكيده هي الاوله مع ان عادل مانع بس خالد حكي معه وقال ماهي اتجي هنا ومايمسكوش فيها وحطين فيا ثقه معقوله اتردها لخالتك وماتخليش اميره تمشي
وهكي ياحنه مشينا وضربنها في 2 عيدية اميره وامل
نا ؛؛؛وانتي اعربك جو
ايمان ؛؛ اها جو اول امس جابولي اسورة ذهب وحطلي احمد افلوس قالي اشري دبش عيد بس وين دبش نبي نطلع نشري حاجه لبتاتي خلاص
نا ؛؛:اها به يعني اموركم تمام
ايمان ؛؛؛تمام التمام اخر مامت مش قاعد كان هذا راه عطيتك تحكي معها
نا؛؛ ليش وينها
ايمان ؛؛ عند جيرانا عندهم كنتهم جايب واليوم اسبوعه
العقبال عندك
نا ؛؛ ان شاءالله اجمعين
ايمان ؛؛ صكري صكري احمد في الانتطار
نا ؛؛:هههه به سلام وسلمني علي الكل
ايمان ؛؛ سلام سلام

وصكرت و بحتت في مراد
مراد ؛: ها اطمنتي تو
نا ؛؛:اها اطمنت بس مازالت في حاجه نبي انديرها
مراد ؛؛ شن هي

صبيت وجيت علي اكراعه وقعمزت وانسدنت علي صدره وكأني بيبي اصغير في حضنه

وهو ايبحت فيا وقرب مني وغمض اعيونه وجا تحت وذني

نا التفت عليه وشفت كيف امرايف عليا حبيته

مراد ؛؛ هز راسه وفتح اعيونه
حولي

نا ؛؛ نبيش نبي نقعد هنا
مراد ؛؛ نبيش اندفك حولي انتي بروحك احسن
نا ؛؛ مانيش نا هذا مكاني ونبي نقعد هنا

مراد ؛؛؛………….

يتبع

error: