مسلسل سعاده كاذبه التكملة
مسلسل سعاده كاذبه
الحلقه 63
نا ؛؛ اس اس اميره اترن
ايوه اميره
اميره ؛؛ بصوت تبكي
وين قاعده
نا ؛؛ في شقتي نا والبنات كنك شن في
اميره ؛؛هدي رجاء جنبك
نا ؛؛ اهااااااا كنك شن في كنه صوتك هكي
اميره ؛؛ عمي جبريل عطك عمره
نا ؛؛ هيييييييي امتي
اميره ؛؛ اس هدي جنبك
رجاء ؛؛ كنك شن في
نا ؛؛ بحتت في هدي ومعش عرفت مانقول
وسكرت الخط
هدي ؛؛ كنك شن في
نا ؛؛ عمك عطك عمره
هدي ؛؛ شن عمي من
نا ؛؛عمي جبريل بات محمد
هدي ؛؛ هيييييي شن امتي ماليش ساعه كنت نحكي معه
نا ؛؛ شكله تو
رجاء ؛؛؛ياناعليا ياعمي حسني قهرني
هدي ؛؛ تمت تبكي صبت وخشت للدار العويلى
وتمت اترن علي محمد وهو مايردش
ونا رجاء تمينا نبكو الحق وجعنا كان اكويس بكل وطيب ووجعتنا هدي اللي فرحانه ب محمد وكان فرحهم تو واهو ماصارش منه
هدي ؛؛ لما معش محمد تمه ايرد تمت تبكي وجعتها
خشيت عليها في الدار والقيتها تبكي
نا ؛؛ هدي قوليها لعمتي بيش تمشي
هدي ؛؛ محمد مايردش عليا
نا ؛؛ من طبيعي ياحبيبتي باته راه واكيده متنكد
هدي ؛؛ وهي تبكي
شفتي بختي نا بيش لما انقولو ماعنديش حظ صدقو بس عارفه عارفه روحي وجي وجه نكد والقهاير
نا ؛؛ ﻻﻻ تقوليش هكي حرام عليك
وخشت ورانا رجاء
رجاء ؛؛ ويه نبي نمشي نا نبي انعزي البنات
نا ؛؛ حتي نا نبي نمشي امغير ايجي مراد بس
رجاء ؛؛ به
نا ؛؛:هدي انزلي قوليها لعمتي بيش تمشي
هدي ؛؛ باهي
ونزلت هدي ونا رجاء قعدن نحكو
رجاء ؛؛ الله يرحمه ويسامحه كان حنون بكل وكنا غاليات عليه
نا ؛؛ الله غالب والله تريح شوفي من امتي وهو ايعاني في هالمرض
رجاء ؛؛ صاح تريح اسمله علي البنات خليني ننزل انشوف هدي حرام
نا ؛؛؛ساعديني بيش ننزل معاكن
رجاء ؛؛ انتي باقيه بكل راه
نا ؛؛ الله غالب والله مانصدق انحط راسي علي مخده بيش نرقد حتي مراد باقي متعقد من وضعي هذا
رجاء ؛؛؛حرام عليك جفاف درتيه له
نا ؛؛ هههه والله حتي نا وجعني اتصدقي بيش ايخش يقعد جنبي ضروري ايكون داير حمام وايدخنش بيش مانشمش الدخان
مع زمان كان غالي عليا دخانه
رجاء ؛ بنته حلو الدخان
نا ؛؛ اهااا بكل بذات علي صدره
رجاء ؛؛ هههه باقيه صايعه
نا ؛؛ خلاص برسمي
رجاء ؛؛ هيا ننزلو
ونزلنا والقينا عمتي وهدي يبكن
نا ؛؛ عمتي وسعي بالك
عمتي ؛؛ ايه اقعدي معها نا نبي نطلع رنيت علي طارق وقالي تو انجي
نا ؛؛ به عدي مربوحه
عمتي ؛؛ انعنك ماتغيبي
وقعدنا امقعمزات وانسكتو في هدي
وايخش مراد وفي يده طبق قاتو
مراد ؛؛ السلام عليكم
نحن ؛؛:عليكم السلام
مراد ؛؛ كنكم شن في
نا ؛؛ جارنا عمي جبريل عطاك عمره
وشيرتله علي هدي
مراد ؛؛ ان لله وان اليه راجعون
امتي
نا ؛؛ امبدري حبيبي اتشيلنا
مراد ؛؛ تو
نا ؛؛ اهااا
مراد ؛؛ بكره خليها انشيلك من الصبح ونحضرو الجنازه بالمره
عمتي ؛؛ اها ياايه انتي مراه مكيوده وما عندك جهد اقعدي الليله هنا وبكره من الصبح نمشو كلنا حتي هدي تمشي واتعزي عمتها وصبياتها وراجلها
وكلنا بحتنا في مراد
مراد ؛؛ باهي تعالي ايه فوق
رجاء ؛؛ اركبي نا قاعده معها
نا ؛؛ به بيش تركبنا اتكسدن
رجاء ؛؛ خليها بجو
ونا ومراد ركبنا وطارق رن علي عمتي وقاللها هيا اطلعي وطلعت
ورجاء تمت اتهدي في هدي
هدي ؛؛ قهرني محمد ياريته امطلعين الفرح راه قاعده جنبه تو
رجاء ؛ نصيب ياهدي
هدي ؛؛؛عارفه شن اللي تقهر اكثر
رجاء ؛؛ شن
هدي ؛؛ ان محمد المده الاخيره تم ايقولي ياهدي خلينا انطلعو الفرح ونا انقوله خلي الصيف ايخش بعدها ساهله وكان عابي يبي ادير الفرح قبل الرمضان
رجاء ؛؛ هدي والله عمي جبريل تريح من زمان وهو ايعاني في هالمرض السكر امتعبه وجاته جلطه والله حتي افلوس ماخلي علي روحه ايعاني فالمستشفيات
هدي ؛؛ الله يرحمه ويسامحه
رجاء ؛؛ خلاص تعالي انخشو في الدار باتك تو ايجي ونا انتخشم منه
هدي ؛؛ به تعالي
وخشنا رجاء وهدي للدار وتمت هدي تبكي واترن علي محمد وهو مقفل
نا ؛؛ جايب قاتو
مراد ؛؛ علي نجاح رجاء
نا ؛؛ اهااا
مراد ؛؛ من قالها لكم
نا ؛؛ اميره اختي رنت عليا وقالتها
مراد ؛؛ اهااا هي قبل فرحها تو صاح
نا ؛؛ اها قبل رمضان يبوه
مراد ؛؛ نصيب باهي تو انرن علي حاتم ومنتصر انقولهم بيش بكره نمشو كلنا للجنازه
نا ؛؛ اهاا به رن
وكلم مراد حاتم ومنتصر وقالهم
ونا فوني رن
نا ؛؛ ايوه ايمان
ايمان ؛؛ وهي تبكي
سمعتي
نا ؛؛ اهاا الله يرحمه
ايمان ؛؛ وجعني ياويه وجعني كان ديمه ايدلع فيا نا
نا ؛؛ والله اول ماسمعت الخبر ذكرت لما كان ايكر في اشدوقك
ايمان ؛؛ والله قهرني عليك بخت بناته
نا ؛؛ بس اتقولو الحمد الله راه تبهدل في المده الاخيره
ايمان ؛؛ نا ماشيه تو منقدرش نقعد هنا
نا ؛؛ نا بكره نمشي من الصبح كرعيا متورمات نقدرش نمشي
ايمان ؛؛ به انتلاقو بكره نا طالعه تو
نا ؛؛ سلام
…
مراد ؛؛ ماشيه تو هي
نا ؛؛ اها ايمان كانت غاليه عليه لان كنت وهي اصغيره دبه وكان ديمه ايكرلها في اشدوقها
مراد ؛؛ وانتي من ايكرلك في اشدوقك
نا ؛؛ هههههه ماحد
مراد ؛؛ نجك ليا انتي ليا نا بس
نا ؛؛:انحبك
مراد ؛؛:ويتي يابخيله راه جيعان نا
نا ؛؛ هههه اصلا نا واكله مع البنات تو
مراد ؛؛ واتسيبني نا
نا ؛؛ تو انديرلك ماعليك امبدري ونا انفضي في الثلاجه خلاص القيت كبده قليتها للبنات وعقبتلك انت
مراد ؛؛ به هيا راه جيعان
نا ؛؛ نا نبي نعرف وين يمشي فيك الوكال بس
مراد ؛؛ هههههه قولي ماشاءالله
نا ؛؛ هههههه ماشاءالله تبارك الله
مراد ؛؛اهاااا ياظهري انحس فيه
نا ؛؛ هههههه شن علي اساس عطيتها لكي
مراد ؛؛ هههههه نجك ياتفهمي علي طول
نا ؛ ماشيه انديرلك عشاء
مراد ؛؛ تو انجي معاك
….وتعشينا وقعدنا نهدرزو نا ومراد وبنات لوطه ايهدرز في الدار
خشت عمتي علي البنات في الدار
عمتي ؛؛ ياناعليا يقهرن البنات يبكن وايعيطن
هدي ؛؛ شفتي محمد
عمتي ؛؛ اها شفته طارق عزاه وكلمني عزيته
هدي ؛؛ يبكي صاح
عمتي ؛؛ اعيونه متورمات نين قهرني
هدي ؛؛ عارفته عاد ولده الوحيد
عمتي ؛؛ الله يرحمه
رجاء ؛؛ هلي قاعدين صاح
عمتي ؛؛ اها جت حتي اختك العروس
رحاء ؛؛ ايمان
عمتي ؛؛ اهااا جت تبكي بكل واتعيط
رجاء ؛؛ خنقتها العبره واعيونها ملينات ادموع
اصلا هو كان ايحب ايمان واجد
هدي ؛؛ قالها ليا محمد
رحاء ؛؛ كانت اعيونه ايمان ماايتحمل فيها حاجه
عمتي ؛؛ الحاج روح
هدي ؛؛ روح بابا وخش رقد قالي متعشي
عمتي ؛؛ اها به بيش اتكلمي صبايا خوتك ايجن كلها بيش نمشو مع بعضهن كلنا في الصبح علي خاطر محمد
هدي :: حتي نا
عمتي ؛؛ قالتها لمراد وطارق وماحكوش حاجه مازال باتك انشوف تو
هدي ؛؛ به تو انكلم حتي هاجر وحنين
عمتي ؛؛ اها كلميهن كلهن بيش انخشو خشه سمحه وايقولو كلهم جو راه محمد ولدهم الوحيد ونحن من طرفه نبو نضو وجه ونبي بكره نشري حاجات السحور كلهن علي خاطره
هدي ؛ ان شاءالله انعنك ماتغيبي
عمتي ؛؛تسلمي نا كم عندي هدي ومحمد
هدي ؛؛ نجك ليا
عمتي ؛؛ تصبحن علي الخير
رجاء وهدي ؛؛ وانتي من اهله
هدي تمت تبكي ورنت علي هاجر وحكتلها وتمت تبكي معها اخر
رجاء ؛ تو نطلع انجيبلك ميه
وطلعت وخشت ولقت طارق يقلي في بطاطه
رجاء ؛؛ هيييييي فيش ادير
طارق ؛؛ الناس اتقول خير
رحاء ؛؛ فيش ادير في عقبات الليل
طارق ؛؛ عشاء مافي من اديرلي عشاء
رجاء ؛؛ بيش تعقل وتزوج بعدها اتجي مراه واديرلك عشاء
طارق ؛؛ ههههه
رجاء ؛؛ تو في ناس ادير بطاطه هكي
طارق ؛؛ خطيني نعرف اندير
رجاء ؛؛ اقعدت امصبيه واتبحت فيه ادير
طارق ؛؛ بحت فيها وضحك
شكلك مازالتي مافتحتي الهديه
رجاء ؛ يييييي انسيتها
طارق ؛؛ واضح مش مهمه عندك
رجاء ؛؛ ﻻ والله اساس انت الوحيد اللي عبرني علي نجاحي بس مراد امبدري كان جايب قاتو شكله تحشم من هدي وركبه فوق
طارق ؛؛ اوووو قاتو نقاني نبي
رجاء ؛؛ تي تو تقلي في بطاطه وتبي قاتو تي تبي تسمن انت
طارق ؛؛ ههههه عادي
رجاء ؛؛ عادي تسمن
طارق ؛؛ ههههه ﻻﻻﻻ
وكمل طارق البطاطه وتم ايحط فيها في تبسي
ورجاء اقربت منه وتمت تبي تاكل
طارق ؛؛ يدك ياابله
رجاء ؛؛ بنتها اتجننن
طارق ؛؛ ههههه راكي تسمني
رجاء ؛؛ ههههه اترد فيها ليا
طارق ؛؛ اثبتي علي جسمك هكي
رحاء ؛؛ بحتت في روحها واستغربت
طارق ؛؛ ههههه هبله صبيلي صبيلي عصير من الثلاجه
رجاء ؛؛ هييييي خطرت عليا هدي تبي ميه
طارق ؛؛ اكيده ماتت عطش
رجاء ؛؛ بعيد السوء وخذت طاسة ميه وخشت تجري لهدي لقتها راقده
اطلعت وخشت علي طارق
طارق ؛؛ ههههه ماتت
رجاء ؛؛ ارقدت
طارق ؛؛ اهااا به تعالي كولي
رجاء؛؛ باهي اللي عزمت
طارق ؛؛ ههههه تعالي تعالي
رجاء ؛؛ قربت منه وتمت تاكل في بطاطه
والله شاطر في بطاطه
طارق ؛؛ صقع عليك خير من معكرونتك
رجاء ؛؛ اخساره فيك
وجت تبي اتصبي طارق كرها من يدها
طارق ؛؛ تعالي اقعدي بلا جو شين
رجاء ؛؛ ﻻﻻ خلاص لليل نبي انخش نرقد
طارق ؛؛ اطمني مانسكرش نا بعقلي قاعد
رجاء ؛؛ ازي والله تفكيرك مسخ
طارق ؛؛ انتي اللي مسخ فيش فكرتي تو انتي
رجاء ؛؛ انصدمت وبحتت فيه
طارق ؛؛ نزل راسه وبحت في التبسي وتمت مبتسم
استغفر الله العظيم
رحاء ؛؛ انصدمت فيه
طااااااارق شن قصدك انت
طارق ؛؛ ههههههههههههههههه عليا طلاق هبله
رجاء ؛؛كيف انت متزوج
طارق ؛؛ اها بالسر
رجاء ؛؛ هييييييي تحكي جد
طارق ؛؛ اها ليا اسبوع متزوج وحده طرف من الاخير ارقيقه وديمه لفه شعرها كعكه فوق وجالطه وامس تعاركنا نا وهي عركه كبيره وتعقدت وخشيت للداري ونا فاصل منها ومن حركاته العبيطه
رجاء ؛؛ رفعت حاجب ونزلت حاجب
طارق من تقصد انت
طارق ؛؛ وحده عحبتني سالت عليها القيتها اتحب انسان تاني والمشكله متفارقين وهذا كله قدامي بكت عليه وماعبرتنيش
ولو حتي بالكذب
رجاء ؛؛ صبت تبي تطلع
طارق ؛؛ صبي ابسرعه وجا قدامها
رحاء ؛؛ متحشمه ونازله راسها لوطه وصوت دوبه طالع
حول طارق نبي نطلع
طارق ؛؛ ﻻﻻﻻ خليكي نبيك بدال حكيت نبي انكمل كلامي
رجاء ؛ طارق حول
طارق ؛؛ والله يابنت الناس عجبتني وكل يوم تعجبي فيا اكثر حتي امس علي قد ماغرت وانقهرت علي قد ماعجبتني عجبتني جراءتك ومشيتك له في فرحه
رجاء؛؛ منصدم من كلامه وساكته
وهو دفها وحطها علي الساس وسكر عليها
طارق ؛؛ رجاء انتي بروحك معجبه بيا وماتقوليش ﻻ لان واضح فيك شوفي مانصدقو انحصلو فرصه بيش نحكو مع بعضنا ولما شفتني نحكي بالفون في الاول ضربتني علي ظهري ومره خذيتي فوني وفتشتيه وغرتي لما شفتي رقم بنت رن
وامبدري لما شفتني نحكي بالفون جيتي وبخيتي عليا ميه
شن تبي اتكابري اخر
ولابسه سلسلتي وماتحوليش فيها
رجاء ؛؛ حست بقلبها ينبض بسرعه وتمت اتشم في بنته قديش هي حلوه
طارق ؛؛ رجاء نا جيبلك فون ونبيك تفتحيه وتحكي معي ومانبيش نلقي فيه رقم راجل غيري
رحاء ؛؛ ومن قالك ح نقبله
طارق ؛؛ ح تاخذيه وتفتحيه وتحكي معي وكان مااديرش هكي ساهله انقول لهلك
رحاء ؛؛ به لعند امتي وانت تقعد ماسك عليا
طارق ؛؛ نين اتكوني ليا نا
رجاء ؛؛ نا رافضه اي علاقه في حياتي
طارق ؛؛ ﻻ اقبلي علاقتي نا نبيك تبدي معي صفحه جديده كلنا لنا ماضي بس المهم في الحاضر شن انديرو وانتي يارجاء ماتحبيش لان لو اتحبيه راه ماقعدتيش سنه ماتحكيش معه وشافتيه قدامك في المستشفي وماعدلتيش عليه وجيتني وحكيتي معي
رجاء ؛؛ طارق نبي نطلع خلاص
طارق ؛؛ افتحي الفون
رجاء ؛؛ فوق في شقة ايه
طارق ؛؛ به تعالي
وخذها وكرها معه للدار
رجاء ؛؛ طيح سعدك كنك جايبني هنا
طارق ؛ ههههه مش قالت امسوس عقلك جايبك هنا نبي نعطيك فوني
رجاء ؛؛ طارق انت مش امتع زواج
طارق ؛؛ انا قالت علشان مالقيتش البنت اللي اتثبتني عليها واتخلني انحبها
رجاء ؛؛ بدون ما تحس بروحها فكت يده ومشت تجري وخشت للدار وتمت ترعش وخايفه
وتمت تذكر في كلامه واجد وفعلا صاح لقت روحها متقبلته من زمان بدليل انها تقبلت هديته وهو اللي خلها اتحول سلسلة سراج من ارقبتها فكرت في مواقف اللي بينها وبين طارق وتمت تضحك وارقدت والابتسامه علي وجها عكس اليوم اللي قبله
وعت علي صوتي نا
نا ؛؛ صبي هيا نبو نمشو
رجاء ؛ صااااح وين هدي
نا ؛؛ قاعده تتدوش هي صبي بيش تركبي اتوتي روحك
رجاء ؛؛ هيا وين عمتك
نا ؛؛ عدت من الصبح هي وعمي وقالت الحقني
رجاء ؛؛ هيا باهي
وركبنا فوق ووتينا اروحنا ونزلنا لوطه في الجنان نرجو في مراد وباقي العائله خشو عيت حاتم
الهام ؛؛ خيرا ياحناتي
نحن ؛؛:خير
الهام ؛؛ عظم الله اجرك هدي
هدي ؛؛:اجرنا واجرك علي الله
الهام ؛؛ باهي عمي قال باهي تمشي
هدي ؛؛ اها ماما قالتله هذه تو مراتهم ومن حقها تمشي اتعزيهم
الهام ؛؛ بحتت فيا
اها عليك منظر منظرنا نحن ياويه
نا ؛؛ ههههه باهي نا اللي بطني بكل انتي مازالتي في الرابع واصغيره
الهام ؛؛ اهااااا
وجا طارق وخش ولقنا قاعدين ولما شافنا ابتسم للرجاء ورجاء وجها لوطه
وخش وراه مراد ومنتصر
مراد ؛؛:هيا اطلعن
نا ؛؛ هاجر وحنين
طارق ؛؛ تو كلمني اسامه قالي معي هاجر وحنين في الطريق
نا ؛؛ اها به هيا
وطلعنا والقينا غاده في سيارتهم وركبت نا ورجاء مع مراد ومشينا للعزاء ووصلنا للحوش العزاء والقينه امعبي بكل
خشينا ونا لما شفت البنات وجعني واذكرت عزاء بابا وتميت نبكي ورجاء حتي هي تمت تبكي وهدي جتها عمتها وتمت تبكي وتضبط فيها
عمتي مبروكه؛؛ ياناعليا مافرح بيك ياناعليا كان خاطره في فرحكم
وهدي؛؛ انهارت وتمت تبكي
عمتي مبروكه؛ ؛ ياناعليا كان خاطره اتخشي بفيلولك للحوش يانا عليا ما فرح بوليده الوحيد ياناعليا
وجتها عمتي وماما تمن ايهدن فيها
وتمينا انهدو فيهم وقعمزنا كلنا مع بعضنا وكانن حتي صبايا خوتي قعدات
وجت ايمان تبكي وقعمزت جنبي
ايمان ؛؛ باهي لليوم صبرات قالك امس ايقطعن في القلب
نا ؛؛ اها باهي صبي اشتغلي معهن امغير ماعندي جهد
ايمان ؛؛ باهي اليوم خليني انباتو عند هلي
نا ؛؛: بالاستغراب
كنك
ايمان ؛؛ مريضه نا وقالت ل احمد نبي انبات عند هلي امرايفه علي الحوش
نا ؛؛ والله ما نقدر الايام هذين نبي انحول والحوسه فوق راسي مازالي التفريش ونبي نبدا نشري دبش بيبي
ايمان ؛؛ اتجيبي بسلامه ان شاءالله
نا ؛؛ عقبالك
ايمان ؛؛ هههه مازال
وجتنا رجاء
رجاء ؛؛ ايمان تعالي معنا
ايمان ؛؛ هي اني جايه
الهام ؛؛ هدي صبي حتي انتي اعرضي اكتوفك
هاجر ؛؛ اها ياهدي هيا انصبو
هدي ؛؛ انحس في روحي متحشمه
هاجر ؛؛ ﻻﻻ عيب مافيش حشم هيا
غاده ؛؛ نا مروحه
الهام ؛؛ كنك
غاده ؛؛ ماشيه لهلي خلاص نبي نمشي قبل مايمشي منتصر للجنازه قالت انجي تو معاكن لان شينه انخش بعدين اوحدي
الهام ؛؛ باهي بسلامه
نا ؛؛ شن اخبار رهف
غاده ؛؛ امتعبتني ديمه تبكي
الهام ؛؛ بالكي مريضه
غاده ؛؛ طبعها هو اللي سامط خلاص اهو منتصر ايرن سلام
نحن ؛؛سلام
الهام ؛؛؛الناس كلها صبنا ماعاد نحن
نا ؛؛ الله غالب
الهام ؛؛ نا حامل بعيل
نا ؛؛:صاح مبروك
الهام ؛؛ وانتي
نا ؛؛ مراد يبيش ايقولي
الهام ؛؛ اها مراد مايقولش صاح
نا ؛؛ قصدك حتي الصبايا الاخرات
الهام ؛؛اها مرات خوايا مابش ايقولها نين جابت
نا ؛؛ بعد ايسكر راسه خلاص
البنات في المطبخ ايحوسن والانظار كلهن علي هدي نين هدي ارتبكت
رجاء ؛؛ تعالنا انشيلو حليب وتمر
هدي ؛؛ هاتي تو انشيل معاك
رجاء ؛؛ هدي جيبي مناديل
هدي ؛؛ من وين
اميره ؛؛ في البوفيه من الوطه
اللي في صاله جو في عرم مناديل عدي جيبي
هدي ،؛ به
ومشت هدي وخشت للحوش جو ولقت بوفيه افتحت الدولاب اطلع في المناديل وشافت باب انفتح التفت ولقت محمد طالع من داره وحته عينه في عينها
هدي ؛؛ جت وقربت منه ومدتله يدها
عظم الله اجرك
محمد ؛؛ بصوت مخنوق
سلم عليها ونزل اعيونه مايبيش هدي اتشوفه
اجرنا واجرك علي الله
هدي ؛؛ اعرفت قصده قربت منه وتمت تبكي
خلاص حبيبي ادعيله
محمد ؛؛ بدون مايحس بروحه انسند علي الساس وتما يبكي ويمسح في ادموعه
هدي ؛؛ حطت ايدها علي خده
خلاص حبيبي علشان خاطري
محمد ؛؛ مات بين ايدي يا هدي بين ايدي
هدي ؛؛ الله غالب
محمد ؛؛ كان فرحان بخطبتي ويرجا في فرحي
هدي ؛؛ نزلت راسها وتمت تبكي ومنهاره لان حست كلمة محمد واعره حست ان حرمت عمها بفرحة ولده
محمد ؛؛ كرها واضبطها زيييين وهي تبكي
هدي ؛؛ اسفه حبيبي والله اسفه
محمد ؛؛ اسسسس خلاص
هدي؛؛ والله من امس منقهره وعقلي عندك ولمت روحي واجد والله من امس وعقلي عندك ولما سمعتها كان بابا نا حسيتها في قلبي
محمد ؛؛ اسسس خلاص
و بحت في الحوش ولقي ناس بره في الجنان قاعدين
مد يده وفتح باب داره وخش وخششها معه في دار وسكرها
حبيبي خلاص
هدي ؛؛ امس والله كرهت روحي
محمد ؛؛ خلاص نصيبنا هكي امتي جيتي هنا
هدي ؛ امبدري مع خوتي
محمد ؛؛ اها ماقالتيش انك جايه
هدي ؛؛ فونك مقفل
محمد ؛؛ اهاا انسيت اهو قاعد في الدولاب هنا
به خلاص نا طالع نا امغير خاش انغير في دبشي ماشينا للجنازه
هدي ؛؛ تبي اتجيبوه هنا
محمد ؛؛ عمي قال انشيلوه لحوش جدي غادي احسن قران خير من هنا اعياط البنات
هدي ؛؛ ربي معاكم ان شاءالله
محمد ؛؛ صبي خلاص تبي حاجه
هجي ؛؛ سلامتك
محمد؛ امتي امروحه
هدي ؛؛ ﻻ تقريبا اليوم نا قاعده
محمد ؛؛ جيتي لابسه خمار
هدي ؛؛ ﻻﻻ جيت هكي
محمد ؛؛ تعقد وصبي
هيا سلام
هدي ؛؛ متعقد
محمد ؛؛ ﻻ براحتك
هدي ؛؛ حسيتها سامطه انجي بعبايه وهلك كلهم ايبحتو فيا قالت ابلوزه وجينز احسن
محمد ؛؛ براحتك باهي
هدي ؛؛ وين فونك
محمد ؛؛ التفت لاوره اهو في دولاب اكيده يبي شحن هيا نبي نقفل الدار
هدي ؛؛ ﻻ تو نقفلها نا
وطلع محمد وهدي خذت الفون وطلعت وقفلت الدار
ولقت قدامها رجاء
رجاء ؛؛ سنه
هدي ؛؛ القيت محمد عزيته
رجاء ؛؛ تعال شوفي خواته قعدات منهارات في الجنان لما شافنا تو طالع
هدي ؛؛ وينه
وطلعن بسرعه وتمنا ايشوفنا في بنات كيف يبكنا وايتتشن في محمد ويجدنا فيه علي ان ايجيب بوهن هنا في الحوش
محمد قعد يبكي ويمسح في دموعه وايسكت فيهن
رجاء ؛؛ تمت تبكي
عليك موقف يقهر
هدي ؛؛ واعره صاح
اميره ؛؛ اسالني نا امغير واعره وبس تقهر قهر هذا نار راكبه جو وتحرق فيك لما تتعيطي هكي تحسابي روحك اتبردي علي روحي بس في وقت هذا انتي اتعبي روحك اخر
هدي ؛؛ بحتت في اميره ولقتها تبكي
اميره ؛؛ من امس ونا انتخايل في عزاء بابا ووانفكر في اروحنا شن درنا
رجاء ؛؛ اييييييييي نا اصغيره مش فاطنه واجد بس نذكر في علي كيف قعد يبكي وايخبط في روحه واعمامي ايكتفو فيه ونجاح تندب هي وماما نين خلنا اوجهن دم
اميره ؛؛ اهاااااااااا الله يرحمك وايسامحك عدا وعوزنا وخلنا بلا ظهر
هدي ؛؛ اضبطت اميره وتمت اتسكت فيها
اميره ؛؛ تعالن انهدو البنات
رجاء ؛؛ شوفي شوفي خالد فيش ادير
خالد ؛؛ بصوت عالي
خلاص خلاص توفا ادعوله مش اتعيطن هيا يامحمد اطلع
محمد ؛؛ البنات ياخالد
خالد ؛؛ الله غالب يامحمد اطلع كان انتو تو فقدتو نحن من نحن اصغار وعشنا هذا امتحان من ربي هيا خلاص اطلع نبو نعدو ومانبيش ولا عيطه
ماما ؛؛ اطلع محمد خلاص خلي خواتك ماعليك فيهن
محمد ؛ به
وطلع محمد بسرعه واركبو ومشو
ومشي الوقت وروحو الرجاله من الجنازه وحطو الغداء وتغدو
رجاء ؛؛ نا ماشيه للحوشنا نبي انتريح اشويه
الهام ؛؛:ياعوينك
رجاء ؛؛ هيا معي امغير نبي حمام وانغير الجينز
الهام ؛؛ ﻻ وين حاتم يبي ايرن تو عليا وامروحين
رجاء ؛؛ اها وانتي ويه
نا ؛؛ ﻻﻻ قاعده اليوم بيش كان غبت الايام جايه نقعد جايتهم اسمعي انتي ح تروحي في الليل
رجاء ؛؛ باهي نا ماشيه للحوشنا
وجت هاجر
هاجر ؛؛ الهام راه اسامه رن وقال هيا اطلعو كلكم
الهام ؛؛ وهدي
هاجر ؛؛ ﻻ قاعده هدي اليوم تو اتروح مع ايه في الليل
الهام ؛؛ به خلينا انسلمو ونطلعو
هاجر ؛؛ هيا
ومشنا الهام وهاجر وحنين سلمنا علي الصبايا واطلعن
وطلعت وراهن رجاء ماشيه للحوشنا
وشافت طارق امصبي قدام حوشنا مع خالد
خالد ؛؛ امتي جيتي
رجاء ؛؛ امبدري مع ويه
خالد ؛؛ به كنك جايه هنا
رجاء ؛؛ نبي حوشنا افتحلي
خالد ؛؛ باهي خشي هيا طارق انخشو جو
طارق ؛؛ ايبحت في رجاء
ﻻﻻ وين
خالد ؛؛ ياراجل خش اكيده تبي شاهي ولاه قهوه رجاء ديري قهوه
رجاء ؛؛ باهي
وخشو كلهم ورجاء خشت جو للحمام وطلعت غيرت لبستها ومشت دارت قهوه وحطت وشاح علي راسها وطلعت عليهم ولقتهم يهدرزو
رجاء ؛؛ خالد اهي قهوتك
وخش علي
علي ؛ اووو ارجيوه شن الجو
رجاء ؛؛ تمام شن الاخبار
علي ؛؛ دايره قهوه اعبي بيا
رجاء ؛؛ به في البكرج انجيبلك
علي ؛؛ ماشيه للعزاء
رجاء ؛؛ اها جيت انغير بس
علي ؛؛ اهااا باهي قولي لمروه كان تبي اتريح اتجي هنا
رجاء ؛؛ حاضر
ومشت وصبت قهوه ل علي وجابته لهم
وطارق ايبحت فيها وايفنص مش عاجبته البسه بكل
رجاء ؛؛ برمت وجها وطلعت وجتنا في العزاء
وقعدنا امقعمزينا احذ ماما وعمتي وجن خالتي فاطمه وسالمه وجت امل معهن
نا ؛ غريبه جايه ماتحبيش العزاء انتي
امل ؛؛ الله غالب علي خاطر خالد ومحمد صاحبه وخاطركم هذوم جيرانكم وح ايكونو جيراني
نا ؛؛ اهااا باهي شن الجو
امل ؛؛ تمام قاعده امس قبل جايني خالد في الحوش اشويه ماصارش
نا ؛؛ اهاااا
امل ؛؛ قبل فرحنا تو
نا ؛؛ اها ماحتي طلعه تو خالد علي خاطر محمد
امل ؛؛ اكيده خالد امس بروحه يبكي ووجعه واجد حتي حكي معي ماحكي الليل كله يبكي مع محمد
نا ؛؛ عشرت عمر ياحنه من يومنا ونحن جيران
امل ؛؛ وين هدي تشتغل جوا
نا ؛؛ اها مع اميره ورجاء وايمان يجارن علي حالهن
امل ؛؛ اها نعيمه كنها قالبه وجها
نا ؛؛ هذا طبعها
امل : انعن مرض
اخت محمد ؛؛؛هدي معليش يبيك محمد جو
هدي ؛؛ انحرجت وين
اخته ؛؛ جو قال فونه عندك
هدي؛؛ اها به تو نمشيله
ومشت وخشت ووجها لوطه ولقت محمد قدامها في الصاله
محمد؛ ؛ مفتاح الدار وينه
هدي ؛؛؛اهو تفضل اهو حتي فونك معي
محمد ؛؛ شن يبي عندك
ومش فتح باب الدار ووراه هدي
محمد ؛؛ تعالي خشي
امتي امروحه
هدي؛؛ خشت واقعدت امصبيه عند الباب
خلاص ظلمت الدنيا اكيده مراد اقريب ايروح من العياده وايجي ياخذنا
محمد ؛؛اها معش تطلعي هكي
هدي ؛؛؛محمد انت عندك عادي
محمد ؛؛ اقصيره البلوزه
واكيده الانظار كلهن عليك
هدي ؛؛ اهااا بكل
محمد ؛؛جايه بكره
هدي ؛؛؛ﻻ وين اليوم ماحوته ماما خلت بابا ايوافق علشانك انت
نبي نطلع تبي حاجه
محمد ؛؛ ﻻ امغير نبي فوني ونبي ناحذ فلوس بس
هدي ؛؛ به سلام
محمد ؛؛ سلام
وجتنا هدي ولقتنا نبو انصبو
هدي ؛؛ هيا
نا ؛ اها مراد رن
عمتي ؛؛ هدي عدي سلمي علي عمتك وصبياتك وهيا
هدي ؛؛ هيا باهي
وطلعنا نا وعمتي وهدي ورجاء وركبنا مع مراد وروحنا
وخشينا للحوش كلنا وركبت نا ومراد ورجاء فوق للشقه وخشت للدار لمار وغيرت
ونا مراد خشينا للدار
مراد ؛؛؛بكره راه ننقلو خلاص
نا ؛؛ واخير خلاص نبي نكمل ونفتك
مراد ؛؛ خلاص كملتنا انتن
نا؛؛ خلاص معش في شيء
مراد ؛؛ باهي مبروك علينا ان شاءالله
نا ؛؛ يبارك فيك اتصدق لما شفت الحوش امس ولمينه فرحت وحسيت اني خلاص نبي ندير عائله ونستقر والحمد الله
مراد ؛؛ نجك ليا مش اخساره فيك انا لو نلقي انديرلك قصر
نا ؛؛ المهم اتكون انت جنبي مقتنعه باي حاجه
مراد ؛؛ نجك ليا
نا ؛؛؛بس حبيبي لما انحولو نبيك اتخف علي روحك مش يوميا عياده خلاص انت كونت مستقبلك وعندك حوشين والحمدلله وراتبك اكويس خلاص ماتزيدش علي روحك
مراد ؛؛ يعني علشان عندي حوشين تبيني خلاص انتريح
ﻻﻻﻻ ان شاءالله ح نشري شقه اخر للاجار نبيها
لحمادي لما يكبر نبي نضمن مستقبله وعندي اعيال تانين نبي نضمن مستقبلهم حتي هم
نا ؛؛ ربي ايقدرك ان شاءالله
مراد ؛؛ ان شاءالله
سمعنا صوت رجاء
رجاء ؛؛ ويه راه نا نازله
نا ؛؛ اصبري اصبري
مراد ؛؛ حرام عليك تعبتيه معاك
نا ؛؛ نبي نعطيه قاتو اتنزله لوطه
مراد ؛؛؛خطرتي عليا من امس نبي نعطيه
نا ؛؛ شن
مراد ؛؛ مشي شور الدزدان وطلع افلوس
هذين افلوس تشري اللي تبي علي نجاحها
نا ؛؛ انعنك ماتغيب
وخذيت افلوس وطلعت وعطيته القاتو وافلوس
رجاء ؛؛ هييييي شن هذين
نا ؛؛ من مراد علي نجاحك من امس يبي يعطيهن لكي
رجاء ؛؛ ﻻ معقوله مانيش وخذتهن
نا؛؛ تي امغير خوذي راه يزعل مراد انتي عارفه
رجاء ؛؛؛ههه به شكرا
ونزلت رجاء ولقت الحوش هادي خشت وحطت القاتو في المطبخ وخشت للدار ولقت هدي مش قاعده
خشت هي وقعمزت علي السرير
بعدها خشت عليها هدي
رجاء ؛؛ وين كنتي
هدي ؛؛ صليت وطلعت للجنان القيت ماما وبابا وطارق ايهدرزو علي محمد طارق عاجبه محمد
رجاء ؛؛ اها شفتي محمد
هدي ؛؛ اها وجعني
رجاء ؛؛ الله غالب
وقعدنا ايهدرزن وايقرمن لعند ساعه 1 وسمعنا عمتي وعمي خشو رقدو وبعدها اسمعنا صوت طارق ايكح واجد
هدي ؛؛ شكله مريض
رجاء ؛؛ هههه عله
هدي ؛؛ هههه حرام عليك
رجاء ؛؛ هههه خلينا نرقدو احسن
هدي ؛؛ هييييي طارق ايرن كنه
رجاء ؛؛ بالكي يبي حاجه
هدي ؛؛ ايوه
طارق ؛؛ تعالي نبيك
هدي ؛؛ به تو انجيك
وطلعت هدي ولقته امقمعز في الدار وفاتح الباب
طارق ؛؛ هدي عدي ديرلي سندويش
هدي ؛؛ تو مش وقته
طارق ؛؛ ﻻﻻ وقته عدي
هدي ؛؛؛باهي
وطلعت هدي
وهو شافها طلعت مشي يجري للدارها
وفتح الباب ولقي رجاء امقعمزه علي السرير واتقلب في فون هدي
رجاء ؛؛ هييييي شن تبي انت هنا
طارق ؛؛ كنك مافتحيش فونك
رجاء ؛؛ والله مازالت ماشفته بكل وقاعد فوق
طارق ؛ به خلي فون هدي عندك وردي عليا
رجاء ؛؛ ﻻﻻ نبيش
طارق ؛؛ ردي راه خيرلك راه راقيلي منك
رجاء ؛؛ هيييييييييييييييي
طارق ؛؛ اجمد في مكانه وعرف من عند اعيونها ان في واحد وراه
والتفت ولقي ………….
يتبع