مسلسل سعاده كاذبه التكملة
مسلسل سعاده كاذبه
الحلقه 53
مراد ؛؛ ها احكي
افنان ؛؛ نبي انقولك موضوع بس نبيك تسمعني بهدؤ واتوسع بالك
مراد ؛؛ اختصري واحكي
افنان ؛؛ اوعدني ماتتعصبش
مراد؛؛ مانقدرش نوعدك
افنان ؛؛ به ماتخوفينش يا مراد اسمعني بس
مراد ؛؛ خوتك ايبحتو فينا
افنان ؛؛ خواتي مااديروش عادي معاك وبعدين الموضوع ضروري تسمعه
مراد ؛؛ به ها
افنان ؛؛ مراد نا متعرفه علي واحد
ونزلت راسها والعبره خنقتها
علي الفون من سنه و5 شهور نعرفه
وهي معش اسمعت اي حاجه من مراد رفعت اعيونها ولقته ايفنص فيها
افنان ؛؛ واعيونها ملينات ادموع
مراد اعيونك تو هلنا يعرفو في حاجه
نا عارفه روحي دايره غلط وشينه في حقك انجي ونحكيلك ونبيك تملك اعصابك نا عارفه روحي بس نا جيتك لاني عارفتك متفاهم وانت اتحب ايه وفي الفرح لما شفت شن درت علشان خاطرها قالت مستحيل حد ايحس بيا الا انت
وتمت اداري في وجها وتمسح في ادموعها
مراد ؛؛ به عليش جيتني وتحكي شن في
في حاجه يا افنان
افنان ؛؛ هو في مشكله
بس انت خليني نحكي وناخذ راحتي
مراد ؛؛ تم ايهز في اكراعه بقوه ومتمالك اعصابه لان مايبيش ادير مشكله لل افنان
وشاف ولقي ان باته وعمه والشباب خشو جو والصبايا قعدات ايظمن
به هيا احكي شن المشكله
افنان ؛؛ اسمه انور وشاب اكويس بكل نا ماكنتش عاطيته معلومات عليا صح كان يعرف ان نا افنان وخلاص وقالتله ان نا من مزارع يعني حتي السكن كذبت عليه ونا قالت مزارع بيش مايفكرش ايقولي نبي انشوفك
مراد ؛؛ ايبحت فيها ومستغرب طلع دخانه وتم ايدخن واكراعه تمت اتهز بقوه
ونا شفت مراد شكله متعصب وهي شكلها تبكي عرفت ان صايرلها مشكله وتحكي لمراد
بس حسيت روحي غرت عليه وعلي كم مره خاطري نمشي ونقعمز بينهم بس مسكت روحي علشان كانت تبكي
افنان ؛؛ وماشافنيش الا كم مره بس وايشوف فيا في الاماكن العامه بس يعني مره مشيت لخالتي وطلعت لسوق بيش انشوفه وايشوفني من بعيد جا وشافني وشفته وعجبته وعجبني وروحت لحوش خالتي ونا قالتله ان راه هذا حوش خالتي بيش يتاكد ان نا من مزارع صاح وما نطلعش للسوق الا لما انكون عند عيت خالتي
مراد ؛؛ يعني قعدتي معه سنه و5 شهور وانتي تكذبي
افنان ؛؛ بصوت مخنوق واعيون ملينات ادموع
نا بروحي مستغربه من روحي كيف كنت نكذب عليه ومنسجمه والمشكله الاكبر ان نا عجبني الكذب وفرحانه به
خلاص قعدنا نحكو وتعرفت علي صاحبه وكان شاب اكويس بكل ماايتفارقوش بكل ديمه مع بعضهم لدرجة ان لما معش ايرد عليا انور انكلم صاحبه هذا ومن كلامهم هم الاثنين عرفت ان انور ايحبني صاح ويبني بحلال وصاحبه كم مره قالي انتي راه غيرته راه والله ايحبك حتي لما اتصيرلنا مشكله كان صاحبه هذا هو اللي ايصالحنا كان صاحبه يعرفني اسمي افنان ومن مزارع وخلاص انور مارضش ان ايشوفني كان خايف عليا ومابش حتي ايقوله انا بنت عيت من مع ان نا كنت عطيته اسم عائله وهمي وهذا كله خاف عليا ومايبيش ايضرني
وجا يوم اللي تم ايقولي نا نبيك بحلال وشقه وعندي وعمل عندي خلاص نبي نخطب ونا كنت نرفض وكنت نسبل علي القرايه وفي الواقع كنت خايفه انقوله الحقيقه اسيبني ويكرهني لاني حسيت روحي تعلقت به وحبيته كنت نكذب عليه وهو كان صادق معي وخايف عليا نا كرهت روحي بس والله ماكذبت عليه الا نا لعيت من ونسكن وين وخلاص باقي كله صاريحه معه
مراد ؛؛ باهي المهم
افتان ؛؛ خلاص قعد يقنع فيا 3شهور بيش نعطيه اسم عائلتنا بكامل ويخطبني حسيته جدي بكل قالت انقوله وخلاص وفعلا حكيتله وقالت نا من وبنت عيت من طول
انور ؛؛ ماتقوليش ان طارق الفلان ولد عمك
افنان ؛؛:اها ليش
انور ؛؛ كيف انتي ماشكيتش ولا شنو طارق صاحبي اللي تحكي معه هو ولد عمك تي شن درتي شن عجتني هذا كله بسبب كذبك عليا عجتني الدنيا كلها تو كيف انحط عيني في عين طارق ونا نحكي معاك كيف انحط عيني في عين رفيقي تو كيف ونا نحكي مع بنت عمه ونعترفله في حبي له هو وديمه نحكي عليك عنده تي كيف تبني تو انحط عيني في عينه
مراد ؛؛ انصدم وقعد ايبحت فيها
افنان ؛؛ اقعدت تبكي ومنهاره
والله يا مراد ماكنت عارفه ان طارق اللي نحكي معه هو نفس طارق ولد عمي والله خايفه منه والله عارفته يقتلني قتل
مراد ؛؛ قعد ايخبط في اكراعه علي الارض بالقوه
نا ؛؛ طول عرفت ان الموضوع كبير وقعدت منشغله وانبحت والصبابا افطلن ان افنان تبكي ومراد ايخبط في اكراعه
وطلع طارق لجنان وشافهم
طول افنان نزلت راسها وتمت تمسح
مراد ؛؛ خاف عليها من طارق
افنان خشي اغسلي وجك وتو انجيك نا جو
افنان ؛؛ مازالت ما كملت الموضوع
مراد ؛؛ خشي وتو نلحقك خشي وما تخليش طارق يفطن
افنان ؛؛ اتصدق ان طارق لعند امبدري دزلي رساله عيديه علي اساس افنان صاحبت صاحبه
مراد ؛؛ مازالتي تحكي مع انور
افنان ؛؛ انور يبني بحلال ولما عرف بنت عيت من تفترقنا صاح شهر وردينا وقالي اللي خلني انرد اني انحبك وعرفتك بنت ناس صاح ومش ح نلاقي خير منكم اناسبكم وهو يبي يخطب بس خايف يخسر طارق لان طارق طول ح يعرفها نا افنان نفسها ويحسابه ان هو اللي يكذب مش نا
مراد ؛؛ نقانك عجنتيها بكل
طارق ؛؛ كنكم فيش تحكو
مراد ؛؛ مش شورك انت
وبحت في افنان وفنص افنان طول افهمت عليه وصبت ابسرعه للحوش
عمتي ؛؛ الستر البنت كنها
اختها ؛؛ مريضه واكيده تسال في مراد من امس قالت تو انقول لمراد
امها ؛؛ كنها فيش اتحس
اختها ؛؛ ماانتي عارفه لما تمرض هي تقوه معها ويقعد ظهرها يوجع فيها بكل
امها ؛ هذا امر طبيعي تو من جدها تمشي اتقولها للمراد بصحة وجه هذه
الهام ؛؛ عادي شن فيها مراد عنده عادي خلاص تعود علي حكي مع الصبايا بمواضيع هذين
عمتي ؛؛ تو يكتبلها شيء دواء وتبرا
هدي ؛؛ خلاص هورني هري شي قهوه شيء شاهي تعبت بكل
نا ؛ وين حمادي
هدي ؛؛ راقد حتي البنات رقدن
الهام ؛؛ احسن افتكينا منهن
نا ؛؛ وعيات بدري عاد اليوم
عمتي ؛؛ نا نبي انصبي انحط الغداء علي النار خلاص
هدي ؛؛:ياخي كان اتخلونا نشو اخر خير
عمتي ؛؛ يابتي خلي الرجاله اتريحو تو في الليل انديرو اشويات
مراد ؛؛ ايه تعالي نبيك
نا ؛؛ نعم
وجيت وقعمزت جنبه وهو مبتسم
نا ؛؛ راه راقيلي منك
مراد ؛؛ عارف وهذا عليش امكلمك
نا ؛؛ غرت عليك
مراد ؛؛ صايرتلها مشكله وتبني انحلها
نا ؛؛ ان شاءالله خير
مراد ؛؛ الحق صعبه اشويه لانها طقت في طارق
هذين هن البنات يقعدن ايعجننا من وراء هلنا نين اطيحن ويقعدن ايدورن في من ايساعدهن
نا ؛؛ ليش شن في
مراد ؛؛ نسمع كلام طالع هكي ولاه هكي راه خيرلك
نا ؛؛ ماتحكيش باهي
مراد؛ ؛ ههههه ﻻﻻ نبي نحكيلك لاني نبيك اتخشي تحكي معها مانبيش طارق ايشوفني نحكي معها
نا ؛؛ شن في ماتحرقش دمي
مراد ؛؛……….
نا ؛؛ عليك بخت بختها ما لقت مااطيح الا في صاحب طارق
طارق ؛؛ مش عارف ليش اليوم راكبلي بوفهاق
وطلع حاتم لجنان
حاتم ؛؛ علي اساس شخصيه
طارق ؛؛ كني ياحاتم نعجبك راه
حاتم ؛؛ علي الاخير اخر
هيا ياصبابا مازالتن ماكملتنا
عمتي ؛؛؛كملنا امغير انهدرزو
حاتم ؛؛ به خشن ل حوش احسن شمس قويه بكل
عمتي ؛؛ ﻻ ماهي قويه اهو شوف مراد لابس جاكه
مراد ؛؛ نقانه صقع من الاخير
نا ؛؛ هههههه ياعيني
وخر ايده مراد لاوره و اتكا بمرافقه علي الكراسي وايديه في اجيوبه
اس انتي راه تو انوريك علي قلة غسلت الدوراه
نا ؛؛ ههههههه وانت ما ذبحتش
مراد ؛؛؛عادي قلت الذبح الدوه في الدواره اللي ماتغسلي فيها ياباير
نا ؛؛ مراااااد نا بايره
مراد ؛؛ اسسسسس وطي حسك كشفتي بروحك
طارق ؛؛ نا سمعت وفضت
هدي ؛؛ حتي نا
مراد ؛ بحت فيا ورفع حاجبه
اصدقت رجاء
نا ؛؛ فنصت فيه بيش يسكت مايقولش عبيطه
مراد ؛؛ هههههههههه
طارق ؛؛ كنها شن قايله الجالطه هذاكي
مراد ؛؛ وانت كنك حاشر روحك
طارق ؛؛ ساحنه كبدي
نا ؛؛ خطرت عليا نبي انكلمهم اكيده حتي هم كملو
هدي ؛؛ عمتي عندكم صاح
نا ؛؛ اكيده من امس في الليل
مراد عطني فونك
مراد ؛؛ وانتي وين فونك
نا ؛؛ مازال فوق مازالت ماشفته بكل
طارق ؛؛ تبي فوني اتكلمي رجاء
نا ؛ هههههه رجاء عندهش فون
مراد ؛؛ ريح اعظامك انت
طارق ؛؛؛عندهش سمحه هذه
ومدلي مراد فونه
ورنيت علي اميره وماردتش عليا
رنيت علي ايمان
نا ؛؛ اهلا وينكن
ايمان ؛: في الحوسه
نا ؛؛ كل سنه وانتم طيبين
ايمان ؛؛ وانتي طيبه شن الهرجه اللي احذاك
نا ؛؛ قاعدين في الجنان
ايمان ؛؛ تو كملنا نا واميره تسيق الجنان
نا ؛؛ وين ماما
ايمان ؛؛ قاعده مع صبابا خوتك وخالتي فاطمه طبعا نقدرش نعطيك تحكي معها
نا ؛؛ اهاا وين رجاء
ايمان ؛؛ متمرقده ماعيدتش معانا من الاول
نا ؛؛ كنها شن في
بحت طارق طول فيا وهو مستغرب
ايمان ؛؛ تكتها مع روحها غابيه فيها جيتها حالتها
نا ؛؛ ههههه اها به ماجتها الا يوم
ايمان ؛؛ ﻻن صبحت في وجه نعيمه
نا؛؛ ههههههههه باهي عاطيه ليا
ايمان ؛؛ رجاء تبيك ايه
رجاء ؛؛ خطوني كذا
ايمان ؛؛ مابتش
نا ؛؛ تكتها برسمي
ايمان ؛؛ تي من الصبح امشيره عندها
رحاء ؛؛ سادك وانتي اتقرمي راه انصبيلك
ايمان ؛؛ خلاص هيا فكينا منها هيا نبي انكلم حمودي حبيبي احسنلي قاعد يذبح
نا ؛ بحتتت في مراد ونضحك
اهااا قصدك احمد خطيبك هو اللي يذبح عند هله
ايمان ؛؛ اها هو اللي يذبح
طارق ؛؛ بحت في مراد
اتعاير شيء هذه
مراد ،؛ نهارها بعدها
طارق ؛؛ تي شكلها اتعاير وانت ساكت
مراد ؛؛ بحتت فيا ومستغرب
نا ؛؛ خلاص ايمان سلام تو
ايمان ؛؛ سلام اسمعي
نا ؛؛ نعم
ايمان ؛؛ جايه الليله
نا ؛؛ مش عارفه انشوف مراد
ايمان ؛؛ به سلام ياحنه قبل نبي انقولك راه في الليل جايني احمد جايبلي عيديتي
نا ؛؛ كيف اليوم غريبه
ايمان ؛؛ ياخيتي كان عندي امتحانات وانتي جوك شين حسيتها سامطه انقول ايجي قالت جايبها في العيد في الليل تو نا واميره نبو انديرو سلايط واشويات بيش نعطو ل وليد و احمد منهن
نا ؛؛ اتنسقنا عاد انتن
ايمان ؛؛ وليد امس في الليل جانا و جايب هله وجاب ل اميره افلوس عيديتها وخالد حتي هو عطي ل امل افلوس
قالنا يبنا يطلعنا مع بعضهن يشرن بتاتهن
نا ؛؛ اها باهي اطلعي معهن
طارق ؛؛ هدرز هذه
هدي؛؛ هههههه ايمان بذات دوتها واجده المشكله لما اتشوفها اتقول هاديه بس لما تهدرز ماعاد تسكت
ايمان ؛؛ القرم نسمع فيها قولي لهدي
نا ؛؛ هههههه قالتلك نسمع في قرمتك
هدي ؛؛ هههههههه قرمة خير ماتخافيش
وسكرت منها
مراد ؛؛؛رفعلي حاجبه ونزله معناتها صبي جو
صبيت و خشيت والقيت افنان تحكي بالفون في المطبخ وتبكي واول ما خشيت عليها نزلت الفون وبرمت وجها وتمت تمسح في ادموعها
نا ؛؛ افنان ممكن اشويه
افنان ؛؛ تمسح في دموعها وترعش وبصوت دوبه طالع
نعم تفضلي
نا ؛؛ مراد يبي يحكي معاك بس راه مش ح تاخذو راحتكم الا فوق في شقتنا
افنان ؛؛ برمت وجها بسرعه
قصدك انتي عرفتي
نا؛؛ قالي عدي شوفيها وهوني عليها ويبك تكوني صادقه معه
افنان ؛؛ والله نا صادقه والله مانكذب والله ماكنت نعرفه ان صاحب طارق الا قبل الفرح هاجر عرفته
نا ؛؛ به تعالي نركبو تو ايخشو علينا وامبدري امك تسال كنك
افنان ؛؛ به
وخذيتها وركبتها فوق وخليتها تغسل وجها وعطيتها عصير تشرب
افنان ؛؛ شكرا ياايه
نا ؛؛ عفوا ياريتك جيتني حكيتلي نا قبل راه عرفت انوصلها لمراد
افنان ؛؛ اصلا موضوعي ماحد يعرفه الا اختي الكبيره بس
وهي اللي شجعتني نحكي ل مراد بعد شفنه قديش ايحبك وشن دار علشان خاطرك نا في بدايه جيت وسالت اختك رجاء نحسابها في علاقه بينها وبين طارق لما شفتها تحكي واتعارك مع طارق قالت انقوللها بالكي توصلها ل طارق بطريقه احلي بس هي قالت مانعرفش
نا ؛؛:ﻻﻻ مافي شيء بين طارق ورجاء
انتي تو احكيلي شن كنتي تحكي معه
افنان ؛؛ قالتله راه حكيت مع مراد
وهو متوقع ايجيه طارق الليل ويضربه واتصير مشكله وقالي نقدرش انمد يدي عليه رفيقي ومعه الحق
نا ؛؛ موضوعك صعب الحق
افنان ؛؛ مراد شن يبي ادير
نا ؛؛:قالي تو انجيكن
اكيده شفتيه في الفرح هاجر صاح
افنان ؛؛ اول مره انشوفه ونشبع منه في فرح هاجر عارفتيه هو اللي ايمتع مع طارق في شيلت الدبش وهو ماتحركش بكل من قدام الحوش وشفته كم مره
نا ؛؛ يعني كنتو ردين في فرح هاجر
افنان ؛؛ اها ردينا تعرفت عليه وبعد سنه و5 شهور تفرقنا شهر وردينا تو قبل الفرح
بس قالي ضروري نخطبك وقاعد ايفكر كيف ايقولها للطارق
وطارق معش حكيت معه بس في رسال بينتنا لعند الصبح دزلي رساله عيديه ونا خايفه يعرفني
ودق الباب
نا ؛؛:اكيده مراد يبيش ايخش طول
وصبيت وفتحت الباب والقيته
مراد ؛؛ كنك ركبتنا هنا
نا ؛؛ لوطه ايشوفها هلها يعرفو قالت هنا احسن
مراد ؛؛ اها غاده هي اللي قالت اركبت هي وافنان في الشقه
نا ؛؛ هه شفت اهو طلعت غاده فاطنه
مراد ؛؛ ساهله
وخش مراد عليها ولقها تبكي
مراد ؛؛ افنان خلاص ابكاء اللي صار صار تو المهم في طارق تو
افنان ؛؛ خايفه منه ومن بابا
مراد ؛؛ كان انور يبيك صاح ايجني ويحكي معي ونا ح انوجه لطارق
افنان ؛؛ اها يبي يخطب تو كنت نحكي معه بس هو مايبيش يخسر طارق
مراد ؛؛ به عطيني رقمه ومعش تحكي مع طارق او ادزيله رساله
افنان ؛؛ حاضر اصلا نا من اول ماعرفت الموضوع معش حكيت معه خفت يعرف صوتي
مرا؛؛ ملي عليا الرقم
افنان ،؛ 09………
مراد ؛؛ خلاص انزلنا وماتحكيش لحد وتو انتفاهم معهم انا
افنان ؛؛ شكرا يامراد و سامحني حطيتك في موقف محرج
مراد ؛؛ لا عادي انتي خيتي ياهبله هيا انزلنا
وطلعت افنان وجيت نبي نطلع وراها شفت مراد ايحول في جاكه
جيته قربت منه
مراد ؛؛ كنك
نا؛ اتهبل
مراد ؛؛ امرفع حاجبه والابتسامه علي وجه
وشن خطرها تو
نا ؛؛ ههههه اول مره انشوفك بالجاكه وجايه اتجنن عليك فيها حاجه جذابه
مراد ؛؛ اهاااا جذابه
تو انوريك ونزل عليا وشالني وحطني علي الكنبه
وغمزلي
صار جذابه صار
ونا شن اقول علي اللي امرايف عليها ولابسه جينز ضابط وتيشرت اللي اقريب ايودرني
نا ؛؛ ههههههههه حبيبي عيب
مراد ؛؛ وراسك ماهو عيب عادي
ونزل عليا وباسني وتم ايبوس فيا
نا ؛؛ ههه حبيبي عيب نبي ننزل
مراد ؛؛ ﻻﻻ فيش نزول خليك هنا جنبي
وقعدنا نا ومراد وبدون مانحسو بروحنا رقدنا
اوعي مراد مره وحده ومسك فونه
مراد ؛؛ وووو رقدنا الوقت هذا كله
نا ؛؛حسيت به نط وسمعته
كيف ساعه كم
مراد ؛؛ جبد النوم شورك ساعه 6 توا
نا ؛؛ هييييييي 6
مراد ؛؛ اها
نا ؛؛ كلاها منك انقولك خليني نطلع واتقولي لا لا خلني نرقد وبعدها اطلعي ونا رقدت وانت مارقدت
مراد ؛؛ ههههههه شفتك رقدتي اضبطتك ورقدت طول مابيتش نزعجك
نا ؛؛ تقدر والله
مراد ؛؛ ههههه وشن وراك خلاص انزلي شوفيهم اكيده افنان تحرق
نا ؛؛ مش امغير حبيبي نسالك امتي اتشيلنا لهلي انعيد عليهم
مراد ؛؛ بكره اليوم عيت عمي وخوتي قاعدين نبيش نطلع وتو ايجو باقي اعمامي هنا
نا ؛؛ اها به هيا
ومشيت وغسلت وجي وطلعت
خش مراد ودار دوش وطلع وشافني
اندير في ميك اب
مراد ؛؛ سادك سادك وانتي ادكني
نا ؛ هههههه حاجه خفيفه
مراد ؛؛ امسحي اللي علي فمك
نا ؛؛:حبيبيييييييي
مراد ؛؛ ﻻ حبيبي لا شيء امسحي اللي علي فمك تحشمي في شباب لوطه ورجاله اكبار
نا ؛؛ حاضر
ومسحت روجي ودرت لون وردي خفيف ونزلت ونزل وراي مراد
والقيت الحوش امعبي
سلمت عليهم وقعمزت وبعدها فجاء سمعنا صوت
هدي ؛؛ وووووو صوت هاجر
وطلعت هدي تجري ولقت هاجر اتسلم علي خواتها في الجنان
طول تمت تضبط فيها وتبكي ونا والهام لحقنها
هدي ؛؛ وهي تبكي
فقدتك باحقيره فقدتك الدار بلاك شينه
هاجر ؛؛امررررررررااااايفه عليكم امرايفه
هدي ؛؛ نجك ليااااااااا نجك لياااااااا
نا والهام من كثر الموقف يقهر تمينا نبكو
نا عاد شوري الدموع
مراد ؛؛ بحت فينا وانصدم
الهام ؛؛ حولي ياهدي خلينا ناخذو قرعتنا
هاجر ؛؛ طول اضبطتها
الهومه شن اخبارك
الهام ؛؛ والعبره خنقتها
والله الحوش شين بلاك والله فيه حاجه ناقصه
طارق ؛؛ لما شاف هاجر وهي تبكي وحالتها حاله
وهو شاد علي روحه
ماسك روحه بالغصب وكان خاطر يضبط هاجر بس تحشم قدام راجلها هاجر كانت اكتر وحده قريبه منه وكانو ديمه يتعاركو
هاجر بلا ابكاء تفجعي الراجل بعدها
اسامه ؛؛ ههههههه خليها
مراد ؛؛ خش تفضل اسامه
حاتم ؛؛ وين ايخش وعيت حنه امسكرات علينا الباب
الهام حولت و كرت هاجر جو
وهاحر من كتر البكاء مافطنتنيش
نا خشيت قبلها وسبقتها وخشيت للمطبخ
وجا وراي طارق
طارق ؛؛ كلميها ليا
نا ؛؛ من هاجر
طارق ؛؛ اهاا
نا ؛؛ به
وطلعت والقيت هاجر مازالت اتسلم عاد الحوش امعبي
ولما جيتها وقربت منها نا
هاجر ؛؛ انصدمت
وييييييييه
نجك ليااااااا وطول تمت تضبظ فيا وتبكي نين بكتني معها اخر
شفتي بختي اكتر وحده وتت معي وصبتلي هي اللي متحضرش فرحي
نا ؛؛ نصيب
هاجر ؛؛ والله مراد ياعوينه بيك
نا ؛؛ نجك ليا تعالي نبيك في المطبخ
وكريتها وخشت ولقت طارق امصبي وكاين متوتر وخنقته العبره بدرجة اول ماخشت جاها طول واضبطها
طارق ؛؛ والعبره خنقته
ثاريتك اطعمة الحوش ياشينه
هاجر ؛ عرفت قيمتي تو
طارق ؛؛ ههههه مازالتي سامطه
هاجر ؛؛ خويا طارق
طارق ؛؛ وخرها وبحت فيها وامفنص
هااااااجر
هاجر ؛؛ تمت تمسح في دموعها
يااعيونها
طارق ؛؛ نجك ليا خلاص بلا ابكاء واطلعي شوفي الصبايا
هاجر ؛ حاضر
وهي تبي تطلع
طارق ؛؛ هاجر شن اخبارك معه
هاجر ؛ الحمدالله عقبالك
طارق ؛؛ راه اموتيله اي حاجه كلميني
هاجر ؛؛ هههههههههه انعني مانفقدك
وطلعت هاجر وقعمزنا وهدرزنا ودرنا عشاء طبعا علشان العائله كلها التمت وجت حتي حنين
اطرينا انطبخو ماصارش منها الشويات
عمتي ؛ هيا حاتم الحوش فاضي هيا قطع الحلم بيش انخشوه
حاتم ؛؛ والله ياامي ظهري خلاص هيا معي منتصر
منتصر ؛؛ به هيا
حاتم ؛؛ هيا كل وحده اتجيب شكايره بيش انقطلعها الحم
مراد ؛؛ نقاني نا نبي انكمل اشويات
حاتم ؛؛ كنك
مراد؛ فوته خليه ليا اشويات نا الحم واجد
حاتم ؛؛ به معناتها انديرلك انت قبل
وقعمزنا عمتي والهام وغاده بيش ايشكرن الحم
عمتي ؛ ايه تبيش اديرلي قديد
مراد ؛؛ ﻻﻻﻻﻻ فكينا
نا ؛؛ هههه ماتبيش
مراد ؛؛ ﻻﻻﻻﻻﻻ
حاتم خليلي ربع كامل بيش انشيله
حاتم ؛؛ به
منتصر ؛؛ خش يامراد علي الحم
مراد ؛ خليتكم انتو نا عنديش فيه
منتصر ؛؛ نا بالغصب خشيت
وكلمنا حاتم تقطيع لحمنا وركبنا فوق وحطيته في بيت الثلاج
ومشيت درت للعويل حمامات ساخنه ولابستهم وطول ارقدو
مراد ؛؛ تعبنين العويل
نا ؛؛ اهاااا بكل شكلهم
مراد ؛؛ تعالي هنا
نا ؛؛ نعم
وجيته ورقدت جنبه و……
وعيت تاني يوم علي صوت هرجة حمادي
مراد ؛؛ إزعاج ياحمادي علي الصبح
نا ؛؛ هههههه صبي جيبه
مراد ؛؛ تي قاعد ايخبط في سريره
نا ؛؛ افطن تو لمار اتجينا بيش اتخش وترقد هنا
مراد ؛؛ ههههههه اهي ادق
نا ؛؛ عارفه طبايعه
وصبيت وفتحتلها الباب طبعا مابحتتش فيا بكل طول خشت للسرير علي مراد
ومراد اضبطها وارقدت في حضنه
ونا جبت حمادي وخشيت لسرير
مراد ؛؛ فكيني منه المزجع هذا
نا ؛؛ ههههههه خليه
حمادي ؛؛ باباااا
نا ؛؛ نجك ليا قول ايه هيا ايه ايه
حمادي؛ ؛ ايا
نا ؛؛ نجك ليا اهو قال ايا
مراد ؛؛ هههههه اهبال نا نبي نرقد
نا ؛؛ حبيبي راه ساعه 10 تو
مراد؛؛ هيا تو انصبي
وصب مراد وادوش وقعمز علي الكنبه االي في صاله ونا درتله قهوه وفطرت العويل
مراد ؛؛ هيا غدانا عند امي عيشه
لمار ؛؛ توووو يابابا
مراد ؛؛ اها عدي غيري
نا ؛؛ تبينا نتغدو عند هلي
مراد ؛؛ اها هيا بس راه بكره هم عشاهم هنا اعزميهم بكره
نا ؛ هنا في الشقه
مراد ؛؛ ﻻﻻ في الجنان خلي امك وخواتك ايجنا ونعزمو حتي هلي كلهم نا هذا عليش قالت لحاتم نبي اشويلت واجد
نا ؛؛ به حبيبي
وصبينا وغيرن دبشنا وخذين الحم ومشينا للهلي والقينا ماما دايره عصبان
ومش يوم و ما روحنا الا في الليل
وتاني يوم وعيت وطلعت الحم وعجنت بيتزا وطلعت مفروم ودرته كباب
ودرت سلايط للعشاء
ومشي الوقت ونا انوتي وتغدينا وقيلنا اشويه علي ساعه 4 ونص نزلت لوطه لهدي
هدي ؛؛ اليوم معزومين عندكم
نا ؛؛ اها حتي هلي
هدي ؛؛ تحكي جد
نا ؛؛ مراد هو اللي قالي اعزميهم كلهم علي طلعتي من المستشفي والعيد ضربها 2 ×1
هدي ؛؛ شاطر خويا هذا
نزلت الحاجات لوطه ومراد جاب عصير وغازي وهدي دارت بطاطه مقليه
وفرشنا نا وهدي الجنان وجت الهام ونزلت غاده
هدي ؛؛ طاااارق الباب
طارق ؛؛ اني جاي نفتحه
ومشي طارق وفتح ولقي ماما وخواتي
سلم علي ماما بس باليد وخششهم وشاف رجاء ساكته وهاديه وكان باين جوها مش تمام
عمتي ؛ مرحبتين بيكم
ماما ؛ كيف حالك
عمتي ؛؛ والله زعلانه منك يا عيشه معقوله ماتجي للفرح به ايه مريضه انتي ليش مااتجيش
ماما ؛؛ والله نكدت وقعدت منشغله علي ايه في فرح هدي ان شاءالله
عمتي ؛؛ ان شاءالله اميره وايمان
هدي ؛؛ حولن عبايتكن
رجاء ؛؛ علي اللي لابس
وحولنا اميره وايمان عبايتهن وايمان حولت خماره
واميره اول ما انخطبت معش تمت تلابس فيه الخمار لان عادل معش دقق و وليد مش راضي عليه
وطبعا رجاء عايشه حياتها لا عبايه ولا خمار
الهام ؛ اليوم جونا بري قالنا نقعدو هنا بره احسن
ماما ؛؛ اها والله احسن
وقعمزنا وطبعا انا وهدي عدينا وجابنا عصير وشكولاطه وقدمن
هدي ؛؛ شن اخبار جيرانكم
رجاء ؛؛ نسؤالك انتي
هدي ؛؛ كلا انتي ماتهلبي بكل
وخش مراد وكان معه حاتم
وسلمو وقعمزو بعيد عند الشويه وكانو عاطين بظهرهم وبدو في الشويات
حاتم ؛؛ وين منتصر
غاده ؛؛ زارد مع اصحابه
عمتي ؛؛ هذه عادته 3 يوم العيد مع اصحابه
وجا طارق
طارق ؛ ونا شن عادتي
رجاء ؛؛ بحتت فيه بنظرة بالجنب
عمتي ؛؛ انت طلقت اللسان
كلنا ؛؛ هههههههههه
رجاء ؛؛ ههههههههه عادي الاحراج مره مره ايصير
طارق ؛؛ ما في ناس ضروري تطلقي السانك عليهم
الهام ؛؛ بس سبحان الله كل انسان في انسان تاني مايقدرش عليه
هدي ؛؛ ههههههه قويه هذه يا الهام
حاتم ؛؛ بصوت واطي يحكي لمراد
وين البنات اسماح وطارق يدحنس
مراد ؛؛ مش فضيات هي ممكن وحده ومايقدرش عليها
حاتم ؛؛ ماتقولش اللي لابسه برتقالي
مراد ؛؛ اها
حاتم ؛؛ علي قولت طارق طرف من الاخير
مراد ؛؛ هههههههه اعيونك ياشاب
حاتم ؛؛ ههههههه اين شاب قول شايب راحت علينا
مراد ؛؛ الهااااام
الهام ؛؛ نعم
حاتم ؛؛ تي اسكت ياراجل
طارق ؛؛ انقدذي روحك يالهام حاتم ايقرم فيك
الهام ؛؛ الله ايربحك ياحاتم قرم اخر بيش نقصنا اذنوبي
رجاء ؛؛ بعدك الذنوب واجد ويش ايحولهن
الهام ؛؛ ههههههههه كان شي انتي
رجاء ؛؛ اي والله نا يبن بحر بيش يمسحن
طارق ؛؛ وكنك شن دايره
حاتم ؛؛ خوك برسمي يدحنس
مراد ؛؛ ههههههههه طاااارق افتح الباب اكيده عمتي
هدي ؛؛ عمتي فاطمه قصدكم
نا ؛؛ اكيده
ومشي طارق فتح الباب وخش خالي وخالتي ومعهم اعيالهم سلمنا عليهم وقعمزنا طبعا بعد جا خالي الرجاله ابتعدو اخر منا
ومشت رجاء لخالي
رجاء ؛؛ خالي فونك اشويه نبي انكلم امل
خالي ؛؛ اهو خوذيه
رجاء ؛؛ شكرا
وخذت رجاء الفون ومشت لجنان الخلفي وحولت وشاحها واطقت شعرها تبي اتلمه
وحطت رقم سراج تبي اترن وايجيها طارق ونتش الفون
طارق ؛؛في من اتكلمي
رجاء ؛؛ تي حول انت شن دخلك هات فون هنا
طارق ؛ رفع يده فوق بيش رجاء مااطقش الفون
رجاء ؛؛ تي هات هنا
طارق ؛؛ احكي قبل
رجاء ؛؛ خليه عندك نقعه واشرب مية
وهي مشت وطارق ايشدها من دبشها من لاوره بقوه نين طارت سلستها وطاحت لوطه
رجاء ؛؛ تي اهااااااا هيييييييي سلسلتي
عطك كسر يا……
طارق ؛؛ وهو متعصب
يامن
رجاء ؛؛ نبيش نطلق الساني
طارق ؛؛ لا اطلقي كذا
رجاء ؛؛ اعيونها ملينات ادموع
والله ماوقتك ياطارق نبي نمشي لهلي
طارق ؛؛خوذي الفون وعدي بس ماتحكيش به
رحاء ؛؛ وانت من نين اتحكم فيا
طارق ؛؛ انتي بدال هنا في حوشنا احترمينا وتاخذيش راحتك
رجاء ؛ كني فيش اتحق فيا اندير
طارق ؛ طايشه
رجاء ؛ كذا خطيني والله ماعندي لك جو
طارق ؛؛ خوذي الفون وطول عطيه له راه انقولها لخالك انك طالعه في فرح من وراهم وتو تبي اتحطي رقم تبي تتصلي واكيده شاب اللي حافظه رقمه بسرعه هكي كتبتيه
رجاء ؛؛ وكان شاب مانكلمش من فون خالي نا انكلم في صاحبتي خطيبة خويا نبيها ضروري بس
طارق ؛ احبقت هنا تحكي معها
رجاء ؛ دخلكش
طارق ؛؛ مانيش عيل راه
امشي قدامي وعطي الفون لخالك
مشت رجاء وابتعدت منه ولمت شعرها وحطت الوشاح
ولفت وشافته امصبي في مكانه وايبحت فيها
اصلا انت شخصيه مريضه وكل شيء عندك مدت يد يا مريض ياتعبان نفسيا
وعدت تجري وجتنا
طارق ؛؛ ضحك واعجبه اعناد رجاء
ولحقها ولشافها قعمزت ونحن حطينا العشاء ونحن انتعشو
ايمان ؛؛ اميره رني علي خالد خلاص احمد وهو ايرن
اميره ؛؛ به
نا ؛؛ بدري
رجاء ؛؛ الافندي احمد قال روحو
هدي ؛؛ ههههه حلوه الافندي
رجاء ؛؛ نحبش حد ايتحكم فيا بكل
ايمان ؛؛ تو لما تنخطبي نلقوك تسمعي وتستقبلي في الاوامر
رجاء ؛؛ ههههههههه نقعدش بعدها رجاء بنت بوها
الهام ؛؛ هههههه هكي احسن رجاء
رجاء ؛؛ الحياه الحريه فيها جو خيالي
وطارق ؛؛ التفت وبحت في رجاء
حاتم ؛ بحت في مراد
تي شن قالت نا تي من الاخير
مراد؛؛ ههههههههه
وكملنا العشاء ولمينا المواعين
خالي ؛؛ هيا يابنات تو انروح بيكم نا
عمتي ؛؛ بدري
خالي ؛؛ ﻻ وين البنات عندهن مدارس
ايمان ؛؛ عندي امتحان نبي انراجع عليه قبل ما نرقد
عمتي ؛؛:به ربي يوفقكن
بيش اتعاودنها جيتكم هذه
ماما ؛؛ ان شاءالله
وطلعو هلي وعيت خالي
وطارق وقعمز وايفكر
خاتم ؛؛ تي والله مانقعد نا حاتم وكان ماجماعه كانت تدحنس
مراد ؛؛ طارق من الاخير فوت رجاء راه خيرلك
طارق ؛ تي من جا شورها هذه
مراد ؛؛ تي شفتك لحقتها مانش اعيال
طارق ؛؛ من الاخير البنت حاجه غريبه
مراد ؛؛ فوتها نا قالت راه نسمع شيء حاجه ماتشوفش خير ماتحشمنيش معهم
طارق ؛؛ عيب خوك عارف احدوده
مراد ؛؛ خطرها بكره نبيك انت وانور في موضوع
طارق ؛؛ انور لها كم يوم رايح يبي يخطب ولاهي
مراد ؛؛ بكره نبيكم
طارق ؛؛ تي ليش بكره تو انرن عليه تو ايجي تو
مراد ؛؛ به كان اقريب خليه ايجي
طارق ؛؛ به
ورن طارق علي انور وقاله عطني ربع ساعه وانجيك
ونحن لمينا الحوس وكل وحده فينا عدت لشقتها
وجا انور وخششهم مراد للمربوعه
مراد ؛؛ شن جو ياانور
انور ؛؛ تمام الحمدالله
مراد ؛؛ طارق نا كلمتكم مع بعضعكم لان في موضوع نبيك انت اتكون عاقل واتفكر بعقلك
طارق ؛ احكي شن فيها
مراد ؛؛ انور تعرف علي بنت وحبها وانت تقريبا عارف الموضوع
طارق ؛؛ وبه نا كني
مراد ؛؛؛انور صاحبك وعارفه وعارف نيته
خلاص البنت اللي يعرفها واللي ايحبها اطلعت كاذايه عليه ومش قايلتله بنت عيت من
طارق ؛ من هذه يا انور
انور ؛ راسه لوطه ومتعقد
مراد ؛؛ افنان
طارق ؛ اوكي اها نعرفها افنان كنها
مراد ؛؛ اطلعت هي نفسها افنان بنت عمك
طارق ؛ شن
مراد ؛؛ افنان تحكي معاكم ومش عارفتكم
طارق ؛؛ قصدك يا انور اللي اتشط معها هي نفسها افنان بنت عمي
مراد ؛؛؛الغلط مش من انور الغلط منها هي اللي ماقالتش اسمها من الاول
انور ؛؛ طارق ماتفنيش غلط نا ماليش كم يوم عرفتها ونا قالتلها طول طارق ضروري يعلم
طارق ؛ ياعن ……..
تي والله نقتلها
وصب طارق و……….
يتبع
يتبع