مسلسل سعاده كاذبه التكملة
مسلسل سعاده كاذبه
الحلقه 49
وبديت انوتي درت سفره خفيف
وخش عليا مراد وكان شاد فوني
مراد؛ بالاستغراب
ايه رقم غريب ايرن
نا ؛ من رقم غريب
مراد ؛؛ اها اهو شوفي
ونا قربت منه ومسكت الفون والقيته رقم غريب
مراد ؛؛ افتحي عليه وافتحي السماعه الخارجيه
نا ؛؛ بحتت فيه بالاستغراب
ﻻﻻ هاك انت افتح
مراد ؛؛ فنص ورفع حاجبه
وانتي عليش خايفه افتحي وافتحي السماعه واحكي عادي
نا ؛؛ قعدت خايفه ومتردد وانبحت فيها
كر مراد مني الفون وفتحه وفتح السماعه وقربها من فمي وتم ايقولي بالاشاره افتحي
نا ؛؛ خافت
بالارتباك
اااالوووو
المراه ؛؛ اهلا ايه معي
نا ؛؛ بحتت في مراد مستغربه
ان شاءالله من معي
المراه ؛؛ نا جارتكم مبروكه
نا ؛؛ اها اهلا عمتي كيف حالك
جارتنا ؛؛ تمام الحمدالله شن اخبارك انتي سامحيني كان ازعاجتك
نا ؛؛ قعدت انبحت في مراد ومراد مدلي الجهاز وقعمز وقعد ايبحت فيا
ﻻ عادي عمتي تفضلي في اي وقت
جارتنا ؛؛ ايه نا هذاك اليوم جيتكم وعجبتني صبيتك اللي اسمها هدي وانتي عارفتني اندورو ل محمد والحق البنت عجبتني وسالت عليها امك وخالتك فاطمه شكروها ليا
نا ؛؛ اهاا
جارتنا ؛؛ خلاص نا تو كنت عند هلك وخذيت رقمك نبيك اتشوفيلنا البنت شن موافقه ولاه لا مرات تقعد تبي شيء حد ولا حاجه نبيك اتشوفينا الجو كان اموافقه انجو نخطبو رسمي طول
نا ؛؛ اها به حاضر يا عمتي نا ح انكلمها لكي بس موضوع ان عندها حد اطمني هي ماعندها حد واكويسه ومحترمه مش شكيره علشان هي صبيتي بس الحق اكويسه ومحترمه وحره وطيبه وتستاهل كل الخير وان شاء الله اتكون من نصيبكم
جارتنا ؛؛ باهي عاد يا ايه انتي عارفه محمد اكويس وماتقصريش في حقه وعارفتيه ان عنده شقه وبعمله وبسيارته ماناقصش شيء الا بنت الحلال نبيك تدخلي في الموضوع وتحكي البنت انتن البنات تفهمنا علي بعضكن وانتي عارفه محمد وطبعه وشكله عاد
مراد ؛؛ قعد امفنص وايبحت فيا
نا ؛ نا خفت ونزلت اعيوني
ان شاءالله ياعمتي محمد نعرفوه اكويس وعارفته محترم عشرت عمر عاد ما كبرنا الا جنب بعضنا
جارتنا ؛؛ خلاص ايه نرجا منك اخبار طيبه ان شاءالله
نا ؛؛ ان شاءالله
جارتنا ؛؛ ايه راه البنت عاجبه حتي محمد شافها وهي طالعه وراه حتي هو يبها
رفعت اعيوني وجت في اعيون مراد وهو امرفع حاجبه
نا ؛؛ به حاضر تو انكلمها ان شاءالله بكره
جارتنا ؛؛ به نرجا فيك وسامحيني كان ازعاجتك
نا ؛؛ لا عادي ياعمتي في اي وقت رني
جارتنا ؛؛ تصبحي علي الخير
نا ؛؛ وانتي من اهله
وصكرت وبحتت في مراد والقيته ايبحت وساكت
برمت وجي وخذيت تبسي الزيتون وحطيته في السفره وطلعت عصير وطاستين وقعمزت جنبه
مراد ؛؛ وهو متعقد
باهي من محمد هذا وشن تعرفيه
نا ؛ محمد جارنا ساس علي ساس وهذاك اليوم جتنا جارتنا اللي هي امه
وشافت هدي وكلنا لاحظنها انها عجبتها لان تمت تسال عليها واجد
مراد ؛؛ هي ولا محمد
نا ؛؛ انت سمعت تو هي اللي عجبتها
مراد ؛؛ بس قالت حتي محمد شافها وعجبها
نا ؛؛ ما نحن وطالعين كان هو امصبي مع خالد قدام الباب
مراد ؛ ماشاءالله تبارك الله كيف انتي تمشي واتبحتي في الناس ولاشنو
نا ؛؛ مراااااااااد
مراد ؛؛ ﻻ مراد ولاشيء
انتي كيف فطنتي ان هو امصبي قدام الباب
نا ؛؛ مراد نا عندي عيون ونبي انبحت قدامي بيش نمشي
مراد ؛؛ انتي اتبحتي في وجوه الناس
نا ؛؛ حبيبي فكينا منه الجو
مراد ؛؛ يسترالله منكن انتن
نا ؛؛ كنك
مراد ؛؛ راه يطلع في ان في الموضوع
نا ؛؛ والله كان في ان راه ما كلمتنيش نا بيش انخش في الموضوع
مراد ؛؛ بكره تبي اتقوليلها
نا ؛؛ ان شاءالله
مراد؛؛ خلني نسال علي الراجل قبل ماتقوليش لها
نا ؛؛ ليش
مراد ؛؛ مرات يطلع مش تمام نرفضوها من بره لبره
نا ؛؛ بس نا نعرفه شاب اكويس ومحترم
مراد ؛؛ مد يده وشد عليها نين وجعتني
ما هذا اللي نبي نوصله نا انتي شن تعرفيه محمد وشن علاقتك به
نا ؛؛ اهاااا يدي حبيبي
مراد ؛؛ احكي راه خيرلك
نا ؛؛ باهي يدي
كنك انت هذا جارنا مافتحن الا في بعضنا وعلاقتنا بهم قويه شوف حتي لما ما يكونش خوتي قاعدين محمد هو اللي يسعف في ماما
مراد ؛؛ متاكده ويه
نا ؛؛ كيف انت مش حاط فيا ثقه
مراد ؛؛ نزل اعيونه
كولي كولي
نا ؛؛ نبيش عنديش نيه
وصبيت ونبي انخش مسك مراد يدي
مراد ؛؛ قعمزي نا قالت
نا ؛؛ عنديش نيه خلاص انسدت
وحركت يدي بقوه وفكيتها من يده ومشيت وخشيت للدار وتميت نبكي
وهو قعد ياكل في المطبخ ومابش ايدورني نا انقهرت لان ما خشش وراي وصالحني قعدت نبكي بعدها قالت والله نحرق دمه صبيت ادوشت علي السريع ولابست روب ستان اقصير ظهر امتع امشبك لونه وردي هادي جدا
ودرت اكريمه وحطيت روج خفيف بكل وردي وقلم خفيف
بعدين سمعته ايتحرك في المطبخ
خشيت لحمام طول
وبعدين سمعته خش لدار وبدا ايدخن فيها
ونا درت روحي هذا وين طلعت من الحمام
وخشيت عليه
ما بيتش اندوره تميت لاهي في دبشه انطبق فيه وانحط فيه في الدولاب وهو مقعمز وكمل الدخان وحط يده فوق راسه وكانت الابتسامه بارده علي وجه
قهرتني قهر الابتسامه بس ما بيتش انعبره وانحاول انزل في عيوني لوطه
لما كملت طفيت ضي الدار وجيت وقعمزت علي طرف السرير ونا انحول في الدنادين وعطيته ظهري
مراد ؛؛ قعد يبحت فيا من لاوره وقرب مني ولفني بيده اليمين وكرني بقوه شوره
نا ؛؛ حول حول نحكيش معاك نا
مراد ؛؛ قعد ايكتف ولفلي ايدي لاوره وهو قعد مسكني من لاوره وحاط فمه علي الشوفه وايبوس
نرجا فيك امبدري اتجي هنا
نا ؛؛ مديت اشوربي قدامي ونحكي بصوت بيبي
نحكيش معاك
مراد؛ ؛ شن ما تحكيش
نا ؛؛ انت مش حاط فيا ثقه نا مهما انديرلك انت مش امصدق اني انحبك وصاينتك وحاطتك بين اعيوني وفوق راسي
مراد؛؛ به اسسسس
نا ؛؛ مش اس انت مش حاط فيا ثقه بكل ماتقول اني مراتك بكل راه مراتك وانخاف من ربي ومانخونش
مراد؛؛ تسكتي ولا انعضك
نا ؛؛ ما نيش ساكته شن تبي اديرلي
مراد ؛؛ انديرلك احه
نا ؛؛ احه شن احه
مراد ؛؛ مش عارف لمار اتقولي يا بابا انتي درتلي احه
نا ؛؛ امشعف البنت انت
مراد ؛؛ غمزلي بس انتي احتك غير
نا ؛؛ مراد عيب تحشم واطلقني نبي انصبي
مراد ؛؛ به عاد نطلقك واتعدي بعدها
نا ؛؛ ما لما صبيت من قدامك ما دورتنيش وتميت تاكل عادي
مراد ؛؛ ههههه والله كنت جيعان بكل
نا ؛؛ يعني بطنك اهم مني
مراد ؛؛ كنت نبي ناكل بيش انخش وانتفاهم معتك
نا ؛؛ ياعيني
مراد؛؛ والله حتي لميت السفره قالت مانبيش انتعبها وراه تعب اخر تو
نا ؛؛ مرااااد تحشم
مراد؛؛ وعليش انتحشم انتي حلالي وحر فيك واندير اللي نبيها
ووخرت منه اشويه
تي امغير تعالي هنا
كرني اخر بقوه وقعمزني علي كرعيه ونا عطيته ظهري وهو حاط راسه عند ارقبتي
نا ؛؛ اهااا بطني رفع يدك فوق
مراد ؛؛ اسف حبيبي خلني انشوفه شن اخباره اليوم
نا ؛؛ زعلان حتي هو علشان امزعل امه
مراد ؛؛ امه ساهله نقدره عليها تو انراضيها اصلا هي تو اقريب ترضا
نا ؛؛ ياعيني تو علشان حطيتني هنا نبي نرضا نا
مراد ؛؛ كيف من قبل مجرد ما نضبطك ترضي طول
نا ؛؛ اهااا انت تو تبيني نرضا
مراد ؛؛ لفني وخلي وجه ايجي في وجي وهو امرفع حاجبه
اها شن تبي
نا ؛؛ ههه صبي ولع المنظومه
مراد ؛؛؛ههههههههههه وبحبك ياريق ياجميل
وصب ابسرعه و ولع المنظومه وجاني في السرير
مراد ؛؛:تسمحيلي بالرقصه يا اميرتي
نا ؛؛ هههههههه نجك ليا هيا
وصبينا وتمين نرقصو وهو حاط راسه علي راسي
همستله همس حلووووه
انحبك
مراد ؛؛ والله اجمل اوقات عندي هنا جنبك وانحس روحي ماكنتش عايش بكل والله انحبك وانغار عليك ومش متحمل حد ايبحت فيك ولا انتي اتبحتي في غيري
انتي نبيك ليا نا بس نبيش حد ايدعكني عليك
وبحت لوطه شور بطني
مع ان في هنا واحد ايداعك وتو ايجي وياخذك مني ويقعد يرقد بينتنا بس في احلامه مستحيل انخيله يرقد بينتنا
نا ؛؛ ههههههه حبيبي ممكن طلب
مراد ؛؛ اعيوني
نا ؛؛ حط فيا ثقه والله راه انحبك وصاينتك وماعمريش بحتت في شخص غيرك من قبل مانعرفك ونا مانعرفش شباب ولما انخطبت قعدت انتخايل فيك وفي تصرفاتك معي ولما ازوجنا مليت اعيوني وقلبي وعقلي ودنيتي وخليتني انحبك والله انتي دنيتي اللي ياما احلمت بها
مراد؛؛ طبس عليا وباسني بوسه طويله وحلوه ورومانسية بكل نين سحت بين ايديه
ونزل ايده لوطه ورفعني ومشي وحطني علي السرير ……….
