مسلسل سعاده كاذبه التكملة

مسلسل سعاده كاذبه

الحلقه 62

رجاء ؛؛ ماشيه نا وهدي للفرح سراج 
نا ؛؛ هيييييييي شن
رجاء ؛؛ اهاا يبي ايشيلنا طارق كذبنا علي طارق وقالي باهي تو انشيلكن بس انتي راكي اتقوليها لحد
نا ؛؛ من جدك انتي هبله ولاه مهبوله
رجاء :؛ بالعكس نا كان مامشيتش نقعد هبله صاح ضروري نمشي وانوريه نا من
وتمت تبكي
ياويه خليني نمشي وراسي والله خاطري انخليه ايشوفني ونا شايفته عريس لغير خليني نكذب علي روحي واندير روحي قويه شويه علشان خاطري بس
نا ؛؛ قربت منها واضبطتها
انتي كان مشيتي ح تتعبي اخر

رجاء ؛؛؛بالعكس نندم اني في يوم تعرفت عليه وحبيته نبي انشوفه بيش نكره ويسهل عليا نسيانه

ودق باب الشقه وطلعت وفتحت والقيتها هدي
هدي ؛؛ ها شن صار
نا ؛؛ مسحت ادموعي
معها انتي
هدي ؛؛:نا اللي قتلها امشي خلاص لعند امتي وهي قاعده هكي قاعده تبكي كل الليله تو اتخشش روحها في حاله نفسيه نا نبيها تمشي وتتعب ليله وليلتني شهر بس صدقيني في النهايه ح توعي لروحها واتصدق ان مش لها وتنساه كيف نا

نا ؛؛ بس واعره راه
هدي ؛؛ الضربه اللي ماتقتل اتقوي

نا ؛؛ به ابراحتكم تعالي خشي جوا في الدار

وخشينا في الدار والقينا رجاء تبكي بس تمت تمسح في دموعها
هدي ؛؛ ﻻﻻ مش هكي نحن متفقين
رجاء ؛؛ ها تبي اتوتي روحك
هدي ؛؛ ارجيوه نبيك انتي العروس اليوم والبسي احلي حاجه
رجاء ؛؛ بحتت فيا
ويه نبي قفطان
نا ؛؛ باهي تو انجيبلك عارفات نا ليش وافقت وسكتت
هدي ؛؛ ها
نا ؛؛ علشان مراد اليوم ماسك يعني مش ح يفطن انكن مش قاعدات
رجاء ؛ صاااااح باهي تمام ساعه كم يطلع من هنا
نا ؛؛ ساعه 8 بس تو انتن وتن اروحكن لوطه مش هنا بيش هو مايفطنش
هدي ؛ راقد هو
نا ؛؛ اها راقد انزلن تو بعدين انجيبلك قفطان
هدي ؛؛ باهي اساسا الحوش لوطه فاضي ماما وبابا عدو
نا ؛؛ وين
هدي ؛؛ شرت دبش ل رهف بنت منتصر ومشت للعزاء
نا ؛؛ اهااا ياعوينها غاده جابت ودارت عشاءها وافتكت
هدي ؛؛ عقبالك علي خير وسلامه نسالك مراد ماقالش شن جنسهم
نا ؛؛ ﻻ مابش ايقولي بس نا شاكه ان اعيال او عيل وبنت
رجاء ؛ ليش
نا ؛ ﻻن ديمه يحكي علي اساس اوليد
رجاء ؛؛ نجك ليا ياويه ح تقعدي ام لتؤام
نا ؛؛ شفتني صاير مني اتصدق نا بروحي مش امصدقه اني ح نقعد ام لتؤام علي قد ما نا فرحانه علي قد ماني خايفه انقصر في حد منهم
رجاء ؛؛ انتي سمعتي ماما شن قالت
نا ؛ ههههه قالتها ليا
هدي ؛ شن قالت
نا ؛؛ قالت واحد فيهم ليا نبيه ونبي انربيه انا وانديرله دار
هدي ؛؛ ههههه صاح
نا ؛؛ قالتها ل مراد قالي مراد عاد نتعب وبعدين تاخذهم عمتي
هو خاطر في تؤام بين ايديه واعيونه

رجاء ؛؛ ههههه ايضحك مراد
هجي ؛؛ مراد غالي عليه الاطفال ومايحبش المانع بكل يبي اطفال قدامه وحنون فيهم

وسمعت صوت فون مراد ايرن
نا ؛ خلاص خلاص انزلنا وتن اروحكن
هدي ؛؛ هيا هيا سلام سلام
وانزلنا بسرعه ونا خشيت علي مراد
نا ؛؛ حبيبي خلاص نوم صبي
مراد ؛؛ حاط مخده علي وجه وراقد
نا ؛؛ جيت وقعمزت جنبه من قدام ورفعت المخده من علي وجه
مراد ؛؛ ويتي نبي نرقد
نا ؛؛ العصر اذن راه
مراد ؛؛:عنديش عياده والليله ماسك
نا ؛؛ باهي
نزلت علي لحيته وحبيته
وهو فتح اعيونه وشافني

مراد ؛؛ واخير حنيتي عليا
نا ؛؛ هههه بنتك سمحه اصلا
مراد ؛؛ ههه لاني مادخنتش قبل مانرقد
نا ؛؛ المشكله كنت انحبها بنت الدخان في صدرك
مراد ؛؛ مسك يدي وكرني وخلني راقده جنبه وحط راسي علي يده وبطني قدامي حاجز بينتنا وحط يده عليها ويبحت فيها

مراد ؛؛ مش عيب هكي اتخلو ماما تكره بنت بابا

نا ؛؛ هههههه مستحيل

مراد ؛؛ انتي قعدتي متقبلتني تو كنتي كارهتني وحتي النوم ماتخلي فيا نرقد جنبك
نا ؛؛ ﻻني خايفه عليهم بس
مراد ؛؛ مني نا
نا ؛؛ هههه حبيبي وانت راقد اتمد في يدك قدام مرات تخبطني علي بطني
مراد ؛؛ هههه انحبك
وباسني علي خدي ونزل علي بطني وباسها
وقعدن نا ومراد راقدين علي السرير وانهدرزو

مراد ؛؛ وين البنات وين حسهن
نا ؛؛ نا قالتهن تريحن تو في الليل اديرن لان انت مش قاعد في الليل

مراد ؛؛ نجيها اللي ادورلي في الراحه وهذا كله ماتبنيش انحبك وانموت فيك وانغير عليك

نا ؛؛ حبيبي نبي نشري دبش البيبي خلاص
مراد ؛؛ باهي انحولو قبل تو يوم الجمعه من الصبح انجيب عمال بيش ينقلو وبعدها انركبو دارهم ونشرو دبش
نا ؛؛ باهي ولمار وحمادي
مراد ؛؛ سناء شرت شقة خوها اللي فوق الحوش
نا ؛؛ به
مراد ؛؛ قالت نبي نستقر فيها خلاص نا والعويل نبي انديرلهم اديار خلاص لمار ح تبدا تقراء وتبيها اتكون عندها وقالت انت خوذهم خميس جمعه بس باقي عندي تبيهم يستقرو عندها خلاص

نا ؛؛ وانت راضي

مراد ؛؛ الله غالب نبي نرضي لان من حقها وحق العويل مفروض يستقرو صاح مش كل مره راقدين في المكان
والحق نا تريحت اكثر لما عرفتها تبي تستقر وحدها في شقه شقة خوها كبيره وحلوه وبابها علي الشارع يعني كانها تسكن اوحدها بره بس علي حس هلها اللي تحت منها والشيء هذا طمني عليهم اكثر

نا ؛؛ ليش ماشرت بره
مراد ؛؛ خواتها ارفضو قالو اشري اللي فوق
نا ؛؛ باهي الحمدالله وانت من وينك الاخبار
مراد ؛؛:هي جتني وقالتها ليا وقالتي ماديرلهمش دار في الحوش الجديد
نا ؛؛ اهااا باهي حكيتو وين
مراد ؛؛ هههه اتغيري يعني
نا ؛؛ اصلا انت قالت معش نحكي معها
مراد ؛؛ جتني في المستشفي وحكتلي والحق لما القيتها تحكي رسمي وعلي العويل سمعتها وحكيت معها
نا ؛: شن قالت اخري
مراد ؛؛ شيء هذا اللي قالته بس
نا ؛؛ اهاااا به
مراد ؛؛ نجيها اللي اتغير يارب
نا ؛؛ هههههه اكيده مش حبيبي وراجلي واب عويلي
مراد ؛؛ هههههه انحبك
نا ؛؛ انموت فيك
مراد ؛؛ ويتي والله ماوضع هذا نبيك راه تعبتني وراك
نا ؛؛ ﻻﻻ الدكتور قالي ممنوع
مراد ؛؛ تي الدكتور اللي تمشيله واحد متخلف حرام عليها حتي من ربي ايقولك ممنوع
نا ؛؛ ﻻﻻﻻ دكتوري مانعني خلاص
مراد ؛؛ هههههههههه ياعنجد الدكتور وخلاص
نا ؛؛ بيش اتحس لما تتقول للمراه تانيه ممنوع
مراد ؛؛ اكيده ماملي ايسب ويلعن فيا
نا ؛؛ هههههههه حشاك
مراد ؛؛ قربتي منه وباسني علي خدي
نا المهم عندي صحتك وبعدها صحتهم وبس
نا ؛؛ وصحتك
مراد ؛؛ تملحت
نا ؛؛ ههههههههه والله سخيف عارف شن خاطري
مرتد ؛؛ ها شن
نا ؛؛ انشوف كيف تخدم مع الصبايا وكيف تحكي معهن واعيونك وين اتحط فيهن
مراد ؛؛ ليش
نا : لانك صايع
مراد ؛؛ هههههههههه عيب عليك واللخ نا صايع مع حلالي بس فوق ربي انخاف منه
نا ؛؛ ربي يحفظك
مراد ؛؛ ناعليا نا وخلاص منك لما تكوني رومانسيه
نا ؛؛ سبحان الله هه شفت روحك
مراد ؛؛ تي حلالي ياعنجد هكي
نا ؛؛ ههههه انحبك
مراد ؛؛ مش اكثر مني

هدي ؛؛ الباب ايدق
رجاء ؛ اطلعي
هدي ؛؛ من جدك نطلع هكي عدي افتحي انتي ماحد اصلا
رجاء ؛؛ ونا دايره ميك اب هكي
هدي ؛؛ تقريبا هاجر قالتلي جايتكم اصلا
رجاء ؛؛ به تو نطلع نفتح
وطلعت رجاء وافتحت الحوش ولقتها هاجر

هاجر ؛؛ يااهلا
رجاء ؛؛ اهلا وينك
هاجر ؛؛ قاعده هذه ترويحتي من العزاء وين شكلك طالعه
رجاء ؛؛ اها تعالي انخشو
وخشن البنات للدار وحكت هدي لهاجر علي الموضوع
هاجر ؛؛ تقدرن كلا انتن
هدي ؛؛ اها املاه شن
هاجر ؛؛ بس انتن راكن تلعبن علي الخط الاحمر
هدي ؛؛ عليش
هاجر ؛؛ معقوله ماالقيتنا الا طارق تي والله كان يعرف الموضوع ايقطعكن تقطيع
رجاء ؛؛ يطربق ماانحسش فيه
هاجر ؛ طارق هبل لما يتعقد مايعرفش من قدامه
رجاء ؛؛ والله يقدرش يلمسني نا
هاجر ؛؛ تحكي انتي
شن اندير قهوه
هدي ؛؛ ياريت والله ﻻن جواع من الغداء
رجاء ؛؛ نا حتي الغداء ماتغديت النيه مسدوده
هاجر ؛؛ اكيده بس ردي بالك من روحك
ومشت هاجر ودارت قهوه وبشكوط وخشت عليهن
وشربنا وهدرزنا اشويه

