مسلسل سعاده كاذبه التكملة

 

 

مسلسل سعاده كاذبه
الحلقه 30هدي ؛؛ سبحان الله علي النصيب هو يما داره علشان هلي ايوافقو تو لما وافقو هلي قالو فاتحه والفرح طول

نا ؛؛ به الحمدالله ان هاجر متخرجه ولا اتفكر في القرايه ولا شيء ان شاءالله ربي ايتمم عليها
عمتي ؛؛ ان شاءالله ياربالهام ؛؛ ويه عدي شوفيها بالكي تطلع معاك تمت متحشمه تطلع
نا ؛؛ تو انخشلها

وخشيت عليها والقيتها …………

نا ؛؛ هيييييي يا هبله كنك تبكي
هاجر ؛؛ مش مصدقه ان اسامه خلاص قعد خطيبي وبكره ح ايكون راجلي وفرحنا اقريب

نا ؛؛ جيتها واضبطتها
خلاص يا هبله اهو هذا النصيب بدون ما تعرفي تلقي روحك مخطوبه ومتزوجه اهو شوفيني نا اقرب مثل شن يخطر في بالي ان الرمضان هذا ح نقعد متزوجه وعندي راجل ونطلع من حوش هلي اهو نصيب وان شاء الله ايكون ربي كاتبلك ايام حلوه باهي احمدي ربك ان اللي واخذك تعرفيه ويعرفك واتحبيه وايحبك مش نا ما نعرفه بكل حتي مكالمه ما عمري حكيت معه

اهو تو حبيته وماني متحمله فيه حاجه هيا تعالي ياهبله كسدي معانا ونشربو القهوه هيا علشان خاطر امك بس اللي ح اترايف عليك وما اتضيعش ولا يوم انك اتكوني جنب امك لان ح تزوجي وح تعرفي قيمتها واترايفي عليها

هاجر ؛؛ نجك ليا يا ويه كلامك حلوه بكل انتي تحكيلي وكأنك اكبر مني مش اصغر مني

نا ؛؛ هههه اهو نصيبي انعيش الحظه قبلك وانعبرلك هيا ياحنه صبي صبي خلينا نستفيدو منك قبل ما تمشي للراجل علي قولت رجاء

هاجر ؛؛ هههههه اختك هذه شكلها اتجنننن
نا ؛؛؛هههههه نقانه اتجننن هيا تو شي يوم ايجني هنا واتعرفن عليهن

هاجر ؛؛ يا ريت والله
نا ؛؛ به هيا القهوه صقعت

هاجر ؛؛؛ هيا هيا

وطلعنا نا وهاجر وعمتي اول ما شافت اعيونها طول دمعن
وجتها هاجر تجري وتمت تبكي

عمتي ؛؛ مبروك يا ابنيتي وان شاء الله ربي ايهينك ويسعدك

هاجر ؛؛ ان شاءالله

وفجاء اتخش علينا حنين

حنين ؛؛ لووووووووووووووووووووووووووووووووووليا لووووووووووووووووووووووووووووووووووليا

وصبت هاجر تجري واضبطاتها
حنين ؛؛ مبروك مبروك والله بقيتي عروس
عمتي ؛؛ وانتي شن عرفك يا حنه ماسرع
حنين ؛؛ كيف يا امي ماتبيش تحكيلي ولا شنو وماهن كناينك احذاك عرفات

عمتي ؛ معنا من الصبح هن
الهام ؛؛ يعني يا عمتي وكان مش قعدات ما تقوليهش لنا
عمتي ؛؛ هههههه مرات

الهام ؛؛ هههههه نيتنا تخدم فينا وهي اللي خلتنا انتلاقو ونعرفو بروحنا

عمتي ؛؛ ههههههههه من قالها لكي يا حنين
حنين ؛؛ هدي كلمتني تو وطول قالت انجي
وقعمزت حنين وتمينا انهدرزو

نين جا الليل وتعشينا

غاده ؛؛ عندي خبر حلوه
عمتي ؛؛ حااامل
غاده ؛؛ اها انقولو ان شاءالله
عمتي ؛؛ به ان شاءالله مبروك عليك باهي انتي راجلك لا متزوج زمان ولا شيء
بس انتي يا ايه امسكي روحك مانبوش حمل تو نين تفهمي مراد اكويس راه واعر

حنين ؛؛ ماما معقوله اتقولي المراه ما تحمليش من جدك

عمتي ؛؛ يا حنين مراد واعر واهي مراته الاوله طلقها بعد كم سنه واقعدو الاعيال ضحايا يوم هنا ويوم هنا اشردو
حنين ؛؛ امهم اللي خلتهم هكي مش بوهم

طبعا نا نسمع في كلام والعبره خنقتني

عمتي ؛؛؛علي كيفكم نا قالت اللي عليا نا خايفه حتي عليها نبيها تستقر قبل معه وبعدها اتجيب وهي مازالت اصغيره وهو عند اعيال علي الاقل خليهم يكبرو
نا ؛؛ ونا مقهوره وكأنه في طعنه في قلبي

ان شاءالله خير

وكملنا العشاء ونا ركبت فوق درت دوش وغيرت دبشي وعزقت روحي علي السرير

ونعست وبعدها بوقت سمعت مراد خش بس كنت تعبانه قعدت راقده ما صبيتش

مراد ؛؛؛اووو راقده غريبه

جاني وغطاني وعدا للاب توب كسد عليه وبعدها خش رقد

ووعيت تاني يوم

نا ؛؛؛حبيبي مراد
مراد ؛؛ فتح اعيونه وشافني جنبه

اهاااا يا هرابه تهربي مني امس

نا ؛؛ هههه رقدت بدون ماانحس بروحي
مراد؛ ؛
قرب مني واضبطني

اخر مره ادريها معش ترقدي قبل ما انجيه

نا ؛؛ اسفه حبيبي والله كنت تعبانه
مراد ؛؛ ماشي ح انمشيها لكي
نا ؛؛ حبيبي عندكش عمل
مراد ؛؛عندي عشيه بس نبي نعتذر اليوم فاتحة اختي
نا؛ ؛ فرحان ياحبيبي لها
مراد ؛؛ اكيده ماهي اختي وفرحانه اكيد نبي نفرح لفرحها

نا ؛؛ باهي حبيبي كمل فرحتها وعطيها الفون اكيده يبي ابباركلها خلاص هو خطيبها و اليوم ح يقعد راجلها حرام خليها ايقوللها مبروك

مراد ؛؛ اتحنن في قلبي عليها بيش نعطي فونها
نا؛ ؛ مراد انسيت يوم فاتحتنا خشيت عليك وسلمت عليك و لانعرفك ولا شيء
مش هي اتحبه وهو ايحبها اكيده يرجو فيها من زمان الحظه هذه

مراد ؛؛ هههههه شاطره انتي في الاقناع بس انتي في فاتحتنا قالتي كلام كرهتني فيك وخليتني انعاندك

نا ؛؛ ههههه لو كنت نحساب روحي ح انعيش معاك هكي وانحبك راه ما قالتش الكلام هذاك

مراد ؛؛ امس في الليل ما شفتش الشوفه
نا ؛؛ ههههه صبح مازال
مراد ؛؛ ساد امس في الليل قعدت بلاها حولي خليني انشوفها
نا؛ ؛ مراد راه نبي ننزل انشوف البنات نبي انظم معاهن
مراد ؛؛ والله هو بجوي انخليك تنزلي او لا
نا ؛؛ هههههههه عارفتك انت تفهم في الجو و ح اتخليني ننزل

مراد ؛؛ ههههههه معناتها صبي من احذ وجي من تو راه انجيك

نا ؛؛ هههه ﻻﻻ تو انصبي خلاص خلاص
وصبيت ابسرعه وتوضيت وصليت الصبح ولابست جينز وابلوزه

ودرت قهوه لمراد
ونا فطرت علي السريع
مراد ؛؛ افطري بشويه كنك انتي
نا ؛؛ البنات ايسيقن في الجنان نبي ننزل انساعدهن
مراد ؛؛ ربي يعطيكن الصحه
نا ؛؛ نجك حبيبي انت تبي تنزل
مراد ؛؛ ناطالع عندي مشوار وتو انجي
نا ؛؛ به حبيبي عادي ناخذ الفون نعطيه للهاجر حرام
مراد ؛؛ انتي تو اتودريني به خلاص عطيه لها
نا ؛؛ نطيت عليه واضبطته وحبيته
مراد ؛؛ هههههه راه تبي تقعدي امطول هكي وانتي امظبطتني هكي مش ح تنزلي الا بعد ساعتين

نا ؛؛ﻻﻻﻻﻻﻻﻻ سلام سلام

مراد ؛؛ خوااااااافه
وخذيت الفون ونزلت والقيتهن قالبات الحوش
نا ؛؛ صباح الخير
عمتي ؛؛ صباح النور شن اليوم واعيه بدري
نا ؛؛ اها قالت اكيده ايحوسن
هدي ؛؛ ههههههه حتي انتي وعيتي بدري
نا ؛؛ وين هاجر
هدي ؛؛ اتظم في المربوعه
نا ؛؛ به
وخشيت عليها طول
نا ؛؛ اه يا اسامه شن اخبارك مبروك عليك

والتفت هاجر عليا ولقتني حاطه فونها علي وذني

ايه شن هذا
نا ؛؛ هذا هذا فونك يا همي
هاجر ؛شن يبي عندك
نا ؛؛ جايبته لكي
من الصبح ونا نجدا في مراد
هاجر ؛؛ ووووووو انعنك ما اتغيبي
نا ؛؛ هههههه بيش تعرفي قيمتي
هاجر؛؛ به فتشه امس هو
نا ؛ عارفه مسحتي الرسال علي فاضي ما جا شوره بكل هو حط علي الطاوله فقط لا غير

هاجر :؛مش مهم الرسال المهم جاني الفون
نا ؛؛ عدي رني علي اسامه
هاجر ؛؛ نجك وخشت تجري للدار وبدت تحكي مع اسامه ونا كملت المربوعه وسكرتها وطلعت انحوس معهن وجن حنين والهام وانزلت غاده

ودرنا غداء وتغدينا طبعا هاجر ما حطت حاجه في فمها جاها خناق العرايس

هدي ؛؛ هيا غاده الهام ايه انتشرن عدن ابرمن علي اروحكن راه جايات عماتي واعمامي وخوالي وخالاتي

نا ؛؛ حتي صبايا
هدي ؛؛؛اها حتي الصبايا بيش تلابسن اقصير وحاجه رسميه
غاده ؛؛اكيده خلاص خلوني نركب تو
هدي ؛؛ حتي انتي ويه اركبي
وانتي يا الهام وحنين تو نبرم عليكن انا راه بعد العصر طول ح ايجو

و ركبت فوق والقيت مراد قاعد في الصاله وعلي الاب توب

نا؛؛:قاعد هنا
مراد ؛؛ اها كنك تبي حاجه
نا ؛؛ ﻻ سلامتك لمار وحمادي امتي ايجو
مراد ؛؛ سناء قالت تعال بكره خذوهم

نا ؛؛ لما سمعت اسمها انصدمت والتفت وجي

من سناء اتكلم فيك

مراد ؛؛ ﻻ امبدري كلمتني بس اول مره اتكلمني

نا ؛؛ حسيت موس خش لقلبي وخشيت ابسرعه للحمام غسلت وجي بيش ما نبكيش ودرت دوش وطلعت وخشيت للدار وبديت اندير في استشوار وكملته وخش عليا مراد

مراد ؛؛ بنت الشقه استشوار
نا ؛؛ الله غالب انشف في شعري
ونا بديت اندير في المكياج القيت مراد امقعمز وايبحت فيا من عند المرايه
نا ؛؛ مراد نزل اعيونك معش عرفت اندير
مراد ؛؛ ههه ليش اتكثري في التلبيز انتي
نا ؛؛ جيات صبايا
مراد ؛؛ اها
وكملت الميك اب وصبيت وطلعت قفطان اخضر ضابط اقصير وفيه افصوص ذهبي لابسته
نا ؛؛ مراد سكرلي السوسه
مراد ؛؛ شن سامنه يعني
نا ؛؛ ﻻﻻ مش سامنه بس هذا ضابط واخذته هكي
مراد ؛؛ قرب مني من لاوره وسكرلي السوسه وبرملي وجي
انحبك وكل يوم اتزيدي تحلي في عيني
نا ؛؛ ابتسمت ونزلت راسي طول
مراد ؛؛ رفعلي وجي بيده
مازالتي اتحشمي مني خلاص عاد
نا ؛؛ كلامك هو اللي يحرج فيا انحبك يامراد يا حبيبي يا راجلي يا سندي ياعمري

مراد ؛؛ نجيلي الفم السمح اللي ديمه كلامه ايقطر عسل

نا ؛؛ هيا البس العرب اقريب ايجو
مراد ؛؛ باهي

وحبني علي راسي
ومش ايغير ونا كملت ودرت روج احمر وطلعت علبة الذهب ولابست وجيت لمراد ايلابسني العقد والسوراه

مراد ؛؛ نا ما انحبش انلابس بكل
نا ؛؛ عنديش غيرك
مراد ؛؛:باهي تعالي
ولابسني ونا مشيت شور المدخل وطلعت الكندره ولابستها
نا ؛ ها حبيبي سمحه
مراد؛؛ خلاص قعدت طولي
نا ؛؛ ههههه ﻻﻻ مازال ماطقيت لطولك
مراد ؛؛ باهي هيا خلني ننزل وانشوف الجو قبل
نا ؛؛ تي تعال هنا قبل
مراد ؛؛ كنك
نا ؛؛ تعطر قبل كنك طلعت هكي
مراد ؛؛ اووو نسيت

وحط مراد عطره ونا حطيت عطري

وطلعنا قدام الشقه والقينا البنات امولعات الاذاعه علي العالي

مراد ؛؛ الفرخات مستعجلات
نا ؛ هههه من حقهن اهو شوف اصغر منهن ومتزوجه

وهزيت وسطي

مراد ؛؛ ايه تحشمي ايشوفك حد
نا ؛؛ ما في حد ايشوفني

وتميت انهز ونرقص ومراد امصبي وايبحت فيا ومبتسم وامرفع حاجبه وماسك بسنونه جنب من فمه التحت

اووووو تعرفي ترقصي
خلاص وقفي تو ايشوفك حد
نا ؛؛ هههههههه احسن حاجه في المناسبات الجو هذا

مراد ؛؛ خلاص امسكي روحك وانزلي قدامي راه انخش بيك الشقه

نا ؛؛ ههههه ﻻﻻ تو نمشي
وتميت نمشي قدامه ومره مره انهز في اكتوفي
ومراد يضحك من جده

ولما نزلت القيت الحوش امعبي وجت عيني علي عين خالتي فاطمه ولما شافتنا نازلين جتنا

خالتي فاطمه ؛؛ باهي يا ويه به
نا ؛؛ اخويليه خيرات
وسلمت عليها
ومراد امصبي وراي وايبحت فينا

مراد ؛؛ كيف حالك يا عمتي
خالتي فاطمه ؛؛ تمام الحمدالله
وين يا ويه علي الحناني والجو هذا
نا ؛؛ اولا امس حنيت
شن سمحه
وتميت انرفع في القفطان وامرفع اكراعي وانوري فيها لها

مراد ؛؛ استري روحك يا ايه وخشي جو
نا ؛؛ هيا هيا
وخشت خالتي فاطمه ومشيت وراها ووقفت علي الباب ولافتت وجي

نا ؛؛ مراد مراد

مراد ؛؛ لاف وجه عليا
نا؛؛ هزيت اخر وتميت انرقص في حاجبي

وهو ضحك ونا خشيت
مراد ؛؛ مردوده مردوده في الليل
نا ؛؛ طلعت راسي
تقدرش

وخشيت ودرت جو عقاله وسلمت عليهم والقيت حتى غاده امكمله ونازله

وجو الرجاله وكلهم خشو للمربوعه

وبدينا درنا القهوه
وخش علينا طارق للمطبخ
طبعا الهام لابسه استر مني وهي متعوده علي طارق
نا وغاده ؛؛ وووو طارق بره بره
طارق ؛؛ عادي عادي صبايا خوتي هيا هاتن القهوه
ومديلنا القهوه

وعديت نا وغاده ولابسن تنورته الصلاه وقعدن بها في المطبخ وخش عليا طارق اخر

طارق ؛؛ فرق بينكم وبين هالمتعات الصلاه تخطر عليكن في المناسبات وتلابسهن ليش ما تسترن اروحكن من اولها
نا ؛؛ ههههههه
غاده ؛؛ خليك في حالك نحن نبو انتلابسو

وخش مراد ولقني امطبسه علي السفر وانحط في الميه
مراد ؛؛ ايه سقمي روحك ظهرك تو يوجعك
ونا ؛؛ التفت وشفته
مراد ؛؛ معش اطبسي هكي

الهام ؛؛ خايف عليك يا ويه
مراد ؛؛ شن درتو المثروده
الهام ؛؛ اها درنا
مراد ؛؛ به راه يبو الميه

الهام ؛ به ويه طلعي العصير للصبايا هذا
نا ؛؛ به هاتي
وحولت تنورة الصلاه وخذيت السفره وبحتت في مراد والقيت ايهز في راسه وطلع

وخشيت نا عليهن وعطيتهن العصير
وبعدها قالو الفاتحه انقريت

الصبايا ؛؛ لووووووووووووووووووووووووووووووووووليا لووووووووووووووووووووووووووووووووووليا
وطبعا عاداتنا وتقليدنا مناسباتنا لا تخلو من دموع الفرحه

الهام ؛؛ علت صوت الاذاعه
هيا يا صبايا ورنا شطارتكن

هدي ؛؛ هيا يا ويه صبي ارقصي
خالتي فاطمه ؛؛ هيا ويه صبي

وتمينا نرقصو وتمينا انغنو وانصفقو وجا الجو ايهبل وايخش منتصر
منتصر؛ ؛ غاده غاده

طبعا غاده رفعت خشمها علي اساس عندي راجل وكلمني يبيني

منتصر ؛؛ هيا المثروده وين
غاده ؛ اهو انسخنو فيها
منتصر ؛؛ به هيا وتنها ابسرعه

وخشينت وكملنا الحط وخش طارق ومنتصر ياخذو في السفر

وخش حاتم وفي يده افلوس المهر
ومدهن للعمتي
حاتم ؛؛ الفرح بعد رمضان
عمتي ؛؛ طول
حاتم؛ ؛ تو ايجن الصبايا بعد يومين وتو تتفقو انتو
عمتي ؛؛ به ها شن العريس جا
حاتم ؛؛ اها جا سلم وهو متخزرط وطلع قبل الفاتحه
عمتي ؛ تي نبي انشوفه نا
حاتم ؛؛ امي كنك انتي
عمتي؛ ههههه به مره تانيه

وروحو الرجاله ونحن ضمينا الحوسه وطلعنا وقعدنا ااندربكو وانصفقو
وبعدها روحو الصبايا كلهم
ماعاد خالتي فاطمه

خالتي ؛؛ اهو عيسي ايرن اكيده بره
نا ؛؛ بعدك امريفه عليه خليه ينزل انسلم عليه
خالتي فاطمه ؛؛ الو عيسي وينك بره
خالي ؛ اها بره هيا

خالتي فاطمه ؛؛ تعال انزل تبيك ايه
خالي ؛؛ به طلعيها في الجنان

خالتي ؛ امتي جايه لهلك
نا ؛؛ ممكن بكره ماشيتلهم
خالتي ؛؛ به انتلاقو خطرها هاتي رقمك انخزنه
نا ؛؛ قاعد فوق في الشقه تو بعدين ناخذ رقمك من مراد و نرن عليك
خالتي ؛؛ به هيا تعالي

وطلعنا نا وخالتي للجنان وايخشو خالي ومراد
ونا اول ما شفته جيته ابسرعه واضبطته

خالي ؛؛ نجيلي ابنيتي ياربي كابره
نا ؛ ههه ما اصل معش شفتك بكل مش حرام عليك يا خالي
خالي ؛؛ والله كان تبي اتشوفني خلاص تعاليلي في الحوش خلاص تو عندك راجل ايشيلك وايجيبك

وبحتت في مراد القيته مبتسم ومتعقد في نفس وقت
مراد ؛؛ ان شاءالله ح انجيبها عندكم
خالي ؛ خلاص نرجا في جيتكم
مراد ؛؛ ان شاءالله
خالتي ؛ خلاص ويه انتلاقو بكره
خالي ؛؛ تي وين طالعه اخري بكره وانتي ديمه طالعه
خالتي ؛؛ بكره ماشيه للهلها
خالي ؛؛ اها حوش عيشه به عادي
مراد ؛؛ عمي كنهن الصبايا يتفقنا بلا استأذن وانتي من قال انك بكره ماشيه
نا ؛؛ ههههه ما عابيه انقولها لك بعدين
وغمزتله

مراد ؛؛ اها
خالي ؛؛ خلاص سلام
واطلعو

مراد ؛؛ عارفه خاطري انشرط هالقفطان اللي مافي حد ما شافه عليك خشي راه انكسرك وانتي تضبطي وخلاص بدون ما اتحسي بمشاعر
نا ؛؛ ههههههه خالي كنك انت

مراد ؛؛ صار انتلاقو بكره تو اتشوفي خشي راه انخش عليك

نا ؛ هههههه اني خاشه

وخشيت وهدرزنا وبعدها ركبت فوق وطول جا وراي مراد

مراد ؛؛ صار انتلاقو صار
نا ؛؛ ههههه حبيبي عارفتك انت طيب ومش ح اتقول لا
مراد ؛؛ يعني تستغلي في طيبتي يعني
نا ؛؛ ههههه وقربت منه
اكيده نستغل طيبتك وحنانك وحبك كله في قلبي
مراد ؛؛ من اللي ترقص امبدري علي الدروج
نا ؛؛ ههههه جدتي

مراد ؛؛ تو انوريها شن شكلها جدتك هذه
تعالي هنا وين هاربه
نا ؛؛ ﻻﻻ مش هاربه اني جيت خلاص خلاص
…………….
_

ووعيت تاني يوم علي صوت هرجة مراد في الدار

نا ؛؛ صباح الخير
مراد؛ ؛ صباح النور هيا اكبيدتي انتي وعيتي وعيتي ديرلي قهوه
نا ؛؛ هيا تو انصبي مره تانيه وعيني بدري معاك
مراد ؛؛ بعد انشوفك راقده انقول خليها اتريح
نا ؛؛ راحتي هي راحتك حبيبي

مراد ؛؛ صبي صبي وقالو اصغيره تي اصغيره وذني
نا ؛؛ هههههههه عليش
مراد ؛؛ اصغيره مش ح تتفق معها اصغيره واكيده مازالن تصرفاتها تصرفات اطفال
ونا اللي انشوف فيها قدامي مراه صح عندك حركات اعيال اصغار بس كلامك وتصرفات فعلا اكبر من عقلك كيف ما قالت عمتي

نا ؛؛ حكيت بصوت بيبي
خلاث بيبي نبي نانه

مراد ؛ هههههههه لا هكي اصغيره صح
نا ؛؛ هههه نجك تو انصبي انديرلك اجمل قهوه من ايديا
مراد ؛؛ يسلمن ايديك

ودرت قهوه وخليتها علي الطاوله وخشيت ودرت دوش وطلعت بالديشنبر والقيته يلابس في كندرته
نا ؛؛ سلام حبيبي
مراد ؛؛ سلام من بعيد تعالي هنا
نا ؛؛ انحبك وبسته
مراد؛؛ اليوم امروح بالعويل
نا ؛؛به
وطلع مراد ونا خشيت ولابست دبشي وبرمت علي الشقه ودرت الغداء وكيكه
وقعمزت نرجا فيه

وسمعت صوت لمار علي الدروج
طلعت نا وفتحت الباب وشفت مراد ماسك حمادي

نا ؛؛ حبيبي حمادي
مراد ؛؛ هههه والله نحسابها شوري
نا ؛؛ ههههه هاته هاته امرايفه عليه

مراد؛؛ حطي الغداء طول جيعان
نا ؛؛ به حاضر

ومشيت وحطيت الغداء
وخشت عليا لمار
لمار ؛ اعميمه نيي عصير
نا ؛؛ تفضلي حبيبتي

اشربت منه طشه وطاحت منها وكسرتها
لمار ؛؛ هييييييي
نا ؛ ساهله ساهله تو انشيلها عدي قعمزي جنب بابا

وطلعت لمار ونا غمتلي من العصير بس سكتت حرام طفله ومسحت العصير ونشفته وشالت السفره وتغدينا

مراد ؛ ايه نا نبي نرقد وراي عياده
نا ؛؛به حبيبي
لمار؛؛ نبي نرقد معاك يا بابا
مراد ؛؛ ﻻﻻ نبي نرقد اوحدي نبي انتريح
لمار ؛ وبه ليش اعميمه ترقد معاك ونا لا

مراد ؛؛ بحت فيا ومستغرب ونا كذالك

انتي عندك دار وسرير بس اعميمه مسكينه ماعندهش سرير
نا ؛؛ مسكت ضحكتي بالغصب

مراد ؛؛ بحت فيا وبحت في لمار
حرام صاح

لمار ؛؛ مدت اشوربها ودارت روحها زعلانه
وهزت راسها معناها اها

نا ؛؛ لمار هيا انخلو بابا اينن حرام تعبان

مراد ؛؛ هيا سلام وماحد ايخش عليا
نا ؛؛ نا بحتت فيه وامفنصه
مراد ؛؛ غمزلي من التحت
اللي ايخش ايتحمل الثمن

وخش مراد وسكر الباب ونا شالتهم وغسلتلهم ايديهم وحطيتهم في الدار

ومشيت نا للمطبخ ولميت حوسة الغداء

وجيت للدار وخشيت بشويا والقيت مراد راقد

وخشيت ورقدت جنبه
وعلي العصر وعي
مراد ؛؛ويه ويه هيا كان تبي تمشي
نا ؛؛ هيا تو انصبي اشويه بس
مراد ؛؛ طبس عليا
واقعد اينابش فيا

نا ؛؛حبيبي نبي نرقد ونا ماعاد رقدت لا نهار والليل
مراد ؛؛ براحتك خلاص تبيش تمشي

وفجاء القيت فوقي حمادي ايعض فيا
نا ؛؛ وووووووو اهااااا حمادي كنك

مراد ؛؛ ههههه تستاهلي هيا صبي مانك قايله لعمتي جايه
نا ؛؛ تعبانه بكل تو انصبي

وصبيت وخشيت للحمام وتوضيت وصليت والقيت لمار امشفشفه وحالتها حاله واتعارك هي ومراد

نا ؛؛ مرااااااد كنك امشفشف البنت هكي

مراد؛ ؛ ههههههههه تاخذ في فوني
نا ؛؛ حبيبي بدال ما اتساعدني اتشفشفه اخري

مراد ؛؛ هههههه عدي لمار ل اعميمه
لمار ؛؛ نبو نطلعو نحن
نا ؛؛ اها هيا نمشو لهلي

ومشيت شور دارهم وغيرتلها ومشطتلها شعرها وبعدها بديت في حمادي وقعمزتهم
ونا عديت غيرت ودرت ميك اب خفيف

مراد ؛؛ هيا راه مازال وراي طريق
نا ؛؛ هيا حبيبي اني جايه

وكملت لابسي وجيت عند المدخل ونا نلابس في الكندره

مراد ؛؛ ايه مرات ايتعبوك العويل
نا ؛؛ تعبهم راحه وبعدين حتي ماما تبيهم اساس

ييييييي نسيت الكيكه
مراد ؛؛ دايره كيكه
نا ؛؛ اها كيكة شكولاطه راه امعقبتلك عارفتك ماتاكلش تو

مراد ؛؛ به هيا وقت

وطلعنا ومشينا للحوش هلي

دقيت وفتحتلي رجاء
رجاء ؛؛ يا هلا ومرحبا
نا ؛؛ شن اخباركن
رجاء ؛؛ خشي خشي عيت خالي وخالتي سالمه قاعدين
نا ؛ ملتمين عندكم
رجاء ؛ خالتي فاطمه قالت انك جايه وجو حتي هم

واولا ما خشيت لمار اقعدت متحشمه وكاشه فيا ونا شايله حمادي في يدي

ماما ؛؛ يا مرحبا يا مرحبا

نا ؛؛ خيرات يا ماما كيف حالك
ماما؛؛ اكويسه الحمدالله
وسلمت علي الباقي وقعمزت وقعمزو هم حنبي

خالتي سالمه ؛؛ ما شاءالله حنتك سمحه
نا ؛ مشيت الحنايه حنيت عندها

امل ؛؛ ههههه خشيتي علي دق الحنه الاصليه شكلك امكثرتيها
نا ؛؛ هههه من الحنايه لما عرفتني عروس كثرتها

امل ؛؛ ههههههه تبيك اتدي الموضوع

رجاء ؛؛ ههههههههههه اس يا فرخه

ماما تمت اتبحت فيهم كيف منسجمين معي

اميره ؛ ايهبلو يا ويه
وجت وامسكت حمادي
نا ؛؛ اها ايهبلو
رجاء ؛: نقاني غاليات عليا البنات نا فيهن جو شلش تعالي يا لمار نبيك

نا ؛ رجاء فكين من السماطه راه تحكي في كل حاجه

رجاء ؛؛ يييييي علينا تبي تقعديلنا نعيمه 2

ايمان ؛؛ هههههههه خطرتي علينا نعيمه سمعتي يا ويه شن صار

نا ؛؛ ها شن صار

دعاء ؛ نعيمه حرجنا عند هلها
نا ؛؛ هيييييييي ليش
اميره ؛؛ لما جانا مراد وحكي مع عادل
عادل انحرج منه ومشي وفش غله فيها
نا ؛؛ ﻻﻻﻻﻻ ان شاءالله حرجنا بسببي يعني

رجاء ؛؛ ﻻ ما بسببك هي اللي جابتها لروحها اتنبش عليها نين جتها الضربه

دعاء ؛؛ نقانه تستاهل

خالتي سالمه؛؛ ووو عليك المكرات انتن
رجاء ؛؛ لا مش مكرات هي البي جبتها لروحه وكان اكويسه وامريحه روحها راه قاعده في شقتها تو

نا ؛؛ استغفر الله العظيم في المراه هذه ما اتعلمش بكل ديمه مشاكل

امل ؛؛ مش مهم تو الكلام هذا قولينا انتي يا ايه شن جوك مع مراد

نا ؛؛ ابتسمت بدون مانحس بمجرد سمعت اسمه

امل ؛؛ ماشاءالله تبارك الله شكلك صار منك وحبيته

خالتي فاطمه ؛؛ وكان غيرها ما اتحبه راجل اكويس وامهنينها وامريحه هه شوفو ياالله سكرت شهر وشرلها اسورة ذهب ودبله

ماما ؛؛ صاح وينها
ومديت يدي نا و وريتلها

ماما ؛؛ ماشاءالله تقيله وغاليه
امل ؛؛ احكيلنا احكيلنا كيف جابها لكي

نا ؛؛ هههههه خصوصيات شن دخلك
امل ؛؛ باهي احكي بالكي نقدر علي خالد وايجيبلي حتي نا

رجاء ؛؛ ﻻ يا حنن تبي اتفلسي بخويا من تو خليه نين ايجيبك بعدين ساهله

امل ؛؛ وحياتك انخليه ايحط اللي قدامه واللي وراه عليا ومانخليش ايبحت في حد غيري

نا ؛؛ هههه خطرتي عليا كلام الهام
ماما ؛؛ البنات مش ساهلات يا سالمه شوفيهن عليش ايزابن

خالتي سالمه ؛؛ ان شاءالله ربي ايهنين
ماما ؛؛ ان شاءالله
خالتي فاطمه ؛؛ امتي تبو اديرو الخطبه الرسميه

ماما ؛؛ امتي ما يبن هن براحتهن
نا ؛؛ شن انخطبتن ولا شنو
ماما ؛؛ اها خلاص انخطبن رسمي خلاص امل كنتي تو

خالتي سالمه ؛؛ ونا كنتي اميره

نا ؛ باهي الحمدالله كيف نا اخر ما يعلم ولا شنو

ماما ؛؛ ﻻ والله ما صارت الا علي فون قالت لخالتك اتقول لراجلك ونا قالتها لخوتك ووافقو الحمدالله

نا ؛ باهي مبروك يا حناتي والعقبالكن يا دعاء و رجاء

رجاء :؛ نا شكلي امطوله قصتي
نا ؛؛ ليش قولي خير يا خيتي

امل ؛؛ بنات تعالو انهدرزو اوحدنا جو

نا ؛؛ هيا
لمار انتي العبي مع بنت خالي
لمار ؛؛ به اعميمه
ماما ؛؛ هاتن حمادي هنا تو نمسكه وانتن عدن هدرزن
ومشينا ونا والبنات للدار وتمينا انهدرزو طبعا اول ما خشيت للدار رجاء اضبطتني واقعدت تبكي

نا ؛؛ كنك ارجيوه شن في
رجاء؛ ؛ امرايفه عليك يا شينه
نا ؛؛ والله حتي نا

وبنات كلهن تمن يبكن
امل :؛ والله يا ويه وجعتنا ان خلاص ح انتفارقو

ايمان :؛ باهي انتي واميره ح تقعدن في نفس العيله قولها لنا اللي طلعنا من العيله

اميره ؛؛ هذا النصيب مكتوبلنا هكي الحمدالله

نا ؛؛ باهي يا حناتي تعالنا احكلي مراد شن قال وشن صار

اميره ،؛ قصدك مش عارفة شيء انتي
نا ؛؛ ﻻ والله مراد ما قالي شيء

امل ؛؛ تي انا اللي بره حوشكم عارفه الموضوع حكي ليا خالد كله

نا ؛؛ به ها شن صار احكن

وحكتلي اميره الموضوع كله من اولها

نا ؛ ﻻﻻﻻﻻ والله
رجاء ؛؛ نقانه راجل مراد هذا ايهبل جا وحكي اللي عنده كله بالاحترام نين عادل تحشم ونزل راسه

اميره ؛؛ حافظي عليه يا ويه راجلك اكويس وما ابتعوضش

نا ؛ مراد حاطته بين اعيوني
امل ؛؛ شكلك اتحبيه
نا ؛؛ تي انحبه وبس تي انموت فيه ايهبل بكل رومانسي وحنون حتي لما ايتعصب ايجنن وكله كوم ولما ايجني ويلقني نبكي كوم تاني

امل ؛؛ بنات ديرن خطين تحت رومانسي ولما يلقها تبكي

رجاء ؛؛ هههههههه مش امغير خطين ثلاثه اربعه
نا ؛؛ هههههه حقيرات تفكيركن امسوس

امل ؛؛ مافيها تفكري امسوس يا حنه قاعده واضحه

ماما ؛؛ يابنات تعالن ديرلنا حاجه ناكلوها
اميره ؛؛ هيا نطلعو

وطلعنا والبنات دارن العصريه

وجاء خالد

وخش وجوه شين بكل
واول ما شافته امل انفجعت

خالد ؛؛ شير ل امل وهي جاته

خالد ؛؛ ……………………

يتبع

error: