مسلسل سعاده كاذبه التكملة
مسلسل سعاده كاذبه
الحلقه 42
وصكرت و بحتت في مراد
مراد ؛: ها اطمنتي تو
نا ؛؛:اها اطمنت بس مازالت في حاجه نبي انديرها
مراد ؛؛ شن هي
صبيت وجيت علي اكراعه وقعمزت وانسدنت علي صدره وكأني بيبي اصغير في حضنه
وهو ايبحت فيا وقرب مني وغمض اعيونه وجا تحت وذني
نا التفت عليه وشفت كيف امرايف عليا حبيته
مراد ؛؛ هز راسه وفتح اعيونه
حولي
نا ؛؛ نبيش نبي نقعد هنا
مراد ؛؛ نبيش اندفك حولي انتي بروحك احسن
نا ؛؛ مانيش نا هذا مكاني ونبي نقعد هنا
مراد ؛؛؛ مش معش تبيه وطلعتي وسيبتيه
بحتت فيه برمت وجي عليه ونا امقعمزه عليه
وحطيت ايديا ورا ارقبته وحطيت راسي علي راسه
انحبك والله انحبك
مراد ؛؛ سكت وايبحت فيا
نا ؛؛ خلااااص اسفه والله اخري مره انديرها
مراد ؛؛؛غمض اعيونه
صبي خشي جو في الدار
نا ؛؛؛نبيش انصبي وقاعده هنا ودير اللي تبيه مادخلنيش بيك
وخذيت يده وحطيتها علي بطني من لوطه علي البيبي
امرايف علي حضنك
مراد ؛؛؛انتي اللي درتيه الجو وتحملي العواقب
نا؛؛ حبيبي ليا كم في العقاب خلاص
شن انت مش امرايف ولاه شنو ولاه معش نعجبك ومعش اتحبني
مراد ؛؛؛ساكت ومره مره ايغمض في اعيونه مايبيش ايبحت فيا
نا ؛؛ لفيت ايده عليا واضبطته
امرايفه عليك امرايفه علي راجلي وحبيبي
وحبيته بوسه طويله وحلوه
حسيت بحاجه شدت عليا من لاوره واضبطني بقوه وقعد ايبوس فيا
وصب وهو شيلني ونا امسكه فيه بيدايا وكراعيا وامضبطته
مراد ؛؛ علي شن بالزبط امرايفه
نا ؛؛ عليك علي حضنك
مراد ؛؛ اهااااا بس
نا ؛؛ انحبك
وحطني علي السرير وجا فوقي
مراد ؛؛؛ماسك روحي بالغصب وانتي تدحنسي عليا
نا ؛؛ عليش تمسك في روحك
مراد؛؛ رايقيلي منك
نا ؛؛ لعند امتي وتقعد امجافيني
مراد ؛؛؛نين تشعفي
نا ؛؛ شعفت خلاص
مراد ؛؛ عارفه المره هذا مشيتها لكي لكن مريضه واصغيره واول مره اديره بس مره تانيه انقطعك تقطيع
.نا ؛؛ انهون عليك
مراد ؛؛؛اها اتهوني لما ماتسمعيش كلامي
ونزل عليا وباسني علي خدي بعدها نزل علي ارقبتي ونا دايخه وفي حاله
امرايفه عليه امرايفه
نا ؛؛ اهااا حبيبي
مراد ؛؛ صار تطلعي صار
ونزل علي ارقبتي بقوه
نا ؛؛ اهااااا تي فيش ادير انت
مراد ؛؛ اسسسسس
ونزل وحول ………….
ومشينا في خبر كان
ونا راقده علي يده
نا ؛؛ حبيبي اول تعاملني هكي بالعنف
مراد ؛؛؛بيش تشعفي
نا ؛؛ ههههه علي هالحال تو ديمه نطلع
مراد ؛؛ نهارك بعدها
نا ؛؛ انحبك
مراد ؛؛ انحبك والله نا اللي انحبك والله طيرتي مني مئه جن لما تميت اتهربي مني وماتحكيش معي والله عرفت روحي انحبك صاح لما معش حكيتي معي عرفتك انك محفوره حفر في قلبي ولما ماالقيتكش في الشقه تعقدت وخفت عليك مني والله خفت انا مجنون وعصبي ومانعرفش نصرف لما ترقالي وانتي درتي اكتر شيء ينرفزني
نا ؛؛ والله حتي نا طلعت وخفت منك اساس مش عارفه كيف طلعت
مراد ؛؛ اخر مره ياايه اديرها
نا ؛؛ حااااضر
وحبيته
وصبيت ومراد كرني وطحت عليه
مراد ؛؛ فيش تصبي خليك هنا
نا ؛ نبي ندوش
مراد؛؛ نا نبيك خليكي
نا ؛؛ هههه ياصايع
مراد ؛؛ شن فيها صايع مع مراتي وحلالي
نا ؛؛ انحبك
مراد ؛؛ انموت فيك
تي والله ح اتشوفي والله ح انتعبك اليوم نين تكرهيني
نا ؛؛ فيش مراه تكره راجلها وهو ايعامل فيه احسن معامله
مراد؛؛:ديمه اللسانك حلو وامعذبني تعذيب وقلبك الطيب اقريب ينهني عليا نا مفروض نعرفك من زمان
نا ؛؛ ههه انجيك فرخه
مراد؛؛ علي اساس مش فرخه تو
نا ؛؛ شايله فرختك
مراد ؛؛ هههههه نجك ليا تو بعد العيد انشيلك للعياده
نا ؛؛ ليش
مراد ؛؛ امرايف عليه ونبي انشوفه
نا ؛؛:نجك ليا
مراد ؛؛ خليك هنا نبي انعدي ناخذ حاجه حلوه
نا ؛؛ ههههه نجيبلي معاك
مراد ؛؛ ماتحركيش من هنا خليك هك كيف مانتي
نا ؛:ههههه صايع عدي
مراد ؛؛ صب مراد وجاب عصير وحلويات وجاني
وشربني العصير وتم ايوكل فيا
نا ؛؛ حبيبي اتحسس فيا بيبي
مراد؛؛:انتي بيبي نا امرايف عليك يا شينه وانتي اتلابسي وتغري فيا ونا ماسك روحي بالغصب
نا ؛؛ غمضت اعيوني
وحكيت بنبرة صوته
استغفر الله العظيم
مراد ؛؛ ههههههه باهي صار اتعلقي عليا باهي تو اتشوفي
وحول العصير والحلويات وحطن علي الكوميدنه وجاني
نا ؛؛ ههههه حبيبي
مراد؛؛ غمض اعيونه
استغفر الله العظيم
ونزل عليا
ورحنا في خبر كان
مراد ؛؛ حبيبي ويه صبي هيا
نا ؛؛بصوت بيبي
ساعه كم حبيبي
مراد ؛؛ ساعه 6 صبي هيا عيد
نا ؛؛ فتحت اعيوني ونا منفجعه
تي كيف رقدنا ساعه كم نحن
مراد ؛؛ علي اللي رقد نا مارقدتش بكل
نا ؛؛ ليش
مراد؛؛ انشوف في الملاك اللي قدامي اللي امرايف عليها اللي حرمتني منها
نا ؛؛ انحبك
مراد ؛؛ امس معش تحمتلي رقدتي طول وغمزلي
ونزل وباسني علي خدي
هيا صبي ديري دوش بيش تنشطي
نا ؛؛ ههه حاضر هيا
ولفيت علي روحي الفوطه وصبيت
مراد ؛؛:ههههه تحشمي تو يعني
نا ؛؛ هههه اشويه اشويه
مراد؛؛ قرب مني وحط يده علي بطني
اول مره انشوف بطنك طالع اشويه امس
نا ؛؛ هيييي قصدك كابره
مراد ؛؛ حاجه بسيطه مش ملحوظة نا بس انشوفها
نا ؛؛ اهااا
مراد ؛؛ربي يحفظك ليا ويحميك ليا ولوليدي اللي امقيديني
نا ؛؛ ههههه هذا كله وامقيدك
مراد ؛؛ هههه اكيده ما شفتي شيء
هيا خشي
وخشيت لحمام وشفت روحي انفجعت
نا ؛؛ هييييييييي مراد شن هذا
مراد ؛؛ بره وسمعني
هههههههههههه كنك
نا ؛؛ فتحت الباب
شن هذا اللي في رقبتي
مراد؛ شن في
وصب وهو يستعبط وجاني
كنها
نا ؛؛ مراد من جدك ادير هكي
مراد ؛: تي شن درت مادرت شيء نا
نا ؛ وهذا معقوله هكي
مراد ؛؛ مادخلكش بيا انت ليا واندير اللي نبيه فيك
نا ؛؛ مش هكي بس
مراد ؛؛ كيف مش عاجبك
نا ؛؛ تو هلك ايشوفه
مراد ؛: استري روحك وديري حاجه علي ارقبتك
نا ؛؛ باهي تو تشوف
خشيت لحمام ودرت دوش وطلعت والقيته امقعمز وايدخن
نا ؛؛ حبيبي الناس تفطر حليب وانت تفطر قهوه
مراد ؛؛ به هيا البسي وتعالي ديرلي قهوه
نا ؛؛ به
ومشيت ولابست روب علي سريع وطلعت
ومشيت للمطبخ وبديت اندير في القهوه
وجاني مراد ايضبط فيا من لاوره
مراد ؛؛ شن انتي زعلانه مني ولاشنو
نا ؛؛ ﻻ مش زعلانه بس …..
مراد ؛؛ بس شن انتي مراتي راه وكان ايشوفو انتي حلالي نا حر فيك
وباسني علي الشوفه
وبعدين نا كنت امرايف عليك
نا ؛؛ هههه
مراد ؛؛ كل سنه وانتي طيبه وجنبي
نا ؛؛؛وانت طيب
وبرمني وحبني علي راسي
مراد ؛؛ هيا وتي روحك بيش تنزلي اتعيدي وراه عند جلبيه نبيك اتحديها ليا
نا ؛؛ تبي تلبس جلبيه
مراد؛؛اهاا كنك مستغربه
نا ؛؛ ماعمريش شفتك لابسها
مراد ؛؛ من عيد لعيد نلابس نا
ومشيت حددت الجلبيه وبديت في روحي
وجاني مراد
مراد ؛؛ ويه صكرلي الكم
نا ؛؛ حاضر
وقربت منه وصكرته له
وطلع ومشي للجامع ونا قعدت نسمع في الصلاه
ووووووو انحب نسمعها صوتهم اجمل حاجه في العيد صوت الصلاه
تميت نسمع فيهم ولما كملو
صبيت
ودرت استشوار ودرت ميك اب ولابست لابسه جديد وطلعت ذهبي بديت نلابس ايخش عليا مراد
مراد ؛؛ ويه هيا انزلي وينك انتي
نا ؛؛ هيا حبيبي تو ننزل تو
وخش عليا في الدار
تعال لابسني السوره
وقرب مني ولابسني
مراد ؛؛ هيا تنزلي
نا ؛؛ هيا اشويه
وبحتت اندور حاجه انحطها ناعرفتش ماانحط وخذيت اكريمة اساس ودرتها وحطيت شعري علي الجنب
مراد ؛؛؛ههههه نجك ليا هيا انزلي
ونزلنا وحاط ايده علي كتفي وامقربني منه
والقيتهم قاعدين في الصاله امقعمزين وسلمت عليهم كلهم وعيدت عليهم
وجيت ل عمتي وسلمت عليها وحبيت علي راسها
الهام ؛؛ شن الاخبار
نا ؛؛ تمام الحمدالله
عمي ؛؛ وينك يا ايه مختفيه
نا ؛؛ بحتت في مراد وانحرجت
لا شيء بس كنت تعبانه اشويه
عمي ؛؛ تتعبي معش تنزلي علينا يعني
مره تانيه انزلي واقعدي جنب البنات هذا حوشك تو خلاص انتي منا وفينا حتي لما ايزعلك مراد تنزلي هنا عندنا
مراد ؛؛ انحرج من باته وسكت
نا؛ ؛؛ان شاءالله حاضر
طارق ؛؛ هيا وين العصيده هيا
عمتي ؛؛ عيت عمك جين تو اصبر ايجو قبل
منتصر ؛؛ اهم جو
بحت فيا مراد وشيري علي المطبخ وخش وجيته والقينا هدي قاعده فيه
مراد ؛؛ البسي وشاح تقعديش قدامهم هكي
هدي ؛؛ تو نعطيك تعالي
نا ؛؛ به
وخشت هدي وجابتلي وشاح
ولميت شعري وهدي بحتت فيا
هدي ؛؛ ههههههه شكلها ليله امس
نا ؛؛ ههههه سخيفه طول شفتيها
وخشت علينا الهام
الهام ؛؛ اساسا امبدري فطنلها نا وهاجر وغاده
هاجر ؛؛ ههههه امتي نا بس ياربي حتي نا اديري فيا هكي اسامه
غاده ؛؛ هههه ان شاءالله قريب
الهام ؛؛ هيا ولعنا علي الميه نبدو انعصدو
هدي ؛؛ مهمتك يالهام
الهام ؛؛؛ههههههه ها انخلني عمتي اتصبي اتعصد ونا انتفرج املاه
هدي ؛؛ ويه هيا نحن نطلعو انسلمو
نا ؛؛ هيا
وطلعنا وشفناهم كلهم امقعمزين في الصاله
وسلمت عليهم وجيت علي الشباب ومابيتش انمد يدي قالتلهم كل سنه وانتو طيبين وخلاص
مراد ؛؛ بحت فيا وضحك علي الموقف واعجبه
حاتم؛؛ امشيها علي الخط المستقيم
مراد؛ ؛ ههههه ضروري
ولد عم مراد ؛؛ من هذه اللي ماتسلمش جديده في العيله
مراد ؛؛ شوري نا
ولد عمه ؛؛ اهاااا انسيتك بكل ياراجل انك تزوجت بعد سناء
حاتم ؛؛ تي له كم شهر متزوج وانت مانك عارف
ولدعمه ؛؛ ﻻ والله عارف بس انسيت تي عارف فرحك مع فرح منتصر
منتصر ؛؛ اي والله ماتذكرني اجمل يوم
ولد عمه ؛؛ من زمان ونا انقولك يا منتصر ازوج
منتصر ؛؛ ههههه عاد انت قديم دق قديم
ولد عمه ؛؛ قالك قديمه وبس بس صقع عليك مازالت انجدد اهي ماتشوفش علي الطريق قاعده
منتصر ؛؛ يترب في عزك انت ان شاءالله علي كم اتوقف
ولد عمه ؛؛ علي العاشر هههههه
تي كنك قول ماشاء هذا الرابع بس
حاتم ؛؛ راك اتكثر توحل فيهم
ولد عمه ؛؛ ربك كريم
وصب مراد وطارق وخشو علينا في المطبخ
طارق ؛ هيا طولتن راه
مراد ؛؛ وسع بالك كنك
طارق ؛؛ مارقدتش بكل نبي نحضر هالعصيده ونبي نرقد يرا فكنا من هرجة عمك
حاتم ؛؛ وانت ديمه اتهرب
الهام ؛؛ ايه هيا صبي الزبده
نا ؛؛ هيا هيا
الهام ؛؛ خلاص اطلعن انتن وخوذ كبابي اللبن والميه وتو انصبو الزبده ونطلعو
وصبيت الزبده وشالو السفر ونا قعدت في للمطبخ
الهام ؛؛ اطلعي كولي
نا ؛؛ ﻻﻻ نبيش
الهام ؛؛ ماتقوليش تاكليش فيها
نا ؛ ههه اها
الهام ؛؛ معقوله تقعدي بلا فطور
نا ؛؛ تو تعرفي شن هو فطوري
وخذيت تبسي وحطيت فيه رب وزبده وتميت انغمص بالخبزه
الهام ؛؛ والله احلي فطور
نا ؛؛ وانتي كنك ماتاكلي
الهام ؛؛ ياحنه زبده وطني ونا مانتحملهش تو خليني انضم المطبخ قبل ماايجن السفر
نا ؛؛ هيا تو انساعدك
الهام ؛؛ افطري قبل والله مانك امصبيه نين اتكملي
نا ؛؛ نجك حاضر
وقعدت ناكل وحميت وحولت الوشاح
هدي ؛؛ سلمك والله عصاده ديمه عصديتك سمحه
الهام ؛؛ سلمك عقبال عصيدتك اجيابك
هدي ؛؛ نين ايجي الاب قبل بعدها ساهله
الهام ؛؛ ان شاءالله ايجي
حاتم ؛؛ صحيتي يالهومه
الهام ؛؛ صحه
مراد ؛؛ تي شن تاكلي انتي
برمت وجي والقيته ايبحت فيا هو وحاتم
حاتم ؛؛ شافني انحرج ونزل راسه وضحك
مراد ؛؛ عض فمه التحت وفنص
نا ؛؛ معش فهمت شن يقصد وقعدت انبحت فيه
حاتم ؛؛ بشوي عليها خلعتها
الهام ؛؛ افهمت قصد مراد
ماتاكلش في العصيده
مراد ؛؛:صاح باهي مالقيتي ماتاكلي الا هذا
نا ؛؛ انحبه الرب مع الزبده
مراد ؛ قعد امفنص وايحط في يده ونا مافهمتش
والهام افهمت وتمت اطلع في حاتم
مراد ؛؛ اصدقت رجاء
وضحك وطلع وطلع وراه حاتم
الهام ؛؛ ياهمي هو قصده علي ارقبتك غطيها قعد ساعه وهو ايشيرلك وانتي ما تفهمي
نا ؛؛ ييييييي انسيتها بكل
الهام ؛؛ حاتم فهمها طول وغمزلي وانتي ما فهمتي
نا ؛؛ ماحد فيكم وضحلي هو قعد ايفنص وانتو تضاحكو
الهام ؛؛ يلا ياخي مازالتو عرسان حتي نحن ياما درنا
نا ؛ عليك موقف محرج قدام حاتم
الهام ؛؛ تي عادي علي اساس هو مااديرش فيهن
هدي ؛ اي والله حتي انتي ياما كبسنك زمان يالهومه
الهام ؛؛ هههههه وانتي ماتنسي
وكملنا الغسل ومشينا قعمزنا ونحن انهدرزو والرجاله في المربوعه
سمعنا صوت ايهبل في الجنان
طلعت ابسرعه
نا ؛؛ نجكم ليا والله عرفتكم انتو
وجتني لمار تجري وتضبط فيا
لمار ؛؛ اعميمه
وقعدت تضبط فيا
نا نين دمعت
نا ؛؛ ياشينه ليش طولتي
هدي ؛؛ لمار تعالي تعالي اجري
وخشت لمار تجري لهدي
ونا بحتت في حمادي ومراد هو شايله فوق ارقبته
نا ؛؛ نجك ليا انت اللي جبتهم
مراد؛ ؛ اكيد معقوله ايعيدو بعيد عليا
وقربت منه ومراد قرب مني وباسني علي خدي
نا ؛؛ عيب هاته نبيه
مراد ؛: راه ثقيل افطنيه
وخشينا بهم للحوش
عمتي ؛؛ يامرحبا يامرحبا
ونزل مراد حمادي وقعد دوبه يمشي مشيه اتهبل
هاجر ؛ نجيه ياربي يمشي
ومشي بسرعه شور هدي وطاح عليها وضحك
نا ؛؛ شكله امرايف عليك
هدي ؛؛ تي نا اللي امرايفه
لمار ؛؛ اعميمه وين رتاج
الهام ؛؛ في الدار راقده
لمار ؛؛ هيييييي عيد
مراد ؛؛ هههههههههههههه وانتي شن عرفك بالعيد
لمار ؛؛ هيييي انسيت يابابا تعال
وجاها مراد وطبس عليها وسلمت عليه بالخد وحبت علي راسه
اسفه بابا
وكل سنه وانت طيب
وكلنا قعدنا نضاحكو
حاتم ؛؛ تي وين ياصقع
لمار ؛؛ ماما قالتلي ديري هكي
مراد ؛؛ دوم ان شاءالله تي تعالي نبيك هنا
وخذها واضبطها
مراد ؛؛ تو اتشوفي اتقولي نبيش بابا
لمار ؛؛ ماما قالتلي خليك بيش نمشو مع بعضنا لبابا
وكلنا انصدمنا وبحتنا في بعضنا ونا حسيت بحاجه خشت فيا
الهام ؛؛ لمار عدي وعي رتاج قوليلها عيد خلاص
لمار ؛؛ باهي اعميمه
وخشت تجري للدار اتوعي في رتاج
حاتم ؛؛ تعال يا مراد نبيك
ومشاله مراد ومشو وقعمزو في الجنان
حاتم ؛؛ معاك الدخان
مراد ؛؛ جو في الحوش
ايه ايه
وسمعت صوته وطلعت
نا ؛؛ نعم
مراد ؛؛ شوفيلي دخاني ونبي قهوه
نا ؛؛ حاضر
ومشيت وجبتله الدخان
نا ؛؛ حاتم تبي القهوه
حاتم؛ ؛ ياريت والله
مراد ؛؛ مره طبعا
نا ؛؛ حاضر
ومشيت ودرتلهم القهوه وجبتها لهم
حاتم ؛؛ صحيتي
نا ؛؛ سلمك
ومشيت وخشيت والقيت هدي تبي ادير الغداء صبيت وساعدتها
حاتم ؛؛ شن اخبارك معها
مراد ؛؛ تمام الحمدالله اهو قاعدين بس سؤالك هذا واضح انك عارف
حاتم ؛؛ امس شفت البنات نزلات يجارن
مراد ؛؛ ههههه تي والله مهم انديرو في جنس حواء هذا ايدير ايدير اللي في عقله حبسها في الشقه حتي التي في امسكره وامس القيتهن يحكن من وراء الباب بعد ماطلعت ركبات يجارن لها وهي امس سكرت راسها وراضتني راضتني هذا كله بيش تنزل اليوم العيد
حاتم ؛؛ ههههههه واضح انكم متراضين
وغمزله
مراد ؛؛ هههه وانت ماايفوتك حاجه
حاتم ؛؛ واضح ياراجل المهم رد بالك منها راهي والله تنحب وشكلها اكويسه اللي صابره عليك تي في تو مراه تقدر تحبسها وتقعد ساكته تي والله شكلها طيبه واجد ايه هذه تي والله نا مانقدر انديرها حتي ساعه للهام بعدها نلقها في الجزيره
مراد ؛؛ هههههههههههه انت هكي ما يقدر عليك الا الهام
حاتم ؛؛ نقانه تقدر ماعاد فيها عشرت عمر ياراجل شوف من امتي نعرفها
مراد ؛؛ ربي ايهنيكم
حاتم ؛؛ ان شاءالله
وقعدو ناس واحد طالع والاخر خاش نين حطينا الغداء وتغدينا
غاده ؛؛ عربكم واجدين
هدي ؛؛ اها علشان بابا هو الكبير الناس اتجينا نحن اتعيد
ماعاد عمتي فاطمه اتجينا في الليل نحن او تاني يوم علي حسب
نا ؛؛ اها العيد عندنا نحن خالي ضروري ايعيد عند ماما من توفيت بابا
هاجر ؛؛ عمي عيسي هذا عسل بكل اطيب من الطيابه وعمتي قادره عليه
غاده ؛؛ اتصدقو نا مش خاشه فيها واجد بس لما تحكن عليها انحس اكويسه
نا ؛؛ قالك اكويسه واس تي اتهبل
هاجر ؛؛ انتي اتحبيها غصب عنك هي اللي جايبتلك مراد
بنت عمهم ؛؛ اهاااا صاح انتي رواده شن زواج الرواده حلو او زواج الحب احلي
غاده ؛؛ ﻻ حب احلي طبعا تي فيش احلي من الحب من اول الليله ايقولك انحبك وتقعدو متلهفين علي بعضكم مش الرواده شينه نا زمان انقول مستحيل ناخذ غير عن الحب
نا ؛؛ علي حسب هو كله زواج كله الرك علي بعد الزواج شن هي العشره شن هي المعامله
هدي ؛؛ والله صدقتي ياويه صاح مش ضروري الحب قبل الزواج المهم بعد الزواج
وكملنا الغداء ورفعنا السفر وغسلن وكملن
هدي ؛؛ نا نبي نخش نرقد خلاص
الهام ؛؛ حتي نا نبي انخش وراكن
غاده ؛؛ ضروري منها الرقده بعد الغداء
هدي ؛؛ هيا بنات تعالنا انرقدو وانتن ياصبايا خوتي رقدن نتلاقو علي المغرب ان شاءالله
وخذيت العويل وركبت
وخشيت والقيت مراد راقد في الدار
خشيت بيهم للدار وغيرتلهم دبشهم وعطيت لحمادي رضاعه رقد عليها ولمار خشت علي مراد ورقدت جنبه
قعمزت جنبه وكان خاطري انقوله شيلني لهلي معقوله اول العيد ليا متزوجه مانمشيش لهلي بحتت فيه والقيته شكله تاعب واذكرت ان هو ما رقدش بكل
صبيت غيرت دبشي ولابست روب وخشيت جنبه ورقدت
وعيت علي صوت حمادي يبكي
وصبيت وسكته وغيرلتله
وجبته وحطيته احذي وخليته علي السرير وعودت نبي نرقد
ووعي مراد وشافنا كلنا راقدين جنبه ضحك وصورنا بالفون
ونا فتحت اعيوني من الفلاش
مراد ؛؛ شكلكم ايضحك تو نا رقدت علي اساس اوحدي كيف جيتو كلكم
نا ؛؛ ههههه من التعب رقدن جنبك
لمار ؛؛ بابا عطشانه
مراد ؛؛ صبي عدي اشربي وحدك
لمار ؛؛ باهي بابا عيد اليوم حبيت علي راسك
مراد ؛؛هههههههه كيف الحبه علي راس بحسابها عندك
نا ؛؛ هههههه شكلها
مراد؛ ؛ باهي صبو تو انجيبلكم حاجه سمحه
نا ؛؛ شن
مراد؛ ؛ هيا قبل مااياذن مغرب صبي وتي روحك بيش نطلعو
نا؛ ؛ وين نمشو
مراد ؛؛ انعيدو علي هلك ونمشو للجنينه انلعبو العويل
نا ؛؛ هيا هيا
وصبيت ابسرعه توضيت وصليت العصر وغيرتلهم دبشهم ودبشي واذن المغرب وصليته
مراد ؛؛ هيا
نا ؛؛ هيا كملنا
وطلعنا والقبت الحوش امعبي تحت بس مراد ماخلنيش انخش انسلم لان كان انخش ح انطول
ومشيت للحوش هلي ونزلنا ودقينا الباب واول ما فتح خالد الباب خشت لمار تجري اتنادي ل رجاء
اميره ؛؛ صوت من هذه
رجاء ؛؛ لمار
ماما ؛؛ حي ايه جت
خالد؛؛ هذه كنها خاشه هجوم
نا ؛؛ للبنات اكيده كل سنه وانت طيب وسلمت عليه
خالد ؛؛ وانتي طيبه خشي خشي
مراد ؛؛ كل سنه وانت طيب
خالد؛ ؛ وانت طيب
هيا هيا خشو العيله هنا
وجت اميره تجري
اميره ؛ مرحبتين بالغاليه
وجتني وسلمت عليا بعدها اضبطتني وتمت تبكي
خالد ؛؛ خواتي ونا عرفهن غالي عليهن النكد في كل الاوقات يبكن حتي العيد مايمشنا بلا دموع
اميره ؛؛ اليوم مالقينش وحده تاخذ تبسي واتحط الرب والزبده وتاكلها
مراد ؛؛ ههههه درتها غادي
اميره ؛؛ ماعمرهش كلت عصيده
ايمان ؛؛ تي اطلقيها اتخش نبو انسلمو عليها
اميره ؛؛ هات يا مراد حمادي
مراد ؛؛ خوذيه
وخشيت وسلمت علي ماما
ماما؛؛ ان شاءالله ايخشلي اوليدك يجري مع لمار
نا ؛؛ ان شاءالله
ونزلت عليها وحبيتها علي راسها
وسلمت علي مروه ونعيمه كانن مقعمزات وخالتي فاطمه
مراد ؛ لما شاف الصاله امعبيه وخر وجاي يبي يطلع
علي ؛؛؛خش خش ماحد براني
مراد ؛؛ كل سنه وانتم طيبين
علي ؛؛ وانت طيب
وسلم علي امي وقعمز علي الصالون
نا ؛ تي وين لمار وين راحت
ايمان ؛؛ معه رجاء
وبحتى في مراد وهو ضحك
وجت اميره اتقدم في عصير وشكولاطه
ايمان ؛؛ شن جو العيد
نا ؛؛ تمام من الصبح عند عيت عمي وبعد الغداء كلنا رقدنا وهذه وعيتي قالنا انجو انعيدو
ماما ؛؛ والله اول ماخشت لمار تجري فرحت وكانها ابنيتي اللي خشت
وطلعت لمار ومعها رجاء
رجاء ؛؛ خيرات وسلمت علينا وقعمزت
لمار ؛؛ وقعمزت جنبها لمار
هيا ياعميمه
رجاء ؛؛ بعدين تو نلعبو اخر
والله اليوم مافي حد جانا وقال اع كيف تاكلو في عجينه وحط تبسي رب وزبده وكلها
نا ؛؛ ههههه حتي اميره قالتها ليا
خالتي فاطمه ؛؛ اكيده درتيها غادي
نا ؛؛ اها هي اللي فطرت عليها
ماما ؛ شن اخبارك يا مراد
مراد ؛؛ منحرج وامنزل راسه لان صبايا خوتي مقعمزات
تمام الحمدالله
وبحت فيا وقالي هيا
نا ؛؛ به هيا لمار صبي
ماما ؛؛ كنكم بدري
نا ؛؛ ماشين للجنينه انلعبو العويل
ماما ؛؛ اها باهي براحتكم بس راهي مش محسوبه بيش اتجو
نا ؛؛ ان شاءالله لمار هيا صبي
لمار ؛؛ اعميمه هيا معانا
رجاء ؛؛ ﻻﻻ نبيش
لمار ؛؛ بابا قوللها
مراد ؛؛ هيا صبي وتي روحك تمشي وهيا ايمان واميره معانا
رجاء ؛؛:ﻻﻻ عليش انتعب فيكم
مراد ؛؛ نا قالت هيا خلاص
وبحتنا البنات في علي وخالد
علي ؛؛ خلاص صبن وتن اروحكن
نا ؛؛؛هيا صبن
رجاء ؛؛ ثواني بس
وخشن يجارن وتمن ايغيرن في الدبش
ايمان ؛؛ حي عليا ازعمه انقولها ل احمد
رجاء ؛؛ املاه شنو اها احكي ولاه تبي تطلعي من وراه
اميره ؛؛ نا عارفه وليد ح ايوافق عادي يا خي مراد راجل اختنا مش براني
ايمان ؛؛ الو حبيبي شن الجو
احمد؛ ؛ اهلا
ايمان ؛؛ ممكن طلب
احمد ؛؛ شن تبي تطلعي شكلك
ايمان ؛؛ مراد راجل ايه قالنا هيا لجنينه
احمد ؛؛ وعليش
ايمان ؛؛ لمار بنته قالت ماشين للجنينه وهو قال امشن معي ونا حسيتها شينه في حقه انقوله لا قالت نحكيلك قبل لان هو اول مره يطلب منا حاجه
احمد ؛؛ به في حد تاني ماشي
ايمان؛ ؛ نا وخواتي بس
احمد ؛؛ باهي عدي لان شيني في حقه انقولك لا بس لان هذه اول مره يقولك هيا
ايمان ؛؛ نجك ليا والله اتهبل
احمد؛ ؛ البسي عبايه
ايمان ؛؛ من عيوني
احمد ؛؛ وطبعا الخمار
ايمان ؛؛ حاضر والله حاضر
نا ؛؛ هيا كنكن معش طلعتن
ايمان؛؛شيرتلي معناها اس
حبيبي خلني نلابس تو
احمد ؛؛ عدي مربوحه وافطني لروحك
ايمان ؛؛ ان شاءالله
واطلعن يجارن من الفرحه
ونا ركبت قدام وفي يدي حمادي
مراد ؛؛ بحت فيا واعيون ملينات حب وحكلي بفمه بلا صوت
انحبك
نا ؛؛ رديت عليه بنفص القطه
انموت فيك
اميره ؛؛ ويه هاتي حمادي شوري نا
نا ؛ ههههه خوذي
ومشينا للجنينه والقينها امعبيه
لمار ؛؛ ماسكه في رجاء
وقعمزنا نا ومراد واميره وايمان
مراد ؛؛ شن تب نطلبو
نا؛؛ اي حاجه
مراد ؛؛ شن رايكن في سنتره ولا ماتبنش تسمنن
نا ؛؛ اهاااا شكولاطه نقانه جيبلنا
اميره ؛ ايمان تعالي انلعبو حمادي
مراد ؛؛ اميره خوذي هذين واشرن اللي تبنها
اميره ؛؛ لا معي يا مراد
مراد ؛؛ خوذي نا قالت اشرن اللي تبنها ولعبن حتي لمار
نا ؛؛ لمار من زمان تلعب
مراد ؛؛ تو رجاء معها افلوس كيف اتلعبها
نا ؛؛ شكلها معها
مراد ؛؛ اميره عطي لرجاء افلوس
اميره ؛؛ حاضر
ومشن هن ومشي مراد وراهن وجاب سنتره لنا وهن جن خذن السنتره وعدن
وقعمزنا نا ومراد وقعدنا انهدرزو
مراد ؛؛ شن الجو عاجبك
نا ؛؛ ايهبل ليا زمان ما شفت خواتي هكي فرحنات هكي ووخذات راحتهن
مراد؛ ؛ نا اي حاجه اتخليك فرحانه انديرها
نا ؛؛ ههه انحبك
مراد ؛؛ قرب مني وحط يده علي يدي والله انا اللي انحبك حب مش عادي
نا ؛؛ نجك ليا
مراد ؛ مش كني نا انحس في روحي امرايف عليك اخر
نا ؛؛ يستر الله مراد ركز نحن في الجنينه
مراد ؛؛ شن املاه اتحقي فيا بلا عقل
نا ؛؛ مش عارفه ممكن
مراد ؛؛ تي انتي اللي طيرتلي عقلي من مكانه
نا ؛؛ انت ماخليت فيا عقل بكل خليتني نمشي ورا قلبي وخلاص
مراد؛ نجك ليا وربي يحفظك ليا
نا ؛؛ وليا
رجاء ؛؛ لمار بشويه ماتجريش
لمار ؛؛ هيا تعالي نلعبو هنا
اميره ؛ ههه لمار متعبه بكل
ايمان ؛؛ ههههه
ومشت رجاء في جرت لمار
واميره وايمان قعمزن علي مقعد
اميره ؛ انتي كنك مرتبكه
ايمان؛؛ عندي احساس احمد جاي
اميره ؛؛ ﻻﻻ معقوله
ايمان ؛؛ اديرها ونا متوقعته
اميره ؛ ماحتي اعرفك من الخمار
ايمان ؛؛ هههههه مستحيل
احمد ؛؛ تي نعرفها من وين
والتفتن ايمان واميره وشافنه
ايمان ؛؛ هييييي احمد شن جيبك
احمد ؛؛ جاي نطمن
ايمان ؛؛ مراد وين
اميره ؛؛ نستاذن وصبت ومشت وراء رجاء وفي يده حمادي
احمد؛؛ قاعد مع ايه عايشه الرومانسية
ايمان ؛؛ راه ايشوفنا
احمد ؛؛ جا وقعمز جنبها
ﻻ اطمني قاعد انشوف فيهم من هنا تو كان تحرك تو انشوفه
ايمان ؛؛ والله كان عندي احساس ح اتجي
قرب منها ومسك يدها
احمد ؛؛ هههه ليش
ايمان ؛؛ لانك طول قالت باهي
احمد ؛؛ والله لما قالتي مراد اللي شايلكم قالت معنانتها انشوفها
ايمان ؛؛ خوذ سنتره
نا عرفتش ناكلها من الخمار
احمد ؛؛ ليش تاخذي فيها من الاول
ايمان ؛؛ مراد طلبها
احمد ؛؛ به ابرمي وجك ورفعي خمارك وكوليها
ايمان؛؛ ههههه تحكي جدا انت
احمد ؛؛ ولاه انقولك تعالي تعالي علي المقعد هذاك احسن جنب الساس بيش اترفعي الخمار
ايمان؛؛ به
ومشو احمد وايمان وقعمز عند مقعد عند الساس وهو خلها تعطي الناس بظهرها ورفعت الخمار وبدت تاكل
رجاء؛ هاتي حمادي وانتي لعبي لمار اشويه
اميره ؛؛ خطرها خوذي افلوسك عطهن ليا مراد
رجاء؛ ؛ به هاتي وعدي لعبيها بدال ما قعمزت اشويه وناكل السنتره
اميره ؛ به وانتي اتوزعي
ومشت اميره اتلعب في لمار
ورجاء قعمزت وحطت حمادي علي كرعيها وبدت اتوكل فيه
رجاء ؛؛ نجك ليا والله اتهبل وخذته واضبطته
ومسحتله ونزلته بيش يمشي اشويه
وهي تمشي وراه وماسمه فونها
حمادي خبط في بيبي بقوه نين طاح بكي
وجاته رجاء تجري
رجاء ؛؛ حمادي حمادي
وخذاته ورفعته وهو يبكي وهي اضبط فيه واتسكت فيه
ونزلت علي البيبي التاني وتمت اتسكت فيه
وجو امه وبوه يجارو
كنه كنه
رجاء ؛؛ اسفه ورفعت راسها ………..
انصدمت لما شافتهم وقعدت مستكه واتبحت فيهم وخنقتها العبره ومش امصدقه في اللي اتشوف فيه
يتبع