وخشيت نا ومعي قفطانين
نا ؛؛ هاجر اهلا
هاجر ؛؛ خيرات يادبه
نا ؛؛ ههههه كنك باقيه كيف خوك
هاحر ؛؛ بس اتجنني
نا ؛؛ انفاخ الحمل بس اهو قفطانين اختارن
رجاء ؛؛ عدي مراد

نا ؛؛ اشويه ويطلع خلاص
هاجر ؛؛ والله تقدري يا ارجيوه
نا ؛؛ مهما ايصير راه حتي نا مانعرفش الموضوع
هاجر ؛؛ هههههه خوافه
نا ؛؛ ﻻ ياحنه ماعاد فيها والله يطلقني مراد بعدها
رجاء ؛؛ ماتخفيش
ها هدي شن نلايس
هاجر ؛؛ بدون شك اللي اقصير
نا ؛؛ ههههه عليش
هاجر ؛؛ بيش تحرق دمه
هدي ؛ ههههه براحتك
رجاء ؛ تنهدت تنهيده طويييييييله
به تو نلابس هذا
هاجر ؛؛ بس الميك اب حاجه
هدي ؛؛ عارفه دراته علي السريع
هاجر ؛؛ تي من اللي امعلمكن انتن
نا ؛؛ بحتت في رجاء وخنقتني العبره
نجاح اختي الكبيره
هاجر ؛؛ قصدك انتي عندك اخت اكبر منك
هدي ؛؛ ارتبكت وماعرغتش كيف اتلم الموضوع
اها اها عندهن متزوجه في طرابلس
هاجر ؛؛ ماعمريش سمعت شي عليها
رحاء ؛؛ بحتت فيا نظره وااااعره ونزلت راسها
نا ؛؛ ﻻن ماتجينش واجد

هدي ؛؛ هيا هيا هاجر تعالي شوفيلي شعري
هاحر ؛؛ هيا

ونا قغمزت علي السرير وانبحت في رجاء كيف موجوعه والنكد في وجها وساكته

وخش طارق وتمه اينادي
هاجر ؛؛ هيا اطروقه هيا
وطلعت ولقته في المطبخ
طارق ؛؛ هيا قولليلهن
هاجر ؛؛ يلابسن بس
طارق ؛؛ هيا راه وراي مواضيع

نا ؛؛ البسن ابسرعه وخليكن هنا نين مراد ينزل تو وبعدها عدن

هدي ؛؛ باهي اشغلي طارق بيش مايحكيش لمراد
نا ؛؛ باهي شن قالتن لعمتي
هدي ؛؛ قلبتها قتلها رجاء عندها فرح صحبتها وتبيني نمشي معها

نا ؛؛ تقدرن كلا انتن
وبحتت في رجاء والقيتها سرحانه وتلبس والهموم في وجها والعبره خنقتها واعيونها ملينات ادموع بس تمت اتكابر وتمسح وادري في وجها وهدي افطنت حتي هي جو رجاء

هدي ؛؛ ارجيوه تعالي انسكرلك السوسه
رجاء ؛؛ جتها وكان باين انها ترعش وسكرتلها السوسه ونا لما شفت الموقف طلعت والقيت مراد نازال
نا ؛؛ مربوحه
مراد ؛؛ ردي بالك من روحك
نا ؛؛ ان شاءالله سلام
مراد ؛؛ قرب مني وحبني علي راسي
نا ؛؛ بنتك
مراد ؛؛ ههههه تو دخنت هذا عليش لزيتك
نا ؛؛ نجك ليا

وطلع وخشيت والقيت هاجر تشغل في طارق وتحكي معه
ونا خشيت علي البنات
نا ؛ هي هي عدا راه مراد
هدي : هيا هيا

وطلعن البنات لبسات وشافهن طارق

طارق ؛؛ هي هي انتي انتي

كلنا بحتنا في طارق واستغربنا

طارق ؛؛ ايبحت في رجاء بالتفنيصه
نحكي نا

رجاء ؛؛ نعم شوري
طارق؛؛؛حطي خرا علي وجك تطلعيش هكي معي
رجاء ؛؛ حاجه اتخصني
طارق؛؛ فيش مشي خلاص
هدي ؛؛ ﻻﻻﻻ تو اتحط تو اتحط
رجاء ؛؛ نا ماعمريش لبست خمار ومستحيل نلبسه
طارق ؛؛ ﻻﻻ ياابله نا ماتركبيش معي وخلقتك هكي

وقربت منها هاجر ونزلتها الوشاح لوطه وكانه خمار بطريقه خليجيه

وطلع طارق وطلعن وراهن ولما جت رجاء عند الشارع رفعت اشويه بيش اتشوف
شافها طارق جاها ونزل الوشاح علي وجها ومسكها من عند يدها وركبها في السياره بقوه وطبق الباب بقوه

وهدي اركبت من القدام وتضحك علي منظر طارق ورجاء طبعا هي لبسه خمار
رجاء ؛؛ ماني عارفه امتي اتبطل مسكت يدي هذه
طارق ؛؛ لما اديرلي اللي نبيه انا
رجاء ؛؛ علي فص خاتمك قاعده
طارق ؛؛ نلابسش فيه للاسف
هدي ؛؛ كنكم انتو الاثنين ناقر وانقير
طارق؛؛ بحت في رجاء من عند المرايه وضحك

ووصلن للصاله
هدي ؛؛ تاخرنا
رجاء ؛؛ احسن
طارق ؛؛ انتن اللي تاخرتنا وبعدين الطريق زحمه اسمعنا ماطولنش واجد
هدي ؛؛ انشوفو العروس بس
طارق ؛؛ هيا انزلنا

ونزلنا البنات ورجاء قلبها ينبض بقوه وكان يبي يطلع منها بس هدي اقعدت ماسكه يدها بقوه لان حست بها

وخشنا للريسبشن ولقنه فاضيه فيه امغير مراه والباقي كلهم في الصاله خشنا للحمام حولن العبيات وصبت رجاء علي المرايه

رجاء ؛؛ هدي انحس في بطني
هدي ؛؛ عارفه والله حاسه بيك
وقربت منها واضبطتها رجاء طول وتمت تبكي

هدي ؛؛ ﻻﻻﻻ خليكي هكي نبي ايشوف جمالك بيش يعرف روحه اكيده اللي واخذها عفريته

رجاء ؛؛ المشكله هو ايهبل
هدي ؛؛ شايفته طرف عطا دا
رجاء ؛؛ بعيد السوء
هدي ؛؛ دفتها وطلعتها
اطلعي اطلعي ياهبله
ومشنا وخشنا للصاله وقعمزن علي طاوله فيها بنتين غاطسات في الفون

قعمزن وتمن ايهدرزن ورجاء تمت ترعش وخايفه حد ايشوفها وشافت سميه ونزلت راسها طول ماتبيهش اتشوفه
هدي ؛؛ كنك
رجاء ؛؛ اخته اخته اهي

هدي ؛؛ اهااا اهي العروس تمشي
وتمنا ايبحتنا فيها ورجاء العبره خنقتها مش امصدق ان الانسانه اللي تمشي قدامها ح ترقد في حضنه حبيبها مش امصدقه ان خلاص سراج قعد عنده مراه حلاله غيرها

هدي ؛؛مش سمحه شينه
رجاء ؛؛هه تضحكي علي من حلو العروس

البنت ؛؛ هههه بنت خالتي العروس انتن لمن تقربن
رجاء ؛؛انقهرت وحطت اكراع علي اكراع وقدمت علي الطاوله

نقرب لعريس

البنت ؛؛ شن يقربلك
هدي ؛؛ اخبطت اكراع رجاء
نسالك شن هي رواده

البنت ؛؛ اها روادة امه هو مايبيهش وماحكش معها قالو كان دايره علاقه مع وحده وازوجت

رجاء ؛ انصدمت وافتحت اعيونها زين
هدي ؛؛ شن من
البنت ؛؛ مش عارفه قالو وحده تعرف عليها امها مريضه عنده وكان يبيها ويبي يخطبها بس هي ازوجت وامه تمت اتزر فيه علي هذه وحتي ان خطبتها من وراه وبعدين خلاص وافق

رحاء ؛؛ من الصدمه اقعدت ساكته واتبحت بس
هدي ؛؛ وانتي شن عرفك
البنت ؛؛ ما امه صحبت ماما اصلا امه وام العروس صحبات
هدي ؛؛ اهااااا

وجا العشاء بس رجاء ماكلت شيء اتمن ان اتموت ولا اتشوف سراج قدامها عريس

وقعدن يحكن ويهدرزن نين جا وقت اخشوش سراج
رجاء لما شافت سراج وهو خاش ولبس بداله وكان طالع ايجنن من الصدمه صبت

هدي ؛؛ كرتها وخلتها اتقعمز

قعمزي ماتخلي حد يفطنك

البنت ؛؛ كنك شن في

وخش سراج وركب علي المسرح ورجاء اعيونها تمن ادموع وقلبها ينبض بقوه تمت تشرب في الميه تمت اتحس في الدهشه

هدي ؛؛ ارجيوه امسكي روحك بشويه ليش ترعشي هكي

اهو طارق ايرن شكله جاي هيا نطلعو

رجاء ؛ وهي تبكي
ﻻﻻ مستحيل انصبي انسلم عليه قبل

البنت ؛ تي من انتي كنك

رجاء ؛؛ صبت رجاء وخذت نفس
نا البنت اللي حكيتي عليها

البنت ؛؛ انصدمت وبحتت في هدي

ومشت رجاء واركبت علي المسرح وسراج مافطنش كان ايبحت لوطه لان

وهي صبت وتمت اتبحت فيه وتبكي
ولابست هدي عبايتها ووشاحها وجت وراها وكانت ماسكه عباية وشنطة رجاء

اللي في الصاله كلهم استغربو كيف بنت اتصبي هكي قدام العريس بلا عبايه ولا محرمه
قربت منه

سراج رفع اعيونه وانصدم لما شافها

رجاء ؛ اقعدت اتبحت فيه واتنفس بصوت عالي ومدت يدها وهي ترعش

مبروك يااعويناتي

سراج ؛؛ من الصدمه قعد امصبي وايبحت فيها ماتوقعش ان ايشوف رجاء قدامه

رجاء ؛؛ كنك ماتسلمش ادينت ولا شنو
سراج ؛؛ بحت في العروس وبعدها بحت في رجاء
وسلم عليها
رجاء ؛؛ مبروك
سراج ؛؛ شن جيبك انتي
رجاء ؛؛ فرح حبيبي ماتبنيش نحضره

وجتها هدي ابسرعه ومسكتها من عند يدها

هدي ؛؛ هيا ارجيوه

وسميه اخت سراج
شافت رجاء اذكرتها وجتها تجري
سميه ؛؛ رجاء هيا تعالي نبيك
رجاء ؛؛ ماحد يمسكني خلاص

تمنا مسكات في رجاء واينزلن فيها

سراج ؛؛ تعقد وبحت في العروس
هي صبي
العروس ؛ هذه رجاء صاح
سراج ؛؛ صبي اطلعي راه نطلع بلاك
وصبت العروس

ورجاء وهدي يمشن والانظار كلهن عليهن وسميه اتمشي فيهن

رجاء ؛؛ تلتفت لاوره واتشوف في سراج يمشي وراها ومع عروسة
تمت تبكي وتشحت في النفس اشحاته وصلت للريبسشن وتمت هدي اتلبس فيه في العبايه وهي تبكي وشافها سراج

سراج ؛؛ قرب منها وجاها والعبره خنفته لان ايشوف في رجاء تبكي

ليش اتجي ليش لعند امتي وانتي متهوره ليش بس
رجاء ؛؛ وهي تبكي …..
سميه ؛؛ سراج اطلع مراتك اتبحت فيك خلاص

رجاء ؛؛ خذت الوشاح وحطاته علي راسها وخذت الشنطه وطلعت هي وهدي وسراج طلع هو وعروسة
رجاء من البكي ارتبكت وماحطتش الوشاح علي وجها
واطعن وهي تبي تركب التفت وشافت سراج طالع بمراته للسياره وجت عينها في عينه نزلت راسها بسرعه وافتحت الباب وركبت

طارق ؛؛ ايبحت في رجاء كيف شكلها تبكي وركز في العريس واعرفه

وركبت هدي لقدام

طارق ؛؛ قعج امركز علي العريس
وتعقد وخبط يده بقوه علي الدومان وبحت في هدي
قالتلي فرح من هذا

هدي ؛؛ انصدمت وبحتت فيه
صحبتي كنك

طارق ؛؛اهاااا صار صاحبتك
والتفت شور رجاء ولقها تبكي

وخر السياره بسرعه وشيطها ومشي يجري

هدي ؛؛ هيييييييي طارق كنك طلعت بقوه هكي بشويه

طارق ؛؛ انتن تكذبن علي من انتن

هدي ؛؛ كنك ياطارق

طارق ؛؛ بحت فيها وامفنص

تكذبي ياحقيره انتي وهي تحسبني بقروني قاعد ة

رجاء ؛؛ وهي تبكي وخايفه
هيييييي طارق كنك

طارق ؛؛ التفت عليها
انتي سكري فمك واقسم بذات الله انوريكن جيبتني هنا تحضري في فرحه تحسابيني غافل

رجاء ؛؛ انصدمت من كلامه واقعدت تبكي
طارق ؛؛ مازال مازال احسابكن في الحوش واقسم بذات الله انوريكن صار نا اللي تلعبن بيا صار

وقعد يجري بقوه وهن يبكن وخايفات منه

ووصلنا للحوش وانزلنا يجارن

هدي ؛؛ فوق فوق عند ايه احسن

رجاء ؛؛:اجري اجري
وجن علي الباب وتمن ايدقن بالقوه نا طلعت بسرعه وفتحت الباب

هدي ؛؛:طارق ورانا حي علينا وعرف الموضوع

نا ؛؛ هيبيييييييي طيح سعدكن

وسمعنا صوته اينادي

طارق :؛:هدييييييييي رجاااااااء تعالن هنا

هدي ؛؛ هيييييي حي عليا والله ضربني كف نين اقريب دخت

رجاء ؛؛ اقعدت تبكي بس مش ادموع الفارق ﻻﻻ ادموع خوف من طارق

نا ؛؛ هيييييييي

رجاء وهدي التفتن ولقن طارق وراهن
وخشن يجارن

وطارق مد يده طق في رجاء وكرها من عند دبشها نين انفتحت العبايه وقعدت قدامه بالقفطان

رجاء ؛؛ هييييييي حول سيبني
طارق ؛؛ ليش تكذبي عليا
رجاء ؛؛ وهي تبكي كيف البيبي
تي حول انت من اصل نين اتقول هكي حول

طارق ؛؛ لما شافها كيف منظرها قدامها طلقها
رجاء ؛ اقعدت تبكي وطاحت انهارت قدامه من البكاء
نا ؛؛ هيبييي ارجيوه

رجاء ؛؛ خلاااص خلاااص خطوني خطوني لعند امتي ونا هكي خلاص تعبت والله تعبت اليوم معش عرفت روحي نا اللي غالطه ولاه هو الي غالط خلاص والله كرهت روحي ومعيشتي خلاص تعبت والله تعبت

نا ؛؛ نزلت عليها وقعدت نضبط فيها

طارق ؛؛ امصبي وايبحت فينا وانصدم من كلام رجاء

نا ؛؛ هيا ياارجيوه صبي خشي غيري

رجاء ؛؛ نبيش نبيش حد خلاص سيبوني

وخشت جو للدار وتمت اتغير في دبشها

نا ؛؛ طارق ما اتكثرش عليها راهي تعبانه اوحدها

طارق ؛؛من امتي متفارقين

نا ؛؛؛لهم سنه اصلا هي اللي سيباته

وطلعت هدي وراسها لوطه

هدي ؛؛ ويه راه رجاء حالتها حاله واتخبط في روحها
نا ؛؛ هيييييي شن
وخشيت ابسرعه للدار والقيتها تبكي واتخبط في كرعيها
وطارق طلع وسيبنا
وقعدن نا وهدي انهدو فيها خشت هي للحمام ودارت دش

هدي ؛ امتي روحت هاجر
نا ؛؛ بعد طلعتكن بنص ساعه خلاص هدي عدي غيري دبشك قبل ماتجي عمتي رجاء نا عارفه طبعها لما ادير دوش ترقد
هدي ؛؛ به قويليها نرجا فيك
نا ؛؛؛ﻻﻻ تو بالكي ترقد معي هنا
هدي ؛؛ براحته هي

ونزلت هدي ونا قعدت في الصاله نرجا في رجاء تطلع وبعد نص ساعه اطلعت رجاء وشفتني في الصاله ومابتش تحكي وقعمزت جنبي

نا ؛؛ تعشيتي
رجاء ؛؛ بصوت مخنوق
الحمدالله وين هدي
نا ؛؛ هدي لوطه قالت ترجا فيك

رجاء ؛؛ حتي نا نبي ننزلها حسيت روحي كثرت عليها
نا ؛؛ خليكي معي هنا

رجاء ؛ ﻻﻻ مراد تو ايجي في الصبح يبي يرقد خلني ننزل نهدرز مع هدي

نا ؛؛ براحتك
رجاء ؛؛هيا معانا
نا ؛ ﻻﻻ عندي النزاله والركبه علي الدروج بحسابها

نزلت رجاء ولقت عمتي كيف امروحه وخاشه للدارها وبحتت في دار طارق ولقتها مفتوحه خشت راسها ومالقتش قاعد

خشت وتمت اتبحت في لاب توبه وفي فونه
وفجاء خش عليها طارق

طارق ؛؛ كنك هنا
رجاء ؛؛:برمت وانفجعت
هيييي فجعتني

طارق ؛؛ وهو غمتله هي ممكن بره

رجاء ؛؛:طارق انت متعقد مني

طارق ؛؛ والله انتي شن رايك

رجاء ؛؛ اسفه باهي والله مشيت بيش نثبت لروحي خلاص معش انحبه

طارق ؛؛ علي احسابي
رجاء ؛؛ ﻻ والله
طارق ؛؛ ها به اديرلب في اقرون انتي وهدي واتخلني انشيلكن للفرحه بدون من نعرف وتتقولن مش علي حسابي
رجاء ؛ طارق والله انت مانك عارف الموضوع اكويس
طارق ؛ ﻻ عارف يا رجاء مانيش راقج علي اوذني عارفك كنتي تحكي معه ولكم مده متفارقين عارف راه
رجاء؛؛ انصدمت من كلامه واسكت
طارق ؛؛ ارقدي فوق عند ايه
رجاء؛؛ انصدمت وحستها توزيعه
اسفه كان ازعجتك

طارق ؛؛ مابش ايرد عليها

اطلعت وخبطت في كتفه بقوه وركبت ولقتني كيف نبي نرقد

نا ؛؛ كنك ركبتي
رجاء ؛؛ هدي تحكي بالفون
نا ؛؛ اها اتجي ترقجي هنا
رجاء ؛؛ ﻻﻻ تو نرقد في دار العويل بروحي احسن

نا ؛؛ ارقدي علي سرير لمار ايسدك ماه

رجاء ؛؛ اها ارقدي انتي بس

ومشت رجاء للدار تانيه ونا مابيتش نلحقها لان نا عارفتها تبي تبكي وتاخذ راحتها قعدت انفكر وبعدها بساعه رقدت

ورجاء اقعدت اتفكر وتبكي ومنهاره وحست بالدهش صبت ابسرعه وافتحت الروشن وطلعت راسها وتمت اتنفس بالقوه ولقت طارق قاعد في الجنان وايدخن

طارق ؛؛ انتبه ان في صوت رفع راسه ولقي رجاء اتنفس بقوه

رجاء ؛؛ شافته وجت عينها في عينه

طارق ؛؛ شيرلها وقاللها خشي جو

بعدها خشت وارقدت ودمعتها علي خدها
اوعيت نا علي خشت مراد

نا ؛؛ صباااح الخير
مراد :؛ خير ياعسل
نا ؛؛ انديرلك فطور
مراد ؛؛ تو خشيت علي امي القيتها تفطر هي وباتي فطرت معهم نبي اندير دوش ونرقد

نا ؛؛ به تعال هيا
مراد ؛؛ نرقد فوق هنا
نا؛؛ هههههه اها تعال خلاص
مراد ؛؛ هيا هيا
خش ادوش مراد وطلع ورقد

وعلي ساعه10 رن فوني شافت القيتها اميره
نا ؛؛ ايوه اميره
اميره ؛؛ وين رجاء
نا ؛؛ قاعده كنك
اميره ؛؛ عطيها ليا نبيه ابسرعه
نا ؛؛ باهي
ومشيت وخشيت علي رجاء والقيتها راقده
نا ؛؛ ارجيوه فون اميره تبيك
رجاء ؛ مش وقتها
نا ؛؛ تبيك ضروري
رجاء ؛؛ هاتيه
نعم اميره

اميره ؛؛ لووووووووووووووووووووووووووووووووووليا
مبروك نجحتي ممتاز

رجاء ؛؛ شن شن تحكي
اميره ؛؛ والله نجحتي ممتاز اخر تو لما جابها النتيجه عادل انصدمنا تي من وين جبتيه الممتاز

رجاء ؛؛ ياحقيره نا من اولها قالت نبي انجيب ممتاز
نا ؛؛ نجحتي ممتاز
رجاء ؛؛ اهاا ياويه وجتني وتمت تضبط فيا
وتمت تبكي بس هالمره ادموع الفرحه
واخير ياويه واخيرا
نا ؛؛ ههههه مبروك اسسسس وطي صوتك بس
رجاء ؛؛ ههه هه خلاص خلاص
نا ؛؛ نجك ليا والله قدرتي
رجاء ؛؛ تو نبي اندير المستحيل بيش عادل يرضي اني نقرا
نا ؛ ان شاءالله اتكملي
انتي صكرتي علي اميره هكي تعالي انكلمهم
نا ؛ ايوه اميره
اميره ؛؛ تسمعي في بكاء ماما
نا ؛؛ اها من الفرحه
اميره ؛؛ اها تعالن انتن كسدن
نا ؛خلاص نبو ننقلو تو شبه كملنا
ماما ؛؛ هاتيه
نعم ويه
نا ؛ مبروك النجاح
ماما ؛؛ يبارك فيك شن كملتنا
نا ؛؛ مازلل ممكن اليوم نمشو انسيقو الحوش كيف تبي رجاء
ماما ؛؛ رايفت عليها ونبي انباركلها
نا ؛؛ تو بالكي انجو بكره ان شاءالله
ماما ؛ به بشويه علي روحك
نا ؛ حاضر ماما
رجاء ؛؛ هاتيه
نعم يا ماما
ماما ؛؛ مبروك مبروك والله رفعتي راسي
رجاء ؛ تمت تبكي يبارك فيك
ماما ؛ حتي امل انجحت وجابت جيد جدا
رجاء ؛؛ صاااااح باهي تمام
ماما ؛؛ ربي جبر بخاطركن
رجاء ؛؛ الحمدالله
ماما ؛؛ خلاص اقعدي مع خيتك وردي بالك منها راه تشيل شيء حاجه ثقيل
رحاء ؛؛ ﻻﻻﻻ ماعليك البطل طارق قاعد ايشيل
ماما ؛؛ هههههه طارق سلفها
رجاء ؛ اها به سلام ايمان اترن
ماما ؛؛ سلام

رجاء ؛؛ هلا
ايمان ؛؛ مبروك مبروك
رجاء ؛ يبارك فيك من وين سمعتيها
ايمان ؛؛ احمد كلمه صاحبه وقاله النتيجه اطلعت من امس في الليل واليوم اطلعت في المجرسه وفاله اخت المدام انجحت
رجاء ؛؛ صاح شن اهبارك وينم مختفيه
ايمان ؛؛ نا ماصدقت كملت اقريتي قاعده سنكحه ولعند امس كنت في حوش هلي
رجاء ؛ شن اخبار احمد معاك
ايمان ؛؛ تمام الحمدالله شن جو ويه امتي تبي اتحول خلاص نبي انجيها في حوشها الجديد
رجاء ؛؛ بالكثير اسبوع وانكونو كملنا النقل خلاص
ايمان ؛؛ باهي ان شاءالله بسلامتها
رجاء ؛؛ ان شاءالله عقبالك حتي انتي اتحولي في خوش كبير
ايمان؛؛ هههههه ﻻﻻ وين شقه وماحوتني اندير فيها
رجاء ؛ ههههههه شورك التنبله انتي عاد

ايمان ؛ ياحنه مانحبش نشتغل قدام احمد والمده هذه احمد معش يطلع واجد قاعدلي في الشقه او نطلعو مع بعضنا ماحوتني انحصل فرصه ونقعد انظم
رجاء ؛؛ هههه تستاهلي
ايمان ؛؛ سلام اهو احمد طلع من الحمام
رجاء ؛ فيش كان ايدير
ايمان ؛؛ تحشمي ياحقيره سلام
رجاء ؛؛ هههههههه سلام صبي حتي انتي دوشي
ايمان ؛؛ هههههه صايعه

وصكرت وبحتت فيا

رجاء ؛؛ تاخذ في مانع زرقت عليها
نا ؛؛ اها عارفه
رجاء ؛؛ بس ماما تبيها تحمل
نا ؛؛ اقرايتها اهم
رجاء ؛؛ اكيده بس ماما متشوقه علي شوفتها وهي حامل قالت احمد كبير مرات هلها يطلبو منه وايمان ماتحملش بعدها نا قالتلها راهي تاخذ في مانع وغمتلها
نا ؛؛ مراد قالي خفيف يلي جبته لها وقالي لما تبي اتوقف اتقولي نعطيها فيتامينات
رجاء ؛؛ اها مراد هو اللي عطها
نا ؛؛في اسبوع الفرح جبلها احبوب وقاللها ماتغيرش عليهن وهي مستمره عليهن

وصبينا وخلاص شبه كملنا الحوسه ودرنا الغداء وساعه 2 وعي مراد وحطينا الغداء
نا ؛؛حبيبي بارك ل رجاء نجحت
مراد ؛؛ صااااح مبروك مبروك
رجاء ؛؛ يبارك فيك
نا ؛؛ حبيبي اليوم خلينا نمشو انسيقو الحوش كله
مراد ؛؛ باهي انحطكن ونمشي للعياده
نا ؛؛ باهي ليش مش من تو احسن راه حتي هلي يبو رجاء اتروح
مراد ؛؛؛باهي هيا وتن اروحكن بعد الغداء
نا ؛؛ جيبلنا جميع انواع المنظفات
مراد ؛؛ راه مش تمام عليكي
رجاء ؛؛شوري ماعليك
مراد ؛؛ به صحه
نا ؛؛ سلمك
وصبينا ولمينا الحوس ولبسنا العبايات ونزلنا والقينا هدي في الجنان
هدي ؛؛ وين
نا ؛؛ انسيقو الحوش
هدي ؛؛ به تو نمشي معاكن
وخش طارق وبحت في رجاء
رجاء نزلت راسها
مراد ؛؛ طارق وين عندك حاجه
طارق ؛؛ حاليا ﻻ
مراد ؛؛ به تمشي معي للحوش
طارق ؛؛ تو
مراد ؛؛ ان شاءالله
طارق ؛؛ به عدي وتو نلحقكم
مراد ؛؛ معناها جيب معاك هدي
طارق ؛؛ باهي عدي
ومشينا للحوش وخشينا ومراد طول علق توبو وولع الميه وبدا ايمشي في الوسخ ونا خشيت للمطبخ وتميت انسيق فيه ورجاء بجت في الحمامات حشاكن

وجا طارق وهدي
وبدينا انديرو

هدي ؛ طارق ايطنش عليا واليوم وعني علي هزيبه سمحه
رجاء ؛؛ فوتيه هالهبل
نا ؛؛ تستاهلنا ما ايجيكن انتن

مراد ؛؛ نا ماشي خلاص طارق انت اقعد معهن وامتي ماتكملو روحو

نا ؛؛ للعياده

مراد ؛؛ اها يالله انطق نغسل ونغير ونمشي
نا ؛؛ به مربوحه
وطلع مراد

رجاء ؛؛ خلاص انتن مازالتكن المربوعه بس نا تو انعدي نبدا في الجنان من لاوره بيش انكملو قبل ماتظلم الدنيا

نا ؛؛ به هيا

وطلعت رجاء وخذت معها التوبو ومشت ولقت طارق ماسك يحكي علي الفون وايدخن

وهي بدون ماتحس بروحها لقت روحها دايره التوبو عليه علي اساس ماتشوفش فيه

طارق ؛؛ صبا بسرعه
تي ياعنجدك بحتي عما

رجاء ؛؛ اسفه ماشفتكش

طارق ؛ بلا اطروح زيدات راه خيرلك
رجاء؛؛ مثلا شن تبي ادير
طارق ؛؛ انتي عارفه

رجاء ؛؛ رفعت حاجبها وتعقدت منه وولعت التوبو عليه اخر وهو قعد يمشي بسرعه

طارق ؛؛ دخاني وفوني راحن فيها

رجاء ؛؛ خطاني كذا
ومشي طارق وهي بدت اتسيق

وبدون ماتحس ابروحها لقت سطل ميه ينكب عليها من فوق

رجاء ؛ هيييييييييي ياحقير
طارق ؛؛ نزل السطل وبحت فيها
اها وحده بوحده

رجاء ؛؛ باهي تا ماعبيتكش ميه ليش تو اتعبي فيا هكي حتي دبش مامعي

طارق ؛؛ بيش تعرفي روحك تلعبي مع من

رجاء ؛؛ نقانك سامط ومافيك جو بكل
طارق ؛؛ يافرخه اسكتي
رجاء ؛؛ مانيش ساكته كذا
طارق ؛؛ مازالت محترمك
رجاء ؛؛ ﻻ واضح واجد بدرجه امس فيش حد قالي اركبي ارقدي فوق

طارق ؛؛ ههههه امس عارفه روحك شن دايره

رجاء ؛؛ طارق وانت شن دخلك بيا هذين حاجات خاصات بيا

طارق ؛؛ بس ما تخلنيش انساعدك علي مواضيع نا مش راضي عليهن

رجاء ؛؛ مش شورك والتفت وتمت اتسيق
طارق ؛؛ بحت فيها وضحك
مبروك نجاحك
رجاء ؛؛ برمت وجها
يبارك فيك
طارق ؛؛ شن تبي اتخشي
رجاء ؛ مازالت ماقررت
طارق ؛؛ ماتخشيش لجامعه
رجاء ؛؛ اي والله وانت شن دخلك
طارق ؛؛ هكي مانحبهنش بنات الجامعات
رجاء ؛؛ مافيش داعي اصلا انهن يعجبنك
طارق ؛؛ رجاء راه خيرلك بلا تطنيش
رجاء ؛؛ معناتها فوتني

وتمت اتمشي وبعدين طلعنا نحن عليها وكملنا الجنان كله
وقعمزنا علي دروج اللي قدام الحوش
طارق ؛؛ خلاص كملتن
نا ؛؛ اها خلاص
طارق ؛؛ باهي هيا راه نبي نمشي للمحل
نا ؛؛ باهي هيا
ولبسنا العبايات وطلعن وركبن معه وشالنا للحوش ونزلنا ورجاء وهي تبي تنزل

طارق ؛؛ رجاء
رجاء ؛ التفت وبحتت فيه
طارق ؛؛ اهي هديتك
رجاء ؛؛ معش نقبل في هدايا
طارق ؛ خوذيها شوفيها قبل
رجاء ؛ معش نقبل نا قالت
طارق ؛؛ تاخذيها ولاه نمشي وانقول لهلك وين كنتي امس
رجاء؛؛ شن انت اتشد فيا من يدي اللي توجع
طارق ؛؛ اها خوذي
رجاء ؛ خذت الكيس ونزلت واخبطت باب السياره بقوه
بعدين افطنت ان طارق مازال امصبي ابرمت وجها وافتحت الباب السياره اخر وطبقته بقوه اخري

طارق ؛؛ والله راه شاريه بفلوس حلال وانتي اتخبطي فيها

رجاء ؛ اسفه هذه يدي اللي توجع فيا
طارق ؛؛ خشي جو باهي

وخشت رجاء وركبت فوق طول دست الكيس في دولاب لمار بدون ماتعرف شن فيه

ودوشنا وغيرنا وقعدنا انهدرزو وجتنا هدي
هدي ؛؛ غاده روحت تو
نا ؛؛ كنها
هدي؛؛ بنتها مريضه روحت تبي دبش لروحها ولبنتها وبالمره قاللها منتصر باتي الليله وبكره من الصبح انشيلك
نا ؛؛ اها عارفات انحس في روحي تريحت لان كملن الحاجات مازال التفريشه بس

هدي ؛؛ مش شورك التفريش
نا ؛؛ ﻻﻻ مراد جايب عمال ينقلو وايفرشو غادي
رجاء ؛: ويه انا امتي انروح
نا ؛؛ ارجيوه خليكي والله راه مغيرتلي جو خلني ننقل دبشي كله ونرتب غادي بعدها مربوحه حتي ماما اجديتها عليك
رجاء ؛؛ رايفت علي الحوش اول مره انطول عليه هكي به خلني الليله

نا ؛؛ اس اس اميره اترن
ايوه اميره
اميره ؛؛ بصوت تبكي
وين قاعده
نا ؛؛ في شقتي نا والبنات كنك شن في
اميره ؛؛هدي رجاء جنبك
نا ؛؛ اهااااااا كنك شن في كنه صوتك هكي
اميره ؛؛ ……………

يتبع

error: