مسلسل سعاده كاذبه التكملة

مسلسل سعاده كاذبه

الحلقه 50

رجاء ؛؛ ازي والله مافيكن وحده اصليه بكل صبي يا هاجر تو نمشي معاك نا

هاجر ؛؛ هيييييي تحكي جد انتي
رجاء ؛؛ لاعندي راجل خايفه منه لاشيء هذين معتوهات امسيباتك تبكي

حنين ؛؛ صبن امشن ابسرعه قبل ما ايجي شيء حد ولاه المحل ايسكر

خالتي فاطمه؛؛ اها صبن ابسرعه

هاجر ؛؛ هيا هيا
وصبت هاجر ولابست عبايه واطلعت هي ورجاء ويمشن في الشارع وخايفات بس رجاء كانت دايره روحه ماتخافش

هاجر ؛؛ خايفه
رجاء ؛؛ ﻻﻻ امغير ابسرعه راه شلة الشباب هذوم يبدو ايعاكسو

وخشن للمحل بسرعه وشرن الشاش وسمعنا صوت
واحد امصبي وراهن

….،،، ماشاءالله تبارك الله

هاجر ورجاء خافن وماقدرنش يبرمن اوجوهن من الخوف اللي ركب فيهن

هاجر ؛؛ ﻻﻻﻻﻻﻻﻻﻻ ماتقوليهش
رجاء ؛؛ عظم الله اجرنا

….؛؛ تعالي هنا تعالي
والتفتن ولقن طارق امصبي عند الباب وحاط يده علي جنبه ويده التاني متكي بها علي الباب وامفنص واعيونه طالعات منهن الغضب

بحتت هاجر في رجاء وحكتلها بصوت واطي وهي ترعش

هاجر ؛؛؛بيش اتحزي باهي

رجاء ؛؛ بحتت فيها
قصدك انعيطو بيش شيء حد ايحز

طارق ؛؛ مطولات ان شاءالله

هاجر ؛؛ اشهد ان لا اله الا الله واشهد ان محمد رسول الله صلى الله عليه وسلم

وجاها طارق ومسكها من كتفها وكرها

طارق ؛؛ تشهدي صار عارفه روحك

هاجر ؛؛ ﻻ اراديه تمت تبكي
رجاء ؛؛ انفجعت وقربت منه وتمت اتفك في يد طارق

هييييي انت البنت عروس حول يدك

طارق ؛؛ بحت في رجاء بتفنيصه
صكري فمك راه نبدا فيك انتي

رجاء ؛ هي انت من تحساب روحك سيب البنت

طارق ؛؛ دف هاجر قدامه بيش تطلع من المحل
امشي قدامي راه والله انكسرك وانخيك عروس متكسره

هاجر ؛؛ خافت وتمت تمشي
ارجيوه جيبي الشاش معاك

طارث ؛؛ صكري فمك ياحقيره وامشي وانتي ساكته
وبرم وجه ولقي رجاء اتكر في الكيس ومشت تجري قدامه شور هاجر

طارق ؛؛ وهو متعقد
امشي يا ارجيوه امشي

رجاء ؛؛ هذا شن ادير
هاحر ؛ تو يقتلن بس
رجاء ؛؛ بس يعني امشي امشي ياخوافه وحق ربي ايدير حاجه انكشف به مش عرفتني نا

وجتها خبطه علي ظهرها نين دفتها قدام قبل طاحت

هاجر ؛ هييييييييييييييييييي
افطني لروحك

وبحت رجاء في طارق

رجاء ؛؛ هي انت ما تمدش يدك شن اتحق فيا

طارق ؛ صكري فمك وامشي راه ايجيك واحد تاني

رجاء ؛؛ سايبه املاه اتحق فيا احترم نفسك ومعش تلمسني

طارق ؛؛ انتي شكلك قليلة ادب
ومسك يدها وتمه ايكر فيها
وبحت في هاجر

امشي قدامي يا فرخه من امتي تطلعي من ورانا انتي

رجاء ؛؛ تي اطلق مكسورتك حو
طارق ؛؛ التفت عليها و هو امنفصه

مكسورتي تو انوريك مكسورتي شن هي

وشاد عليها اكتر

وخطمو علي شلة شباب

الشاب ؛؛ طارق وسع بالك
طارق ؛؛ صكر فمك راه انجي انفش غلي فيك انت
الشاب ؛؛ ﻻﻻ عدي عدي مربوحه

طارق ؛؛ عجبكن يا فرخات الجو هذا ماه

رجاء ؛؛ ما انت اللي درته الجو هذا

طارق ؛؛ انتي فرخة…….

هاجر ؛ طارق هذه اخت ايه اس عيب
طارق ؛ عارفها مانيش غابي فيها

رجاء ؛ بحتت فيه واضحكت
مش عارفه روحي مشهوره هكي

طارق مسك ضحكته ودفها قدام وتمت تمشي جنب هاجر
طارق ؛؛ احسابكن في الحوش

وهو قعد لاوره وماسك ضحكته

وخشن لجنان ولقن نحن نرجو فيهن
وهن اوجهن صفر والخوف في اعيونهن

هدي ؛؛ من كبسكن
هاحر ؛؛ فنصت فيها

وخش طارق وراهن

هدي ؛؛ ﻻﻻﻻﻻﻻﻻﻻ طيح سعدكن

طارق ؛؛ تعالن هنا وين خشيتنا تجارن
وكان متعقد بكل

هدي ؛؛ انتشرن ابسرعه

وخشينا كلنا نجارو حتي خالتي فاطمه تمت تجري معانا شور المطبخ الخارجي

طارق ؛؛ تعالن تعالن هن راه والله انخش انكسركن

هدي ؛؛ حي علينا تو ايكشف بينا قدام العرب
اميره ؛؛ تي شكله اجرام انتي امبدري وتدعي واتقولي ان شاءالله مايشوفهن

هدي ؛؛ اكتر حد واعر في الحوش يضرب بلا عقل

قعد طارق ايبخط في الباب

طارق ؛؛ تو الفرخات الاثنين اللي كانن بره يطلعن تو

وكلن بحتن فيهن

هاجر ؛ تي بعدها يقعد عزاي مش فرحي

هدي ؛؛ عليك حظ اسود ماطبيتنا الا فيه هو هالمجنون

رجاء ؛؛ تو نطلعه نا مانيش خايفه منه اصلا يقدرش يضربني

هاجر ؛ امغير صكري فمك انتي ما اضربك علي ظهرك نين طلع قلبك قدام

اميره ؛؛ هههههههههههههه طق فيك

رجاء ؛؛ من البخت

خالتي فاطمه؛؛ تو نطلع نا اسكتن بس ووتن ادومعكن بيش اديرن ادرما

هدي ؛؛ بعدك نحن حامير ما خشين الا هنا بيش ايزرنا

وطلعت خالتي فاطمه وهي بروحها ترعش خايفه علي البنات

خالتي؛؛ طارق وسع بالك كنك انت

طارق ؛؛ تو يطلعن هن قدامي
خالتي؛؛ خلاص فوتنها وحده عروس تو فرحها وتو تفتك منها والثانيه مش شورك

طارق ؛؛ يحكي بصوت عالي ومتعقد

شن عروس العروس انكسرها علي طلعتها من ورانا واخر ما لقت ما تمشي الا للشارع الاوره امعبي شباب

وجتهم الهام
الهام ؛ بالاستغراب
وينهن
خالتي؛؛ اها خشي خوذي منهن في المطبخ

وخشت الهام ولقتنا امصبيات ونرعشو
الهام ؛؛ لقكم طارق
هاجر ؛؛ هزت راسها وهي تبكي
الهام ؛؛ قاعده اتهدي فيه عمتي
هدي ؛؛ تي هذا ثور ما يهدا

اميره ؛؛ الهام خوذي الشاش وخشيه للصبايا ولعي صوت الاذاعه تو يسمعو الصوت

الهام ؛؛ باهي هاتي
اميره ؛؛ تو نطلع معاك كني انجيب لروحي هزيبه
وصبت اميره وطلعت هي والهام ولقن طارق امصبي قدام المطبخ وخالتي اتهدي فيه واتشرب فيه في الميه

طارق ؛؛ تعالي تعالي من هذه
خالتي فاطمه؛ عيب يا طارق مش شورك هذه
طارق ؛؛ معهن في الجريمه صاح
خالتي فاطمه؛؛ تي هذه اخت ايه

ومشن بسرعه وخشن للحوش ولعن صوت الاذاعه

خالتي؛؛ خلاص عدي في حالك يا طارق عيب عليك ليا ساعه ونا انهدي فيك

طارق ؛؛ عمتي نا مش متحرك نين انشوفهن هنا قدام خلقتي

خالتي؛؛ وحده عروس كيف تبي تضربها
وتاني مش شورك

طارق؛؛ مش شوري تو ماهي جيتنا هنا تحترمنا ما تطلعش من وراء خوتها ومن ورانا ونا متاكد انها طالعه من وراهم بس نا مش ح انمشيلها لها بيش مره تاني كان ما اتحترمش خوتها تحترمنا نحن الا قاعجه في حوشنا

رجاء ؛؛ ﻻﻻﻻ هذا زودها واجد تو نطلعله

هاجر ؛ يقتلك
رجاء ؛؛ عينه
وطلعت رجاء عليه

رجاء ؛؛ بصوت عالي

هي انت معش تحكي عليا هكي شن اتشوف فيا قدامك

صبا طارق وقرب منها وخالتي جت بينتهم تجري

وجاهم حاتم

حاتم ؛؛ طااااارق
طارق ؛؛ التفت شوره
حاتم ؛؛ خلاص
طارق ؛؛ طالعات من ورانا
حاتم ؛؛ به انت شن تبي ادير مثلا خلاص فوتهن وهاجر احسابها معي نا

طارق ؛؛ ياحاتم…
حاتم ؛ انا قالت خلاص سيبت البنت تمشي
طارق ؛؛ بحت في رجاء بتفنيصه
امشي باهي والله احسابك بعدين

رحاء ؛؛ مش قعدتلك اصلا

ومشت رجاء تجري جو للحوش

وخش علينا حاتم

حاتم ؛ امشن خشن جو وتعالي هنا ياهاجر نبيك

ومشينا نا و هدي للحوش وهاجر مشت مع حاتم ودمعتها علي خدها

وشافنا طارق
طارق ؛ مراد وينه
نا ؛؛؛مش قاعد
طارق ؛؛ به

………
الهام ؛ كلمت حاتم نا
هدي ؛؛ نقضتي الموقف قبل صارت مشكله كبيره بينه وبين رجاء

الهام ؛ ربك سترها
نا ؛؛ وين رجاء
الهام ؛؛شفتها خشت للحمام

نا ؛؛ اها به

وكملنا تغليف الدبش وجت هاجر وكانت تبكي حتي هي شكلها

هدي ؛؛ شن صار
هاجر ؛؛:قالي كلامك نين كرهت روحي وبعدها قعد يضبط فيا وايسكت فيا

عمتي ؛؛ الهام هيا حطي العشاء

الهام ؛؛ هيا هيا ياعمتي
هيا تعالن انحطو

وبدينا انحطو ايخش علينا مراد ولقني انحط

مراد ؛؛ ها حطيتنا
الهام ؛؛ هيا تعالو خذو السفر
مراد ؛؛ وين حمادي
نا ؛؛ مع ايمان جوا
مراد ؛؛ معش نبي لمار بره
نا ؛؛ انخشش فيها امغير هي اعناد
الهام ؛؛تي حتي رتاج زايطه خليهن

وخش طارق وهو راقيله

طارق ؛؛ وينك يا مراد
نا ؛ انصدمت وخفته يحكي ل مراد وتميت انفص فيه
مراد ؛ كنك هذه جيتي نا

نا ؛؛ مراد هيا شيل السفره
مراد ؛؛ هاتي
وشال مراد السفره وطلع

طارق ؛؛ عمرها طويل الفرخه هذه

الهام ؛؛ طارق فوت خلاص
طارق ؛؛ والله اندمها علي طلعتها

غاده ؛؛ علي طلعتهن صاح

طارق ؛؛ اختك وينها ياايه
نا ؛؛ جو
برم وجه وطلع

وتعشينا وكملنا العشاء والناس كلها روحت
ورجاء وهي طالعه مع هلي شور السياره شافا طارق امصبي قدام الحوش

نزلت راسها بسرعه واركبت مع خالد

خالد ؛؛ شن الاخبار
ماما ؛؛ تمام ماشاءالله عليهم دبش بنتهم حاجه

اميره ؛ حتي خوتها عطينها هدايا طرشيق امغير مراد بس ماسك الصاله وشارلها اسورة ذهب
وحاتم الكبير شوره الصالون بالفرشه والطاوله والتحف ومنتصر عطها افلوس شرت بيهن الالات الكهربائيه

ايمان ؛؛ نقانهم افلوس
ماما ؛؛ قولن ما شاءالله
ايمان ؛؛ حتي نا نبي هكي راه

خالد ؛؛ تي انتي بذات ما تطلعي نين اتفلسي باامي
ايمان ؛؛ دخلنيش نا قالت نبي عرم دبش مش كيف ايه

اميره ؛؛ غمتلها من ايمان وفنصت فيها
ايمان ما تقارنيش روحك ب هاجر هاجر حالتهم الماديه متريحه وخوتها صبولها وحالتهم متريحه وباتها وامها برواتبهم فرق بينا وبينهم

ايمان ؛؛ نقاني نبي كيفها اليوم طرشقت علي حاجاتها

رجاء ؛؛ تي حتي ذوقها حلو اصلا مش كيف ذوقك

خالد ؛؛ خلاص انزلنا وانتن اتعاركن

وخشنا البنات للحوش ايمان اقعدت تحكي علي الدبش واجد لماما لان تبي كيفه ماما ندمت روحها لانها مشت وشافت الدبش لان ماتقدرش هي طلعها هكي

وخشت عليهن اميره

اميره ؛؛ ايمان ماتاكليش كبد امك خلاص قدري الوضع اشويه
ماما ؛؛ والله يابنيتي اللي نقدر عليه انديره
ايمان ؛؛ نجك ليا ياماما ايوه هكي

اميره ؛؛ ايمان تقعديش انانيه راه ماما عندها مناسبه تانيه خاطي فرحك
ايمان ؛؛ بس نا هذا حقي نبي بتات سمح

اميره ؛؛ ان شاءالله خلاص خشي ارقدي وراك مدرسه بكره

وخشت ايمان للدار ولقت رجاء متغطيه بالفوطه طول عرفتها تبكي

ايمان ؛؛ مازالنا علي الموال هذا
رجاء ؛؛ وهي تبكي
صكري فمك وتمرقدي
ايمان ؛؛ تو ينفعك هو عايش حياته وانتي قاعده كل يوم اتبكي علي خاطره

رجاء مدت يدها علي الكمودينه اللي جنبها وخذت الساعه وعزقتها علي ايمان

ايمان ؛ اهااااااا عطك كسره
رجاء ؛؛ بيش اتصكري فمك

ايمان ؛؛ هالمريضه اللي انعاني فيها
رحاء ؛؛ يافرخه راه انصبيلك
ايمان ؛ اس اس احمد ايرن
رجاء ؛؛ ازي خوافه ردي ردي وقوليله يطلعك من الفصل اخري باهي

ايمان ؛ وانتي ما تغفلي علي حاجه
رجاء ؛ المدرسه كلها تحكي عليكم

ايمان ؛؛ خشت تحت الفوطه ودارت صوت حنون وردت علي احمد

ايمان ؛؛ ها حبيبي
احمد ؛؛ وينك طولتي
ايمان ؛؛ كنت مع ماما نحكو علي البتات
احمد ؛؛ ها شن اعجبك
ايمان ؛ ايجننن ياعمري حاجه روعه
احمد ؛؛ نا طلقتك تمشي علشان انتي تبي اتشوفي الدبش بس

ايمان ؛؛ حبيبي جبت الدار
احمد ؛؛ اها اليوم كنت في المعرض والقيتهم جايبنها
ايمان ؛؛ اهااا
احمد ؛؛ مش عندك امتحان بكره
ايمان ؛ اها قريته قبل مامشيت وبكره ح نوعي بدري انراجع فيه الا تو ماعندي نيه

احمد ؛؛ اهااا شن كلماتك ابله نجمه اخري

ايمان ؛؛ درهتلي كبدي قالتلي خطيبك في الحوش هنا استاذك ومعش نلقاك امصبيه معه

احمد ؛؛ حكت حتي للمدير ودارت جو شين

ايمان ؛؛ اصدقت فيها امل قالت حسوده وحقوده واقريب اتموت علشان جينا السنه هذه مخطوبات

احمد ؛؛ هههههه امل و رجاء اندرس عليهن ومش امعبرتني بكل في الحصه علي كم مره نبي نفصل عليهن وسكتت وياريت اتقولي ل امل معش اتجيب الفون
ايمان ؛؛ ماتجيبش فيه
احمد ؛ لا اتجيب فيه اليوم طلعته في حصتي وشفتها تكتب في رساله

ايمان ؛ اللي لونه احمر
احمد ؛؛ اهااا
ايمان ؛؛ تي مش فونها فون صحباتها امغير عطتها لها لان عارفه انت مش ح تكلمها حكتلي هي

احمد ؛ باهي عاد مش عيني عينك هكي في الحصه امطلعته شن جو رجاء
ايمان ؛؛ قاعده راقده

رجاء ؛؛ ﻻﻻﻻ نسمع فيكم
ايمان ؛؛ هههههه سمعتها
احمد ؛؛ سمعتها الاسبوع الجاي عندهن امتحان
ايمان ؛؛ ديره واعر ياحبيبي
رجاء ؛؛ ﻻ والله ﻻ جيبه ساهله راه ماده سامطه ماحوتني نفهمها

احمد ؛؛ مش منها من الهدرزه واليزا اللي تاكل فيه

ايمان ؛؛ تاكلي في ليزا في الحصه

رجاء ؛؛ تي البنت اللي قدامي مدتلي الكيس وكان فيه طشه نا بديت ناكل واحمد فطلي طول

احمد ؛؛ تاكل وامشرعه فمها ماتبنيش انحقها

ايمان ؛؛ ههههههههههههههههه
حبيبي مره تانيه ادير اي حاجه طلعها راه مش اختي

احمد ؛؛ والله مانقدر اخت الكبيده
ايمان ؛؛ نحك ليا
احمد ؛؛ به خلاص ارقدي وديري منبه بيش اتراجعي مانبيش عاد ايقولو مراته ماتجيبش في الدرجه

ايمان ؛؛ تي والله نا اللي خلني نقرا صاح هي ابله نجمه
اتصدق جتني وقالتلي كيف اتوافقي وانتي مازالتي تقري في الثانوي واصغيره

احمد ؛؛ نجمه هذه تو شيء يوم انديرلها مشكله داره كبدي من السنه اللي فاتت وهي امدقق فيا

ايمان ؛؛ فوت حبيبي
احمد ؛؛ به انتلاقو بكره تصبحي علي الخير
ايمان ؛؛ وانت من اهله
احمد ؛؛ هاتي عاد ضروري نطلب
ايمان ؛ وهي اتوشش
انحببببببببك و……..
احمد ؛؛ انموت فيك سلام

وصكرت ورقدت ايمان وقعدت اتفكر في بتاتها

رجاء ؛؛ اسمعي
ايمان ؛؛ كنك
رجاء ؛؛ امتي فرحكم
ايمان ؛؛ ممكن الصيف هو خلاص شبه واتي حتي دار النوم جابها اللي وسيته عليها

رجاء ؛؛ الناس اخر حاجه تشريها

ايمان ؛؛ ما اللي اخترتها نا وهو شرها قالي بدال افلوسي قعدات وعجباتك انحطها في الشقه ونفتك

رجاء ؛ ياعيني وخلاص منكم
ايمان ؛؛ مش امبدري قالتي تمرقدي وكنتي تبكي

رجاء ؛؛ انحس في ظهري بكل
ايمان ؛؛ كنك
رجاء ؛ من خبطت الحمار اللي امبدري دقلي خبطه نين قلبي قبل طلع قدامي

ايمان ؛ قصدك طارق
رجاء ؛؛ قولي الحمار
ايمان ؛؛ وكيف خليته يضربك
رجاء ؛؛ متوحش نقدرش عليه وضربني في الشارع تي يالله القيت جهد نمشي من الضربه نا

ايمان ؛؛ حتي انتن طالعتكن خطا
رجاء ؛: البنت اتبكاء ماتحملتش والدنيا كلها قالت لا

ايمان ؛؛ اهاااااااااااا اثوبت وحطت يدها علي فمها
به هيا تصبحي علي الخير
رجاء ؛؛ وانتي من اهله

ايمان ؛؛ بيش اتلمي الساعه اللي كسرتيها
رجاء ؛؛ تو ضروري تختميها بهزيبه مني يعني

وجاء الصبح ووعت ايمان بدري وتمت اتراجع ووعت رجاء ولمت الدار وغيرن دبشهن وجتنهن الحافله ومشن

واول ما خشن لقن امل قاعده ترجا فيهن

رجاء ؛؛ صباح الخير
امل ؛؛ صباح النور ايمان ممكن طلب
ايمان ؛؛ شن
امل ؛؛ عارفه كان اتجيبلنا الامتحان من احمد تقعدي اصليه
ايمان ؛؛ معقوله
امل ؛؛ والله امس كسدت عليها الماده ما فهمت حاجه
ايمان ؛؛ بس عارفته ايقولي لا نا بروحي اليوم عندي امتحان عند صاحبه وماعمره دارلي واسطه

شن جا هو

امل ؛؛ ﻻﻻﻻ وانتي ديمه امسكرتيها

رجاء ؛؛ نجمه جت هيا خلاص

امل ؛؛ اقريب تقهرني المراه هذه والله خاطري انكسرها كيف ما اتكسري في نعيمه تحتك

رجاء ؛ ههههههه ليا زمان عليها نعيمه معش تنزل من يوم هزيبت مراد
امل ؛؛ افتكيتو

ابله نجمه ؛؛ اااااامل رجاااااء امتي تسكتنا ان شاءالله

امل ؛؛ بصوت واطي
يانعن مرض يركب فيك
رجاء ؛ هههههه

ابله نجمه ؛؛ تعالي تعالي هنا انتي وهي

رجاء ؛؛ تو من الصبح هكي مشاكل والله ماعندي نيه
امل ؛؛ خشي بقلب قوي

ابله ؛؛ امتي اتشرفن هنا ياابلات

رجاء ؛؛ امشي قدامي

ومشنا وصبتهن ابله نجمه علي الساس وكملنا الرياضه وقالن النشيد واركبن الطالبات وامل ورجاء مازالن امصبيات في الساحه

ابله ؛؛ به ان شاءالله شن اللي تحكن فيه من الصبح

رجاء ؛؛ امس كان عندنا تغليفة دبش قريبتنا وقالتلها شن شرت بيش حتي هي تشريه واتجيبها لخوايا لان فرحها اقريب خلاص

ابله ؛؛ قعد وجها ايتخضر ويصفر لان اعرفت ان البنات اكبرن ويبن يزوجنا وان القطار اقريب ايفوته قصدها فاتها

امل ؛ اضحكت وخبطت رجاء من جنبها

ابله ؛؛ اس انتي ليش الضحك

رحاء ؛؛ ها انخشو ياابله ورنا امتحان

ابله ؛ خشنا واخر مره نلقكن تحكن

وخشنا البنات يجارن

امل ؛؛ معقوله تحكي هكي
رجاء ؛؛ تي عرفتها نقطة ضعفها الزواج هذا عليش حكيت هكي
امل ؛؛ هههههه تقدري هيا خشي

ومشي جوهنا في المدرسه عادي
وروحنا وتغدنا ورقدن طول

ورنيت علي ايمان
نا ؛؛ وينكن
ايمان ؛؛ رقدات
نا ؛؛ ونا نرجا فيكن هيا تعالن تو
ايمان ؛؛ كنك
نا ؛؛ تي اليوم تلبسيه الشقه كنك انتن ونا نرجا فيكن بيش تمسكن العويل وهاجر ترجا في رجاء واميره

ايمان ؛ باهي حس اميره تستشور هيا تو انشوفهن لكي ونا جيبلي لمار وحمادي هنا تو نمسكهم هنا نا وماما

نا ؛؛ به تو ايجوك مع خالد
ايمان ؛ احسن نرجا راه
نا ؛؛ سلام

وصكرت وقعدت نحرق في الشقه وحابسه لمار معي

لمار ؛؛ اعميمه نبي ننزل
نا ؛؛ الحوش امعبي ماعندك وين تنزلي تو ايجي ياخذك خالد
لمار ؛؛ انعدو حوش امي عيشه
نا ؛؛ اهااا ان شاءالله شوفي حمادي مازال راقد

لمار ؛؛به

وخش عليا مراد
مراد ؛؛ وين هالسماحه
نا ؛؛ ههه سماحه نجك ليا

وخشت لمار

لمار ؛؛ اعميمه راقد راه
نا ؛؛ باهي طلعي لابستك عدي

مراد ؛؛ شن تبي اتشيلها معاك

نا ؛؛ ﻻﻻ نقدرش بعدها نقعد نجري وراها ونحن شالين دبش نبو انفرشو تو ايجن اميره ورجاء توا ولمار وحمادي ح يمشو مع خالد للحوش

مراد ؛؛ تبي اتحطيهم هند هلك
نا ؛؛ ها حبيبي ضروري يمشو مانقدرش انخليهم هنا مش ح انتريح عليهم الا غادي

مراد ؛؛ باهي براحتك اللي اتشوفيه

وسمعنا الباب ايطق ومشي مراد يفتح
هدي ؛؛ وين ايه
مراد ؛؛ جو اتوتي في روحها
هدي ؛؛ هييييي مازالت
وخشت هدي عليا في الدار ووراها مراد

هدي ؛؛ كنك طولتي
نا ؛؛ تي مازال بدري
هدي ؛؛ وين اميره ورجاء
نا ؛؛ تو ايجن توا
هدي ؛ باهي هيا ابسرعه راه الحوش امعبي وهاجر مرتبكه بكل وخايفه

مراد ؛؛ به تو اتنزل خلاص ما تركبيش عليها

نا ؛؛ نزلي لمار وحمادي معاك تو ايجي خالد ياخذهم

هدي ؛ باهي وخذت حمادي معها وانزلت معها لمار
ونقعدت انغير

نا ؛؛ حبيبي سكرلي السوسه
وبرمت وجي وعطيته ظهري

مراد ؛؛ حلو جاي عليك
نا ؛ هههههه لان هذا ذوقك يعني
مراد ؛؛ امبينك بيبي وحامل
نا ؛ هههههههه
مراد ؛؛ فيش كعب طبعا
نا ؛ نا بروحي اقصيره وانت اتقصر فيا اخري
مراد :؛ ههههه صحتك اهم
نا ؛؛ لبسني لبسني ذهب

وهو ايلبس فيا خشن علينا خواتي
نا ؛؛ جيتنا
اميره ؛؛ سامحنا مانحسبوكش هنا
مراد ؛؛ لا عادي خشن
نا نازل ياايه نرجا فيكن لوطه

نا ؛؛ به
ونزل مراد

رجاء ؛؛ مازالت ما درت ميك اب
نا ؛؛ ديري بسرعه اميره انزلي لهاجر شوفيها
اميره ؛؛ باهي عارفه وليد ماحوته قالي باهي علي المشيه
نا ؛ غريبه وليد
اميره ؛؛ قالي عرب برنيه وانتن خذيتن عليهم واجد وعيب
نا ؛؛ بيش هاجر تقتلكن تي والله امس هاجر فرحانه بيكن وقالت ياريتني نعرفكن من زمان خاصة انتي يا رجاء

رجاء ؛؛ خطرها حصلت ضربه
نا ؛؛ ﻻﻻﻻﻻ

وكملنا ونزلنا والقيت الحوش امعبي والعيون كلهن عليا وطبعا كالعاده ايقارنو فيا ب سناء

حنين ؛؛ ايهبل قفطانك امطلعك اتجنننني
الهام ؛؛ اها بكل

نا ؛؛ تفضليه
الهام ؛ من وين ايخش فيا

عمتي ؛؛ حنين ايه الهام تعالن نبيكن

ومشينا لعمتي وخششتنا للدار

عمتي ؛؛ اسمعنا نا كلمتكن لاني حاطه ثقه فيكن ردن بالكن من كلام هكي ولاه هكي ماتخلنش حد يحكي بصوت عالي واعيونكن مفتوحات وافطنن للعرب شن ايحطن وكل وحده فيكن تقعد في مكان مش اتخشن كلكن في مكان واحد انتشرن وتصرفن بشويه

هاجر ؛؛ كنك ياماما
عمتي ؛؛ انفطن فيهن راه شيء حد ايحطلك شيء حاجه
هاجر ؛؛ دار النوم شور اميره ورجاء نا قالتهن ما تخلن حد ايخش معاكن

حنين ؛؛ وبه ليش هالعالم ماشي

هاجر ؛؛ الله غالب هذين عاداتنا ونا من الاخير نبيهن اميره ورجاء

وبيبو الرجاله وقالو هيا

عمتي ؛؛ هذه مية رقيه بيش اتبخنها
الهام ؛؛ حاضر ياعمتي ماعليك

وطلعن والقيت رجاء تلابس في جاكه اقصيره

نا ؛؛ ماشيه هكي بجاكه

رجاء ؛؛ اها خير من العبايه لاني لابس جينز
اميره ؛؛ حتي نا ماعجبتنيش اللبسه الجينز ضابط والجاكه اقصيره ولابسه كعب

رجاء ؛؛ دبشي ونا حره فيه هيا اطلعن

وكلنا طلعن وهاجر كرت رجاء
رجاء ؛؛ تي اهاااااا
هاجر ؛؛ بيش اديرلي جو رومانسي في الدار والمطبخ لما ايكملنا

رجاء ؛؛ حاضر تو اوتيلك حتي حاجاتك
هاجر ؛؛ راكي تنسي

رجاء ؛؛ حاضر وكان تبي انديرلك كاميرا اخري

هاجر ؛؛ ههههههه ﻻﻻ كاميرا ﻻﻻﻻ ستر الله باقي

وطلعنا نا واميره وركبن في السياره
مراد ؛؛ وين رجاء
اميره ؛؛ تو تطلع شفتها تحكي مع هاجر

وطلعت هاجر لجنان وشافت قدامها طارق

طارق ؛؛ ماشيه حتي انتي
رجاء ؛؛ ان شاءالله

و طلعت رجاء وتمت ادور في سيارتنا
جاها طارق وكره

طارق :؛ انتي بايعه روحك ولا شنو
هذه لابسه تلابسيه
ورجاء اتبحت فيه ومنصدمه
وركبها في سيارته
وشاف مراد ان رجاء اركبت في سيارة طارق

مراد ؛؛ تي شن ركبها غادي هذه
نا ؛؛ من
مراد ؛؛ رجاء تو انعدي انجيبها
ونزل مراد ومشي شور سيارة طارق وشاف رجاء راكبه لاوره وقدام خالتي فاطمه

مراد ؛؛ تعالي اركبي معي
طارق ؛؛ خليها مش ح تقدر تنزل
مراد ؛؛ عليش
طارق ؛؛ خليها الشارع امعبي يا راجل

وشاف مراد للرجاء ولقها دايره ميك اب واضح ومش لابسه خمار ولابسه جاكه تعقد ومشي وركب

نا ؛؛ وينها
مراد ؛؛ كنها مش لابسه خمار ليش طالعه هكي طارق ركبها في سيارة هي اللي اقرب

وبدينا نمشو وهدي واميره ديرات جو من لاوره
طبعا لابسات خمار وعيشات الجو

وانشوفو في رجاء قاعده في سيارو طارق وخايفه لان طارق ايمتع

رجاء ؛؛ ووووو عليا مازالت نبي انعيش نا بشويه

خالتي فاطمه؛؛ ركبتلي السكر يا طارق بشويش
طارق ؛؛ اسكتن الشباب ايبحتو
رجاء ؛؛ وراسك نبي حياتي والله ماما مازالت تبيني والله ووووووووووو عليا

طارق ؛؛ فيش حد تاني يبيك
رجاء ؛؛ وووووووووو عليا حي عليا ايش نبي جايه معاك

وتم يجري طارق اخر
ونحن مراد تما يجري وراه نين جينا جنبه

مراد ؛؛ بشويه يا طارق معاك صبايا

طارق ؛؛ امعلي صوت الاغاني

نسمعش فيك شن

مراد ؛؛ ههههههههه بشويه بشويه

وخطم منتصر يجري حتي هو
مراد ؛؛ جا الهبل الاخري
اميره ؛؛ هههههه عليك جو
هدي ؛؛ كان طارق ايمتع اخري

نا ؛؛ حبيبي ما دققش معهم
مراد :؛ نا عقلي في اللي ركبات مع طارق

ووصلنا للحوش ونحن نبيبو وكلنا نزلنا ماعاد سيارة طارق وصاحبه ايمتعو

خالتي فاطمه؛؛ يا طارق خلاص عيب قدام الناس
طارق ؛؛ ماتنزلنش اصبرن
خالتي فاطمه؛؛ كنك
طارق ؛؛ في هانم هنا لابستها مش تمام بكل والشارع امعبي

رجاء ؛؛ وانت شن دخلك
طارق ؛؛ راه نبرم عليك
رجاء ؛؛ كذا خطاني اني نازله
وجت تبي تفتح باب ولقت مراد قدامها

خذها ومشها بسرعه بيش ماحد اينابشها

وخشينا وبدينا انحطو الدبش وكان الجو ايهبل بكل وكملنا
نا ؛؛ رجاء فكيني من المشاكل امشي اركبي معانا فكيني من مراد
رجاء ؛ اصلا كنت اندور فيكم بعدها طارق هو اللي كرني وركبني

وطلعنا كلنا وركبنا مع مراد
وطارق لما شاف رجاء اركبت معنا تعقد
وجن بنات عمه واركبن معه

طارق ؛؛ كنكن ما ركبتنا مع خوكن
البنات؛ نبوك انت
طارق ؛؛ وحده فيكن اتعيطن نهاركن

وروحنا والقينا هاجر تبكي وحالتها حاله
ونا واميره ركبنا طول وبديت انغير دبشي
ورجاء قعدت لوطه وتمت اتهدرز مع هاجر وتحكيلها علي الشقه
وجت بنت عمهم
بنت عمهم ؛؛ معليش شن اسمك انتي
رجاء؛؛ بحتت فيها برفعت حاجبه معاجبهش اسلوب البنت

رجاء

بنت عمهم ؛؛ اها شن تعرفي طارق انتي

رجاء ؛؛ نعرفش
بنت عمهم ؛؛ وليش امبدري شدك وركبك في السياره

رجاء ؛؛ مش عارفه عدي اساليه هو

بنت عمهم ؛؛ اها به تو انشوف

ومشت البنت
رجاء ؛؛ كنها هذه
هاجر؛؛ تبي طارق
رجاء ؛؛ وهو
هاجر ؛؛ طارف ماايحبش بنات العائله كعلاقه ايبحب ايهدرز ايبصر بس علاقه لا

رجاء ؛؛ صدق والله

هاجر ؛؛ تعالي نبي ناكل في المطبخ الخارجي

رجاء ؛؛ هيا بعدك نا بروحي جيعان درنا جو ابرستيج وما كليتش غادي

هاجر ؛؛ هههههه عطك دا تعالي هيا

ومشن واطلعن بره وبدن ياكلن

جيت نا واميره
نا ؛؛ جيعانه جيعانه بمعني الكلمه غداء ماتغدينا من هاجر هذه

هاجر ؛؛ ههههههه تو اتشوفي

نا ؛؛ كلمك اسامه
هاجر ؛؛ ﻻﻻ قاعد مع اصحابه يشرو في دبشه

نا ؛؛ اها به

رجاء ؛؛ ماحتي حد خش علينا هنا تو انحول الجاكه

نا ؛؛ بكره نبي انحني تقريبا كان اتخلو لمار وحمادي عندكم احسن

هاجر ؛؛ مادزتش عليهم سناء
نا ؛؛ ﻻﻻ
هاجر ؛؛ عليك حقاره مفروض دزت عليهم علي الفرح عارفتك حايسه

وخشت علينا الهام
الهام ؛؛ سناء ونعرفها ديرتها مكر بالعني

هاجر ؛؛ ازي عليك براده
اميره ؛؛ عادي نحن قعدات نمسكو اهو اليوم ماسكتهم ايمان وماما
والله مانحسو فيهم الا اعيال ايه

هاحر ؛؛ عارفه ياعمري بس ذوقيا تاخذهم

رجاء ؛؛ فوتي اميره رني علي خالد ايجينا

اميره ؛؛ رنيت عليه وقالي ح نتأخر مش فاضي طالع مع جماعة

رجاء ؛؛ ييييي عليا بعدك عندي واجب

نا ؛؛ تو انقول مراد ايروح بيكم
رجاء ؛؛ ياريت والله تو
نا ؛؛ به تو نطلع انشوفه

وطلعت والقيت مراد امصبي في الجنان وايدخن ويحكي مع طارق
نا تقربت منهم

نا ؛؛ مراد
مراد ؛؛ نعم
نا ؛؛ نبيك اشويه
مراد ؛؛ خشي جوا تو انجي

وخشيت وقعدت نرجا فيه وجاني

مراد ؛؛ نعم حبيبي
نا ؛ وقربت منه ومسكت سوريته من فوق وتميت نحكي بصوت دلع

حبيبي بكره نبي انحني نا

مراد ؛؛ نا مش قالت فيش تحني

نا ؛؛؛حبيبي مش انت اتحبها وغاليه عليك

مراد ؛؛ به وكان انا اهم شيء عندي صحتك وصحة الجنين والحنه مش اكويسه

نا ؛؛ ﻻﻻ نا نعرفها الحنايه لما انقوللها ان نا حامل تو اديرلي حنه فيهش مواد كيميائية واجد

مراد ؛؛ رفع حاجبه
وبه
نا ؛؛ يعني بكره نبي انحني ونا مش فاضيه والعويل شفت اليوم كيف متريحين قاعدين غادي عند ماما وايمان ويلعبو وجوهم سمح

مراد ؛؛ ويتي اختصري في طلبك هيا

نا ؛؛ هههههههه نجك ليا

نبيك اتشيل خواتي للحوش واتخلي العويل ايباتو غادي عندهم لان بكره نا مش فاضيه ونا مانطمنش عليهم الا عندهم

مراد ؛؛ بس تعب لامك هكي
نا ؛؛ ﻻﻻ نا متاكده من ماما اتسكر عليهم في باب واتخلي فيهم يلعبو جنبها وتو نا قالت ل اميره رقديهم جنبك انتي

مراد ؛؛ مع اني مش راضي واجد بس خلاص كانك موافقه به
نا ؛؛ نجك ليا
واضبطته
مراد ؛؛ ههههه نجك ياهبلتي تو انتي حامل ليش النطه هذه
نا ؛؛ لاني انحبك
مراد ؛؛؛نا انموت فيك بس تو في وحده جو تبي قرصة وذن
نا ،؛ من
مرلد ؛؛ رجاء طارق متعقد منها قال امبدري اطلعت وتمت تبرم والشارع تم ايبحت فيها وكرها وركبها

نا ؛؛ اها
مراد ؛؛ لابستها مش تمام بكل امبدري
نا ؛؛ هي تبي هكي
مراد ؛؛ خلاص عدي قوليلهن هيا

نا ؛؛ هيا انوتي دبشهم بس
وجيت نبي نمشي
وكرني مراد واضبطني وباسني
مراد ؛؛ طالعه حلوه اليوم نحبك ياكبيدتي
نا ؛؛ اعيونك اللي حلوه
مراد ؛؛ طبس اخر عليا وباسني في رقبتي بوسه كبيره
نا ؛؛ خلاااص
مراد ؛؛ امشي بسرعه

ومشيت
بسرعه للبنات والقيتهن كلهن ايبحتنا فينا

هاجر ؛؛ الله الله علي الرومانسيه ياعيت خويا
نا ؛؛؛قصدكن كنتن اتفرجنا

اميره ؛؛ وذبنا معاك
نا :؛ والله ماتحشمنا وحده اتشوف في خوها والتانيه اتشوف في اختها

هدي ؛؛ انتي قربت عندك ياهاجر الدوه فيا نا واميره ورجاء كيف ايصير

رجاء ؛؛ يشكرو فيه الليم
هدي ؛؛ ياخيتي حامض
رجاء ؛؛ حطي سكر عادي
اميره ؛؛ هههههههههه سخيفات برسمي

الهام ؛؛ الله حتي نا اللي متزوجه ذوبتوني يا عيت مراد

هاجر ؛؛ وعدي كلمي حاتم خليه اديرلك اشوية رومانسيه

نا ؛؛ والله ماتحشمنا اميره رجاء هيا راه تو نركب انجيب دبش للعويل وانجي

اميره ؛؛تو انجي معاك

رحاء ؛؛ نرجاكن هنا ماعندي وين متحركه

الهام ؛؛:هيا راه بنات عمكم وغاده قعدات جو وغمتلهن
هاجر ؛؛ عليش
الهام ؛ اللي هو تعالنا خشنا

رجاء ؛؛ عدن خلاص ونا تو نرجا ايه واميره في الجنان القدامي

هاجر ؛؛ باهي سلام

وخشنا البنات ورجاء البست الجاكه امتعتها
وهي اتبطم وتمشي شور الجنان القدامي اتشوف طارق امصبي ويحكي فون وهايم

رجاء عجبها الموقف وجا في عقلها تحرق دمه كيف ما حرق دمها امس

وهيا قربت وطارق يحكي ومش فاطن حد وراه

وجاته خبطه علي الظهر قويه

طارق انصدم والتفت ولقي رجاء

رجاء ؛؛ هذه اللي امس شفت بيش مره تاني تحترمني
طارق ؛؛ قعد منصدم وسكر الفون

وهو امرفع حاجبه
كنك انتي فيش اتحسي من امس حركات مش تمام وتجلطي قول مانك لقيه راجل ايسكرلك فمك

رجاء ؛؛ لان فعلا عنديش راجل وبعدين عليش انسكر فمي تي اللساني هو اللي واخذني حقي

طارق ؛؛ قرب منها وجاي يبي يمسكها
وهي وخرت بسرعه

وجينا نحن

اميره ؛؛ هيا ارجيوه

طارق؛؛ بحت فيا
ايه متاكده ان هذه اختك

وبحتت فيه رجاء ومنصدمه

اميره ؛؛ سؤال واعر الحق

نا ؛؛ ان شاءالله
طارق ؛؛ مش شورك بكل
جالطه واعناد وتسكير راس تحلفي عليها اتشاديه

اميره ؛؛ هههههههههه قويه اتشاديه هذه
نا ؛؛ ههههههههههه لا من ناحيه هذه صاح

رجاء ؛؛ به يا ايه تو اتشوفي

وطلعنا البنات وروحنا

ونا خشيت للحوش ومشي جونا
وركبت للشقه الا ساعه 2 القيت مراد راقد جيت ورقدت جنبه

ومشينا تاني يوم للحنايه نا وهاجر وحنينا وماروحنا الا ليل خليت العويل ايباتو اخر عند هلي

وجا يوم الحنه الصغيره وعينا من الصبح علي جيت السياق والحوسه
هذاك اليوم تعبت واجد نا بكل
ﻻن فرشنا الجنان كله بيش ايقعمزنا فيه الصبايا

ما كملنا الا في العشيه ركبت للشقتي ادوشت واستشورت شعري ودرت ميك اب ولابست جلبيه خليجيه وطلقت شعري
واذن المغرب وصليته
ونزلت
والقيت الجنان امعبي

غاده ؛؛ ايه تعالي معنا نبو انقدمو عصير
نا ؛؛ هيا هيا

وخشيت عليهم في المطبخ الخارجي

الهام ؛؛:تي وين ياصقع ياخليجي
نا ؛؛ نجك

هدي ؛؛ كلا انتي محظوظه اخر وحده شرت دبش وانتي احلي و اكتر دبش فينا

نا ؛؛ انتقام من مراد علشان طول ما شالني للسوق

وفجاء اتخش علينا سناء

غاده ؛؛:هيييييييييييييي سناء جيتي

ونا التفت وشفتها

سناء ؛؛ معقوله انهلب فرح هاجر خيتي هاجر

هدي ؛؛ انعنك ماتغيبي

وسلمت علينا كلنا
ومشينا تمينا انقدمو في العصير وشكولاطه وجو هلي وكانت معهم لمار وحمادي

طبعا اميره امكسده علي لمار وديرتلها تسريحه اتجننن وامحنيتها
كلنا تفجانا لما شفنها

سناء ؛؛ كيف هذوم وين كانو

غاده ؛؛؛عند هلها من اول امس

سناء ؛؛ وكيف اتشيلهم غادي واتبيتهم نا قالت حوش هلها لا
تو نمشي انتفاهم معها هالحقيره

وجتني سناء ونا امقعمزه في الجنان نرجو في العشاء بيش انحطو

سناء ؛؛ ممكن نسالك
نا ؛ استغرب جيتها
تفضلي
سناء ؛؛ كيف العويل يمشو للهلك

نا ؛؛ عادي نا ماكنتش فاضيه وشلتهم غادي

سناء ؛؛ ﻻﻻ مش من حقك ياابله اتشليهم انتي ازوجتي مراد بيش تقعدي عليهم مش بيش اتحطيهم عند هلك

نا ؛؛ انصدمت من كلمتها وجيت نبي نردى
سمعت صوت جاي ايهزب

رجاء ؛؛ ﻻﻻ ياابله هي مش جايه علشان اتربي العويل هي جت لان تبي مراد وازوجته وعلشانه هي مستعده اتربي عويله

سناء ؛؛ شوركن عاد طولت اللسان والجلاطه وقلة الادب

رجاء ؛؛ احترمي نفسك خير
سناء ؛؛ تي والله ما نقعد سناء كان ماخربت عليك وانخليك تندمي انك حكيتي معي هكي

رجاء ؛؛ طيري هيا

نا ؛؛ فكينا منها خلاص
رجاء ؛؛ انتي عاد ديمه زامطه اللسانك طلعيه وهزبي اشويه وخوذي حقك

نا ؛؛ خلاص فوتي

وحطينا العشاء وتعشو العرب كلهم وتعشينا وجت هاجر وكان منظرها ايجننننننننننن متغيره واتهبل
وكانت لابسه قفطان

تمينا اندربكو وبعدها صبيت نا والهام انديرو نسكافي وحلويات
صبت معانا رجاء وهدي

وبدينا انديرو
سمعنا نا ورجاء صوت وحده تبكي ومعها واحد وراء المطبخ

بحتنا في بعضنا وانصدمنا

رحاء ؛؛ من
نا ؛؛؛ماسمعتش الصوت
رجاء ؛؛ تعالي تعالي انشوفو
نا ؛؛ ﻻﻻ فكينا
رجاء ؛؛ تي تعالي
وكرت يدي ومشينا بشويه علي اصابع كرعين

وبحتنا والقينا ……………

يتبع

error: