مسلسل سعاده كاذبه التكملة
مسلسل سعاده كاذبه
الحلقه 70
ماما ؛؛ كنك شن سامعه
عمتي مبروكه ؛؛ محمد حكالي وزعلت منك راه قالي ان هل هدي اخطبو رجاء وان عمتي عيشه اموقفه واماخره كل حاجه علي خاطرنا
ماما ؛؛ تي فجعتني هذه حدها
عمتي ؛؛ ياعيشه بنات قزونات مانبيش انوفق فرحتهن رجاء اصغيره شن عرفها للحزن
ماما ؛؛ يامبروكه البنت ماتو بكل الفرح امغير خطبه وبس ونا قالتلها مش تو نين انتي اتفكي لان ياحنه هي تشرط وتبيه كبيره وقالتلها مادريش وبنات جيرانكم حزان
عمتي ؛؛ بناتي كيف بنات قزونات وبعدين بناتك انتي هن اللي اتعبن مافرحن بكلمة بابا الا بناتي نا اكبرن علي حسه واللي خلها متزوجه واللي متخرجه واللي في جامعه يعني كبرهن بناتك هن اللي مكسور خاطرنهن من هن اصغار ونا نبيش انوقف فرحتهن ورجاء وتنقرا فاتحتها واميره وخالد ايطلعو الفرح خلاص
ماما ؛؛ بالنسبه ل رجاء هي تو مخطوبه خلاص امه كلمتني عليها وحكيت لخوتها وهم موافقين امغير اموقفين علي الفاتحه ونا نقاني رافضه وراه حتي خالد رافض حتي هو رافض وبعدين البنت لهم خلاص شن الفاتحه تبي ادير تو خلاص
عمتي ؛؛ ﻻﻻ خالد ساهل خلاص كلمي العرب وقوليلهم يقرو الفاتحه وايجو واديروها كيف مايبو هم ونا بروحي نرجا انفك ارباطي نبي انطلع فرح محمد صح مانبيش اندير فرح بس خلاص نبي انجيبها له لعند امتي وهو هكي نا ماصدقت جا اليوم اللي قالي اخطبيلي واعيالنا اصغار علي حزن شن عرفهم
ماما ؛؛ وجعتها عمتي مبروكه لان كانت تحكي والعبره خنقتها
الله غالب ربي كتبلهم هكي انكون ارامل ونربو اصغار بلا اب
عمتي مبروكه ؛ الله يرحهم ويسامحهم دارو فجوه في قلوبنا وفي حياتنا
ماما ؛؛ الله يرحهم
عمتي ؛؛ هيا يابنات جيبن القهوه
ماما ؛؛ ﻻﻻ تو كنت نشرب فيها مع البنات غادي خلاص
عمتي ؛؛ به عصير
ماما ؛؛ مانك عارفه ممنوع عليا
المهم تو خلني نحكو
وقعدن ايهدرزن لعند المغرب وروحت ماما ولقت الحوش هادي رجاء قاعده جوا تقرا واميره امظلمه الحوش وراقده علي تي في
ماما ؛؛ الستر يابتي كنك امظلمه
اميره ؛؛ تي هذه وعيتي نا شن كنها عمتي
ماما ؛؛ تبينا نقرو فاتحة رجاء قالت ماتاخريهش علشان
اميره ؛ وعادي ياماما
ماما ؛؛ والله ماهو عادي جيرانا عشرة عمر كيف انخلي جارتي زعلانه وحزينه في حوشها ونا في حوشي انزغرت بعدين نا بروحي وجعني جبريل
اميره ؛؛ الله يرحمه تو كلمتني دعاء قبل يبن ايجن قالتلها انك مش قاعده
ماما ؛؛ معقوله يابتي وكان جت خالتك مش برنيه كان هذا ره مشت هدرزت معي جنب مبروكه
اميره ؛؛ تو ايجن بكره ممكن
ماما ؛ باهي شن اخبار ايه
اميره ؛؛ عند رجاء اخبارها
ماما؛؛ هههههه من ايقول يابتي رجاء وايه ح يقعدن سلفات
اميره ؛؛ نصيب من يقول اساسا رجاء تعقل وتنخطب
ماما ؛؛؛ههههههه صبي صلي هيا نبي انقول لرجاء علي عمتها مبروكه
اميره ؛؛ نمشي معاك
ورجاء قاعده امقعمزه علي المذكرات وحاطه الفون علي وذنها
رجاء ؛؛ طارق ماتحرقيلش دمي معش نبي انتظار
طارق ؛؛ تي كنك اموسسه انتي والله نحكي مع الشباب
رجاء ؛؛ من نادر جدا مانلقش انتظار
طارق ؛؛ رجاء ماترقيهش ليا نا قالتلك مانحكيش خلاص خلاص
وافتحت ماما واميره الباب وشافنها
رجاء ؛؛ ارتبكت ونزلت الفون وسكرت في وجه
اميره ؛؛ ﻻ تقري صاح
رجاء ؛؛ كنكن خشات هجوم شن في
ماما ؛؛ ياحنه راه عمتك مبروكه ……….
رجاء ؛؛ اتبحت في فونها وهو ايرن ومش قادره اترد علي طارق
ياماما اللي تبيه انتي نا راه مش امدوره واجد
اميره ؛؛ ماتبيش فاتحتك تنقرا
رجاء ؛ نبيها بس مش معدله امتي بالزبط
ماما ؛؛والله كان انتي متلهفه واجد عليها وهو يبي خلاص تو نقرو مانقدروش انلطو لان مبروكه اليومة حالفتني اصلا
رجاء ؛؛ اللي تريحك
اميره ؛؛ كان تبو فاتحه وبيان كبير انديروه في حوش ايه منها هم ايجو غادي ونحن انجو وانديرو جونا غادي وفي العشيه رجاء اتجي من كوافير دايره جوها وهم يقرو الفاتحه وايلابسها طارق وخلاص نحن عربنا مش واجدين وحوش اختنا كيف ماهم حوش خوهم
رجاء ؛؛ والله فكره باهي
ماما ؛؛ من جدكن اديرن البيان غادي
اميره ؛؛ اها ياماما ايه حوشها اكبر واحسن من حوشنا وانديروها في عشيه وحده فاتحه وبيان ونفتكو
رجاء ؛؛ صح احسن بس نحن نمشو قبلها بكم يوم بيش انوتو حاجاتنا
اميره ؛؛ كانك شاطره انتي قوليلها اديره عشاء كبير وخلاص وانتي بيانك بعد المغرب
ماما ؛؛ مايغلبك واحد في التفكير يااميره شر من خالتك فاطمه
اميره ؛؛ ههههه اصلا خالتي فاطمه اماثر فيا
ماما ؛؛ نحكي لخوتك قبل وانتي يارجاء احكي لطارق كان موافق باهي
رجاء ؛؛ باهي خلاص خلني نقرا بس
ماما ؛؛ باهي هيا يااميره
وطلعن ماما واميره
ورجاء وصلتها رساله مكتوب فيها
امنوره
ردت رنت لكن لا حياة لمن تنادي امطنش من حاله مايردش
غمتلها وصبت وخشت لسريرها وارقدت بدون ماتحكي معه
اميره؛؛ ارجيوه تعالي عشاء
رجاء؛ ؛ نبيش عنديش نيه
اميره ؛؛ كنك المفروض فرحانه انتي
رجاء ؛؛ علي شنو
اميره ؛؛ تو جا عادل خش علي ماما وماما حكتله علي فاتحتك وهو قال باهي وح يحكي ل علي
رجاء ؛؛ ان شاءالله خير
اميره ؛؛ كنك
رجاء ؛؛ دايره عركه معه
اميره ؛؛ عليش
رجاء ؛؛ شيء خلاص فوتي اطلعي وسكري الدار
اميره ؛؛ بيش اتقولي لطارق علي الفاتحه
رجاء ؛؛ كان حكيت معها اساسا
اميره ؛؛ ايوه ودريه من بين ايديك باهي ودريه واقعدي ابكي بعدها
رجاء ؛؛ ممكن تطلعي لان مش خاطري نطلق اللساني
اميره ؛؛ اقعدي هنا عندك
وطلعت اميره
ماما ؛؛ وينها
اميره ؛؛ ماتبيش وراقده
ماما ؛؛ كنها شن عندها
اميره ؛؛ جيتها الحاله
بس نا نعرف كيف اندوي حالتها
ماما ؛؛؛هيا تعشي قبل
اميره ؛؛ هيا
وتعشنا ماما واميره وصبت اميره لمت السفره وخشت للدار ورنت عليا
نا ؛؛ ايوه
اميره ؛؛ وين قاعده
نا ؛؛ مازالت عند عيت عمي كنك
اميره ؛؛ قالتلك راه عمتي مبروكه ……… ونحن قالنا نقروها عندك لو انتو موافقين
نا ؛؛ والله تحكي جدا باهي تمام
اميره ؛؛ انتي بدال عند عيت عمك احكيلهم شوف الزبده لان رجاء تكتها مع طارق راه ايسيبو بعضهم فكينا من مشاكل واحكيلهم خليهم يقرو هالفاتحه بيش تثبت البنت هذه
نا ؛؛ باهي ان شاءالله خير
اميره ؛؛ سلمني عليهم سلام
نا ؛؛ سلام
هدي ؛؛ كنها طولت غريبه قبل كلمه واتسكر
نا ؛؛ ياحنه عمتك قالت …………
هدي ؛؛ الله مااحلها
عمتي ؛؛ ياريت والله نلتمو عندك وانديرو عشاء وخلاص ننهو هالموضوع
نا ؛؛ نا ماعنديش مانع واكيده حتي مراد مش ح ايمانع
عمتي ؛؛ خلاص تو انقولها للحاج كان هذا الاسبوع الجاي قبل ما الهام اتجيب
الهام ؛؛ ياريت والله ديروها هالاسبوع
عمتي ؛؛ ان شاءالله نحكي اليوم
نا ؛ وطارق وينه
هدي ؛؛ طارق غمتله ماني عارفه كنه
نا ؛؛ حتي الجماعه غادي جيتهم حالتهم
هدي ؛؛ عيني عينك فاصلين علي بعضهم
وخش مراد وحاتم
عمتي ؛ تعالو اسمعو تعالو
مراد ؛؛ ان شاءالله خير
عمتي ؛؛ شن رايك انديرو الفاتحه والبيان في يوم واحد عندك في الحوش وخلاص لان هم مايقدروش اديرو البيان علي خاطر جارهم
حاتم؛ ؛ فكره والله ﻻ بيب لا شيء
مراد ؛؛ به تمام خلاص وطارق شن قال
عمتي ؛؛ ماعليك فيه طارق شوري اصلا طارق يبي يقرا الفاتحه من زمان
مراد ؛؛ خلاص براحتكم امتي ماتبو اديرو ديرو الحوش حوشكم و كبير ومفتوح
عمتي ؛؛ تو انديرو عشاء وخلاص وانلابسو رجاء بعد المغرب
مراد ؛؛ بينتكم
هيا ايه اتروحي
هدي ؛؛ انحطلك عشاء
مراد ؛؛ ﻻ واكل صحه
نا ؛؛ به خوذ العويل معاك
مراد ؛؛ به هيا
ولفيت العويل ونزل عليهم مراد وشالهم
عمتي؛ ؛ شيل العويل اكويس حرام عليك
نا ؛؛ ههههههه ديمه ايعامل فيهم اتقول قطاطيس
مراد ؛؛ اصلا هذوم قطاطيسي
نا ؛ هيا لمار صبي البسي كندرتك
لمار ؛؛ به
وطلعت نا ومراد وركبنا في السياره ومدلي العويل وحطين لمار وحمادي عند سناء وروحنا
وقعمزت وانغير للعويل وبديت انرضع جا مراد وقعمز جنبي
مراد ؛؛ كيف صار كنهم غيرو رايهم
نا ؛؛ ماعمتي مبروكه هي اللي قالت لماما اقرو راه نزعل وماما حستها شينه واميره قالت انديرو عند ايه خير
مراد ؛؛ اهاااا
نا ؛ اهاااااا ارحمني ياارحيمه
مراد ؛؛ هههههههه كنه
نا ؛؛ قاسي بكل
شوفه شوفه لما ايركز فيا ينحول
مراد ؛؛ هههههه كنه
نا ؛؛ ههههه لما ايركز فيا نا بس نين انغمضله اعيونه خايفه ايشده عرق
مراد ؛؛ هههههه نجيله اللي كيف باته مايعرفش حاجه بشويه ايخش هجوم طول
نا ؛؛ ههههه بلا سخافه
مراد ؛؛ ناعليا منك انتي وخلاص
نا ؛؛ باهي حول
مراد ؛؛ تي كنك انتي
نا ؛؛ انرضع حول
مراد ؛؛ نزل علي ارحيمه وباسه وبحت فيا
نا ؛؛؛هههههه اهو كمل خلاص
مراد ؛؛ رقديه
نا ؛؛ انحط في السرير وانحطله لاهيه وتو يرقد
الا بيده خشه في نومة
مراد ؛؛ باهي هاتيه وخشي للدار وتي روحك
نا ؛؛ حبيبي خلينا نرقدو هنا
باهي والله احلي نومه جنبك وجنبهم
مراد ؛؛ انتي خشي سريرهم جو معنا في الدار وخلاص
نا ؛ باهي حبيبي خلينا نرقدو هنا
مراد ؛ باهي فرشي اندخن وانجيك
نا ؛؛ باهي وحطيت ارحيمه وصبيت فرشت وحطيتهم ومشيت غيرت التوته ولابست روب وجيت وخشيت في الفراش
وجاني مراد
مراد ؛؛ كنك متغطيه
نا؛ هههههه شيء
مراد ؛؛ قرب مني وخش معي تحت الفوطه
نا ؛ خشيت في صدره
اهااااااا بنت دخان
مراد ؛؛ كنت اندخن في الجنان سكرت الحوش وخشيت
نا ؛؛ ههههههه اتهبل
مراد ؛؛ شن قصة الدخان معاك اتحبيه تو وكان تحملي اتكرهيه
نا ؛؛ خطرها وين المانع
مراد ؛؛ ههههه جبتلك ماتخفيش في الدار تلقيه
نا ؛؛ به وصبيت للدار ولحقني مراد خذيت الحبه ومشيت شربت الميه وخشيت عليه في الدار
نا ؛؛ كنك هنا
مراد ؛؛ تعالي نبيك هنا قبل تو نمشو نرقدو غادي
نا ؛؛ نعم
وخشيت للدار وجيته في السرير
مراد ؛؛؛ماني عارف ليش امحنيه
نا ؛؛ ههههههه ل ارحيمه وبيده
مراد ؛؛ مش لباتهم
نا ؛؛ ههههه لحبيبي
مراد ؛؛ قرب مني وكرني شوره واضبطني بقوه و………….
رجاء ؛؛ اتفرج علي فيديو طارق وعلي الصور ورقيتلها قفلت الفون ورقدت
وعت تاني يوم وفطرت مع ماما وبرمت علي الحوش وقعمزت تقرا نين حطو الغدا تغدت وبدت اتوتي في روحها ومشت للمعهد ومازالت قافله فونها وروحت ولقت خالتي فاطمه قاعده
خالتي فاطمه؛ لووووووووووووووووووووووووو
رجاء ؛ هههه كنك
خالتي ؛؛ الخميس الجاي فاتحتك
رجاء ؛ كيف
خالتي ؛؛ اهاااا كلمتني اليوم عمتك وحكتلي وقالتلي
اميره ؛؛ حتي نا كلمتني هدي وقالتلي طارق هو اللي قال الخميس علي خاطرك
رجاء ؛؛ طارق عرف
خالتي فاطمه؛؛ طيح سعدك كيف تكتيها معه
رجاء ؛؛ حاجه اتخصني
ماما ؛؛ تو لما تبو تقرو الفاتحه اتعاركو
رجاء ؛ هذه حياتي الخاصه
خالتي ؛؛ خلاص وانتي ديمه اللسانك طالق قدامك المهم تو بيش تشري قفطان وعدي للكوافير واتجي علي المغرب لان الفاتحه علي المغرب
وايتعشو وبعد العشاء ايلابسك طارق
اميره ؛ يعني البيان في الليل
خالتي فاطمه؛؛ اها احسن حتي العرب اللي نعزمهم علي العشاء ايجو علي المغرب يحضرو الفاتحه وايتعشو وبعدها تلبيسه وخلاص
ماما ؛؛ وشن انديرو نحن هنا
خالتي ؛؛ ديرن نوع او نوعين مع العشاء وخلاص
اميره ؛؛ بس
خالتي ؛ ﻻﻻ تو نمسكو حتي السلايط وخلاص هم شورهم العشاء عاد
ماما ؛؛ والحلويات
خالتي فاطمه؛؛ ﻻﻻ شورهم
اميره ؛؛ نا قالتها من الاول اختصار
ماما ؛؛ ﻻ تو نشرو حلويات وشكولاطه عيب نمشو ايدينا فضيات
خالتي ؛؛ براحتكم
رجاء ؛؛ انتن خذيتن قراركم ونا
خالتي ؛؛ انتي ياحنه بكره تو انجي انشيلك تشري قفطان وذهبك والبداله واتوت وميك اب وعبايه
ماما ؛؛ كيف يبو يعطوك الفلوس
خالتي فاطمه؛ اها فتحيه قالت تعالي خوذي افلوس بيش تطلعي تشري الحاجات واتجبيهن لنا
رجاء ؛؛ باهي انخش انغير دبشي
وخشت رجاء وغيرت دبشها وشافت الفون ولقته مقفل سيبته مقفل وطلعت توضت وصلت وقعمزت وتمت اتهدرز معهم علي البيان وشن اديرو
نين روحت خالتي ورقدن البنات تاني يوم مشت رجاء في العشيه مع خالتي بيش تشري الدبش
وانصدمت لما شافت طارق في السوق قاعد
رجاء ؛؛ هذا شن يبي جاي هنا
خالتي؛؛ خالك حطنا وعد وهو امبدري كلمني عارفن طالعات
رجاء ؛؛ تو ادير قصه
وخشت رجاء لمحل وراسها لوطه مابتش اتعبر طارق االي امصبي قدام المحل
خشت وتمت اتبحت في القفاطين
طارق ؛؛ قرب منها بصوت واطي
كنه مقفل جهازك
رجاء ؛؛ مابتش اتعبره
خالتي ؛؛ بحتت فيهم ومشت قعمزت علي الكرسي وفاتهتم
طارق ؛؛ نحكي نا تقريبا
رجاء ؛؛ مش فاضيتلك يا طارق خطاني تو صاحب المحل ايخش ويفهمنا غلط
طارق ؛؛ شن اتحقي فيا انتي
رجاء ؛؛ ……..
طارق ؛؛ سكرتي في وجي ومادرتيتش عليا بعدها رقمك مقفل و اتجيني امي واتقولي علي الفاتحه والله نين وجي طاح اعرفت ان مانحكوش
رجاء ؛؛ بعدت منه ومشت شور مكان فيه القفاطين ولحظت ان صاحب المحل معش خش
طارق ؛؛ قرب منها ومسك يدها
نحكي معاك نا
رجاء ؛؛ يدك
طارق ؛؛ شد علي يدها بقوه
كنك سكرتي في وجي ومقفل ماتخلنيش انطلع اجنوني هنا
رجاء ؛؛ خنقتها العبره
اول نا ماسكرتش في وجك ماما خشت عليا وتمت تحكيلي علي موضوعنا وتحشمت انرد عليك وبعدين رديت رنيتك عليك وفتنتي غمتلي قفلت الفون وتاني يوم القيتك امقرر الفاتحه امتي والبيان وداير جوك
طارق ؛؛؛بحت في خالتي ولقها لاهيه في الدبش
ورفع يد رجاء وباسها
اسف حبيبي
رجاء ؛؛ نا شن قالت علي الانتظار يا طارق
طارق ؛ حبيبي حطي فيا ثقه والله مانحكي مع غيرك وكان نحكي مع غيرك راه فاتحتنا مش يوم الخميس
رجاء ؛؛ خشت يدها في جيبه وخذت الفون امتعه
طارق ؛؛ كنك
رجاء ؛؛ نبي انروح به
طارق ؛؛ ونقعد هكي نا
رجاء ؛؛ افتح المدار ولاه خوذ فوني بس الفون هذا انسه نبيه
طارق ؛؛ خلي عندك تو بس ماتروحيش به
رجاء ؛؛ قفلت الفون وبرمت وجها ودساته في ……
طارق ؛؛ تي وين حطتيه
وخشن بنات
رجاء ؛؛ حول ناس خشو وين صاحب المحل
طارق ؛؛ احسابك بعدين نعرف نا كيف انطلعه هيا اشري حاجتك من المخل هذا
رجاء ؛؛ هههههه تقدر
طارق؛ هيا اشري ابسرعه
وخش صاحب المحل وضحك لطارق
رجاء ؛؛ بحتت في طارق
عيني عينك صاحبك ومتفقين
طارق ؛؛ نا متفق حتي معي عمتي هيا بيش اتخشن للمحل ذهب هنا
رجاء ؛؛ باهي
وبحتت رجاء في القفاطين وجتها خالتي
خالتي فاطمه؛؛ عجبتني البداله هذه شن رايك
رجاء ؛ اهاااا حلوه
طارق ؛؛ بسرعه هيا اختاري
رجاء رجاء شوفي القفطان وبرم وجه شورها وغمزلها
رجاء ؛؛ اعجبك
خالتي؛ ؛ الحق سمح
رجاء ؛؛ بحتت في البنات اللي خشن ولقت الانظار عليها
قربت منه وامسكت يده
حبيبي تبيني ناخذه
طارق ؛؛ فطن ان في ان برم وجه وشاف البنات ايبحتن فيه
ابتسم
رجاء ؛ ضربته بيدها علي جنبه
طارق؛ ؛ يدك
خالتي ؛؛ رجاء هيا بسرعه
رجاء ؛؛ طارق نزلي القفطان والبداله واطلع بره بيش انخش انقيس
طارق ؛؛ تو نرجاك هنا
رجاء ؛؛ بحتت في البنات اخر وردت بحتت في طارق
حبيبي اطلع خيرلك
طارق ؛؛ باهي وانتي عقلك امسوس
ونزلها القفطان والبداله وطلع وهي خشت وقستهن
وطلعت
خالتي ؛؛ خلاص ناخذوهن حلوات هيا نمشو للذهب قبل مايسكر
رجاء ؛؛ باهي
وطلعن ولقن طارق مشن معه للمحلات تانيات شرن عبايه واحذيه وخشن علي محل ذهب
طارق ؛؛ هيا اختاري اللي تبيه
رجاء ؛ راه نبي ناخذ طاقم كبير
طارق ؛؛ مايهمك شيء
رجاء ؛؛ ههههه انبصر
وبحتت واختارت هي وطارق دبله وطاقم وخذت اسوره
طارق ؛؛ زيدي اخري
رجاء ؛؛ ﻻﻻ نبي الاسوره هذه اطلعها من جيبك واتلابسها ليا بعد الدبله
خالتي ؛؛ هههههههه كلا انتي شاطره
رجاء ؛؛ ههههههه اهااا لقدام صحباتي ايقولن جابلها هديه خاطي طاقم والدبله
طارق ؛؛ به شن رايك الخاتم هذا بالاسوره امتعته احسن من الاسواره بس
خالتي ؛؛ ذويق يا ولد خويا ومانندري
رجاء ؛؛ بحتت في امتع المحل
كذا طلعني الخاتم انقيسه
صاحب المحل ؛؛ تقريبا مايجيش كبير عليك
وطلعه وقساته ولقته كبير
صاحب المحل ؛؛ انتي مقاسك هنا ممكن تلقيه
طارق ؛؛ خاتم باسواره
صاحب المحل ؛؛ اها شوفو هذين
رجاء؛؛ خذت وتمت اتقيس
طارق ؛؛ تي شن هذين اصابع ولاه شنو
رجاء ؛ ههههه خواتم هن الاكبار
اهو هذا جا تمام
خالتي ؛؛ خلاص اوكي هذا هيا اكيده الاعيال امشيبن راس اميره
رجاء ؛؛ خلاص نبي هذين
طارق ؛؛ الحساب
رجاء ؛ نبي دبله راجليه قبل
طارق ؛؛ بحت فيها وضحك
نلبسش في دبله نا
رجاء؛؛ والله ﻻﻻﻻ البس
طارق ؛ ههههه به هات انقيس
صاحب ؛؛ عندي فضه
طارق ؛؛ اوكي تمام
واختار طارق الدبله وادفعو وطلعو
رجاء ؛؛ ميك اب بس
طارق ؛؛ هيا المغرب ياذن راه
رجاء ؛؛ علي السريع بس
وخشت رجاء وشرت ميك اب وطلعت وجت علي لمحل عرائس
طارق ؛ كنك شن تبي فيه هذا
رحاء ؛؛ يامسوس نبي نشري اتوت وحاجات بيش اتجيبهم انتو في صندوق
طارق ؛؛ ونا امتي انشوفهن الحاجات الاخري
رجاء ؛؛ استغفرالله
شوف شوف خالتي وهي تمشي بشويه ماتبيش اطقن
طارق ؛؛ ارجيوه اشري حاجات اسماح
رجاء ؛ هييييييي طيح سعدك وانت ديمه عقلك امسوس
طارق ؛؛ وراسي اشري توته شروت وغمزلها
رجاء ؛؛ هههههه هبل وخشت رجاء وخش معها طارق وايبحت في الارواب
وخالتي خشت وراهم
رجاء؛ ؛ طارق تحشم واطلع
طارق ؛؛ هههههه ارجيوه خوذي هكي باهي
رجاء ؛؛ عينك نبي نشري اتوت نا
وجا طارق علي توته شورت وكت وخذها
رجاء ؛؛ هييييييي تي تحشم
طارق ؛؛ خطيني راه خيرلك
رجاء ؛؛ مشت واختارت اتوت وملابس داخليه
وطارق ايراقب ويضحك
خالتي ؛؛ خلاص كملتي
رجاء ؛؛ اها هكي تمام خلاص
خالتي ؛؛ خوذي سباط الفرش هذا انحطوهن في صندوق التوت وملابس الداخلية
رجاء ؛؛ باهي تمام هكي ماه
خالتي ؛؛ اوكي بس ليش واخذه اتوت بس نوعي وخوذي ارواب احسن
رجاء ؛ اختاري انتي طارق ايبحت فيا
خالتي ؛؛ باهي عدي الهيه غادي ونا تو نختار
رجاء ؛ به
ومشت رجاء وشور طارق
نزل عيونك وتحشم
طارق ؛ ههههه فيهن جو تي والله امغير انطلع الفرح بس تلقي قدامك دولاب كامل
رجاء ؛؛ هههههه تحشم
طارق ؛؛ تي انتي اللي تحشمي خلاص قريب انكون راجلك حلالك ومازالتي ماحنيتي عليا في الليل اتقول نحكي معي صاحبي
رجاء ؛ طاااااارق كنك اليوم انت
طارق ؛؛ ساهل ساهل اطلعي خلاص خالتي ادفعت
خالتي ؛؛ خلاص ياطارق انت خوذ الدبش وروح خلاص رنيت علي عيسي اقريب ايجي
طارق ؛؛ انشيلهن ل امي
خالتي ؛؛ اها بيش ايحطنهن في صناديق
رجاء ؛؛ اصبر عطيني كيس القفطان وكندرته
خالتي ؛؛:اهو عيسي خلاص اطلعو
رجاء ؛؛ هيا
وجت تبي تطلع كرها طارق
طارق ؛؛ طلعي الفون راه انطلعه نا
رجاء ؛؛ خالي حول
طارق ؛؛ رجاء عارفتني انديرها راه والله انطلعه
رجاء ؛ ههههه طيح سعدك
وقربت منه وخلته قدامها وبحتت مع الجنب خلته امغطي عليها وطلعت الفون ومدته له
طارق ؛؛ ههههههه ايوه هكي
مره تانيه طلعيه ونحن بروحنا
رجاء ؛؛ ازي
وطلعو وخذت رجاء كيس القفطان وكندرته وركبت
خالي ؛؛ ها شريتو
خالتي ؛؛ اها شرين وكلمنا طارق جا وخذا الدبش مافينا ماكرين
خالي ؛؛ مبروك ارجيوه
رجاء ؛؛يبارك فيك
خالتي ؛؛ عيسي في كوافير هنا نبي نحجزو فيها بس علي السريع
خالي ؛؛ باهي
ومشي خالي للكوافير ونزلنا واحجزن وطلعن
وروحن للحوش
اميره ؛؛ قفطان حاجه
رجاء ؛؛ ذوق طارق وخالتي اكتر شيء
اميره ؛؛ جاكم غادي
رجاء ؛؛ اهااااا متفق هو وناس هنا
خالتي ؛؛ هههههههه الله غالب كلمني وقالت باهي
ماما ؛؛ وين باقي الدبش
خالتي ؛؛ قالتله روح به بالمره
ماما ؛؛ انعنك ماتغيبي
خالتي ؛؛ سلمك
خلاص نا امروحه تو نبرم
ماما ؛ بكره انديرو موالح عيت سالمه تو ايجن بيش بعدها اميره تمشي ل ايه وتبرم علي الحوش
خالتي ؛ باهي خلاص تو انجي
سلام
اميره ؛؛ خالتي بكره وانتي جايه جيبي مناديل جافه اللي عليهن ورد
خالتي ؛ ياهي سلام
وطلعت خالتي ورجاء صبت وقاست القفطان
وتعشو وخشت للدار وافتحت الفون رنت علي طارق دارلها مشغول خلت الفون علي الهزاز وارقدت
بعدها ساعتين رن عليها
رجاء ؛؛ بصوت نعسان وراقده
ها حبيبي
طارق ؛؛ راقده
رجاء ؛ نعست وينك
طارق ؛؛ مع الجماعه
رجاء ؛؛ هاااا
طارق ؛؛ وين علي الارواب
رجاء ؛؛ هيييي شفتهن
طارق ؛؛ ههههه اها فتشتهن امي قدامي ولما جت علي كيس هذا افتحته ونا امصدمت وبعدها لميت دبشك وخششته للداري وتفرجت عليهن
رجاء ؛؛ خالتي هن اللي خذتهن قالتلي نوعي قدام الناس اتوت سامطه
طارق ؛؛ ناعليا نا من خالتك هذه وين مشيتو بعدها انتو
رجاء ؛؛ حجزت في الكوافير
طارق ؛؛ اهاااا به
وقعدو ايهدرزو لعند الفجر صلو وارقدو
وثاتي يوم جينا كلنا نا وايمان وخالتي فاطمه وسالمه وبدينا في الموالح من الصبح درنا نوعين موالح عدد كبير
وفي العشيه رجاء مشت للمعهد وروحت
خالتي ؛؛ بكره اتحني
رجاء ؛؛ ﻻﻻ مش امحنيه
امل ؛؛ هيييي كنك
رجاء ؛؛ ما علي المعهد مانبيش انحني
ايمان ؛؛ البسي قفزات
رجاء ؛؛ طارق قالي ماتحنيش وتمشي للمعهد والحق نا ماعنديش عليها واجد قالت احسن
ماما ؛؛ حتي طشه
رجاء ؛؛ ﻻﻻ نبيش انحني معهد سامطه الاساتذه ايشوفو ايديا
امل ؛؛ والله طارق هذا قدر شكله
نا ؛؛ ههههههه بكل اخر
رجاء ؛ ههههه سمطات
هاتي هاتي بيده هنا
نا ؛؛ وراس ارجيوه غيرله
رجاء ؛؛ باهي من اعيوني
ماما ؛؛ غريبه
نا ؛؛ هههههههه
رجاء ؛؛ امغيره بيده هادي بس
خالتي سالمه؛؛ خلاص تو انجو بعد الغداء نحن بدال الفاتحه والبيان بعد المغرب
نا ؛؛ ﻻﻻ ياخالتي تعالن من الصبح
خالتي سالمه؛؛ ﻻﻻ سامطه تو انجو بعد الغداء احسن من اخر فم انغيرو وانجو طول
ماما ؛؛ به خلاص
روحنا كلنا وجا يوم الاربعاء وجن البنات وماما وباتن عندي وتاني يوم وعينا من الصبح وجو عيت عمي بدو في السلايط والعصبان وجن السويات والغسلات
الهام ؛ احسن حاجه الغسلات
عمتي ؛؛ اهاااا ياخيتي البنات يبن ايحوسن ولاه يخدمن
نا ؛؛ من جابهن
عمتي ؛؛ نا كلمتهن
الهام ؛ كلمو رجاء اتجي اتغداء بيش تمشي للكوافير
رجاء ؛؛ جيت جيت
وجت تجري وقعمزت وبدت تاكل
الهام ؛؛ حواجبك حلوات
رجاء ؛ دارتهن ليا اميره امس
الهام ؛؛ اهاااا ايهبلان الحق
رجاء ؛؛ اعيونك
هدي ؛ تي وين طارق من امس مختفي
رجاء ؛؛ مع اصحابه
خطرها راه في مصوراتي تبي اتجي
نا ؛ من حجز فيها
رجاء ؛؛ هديه من انور
هدي ؛؛ اوووووو هديه حلوه والله
رجاء ؛؛ اهاااااا
اميره ؛؛ كولي بشويه كنك
رجاء ؛؛ فوني ايرن قاعد
هدي ؛؛ هزاز
رجاء ؛؛ ههههههه اها اكيده طارق
وصبت تجري وغسلت يديها
نعم حبيبي
طارق ؛؛ وينك
رجاء؛؛ انتغداء كنك
طارق ؛؛ قالتلك راه هديتك عند امي قالتها لما انخش انلابسك تعطيها ليا
رجاء ؛؛ ﻻﻻ نبيك انت اطلعه من جيبك قدام الناس
طارق ؛؛ باهي تو انقوله تعطيهن ليا قبل مانخش تمام
رجاء ؛؛ تمام
طارق ؛؛ جو امتعين الخيمه
رجاء ؛؛ شكلك عابي علي فاتحه كبيره
طارق ؛؛ ههههههههههه اها
ها جو
رجاء ؛؛ اها جو امبدري واقربب ايكملو اخري
حس خالد جا خلاص نبي نمشي للكوافير
طارق ؛؛ رجاء ماترويحش بلا خمار تو اتجي وايكون قدام الحوش امعبي
رجاء ؛ حاضر تو نلابسه وين قاعد انت
طارق؛؛ كنت انحلق تو
رجاء ؛؛ نعيما
طارق ؛؛ الله ينعم عليك والله متشوق انشوفك بالقفطان
رجاء ؛؛ سلام خالد ينادي
طارق ؛ انحبك سلام
ايمان؛ ؛ اطلعي بسرعه اينادي
رجاء ؛؛ هيا نلابس عبايه بس
ايمان ؛ هيا واهو قفطانك والكعب
رجاء؛؛ شكرا
واضبطتها وطلعت تجري وتقابلت هي وعيت علي خويا في الجنان
علي ؛؛ مبروك مبروك
رجاء ؛؛ يبارك فيك
مراد ؛؛ هيا رجاء خالد ايبيب
رجاء ؛؛ هيا هيا
مروه ؛؛ عدي ماتاخريش عليه
رجاء ؛ به خشي الحوش امعبي راه
مروه ؛؛ به
خالد ؛؛ تي كنك طولتي
رجاء ؛ كنت انتغداء
خالد ؛؛ به
رجاء ؛؛ ووووو عليش الضويا هذين كلهن وخيمه كبيره
خالد ؛؛ طارق عابي علي العشاء كبير بكل
رجاء ؛؛؛محمد جاي
خالد ؛؛ مابش ايجي
رجاء ؛؛ شكرا خالد
خالد ؛؛ عفوا وردي بالك من روحك
رجاء ؛؛ ان شاءالله
خالد ؛؛ بيش اترني عليا
رجاء ؛؛ بيش
خالد ؛؛ هههههههههههه برقمك الجديد وغمزلها
رجاء ؛؛ هههههه خوذ سجل رقمك
خالد ؛؛ اوووووو فون حلو والله
رجاء ؛ جديد جاني امس
خالد ؛؛ ههههه امس بس
اهو رقمي سجليه
رجاء ؛ سلام
وخذت الكيس ونزلت وخشت علي الكوافير
نا ؛؛ وووووو عليا نا ووووووو
سمعت ماما صوتي ونا مترفزه وخشت عليا في الدار
ماما ؛؛ كنك
نا ؛؛ انسكت واحد والاخري يبدا شن اندير معش خلوني اندير ميك اب الناس كلها البست وكملت
ماما ؛؛ هاتي هنا خلاص وديري
نا ؛؛ غموها ليا معش نبي
هدي ؛؛ ويه يبك مراد بره
نا ؛؛ يييييي عليا تعبت والله تعبت وماعاد درت حاجه
ماما ؛؛ اكيده يبي ايغير تعالي هدي خوذي بيده
هدي ؛؛ هاتيه
وشالت ماما ارحيمه وطلعت
ونا طلعت شفت مراد
مراد ؛؛ نبي انغير
نا ؛؛ تعال خش
وخشيت قدامه وانفضيله في الطريق وخش للدار
مراد ؛؛ كنك غمتلك
نا ؛؛ الاعيال اليوم ديرنها بالعاني ماسكتو بكل حتي حوسه ماحست بسببهم الدنيا كلها تخدم وتجري ونا قاعده عليهم حتي حاجه مادرتها اهو اذن العصر واقريب ايخشو الناس ونا مازالت بالتوته
مراد ،؛ قرب مني واضبطني
خلاص حبيبي وسعي بالك
نا ؛؛ قعدت نبكي
تعبت حبيبي والله تعبت
مراد ،؛ تم ايبوس فيا
نا ؛؛ انقولك تعبانه اتعبني اخري
مراد ؛؛ ها بيش تهدي
نا ؛؛ غير
مراد ؛؛ فتح الدولاب وطلع جلبيه خليجيه
حبيبي البسي هذه
نا ؛؛ ليش هذه
مراد ؛؛ بيش تقعدي مستوره قدام طارق
نا ؛؛ عابيه نلابس اقصير
مراد ؛؛ ﻻﻻ البسي هذه احسن
نا ؛؛ باهي
ومسحت دموعي وجيت علي المرايه وبديت اندير في ميك اب
ومراد غير دبشه
وقعمز تم ايدخن
نا ؛؛ صبيت وغيرت ولابست الجلبيه
مراد ؛؛ اهي السماحه الصح
نا ؛؛ ههههه نجك ليا
مراد ؛؛ لما تبكي اتكوني شينه بكل راه
وقرب مني واضبطني
نا ؛؛ اسفه تعقدت
مراد ؛؛ عادي حبيبي ضغط بس
نا ؛؛ نبي انلم شعري فوق احسن
مراد ؛؛ ليش خليه هكي
نا ؛ ﻻﻻ نبي انلمه
مراد ؛؛ هيا طلعيني قبل
نا ؛؛ هيا
وطلعت وطلعته وخشيت للمطبخ والقيت اميره
نا ؛؛ كملتن
اميره؛ خلاص اهاااا
نا ؛؛ اميره تعالي لميلي شعري
اميره ؛؛ باهي
وخشيت للدار ودرتلي اميره تسريحه خفيفه وحلوه ولميت الدار وطلعت وبخرنا وبدو ايجو الناس
وجت رجاء
خالتي فاطمه؛؛ لووووووووووووووووووووووووو
الهام ؛؛ ماشاء الله تبارك الله
اميره ؛؛ متغيره ياشينه
رجاء ؛؛ خشني خلاص
حولت عبايتها وخشت والقت الحوش امعبي ناس خشت وقعمزت علي الصالون
وبدت المصوراتي اتصور فيها
واذن المغرب وجو الرجاله وقرو الفاتحه
الهام ؛؛ لووووووووووووووووووووووووو
كلنا تمينا انزغرتو وتمينا نبكو ادموع الفرحه طبعا ورجاء شدت روحها بالغصب
هاجر؛ ؛ ياهبله اتخربي الميك اب
رجاء ؛؛ ههههه فرحانه بكل نين ايديا يرعشن
عمتي ؛؛ مبروك ياكنتي
رجاء ؛ يبارك فيك
وسلمت عليها وحبت علي راسها وسلمت علي ماما حبت علي راسها
وصورت معهن
وقعمزت وتمو ايباركولها الناس
وحطين العشاء وعشينا الناس كلهم
عمتي ؛؛ هيا ياصبايا طلعن الصناديق وتنهن راه طارق قالو بره
هدي ؛؛ هيا هيا
ومشينا قعمزنا وتمينا اندربكو وخشو اعربي بالصناديق
وولعن الاذاعه بصوت عالي
وبعدها خش طارق استقبلته عمتي
عمتي ؛؛ مبروك مبروك
طارق ؛؛يبارك فيك
امي هاتي الهديه قبل
عمتي ؛ ؛؛ الهام الهام هاتي الهديه
الهام؛ ؛هيييي اطروقه ماشاءالله تبارك مبروك
طارق ؛؛ يبارك فيك هاتي الهديه بيش انخش
الهام ؛؛ اهي حطها في جيبك بيش اتسلم عليها بالخد وحب علي راسها
طارق ؛؛ ههههه ان شاءالله
وخش طارق والانظار كلهن عليه كان طالع ايهبل بكل
رجاء ارتبكت بكل وصبت جاها طارق وسلم عليها بالخد وحب علي راسها
طارق ؛؛ مبروك
رجاء ؛ انحرجت ونزلت راسها
طارق ؛؛ بدون ما يحس بروحه حبها علي خدها
بنات العائله كلهن تمن ايعيطن
طارق ؛؛ ههههه ماصدقن شكلهن
وقعمزو
كنك ترعشي
رجاء ؛ حرجتني بكل
وجت المصرواتي وتمت اتصور فيهم
وبعدين جت هدي وجايبتلهم التورته والعصير
وصب طارق ولابسها الدبله وجاته حنين ساعدته علي تلابيست الطاقم وهي لابسته دبلته
رجاء ؛؛ بصوت واطي
طلع الهديه
طارق ؛؛ شن
وقرب منها وحط وذنه علي فمها
رجاء ؛؛ انحرجت
الهديه الهديه
طارق ؛ حبها علي خدها
اهي الهديه
البنات ؛؛ طااااارق وسع بالك
طارق ؛؛ بحت فينا ويضحك
بصوت عالي
هههههه سمحه طالعه شن اندير
وقعدو معازيم كلهم يضحكو
ورجاء تضحك وضربته علي يده
طارق ؛؛ راه اندير اخر
وطلع العلبه من جيبه ولابسها الخاتم والاسواره في يدا وحده وباسها
رجاء ؛؛ متخزرطه ماشبعتش
والمصوراتي اتصور فيهم
هدي ؛؛ هيا ياطارق قص التورته
طارق ؛؛ التفت عليها
كنك مستعجله
هدي ؛؛ هههههههه ضحكت الناس عليك هيا
طارق ؛؛ بحت في رجاء
ومسك يدها وقصو التورته ووكلها
ولما جت رجاء تبي اتوكله بلداته وكلت هي
والمعازيم ؛؛ ههههههههههههههه صحه لكي صحه لكي
طارق ؛؛ باهي به تو اتشوفي
وجا يبي ايوكلها
رجاء ؛؛ اتبحت فيه وتضحك خايفة ايبلدها
طارق ؛ كولي والله ماح انبلدك
رجاء ؛؛ كبير الطرف
طارق ؛؛ تي هيا
وقرب الشكوه منها وحط الطرف في فمها بس بحكم ان كبير ماخشش كله
هو قرب منها ومسك باقي طرف اللي طالعه بفمه وكله
المعازيم ؛؛ اوووووووووووووووووو
عمتي ؛؛ مادرت خير يا طارق
طارق ؛؛ ايبحت في رجاء وهي منصدمه وياكل
ماقالك حد اتبلدي
رجاء ؛ نزلت راسها وحطت يدها علي فمها
هاجر ؛؛ ركح روحك خلاص اشربو عصير
طارق ؛؛ خذا الطاسه كان فيها قصبتين
وشربها وبعدين شرب من قصبتها
والمصوراتي عاجبها الجو واتصور لان طارق ادير في حركات حلوه
هاجر ؛؛ خشي غيري يااارجيوه
رجاء ؛؛ باهي
وطلعت رجاء من الصاله ومعها طارق وخشت للدار
رجاء ؛؛ خلاص اطلع لما نلابس البداله تعال صور معي
طارق؛ ؛ به
وقرب منها وباسها علي خدها وطلع
وخشيت نا واميره
نا ؛؛ طارق فاصل اليوم
رجاء ؛؛ ماني عارفه كنه
اميره ؛؛ صحباتك غارن منك وتمن ايعيطن
رجاء ؛؛ ههههه هيا غيرلي
وخشت دعاء
دعاء ؛؛ الله واكبر عليه طارق هذا ايهبل ودمه خفيف
اميره ؛؛ قصدك صايع
رجاء ؛؛ ههههههه بكل
ولابست رجاء البداله رسميه واقصير وطلعت
وشافوها الناس وتمو ايروحو
وماقعد حد الا العائله والمصوراتي
رجاء ؛؛ ويه جيبي بيده وارحيمه بيش ايصورو معي
نا ؛؛ باهي
وجبتهم وصور معها
وبعدها جا طارق وتمت ايصور معها بالبداله
رجاء ؛؛ طارق تحشم خلي احدود
طارق ؛؛ خلاص حلالي تو
رجاء ؛؛ مش قدامهم
الهام ؛؛؛طارق بما ان العائله بس قاعده كلم خوتك بيش انصور كلنا مع بعضنا
طارق ؛؛ باهي بس رجاء ماتصورش هكي
الهام ؛؛ ارجيوه البسي عبايتك الجديده هذه
رجاء ؛؛ باهي
وفتحن الصندوق وطلعن العبايه ولابستها
وروحو عيت علي وعادل
وخشو مراد وحاتم ومنتصر
وصورنا كلنا مع بعضنا
مراد ؛؛ مبروك ارجيوه
رجاء ؛؛ يبارك فيك
حاتم ؛؛ مبروك واخيرا عقلتيه
رجاء ؛ هههه يبارك فيك
الهام ؛؛ فرقت العقل هابا وكان تعرف شن دار
طارق ؛؛ ههههههه به يالهام
وطلعو الراجله كلهم
وخشت رجاء اتغير في دبشها
نا ؛؛ البسي توته جديده منهم
رجاء ؛؛ باهي شن طلعت حلو
نا؛؛ اتجننننني بكل بس طارق صايع واللي ايشوفكم ايقول هذوم علاقة سنين
رجاء ؛؛ هههههه اها بس طالع ايهبل هو عجبني
هدي ؛؛ ارجيوه امروحين نحن
نا ؛؛ انتي باتي مع خواتي بيتات هن
هدي ؛؛ صاااااح به
رجاء ؛؛ من يبي يشيلكم
هدي ؛؛ بابا معناها خلني نطلع علي ماما نقوله بايته
رجاء ؛؛ انغير ونطلع نا
وغيرت نا وطلعت وقعمزت جنب ماما في دار معيشه وعيت عمي روحو وهدي قعدت اتحوس مع اميره وايضمن في الحوش
وطلعت رجاء
رجاء ؛؛ جيعان بكل راه
ماما ؛؛ تو ايحطن عشاء
رجاء ؛؛ رن فونها
طلعته
نعم حبيبي
طارق ؛؛ بصوت متعصب
وين قاعده
رجاء ؛؛ استغربت
كنك شن في
طارق ؛؛ بصوت متعقد وعالي
نحكي نا وين قاعده
رجاء ؛ هنا في الحوش جوا
طارق ؛؛ اطلعي اطلعي راه انخشلك اطلعي تو بسرعه
رجاء ؛؛ انصدمت وانفجعت وصبت وتمت ترعش معش اعرفت ربي بيش ابتلاها
طلعت ولقته في الجنان امصبي و………….
يتبع