ورحنا في خبر كان
مراد ؛؛ حبيبي طالع انتفرج
نا ؛؛ ساعه كم تو
مراد ؛؛ ساعه 1
نا ؛؛ عندك عمل بكره
مراد ؛؛ بكره ماسك في الليل
نا ؛؛ اها
وصب مراد ودار دوش ومشي للصاله ورقد علي كنبه وتم ايتفرج
ونا صبيت ودرت دوش ولابست تيشرات واسع وشورت فوق ركبه وشافني مراد
مراد؛؛ تعالي هنا جنبي
نا ؛؛ جيته ورقدني جنبه علي صدره
مراد ؛؛ محمد صاحب خالد هو
نا ؛؛ هزيت راسي
معناها اها
مراد ؛؛ شن معلوماتك عليه
نا ؛؛ نعرفش الا انه هو اكويس ومحبوب في الشارع وحتي خوتي ديمه يشكرو فيه وخريج اقتصاد اصل هذاك اليوم كله وعمتي مبروكه وهي تحكي عليه
مراد ؛؛ يعني انكلم خالد عليه
نا ؛؛ كلمه بس راه هلي عارفين الموضوع وكان مش عارفين راه مش عاطين رقمي لجارتنا وماما اكيده فرحانه
مراد ؛؛ به بكره تو انكلم خالد قبل في الصبح وفي الليل انتي احكيلها نا ما نبيش هدي تنجرح اخر ساد ماجها من هذاك
نا ؛؛ نصيبها حبيبي
مراد ؛؛ هدي اغلي وحده في خواتي واقرب وحده لنا كانت ديمه ادير ايش بيش نرضو حتي لما طلع فرحه هذاك مشت علي خاطرنا علشان تبنيش انتحسوسو وماتبيش مشاكل عائلية وطت علي قلبها ومشت علي خاطرنا وهذه واعره راه
نا ؛؛ اها حكتلي قصتها
مراد ؛؛ ان شاءالله يقعد محمد ولد حلال وايعوضها
نا ؛؛ والله يا حبيبي نا نعرفه معرفه سطحيه بس امه وخواته ديمه يشكرن فيه و خوتي غالي عليهم بذات علي وخالد ايحبوه
تي كان مش حاطين فيه ثقه راه يعاركونا لما هو يسعف ماما راه نركبو معه وماعمره رفع اعيونه علينا وايعامل في ماما وكانه امه
مراد ؛؛ بحت فيا ومرفع حاجبه
ويتي بالكي اتوقفي وانتي تحكي عليه
نا ؛؛ ههههه غيور نا نحكي عليه علشان هدي بس
مراد ؛؛ خلاص انهني الموضوع خلينا انتفرجو
نا ؛؛ ريت هالفيلم الرومانسي حاطلي عليه حطلنا علي شيء حاجه
مراد ؛؛ ههههههه انشوفو الاخبار
نا ؛؛ نحبش الاخبار بكل نا
مراد ؛؛ حاضر تو انغير
ومشت ليلتنا من احلي ليالي حياتي ونا علي صدره
ووعيت تاني يوم القيت روحي في الدار راقده ونسمع في صوت مراد يحكي بالفون
طلعت وشفت امقعمز
مراد ؛؛:يعني ياخالد شورك
خالد ؛؛ والله يامراد وهو صاحبي واقريب مني واجد وعارف طبعه راه والله انسان اكويس بكل صلايا اوقات الخمسه راه حتي في شارعنا معروف والله كان خاطب وحده من عندنا نعطيها له ونا امغمض اعيوني وكان انت تبي تسال اكتر براحتك تعال واسال
مراد ؛؛ ﻻ خلاص مانلقي حد كيفك ياخالد ايقولي الصادقه نا سالتك واجد من الاخير علشان هي مكسوره من قبل وخايف عليها وهي طيبه
خالد ؛؛ راه هو عارف ان كانت مخطوبه وانفسخت
مراد ؛؛ به ان شاءالله نا اليوم ح نقول ايه تحكي معها وكان موافقه تو نحكي مع باتي وخوتي
خالد ؛؛ علي البركه ان شاءالله واي خدمه تفضل وكان تبيني انعطيك رقمه حاضر
مراد ؛؛ هههه ﻻ مش تو صحيت ياخالد
خالد ؛؛سلمك
وصكر مراد
نا ؛؛ صباح الخير
مراد ؛؛؛وين النوم هذا كله
نا ؛؛ سهرنين لعند ساعه 4 فجرا وماتبنيش نرقد
مراد ؛؛ هههههه خلاص خشي اغسلي وجك وصلي وانزلي لوطه غدانا لوطه
نا ؛؛ غريبه
مراد ؛؛ تي اي غريبه ياهمي ما اليوم جمعه
نا ؛؛ يييييييس انسيت بكل
به ليش امس قالت بكرة ماعنديش عمل
مراد ؛؛ ههههه عندي ليل بس
عدي عدي يادايخه
ومشيت غسلت وتوضيت وصليت الصبح ولابست قفطان واسع شويه لان هو مريح ونا معش نقدر علي الجينز واجد
ونزلت والقيت العائله ملتمه واديرن في الغداء
سلمت عليهن وقعمزت اندير معهن وتغدينا ولمينا حوستنا
وغاده اركبت اتريح
و الحوش كله رقد ماعاد نا وهدي وهاجر والهام قعدات في الدار وانتفرجو علي دبش هاجر واندورو شن اللي ناقصه ونكتبو
هاجر ؛؛ انحس في روحي خايفه بكل
الهام ؛؛ عليش خايفه والله دبشك كله ايهبل وخلاص اقريب اتكملي
هاجر ؛؛؛لما حسيت روحي شبه كملت دبشي وتعبت الدار حسيت روحي خلاص اقربب تنتهي حياتي هنا واقربب نطلع منه الحوش اللي فيه اغلي ناس
نا ؛؛ طول تميت نذكر في يوم بتاتي وتميت نبكي معها
(ماتوصي اليتيم علي البكاء )
الهام ؛؛ نقانك يا ايه هبله تو بدال ما اتهديها تبكي معها
نا ؛؛ لان معها الحق فعلا صعبه
الهام ؛؛ تي ماحتي نحن طلعنا وسيبنا هلنا ودرن حوش وعائله وعيشينا والحمد الله راه الوحده مالها الا حوش راجلها واعيالها
هدي؛؛ في الاول تمت ادري في وجها وماتبيش هاجر اتلاحظ انها تبكي بس بعدها انهارن ادوعها وتمت تبكي وتمت تضبط فيها
الهام ؛؛ طيح سعدكن كلا انتن تقدرن تو بدال ماتهدن اتبكان معها
هدي ؛؛ مش متخيله اني في يوم انخش للدار ونرقد بلا حس هاجر نا وهاجر بذات ما عمريش تفارقنا ديمه يا نطلعو مع بعضنا يا نقعدو مع بعضنا مش متخيله اني ح نوعي وما نشوفها في السرير اللي جنبي
نا ؛؛ شديت روحي ومسحت ادموعي حسيت كلامها واعر وذكرني بايام فرحي بس تميت نمسح وزمطت ريقي وبحتت في هدي
ان شاءالله حتي انتي مش امطوله اقريبه
هدي ؛؛ من يابختي ماعندي حد
الهام ؛؛ انتي قولي ان شاءالله وانتي اميسه اتقول الا مراه بكيره
نا ؛؛ امس جتني مكالمه من عمتي مبروكه ام محمد وقالتلي انها تبي اتجي تخطب رسمي لو انتي موافقه
هاجر ؛؛ تمت تميح في دموعها
وبالاستغراب
شن شن من
نا ؛؛ ام محمد جارنا كنكن انتن انسيتن
هدي ؛ اقعدت منصدمه واتبحت وخلاص
هاجر ؛؛ وكنك ساكته لعند تو
نا ؛؛ امس مراد قالي ماتقوليش لحد الا لما نسال عليه قبل قالي كان ماعجبنيش نرفضه من بره لبره
الهام ؛؛ وبه سال
نا ؛؛ اها الصبح كله وهو يحكي مع خالد خوي واشكره له عاد هو صاحبه اقريب وعارفه
هاجر ؛؛ يعني مراد موافق
نا ؛؛ اها موافق وقالي شوفي هدي كانهي موافقه تو انكلم هلي نا
وكلنا قعدن انبحتو في هدي
وهدي قاعده علي وضع الصدمه وساكته
هاجر ؛؛انطقي كنك ساكته
هدي ،؛ مش امصدقه الكلام
نا ؛؛ كيف مش امصدقه اصبري اصبري تو انكلم اميره ونسالها
وطلعت فوني ورنيت عليها
نا ؛ خير اميره كيف حالك
اميره ؛؛ تمام الحمدالله شن امس كلمتك عمتي مبروكه
نا ؛؛ عارفتها الزبده عندك احكي
اميره ؛؛ اها لها كم يوم اتجينا وتسال
نا ؛؛ اصبري اصبري نفتح السماعه بيش تسمعك هدي خير ما انعاودلها
اميره ؛؛ هههههه يا تنباله
وفتحت السماعه الخارجيه
اميره ؛؛ لها كم يوم اتجينا وتسال فينا عليها وقالت ان محمد هصاك اليوم هو اللي قاللها عديلهم في بنات خشو عليهن ووحده فيهن نعرفها ونبيها
وهي ياحنه جتنا وشفتها وعجبتها وتمت تسال في ماما
وانتي عارفه عاد ماما ويسالوها ما اتقول الا كل خير
وكلمنا خالتي فاطمه وجتنا وسالتها وحتي هي ماعقبت جهد اتقول اندفو فيها بالغصب هههههههههه
نحن ؛؛ هههههههههههههه
هدي ؛؛ باهي يااميره تو اتشوفي
اميره ؛؛ هههه عارفه حتي خالتي سالمه الا ما شافتك الا مرتين تمت تشكر فيك وكانها تعرفك من سنين
هاجر ؛؛ انعنكم ماتغيبو
اميره ؛؛ و به انتو
قالنا خالد مراد كلمه
نا ؛؛ مراد اعتمد علي خالد ونا امس الليل كله ونا نحكيله والحق شكرته لان محمد نعرفوه اكويس
ايمان ؛؛ لووووووووووووووووووووووووو
اميره ؛؛ تي وطي صوتك نبو نسمعو
هاجر ؛؛ هههههه والله فيكن جو
اميره ؛؛ ها ياحنه انتو موافقين راه بعد الكلام كله اتقولو لا
نا ؛؛ ان شاءالله موافقين
وبحتت في هدي والقيتها منحرجه وامنزله راسها ووجها قعد احمر
الهام ؛؛ تي شكلنا وافقنا وفضت
نا ؛؛ ههههه به اميره سلام واي حاجه كلمني وقولينا
اميره ؛؛ هههه باهي خلاص راه حتي محمد قاعد علي اعصابه هو من زمان يابال تو مايتحركش من احذ خالد بكل
هاجر ؛ هههههه ايثبت في روحه قالك راجلي اللي راحيل بكل
امودره ليا طارق
اميره ؛؛ تستاهلي ههههههههه
هاجر ؛؛ باهي به يا اميره هههههههههه
وصكرت من اميره وقعدن انبحتو في هدي
الهام ؛؛؛اللي انتي موافقه طول شكلك تعرفيه مش خطبت رواده بس
هدي ؛؛ نعرف من ايام جامعه
الهام ؛؛ قصدك علاقه
هدي ؛؛ ﻻﻻﻻﻻ بس كان يقرا معي ومعجب بيا بس نا كنت امسكره عليا و …………..
الهام ؛؛ تي والله شكله الا ولد حلال اللي جاء طول خطب
نا ؛؛ الحق هم اكويسين بكل
هاجر ؛؛ بس ماما ضروري تعرف اليوم بيش ادير مقدمات لبابا
الهام ؛؛ اها احسن بيش تسهل علي مراد
نا ؛؛ براحتكن المهم ان هدي موافقه نا عندي
هدي ؛؛ سبحان الله علي النصيب بعد 3 سنين انتلاقو ونلقه فاضي ويلقني فاضيه ويخطبني طول
نا ؛؛ هذه نيتك يا هدي تخدم فيك خلتك اتقابليه وهو يخطبك طول بيش اتكوني من نصيبه
الهام ؛؛ نشهد بالله انكن ياهاجر وهدي طيبات وما انحس فيكن الا خواتي وماانتحمل فيكن حاجه وربي سهلكن موضوعكن لانكن طيبات ونيتكن بيضه
هاجر ؛؛ الحمدالله نا نبي نمشي انقولها لماما
الهام ؛؛ خليها توعي قبل
هاجر ؛؛ العصر اذن اكيده وعت
ومشت هاجر والقت عمتي اتصلي ونحن كل وحده فينا مشت توضت وصلت ووعن لمار ورتاج
ودرنا قهوه وقعمزنا نشربو فيها
وهاجر بكت لعمتي الموضوع
وعمتي افرحت اقريب طارت
عمتي ؛؛ والله من سالتها هذاك اليوم عرفتها تبي تخطب المهم يا ايه ايكون صلايه وايخاف ربي ومش متع وجيج و بشقته
نا ؛ ﻻﻻ اطمني يا عمتي من الناحيه هذه بعدين انتو مازالتو فيها اسالو عليه قبل
عمتي ؛؛ به بس نا عارفه مراد بدال موافق معناها اكويس الشاب
وقعدنا انهدرزو وانزلت غاده ومشي جونا لعند ساعه 8 ركبت وتيت دبش لمراد وجا هو وغير دبشه وعدي للمستشفي
ورديت نزلت لنات اخري
هدي ؛؛ معناتها تسهري معنا اليوم
نا ؛؛؛ههههه شن رايكن انتن اللي تركبنا ونسهرو فوق خلاص تو عمتي تبي ترقد
هاجر ؛؛ به هيا نركبو نحن
نا ؛؛ هيا لمار معي
طارق ؛؛ وين وين مشيات
هاجر ؛؛؛وداعا للعزوبيه سهرنات فوق
طارق ؛؛ ازي ما تحشمي بكل اتقولي فيها بعين قويه
هاجر ؛؛ هذه سنة الحياه
طارق ؛؛ باهي باهي اركبن اركبن
وركبنا نا والبنات ولمار وحمادي
ومشينا جو ايهبل كان مراد متوقع نسهر معهن كان جايبلي شكولاطات وليز
هاحر ؛؛؛نقاني نبي ننقص شويه قبل الفرح بيش كان سمنت انرد لجسمي هذا مش نسمن اكتر
نا ؛؛ بس انتي ناقصه راه
هدي ؛؛؛ﻻﻻ انقصي اخر احسن انتي راجلك ارقيق واقصير يعني صروري تقعدي ارقيقه عود
هاجر ؛؛ عارفه حتي كعب ماني لابسه
نا ؛؛ حتي نا في فرحي ما لابستش
هدي ؛؛ اها صح حسيتك يوم الفرح اقصيره بذات لما طلعتي مع مراد كان الفيلو زامطك زمط
نا ،؛ هههه ياحنه لابست الفيلو حسيته ثقيل واجد وماعرفتش نمشي بالكعب قالت نمشي هكي واطي احسن بيش نقدر نتحكم في مشيتي اكويس
هاجر ؛؛ اها معاك الحق
هدي ؛؛ ويه نسالك
محمد عنده علاقات
نا ؛؛ الله اعلم بي كان عنده علاقه راه ماتقدملكش
هدي ؛؛ ان شاءالله خير والله خاطري نحكي معه من اول ماشفته اذكرت ايام الجامعه طول وكلامي معه
هاجر ؛؛ اووووووو في كلام بينتكم
هدي ؛؛ كلام علي محاضرات لان هو كان ايتحجج واجد بالكلام معي
ومشي جونا ايجننن هدي قعدت اتفكر في محمد واجد
وتاني يوم مراد حكي لهله علي محمد كلهم وافقو مبدائيا ومشي حاتم سال عليه بدقه كم يوم وعجبهم
وكان مازال علي فرح هاجر 3 اسابيع بس
عمي ؛؛ كانو يبو ايجو اديرو اي خطوه ايتفضلو قالوليهم
عمتي ؛؛ المراه اتكلم فيا بستمرار ويبوها خلاص
بس نا يا حاج رافضه ……..
مانبيش تو اي خطوه رسميه هدي بختها بالهون وديمه العياط ايعيط وراها شفتها وراها وراها نين خطبتها الاوله انفسخت
عمي ؛؛ وبه
عمتي ؛؛ شن رايك انقولو البنت لكم بس مانبوش اي خطوه تو الا لما انتمو فرح هاجر وتمشي في حالها بعدها نبدو في هدي مانبيش اي شوشره في الموضوع نين ايصير رسمي وايكون الفرح اقريب راه واعره طلعت البنتين مع بعضهن الناس ماايرحوش حد
عمي ؛؛ والله كلامك حقني خلاص بدال تبو هكي خلاص احسن انتمو فرح هاجر قبل
عمتي ؛؛ معناها تو انكلم المراه ونحكيلها
وكلمت عمتي المراه وهم تقبلو الموضوع عادي وقالو من حقكم بس راه البنت شورنا خلاص وقاعدين يرجو في الفرح ايتم بس
محمد تعقد اشويه لان هكي معش يقدر ايكلمها لان كان خاطره يحكي معها قبل اي خطوه رسميه
وهدي افرحت لان انخطبت لحد ايحبها وهي تعرفه
وفي نفس الوقت ازعلت لان كان خاطرها تحكي معه وتعرف عليه اكتر وتعرف طبعه اكتر بس ماقدرتش تطلب مني رقمه لان هو مابش يطلب رقمها
ومشي يوم وراء يوم وقرب الفرح ونا معش شريت شيء لان مراد معش فاضلي وشالني للسوق
هدي ؛؛ ويه راه وقت عليك امتي تبي تشري
نا ؛؛ مش عارفه مراد معش فاضلي ونا معش الدبش ايجي عليا وتمن ايضايقن فيا
هدي ؛؛ به ليش ماطلعتي معنا
نا ؛؛ انتي عارفه خوك مستحيل ايخلني نركب في سياره خاطي سيارته حتي ولو سيارة خوه
هدي ؛؛ من البخت ياحنه
غاده ؛؛ نا شريت وافتكيت والحق ساعدتني اختي مشت معي وتمت تختارلي هي
الهام ؛؛ حتي نا مشيت في الصبح والعيال وهم في المدرسه
غاده ؛؛ قصدك حتي لمار وحمادي مازللو
نا ؛؛ اها مازالنا كلنا مراد باقيه عنده زحمه
عمتي ؛ هدي هدي
هدي ؛؛ نعم ياماما
عمتي ؛؛ تو خطيبك جاي ومعه اخته صبي وتوي روحك
هدي ؛؛ وعليش جاي
عمتي ؛؛ مش عارف تو كلمتني عمتك ونا في الدار وقالتلي جايكم جايب حاجه لكي
هدي ؛؛ ووووو عليا نطلع هكي عليه
الهام ؛؛ صبي غيري دبشك وحطي وشاح وخلاص
هدي ؛؛ تي باهي اللي دايره فتله وحواجب
وصبت تجري وغيرت دبشها علي السريع ودق الباب
وطلعت عمتي افتحت الباب وخششتهم في المربوعه طبعا اخته كانت متحشمه بكل
هدي ؛؛ ويه انتي اطلعي لاخته اكيده متحشمه وماما اتخزرط فيها
نا ؛؛ كنك انتي تبي مراد ايقصلي ارقبتي بعدها ايشوفني خاشه علي محمد
هاجر ؛؛ قولي ماما اتخش واتخششها
الهام ؛؛ شوري شوري امغير تعالي يا هاجر صبي العصير
هاجر ؛؛ عروس وماانتريح من هالحوسه
وخشت الهام وسلمت عليهم وخششت البنت وعمتي ومحمد قعد اوحده في المربوعه
وجت خشت عليه هدي وكانت لابسه جينز وابلوزه ووشاح
طقت علي الباب بحت فيها وصبا
هدي ؛؛ بالارتباك
السلام عليكم
محمد ؛؛ وعليكم السلام
خشي كنك امصبيه
وخشت هدي ونست اتسلم عليه بكل وقعمزت
محمد ؛؛ سامحيني جت جيتي ابسرعه
هدي ؛؛ لا عادي
محمد ؛؛ هو نا درتها بالعني بيش ماحد ايطلي في الجيه قالت معقوله تو ليا فوق من شهر خاطب وماشفتش خطيبتي ولا حتي حكيت معها
هدي ؛؛ ساكته وامنزله راسها لوطه
محمد؛ ؛ اول امره انشوفك مكسوفه هكي قبل شخصيتك قويه وتحكي عادي معي
هدي ؛؛ ساكته بعدها رفعت راسها وشافته مبتسم ابتسامه حلوه بكل ودارلها حركة اخشيم
هي اضحكت ونزلت راسها لوطه
محمد ؛؛ صبا وجا وقرب منها
هدي ؛؛ استغربت الموقف واقعدت متجمده في مكانها
محمد تو ايخش علينا اي حد
محمد ؛؛ ماتخافيش نا قربت منك نبي نعطيك حاجه بس
وطلع علبه دبله ومحبس وظرف فيه افلوس
ومد يده وخذا يدها ولابسها دبله وباسها
هدي ؛ استغربت الموقف وبحتت فيه
محمد ؛؛ عارفك مستغربه لانها دبلة فضه لان امي مابتش اتخلني انجيبلك دبله ذهب الا في البيان ونا الحق ما رضيتش انك تحضري الفرح بلا اي حاجه تثبت انك ليا خايف ايجي حد ويسرقك مني اخر
وهذين افلوس اشري قفطانك مني هديه
هدي ؛؛ شكرا ليش امتعب روحك
محمد ؛؛ انتي تو خطيبتي ومن طبيعي نبي نصرف عليك واي حاجه تبيها قوليلي
المهم تو نا نبي نحكي معاك قون
هدي ؛؛ اقعدت ساكته
محمد ؛؛ وينه فونك
هدي ؛؛ قاعد جو
محمد ؛؛ ممكن اتجيبه
هدي ؛؛ حاضر
وصبت هدي وخشت ومحمد يمل في اعيونه عليها
عمتي ؛؛ كنك طولتي
هدي ؛؛ اشويه بس يبي فوني
الهام ؛؛ اوووووو فون تي في دبله اهي
اضحكت هدي وخشت وجابت الفون وجاته ومدتله الفون
محمد ؛؛ هدي رقمك هذا عارفه حد
هدي ؛؛ العائله بس
محمد ؛؛ هدي نا نبيك بحلال ونبيك تفتحي معي صفحه جديده وتنسي الماضي ومانبيش مشاكل
هدي ؛؛ عرفت قصده طول هو كان يقصد خطيبها اول
ﻻ اطمن رقمي هذا عندش هو لان الرقم هذا درته بعد فسخت خطبتي وبعدين هو امسافر يقرا بره
محمد ؛؛ خلاص اهو سجلت رقمي تو بعدين انرن عليك ونحكو اكتر رقمك هذا مفروض عندي من 5 اسنين مش تو
هدي ؛؛ هههه نصيب عاد
محمد ؛؛ بس خذيتك خذيتك تطنيشك عليا سنتين جت علي راسك
هدي ؛؛ هههههه كيف انت واخذني تبي تنتقم من السنتين
محمد ؛؛ والله عندي كندره غاليه عليا بس راحت في سباك من كتر ما نلبس فيها ونمشي في جرتك
هدي ؛ ههههههههههههه
تمت تضحك ونست روحها بكل
محمد ؛؛ دوم الضحكه ياعسل
هدي ؛؛ افطنت ل روحها
اسكتت وحطت يدها علي فمها
محمد ؛؛ بس راه الكندره كانت غاليه اكيده امذكرتيه اصل ديمه نلابس فيها لكي بيش تنعجبي بيا
هدي ؛؛ هههه محمد هلي يسمعو فينا
محمد ؛؛ فداك الكندره المهم هيا خشي قولي هيا لاختي وتو انرن عليك بعدين
هدي ؛؛ خلاص سلام
محمد ؛؛ تعالي تعالي هنا امبدري خشيتي وماسلمتيش ومشيتها لكي بس تو سلمي قبل ما نطلع
هدي ؛؛ اسفه كنت مرتبكه بس
محمد ؛؛ عارفك كنتي امركبه كفر جو انا مخطوبه وجايني خطيبي وانتحشم
هدي :؛ محمد من اولها هكي
محمد ؛؛ عارفتني من زمان دوتي واجده خلاص سلام
هدي ؛؛ سلام
وطلع محمد وقعد يلبس في الكندره وبحت في هدي لقها امركزه في الكندره
محمد ؛؛ ﻻﻻ اطمني مش الكندره هذه
هدي ؛؛ هههههههههه
وخشت تجري وقالت هيا واطلعو محمد واخته وهدي الابتسامه علي وجها وكانت احلي ابتسامه
كلنا نقاينه عليها علي الدبله
هدي ؛ هو قالي ضروري اتكون في يدك حاجه تثبت انك ليا وجابلي حتي افلوس
عمتي ؛؛ والله ماشاءالله كريم
الهام ؛؛ اها علي قصاد نيتها
هاجر ؛؛ انتي ياهدي ماحقيتش وجه ماما وانتي جو تما ايتصفر وايتخضر خايفه من واحد من خوتي ايجي وايشوفكم نين حتي صبيتك خافت وركبت فيها الرعشه
الهام ؛؛ ههههههههه نقانه خفنا
هدي ؛؛ بس جوه حلو بكل ومطلوق طول خش فيا وخلني انهدرز معه وكانه نعرف من زمان
هاجر ؛؛ ان شاءالله ربي ايهنيك
هدي ؛؛ ان شاءالله
عمتي ؛؛ خلاص هيا خشن شوفنا دبشكن راه بكره ح ايجوك العرب ويبدو ايجو خلاص راه شيلت الدبش يومين بس عليه
هاجر ؛؛ تعالنا رتبن معي دبش بيش تعرفن انتن اللي تبن اتحطن
وقعدنا انرتبو في الدبش وكملنا
وهدي مشت تجري وخشت لدار وبدت تحكي مع محمد
ونحن كل وحده روحت
ركبت وخششت العويل ورقدتهم ونا قعدت نرجا في مراد ونا متعقده بكل وتميت نبكي
وجاني مراد
مراد ؛؛ كنك تبكي
نا ؛؛ زعلانه منك
مراد ؛؛ كنك عليش
نا ؛؛ معش طلعتني نشري دبش
مراد ؛؛ هههههه ياهبله
وجاني وقعمز جنبي
اسف والله اسف خلاص تو انطلعك بكره لما انروح من العياده
نا ؛؛:اخري تبي اتشيلني في الليل
مراد ؛؛ ويتي عاد فكينا والله ماعاد عندي وقت تو انشيلك بعد المغرب وامتي مااتكملي انروحو
نا ؛؛ راه حتي لمار تبي قفطان ابيض قالت
مراد ؛؛:حاضر تو انشيلكن واختارن اللي تبنها بس ادموع هذين فكيني منهن نا ندفع عمري كله بس ما انشوفش ادموعك هذين
نا ؛؛ راه بكره تبي نشري عرم دبش راه عنديش خلاص كله ضيق
مراد ؛؛؛حاضر امس حصلت اجار الحوش خوذيه كله مانبيش بس فكينا حتي من لمار
نا ؛؛ حاضر
مراد ؛؛ نبيك تشري حتي لهاجر حاجة ذهب بيش تعطيها لها انتي
نا ؛ امتي
مراد ؛؛ تو بكره في الصبح نشريها نا اوحدي ولاه نطلعو في الليل
نا ؛؛ به
مراد ؛؛ تعالي هنا يابكايه
وكرني شوره واضبطني
والله الا بيبي تبكي علشان دبش
نا ؛ ههههه حتي نا بيبي اصل
مراد ؛؛ بيبتي نا بس
معش تبكي ياشينه ولما تبي حاجه احكيلي راه نا ننساه
نا ؛؛ حاضر تعشيت حبيبي
مراد ؛؛ من دارها المعكرون امبدري
نا ؛؛ هدي
مراد ؛؛ اكيده انتي ماكليتهش
نا ؛؛ مستحيل انخششها في فمي المعكرونه
مراد ؛؛ عليك كره به شن كليتي
نا ؛؛ كالعاده لحمه وخبزه
مراد ؛؛ صحه
وطلعنا تاني يوم نا ومراد ولمار وحمادي وشرين عرم دبش انتقام نا ولمار حتي حمادي شريتله بدله رسميه
و لمار فيلو لان يبو ايخشو هم الاثنين قدام هاجر
في الصاله
وجا يوم تغليف الدبش وجو العرب كلهم وجن حتي خواتي وتمين انغنو واندربكو وانغلفو
وعند المغرب نقص علينا الشاش اللي انغلفو به
هاجر ؛؛ حي علينا من وين انحصلو
الهام ؛؛ في المحل هذا اللي في شارع اللي لاوره عنده
هدي ؛؛ ماعندكن من ادزن الشباب ولا واحد كلهم رايحين
هاجر ؛؛ عليك بخت كيف انديرو
خالتي فاطمه؛؛ امشي انتي جيبي حاجتك منه وتعالي بسرعه ماحتي واحد طق فيك انتي عروس وح يمشوها لكي
هاجر ؛؛ به نمشي اوحدي
نا ؛؛ خوذي معاك شيء وحده
هاجر ؛؛ قريباتي وعرفتهن تو كل وحده اتقولي لا نقدرش واديرلي مئة عذر
اميره ؛؛ هدي عدي انتي معها
هدي ؛؛ والله بعدها محمد ادير قصه
هاجر تمت تبكي ولا وحده فينا بت اتنازال تمشي كلنا خايفات من راجلتنا
نا ؛؛ والله يا هاجر كان تظمني اني مانطلقش نمشي معاك عادي
وخشت علينا رجاء
رجاء ؛؛ هاجر الصبايا يبن الشاش هيا
ورفعت هاجر راسها ولقتها تبكي
هيييييييييييي هاجر كنك تبكي
هدي ؛؛ مافي حد يقدر يطلع معها للمحل اللي لاوراه بيش تشري الشاش
رجاء ؛؛ وصبي امشي وحدك
هاجر ؛؛ انخاف منه الشارع ديمه فيه شباب واجد
رجاء ؛؛ ايه امشي معها
نا ؛ تبيني انروح انبات عندكم وياريتني حتي بصحتي انروح مضروبه نين قايله يانه من مراد
هدي ؛؛ هههههههههههه تي باهي كان روحتي للحوشكم يستر الله كان ما مشيتي للعنايه ولاه للمقبره
اميره ؛؛ ههههههههههههه مع مراد توقعن عادي المقربه طول
رجاء ؛؛ ازي والله مافيكن وحده اصليه بكل صبي يا هاجر تو نمشي معاك نا
هاجر ؛؛ هيييييي تحكي جد انتي
رجاء ؛؛ لاعندي راجل خايفه منه لاشيء هذين معتوهات امسيباتك تبكي
حنين ؛؛ صبن امشن ابسرعه قبل ما ايجي شيء حد ولاه المحل ايسكر
خالتي فاطمه؛؛ اها صبن ابسرعه
هاجر ؛؛ هيا هيا
وصبت هاجر ولابست عبايه واطلعت هي ورجاء ويمشن في الشارع وخايفات بس رجاء كانت دايره روحه ماتخافش
هاجر ؛؛ خايفه
رجاء ؛؛ ﻻﻻ امغير ابسرعه راه شلة الشباب هذوم يبدو ايعاكسو
وخشن للمحل بسرعه وشرن الشاش وسمعنا صوت
واحد امصبي وراهن
….،،، ماشاءالله تبارك الله
هاجر ورجاء خافن وماقدرنش يبرمن اوجوهن من الخوف اللي ركب فيهن
هاجر ؛؛ ﻻﻻﻻﻻﻻﻻﻻ ماتقوليهش
رجاء ؛؛ عظم الله اجرنا
….؛؛ تعالي هنا تعالي
والتفتن ولقن……..
يتبع