مسلسل سعاده كاذبه التكملة

مسلسل سعاده كاذبه

الحلقه 33

وبعد كم يوم اوعيت في الصبح بدري علي فون ايرن

مراد ؛؛ من علي الصبح هذا
نا ؛؛ تي وينه فوني
مراد ؛؛ صوته تحت السرير
نا ؛؛ نزلت لوطه وقعدت لوطه
مراد ؛؛ هههههه صبي احكي فوق
من اللي ايرن

نا ؛؛ يستر الله هذا رقم
مراد؛ ؛ رقم رقم من
نا ؛؛ مش عارفه
مراد ؛؛ هاتي انرد نا
نا ؛؛ ها حبيبي خوذه

مراد ؛؛ ايوه من معي
الرقم ؛؛ ايوه مراد معي
مراد ؛؛ اها تفضل
الرقم ؛؛ انا ايمان اخت ايه
مراد ؛؛ اها اهلا
ايمان ؛؛ مراد ماما في المستشفي اطلعو بها امبدري
مراد ؛؛ ملحام وجه تغيرن وقعد ايبحت فيا

نا ؛؛ عرفت في حاجه

مراد شن في من علي الفون
مراد ؛؛ به تم تو انجي
وصكر مراد الفون

حسيت بحاجه غمت علي قلبي
نا ؛؛ شن في
مراد ؛؛ قرب مني واضبطني

ويه بشويش وسعي بالك

نا ؛ ماما ماما صح ماما كنها وينها
مراد ؛؛ في المستشفي قاعده

نا ؛؛ ﻻﻻﻻﻻ ماما حي عليا يا ماما
وقعدت نبكي ومراد ايسكت

نا ؛ نحكي ومرتبكه وخايفه والعبره خنقتني

شيلني تو هيا صبي

مراد ؛؛ هيا صبي
نا ؛؛ قعدت نبكي اخري
مراد ؛؛:ويه راه تقعدي تبكي هكي مش ح انشيلك ماانتي عارفه امك تمرض هكي هي صبي ديري دوش

وصبني وخششني لحمام وحطني حتي الدوش وافتحه عليا

وطلع
نا ادوشت وطلعت ابسرعه وادموعي كيف الشلال
مراد ؛؛؛البسي بدال ما ادوشت
وخش مراد للحمام
ونا لابست ابلوز وجينز ولفيت وشاحي وبحتت في الدار القيت لمار و حمادي راقدين

وطلع مراد ؛؛ اووو كملتي بسرعه هكي
نا ؛؛:هيا مراد ابسرعه
مراد ؛؛:هيا هيا ولابس مراد
نا ؛؛ وشن انديرو للمار وحمادي
مراد ؛؛ هم مازالو راقدين تو بعدين انقول لوحده من البنات تركبهم

وطلعنا ابسرعه وركبنا السياره ونا نبكي ومنهاره
مراد ؛؛ كرني شوره وحطني علي صدره وحبني علي راسي
كبيدتي علي خاطري خلاص اس
امك اكويسه نا عارف

ووصلنا للمستشفي واول ماخشيت القيت رجاء واميره يبكن ومعهن خالد

خالد ؛؛ لافت وشافني
تي انتي من حكلك من قالك اتجي
نا ؛؛ وينها وينها
خالد ؛؛ جو في العنايه

ولافتت اميره وجها وشافتني
اقعدت تبكي وتندب

وجتني رجاء تبكي
رجاء ؛؛ ماما يا ويه ماما
نا ؛؛ من امتي مريضه
رجاء ؛؛ من امس في الليل
نا ؛؛ وليش جبوتها تو
رجاء ؛ اتكابر ومابتش اتورينا انها تاعبه نين اليوم علي الفجر فطنتها انا

اميره ؛ ماما مريضه واجد ماما تعبانه ومن امس تبيك تحشمنا انكلموك

نا ؛؛ انا لما سمعت كلام اميره طحت وانهرت ابكاء

نزل مراد ورفعني

مراد ؛ ايه بشويه كنك انتي تقوي
من اللي معها يا خالد
رجاء ؛ سراج ااااا دكتور سراج
مراد ؛؛ دكتور سراج كيف يمسك هو

اميره خليك معها

وعدي مراد وخش علي ماما
مراد ؛؛السلام عليكم دكتور
سراج ؛؛ بحت في مراد وارتبك لان اذكر لمار طول

وعليكم السلام
مراد ؛؛ شن صار معها
سراج ؛؛ قلبها تاعب اشويه والسكر راقي كالعاده
مراد ؛؛ يعني حاجه بسيطه
سراج ؛ بس بدت تكثر معها القصه وهذا مش اكويس
هي مش مهتمه بروحها

مراد ؛؛ ان شاءالله خير

وطلع مراد وشافنا امقعمزات ونبكو

ونا صبيتله طول
نا ؛: ها شن قال
مراد ؛؛ تبي رسم قلب لان امس تاعبه شكلها
اميره ؛؛ امس صارت مشكله بين ماما وعادل
نا ؛؛ عليش كنه
اميره ؛؛ قالتله عدي رد مراتك علي رمضان خلاص وهو ماباش اتعبت امس

ولوله رجاء راه راحت فيها
نا ؛؛ ليش كنها رجاء

وجانا سراج وبحتنا فيه وناعرفت طول ان رجاء كانت اتكلم في سراج

خالد ؛؛ ها دكتور شن صار
دكتور سراج ؛؛ نا شن قالت علي المشاكل نا عارف مافيش حوش ومافيه مشاكل بس انتو حاولو اهتمو بها
وهي تو تمام الحمدالله

خالد ؛؛ به الحمدالله
ومشي خالد بره ابسرعه وكان خنقته العبره
وطلع مراد وراه ايهدي فيه

رجاء ؛؛ وهي تبكي وخنقتها العبره

سراج امتي تطلع ماما
سراج ؛؛ لما شاف الجو هادي قرب من رجاء ومسحلها دمعتها
تعالي للغرفه نبيك

رجاء ؛؛ خالد ومراد
سراج ؛؛ مسك يدها وعد بها للغرفة
رجاء ؛؛ سراج تو ايشوفنا خالد
سراج ؛؛ خلي اللي ايشوفنا ايشوفنا تعالي نبيك

وخش للغرفه وسكرها
وجاها وقرب منها و مسح دمعتها
سراج ؛ رجاء نا ماانتحملش انشوف ادموعك هكي

رجاء ؛؛ ماما ياسراج
سراج ؛؛ به خلاص نا من امس انقولك انها تمام
رجاء ؛؛ لعند امتي ونحن بالوضع هذا
سراج ؛؛باهي انتي قولي الحمد الله انكن انتن معها وتهتمن بها راه والله لولاكن راه هي راحت فيها

رجاء ؛؛ ما انا هذا عليش خايفه لوله ربي وانت
راه ماما راحت فيها

ورن فون رجاء وكان علي الهزاز
سراج ؛؛ من
رجاء ؛؛ هذا الرقم ايرن اخري
سراج ؛؛ هاتي تو انرد عليه

ودق الباب وخشت اميره
اميره؛؛ تعالي خالد ومراد بره سالوني عليك ابسرعه تعالي

وطلعت رجاء تجري ونست الفون مع سراج
واطلعن

ونا امقعمزه وجنبي مراد
خالد ؛؛ وين كنتن
اميره ؛؛ حمام

وبرم مراد لاوره وشافهن
مراد ؛؛ روح بيهن يا خالد ونا تو نقعد هنا
نا ؛؛ نا قاعده معاك
مراد ؛؛ خلاص ياخالد انت روح بيهن ونا وايه ح نقعدو هنا لان عندي عمل انا

خالد؛ ؛ به خلاص لما اتروح رنو عليا
مراد؛ ؛ تم ان شاءالله

خالد ؛؛ هيا يا بنات

وطلعن رجاء واميره
ونا قعدت امقعمزه
مراد ؛ اكبيدتي انتي خشي علي امك وقعمزي جنبها نا خلاص دوامي يبي يبدا

نا ؛؛ به رنيت علي وحده من البنات
مراد ؛؛ تو انرن علي هدي هي اللي توعي بدري
نا ؛؛ به
وخشيت للدار و جاء وراي مراد
ولقني نبكي
جاني واضبطني
مراد ؛؛ حبيبي نا خليتك تقعدي بيش تطمني علي امك مش علشان تقعدي تبكي
نا ؛؛ مش متحمله انشوفها هكي
مراد؛؛ علشان خاطري اسسسس خلاص هي اكويسه

ووعت ماما وبصوت واطي وتعبان بكل

ماما ؛؛ ايه
نا ؛؛ جيتها نجري
نعم يا ماما اني قاعده جنبك
ماما ؛؛ بحتت فيا وابتسمت
شن اخبارك
نا ؛؛ تمام الحمدالله انتي شن اتحسي تو
ماما ؛؛الحمدالله
مراد ؛؛ ﻻباس عمتي
ماما ؛؛؛الله ﻻ يوريك باس
مراد ،؛ خلاص اقعدي هنا ايه وتو انجيبلك فطور
نا ؛؛ به اقعد في شغلك وما تنشغلش عليا
مراد ؛؛ سلام

وطلع مراد
ماما ؛؛ من قالك اتجي
نا ؛؛ مش مهم المهم اني شفتك طيبه وقصدك انتي ماتبيش ايقوللوي انك مريضه

ماما ؛؛ﻻ مش هكي بس مانبيش نشغلك انتي تو متزوجه وعندك راجل وعائله
نا ؛؛ مهم ايكون عندي راجل او عائله انتي عندي بالدنيا كلها انتخلي علي الناس كلها الا انتي ياماما

ماما ؛؛ الله ايربحك دنيا واخره
نا ؛؛ عليش تعاركتي مع عادل
ماما ؛ خلاص نبيه ايرد المراه الرمضان خش علينا وماشور شيء تقعد عند هلها

نا ؛؛ ماما هو اللي شالها وهو تو ايجيبها انتي عارفه عادل مستحيل ايسيبها

ماما ؛؛ ونا كيف انصيم وانتهناء وانشوف حوش اوليدي متفكك كل حد في حاله

نا ؛؛ كلها منها اتخرب علي روحها ديمه تو هي شن دخلها بيا نين جابت لروحها هالمشكله

ماما ؛؛ بس حتي انتي يا ايه غلط تحكي لراجلك المشاكل اللي في حوشنا

نا ؛؛ نا بحتت في ماما وانصدمت
ماما نا ماحكيتش لمراد حاجه

ماما ؛؛ وشن عرفه
نا ؛؛ ماما عادل علم علي جسمي كله ومراد راجلي وشافه نا ياماما مابيتش نرقد مع مراد هذاك الليله بيش ما ايشوفش وصارت مشكله بينتنا نين تاني شاف وهو ما ساكتش

ماما ؛ حتي عادل هذا متهور
نا؛ ؛ ومراته خبيثه خلاص ماما فوتي الموضوع انتي تو مريضه

ماما ؛؛ الله ايربحك ياابنيتي

وخش علينا عادل وادموعه في اعيونه
عادل ؛؛ امي …..وسكت لما شافني

نا ؛؛بحتت فيه صبيت وسيبته وطلعت وقعدت قدام الغرفه

بعد اذكرت مكان مراد وقالت نمشي انشوفه كيف يشتغل

ومشيت وشفت مراه تبكي وتدعي بصوت عالي
ياربي قومها بسلامه ياربي قومها بسلامه

نا ؛؛ قربت منها ووجعتني المراه
ﻻباس عمتي

المراه ؛؛ ابنيتي اتجيب بالعمليه
وحالتها صعبه لها 3 ايام في حاله
نا ؛؛ ربي ايصبرها وايصبرك ادعيلها احسن حاجه هي تبي دعاءك تو

وتمت المراه تبكي وتدعي

نا انشغلت علي المراه وقعدت امعها وجبتلها ميه
المراه ؛؛ انتي عندك حد هنا
نا ؛؛ ﻻﻻ نا جايه نبي انشوف راجلي دكتور هنا
المراه ؛؛ دكتور طويل
نا ؛؛ اها
المراه ؛؛ هو اللي خش علي ابنيتي
نا ؛؛ اها ماهو دكتور نساء
المراه ؛ ربي ايفرجها في وجه ياربي شن اسمك
نا ؛ ايه

وطلع مراد وكان لابس بالطو الابيض استغرب وجودي

مراد ؛؛ مبروك ابنيه جابت
المراه ؛ لووووووووووووووووووووووووووووووووووليا
طيب فيا وهي شن وضعها يا دكتور

مراد ؛؛ ﻻ تمام الحمدالله
ايه شن في كنك هنا

نا ؛ جايتك
المراه ؛؛ نبي انسمي البنيه ايه علي اسمك

نا ؛ بحتت في المراه ومنصدمه
المراه ؛ لانك بعد ماجيتي انفرجت علي ابنبتي وانتي اللي صبيتي معي الناس كلها اتخطم ولا واحد عبرني

نا ؛ اكيده امها تبي اتسميها هي
المراه ؛؛ قبل تبي اتسميها عليا بس نا رفضت تو ح انسميها عليك

مراد؛؛ ههههه
مبروك عليكم ايه

المراه ؛؛ يبارك فيك
مراد؛؛ اهي تو تطلع للقسم تو
المراه ؛؛ ربي ايفرجها عليكم ان شاءالله ويرزقكم بالذريه الصالحه

نا ؛ بحتت في مراد
مراد ؛؛ ان شاءالله
وخشيت نا مع مراد للغرفة

مراد ؛؛ عليش جايه هنا
نا ؛ عادل جا ونا طلعت وسيبته مع ماما
مراد ؛؛ اها به هيا عديلها اكيد مشي
نا ؛ عنديش وجه انبحت فيه
مراد ؛؛ هو اللي ماعندش وجه ايبحت فيك
هيا عدي لامك ومعش اتسيبها وخليك معها وخوذي الفلوس هذين وعدي اشري حاجه تاكليها

نا ؛ به حاضر

ومشيت وشريت عصير وشكولاطه

والقيت عادل كيف طالع وماحكش معي ولا كلمه وخشيت لماما

نا؛؛ ها شن صار
ماما ؛؛ تو امروح يبي ايروح بها
نا ؛؛ باهي الحمدالله اكويس
وقعدت مع ماما لعند نهاية الدوام

وايخش عليا سراج ويلقي ماما راقده

سراج ؛؛ شن جوها تو
نا ؛؛ تمام الحمدالله اكويسه حكت حتي معي
سراج ؛ امك حساسه واجد وهذه مشكلتها خطرها مبروك

نا ؛؛ يبارك فيك
سراج ؛؛ رجاء مشت ونست فونها معي ونا تو امروح ومش عارفه كيف نوصلها بيش نعطيها الفون

نا ؛ بحتت فيه وساكته

سراج ؛؛ ممكن نعطيه لكي تعطيه لها

نا ؛ انحرجت وحسيتها شينه انقوله ﻻ

به تم

وطلع سراج فون ومعه كيس
نا ؛؛ شن هذا
سراج ؛حاجه خطرها فيها
نا ؛؛ ههههه وصلت حتي فيك وهي ماتبطل بكل طلبات
سراج ؛؛ كان مااطلبت مني نا من من تبي تطلب

ابتسمتله ومديت يدي وخذيت الحاجات ونافتحت الشنطه

سراج ؛؛ شكرا

وخش ليا مراد وشافني مبتسمه وحطيت حاجه في الشنطه بس دار الحوله

سراج ؛؛ اهلا دكتور
مراد ؛؛ شن الاخبار
سراج ؛؛ اكويسه ان شاءالله اليوم الخروج خلاص معش تستحق انها تقعد هنا بس نبي اهتمام بالصحه وتوقيت الدواء
تم ايه

نا ؛ نا انصدمت لما سمعت اسمي وانحرجت
تم ان شاءالله
سراج ؛؛ ان شاءالله لاباس عليها
وطلع سراج ومراد غمتله بكل

مراد ؛؛ يحكي وهو متعقد بكل
هيا ياايه

نا ؛؛ رنيت علي خالد
مراد ؛؛ اها قالي في طريق هو واميره
نا ؛ به هيا

وطلعنا نا ومراد
ومراد كان شكله راقيله بكل بس مابش يحكي كلمه
وركبت في سياره وهو ركب وخبط الباب بقوه
وولع السياره طول طلع وكان يجري واجد ومابش يحكي بكل

نا ؛ حبيبي نبي حوش هلي اشويه علي سريع
مراد ؛ ليش شن تبي فيه
نا ؛؛ نبيه اشويه بس علي السريع
مراد ؛؛ ﻻﻻﻻ فيش مشي نا تعبان نبي انروح

نا ؛؛ بحتت فيه والقيته متعقد ومابيتش اناقش اخر بس خفت ايشوف فون والهديه في شنطتي قعدت نرعش وساكته

ووصلنا للحوش
وخشيت وتلاقينا نا وهدي عند الدروج

هدي ؛؛ ايه شن اخبار امك
نا ؛؛ اكويسه الحمدالله
مراد ؛؛ اركبي خلاص هيا

نا ؛ انصدمت من كلمة مراد وبحتت في هدي وهدي افهمت مراد متعقد ومابتش اتقول كلمه خشت
ونا ركبت وراء مراد للشقه

وخشيت لدار وحطيت شنطتي علي السرير وسلحت الوشاح وخش عليا مراد وقعد امصبي عند الباب وحاط يده علي جنبه ويده التانيه ايحك بيها الحيه

ايه ماتبيش اتقولي كلمه
نا ؛؛ بحتت فيه واستغربت
شن كلمة شن
مراد ؛؛ يعني ماعندكش ماتحكي
نا ؛؛ لا ماعندي شيء

مراد؛؛ اكتر حاجه اتعصب فيا ان الواحد يغفلني ويقعد عايش حياة بالخونه والضحك

نا ؛؛ شن مراد شن الكلام هذا ليش شن صاير
مراد ؛؛ مازالتي مسمتره على الانكار والكذب

وجا كرني من شعري

نا ؛؛ اهااااا شعري با مراد
مراد ؛؛ سكري فمك يا حقيره اتخوني فيا ياحقيره تضحكي عليا تضحكي مع الناس واتهدرزي وعايشه لحظتك

نا ؛ مراد شن تحكي انت
خذني وعزقتي علي السرير
ومسك شنطتي وطلع الفون والكيس
مراد ؛؛ شن هذين ومن وينلك ياحقيره

تغفلي فيا يافرخه ماناقص عليا الا انتي يا حقيره
ونا تميت نبكي وانوخر
خبط الفون والكيس علي الساس

مراد ؛ احكي عليش اتبكي ولاه تو ضميرك اوجعك ياحقيره تي كني شن درتلك شن الحاجه اللي ناقصتها عليك بيش اتخوني شن حاجه اللي خلاتك اتخونيني كني مش مالي عينك ولا شنو ماتحقيش فيا راجل ولا شنو احكي يا فرخه احكي

نا ؛ والله مافي منه الكلام هذا والله ماشوري
مراد؛ شفتك بعيني تاخذي فيهن منه وتضحكي وحطيتهن في شنطتك وطلبتي مني انحطك في حوش هلك بيش ادسيهن بيش لما تمشي اتكلميه

وكرني من عند ارقبتي

نا ؛؛ حسيته يخنق فيا ومعش عرفت نتصرف
مراد ؛؛ احكي يا حيوانه يا حقيره يا خاينه
تي والله حرام حتي انوسخ يدي بيك يا مسخه
وعزقني لوطه وخبط كتفي علي الساس خبطه قويه

ونا نبكي وحسيت صوتي راح من الخنقه
وضربني بكراعه علي اكراعي

اخساره ما حطيتك في حوشي وامنتك عليه وامنتك علي اعيالي وقعدت صادق معاك من اولها

وانتي غالي عليك الحرام والناس اللي تلعب عليك الا واخذتك بحلال ما تبيهمش

وكسر اللي فوق الزينه كلها
ودف الزينه بكراعه نين طاحت المرايه
ونا لما شفتها طاحت صبيت نجري بيش مااطيحش عليا
مراد ؛؛ اووووو طلعت خايفه من المرايه تجرحك لكن مش خايفه من ربي اللي اتخوني فيا

وسمعنا الباب ايدق
وطلع مراد ولقها عمتي
عمتي ؛ مراد كنك شن في
مراد ؛ ما كني شيء
عمتي ؛ نسمع في حسك عالي وحاجات ايتكسرن وينها ايه كنها شن دايره

مراد ؛؛ امي سيبني اوحدي هنا مانبيش حد يدخل
عمتي ؛؛ اتعلي في صوتك عليا علي خاطر مراه
مراد ؛؛ بصوت عالي
امي راه مش فاضي لكلام هذا خلاص خلوني في حالي
وصكر مراد الباب بالقوه

ونا قعدت نبكي في التركينه وساكته
وسمعته خبط الطاوله في الصاله وقعمز وقعد ايدخن

ونا صبيت وجيته في الصاله
مراد ؛؛ بصوت عالي
اقلبي خلقتك جو في الدار

نا ؛؛ نحكي بصوت واطي وخايفه ونرعش
مراد اسمعني انت بس
مراد؛ اااااااايييييه اقلبي خلقتك

ونا قعدت امصبيه وانبحت فيه

وهو مسك الطفايه وعزقها عليا ونا طول خشيت نجري وتميت نبكي

بعدها بحتت وصبيت لميت الفون الكيس القيت فيه اسورة ذهب

وفتحت الدولاب نبي انحطهن جوا ايجي مراد وايدف الباب بكراعه قبل انطبق عليا نا وخرت ابسرعه

مراد ؛؛ هاتي الخرا هنا
نا ؛؛ مراد اسمعني بس
مراد ؛؛بصوت عالي

قالتلك هاتي

نا ؛؛ مانقدرش نعطيهن لك

مراد ؛؛ وقاحه عيني عينك هكي

وضربني كف ومسك يدي وفصعها ليا

نا ؛ مراد يدي حرام عليك اهاااااااا يدي

مراد ؛؛ مره تانيه انقولك هاتي هاتي يا حقيره شن لدرجه هذه مش هاين عليك

نا ؛؛ مراد انت ما فهمتش شيء نين تحكي هكي
مراد ؛؛ شن تبين نفهم بعد ما شفت مراتي تستقبل في هديه واتهدرز وجوها سمح

نا ؛؛ به يدي يا مراد انفصعت

مراد ؛ شد علي يدي اخر

عارفه والله يا ايه ح تدفعي الثمن غالي علشان تغفلي فيا وكأني مش راجل قدامك

تو صبي اتلمي المتكسر كله واديري غداء ونلقي حاجه نهارك اسود
والاعيال ح انركبهم واتحوسي عليهم وكأنك خدامه لان اخساره فيك اتكوني مراتي واخساره فيك اتكوني معززه في الشقه

ودفني ومشي للمربوعه وطبق علي روحه الباب
ونا قعدت نبكي وخايفه نخسر مراد خفت نقعد هكي ايعامل فيا بطريقه هذه

مراد ؛؛؛بصوت عالي وهو في المربوعه

صبي نا قالت صبي تو

نا ؛؛ صبيت ابسرعه وتميت انلم وانكنس ومشيت حطيت الغداء علي النار

وبعدها ايخش مراد عليا في الدار وكان امعبي دم
نا ؛؛ هييييي مراد دم شن هذا
مراد ؛ بحت فيا من فوق للوطه بنظره كره نين كرهت روحي

وخش للحمام ودار دوش ونزل وجاب لمار وحمادي
وجاني

مراد ؛؛ عارفه نلقي واحد فيهم مجروح جرح بسيط نهارك ولا يبكي نقتلك قتل وتو ديرلهم دوش واتلبسيهم واتغديهم

نا؛ ؛ به حاضر
وخذيتهم وخنقتني العبره وتميت نغسل في لمار
لمار ؛ اعميمه كنك تبكي
نا ؛؛ ماكني شيء لمار

وطلعت لمار ونشفتها ولابستها ولميت شعرها
نا ؛؛ لمار قعمزي هنا بدال مادرت لحمادي حمام
لمار ؛ نبي بابا
نا ؛؛ ﻻﻻ خليكي هنا قعمزي نبي انحط الغداء
ومشيت وخذيت حمادي وحتي هو درتله دوش ولابسته ومشيت وحطيت الغداء

نا ؛؛ لمار قولي لبابا تعال تغداء
لمار ؛؛ به
وطلعت لمار
لمار ؛؛ بابا تعال غداء
مراد؛؛ مانبيش غداء
وجتني لمار وقالتها ليا
وقالت اكيده مايبيش ياكل معي تو انحطله اوحده

و تيت السفره له اوحده

وخشيت وحطيتها قدامه

مراد ؛؛ بحت فيا
نا قالت مانبيش شن انتي ماتفهميش من اول كلمه ولاه شنو

نا ؛؛ انت اكيده جعان ماكليت شيء
مراد ؛؛ ﻻ صحه لكي وكلتني غدر وخيانه يا مراتي
نا ؛ مراد انت فاهم غلط
مراد ؛؛ اطلعي راه نقلب عليك السفره هذه

وشلت السفره ومشيت ودمعتي علي خدي و جعتني المعامله الشينه معقوله مراد من اول موقف هكي يضربني ويهزبني

بس هو معه الحق عاد واحد وشاف مراته تاخذ في هديه من راجل تاني من طبيعي يبي ايفور سواء ايحبها ولاه لا

وكلت حمادي ولمار وبحتت في الساعه القيتها ساعه 5
انشغلت وقالت اكيده ماما اطلعت نبي انكلمها
مشيت لمراد وخشيت عليه والقيته راقد علي الصالون وحاط يده علي وجه

مراد نبي انكلم خالد نساله علي ماما

مراد ؛ استغفر الله العظيم
ايه فون معش في
اطلعو من الحوش معش في
وخشي جو والمكان هذا معش اتخشي عليا

ونسمع صوت واحد من العويل يبكي او ايعيط نهارك

طلعت منه وقعدت نبكي وقعمزت جنب لمار وحمادي في الصاله

لمار ؛؛ اعميمه كنه بابا ايهزب
نا ؛؛ متعقد اشويه
لمار؛ ؛؛ بابا زمان لما ايتعقد يقعد ايهزب في ماما وايخلي فيها تبكي

نا ؛؛؛ خلاص لمار المواضيع هذين معش تحكي لحد فيهن عيب معش تحكي للناس اي حاجه

لمار ؛؛ به اعميمه
هييييييي اعميمه شوفي حمادي ايصبي علي الطاوله
نا ؛؛ هههههه نجك ليا تبي تمشي

هيا هيا دودش حمادي جا دودش
نجي ياخي اتهبل

ومشت ساعه وراء ساعه وجا الليل وشفت مراد كيف واعي وخش لحمام

وتوضا
وطلع وصلي

لمار ؛؛ بابا تعال شوف حمادي ايصبي
مراد ؛؛ وين هيا ياحمادي
ونا قعدت انبحت فيه

وبعدها شفت مراد ايبحت في ارقبتي
ونا طول حطيت يدي علي ارقبتي وغطيتها ونزلت راسي

مراد ؛؛ صبي ديري قهوه
نا ؛؛ حاضر
وصبيت اندير في القهوه وجبتها له
والقيته يحكي علي الفون

مراد ؛؛ باهي صحتها تو تمام
خالد ؛؛ اها الحمدالله اكويسه مستقره

نا ؛ بحتت فيه بالاستغراب وعرفته ان بحكي مع خالد وحكيت بصوت واطي

عطني نحكي معه اشويه

مراد؛؛ فنص فيا ورفع حاجبه

اوكي خالد سلمنا عليهم
ونا روحت بايه للشقه كانت تعبانه شويه

خالد؛؛ لا عادي خوذو راحتكم وسلام
مراد ؛؛ سلام

وصكر مراد وبحت فيا من فوق للوطه بنظره كره نين كرهت روحي

نا مش قالت معش نبيك تحكي علي فون
شن انتي ماتفهميش

نا انهرت ونزلت علي اركبي وقعدت نبكي ومنهاره
مراد نا شن درت نين ادير فيا هذا كله

راه والله انحبك وماعمري حبيت حد غيرك

الراجل الوحيد اللي تقرب مني ومانتمنش يوم يبتعد مني والله ماخنتك والله حاطتك بين اعيوني وفوق راسي والله سراج هذا يقعد صاحب رجاء لهم علاق اقريب سنه تو واللي عطه ليا ببني نعطيهم لرجاء لان هذا فونها وكان قعد عندها معش يعرف يوصلها والله وحق هالنعمه اللي بين ايديك راك فهمني غلط وحق ربي مانكذب

مراد بحت فيا وامرفع حاجبه وساكت
مراد ؛؛ وانتي اتساعدي علي البخت ولا شنو ولاه مااتشوفيش فيا راجل نين تحكي مع راجل تاني وتاخذي منه هديه وتو صليها للحبيبته شن انتي مراسله ولا شنو

نا ؛؛ والله يامراد هو طلب مني وانا انحرجت وفكرت في رحاء قالت انجيبه لها نا خير ماايوصله لها بطريقه تانيه ايشوفها خوتي ويضربوها

مراد ؛؛ جبتيها لروحك الضربه

ونا ؛؛حولت التيشرت وريته كتفي هه شوف يا مراد شن درت فيا شوف لما عزقتني علي الساس شن درت فيا هه شوف ارقبتي منك خنقتني خنق امبدري ونا ساكته لاني تفهمت غيرتك عليا

مراد ؛؛ استري روحك وصبي
نا ؛؛ ليش نستر روحي بيش مااتشوفش روحك شن درت فيا
راه نا مراتك ومازالت عروس نين تضربني هكي والله انحبك وماخنتك والله انحبك

وصبيت ابسرعه وعزقت روحي علي السرير تميت نبكي بالعبره وبالشهيق وبعدها صبيت وتميت انلم في دبشي وسمعني مراد انخبط

مراد ؛؛ فيش اديري
نا ؛؛ مش انت معش تببني ومش حاط فيا ثقه خلاص طلقني ليش ماسكني في حوشك مش قالت اخساره فيا السكنه معاك

مراد ؛؛ اووووووو طلعتي تبي الطلاق بيش تاخذي راحتك
نا ؛؛ انت اللي معش تبيني مش انت ضربتني وخنقتني وقالت معش فيك ثقه خلاص عليش ماسكني طلقني

مراد ؛؛ ريحي اعظامك وقعمزي ريحي روحك مش ناقصك انا
نا ؛؛ لدرجه هذه معش اتحبني

وطلع مراد بدون مايحكي اي كلمه

بعدها سمعته خشش لمار وحمادي للدار وجا وخش عليا وشافني طايح ونبكي

مراد ؛؛ صبي ديرلي صحور
نا ؛؛ حاضر يا …حبيبي
مراد ؛؛ اوووو اتفكر تو قبل بيش اتقولي حبيبي
نا ؛؛ مابيتش انعبره
وطلعت ومسكني عند الباب من عند يدي

مراد ؛ معش تكذبي عليا ولا روحك انسيتي شن قالتلي يوم الفاتحه انتي ماعمرك حبيتني انتي راضيتي بنصيبك بس وقالتي نكذب علي روحي

نا ؛؛ يعني حبي كله طلع كذبه

عارف يا مراد لو ماحبيتكش راه ما خليتكش تلمس في شعره وانت عارف روحك امتي لمستني بعد ماحبيتك

ومشيت شور المطبخ ودمعتي علي خدي

ودرت سفره السحور وحطيتها علي علي الطاوله

نا ؛؛ كل سنه وانت طيب
مراد؛؛ بس نا تو مش طيب

نا ؛؛ ولا نا

وخشيت لدار وقعدت امقعمزه وانفكر في الموضوع من الاول هو صاح معه الحق في اللي داره مش ساهله الراجل ايشوف مراته تضحك وتاخذ هديه واتهدرز من شخص تاني حتي ولو الهديه هذه مش له هو شافه تاخذ فيها وشافها في شنطتها

ياربي فرجها عليا والله انحبه ومانبي نخسره والله نبيه والله ما خنته والله انحبه

وتميت ندعي لربي وقريت القران لعند مااذن الفجر وصليته وطلعت وشفت مراد ايصلي
ولما كمل حس بيا قاعده لاف وجه يبي ايشوفني ونا عديت ابسرعه للدار

ورقدت
واوعيت تاني يوم علي صوت ابكاء حمادي
نا ؛ صبيت نجري ومسكته وبحتت في الساعه القيتها ساعه 11

خلاص ياحبيبي والله عارفه روحي تاخرت عليك
وغسلته وعطيته رضاعه وجبته معي في الدار ورقدته جنبي

واتخش عليا لمار
نا ؛ لمار تعالي نني معي
لمار ؛ جيعانه اعميمه
نا ؛؛ به تعالي هنا تو انديرلك حاجه تاكليها

ومشيت للمطبخ ودرتلها حليب وكيكه وعطيتها تفطر
نا ؛؛ لمار عدي شيلي السفره وتعالي ارقدي هنا
لمار ؛ به
ومشت لمار وحطت الطاسه وغسلت ايدها وجتني
وارقدت جنبي
لمار ؛؛ اعميمه بابا دارلك اح امس
نا ؛ ﻻﻻ لمار
لمار ؛؛ ليش امس تبكي
نا ؛؛ ماما مريضه في المستشفي
لمار ؛؛ هييييييي امي عيشه
نا ؛ اها
لمار ؛؛ ليش
نا ؛ تعبانه اشويه
هي لمار نني نا نبي نرقد
لمار ؛ باهي

ورقدت واوعيت ساعه 2
وخشيت توضيت وصليت الظهر
ومشيت للمطبخ وطلعت الحم وحطيته في مية ساخنه وطلعت كيس مفروم

وجعتني ان هذا اول رمضان مع مراد ويقعد نكد هكي وماوتيتش شيء للرمضان قبل غالي عليا يوم الكبيره لما ايخش علينا علي ومعه عرم اكياس مصروف رمضان كانت انحبه موت جو رمضان

قعدت نبرم علي المطبخ ودمعتي علي خدي وبديت اندير في كيكه

سمعت باب الشقه انطبق شفت والقيت مراد جاي ومعه عرم اكياس خضره ولحم ومصروف التاني

نا فرحت وجيته والابتسامة علي وجي

مراد ؛؛ اهن حاجات الرمضان وكان ناقصه حاجه قوليلي
نا ؛؛به
وطلع مراد ووصل عند باب المطبخ
نا ؛؛ مراد
مراد ؛؛ برم وجه
نعم
نا ؛؛ شن تبي تفطر
مراد ؛؛ اي حاجه
نا ؛؛ به مثلا كم نوع تبي
مراد ؛؛ اللي تقدري عليه
نا ؛؛ به
ونا شفت الخضره والقيته جايب خضرة المحشي وحاجات واجد بكل

واول حاجه درتها كسترده
وبعدها بديت انقرض للمحشي

وكملت المحشي وبديت اندير في مفروم البطاطه المبطنه

وبعدها جتني لمار
لمار ؛ اعميمه حمادي يبكي
نا ؛؛ نزليه من السرير وتو انجيه

وجيته والقيته جيعان وكلته طرفين جبنه
ومشيت كملت حوستي
وانشوف في مراد طالع وخاش عليا
وعطيت للمار بطاطه تاكل

نا؛؛ ونا حاسه بجوع وعطش وتعب ولاول مره نتعب هكي في رمضان ممكن علشان عليا ضغوطات مابيتش انركز

وكملت
درت اول فطور لنا
شربه ومحشي ورز بالخلطه وبطاطه وبوريك وبيتزا وسلاطه

ووتيت السفره
بعدها اذكرت مراد ومشيتله

نا ؛ مراد انحطلك معي ولاه بروحك
مراد؛؛ بحت فيا وحس ان خنقتني العبره

انتي تبي تاكلي معي
نا ؛؛ ساكته

مراد ؛؛ حطلي اوحدي
نا ؛ به حاضر

ومشيت وحطيت سفره له هو بس
واذن المغرب ومشيت حطيتها قدامه سفرة الحليب والتمر والميه
وبعدها جبتله الفطور

مراد؛ ؛ ماشاءالله هذا كله درتيه انتي
نا ؛؛ اها
ومشيت للمطبخ وحطيت لروحي فنجال شربه وتبسي فيه محشي وبطاطه وبوريك
ورز طشه للمار وحمادي

وكلتهم

وخش عليا مراد
مراد ؛؛ تعالي كولي معي
نا ؛؛ بحتت فيه
ﻻ اهو ناكل هنا

مراد ؛؛ براحتك
وطلع وكمل اوكاله ونا شلتها السفره وغسلتها ودرتله شاهي
ونا حسيت بصداع قوي بكل وظهري يوجع فيا

ومشي اول رمضان بيني وبين مراد هكي لمدة 7 ايام
اول مره انحس برمضان وكأني مراه كبيره انجوع ونعطش وصداع والم في ظهري ولا نطلع ولا انخش ولا كلمت هلي مراد كان واخذ مني فوني وحابسني هو بس والاعيال يطلعو
ومانرقد الا دمعتي علي خدي

وفي يوم في الليل ساعه 1

قاعده نشرب في شاهي ونا انفكر واذكرت روحي معش مرضت من اول ماجيت لمراد وفجاء

ايجيني حمادي وايكب عليا الطاسه
دفيته وهو قعد يبكي ونا صبيت نجري للحمام
ولمار عدت تجري للمراد

لمار ؛؛ بابا اعميمه ضربت حمادي
مراد ؛؛ شن
وصبا ابسرعه وشاف حمادي طايح ويبكي

وجاني ابسرعه في الحمام ولقه مفتوح
ومسكني من عند………………..

يتبع

error: