مسلسل سعاده كاذبه التكملة

مسلسل سعاده كاذبه

الحلقه 54

مراد ؛؛ اطلعت هي نفسها افنان بنت عمك

طارق ؛ شن
مراد ؛؛ افنان تحكي معاكم ومش عارفتكم
طارق ؛؛ قصدك يا انور اللي اتشط معها كل ليله هي نفسها افنان بنت عمي
مراد ؛؛؛الغلط مش من انور الغلط منها هي اللي ماقالتش اسمها من الاول

انور ؛؛ طارق ماتفهمش غلط نا ماليش كم يوم عرفتها ونا قالتلها طول طارق ضروري يعلم

طارق ؛ ياعن ……..
تي والله نقتلها

وصب طارق ويبي يطلع امسكه انور

طارق ؛؛ حول راه انكسرك ياعيل
انور ؛؛ طارق مانقدرش انخليك تمشي تضربها
طارق ؛؛ معناتها اشهد علي روحك

وجا طارق يبي ايمد يده علي انور
جا مراد ومسكه

مراد ؛؛ طاااارق ﻻﻻﻻ
هذا رفيقك كيف تبي اتمد يدك

طارق ؛ برم وجه وخبط الصالون بكراعه وخذا التحفه من فوق الطاوله وعزقها علي الساس اللي وراء انور

مراد ؛؛ طااارق انا قالت تفاهم الموقف انور ماغلطش
طارق ؛؛ ﻻ غلط
مراد ؛؛ كيف انت مش حاط ثقة في رفيقك ولا شنو
طارق ؛؛ مايغفلنيش ايخلي فيا نحكي معها تي لعند يوم العيد دزيتلها رساله

انور ؛ طارق انت عارف اني حبيت افنان البنت المحترم الكويسه اللي غيرتني للاحسن علي قولتك
ولا انسيت انك يوم من الايام جيتني وقالتلي اللي غيرتك وحبيته الحب هذا ماتخلش عنها وحافظ عليها اهو شوف ياطارق اني جاي بيش انحافظ عليها ونخطبها منك قبل من هلها

طارق ؛؛ بس مش …..

قاطعه انور

انور ؛؛ كيف ياطارق مانشرفكش انا ولا شنو نين اناسبك و ناخذ بنت عمك

طارق ؛؛ كلام انور كان واعر وهو اللي خله يسكت

مراد ؛؛ طارق خلاص نصيبه عندنا واهو رفيقك يبي يقعد من العائله

طارق ؛؛ بس قصة رفاقتنا انتهت
وهي احسابها

وطلع طارق ابسرعه

انور ؛؛؛ انصدم من كلمة طارق
مرلد ؛؛انت عارفه متهور وعصبي خليه تو ادير اللي يبها وبعدين راضيه

انور ؛؛؛ قعد حاط يده علي راسه

الله ايسامحك ياافنان الله ايسامحك

مراد ؛؛ بكره راه نبي صبايا ايجن لعيت عمي
انور ؛؛ وطارق
مراد ؛؛ ح يرضي وح نحكي معه نا خلاص روح تو وماتحاولش تحكي معه الليله

انور ؛؛ ان شاءالله وسامحني يامراد
مراد ؛؛ ﻻ عادي ياانور ونا عارفه مش غلطك وهذا نصيبك
انور ؛؛ تصبح علي الخير

وطلع انور وجت عمتي تجري
عمتي ؛؛ مراد كنهم اصواته عاليه
مراد؛؛ موضوع بسيط بس
عمتي ؛؛ ﻻ والله سمعت تخبيط اهو امكسرني التحفه
مراد ؛؛ مشكله بسيطه وطارق وانتي عارفتيه متهور

وركب مراد فوق للشقه

……
طارق ؛؛ يجري بسياره وايخبط في دومان سياره ومتعقد ويبرم في الشوارع مش عرف من اللي غالط هي اللي اغفلته واغفلت هلها وحكت مع صاحبه ولاه انور اللي اغفله وحكي مع بنت عمه وخله يحكي حتي هو معها ولاه الغلط فيه لان تخلي علي رفيق العمر بكلمه

وطلع الفون وتمه ايرن علي افنان

افنان لما شافت رقم طارق خافت
افنان ؛؛ حي عليا هذا ايرن شن اندير
اختها اسمها اسماء ؛؛ عرف شكله
افنان ؛؛ قالي انور ماشي لعيت عمي امكلمه مراد اكيد عرف

اسماء ؛؛ ماترديش عليه فوتيه
افنان ؛؛ هاتي فونك انرن علي انور وانقوله

اسماء ؛؛ ابسرعه ابسرعه

افنان ؛؛ ها انور هذا رقم اسماء اختي
انور ؛؛ كنك شن في ووين فونك

افنان ؛؛ طارق ايرن عليا من امبدري خفت انكلمك يعرفها طول

انور :؛ ياعنجدي وخلاص اسمعي ماترديش عليه نا طلعت من حوش عمك وتو انجي انشوف الجو عندكم
افنان ؛ خايفه ايجني ايكسرني بعدها حتي خوتي ماهم قاعدين تو ياخذ راحته
انور ؛؛ ﻻﻻ تو انجيكن تريحي بس ماترديش وخليك معي علي فون اختك

افنان ؛؛ باهي

ومشي انور وقعد في شارع هلها
وهو يرجا في طارق وكان متوقعه ايجي

وفجاء سمع صوت سياره تجري وبحت لقها سيارة طارق

ونزل طارق من السياره
وحاه انور يجري

انور ؛؛ طاااااارق
طارق ؛ انت شن تبي جاي هنا
انور ؛؛ عارفك ح اتجي هنا
طارق ؛؛ اهااا صار عارف كيف امكلتك وقاللتك طارق ايرن
انور ؛؛ طارق هدي انت البنت اصغيره ونا نبيها بحلال ليش متفاعل انت

طارق ؛؛ ماتغفلنيش شن يعني هي مش عارفتك انك صاحبي به مش عارفتني ان نا طارق ولد عمها ولا تحكي معي واتغفل فيا

وقعد ايخبط علي باب الحوش

اسماء ؛؛ حي علينا صوت هرجه بره والباب ايخبط
افنان ؛؛ حي عليا اكيده هو
اسماء ؛؛ رني علي مراد
افنان ؛؛ من ويني رقمه
اسماء ؛؛ تو انكلم هدي
….

انور ؛؛ اقعد ياراجل تو هلها ايجو واديرو جو شين

طارق ؛؛ تي والله انكسرها صار تغفل فيا
افتحوووووووووووووووووووو

امها ؛ يابنات الحوش ايدق اطلعن افتحن
افنان ؛؛ حي عليا تو ايخش
اسماء ؛؛ اني رنيت علي هدي و تو نطلع انشوفه نا اقعدي هنا وماتطلعيش

………..

نا ؛؛ حبيبي الباب ايدق
مراد ؛؛ تي من هذا
وطلع مراد وافتحه
هدي ؛؛ وهي داهشه
مرااد قالتلك اسماء تعال طارق وانور ايتعاركو قدام الحوش

مراد ؛؛ ﻻﻻﻻﻻ باهي اني نازال

وخذا مراد مفتاح السياره وطلع يجري

نا ؛؛ كنك ياهدي
اسماء قالتلي طارق وانور يتعاركو قدام الحوش
نا ؛؛ هيييييي حي عليها
هدي ؛؛ نا عارفه قصتها وقالتلها فوتيه وخلاص خير ماطارق ايسود امعيشتك
نا ؛ تو ايقولها لخوتها
هدي ؛؛ ﻻﻻ طارق مايحكيش بس ادير الموضوع هو وح ايكسرها

…

طلعت اسماء وافتحت الباب
طارق ؛؛ وين اختك الحقيره
انور ؛؛ طارق
طارق ؛؛ انور تحرك من قدامي
اسماء ؛؛ طارق بابا قاعد راقد
طارق ؛؛ تو تطلعي هنا بهدو راه انخش انكرها من جو
انور ؛؛ احترمني ياطارق

وطلعت افنان وهي ترعش وخايفه من باتها ايجي ولا خوتها وايشوفوه
وهي تبكي ومنهاره

افنان ؛؛ طارق والله ماكنت نحسابك انت والله ما كنت نحسابه صاحبك

انور ؛ لما شاف افنان تبكي ومنهاره وتجد في طارق وجعته

طارق ؛؛ جيتي بروحك ياحقيره
وهو مشي شور يبي ايكرها من شعرها
جاه انور ابسرعه ودفه
طارق بدون ماايحس بروحه ضرب انور بوني علي وجه

وافنان تمت اتعيط
اسماء صكرت فم افنان

وايخش عليهم مراد يجري وايكر في طارق من فوق انور

امهم ؛؛ كنكم شن في شن ديرات الفرخات
مراد ؛؛ خشن جو
طارق تعال معي

طارق ؛ ماحد ايحز نا قالت انكسرها يعني والله انكسرها هالحقيره

مراد ؛؛ طاااااااارق راه خيرلك
ودف طارق وطلع من الحوش وطلع انور

مراد ؛؛ شن انتو اصغار ولا شنو نين اتعاركو اطلع تو ياطارق قدامي للحوش

طارق :؛ مانيش
مراد ؛؛ طارق مازالت محترمك راه انت عارفني لما نضرب
طارق ؛؛ تعقد من مراد وركب في سياره

وجاه مراد
مراد ؛؛ نلقك قدامي في الحوش ماتمشيش هكي ولاه هكي

طارق ؛؛ تحرك ومشي بدون مايحكي كلمه

وعدت اسماء تجري وجابت ل مراد و انور ميه

مراد ؛؛ خشي انتي الاخره جو

امهم ؛؛ شن ديرات ياحقيرات انتن سن ديرات

افنان ؛؛ مش ديرات شي طارق هو اللي كبر الموضوع
اسماء ؛؛ اس انتي هي خشي راه ايجي وبابا ايشوفنا
باهي اللي شارع فاضي

امهم ؛؛ انتي يابنت الحرام تعالي هنا احكي شن في راه انقولها لخوتك بيش ايكملو عليك

وكرتها وخششتها للدار وتمت اتهزب فيها وتضرب نين افنان حكتلها الموضوع

امهم ؛؛ حي علينا مالقيت ما اتكلمي الا صاحب طارق ياطيحت السعد
يامتعت علاقات يابنت الحرام

وبدت امها تضرب فيها واسماء اتحز
اسماء ؛؛ خلاص ياماما يبو ايجو يخطبوها
امهم ؛؛ اها يخطبها املاه شنو بعد كشفتها ياوجه الكشايف هاتي نقالك هنا هاتي راه انقولها

افنان ؛؛ انكسر فوني
امهم ؛؛ انكسر عينك هاتي ياحقيره
ودفتها بقوه وطلعت الفون من تحت المخده

اسماء ؛؛ بابا جا اطلعي شوفيه

امهم ؛؛ خافت ايكون راجلها عرف طلعت تجري

اسماء ؛؛ اهي هدي اترن
نعم هدي
هدي ؛؛ شن صار نا وايه قعدات علي اعصابنا
اسماء ؛؛ طارق قبل طق في افنان بس انور حز عليه وقعد يضرب فيه وانور ايدافع بس عليه مابش يضربه بكل وجا مراد وحزها

هدي ؛؛ به افنان انضربت
اسماء ؛؛ ﻻﻻﻻ ماقالت ماطقش فيها بس ماما كملت عليها
صكري صكري انور ايرن
هدي ؛؛ سلام

افنان ؛؛ هاتي الفون انرد عليه
وهي تبكي نعم حبيبي
انور ؛؛كنك مقفل
افنان ؛؛ ماما خذت الفون
تنور ؛؛ سامحيني
افنان ؛؛ نا اللي سامحني سببتلك مشكله بينك وبين رفيقك
انور ؛؛ ﻻ عادي طارق تو ايرد نقدر عليه امغير خليه يهدي بس
اسمعي راه هلي بكره ح ايجو يخطبو
افنان ؛؛ وطارق
انور ؛؛ مراد قالي اخطبها واقرا الفاتحه بيش ماتكبر المشكله
افنان ؛ به حبيبي
انور ؛؛ انحبك
افنان ؛؛ انا انموت فيك
انور :؛ اول مره انشوفك بلا حجاب امبدري وبتوته تي حمدت ربي اللي صارت هالمشكله بيش انشوفك هكي بعدك ليا كم يوم امرايف عليك

افنان ؛؛ تمت تمسح في ادموعها وتضحك
ههههه هذا وقته ياحبيبي
انور ؛؛؛ايوه هكي سمعيني ضحكتك السمحه اللي ح تقعد حلالي في اقرب وقت

افنان ؛؛ ان شاءالله
انور ؛؛:بس انتي ماتحاوليش انك تمشي للحوش عيت عمك المده هذه نين نحكي مع طارق نا
افنان ؛؛ من اعيوني
انور ؛؛ خلاص حبيبي نا وصلت للحوش خلني اندير دوش وانكلمك
افنان ؛؛ اسماء تبي فونها
اسماء ؛؛ ﻻﻻ خوذي عادي الليله
انور ؛؛ الله ايربحها تو انجيبلك حبيبتي فون ماتخفيش
افنان ؛؛ به خلاص خش ادوش
انور ؛؛ من اعيوني سلام

…

هدي؛ ؛ حس باب حوشنا انطبق هيا ننزلو
نا ؛؛ وين ننزل ونا هكي
هدي ؛؛ البسي شي حاجه وهيا

نا ؛؛ اس اس اهو حس مراد يتعارك معه

هدي ؛؛ نقاني نبي ننزل انشوف جايني فضول
نا ؛؛ هههههه حتي نا نبي ننزل معاك
وخشيت نجري وغيرت لابستي ولابست توته واسعه ونزلنا نا وهدي وانبحتو وسمعنا مراد وطارق في الدار

مراد ؛؛ هذا اللي يحكي مع البنات ويضحك عليهن اهو ربي ردها لك في صاحبك وبنت عمك مش هكي راه التفاهم هذا بدال ماتصبي مع بنت عمك واتخليه يخطبها غصب عنه تمشي تضربها

طارق ؛ لانها هي الغالطه
مراد ؛؛ خلاص بنت واغلطت خلاص شن فيها هي حكت بفون ودارت علاقه شريفه وانت شاهد عليها

شن ماهو كلنا درنا علاقات وعشنا حياتنا تي باهي اللي طاحت في انور رفيقك المحترم الكويس اللي عارفينه وعارفين تربيته وانت اكتر حد معجب به ورفيقك من الصغر ومش رفيقك وبس خوك خوك اللي ماعمرك تعركت الا والقيته جنبك يضرب
تي حتي لما ضربة مابش ايمد يدك بيش مايخسركش

طارق ؛؛ حس كلام مراد واعر ومعه الحق واذكر مواقف حياته كلهن ولقي ان انور ديمه جنبه سواء في مواقف السعيده او حزينه والعبره خنقته

مراد ؛؛ فكر في كلامي ياطارق واللي صار صار اهو بكره يبي يخطبها وح يقرا فاتحة عليها وعمي ح ايسيب الناس كلها وح ايجي يسالك انت من دون ناس كلها شن تبي اتقوله ها شن تبي اتقوله

وخشت عمتي
عمتي ؛؛ كنكم صوتكم عالي
مراد ؛؛ شيء خلاص
عمتي ؛؛ شن في ياطارق
طارق ؛؛ مافي شيء خلاص نبي نرقد
مراد ؛؛ سلام
وطلع مراد ولقنا نا وهدي قعدات في دار وامخليهنا مردوده ونسمعو فيهم

مراد ؛؛ وهو متعقد
اركبي ياايه
نا ؛؛ به هيا
هدي ؛؛ ههههه عدي ياخوافه
نا ؛ نقاني انخاف منه لما ايتعقد لان يقعد مجنون
هدي ؛؛ طيري حبيبي ايرن نبي انشلط
نا ؛؛ هههه تصبحي علي الخير

ونا طالعه تلقيت نا وعمي في الصاله
عمي ؛؛ كيف ساهره هنا
نا ؛؛ اها كنت مع هدي
عمي ؛؛ ربي يحفظك
نا ؛؛ في الحظه هذه شفت عمي هو بابا مره وحده لانها قالها كيف بابا
طول خنقتني العبره وركبت

ونا نذكر في اياما بابا اللي ماطولنش اللي انحرمت منه واعره علي طفله وهي عمرها 10 سنين تفقد بوها وتنحرم منه وتنسي انها اتقول كلمة بابا كيفها كيف البنات
تنهدت تنهيده طويييييييله والقيت مراد ايبحت فيا ومستغرب

مراط ؛؛ كنك
نا ؛؛ شيء
مراد ؛؛ كنك تمشي بشويه علي ادروج فيش اتفكري

وخشينا للشقه وسكرنا الباب

نا ؛ شفت عمي وكانه بابا تو
مراد ؛؛ اضبطني
نجك ليا حبيبتي
وخشينا للدار وقعدن علي السرير
قعمز مراد وحطني بين كرعيه وخلني متكيه علي صدره

مراد ؛؛ امرايف عليك خلاص عاد امتي
نا ؛ هههههه مش تو مازال
مراد ؛ نبي توام
نا ؛؛حبيبي فكنا منا الموضوع هذا
مراد ؛؛ ﻻﻻ نبي نا حبييي والله خاطري في توام منك
نا؛؛ هو عيل واحد ومتعب يابال 2 وعندنا 2 اخر هنا
مراد ؛؛ نا ابدوي ونبي عرم اطفال منك ونبي نبدا نبني حوش تاني

نا ؛؛ عليش
مراد ؛؛ الحوش هذاكي جايبي اجار اكويس وما نصرفش فيه لان
رواتبي اكويسات اهو نشتغل في كم عياده
ونبي نضمن مستقبل اعيالي نبي نبني حوش واسع بيش انحولو فيه وانخلي هذاك للاجار

نا ؛؛ ماعطتني الشهر هذا ليا امتع الاجار
مراد ؛؛ عندي مبلغ اللي عطيته لكي اول اجار نصرفه باقي داسه انتي امخصصلك راتب عياده… دايره لكي ونشريلك في حاجاتك منه

نا؛؛ صااااح حبيبي
مراد ؛؛ اها املاه نبي انخليك هكي نبي انديرلك اللي تبيها جميع اللي خاطرك فيه انديره بس انتي جيبلي توام بس

نا ؛؛ ههههه حبيبي
مراد ؛؛ خاطري فيهم حبيبي والله هذاك اليوم درت عمليه للمراه جايبه توام اسهفت عليهم
نا ؛؛ حبيبي تحشم اتقول فيها في وجي جيبت مراه

مراد ؛؛ هههههههههه ماهذا عملي
نا ؛؛ بس مش في وجي راعي راه انغار عليك
اصلا نامنقهره لانك اتشوف في نساء غيري

مراد ؛؛ مانكشفش نا الممرضه هي اللي تكشف
نا عندي وحده بس نكشف عليه وناخذ راحتي فيها بدون حشم وتو نبي نكشف عليها اخر

وقلبني وحطني تحته
نا ؛؛ ههههههه ﻻﻻﻻ حبيبي ﻻﻻﻻﻻ
مراد ؛؛ نقاني نبي نكشف
نا ؛؛ هههههههه حبيبي خلاص علشان خاطري
مراد ؛؛ نزل عليا وباسني علي ارقبتي
وحول ورقد علي ظهر ورقدني علي صدره
مراد ؛؛ انحبك
نا ؛؛ انموت فيك

……

وجا تاني يوم وجو هل انور ل افنان وطارق غمتله ومايحكيش مع اي حد

وشافه مراد غمتله جا وحكي معه

مراد ؛؛ بكره الفاتحه
طارق ؛؛ونا شن دخلني
مراد ؛؛ ماعمي جاك انت وسالك وشكرته
طارق ؛؛ نحكي في الحق بس
مراد ؛؛ به انت عندك عاجي بكره فاتحة اقرب انسان لك وانت مش فرحان
طارق ؛ …….
مراد ؛؛ عمي راه ح يفقدك لو مالقكش قاعد وح ايشك
طارق ؛؛؛ان شاءالله خير
وطلع مراد
وطلع وراه طارق بسياره
ومشي للحوش انور

طارق ؛ كنك راجل اطلعي نا بره قدام حوشكم وماتقولش نا مش قاعد لاني شفت سيارتك جو

انور ؛ به حاضر

وطلع انور وفتح الباب
وجا طارق ابسرعه واضربه بوني واضبطه
طارق ؛؛ بكره الفاتحه وماتقولي يامسخ
انور ؛؛ نرجا فيك اتكلم
طارق ؛؛ مبروك
انور ؛ يبارك فيك
طارق ؛؛ تعال احكيلي كيف عرفتها

انور ؛؛ خش العشاء واتي

وخشو طارق وانور للحوش وتعشو وحكي انور كيف عرف ان افنان هي افنان نفسها بنت عمه

……

رجاء ؛؛ عارفه ياحقيره يامنتهيه نسمع حاجه هكي ولا هكي نهارك والله انقولها لعادل بيش ايبطلك من المدرسه بكل

ايمان ؛؛ وهي تبكي
والله مافي حاجه امغير الابلات هن اللي شدات فينا ويرجن في ابسط حاجه اديرها بيش يكذبن علينا
رجاء ؛؛ والله وجي طاح من كثر مانهزب في بنات وانسكت فيهن
اميره ؛؛هي هي وطنا صوتكن ماما تسمع فيكن

رجاء ؛؛ تعالي تعالي شرفي تعالي بيش تعرفي اختك ايش ادير هي وللافندي احمد

اميره ؛؛ هيييييييي شن درتو
ايمان ؛؛ والله مادرت حاجه والله امغير المدرسه كلها اعيونها علينا واحمد بروحه غمتله من الموضوع والله ﻻ خشيت معه للفصل بروحنا ولا شيء والله احمد بروحه مايبيش كلام علينا ومتعقد لان المدرسه كلها اتراقب فينا

رجاء ؛؛ وبه شن قصة الفون
ايمان ؛؛؛هو قالي جيبلي فونك لان خرب يبي ايصلحه
واول ماخشيت للمدرسه جيته وعطيته له
ولما جت استراحة الحوشين هو جاني جيبلي فون تاني شافته الابله
ودارت قصه وقالته كيف جيبلها فون وتعارك هو معها
رجاء ؛؛ حشمتي بيا
ايمان ؛؛ اطز اساس نا مراته وحلاله وماحد دخله بينا

وخشت ماما
ماما؛؛ ﻻ حلاله في حوشه لما يطلع فرحكم مش قدام الناس في المدرسه

اميره ؛؛ هييييييي ماما تريحي
ماما ؛ وين انتريح ونا انشوف في ايمان ادير في الغلاط

ايمان ؛؛ والله مادرت غلط والله ماحكيت معه هو بروحه ايتجنب في المشاكل ومايبيش يحكي معي والله امغير جايبلي فون وهو عطه ليا في الاستراحه الحوشين يعني خلاص الدوام كمل

رجاء ؛؛ مره تانيه لما يبي يعطي حاجه ايجي هنا ويعطيها قدام هلك مش غادي ماخلتي فيا وجه

ايمان اقعدت تبكي ومنهاره واميره هدت ماما وطلعتها ورجاء خشت تحت البطنيه

ورن فون ايمان وبدت تحكي مع احمد

ووعنا تاني يوم والبسنا واطلعن ومشن للمدرسه
وماما وعت وحاسه روحه مريضه

……..

ونا وعيت علي فون اميره

اميره ؛؛ ويه وعيتك
نا ؛؛؛كنك
اميره ؛؛ راه خشينا ب ماما للمستشفي
نا ؛؛ نطيت مره وحده

هييييييييييي كنها

اميره ؛؛ مرضت اخر
نا ؛؛ بحتت جنبي مالقيتش مراد
من شن

اميره ؛؛ ويه ماتنفجعيش راه حاله اكويسه
نا ؛؛ ونا نبكي
احلفي يااميره
اميره ؛؛ ورحمة بابا اكويسه امغير كلمتك مانبيش تسمعيها من حد تاني

نا ؛؛ باهي به

وصكرت منها ورنيت علي مراد ما ردش عليا تميت نبكي بعدين

طول صبيت للحمام غسلت وجي ووعيت حمادي ولمار درتلهم حمامات وفطرتهم

وتميت كل شويه انرن علي اميره

اميره ؛؛ ويه والله حالتها تمام في الصبح بعد طلعت البنات للمدرسه اتعبت ونا قالت لخالد انشيلوها خير ما تقوه معها

نا ؛؛ به مراد قاعد
اميره ؛؛ مامشيتش شفته
نا ؛؛ به من علي ماما من يهتم بها
اميره ؛؛ سراج وكل ماتجي عيني في عينه انزلها واعره اسمله علي رجاء كيف ح تواجه

نا ؛؛ به به سكري مراد ايرن
الو مراد وينك
مراد ؛؛ في العمل كنك
نا ؛؛ ماما عندكم راه
مراد ؛؛ من امتي
نا ؛؛ من الصبح اسمع نا نبي انجي
مراد ؛؛ نقدرش نطلع انجيبك تو لما انروح انجي ناخذك
نا ؛؛ حبيبي منشغله علي ماما
مراد ؛؛ عدي شوفي طارق قاعد او لا
كان هذا ايجيبك خاطي طارق لا يا ايه
نا ؛؛ حاضر حبيبي

لابست ونزلت بالعويل لوطه والقيت هدي في الصاله اتكنس

هدي ؛؛ كنه وجك هكي
نا ؛؛ ماما في المستشفي
هدي ؛؛ صااااح من امتي
نا ؛؛ في هالصبح وين طارق
هدي ؛؛ طارق قاعد يفطر في المطبخ
وخشيت للمطبخ طول والقيت عمتي وطارق يحكو ويفطرو
نا ؛؛ صباااح الخير
طارق وعمتي ؛؛ صباح النور
نا ؛؛ طارق طالع
طارق ؛؛ كنك
نا ؛؛ نبي نمشي للمستشفي ماما غادي
عمتي ؛؛ كنها
نا ؛ قلبها
طارق ؛؛ به انولع السياره بس
نا ؛؛ نرجا فيك

هدي ؛؛ ويه انتي عارفه امك مره مره تمرض المرضه هذه
نا ؛ قعدت نبكي
خايفه عليها يا هدي خايفه عليها

هدي ؛؛ موضوعها طبيعي راه
نا ؛؛ ان شاءالله

لمار ؛؛ نمشي معاك
نا ؛؛ ﻻﻻ خليكي هنا انتي
هدي ردي بالك منهم وراه حمادي حطيتله دبش في الشنطه
هدي ؛؛ ياهبله اتوصي انتي

وطلع طارق وولع سياره وكلمني وطلعت وركبت معه ونا قعدت طول الطريق نبكي وهو ايسكت فيا

ووصلنا للمستشفي والقيت اميره ومعها مراد امصبي ونا لما شفت اميره ساكته وهاديه اطمنت علي ماما اخري
نزلت نا وطارق وخشينا

نا ؛؛ ها وين ماما

اميره ؛؛ اطمني ياويه قاعده جو عليها دكتور سراج

مراد ؛؛ تعالي حبيبي
وكرني شوره ومسكلي يدي

خلاص ياهبله والله اكويسه تو كنت عندها جو

طارق ؛؛ طول طريق وهي تبكي
مراد ؛؛ خلاص بلا اهبال
نا ؛؛ خششني عليها
مراد ؛؛ حاضر انشوف سراج بس

ومشي مراد ونا واميره وطارق قعدن امصبين

اميره ؛؛ قالت لخالد روح للحوش تو البنات ايروحن من المدرسه واليقن الحوش امسكر وقالتله جيبهن هنا

نا ؛؛ احسن

اميره ؛؛ عارفه سمعت البنات اطلعن وبعدها تميت نسمع فيها تفتح في الباب بقوه

طلعت نجري والقيتها داهشه وعرق عرفتها طول قالت لخالد انشيلوها

نا ؛؛ كنها من شنو مرضت
اميره ؛؛ امس صارت مشكله
نا ؛؛ شن
اميره ؛؛………
نا ؛؛ معقوله

اميره ؛؛ هذا هو
زمان كانتي انتي تعرفي سريبها وبعدها رجاء حتي كان سراج امساعدنا

اتصدقي هو كان يمشي في المامر و مش امدور ولما شافني نجري طول جاني وعرف ان ماما جايه مريضه خش عليها

والله اكويس رجاء ودراته من بين ايديها

والتفت طارق وبحت فيها

نا ؛؛ نصيب الله غالب
اميره ؛؛ اختي هي اللي غالطه هبله ودرته

طارق ؛؛ تعقد وقعد يبي ايصبي

تبن حاجه من الكافتيره

اميره ؛؛ ميه ياطارق اسفه انتعبك
طارق ؛؛ لا عادي وانتي ياايه
نا ؛؛ عنديش نيه
طارق ؛؛ تو انجيبلكن عصير

ومشي طارق وكافتيره

وجانا مراد وخششنا للماما والقينها كالعاده علي الاجهزه وماتندري علي شيء

نا واميره قعدنا نبكو وحالتنا حاله
مراد ؛؛ ﻻﻻ مش هكي متفقين
هي اطلعن

نا ؛ لعند امتي ونحن هكي لعند امتي

وطلعن نا واميره ونبكو علي جيت ايمان ورجاء وخالد
رجاء ؛؛ اول ما شفتنا نبكو
ﻻﻻﻻﻻﻻﻻﻻ وينها وينها
وصبت وتمت اتخبط في وجها

طارق خش وشافها
خالد قعد ايشد فيها

ومشيلنها نجارو شورها نا واميره

اميره ؛؛ والله اكويسه
ايمان ؛؛ وهي تبكي
وينها باهي وينها
مراد ؛؛ جو قاعد خلاص وامورها تمام

وجت ممرضه بسرعه
الممرضه ؛؛ دكتور مراد عندك حالات
مراد ؛؛ به اني جاي

ايه نا ماشي عندي عمل ردن بالكن من اروحكن

نا ؛؛ به عدي

ومشي مراد ونا وبنات قعدات مصبيات

رجاء ؛؛ نبي انشوفها وينها
اميره ؛؛ خلاص صكرو تقرببا حتي نا وايه خشينا بالوسطه
رجاء ؛؛ انخش انخش

خالد ؛؛ خلاص يارجاء اقعدي هنا نين ايطلعوها الدكاتره يخدمو راه

ورن فون خالد وطلع بيش ايرد

طارق ؛؛ تعالي تو انخششك نا

رجاء ؛؛ عليها
طارق :؛ تو بالكي نعرف واحد تعالي

ومشو طارق ورجاء
طارق ؛؛ خلاص بكاء كان هذا ماانخششك

رجاء ؛؛ ماما هذه ياطارق ماما كيف ماتبونيش نبكي

وتمت تبكي ومنهاره

طارق ؛ بحت فيها وتعقد لما شافها تبكي
به امك مريضه ادعيلها مش تبكي

وشافها سراج وهم يمشو وطارق ايبحت فيها

سراج ؛؛ صب قدام الباب وتم ايبحت
وجت رجاء ولقت سراج امصبي

اجمدت في مكانها ومعش اعرفت ماادير هي صاح كانت متوقعه اتشوف سراج بس مش متوقعه ان ايشوفها وهي تحكي مع طارق

طارق ؛؛ دكتور معليش عندنا مريضه جو
سراج ؛؛ وهو متعقد وايبحت فيها وهي امنزله راسها والعبره خنقتها

اها اللي جت تو ممنوع الخشوش

طارق ؛؛ دكتور هذه بنتها تبي اتشوفها وتطمن بس

سراج ؛؛ خشي يارجاء
طارق ؛؛ بحت بالاستغراب في سراج

ورجاء ازمطت ريقها وخشت جو
وكانت تبكي
وهي خشت وخش وراها سراج وسكر الباب

طارق ؛؛ ياعنجد كده تي منين يعرفها
وتم ايدق علي الباب
ورد سراج وفتح الباب

سراج ؛؛ نعم
طارق ؛؛ نبي انخش
سراج ؛؛ ممنوع هي بس لان بنتها
طارق ؛؛ اها اوكي

ووخر طارق وطلع

وسراج خش علي رجاء ولقها تبكي وماسكه يد ماما واتبوس فيها

سراج ؛؛ قعد ايبحت فيها وكان امرايف عليها وكان فرحان بشوفتها
مشي وقرب منها
حالتها تمام
رجاء ؛؛ رفعت وجها وجت عينها في عين سراج وهي تبكي
ودموعها ينزلنا والصوت دوبه طالع
…………………

يتبع