مسلسل سعاده كاذبه التكملة
مسلسل سعاده كاذبه
الحلقه 48
ووصلنا للحوش ونزلنا
وصبينا ودقينا الباب وفتح خالد الباب
كان خالد قاعد في الجنان ومعه وليد ومحمد و2 اصحابه
خالد ؛؛ اهلا اهلا تفضلن تفضلن
وخشت عمتي ونا وهاجر وهدي كنت لاهيه في لمار وماسكه يدها وخشت
عمتي شافت الشباب امقعمزين
عمتي ؛؛ السلام عليكم
الشباب ؛؛ وعليكم السلام
و هدي سمعت صوت حست روحها تعرفت
رفعت راسها واعيونها وشافت وانصدمت ووقفت
نا ؛؛ حسيت ان في حركه وقفت برمت وجي وقعدت انبحت والقيت هدي امصبيه واتبحت في محمد ومنصدمه
حسيت في حاجه غريبه ما عرفتش مااندير مشيت وراء عمتي مانبيهش تفطن الجو
لمار ؛؛ تمت اتكر في هدي
هيا هيا
هدي ؛؛ نزلت اعيونها وانحرجت واعرفت روحها دارت لقطه مش تمام مشت بسرعه
محمد ؛ من هذوم يا خالد
خالد ؛؛ عرب اختي
محمد ؛؛ اهااا
وليد ؛ كنك شن صار
محمد ؛؛ لا شيء بس حسيتهن بنات ابلاد
خالد ؛؛ اعيونك يا شاب
محمد ؛ هههههه من جدك انت
خالد ؛؛ والله مانندري بس راهن تقريبا مشيات مش فضيات
محمد ؛؛ كيف مشيات
خالد ؛؛ والله ماني عارف بس ما ليا شيء نذكر شالت هلي لهم عاطين بنت
محمد ؛؛ اي وحده بزبط
خالد ؛؛ هههههه تي شكلك علقت
وليد ؛؛ هههههه بعدها ايجيه طارق هنا
خالد ؛؛ طارق خوهم ماه
وليد ؛؛ معروف طارق عندهم في وقت المشكله مايعرف حد يقعد ايخبط وخلاص معروف في منطقته ماتقول عليه خو حاتم الفلان ..
شاب ؛؛ ماتقولش طارق الفلان اللي عنده محل الالكترونات متع صالة نت
وليد ؛؛ وصلت تعرفه
شاب ؛؛ تي من اللي مايعرفه شاب خطير بكل وولد ابلاد بس في وقتها مايعرف حد كيف ماقالت
خالد ؛؛ والله تعرفهم اكثر مني نا
وليد ؛؛ تي نذكر هو داير مشكله وامسكر شارع ونا كنت مع خالي عيسي خطمنا القين الشارع امسكر
طلع امسكره هو ووخوه اسمه منتصر تقريبا ومعهم واحد مشكلجي بكل ونازلين فيهم ضرب
محمد ؛؛ ههههههه خوفتوني راه
وليد ؛؛ تي مازال امغير اسمع بس
المهم تخيلو المشكله الناس اتفرج بس ماحد قدر ايحز لان اللي ايحز اتجيه ضربه
ونزلنا نا وخالي نجارو تي والله لوله خالي راه طارق قتل العيل اللي بين ايديه تي والله ما فكه منه الا بغصب اتصدقو خالي قعد حاط اكرعه علي صدر العيل وايكر في طارق من فوقه بس هو لما شاف خالي تحشم ووخر تقريب صدر العيل متكسر
شاب ؛؛ ههههه اها نذكرها المشكله لاني كنت في الصاله نا
محمد ؛؛ باهي عاد شن قصدكم انتو اتخوفو ولا شنو
شاب ؛؛ عندهم واحد دكتور
خالد ؛؛ هذا اللي ناسبنا
شاب ؛؛ الحق العائله اكويسه بكل وناس بوجوها نا الحق نعرف طارق أكثر واحد بعدها حاتم هذا الكبير شخصيه بكل دكتور طناش اشويه
خالد ؛ هههههه لا والله جو سمح
شاب ؛؛ بس اتحسه شايف روحه حتي في المستشفي احدوده العمل والحوش بس نا نعرفهم لانهم جيران عيت عمي وهم اصحابهم
وليد ؛؛ هنا نستأذن
الشباب ؛؛ ماشين معاك
خالد ؛؛ تي خليكم
الشباب ؛؛ ماشين نبروم هيا معانا
خالد ؛؛ ﻻﻻ مربوحه نا قاعد
وليد ؛؛ سلام
وطلعو الشباب و وليد
ومحمد قعد امقعمز علي الكرسي واعيونه علي باب الحوش
خالد ؛؛ تي كيف صار شكلك بالرسمي
محمد ؛؛ ليا زمان اندور فيها
خالد ؛؛ كيف
محمد ؛؛ كانت تقرا معي بس نذكرها كانت مخطوبه لولد عمها وانفسخت الخطبه نذكرها اخر سنتين كانت فاسخه
خالد ؛؛ بالكي ازوجت
محمد ؛؛ ماتقوليش البنت اللي في يدها بنتها
خالد ؛؛ ﻻﻻ هذه بنت خوها
محمد ؛؛ اها حتي نا حسيتها كبيره البنت
خالد ؛؛ باهي امطول ان شاءالله هنا
محمد ؛؛ تي كيف اتوزع
خالد ؛؛ ههههه من الاخير المدام جوا نبي انخش انشوفها
محمد ؛؛ ونا انقول ماسكتش وليد صار تبي اتزيط
خالد ؛؛ ههههه لا والله بس ليا مده عليها
محمد ؛؛ باهي خش بس وراس خالد جيبلي زبدتها وكان مازالت فاضيه جيبلي رقمها
خالد ؛؛ من جدك ياراجل عيبه في حق نسيبنا
محمد ؛؛ ماتخافش البنت عاجبتني من ايام الجامعه وكم مره دزيتلها وهي ارفضت بس تو والله ما عاد فيها ربي جمعني بها الا شكلها من نصيبي
خالد ؛؛ باهي ح انجيبلك معلومات عليها من فوق لفوق بس راه مش ح انوضح
محمد ؛؛ اصلي ياخالود خلاص نا قاعد قدام الحوش وانت خش وخوذ راحتك وديرلي الموضوع
خالد ؛؛ ازي مصلحجي وكان ماني خاش علشانك راه ماطلقتني
محمد ؛؛ تي والله كان جبتلي الموضوع كله وطلع سمح والله عازمك علي حولي في زرده انت والشباب
خالد ؛؛ خلاص تم
….
وفي نفس الوقت
….
ماما ؛؛ مرحبتين
عمتي ؛؛ اهلا كيف حالك الحمد الله علي سلامة رجاء
ماما ؛ الله ايسلمك تفضلن
هاجر ؛؛ كيف حالك ياعمتي
ماما ؛؛ اكويسه شن اخبارك انتي
خالتي فاطمه؛؛ باهي اللي جيتنا
عمتي ؛؛ لما سمعت رجاء اطلعت دزيت هدي اتقول ل ايه كانها ماشيه نبي نمشي معها
ماما ؛؛ حتي بلا ايه تعالن في اي وقت الحوش حوشكم
نا ؛؛ تو انكلم رجاء
اميره ؛؛ قاعده في الدار تحت الفوطه
هاجر ؛؛ هههههه لا مرات تلقيها تحت السرير
اميره ؛؛ مش بعيده مره خشت في دولاب
وخشت امل اتسلم
ماما ؛؛ هذه كنتي الجديده اللي حضرتنا بيانها
عمتي ؛؛ اها اهلا بيك
وخشن باقي البنات وقعمزنا ايهدرزن
ونا مشيت وخشيت علي رجاء و وراي لمار
والقيتها تبكي تحت الفوطه دقيت الباب لاني نبيش نحرجها لان نا عارفه رجاء ماتبكيش بالساهل قدامنا
مسحت اعيونها ابسرعه ورفعت الفوطه وطلعت راسها
رجاء ؛؛ خشي يا عمري
نا ؛؛ تبيك وحده
رجاء ؛؛ حولي قاعده انشوف في كرعيا وراك
نا ؛؛ ههههه خشي
لمار ؛؛ رجااااااء
وخشت تجري واضبطتها و خشت معها في السرير
نا ؛ هيا صبي تعالي سلمي علي عمتي
رجاء ؛؛ حتي البنات جيات
نا ؛ اها هيا غيري لابستك وتعالي
رجاء ؛؛ ﻻﻻ طالعه هكي كنه شكلي ايكشف
نا ؛؛ ايشرف بس نا استغربت طلعتك هكي
رجاء ؛؛ عارفتني مريضه
نا ؛؛ به هيا
وطلعت رجاء بدون ما تبرم علي روحه وكان باين فيها المرض والنفسيه تعبانه بس مابيتش انركز عليها بيش ما اتحسسش
رجاء ؛؛ خيرات
عمتي ؛؛ اهلا الحمد الله على السلامة
رجاء؛؛ الله ايسلمك
شن اخباركن
هدي هاجر ؛؛ تمام بشوفتك
رجاء ؛؛ بدينا في المجاملات
هاجر ؛؛ هههه اهو ضروري مره مره
عمتي ؛؛ هاجر عيب
ماما ؛؛ خلي البنات نا عارفه ابصارتهن هكي عايشه معهن وعارفه طبعهن
عمتي ؛؛ قصدك متعابات
خالتي سالمه؛ ؛ نقانه متعبات نا عندي 2 واقريب اطلعني من عقلي
خالتي فاطمه؛؛ هن اللي ديرات جو للعائله والله بلاهن المه شينه تي امغير ايه ازوجت وفقدنها يابال حتي الاخرات باهي اللي اميره و امل قعدات في نفس العائله
عمتي ؛؛ والله صدقتي كان قعدات وو وكان مش قعدات ووو
هاجر ؛؛ خلاص قربت اقريب تفقدوني
ماما ؛؛ بعيد السوء
عمتي ؛؛ههههههههه تقصد فرحها
ماما ؛؛ صاح باهي مبروك
عمتي؛ ؛ مش قالتلك كلمتهن سامطه
وكلنا قعدن انهدرزو ونا لاحظت ان عمتي انسجمت مع ماما وخالتي واجد وحست حتي بنات منسجامات مع بعضهمن بس نا حسيت ان هدي مش تمام مش هدي اللي زمان
ومروه وايمان دارنا قهوه وحلويات وبعدها عصير والتورته
رجاء ؛؛ تحكي بصوت واطي
باهي انتن تبن تقعدن هنا تسمعنا في كلامهن
امل ؛؛ خلونا انخشو
اميره ؛؛ هدي هاجر نحن من نادر انقعمزو جنبهن
هاجر ؛؛ حتي نا هيا انخشو انهدرزو
ايمان ؛؛ تعالن في المربوعه فاضيه
هدي ؛؛ نطت مره وحده
والشباب
كلنا بحتنا فيها بالاستغراب
امل ؛؛ ماحد قاعد الا خالد وجاركم بس في الجنان شفتهم من عند الروشن
وصبينا كلنا ومشين المربوعه
وقعمزنا تمينا انهدرزو وصبت هدي وبحتت في الروشن
هاجر ؛؛ هدي كنك
هدي ؛؛ ﻻ شيء انبحت بس في واحد
اميره ؛؛ من
هدي ؛؛ تعالي شوفيه هو
اميره ؛؛ اهااااا
وجت امل تجري
امل ؛؛ طيح سعدك من راه يقعد قصدك خالد
اميره؛ ؛ هههههه ﻻﻻ محمد جارنا
وكلنا صبينا وتمين انبحتو
هاجر ؛؛ كنه يا هدي
هدي ؛؛ كان يقرا معي
هاجر ؛؛ وبه
اميره ؛؛ ماتقوليش…….. واغمزت
هدي ؛؛ هههههه اها
ايمان ؛؛ ربما صدفه خير من الف ميعاد
هاجر ؛؛ تي اي صدفه واي ميعاد تعالي احكي راه خيرلك ماعمركش حكيتي عليه
هدي ؛؛ قعمزنا تو نحكليكن
هاجر ؛ واهي قعميزه هيا احكي ياهدي من وراي
هدي ؛؛ ههههههههه اصبري
كان يقرا معي من اول سنه ليا قي جامعه من ايام ونا مخطوبه ومعجب بيا وكان ايوضحلي واجد نين مره شافني نحكي مع خطيبي بعدها فاتني بس قاعد ايوضحلي ان هو معجب بيا واجد حتي نضكر مره ما جيتش اندير في امتحان القيته قايل للدكتور انها مريضه وقريبته ودكتور رضي ودارلي ورقه امتعت امتي ما انجي اندير الامتحان المهم جيت لجامعه وجتني وقاليي الموضوع نا شكرته وقالتله كانت عندي مشكله وهو كول بحت في يجي ولقها فاضيه كوب عرفها ان فسخت خطبتي
خلاص قعد ايدزلي قعد سنتين وهو ايدزلي بنات قسم كلهن حاني ونا كنت رافضه وانقول ماتفكرش نحكي او ننخطب بكل نا ما ليا شيء انفسخا ولو ايجي يخطبني تو اديرلي شبه خلاص وهذا هو
هاجر ؛؛ اها اذكرتها القصه هذه
هدي ؛: اها هذا هو
اميره ؛؛ بس هو اكبر منك
رجاء ؛؛ تي نا كان فاشل ياهمي ووقف من القرايه سنه
هدي ؛؛ قصدك فاشل هو بس كان شاطر
رجاء ؛؛ ﻻﻻ كان يقرا في كليه تانيه وصارله موضوع فات القرايه بكل
بس لما خش للاقتصاد صار منه
هدي ؛؛ اها نا قريت معه من البدايه
دعاء ؛؛ وووووو اهو ايرن عليا واخير
نا ؛؛ كنك
دعاء ؛؛ ليا 5 اياما تكينها
نا ؛ قصدك الغرباوي
دعاء ؛؛اها هو في غيره طرابلسي ايجنننننننن
رجاء ؛؛ ياعيني ايجننن ويقعد 5 ايام ما يحكيش
دعاء ؛؛ ضروري مشاكل ياعمري بيش ينعرفو قدر بعضنا
ومشت دعاء تجري وتمت تحكي علي الفون
رجاء ؛؛ اللي يقدر ايتحمل الليله بلاي انديرله كارشو سمح بره من حياتي
ايمان ؛؛ وهذا اللي امودرك
رجاء : ﻻﻻ ما امودرني عايشه بكرامتي احسن من مئه امعيشه مع حب كذبي وبلا كرامه
هدي ؛؛ تفارقتو
رجاء ؛؛ تي خلاص برسمي نكوي ايدي كان رديته مستحيل
هدي ؛؛ لجرجه هذه
رجاء ؛؛ هجي اللي ماديرلي قيمه واعتبار قدام الناس وايعلي صوته وايهزب مايلزمنيش كرامتي عندي بدنيا ومافيها
هدي ؛؛ ونا معاك المهم الكرامه
هاجر ؛؛تو خلونا في دعاء يامتعات الكرامه
كيف متعرفه علي غرباوي
نا ؛؛ اها من زمان
هاجر ؛؛ قصدها تبي تزوجه غادي في طرابلس
امل ؛؛ ميته فيه وتبيه
نا ؛؛ خطرها شن اسمه نا ماشي معي طرابلسي وخلاص
اميره ؛؛ باسط اسمه ايجننن شفت صورته خيالي بكل
نا ؛ صاااح جا شافها
اميره ؛ املاه شن جا وشافها وعجباته بس قاللها نقصي اشويه علي كلامه يبيها رشيقه
نا ؛ بس هي رايحه ناقصه وجسمها حلو
اميره ؛؛ ما مراد عاطيها دواء وبعدين هو قاللها لو تقعدي هكي ح تسمني اخر
نا ؛؛ اهاااا
اميره ؛؛ يشرطو رجاله تو
امل ؛؛ اها بكل باهي نا اللي ما خالد قالي حاجه
نا ؛؛ انتي اكويس جسمك
امل ؛؛ بس يا ويه اول مره انشوفك سامنه اشويه
نا ؛؛ اها عارفه وخايفه نسمن مراد مايحبش السمن بكل امغير تو بطني طالعه اشويه علشان الحمل وغمتله وقالي بعد الجيبه اربطيها راه اطيح وتكبر
هاجر ؛؛ ههههههههههه خويا وعارفته غاليات عليه اجسام عارضات الزياء زمان ديمه ايتفرج عليهن
اميره ؛؛ ههههههههه
نا ؛؛ههههه عارفه عارفه
اميره ؛؛ ايمان تعالي انديرو عصريه
ايمان ؛؛ هيا
نا ؛؛ وين سارحه يا هدي
هدي ؛؛ في محمد باقي ايجنننن وكابر ليا 3 سنوات ما شفته
نا ؛ واجد 3 سنوات
امل ؛؛ تبيه انتي
هدي ؛؛ هههههه خطير سؤالك هذا
امل ؛؛ كان تبيه انجيبلك رقمه
نا ؛ امل طيح سعدك
رجاء ؛؛ ههههههه عارفتها بنت خالتي وصاحبتي ومرات خويا ومنتهيه واديرها
هدي ؛؛ قصدكن تبني نحكي معه
امل ؛؛ جربي ياحنه شن خاسره كان ماعندك حد
رجاء؛ ؛ تعلمي تعلمي من مدرسة الفشاله هذه خلت خويا يفسخ خطبته وياخذها
هاجر ؛؛ هههههههه تحكي جد يا رجاء
رجاء ؛؛ اها يا حنه شافته كمل شقته قالت ما انفوته وجابته جابته
هاجر ؛؛ خطيره انتي
امل ؛؛ رجاء عندك رقم جزيره
رجاء ؛؛ هههههه تكتها معهم
امل ؛ المهم يا هدي كان تبيه راه انجيبلك رقم عادي
هدي ؛؛ به انكلمه شن انقوله يعني
امل ؛؛ شن رايك ديري خطه واطلعي عليهم بعلني
رجاء ؛؛ ايوه بعدها خالد يطلق السانه
امل ؛؛ خالد شوري
هاجر ؛؛ هههههه امل قويه هذه امتعات مواعيد من غادي
نا ؛؛ ههههههه انتي مش شايفه ايام وهي اطيح في خالد ياما دارت نين كبد فيها
اامل ؛؛ مره خشيت رقدت في داره
هاجر ؛؛ هيييييييييييي شن
نا ؛؛ ههههههههه ماننساه اليوم هذك
رجاء ؛؛ تي ماقالتلك صاحبتي وبنت خالتي وعارفتها فاشله وادير اي حاجه بيش تزوج
امل ؛؛ ياحنه ……….
هاجر ؛؛ تقدري انتي
امل ؛؛ بس والله ما سبب فسخت خطبته والله صارن مشاكل
نا ؛؛ صاح بس مش هي سبب فسخت خطبته
رجاء ؛؛ عجباته امل وقعد يسبل علي المسكينه هذاك
امل ؛؛ باهي ياارجيوه
رحاء ؛؛؛عارفتك ياعمري مش ح تزعلي وعارفه النيه
امل ؛؛ واصله ياروحي
وخش علينا خالد
امل ؛؛ حبيبي خش خلاص تبن حاجه
نا ؛؛ سلامتك
امل ؛؛ هدي ماتخافيش تو انجيبلك الرقم
وغمزتلها وطلعت بسرعه
هدي ؛؛ وين ماشيه تحكي
رجاء ؛؛ في الدار
هاجر ؛؛ وعادي
رجاء ؛؛ اها عادي راجلها هو
هاجر ؛؛ قالك نا راجلي وخايف ايخطم من قدام حوشنا خايف من طارق
نا ؛؛ ههههه هكي احسن تو تمشي وتقعدي جنبه واتملي منه
هدي ؛؛ ﻻ صاح تو اتملي علي اساس فيش وحده لابسه امبدري فوشي
نا ؛؛ ههههه كشفتي بيا عليه
رجاء ؛؛ شن شن في
هاجر ؛؛ ياحنه ……….
رجاء ؛؛ هههههههههه صايعين
نا ؛؛ مامسكتو علينا الا هذه نا ومراد تي باهي اللي راجلي
حولن حولن نا نبي نمشي انهدرز جنب ماما وعمتي
رجاء ؛؛ عدي ياعاقله
نا ؛؛ حمادي وين
رجاء ؛؛ امقعمز عند ماما
نا ؛؛ به خليكن انتن هنا وخلن لمار جنبكن
لمار ؛؛ ﻻﻻ نبي نمشي معاك
نا ؛؛ به هيا
ونا صبيت وجت دعاء وقعمزت جنبهن
وجن ايمان واميره وكانن ايسخنن في موالح
اميره ؛؛ شن صار عند دعاء
دعاء ؛؛ ترضينا وقالي استحشتك هلبه
هاجر ؛؛نا انحبها لهجه الغرباويه ايهبلو
دعاء ؛؛ اها ايهبل بكل اخر هو ايحب كلمت نجك و ناعليا نا
ايمان ؛؛ ايوه خشي علي خط البدوي
دعاء ؛؛ كنك رانا محبوبين عند غرب
رجاء ؛؛ المهم باسط معحب ما ايهمن حد
دعاء ؛؛ ايوه بسوطي حبيبي انحبه هلبه هلبه
رجاء ؛؛ وهو ايحبك واجد واجد صاح
دعاء ؛ ههههههههههه
…..
خالد ؛؛ شن جيات حتي خوات مراد
امل ؛؛ اها كيف عرفتها
خالد ؛؛ ماخشن قدامي نا و الشباب
امل ؛؛ من الشباب
خالد ؛؛ خوك وجارن محمد و2 تعرفيهمش
امل ؛؛ اها
خالد ؛؛ زمان كنت نذكر شالت هلي عندهم علشان عاطين بنتهم
امل ؛؛ اها وحده مخطوبه والاخري كانت مخطوبه وانفسخت
خالد ؛؛ هذه اللي لابسه شنو
امل ؛ وعليش تسال كيف عجباتك
خالد ؛؛ ﻻ بس نسال بس
امل ؛؛ ﻻﻻ احكي احكي من الاخير في موضوع
خالد ؛؛ تي لا في موضوع ولا شيء
امل ؛؛ قربت منه
وجت عينها في عينه
وشدت علي فمها ورفعت حاجبها
حبيبي احكي الموضوع راه مااندير خير
خالد ؛؛ شن اديري يعني
امل ؛؛ انت عارف
خالد ؛ كرها بقوه شوره
مثلا زي شنو يعني
امل ؛ هههههه ياسخيف ماقصديش هكي
خالد ؛؛ ها به شن قصدك
امل ؛؛ حبيبي والله تحكي بيش انقولك حتي نا موضوع سمح بس بشرط ماتكذبش عليا
خالد ؛؛:موضوع شن بس
امل ؛؛ موضوع سمح امغير قول بس
خالد ؛؛ باهي
هذا محمد جارنا طلع يبي يعرف عليها لان قال من زمان بيها
امل ؛ ووووو كلا القلوب عند بعضهن صاح
خالد ؛؛ كيف صار
امل ؛؛ حتي هدي افطنتله واقعدت اتبحت فيه من عند الروشن شكلها هكي عاجبها
خالد ؛؛ بس هي كانت رافضته
امل ؛؛؛كانت انت قالتها المهم تو في تو حتي هي اعجبت به
خالد ؛؛؛هو كان يلقي يبي حتي رقمها
امل ؛؛ خلاص انجيبلك رقمها
خالد ،،؛تحشمي يا امل شن اتحقي فيا نا
امل ؛؛ لا مش هكي بس حرام حتي هي تبيه
خالد ؛؛ نا مادخلنيش نا ح انقوله راه فاضيه وماعندها حد وخلاص مادخلنيش
امل ؛؛ حرام عليك
خالد ؛؛ فنص
امل راه خيرلك خلاص انهني الموضوع
امل ؛؛ به حبيبي معش اتفنص فيا انت عارف انحبكش اتفنص
خالد ؛؛ به ها شن اتحبي
امل ؛؛ انحبك لما تمسك ايديا هكي واتبوسهن واتقولي انحبك
خالد ؛؛ انحبك بس الحركات هذين معش تدخلي ولا ادخلني فيهن
امل ؛؛ حاضر حبيبي
خالد ؛؛ خلاص اسسسس محمد ايرن
امل ؛؛ حاضر بس اقوله حرام
خالد ؛؛ فنص في امل ورد علي فون
الو محمد
محمد ؛؛ شن صار
خالد ؛؛:كنك مستعجل
محمد ؛؛؛تي هيا احكي ياراجل
خالد؛ ؛ طيرك فاضي
وتمت امل اتوصفله معناها حرام قوله راه حتي هي تبيه
خالد ؛؛ غمض اعيونه
محمد بيش اتوتي حوليك راه الطير ايراقب فيك وشد عليك
محمد ؛؛ كيف صار
خالد ؛؛ الطير يسال عليك شوف موضوعك
محمد ؛؛ تي نقانك صقع به تعال نقعدو في الجنان
خالد ؛؛ هههه عينك خلني مع المدام
محمد ؛؛ تي امغير تعال بيش اتشوفني اخري
خالد ؛؛ ياراجل تحشم البنت في حوشنا
محمد؛ خلاص راه قاعد قدام الحوش
خالد ؛؛ هههههه ايوه راقب الشارع احسنلك
محمد ؛؛ هههههه علي خاطرها انديره ماراحت مني الا واجد خلاص
وصكر خالد
خالد ؛؛ تي شكله امكبد من الاخير
امل ؛؛ حتي هي
خالد ؛؛ ان شاءالله ماايحشمني من مراد ان شاءالله يطلع اصلي
امل ؛؛ ان شاءالله
حبيبي امس شريت حاجات ايجنننن
خالد ؛؛ شن
امل ؛؛ حاجات للمطبخ ودبش المدرسه خلاص السنه شهاده ماعاد فيها
خالد ؛؛ بتوفيق ان شاءالله امتي تبدا المدرسه
امل ؛؛ اسبوع الجاي برسمي نا ورجاء مع بعضنا
خالد ؛؛ امل دبش مستور طبعا
امل ؛؛ والله حبيبي شريته طويل عند الركبه
خالد ؛؛ ميك اب لا طبعا
امل ؛؛ كنك بيش تبي ابله نجمه تقتلني بعدها
خالد ؛؛ ههههههه
امل ؛؛ بعدك تلابس في سلسله غليظه وفيها داليه كبيره تي وحق ربي كان تعزقها عليا اتكسرلي راسي
خالد ؛؛ اووو بفلوسها
امل ؛؛ ههههه لا زواج ولا عيل قاعده علي روحها الراتب اللي يطلع علي اروحيتها
خالد ؛؛ هههه احمدي ربك اللي انخطبتي بدري
امل ؛؛ نا خايفه من ردت فعلها لما تعرفني انخطبت ديمه اتهزب فينا نا ورجاء اتقول انتن مستحيل اتكونن امهات في المستقبل ومستحيل يرضا بيكم راجل
خالد ؛؛ هههههه وكني ما نرضي امغير غايره منكن بس
امل ؛؛ ههههه عارفتها حاله بعيد عنك هي اسمها نجمه وشكلها عكس اسمها
خالد؛ خلاص حبيبي انتي اطلعي معهن هدرزي ونا انعدي انشوف محمد وقصة
امل ؛؛ به خلاص عدي
وطلعو وجتهن امل ولقتهن مقعمزات في المربوعه مازالت
امل ؛؛ هدي عندي خبر سمح
هدي ؛؛ تعالي تعالي احكي
امل ؛؛ ايش تدفعي قبل
اميره ؛؛ امل ياحقيره احكي بلا مقابل
هدي ؛؛ هههه اللي تبيه
امل ؛؛ محمد طلع………
ودق الباب وسمعن صوت مراه خشت
وصبت اميره تجري
اميره ؛؛ اهلا عمتي كيف حالك
رجاء ؛؛ هييييي جارتنا ام محمد
هدي ؛؛ من
ايمان ؛؛ ام محمد
هاجر ؛؛ صبي صبي سلمي
اميره ؛؛ تفضلي ياعمتي ماما جو
جارتنا ؛؛ من عندكم
اميره ؛؛ خالتي سالمه وخالتي فاطمه وايه وعربها جو قعدات هيا تفضلي
جارتنا ؛؛ هيا
وخشت جارتنا وسلمت وقعمزت وتمت اتبحت بالدقه وقدمتلها ايمان عصير وشكولاطه
جارتنا ؛؛ تعبتك
ايمان ؛؛ تعبك راحه
جارتنا ؛؛ شن عندك من بنات يا فتحيه
عمتي ؛؛ عندي 3 بنات و4 شباب كلهم متزوجين ماعاد بنت الوسطيه واولدي الاخير
جارتنا ؛؛ اها وينهن البنات معاك
عمتي ؛؛ اها وينهن يا ايه كلميهن
نا ؛ حاضر عمتي
وصبيت وخشيت عليهن
نا ؛؛ هدي هاجر تعالن سلمن علي جارتنا كنكن ما سلمتن عليها
هاجر ؛؛ ماخشتش علينا خطمت تخطيم بس
نا ؛؛ به هيا تعالن سلمن
هدي؛؛ قعد وجها احمر وانحرجت
اميره ؛؛ هدي علي حسب ما نفهم المراه جايه تبي اتبحت من اول ما خشت وهي تسال
هدي ؛؛ هيييي تحكي جد
اميره ؛؛ اها رتبي روحك
امل ؛؛ وووو محمد هذا طلع جدي برسمي
هدي ؛؛ اس بالله عليكن والله حسيت الرعشه اركبت فيا
نا ؛؛ هههه سمي باسم الله وصبي
هدي ؛؛ منظري سمح
نا ؛؛ ايهبل امغير هيا
وكريتها ومشيت وهن مشن وراي طبعا هاجر تمشي عادي جدا بس هدي ترعش
وخشن وسلمن
جارتنا ؛؛ وينها اللي عطيتها
عمتي ؛؛ هذه تو فرحها خلاص قاعدين انوتو
جارتنا ؛؛ ماشاءالله تبارك الله عقبال لبنات
ماما ؛؛ ان شاءالله وبناتك ومحمد
جارتنا ؛؛ ياحنه محمد قاعده اندورله خلاص الشقه وكملها بس الاثاث مابش اياثث قال نين نلقي بنت الحلال قبل
ماما ؛؛ ان شاءالله تلقيه
جارتنا ؛؛ ان شاءالله
نا ؛؛ عمتي مراد ايرن
عمتي ؛ به هيا صبن البسن وجيبلي عبايتي
ماما ؛؛ مازال بدري
عمتي ؛؛ لا وين اكيده الحاج تو ايجي ويبي عشاء
ماما ؛ به خلكم عشاء هنا تو انتعشو واتشيلوله العشاء
عمتي ؛؛ ان شاءالله في فرح البنات
ماما ؛؛ ان شاءالله
عمتي ؛؛ اهو من تو قالتلك يا عيشه راه مانكش برنيات تعالن للحوشنا بيش اتفرجنا علي البتات
خالتي فاطمه؛؛ كملتنا
هاجر ؛؛ خلاص حاجات خفيفه مازالي المطبخ مشيت يوم كامل في محل كبير شريت الالات الكهربائية ومواعين
عمتي ؛؛ سريب هالافراح والله مازال عليه وقت بس من تو نجارو
ماما ؛؛ فرح البنت واعر مش كيف راجل امغير نا ايه شهر بس تعبت فيه مش كيف الراجل البنت تقعدي ادوري قي كوافير وحنايه ودبش ومواعين وصالون وسريب
عمتي ؛؛ هههه اها بكل هدي هاجر اطلعن لمراد تو ايهزب لما انطولو
هدي ؛ تو نطلع عليه نا
نا ؛؛ خوذي معاك لمار
هدي ؛ باهي
وطلعت هدي ونحن قعدن نلبسو ونرجو في عمتي
وافتحت هدي الباب وطلعت ومالقتش مراد لقت خالد ومحمد امصبين قدام الباب
لمار ؛ عمو
خالد ؛؛ التفت وشافهن
من ترجن في مراد
هدي ؛ وهي امطبسه راسها
اها ماجش
خالد ؛ ﻻ مازال
محمد ؛؛ خير ياهدي كيف حالك
هدي ؛؛ انصدمت وبحتت فيه
خالد ؛؛ استك وقعد ايبحت في لمار
هدي ؛؛ خيرات
محمد ؛؛ اذكرتني
هدي ؛ اها شن اخبارك
خالد ؛ اهو مراد جاي من بعيد
وخشت هدي ابسرعه ولقتن في الجنان
عمتي ؛؛ كنك خشيتي
هدي ؛؛ وهي مرتبكه
تو كيف جا سيارته بعيده
نا ؛؛ اهو وقف تعالنا
وطلعن وركبن
مراد ؛؛ شن الجو
عمتي ؛؛ تمام الحمدالله قاعده حتي عمتك فاطمه
مراد ؛؛ اها من الصبح شفتها ماتحركش من هنا
عمتي ؛؛ والله الحوش ينحب ماتحسش روحك غريب فيه البنات وامهن مطلوقات واجتماعيات
مراد ؛؛ ههههههه شن قالت نا امبدري
نا ؛؛ ههههه اها
هدي كانت امطبسه راسها ومبتسمه
….
خالد ؛؛ ياراجل تحشم مش قدامي عاد
محمد ؛؛ والله عاد ماعرفت نسكت لما جت قدامنا
خالد ؛؛ محمد فكنا من الوجيج راك اتخرب عليها
محمد ؛؛ تي اي انخرب وامي فيش ادير جو
خالد ؛؛ كنها
محمد ؛؛ قالتله اتجيكم واتبحت في البنات اللي جنكم في وحده فيهن نعرفها من ايام الجامعه
خالد ؛؛ قصدك خطبه طول
محمد ؛؛ والله تو انشوف امي شن اتقول قبل كلاه علاقه نا عارفها مش ح اتوافق سنتين ونا نجري وراها وهي شي امسكره راسها وبنت نعرفها محترمه صح حتي ايام وهي مخطوبه انشوف فيها مع خطيبها ماتقعمزش بكل بنت نعرفها اكويس 4 اسنين ونا نعرفها
خالد ؛؛ خلاص بدال انت عارفه خير مادرت بس عمتي شكلها واتيه جت طول
محمد ؛؛ هههههه لها سنه ادور انت عارفها
خالد ؛؛ علي البركه ان شاءالله
محمد ؛؛ ان شاءالله
ووووو بعد 3 سنين انشوفها بصدفه ونلقها مازالت حلوه وعجبتني اخري
خالد ؛؛ ههههه تو انكلملك طارق خوها
محمد ؛ ههههههه بيش ايسكر الشارع عليا بعدك خوها مانقدر انمد يدي عليه
خالد ؛؛ ههههههههههههههه
وجاهم وليد
وليد ؛؛ انتو مازالتو قاعدين تي والله شكلك علقت يا محمد
خالج ؛؛ هههههه تي جا خطب وانت ماتندري
محمد ؛؛ ووو عليك الشهدره
وليد ؛؛ خطبت اخر امتي الفرح ماتقوليش ساعه 12
خالد ؛؛ ههههههههه توقعها مع محمد سكت سكت بعدها ناض نوضه وحده
وليد ؛ ههههههههه
باهي تبو حاجه
خالد ؛ وين خاش
وليد ؛؛ خاش نبي انقوللهم هيا وانسلم علي خالتي
خالد ؛؛ تي ما سلمت عليها امبدري خالتك
وليد ؛؛ ههههه شن دخلك انت خالتي ونا حر فيها
محمد ؛ خليه خليه يا خالد وريح اعظامك
خالد ؛؛ ههههه انت عدي وتي الحولي مادخلنيش نا
وطلعت ام محمد وشافها محمد ولاحقها محمد
وخالد ووليد خشو جو علي هلي
وليد ؛ ديرلي قهوه ياايمان
ايمان ؛؛ حاضر
خالد ؛ تي مش انت قالت نبي انسلم علي خالتي بس
وليد ؛؛ وخالتي ضيفتني قهوه
خالد ؛؛ لا ماضيفتك انت ضيفت روحك بروحك
ماما ؛ ههههه كنكم انتو صبن يا بنات ديرن قهوه ل وليد
اميره ؛؛ تو انصبي نا
خالد ؛ هه وكان نا تقعدن ساعه مااتصبن
وليد ؛ هههههه فرق يا باتي
خالد ؛؛ هههههه حتي نا نبي قهوه راه
خالتي فاطمه؛؛ صبي ياامل وانتي ماده وجك هنا
امل ؛ هههههههه خالتي تعرفيش اترني علي عيسي وشوفيه وينه
خالتي فاطمه ؛؛ هههههههه طيح سعدك
خالتي سالمه ؛؛ نا قالتها من زمان جالطه هذه ومتعبه
خالتي فاطمه؛ ؛ ههههه خليها تو نعرف نا كيف انعاقبها
امل صبي خشي لدار تو قدامي
امل ؛؛ بحتت فيها وهي مستغربه وبحتت في خالد
وخالد فاتها ونزل راسه وقعد شاد ضحكته
وليد ؛؛ اسمعي كلمة خالتك وخشي
امل ؛؛ صبت وهي متعقده واخبطت اكراع خالد بلعني وطلعت وتمت امصبيه وامصادره خالد وتشيرله واتقوله تعال
وخالد قعد ايبحت في خالتي وشاد ضحكته
خالتي فاطمه؛؛ ماتحاولش انك اتصبي انت
خالد؛؛ هههه كنك ياخالتي
خالتي فاطمه؛ ههههه خليها تشعف
وخشت اميره بسفرة قهوه وكانت جايبه فنجالين ومدتلهم
وليد ؛؛ توتره من هذه
اميره ؛؛ جابتها مروه
وليد ؛؛ اها
مروه ؛؛ صحه
وليد ؛؛ سلمك وين علي
مروه ؛؛ اكيده في المكتب
خالد ؛؛ مكتب العقارات متعبات واينفخن الراس ماني عارف علي كيف متحملهم
ماما ؛؛ ضروري الواحد يخدم كم خدمه بيش يعرف ايعيش ويقعد مسند علي مبلغ اكويس
ايمان ؛؛ ماما اني نحكي قدامهم كلهم راه نبي سوق دخلنيش واحد فيكم ايتبرع وايشيلني
خالد ؛؛ تو انشيلك نا
وليد ؛؛ وكنك ساكته امس طلعت البنات كان هذا راه خذيتك
ايمان؛ انتو اللي طلعتو من وراي
وليد ؛؛ دعاء ليش ماقالتيها
دعاء ؛ والله مااخطرت عليا
ايمان ؛؛ فرقت صاحبتي علي الفاضي خطرها وليد راه نبي كندره من عندك
وليد ؛؛ تعالي في المحل واختاري راه جايب ابضاعه جديده علي المدارس
رجاء ؛ حتي نا راه
وليد ؛؛ تعالنا واختارن
ماما؛ ؛ تحشم وانتن تطلبن
ايمان ؛؛ نا المره اللي فاتت قالي هو تعالي للمحل وخوذي راه جايتني ابضاعه
وليد ؛؛ خليهن ياخالتي نا قالتلهن
اميره ؛؛ ونا
ماما وخالاتي؛؛ ههههههههههه
خالتي فاطمه؛ انتي خوذي المحل كله
اميره ؛؛ ههههه
وليد؛؛ حلال عليها
خالد ؛؛ احم احم نحن هنا
خالتي فاطمه؛ انت امغير نزل اعيونك وانت اتبحت فيها بره وهي اتشيرلك
خالد ؛؛ ههههههه ستر الله باقي
خالتي فاطمه،؛ عارفه اطروحها مانيش غابيه فيها
خالد ؛؛ تو انجي
وصب خالد
خالتي فاطمه؛؛ يعني نزلت كلمتي
خالد ؛ لا والله بس في حاجه
خالتي فاطمه؛؛ عدي عدي شوفها
وليد؛؛ بحت في خالد وهو مستغرب وشاف امل تبكي
وصبا وشال السفره وخش به للمطبخ ولاحقته اميره
اميره ؛؛ كنك حبيبي
وليد ؛ نبي انقولك تعالي معش عرفت كيف انكلمك
اميره ؛؛ نعطيك بيتزا فيه راه
وليد ؛؛ عنديش نيه امغير نبي انشوفك بس
ياخساره المستشفي
اميره ؛؛ ههههه خلاص مش ديمه عاد
وليد ؛؛ هههه شن تبي انجيبلك من المحل
اميره ؛؛ ﻻ مانبي شيء بس سلامتك
وليد ؛ تعالي معهن واختاري
اميره ؛؛ لا ماعندي مانبي تو علي الفرح انجي نختار منك
وليد ؛؛ المحل محلك في اي وقت
خلاص نا طالع عندي جماعه يرجو
اميره ؛؛ به اتكلمني في الليل
وليد ؛؛ اكيده بس ممكن متاخر
اميره ؛؛ خلاص معناتها نرقد تو وانت لما اتروح رن عليا ووعني
وليد؛ ؛ حاضر هيا سلام
اميره ؛؛ سلام
وقرب منها وباسها علي راسها
وليد؛؛ ربي يحفظك بعقلك هذا
اميره؛ ؛ انحبك
وليد ؛؛ انموت فيك
وطلع وليد وقاللهم هيا
…..
خالد ؛؛ عليش بكاء هذا
امل ؛ انحرجت
خالد ؛؛ مامن السانك
امل ؛؛ نا نبيش انصبي نبي نقعد جنبك
خالد ؛؛ ما شفتي اميره صبت هي الاوله ورفعت راس وليد وماخلت حد ايطق فيها ولا اطق فيه
امل ؛ والله قالتلها بالبصاره
خالد ؛؛ مره تانيه فكينا منها البصاره هذه انتي تو مخطوبه وح تزوجي وح تقعدي مدام وكلامك كله ضروري يقعد عاقل
امل ؛؛ حاضر بس انت عارفني عفويه نا
خالد ؛؛ وهذا اللي حببني فيك خلاص حبيبي امسحي دموعك وامشي تاسفي من خالتي
امل ؛ حاضر
خالد ؛؛ نجك ليا
ومشت امل وتاسفت من خالتي فاطمه
خالتي فاطمه؛؛ ياهبله عادي امغير مكرتك بس امبدري بالبصاره انتن ابنياتي مانزعلش منكن
امل ؛؛ نجك ليا ياخالتي عارفتك صقوعي
وليد ؛؛ هيا ياامي ها ياخالتي تبي حاجه
ماما ؛؛ سلامتك
ايمان ؛؛ امتي انجيك
وليد ؛؛ في العشيه نا نمسك راه
ايمان ؛؛ به
وليد ؛؛ خلاص نرجا فيك
وطلعو عيت خالتي وروحت حتي عيت خالتي فاطمه وعيت علي خويا
ورجاء خشت لدارها اخري وافتحت شنطتها ولقت السسله مازالت قاعده لابستها وشافت لقته متكسر بكل
لفاته ودساته ونظمت دبشها وخشت لسريرها وتمت تذكر في سراج ودمعتها علي خدها
ومشي يوم وراء يوم ونا بديت لاهيه في حوش عمي ماقدرتش نطلع مع هاجر واجد للمحل قعدت دوبي دوب الاعيال والشقه وخواتي بدن في المدرسه
وهدي تمت اتفكر في محمد واجد وتمت تحلم انها البست عبايه سمحه وعمتي عاجبتها واجد
نا ؛ هدي راه العبايه ستره معناها شكلك ح تنستري اقريب
هدي ؛؛ كيف
نا ؛؛ نا سالت ماما علي حلمك وقالت ح تنخطب اقريب لراجل اكويس وامك يعجبها
هدي ؛؛ من يا بختي ماعندي واحد
نا ؛؛ تندريش علي النصيب شوفني نا قاعده في الحوش وجاني نصيبي
هدي ؛؛ ان شاءالله والله حسيت روحي طولت بذات تو لما قرب فرح هاجر حسيت روحي عنزت
نا ؛؛ ههههههههه مازالتي اصغيره
هدي ؛؛ ماانتي اللي اصغر مني متزوجه واهي هاجر اصغر مني وازوجت
نا ؛؛ ان شاءالله ربي يجبر بخاطرك
هدي ؛ اشويه اخري ولمار ورتاج يخطبن
نا ؛ ههههههههههههههه
هدي ؛؛ بذات لمار عوبه وح تزوج بدري
نا ؛ حس مراد جا خلني انشوفه
هدي ؛ عدي اركبي وخلي العويل عندي
نا ؛؛ ﻻﻻ نبي نركبهم بيش انعشيهم وانرقدهم
هدي ؛ خليهم بايتين معي نا
نا ؛؛ به براحتك مع ان مراد ح ايتعقد
هدي ؛؛ هههه لا مش ح يتعقد امغير البسي الفوشي بس
نا ؛؛ ههههههه سخيفه اطمني في حاجات تانيات واجدات
هدي ؛؛ عارفه خويا صايع
وركبت فوق والقيت مراد ايغير في دبشه
نا ؛؛ تعبان شكلك
مراد ؛ بكل
نا ؛؛ هههه وقربت منه وانسقم التيشرت
مراد ؛ وين العويل
نا ؛؛ مسكتهم هدي
مراد ؛؛ اووووووو معناها سهر الليله
ومسك يدي وقعمزنا علي السرير
نا ؛ علي اساس اياثرو عليك هم
مراد ؛؛ ههههههه نجك
نا ؛؛ حبيبي باقي ظهري يوجع فيا واجد
مراد ؛؛ حبيبي طبيعي هذا
نا ؛؛ امبدري جيت نبي نلابس الجينز الازرق ماجاش عليا حسيته ضبط واجد عليا من فوق
مراد ؛؛ تو نطلعو نشرو دبش واسع تو مازالك اخري
نا ؛؛ نبي نشري قفطان علي الفرح نا عندي قفطان واحد وشافوه عليا
مراد ؛؛ حاضر حبيبي بس راه مش تو الايام هذين زحمه عليا واجد
نا ؛ باهي جاتك دعاء
مراد ؛؛ اهي جتني اليوم خليتها اتجيني اخر وحده وخششتها طول
نا ؛ شن صار عندها
مراد ؛؛ ﻻﻻ موضوعها تمام تو الحمد الله نا قالتله لها من زمان انقصي بس
نا ؛؛ مع انها مش دبه واجد
مراد ؛؛ بس عندها دهون
نا ؛؛ اها
مراد ؛؛ نبي انتوضي وانصلي العشاء ويتي ديرلي حاجه ناكلها علي سريع
نا ؛؛ من اعيوني
ومشيت نا للمطبخ ومشي مراد للحمام
ونا شفت الثلاجه وطلعت دحي وجبنه وزيتون وهريسه وتن
وبديت انوتي درت سفره خفيف
وخش عليا مراد وكان شاد فوني
مراد؛ بالاستغراب
ايه رقم غريب ايرن
نا ؛ من رقم غريب
مراد ؛؛ اها اهو شوفي
ونا قربت منه ومسكت الفون والقيته رقم غريب
مراد ؛؛ افتحي عليه وافتحي السماعه الخارجيه
نا ؛؛ بحتت فيه بالاستغراب
ﻻﻻ هاك انت افتح
مراد ؛؛ فنص ورفع حاجبه
وانتي عليش خايفه افتحي وافتحي السماعه واحكي عادي
نا ؛؛ قعدت خايفه ومتردد وانبحت فيها
كر مراد مني الفون وفتحه وفتح السماعه وقربها من فمي وتم ايقولي بالاشاره افتحي
نا ؛؛ خافت
بالارتباك
اااالوووو………..
………………
يتبع