مسلسل سعاده كاذبه التكملة

مسلسل سعاده كاذبه

الحلقه 37

رجاء ؛؛ هيييييييييي صوت خالد شكله
خش عليهم

امل ؛؛ امغير قولي ان شاءالله امقعمزين قعميزه محترمه
رجاء؛؛ هههههه ﻻ ياحنه هذه اميره تحسابيه انتي يامتعت الدار

امل ؛؛ رجاء تحشمي علي وجك حرام عليك والله نيتنا بيضه

خالد ؛؛ وين ياوليد ما شفناك بكل
وليد ؛؛ اهو اشغال
خالد ؛ به اميره صبي عدي ديري قهوه

امير ؛؛ به هي اساسه واتيه قعدات يشربن جو

خالد ؛؛ وهو متعقد
به صبي جيبلي كنك امقعمزه
اميره ؛؛ افهمت اميره ان خالد ايطلع فيها

به حاضر

وخشت علينا اميره متعقده
اميره ؛؛ في قهوه
ماما ؛؛ تبي تسخين راه
اميره ؛؛ به تو انسخنها

وخذت اميره القهوه وخشت للمطبخ وعرفتها غمتلها بكل صبيت وخشيت عليها

نا ؛؛ شن قال خالد
اميره ؛؛ ﻻ ما قال بس كان راقيله وباينه في وجه بس سكت لان عارف روحه اللي ايدير فيه

نا ؛؛ ان شاءالله خير ان شاءالله بعدين ماايدرلكش سريب بس

اميره ؛؛ ربك يستر تي باهي لما خش علينا لقي وليد ماسك فونه ويحكي مع صاحبه

نا ؛؛ باهي هيا صبي القهوه وشيلها
وخشت امل
امل ؛؛ اميره والله راه ما قالي جاي تو
اسفه ياعمري

اميره ؛؛ ﻻ عادي انتي ماشورك شيء

امل ؛؛ بس ح نحكي معه مش ح انخليه يحكي معاك بعدين

نا ؛؛ شكله متعقد قالت
امل ؛؛ تي تو انكلمه ايخش وتو ايروق

وخذت اميره وخشت عليهم ولقتهم يحكو وحطتلهم القهوه وطلعت

وليد عرفها تعقدت
وليد ؛؛ خالد معليش ممكن نحكي مع اميره اشويه في كلام نبيها فيه

خالد ؛؛ اها قعدلك عظم بغصاص نا
اسف ياسيدي و اني ماشي انكلمها لك

خالد ؛؛ اميره يبك وليد جوا

انصدمنا من كلمة خالد وخش خالد غمتله للدار

اميره ؛؛ وليد كنك قالت ل خالد ايكلمني
وليد ؛؛ شن نبي نحكي معاك انتي نا جاي علي خاطرك
شن علي اساس تو مايبيش ايخش يحكي مع امل تي عرفهن الطروح راه
نا ماني ساكت الا علي خاطرك وخاطر خالتي وامي مانبيش مشاكل

وجت اميره وقعمزت جنبه
اميره ؛؛ خلاص حبيبي عليش متعقد المهم نيته بيضه وخطبها واهي الفاتحه يوم الجمعه خلاص وهو مادرش معها علاقه اساس انت عارف كان خاطب طول حكلنا عليها وقال نبي نخطبها

وليد ؛؛ خلاص حددتو الموعد
اميره ؛ تو خشيت القيتهن متفقات يوم جمعه علي خاطر مراد عندش عياده
وليد ؛؛ باهي تمام
خلاص خليني انروح وتو بكره نطلع بيكم بيش تشري قفطانك والبدله

اميره ؛ حبيبي كان ظروفك مايسمحش عادي فوت

وليد ؛؛ تي من يومي ونا انحبك ونرجا في يوم اللي ح تقعدي فيه حلالي ماتبيش انديرلك اللي تبيه نا نرجا فيه اليوم هذا بفارغ الصبر بيش انديرلك اللي تحلمي به كله يا اجمل حلم انتي

اميره ؛؛ والله حتي نا مش امصدقه ان حب الطفوله كبر واقريب ح ايكون عائله وحوش واحد و اب وام

وليد ؛؛ انتي حبي لمراحل حياتي كله حتي ونا شايب وانتي عجوزي

اميره ؛؛ ع اساس تو مش شايب انت
وليد ؛؛ انتي اللي امشيبتني
اميره ؛؛ انحبك ياحياتي
وليد ؛؛ وانا انموت فيك
وقربها وحبها علي راسها

هيا خشي نا مانبيش مشاكل وفرخه امل تو اتشوف ح يبدا جو الشين امتعه

اميره ؛؛:حرام عليك حبيبي والله هي بروحها غمتلها علشان جانا خالد وهو تو خش لدار وسكر علي روحه

وليد ؛؛ به هيا سلام وردي بالك من روحك
اميره؛؛ حاضر

وطلع وليد والضحكه علي وجه اميره سبحان الله كيف خشت وكيف اطلعت علينا

رجاء ؛؛ اووووووو تي نا اللي انمص فيه الليم برسمي
ايه برجلها واميره بوليد و امل بخالد وايمان باحمد ونا ودعاء امغير انمصو في الليم

خالتي فاطمه ؛؛ ههههههه اجارن علي اروحكن ياحناتي عليش قعدات علي الفاضي

اميره ؛؛ كلا نا ماحوتني حصلته من الطفوله

ايمان ؛؛ خلي عينك علي امل اللي خلته يفصخ
امل ؛؛ كشفه وسترتها ايمان قهرتني راه

نا ؛؛ ههههههه نا قتلك مشروعك فاشل مع خواتي
امل ؛؛ والله تو ايشوفن
وصبت وعدت ادق علي الباب خالد

خالد ؛؛ مش فاضي تو
امل ؛ نا ياخالد
خالد ؛؛؛مش فاضي قالت

انحرجت امل ومشت للدارنا وتمت تبكي وجعتها حركة خالد قدامنا

رجاء ؛؛ اللهم لا شماته
تعالنا تعالنا انعزوها

وصبينا وخشينا عليها

ايمان ؛؛ بنات احمد ايرن
رحاء ؛؛ وردي ماطول عمرك اتردي طول يا خوافه
ايمان ؛؛ مش خوافه انحبه ومانحبش يرجا

ايمان ؛؛ بصوت راقي وحنون طبعا
نعم حبيبي
احمد ؛؛ انا قدام حوشكم تبيش تطلعي
ايمان ؛ هيا اشويه بس
احمد ؛؛ به
ايمان ؛؛ امل عينك علي خالد
امل ؛؛ تكيتها معه اشقي به اوحدك

رجاء ؛ عدي عدي شوري نا بس نا ننصحك الباب الخلفي احسن

ايمان ؛ تو انشوف
ها شن شكلي حلو

نا ؛؛ ايهبل راكي تنسي المثرد والحفظه علي الطاوله قاعد
ايمان ؛؛ به
وطلعت ايمان وخذت المثرد اللي فيه عشاء والموالح والحفظه اللي فيها حلويات والبسبوسه

خالتي فاطمه؛؛ وحق ربي هالبنات متعبات تو هذه كنها طالعه

ماما ؛؛ اكيده الأفندي بره

خالتي فاطمه؛؛ ههههه وانتي عارفه

ماما ؛؛ ايديرن الحاجه قدامي خبر من وراي اهو هي مطمنه عادل ماهو قاعد و خالد منطمس جو وهو ياختي راجلها ماشافها بكل وهم اللي خلو خواتهم ايديرن هكي من الحبس اللي حطينهم فيها

خالتي فاطمه؛؛ ربي يستر عليهن ان شاءالله

خالتي سالمه ؛؛ بنات تو متعبات واجد اهو شوفن امل ماهي امعبرتني بكل تطلع واتخش علي خالد وكأنه راجلها وكان هزبتها اتقولي الغلط مااندير فيه ونا خطيبته واهو تو يبي يقرا فاتحتي والله مايطلع الفرح وانتريح الا نا ريقي ناشف

ماما ؛؛ ﻻ ياسالمه انتي اجري علي الفرح وحتي نا بيش انطلعو الافراح ونفتكو ياخيتي
سالمه ؛؛ والله ان شاءالله

ايمان ؛؛ حبيبي نفتح الباب انت وين قاعد
احمد ؛؛ اها افتحي هيا

وافتحت ايمان الباب ولقت قدامها احمد
احمد ؛؛ اهلا
ايمان ؛؛ منحرجه وامنزله راسها
اهلا
احمد؛ ؛ نجيها اللي متحشمه شن مازالتي ماتعودتي عليا انتي ولا شنو

ايمان ؛؛ …..ساكته

والتفت احمد يمين ويسار
ومسك يد ايمان ودفها اشويه جو الجنان وخش وسكر الباب بكراعه

ايمان ؛؛ هيييي حبيبي خالد
احمد ؛؛ وينه خالد
ايمان ؛؛ جو في الحوش
احمد ؛؛ به تعالي هنا اشويه بس

ومشي بها تحت الشجره عندنا في الجنان

احمد ؛؛ سيارتي مش قدام الحوش وخالد مش ح ايشوفنا هنا

ايمان ؛؛ ساكته وامنزله راسها
احمد قرب منها وخذ المثرد ونزله لوطه وقربها منه ورفع راسها بيده

احمد ؛؛ شن حبيبي مازالنا نحن في قصة الحشم هذا هيا احكي وسمعني صوتك وقولي حبيبي

ايمان ؛ حست برعشه في جسمها وتمت خايفه بس عطره وبنته وهو يقرب منها خلها اتغمض اعيونها وكان تلقي ايخششها فيها جو

احمد لحظ ان ايمان انها ساكته وهايمه فيه طبس عليها وحبها علي خدها ومابش ايحوله وهمسلها في وذنها
حبيبتك من بين الناس كلها انحبك يا اعويناتي

ايمان ؛؛ تنهدت تنهيده طويله ومعها الرعشه

حبيبي خلاص

احمد؛ حلالي ونا حر فيك
ايمان ؛؛ بس مش هكي تو يطلع علينا حد
احمد ؛؛عطيني بوسه هنا نطلع
ايمان ؛؛ عيب حبيبي
احمد ؛؛ شن عيب ما علي الفون تعطي فيها عليا وبعدين راجلك مش خطيبك وبس

وصبت ايمان علي اصابع كرعيها وطقت في احمد وباسته ووخرت بسرعه وشدها احمد واضبطها

احمد ؛؛ انحبك انحبك
ايمان ؛؛ هييييي صوت حد جاي
احمد ؛؛ به هيا خشي
ايمان ؛؛ خوذ عشاك قبل
احمد ؛؛ شكرا علي العشاء هيا خشي وردي عليا نبي نحكي معاك

ايمان ؛؛ به حاضر

وطلع احمد ومشي شور سيارته اللي في الشارع التاني
وخشت علينا ايمان والابتسامه علي وجها

خالتي فاطمه؛؛ البنات اليوم ايوزعن في الابتسامات كنهن
نا ؛؛ هههههه قالك انا
ماما ؛؛ وكنك انتي ياحنه حتي انتي عندك راجل وامهنيك وامريحك وخايف عليك امبدري مابش ايخليها اتشيل موده خايف عليها

خالتي فاطمه ؛؛ ولد خويا وعرفته بس الاهل كلهم متهبلين عليك في بيان هاجر وانصدمو لما اعرفو انتي اللي درتيلها ميك اب

ماما؛ ؛ حتي عمتها شكرتها ليا قالتلي طيبه وفي حالها ودوبها دوب مراد

نا ؛؛ صاااح امتي
ماما ؛؛ وانت اتحوسن في المطبخ

خالتي فاطمه؛؛؛ نا عرفتها مرات خويا عشرة عمر تقعد تشكر فيك من وراك مش قدامك هي واعره اشويه ومايعجبها عجب بس تحكي الحق واللي في قلبها علي اللسانها

وطلع علينا خالد

خالد؛ امل تعالي نبيك
امل ؛ مابتش اتعبره واطنش عليه وكأنه مايحكيش معها
خالد؛ ؛ امل نحكي نا
خالتي سالمه؛؛ صبي شوفيه وبلا براده

امل ؛؛ صبا وغمتلها واطنش من حالها وخشت للمربوعه وماحكتش ولا كلمه

وهو خش وراها

خالد؛ كنك مااتردي من اولها
امل ؛؛ لما اتعبرني ولنا اندق عليك وتفاحلي مش اتخليني قدام الباب

خالد؛ ؛ اسف
امل ؛؛ ماتنفعش
خالد؛ ما انتي عرفتني عصبي والله تعقدت لما شفت وليد واميره مع بعضهم وبروحهم

امل ؛؛ تي كنك اناني ماهو انت تو قاعد معي بروحنا كيف هم ماعندهمش رب ولا شنو

خالد؛ ؛ غرت علي اختي كنك انتي
امل ؛ حتي وليد ايغير
خالد ؛؛ به خلاص بلا تطنيش مانحبش الجو هذا
امل ؛؛ ماانت اللي درته الجو هذا

قرب منه وهي امصبيه وحاطه اصبع يدها اليمين في فمها

خالد ؛ خلاص عارفك لما تقعدي متعقد تاكلي اظافرك

امل ؛ ناكلش نا

خالد؛ تي نعرفك ان خلاص والله امرايف عليك يا شينه صار طالقه الشيانه تي وينها الشيانه

امل ؛؛ تي كيف انت مش بعقلك ولا شنو ماانت تو قالت ياشينه

خالد؛ ؛ من حبي لكي هيا عاد اهو جبتلك فون جديد

امل ؛؛ معش نبي نحكي معاك

خالد؛ كذابه تقدريش ضروري تحكي معي يوميا وتسمعي صوتي وتسمعي كلام حلوه بيش تقدري ترقدي مش هذا كلامك

امل ؛؛ كنت نكذب عليك
خالد؛ ؛ امل بلا تسكير راس يا سوده هيا
امل ؛؛ اخر سوده خلاص يا خالد نا معش نبي نحكي معاك

ومشت وهو مسك يدها بقوه

خالد ؛؛ فيش مشي نين ترضي عليا خلاص والله عارف روحي داير جو شين

امل ؛؛ لما تحترمني واديرلي قدر قدام هلك تو نرضي

خالد؛ ؛ والله امبدري كانت غمتلي

امل ؛ ان شاءالله تقعد نار ركبها فيك لما انجيك نا تحكي معي شن نا مش حبيبتك ولا شنو مش انت حبيبي يعني من طبيعي نقعد معاك سواء غمتلك او رايق

خالد؛؛ هه بيش تعرفي روحك اتحبني قالتي حبيبي

امل ؛؛ نا ماننكرش انك انت حبيبي

خالد؛ ؛ بصوت واطي وحنون
خلاص سامحي حبيبك قاعد يراضي فيك حرام عليك نا حبيبك ايحبك

امل ؛؛ مشكلتي انحبك

خالد؛ ؛ تو حبك ليا مشكله يعني
امل ؛؛ وكان مانحبكش راه ماعبرتكش تو بس حبي هو اللي امخلني امصبيه ونرجا في اي كلمه بيش نرضي

خالد؛؛ والله مهبولتي انتي

امل ؛ كذا الفون نبي انشوفه مرات مايعجبنيش
خالد؛ هههه انغيره لكي المهم يعجبك
امل ؛؛ المهم ايكلم عندي ونسمع صوتك
خالد؛ ؛ نجك ليا وانتي تحكي برومانسيه هكي

نا ؛؛ خالتي فاطمه تبي اتروحي معانا مراد رن عليا راه
خالتي فاطمه؛؛ ﻻﻻ خلينا انروح معاك
ماما ؛؛ بدري
نا ؛؛ اكيده تعبانه بيبي يسحر ويتريح وان شاء الله ح انجي الايام الجايه تبو اي حاجه انجيكم

ماما ؛؛ ﻻﻻ انتي حامل تريحي تو كل حاجه انديروها بروحنا اهي خالتك ح اتجي يوميا

خالتي سالمه؛؛ بكره خلوها طلعت سوق بيش نشرو لبنات ونفتكو منهن

ماما؛ خلاص يقعد عندنا موالح بس سهلات تو اندروهن كل يوم انديرو نوع مجموعه كبيره نحسبو الرجاله والصبايا

نا ؛؛ الاقارب بس صاح
ماما ؛؛ اها وتو انكلمو اعربك
نا ؛؛ به خلاص

ماما ؛؛ اصبري تعالي خوذي سحور للمراد قبل
نا ؛؛ يييييي صاح نبي حتي حلويات

وخشيت نا وماما للمطبخ طبعا ماما كل حاجه حطتلي منه وعرم طبعا حطت الام اكيده ح اتكون سمحه وحطتلي حلويات

ماما ؛؛ خوذي صونية كسترده هذه
نا ؛؛ معقوله حتي هذه
ماما ؛؛ اها ما مراد ايحبها
نا ؛؛ نجك ليا

وطلعت

نا ؛؛ مع سلام
وطلعت نا وخالتي فاطمه
اميره ؛؛ ويه بيش اتجيني اديرلي حنه نبيك انتي راه
نا ؛؛ حاضر

ركبت في السياره

مراد ؛؛:كنك طولتي
نا ؛؛ اسفه حبيبي…..

وسكتت انسيت ان خالتي فاطمه لاوره معانا

خالتي ؛؛ شن اخبار العمل
مراد ؛؛ حال التعب وخلاص
خالتي؛؛ ربي يعيطك الصحه

ووصلنا للحوش خالي

خالتي ؛؛ تقريبا تعرفوه حوشنا بيش اتجو راه نرجا في جيتكم

نا ؛؛ حاضر ان شاءالله امغير نفضي بس

خالتي؛؛ تصبحو على خير

ونزلت خالتي ونحن مشينا

مد مراد يده ومسك يدي وباسها
مراد ؛؛ رايفت عليك
نا ؛؛ نجك حتي نا
مراد ؛؛ عارفه فيش خاطري تو
نا ؛ شن
مراد ؛؛ في حاجه تو تعرفيها في الشقه
وغمزلي

نا ؛؛ هههههه صايع
مراد ؛؛ تي شن صايع حلالي يا ناس

ووصلنا للحوش ونزلنا
مراد ؛؛ شكله الحوش فاضي فيش حد
نا ؛؛ صاح
مراد ؛؛ احسن هيا تعالي
نا ؛؛ وعليش احسن علي اساس هم علي قلبك قاعدين

مراد ؛؛ في حاجه خاطري انديرها
نا ؛: شكلها حاجه صايعه
مراد؛ تو انوريك

وجينا علي قصاد الدروج

وقفني مراد وخذا مني الحاجات وحطهن علي الدروج

وطبس وشالني

نا ؛ هههههه مراد ياهبل
مراد؛ ؛ غمزلي وهو مبتسم
هذا اللي نبي انديرها نبي انشيلك
نا ؛؛ ههههه انحبك
مراد ؛؛ انحبك
وقعد يركب وكل درجه يركبها ايقولي انحبك
مراد ؛؛ انحبك
انحبك
انحبك
انحبك
انحبك
نا ؛؛ ههههههههه خلاص حبيبي

و خشينا للدار وحطني علي السرير

مراد؛ تو صبي غير دبشك و البسي روب السمائي وتو انجيك شويه بس

نا ؛؛ هههههه حاضر يا صايع
مراد؛ تبيني انشوف الجمال هذا ومانقعدش صايع غصب عني

وباسني وطلع

ونا صبيت خذيت روب وخشيت للحمام
ومراد نزل ركب الحاجات اللي حطهن علي الدروج وركب غير دبشه

ونا درت دوش علي سريع ونشفت ولابسته وطلعت والقيته قاعد في المطبخ

نا ؛؛ فيش ادير
مراد؛ ناكل في بسبوسه
نا ؛؛ هههه صحه
مسكني وشدني من وسطي وشالني

مراد؛ ؛ انحبك اكبيدتي
نا ؛؛ انحبك
مراد ؛؛ نا رايفت عليك واجد
نا ؛؛ ليش
مراد ؛؛ هكي اليوم متلفه علي ترويحتي للشقه
نا ؛؛ ههههه
مراد؛ ؛ عظني خدي
شن انتي ما اتريفش يعني

نا؛ ﻻ انرايف

مراد؛ نزل علي ارقبتي وباسها بوسه طويله وحلوه ونا حسيت روحي امرايفه عليه ونبيه وهو يبوس فيا ونا ضعفت بين ايده وارتخيت وهو شالني للصاله وحطني علي الكنبه

مراد ؛ انحبك انحبك وانتي هكي ضعيفه بين ايديا

نا دايخه وفي حاله ……………

ونا راقده علي صدره
سمعنا حس الباب ايدق
نا ؛ بصوت واطي حبيبي شوف من
مراد ؛؛ تو تبيني نمشي نفتح ونا هكي فوتي
نا ؛؛ هذا باب حوشكم اللي لوطه
مراد ؛؛ اها فوتي كان واحد من الحوش راه معه المفتاح

وصبيت وخشيت لحمام ودرت دوش ولابست الديشنبر امتعي وطلعت والقيته مازال راقد علي الكنبه وشكله تاعب واقريب يرقد

وجيته وطبست عليه وحبيته علي اللحيه
نا ؛؛ حبيبي صبي ادوش هيا بيش تاكل
مراد؛؛ تعبان اليوم كان عندي عمل واجد
نا ؛؛ ههه به صبي هيا بدال ما سخنت
مراد ؛؛ هيا

ومشيت للمطبخ وولعت علي الحاجات ومشيت للدار ولابست بجامه ستان حمرا وفيها دوائر اسود ومشطت شعري ومشيت انحط في السحور
وجاني مراد

اسحر علي السريع وخش رقد طول حتي الفجر ما صله من التعب ونا قعدت انلم في الشقه وقريت القران وصليت الفجر

وخشيت للسرير وتميت انشوف في مراد كيف شكله ايهبل وهادي شكله ايجنن وهو راقد وقعدت انفكر كيف ان هو تو راجلي وحبيبي وقريبا ايكون
اب اوليدي

وانفكر ان لو هو متريح معي او لا

ايحبني صاح ولاه تعود عليا
يعني ماايفكرش ان في يوم يطلقني او لا

انحبه وانموت فيه وانحب انكون في شقته في حسه انحب انكون معه انحب انكون في حضنه انحبه وانموت فيه وحامل منه

وخايفه من الفراق خايفه ايجي يوم وايسيبني اهو سيبت سناء اللي عشرة سنين
يبيش ايسيبني نا اللي ماليا كم شهر بس
عايشه معه وانحس بالامان معه وخايفه ايريح الامان هذا
ومنسنده عليه بجهدي كله وخايفه يرخني وانطيح
انرايف عليه لمدة ساعات وايجني وخايفه انرايف عليه ايام وماايجنيش

امدلعني وامعيشني في نعمه وخايفه يوم من الايام ايريح الدلع هذا

ونا انبحت فيه وانفكر واعيوني دمعن نزلت دمعتي علي خده وناوطول مسحت ادموعي ومسحت دمعتي اللي علي خده وحبيته

ووخرت منه وحطيت راسي علي المخده ودمعتي نزلت طول ورقدت

ومشي يوم وراء يوم ونا كل ماليا انحبه اخر قعدت في الشقه وقعدت لاهيه فيه هو وفي الحوسه وفي الحمل وانسيت الناس كلها علي خاطره

نا ؛؛ حبيبي اليوم نبي نمشي لهلي عندهم حنة اميره وخلاص بكره البيان

مراد ؛؛ قصدك اليوم تنزلي من الدروج وبكره تنزلي اخر راه هكي مش تمام

نا ؛؛ شن هن ادورج اشويه عادي حبيبي معقوله ماتبنيش انحني اختي للبيانها ساد مشت شرت قفطانها بلاي

مراد؛؛ به خلاص تو انشيلك

نا ؛؛ حبيبي لمار وحمادي كنهم معش جو
مراد ؛؛ مش عارف هذاك اليوم كلمت سناء نبي انقوللها وتيهم قالتلي لمار تبيش وقالت خليهم

نا ؛ حبيبي انت تحكي عادي معها
مراد؛ ؛ اها ما انكلم فيها علي خاطر العويل
نا ؛؛ وعندك عادي يعني
مراد؛؛ ليش انتي اتغاري يعني
نا ؛؛ اكيده مش انت راجلي وحبيبي وهي طليقتك وخايفه منها

مراد ؛؛ يعني مش حاطه فيا ثقه نا
نا ؛: به نسالك سؤال
مراد؛ ؛ نعم
نا ؛؛ مدة مكالمتكم كم مدتها

مراد ؛؛ والله يالله انقوله هاتي عويل وخلاص والله ما نحكي معها في موضوع تاني ايه ماعنديش فيه جو الخيانه وبعدين انتي مراتي ومستحيل انخونك

نا ؛؛ اتحبني
مراد ؛؛والله احلي ايامي معاك انتي والله انحبك
نا ؛؛ بس نا اكتر منك
مراد؛؛ ﻻ نا اكثر
نا ؛؛ انحبك
مراد؛؛ انحبك
نا ؛؛ انحبك
مراد ؛؛ كرني شوره واضبطني وعصر عليا بقوه نين عطيت نا اهاااااااا
مراد ؛؛ شفتي ماتحملتشي حبي نا انحبك اكتر معناها
نا ؛؛ هههههه نجك ليا
مراد ؛؛ هي وتي روحك بسرعه
نا ؛؛ هيا هيا

وغيرت دبشي ودرت ميك اب وطلعت وشالني للحوش هلي واول ما خشيت القيت الحوش حايسه وحالته حاله

نا ؛؛ كنكم
رجاء ؛؛ ما اليوم الحنه والحنايه تبي اتجي تو
نا ؛؛؛كيف مش اميره تبيني انحنيها نا
رجاء ؛؛ ماما ارفضت قالت اختك مريضه
نا ؛؛ اهااا

وقعدنا نا ورجاء وايمان ودعاء ومروه انضمو في الحوش وانوتو في الحاجات وامل واميره ايحنن

وخالد ايتحجج علي الخشه علي امل في الدار يبي ايشوفها وهي راقده وامحنيه

بس خالتي ارفضت انها ايشوفها
واقعدن البنات رقدات بالحنه وجينا نحن قعمزنا جنبهن
والحنايه بدت اتفكلهن في الصقه

رجاء ؛؛ ماشاءالله تبارك الله شكلها حنه حلوه
نا ؛؛ اها ماشاءالله
ماما؛ ؛ ايه راه تقعد خاطرك فيها تعالي حني
نا ؛؛ ﻻﻻ نقدرش مراد قالي ما تنحنيش

خالتي سالمه؛؛ الحنه خطيره عليها

ايمان ؛؛ ووووو عليك تعب واخيرا كملنا خلاص كل شيء واتي
ماما ؛؛ طلعتن المواعين الجدد
ايمان ؛؛ اها خلاص كل حاجه

مروه ؛؛ والله رايفن عليك يا ويه شن جوك
نا ؛ تمام الحمدالله قاعده
مروه ؛؛قالو حامل مبروك
نا ؛؛ يبارك فيك
مروه ؛؛ شن داير فيك الحمل
نا ؛؛ اهو تمام عندي الدوخه والترجيع حشاك وعلي النوم من اول مايطلع مراد للعياده ونا نوم

مروه ؛؛ اها ضروري منه الجو هذا

نا ؛؛ اها شن حتي بكره نعيمه تبيش تنزل

مروه ؛؛ والله ماني عارفه الحوش كله غمتله منها حتي علي راقيله وقالي ماني ساكت الا علي خاطر العويل بس

نا ؛؛ ربي يهديها والله حسيت ماما وجعتها قلت نزلتها هنا

مروه ؛؛ اها فطنت حتي نا

خالتي سالمه ؛؛؛ رجاء عدي جيبي طواقم الذهب والدبل بيش انظموهن في اسفر والبدالي

نا ؛؛ جبتي ورد مجفف و شكولاطه
خالتي سالمه ؛؛ اها جبتهن وشرين نا وامك نفس سفره قالنا نبوهن كيف بعضهن

نا ؛؛ اها عليك جو

وقعمزنا ونظمنا كل الطاقم والدبله في سفره وزينه بالورد المجفف والشكولاطه

ورتبنا كل بدله في سله وزينها والحنايه كملت وروحت

مروه ؛؛ خلاص الحلويات تو انحيبهن بكره مش قالت شوري نا

ماما ؛؛:انعنك مااتغيبي وربي ايخليك
مروه ؛؛ هذا بيان اميره مش حاجه عاديه اميره خيتي
امل ؛؛ ونا سلفتك يا بتي

مروه ؛؛ والله حتي انتي بس اميره اقريبه مني واجد
اميره ؛؛ تسلمي حبيبتي
ويه تعالي نبيك

نا ؛؛ نعم
وصبيت وخشيت للدار
اميره ؛؛ نبيك اديرلي حواجبي

نا ؛؛ هكي بس به هيا والفتله

اميره ؛؛ ﻻ درتها ابروحي امبدري بعد الفطور
نا ؛؛ اها به هيا
وبديت انديرلها في الحواجب وهي دمعتها علي خدها

نا ؛؛ هييييييي كنك يا هبله
اميره ؛؛ مش امصدقه نا بكره ح نقعد مرات وليد
نا ؛؛قولي الحمد الله
اميره ؛؛ انحس في روحي نحلم
نا ؛؛ ﻻﻻ هذا الواقع اللي ياما احلمتي به خلاص عاد فكينا من النكد والجو الشين

وكملتها الحواجب

ورنيت علي مراد وجاني
ماما ؛؛ايه بكره فطورك هنا راه
نا ؛؛ خليها علي الجو انشوف مراد قبل
رجاء ؛؛ انتي تعالي افطري بيش تبدي في روحك طول واتساعدينا خير ما اتعبي روحك غادي واتسوي وتغسلي المواعين وتبدي في روحك بعدها

نا ؛ تو انشوف مراد وانشوف اعربي لان بكره جمعه عندهم اكيد

ماما ؛؛ براحتك عاد مانبيش انزر عليك وراه بكره عمتك وصبياتك ما ايجنش راه نزعل قولليهن ايجن

نا ؛؛ حاضر نا لعند امس قتلهن وهن علي اساس جيات
ماما ؛؛ به خلاص مربوحه
نا ؛؛ به تعالي نبيك اشويه

وخشيت نا وياه للمربوعه

ماما ؛؛ نعم كنك
نا ؛ طلعتله ظرف من الشنطه
هذين افلوس المهر من مراد كيف ما قالتلك

ماما ؛ هييييي ﻻ واجد
نا ؛؛ مراد ح يزعل لو ما خذيتش من هذاك اليوم ونا انقولك مراد قال افلوس المهر خالد هديه مني

ماما ؛؛ والله ماشور شيء
نا ؛؛ ﻻ ضروري خلاص عاد بسلامه وبكره تو انشوف الجو قبل

ماما ؛؛ ايه ماتزريش عليه قالك باهي به قالك لا لا خلي براحته

نا ؛ حاضر

وطلعت وركبت

مراد ؛؛ ها شن الجو
نا ؛ تمام جتها الحنايه اتحني فيها

مراد ؛؛ اها شن عطيتي امك الفلوس
نا ؛ ماحوته خذتهن
مراد ؛؛ اها مازالت هدية اميره علي الفرح ان شاءالله
نا ؛؛ ان شاءالله خير

حبيبي بكره نفطرو هنا باهي

مراد ؛؛ اها به انا كنت نبي انقولها لكي
نا ؛؛ نجك ليا والله انحبك
مراد ؛؛ تو ياهبله معقوله بيان اختك وتقعدي في الشقه

نا ؛؛ حبيبي انت وين ماشي هذه مش طريقنا
مراد ؛؛ في محل هنا نبيك تشري منه لابسه لبكره
نا ؛؛ صااااح بس عندي نا دبش

مراد؛؛ ﻻﻻ اشري حاجه جديده واشري عليها سندر او كندره واطيه فكينا من الكعب

نا ؛؛ حاضر حبيبي

ونزلنا للمحل والقيت قفطان شوفني اقصير حلو وناعم وراقي وشرينه وطلعنا وشريت عليه سندر واطي
وروحنا

……

رجاء ؛؛ هيا خلاص ديرنا بخور العرب اقريب ايخشو علينا
نا ؛ هيا هيا نلابس بس
ولابست القفطان
مروه مروه سكرلي السوسه
مروه ؛؛:ماشاءالله حلوه
نا ؛؛ اعيونك اللي حلوه

ولابست السندر وطلعت

إيمان؛ ؛ اوووو حاجه جديده
نا ؛؛ امس في الليل شريته
ايمان ؛ ايجنن
رجاء ؛؛ ياعنجدك وانتي ديمه تتقني فيه الميك اب
نا ؛؛؛هههههههه ديمه انقولك كسدي علي روحك مره وتو تعلميه
رجاء ؛؛ عنديش وسعة بال كيفك
نا ؛؛:ضروري اتوسعي بالك بيش اتعلمي
ايمان ؛؛؛حتي نا اعربي جين
نا ؛؛ صااااح
ايمان ؛؛:سمحه لابستي
نا ؛؛:حلوه ولطيفه والله
رجاء ؛؛ ههههههه ونا يبي ايجني سراج اوحده
نا ؛؛ هههههههههه يقدرش

رجاء ؛؛:مازال بدري مش تو نبي ناخذ شهاده الثانويه قبل وهو اصل قاعد يبني في حوش قالت ديره كبير من اولها وحاجه فخمه الفرح مش تو وخوذ راحتك

نا ؛؛ ان شاءالله ربي يجبر بخاطرك
رجاء ؛؛ان شاءالله

وبخرنا الحوش وقعدنا نرجو في العرب وخالتي وماما مرتبكات اتقول هن العرائس

رجاء؛ ؛ وسعت بالكن كنك مرتبكات
ماما ؛؛ ان شاءالله ايجي بيان سمح والله خايفه عليهم
خالتي سالمه؛؛ والله حتي نا وين خالد ووليد
دعاء ؛؛ وليد عند صاحبه مافطر عنده
رحاء ؛؛ كنك ياخالتي تي ماانتي عرفتيهم طالعين عند اصحابهم بيش يلابسو

نعيمه ؛؛ السلام عليكم
نحن ؛؛ وعليك السلام
ول اول مره نعيمه اتخش اتسلم واتقعمز بدون مااتقول كلمه

وبدو ايجو الرجال والصبايا طبعا عربنا وعرب خالتي

وجو عيت عمي اهل مراد
نا ؛؛ تفضلن خشن
عمتب ؛؛يزيد قضلك
وخشنا عمتي وهاجر وهدي وقعمزنا مع خالتي فاطمه ايهدرزن

ورن فوني

نا ؛ الو حبيبي
مراد ؛؛ ايه تعالي كذا نبيك
نا ؛؛ به اني جايه
وطلعت عليه
نا ؛؛ مشيت غيرت
مراد ؛؛ اها تو مشيت ادوشت وغيرت وجبت امي و البنات
نا ؛ اها نجك نعم شن تبي حاجه
مراد ؛؛مسكني من عند وسطي
كنت نبي انشوفك كيف طالعه
نا ؛؛ هههه هذا عليش
مراد ؛:اها كنت نبي نمل عيني بيك اشويه
نا ؛ ههههه به خلاص عدي شوف الرجاله تو يقرو الفاتحه
مراد ؛؛ به
وباسني وعد للرجاله

وسمعنا صوت تبيب
بيب بيب بيب بيب

وكان علي جايب العرائس من الكوافير

وخشنا هن الاثنين كل وحده اتجنن اكتر من الاخر ومتغيرات بكل

ودرنا القهوه والحلويات

وخشنا وقعمزنا بعدها قالو الفاتحه انقريت
الصبايا لووووووووووووووووووووووووووووووووووليا لووووووووووووووووووووووووووووووووووليا
وطبعا سلمنا عليهن والدموع بالغصب نمسكو فيهن
وبعدها ولعنا صوت الاذاعه علي الاخير

وبدينا انديرو انوزعو في عصير وشكولاطه
مروه ؛ حطن كل قاتوةفي تبسي هيا
رجاء ؛؛ اهن التباسي بره وتيات

مروه ؛؛ الرجاله واجدين قالي علي هيا راه قاعد يرجا ابسرعه

هدي ؛؛ شوري وظيفتي تسخين الموالح
نا ؛ تي خليكي متريحه كنك صبيتي
هاجر ؛؛:كيف انستي ان اميره ورجاء يما صبلنا في بياني وتو جا وقتنا انساعدو

رجاء ؛ خشن خشن يا حناتي ماحد براني ماتعدلنش عليها ايه هذه

هاجر ؛؛ هههههه اي والله صدقتي

بيبيب بيب بيب بيب بيب

رجاء ؛؛ لووووووووووووووووووووووووووووووووووليا لووووووووووووووووووووووووووووووووووليا
العرسان جو
هدي ؛: صاح هيا هيا تعالو اتفرجو

وصبينا علي باب المطبخ وانبحتو

وشافنا اجمل اثنين خشو وليد وخالد وكانو طالعين ايجننو

سلم كل واحد فيهم علي خطيبته بالخد وحب فوق راسها وسلم علي اخته وباركلها
وقعمزو

وماما وخالتي يبكن وحالتهن حاله

وجتهم ايمان وعطتهم ادبل وبدت اتصوﻻ فيهم بالكاميره

وصبو خالد وامل
ولابسها خالد الدبله والطاقم وقصو التورته ووكلها

ونحن انغنو وجو من الاخير

وطلع خالد للرجاله

وامل خشت غيرت القفطان والابست البدله

مروه ؛؛؛ايمان جيبي التورته هذه وتعالي خوذي تورتهم
ايمان ؛؛ هيا هيا
وطلعنا تورت اميره ووليد ومعها العصير وشالتهن ايمان ورجاء

وصبو اميره و وليد
ولابسها وليد الدبله

وليد ؛ واخير قعدتي حلالي
واضبطها
والناس كلها اتعيط

اوووووووو مازال مازال يا وليد
ودفاته اميره بشويه لانها انحرجت من الموقف

وحبها علي راسها
وقصو التورته ووكلها ووكلته

وليد ؛؛ انحبك يا اميرتي يامراتي يا حلالي يا عمري كله

اميره ؛؛ وانا نموت فيك
وطلعت امل بالبدله وخشت اميره اتغير و وليد طلع للرجاله

وجت وقعمزت جنب امل

نا ؛؛ ماشاءالله متغيرين بكل
رجاء ؛؛ هههههههه اتقول ماعمرهم دارو حمامات تي كنهم بيض هكي انظاف هكي
هاجر ؛؛ هههههههههههه سخيفه انتي يارجاء
رجاء؛ ؛ والله هم الاثنين كانو معانا امس ماتقدري اتبحتي قيهم بكل من اللحيه والشيانه

نا ؛ هههههههههههه
هيا خلاص لمنا تباسي الموالح وهي انقدمو افروت سلاط

هدي ؛ اهو كملت راه عبيتهن كلهن

هاجر ؛؛ ماشاءالله اتصدقي وليد و اميره احلي من خالد وامل تي حتي الحب قاعد باين في اعيونهم وحي لما اضبطها اقريب طرت نا

نا ؛؛ حتي هم من الطفوله مع بعضهم
هاجر ؛؛ ربي ايتمم عليهم

وحطنيا افروت سلاط وبعدها العرب بدو ايروحو
وروحو كلهم ماعاد اعربي بس

عمتي ؛؛ ايه اترني علي مراد هيا
نا ؛؛ مراد قاعد بره انكمل الحوسه بس
ماما ؛؛ ﻻﻻ تريحي يا ويه انتي خلاص
نا ؛ اقريب انكملو خلاص
هدي ؛؛ اشويه ماما حاجات خفيفه مازالن
ماما ؛؛ هدي هاجر انتن تريحن عيب عليكن هكي

مراد ؛؛ الو حبيبي هيا خلاص
نا ؛؛ اها كملنا هيا ولع سيارتك بس تعالي من عند باب المطبخ الخلفي في حاجات نبيك تاخذهن
مراد ؛؛ به اني جايه
وطلعت عليه
نا ؛ خوذ هذين موالح وجو
مراد ؛؛ ليش

نا؛؛ بيش نسحرو وبعدين ماما اللي عطتني
مراد ؛ به هيا اطلعي
نا ؛ هيا
مراد؛؛ ايه الابسي خمار قدام الحوش امعبي اصحاب وليد وخالد
نا ؛ به حاضر

مراد؛ ها ياامي شن الجو
عمتي ؛؛ تمام الحمدالله ماشاءالله عليهم العرسان عقبال للهدي و طارق يا رب انتريح عليهم
نا ؛؛ ان شاءالله
هاجر ؛؛ ههههههههه شفتي يا هدي ايه بدت من تو اتوزع فيك
نا ؛؛ بلا جو شين انا انقول ان شاءالله لان الوحده مالها الا حوش راجلها

هاجر ؛؛ قصدك الزواج حلو صاح
نا ؛؛ هههههه اس يسمع فينا مراد
هاجر ؛؛ تي مراد امغطي وجك وهو ايبحت
نا ؛؛ وين ايبحت
هدي ؛؛ هههههههههههههه بلا سماطه يا هاجر تبي اتخربي علي المراه ولا شنو
نا ؛؛ ازي تضحكي عليا

مراد؛ ؛ ليش يتهاجر ماتحقيش فيها مالي عيني ولا شنو

هاحر ؛؛ انصدمت وحطت يدها علي فمها لان اعرفت ان مراد سمع نقاشان كله

هدي ؛؛ تستاهلي هذا اللي ينطق
عمتي ؛؛ كنهن فيش يحكن لاوره هذين
مراد ؛؛ هاجر اتخرب عليا
عمتي ؛؛ خاطي خوك راه خيرلك
هاجر ؛؛ مراد شفت السياره اللي تو جديده صاح
مراد ؛؛ اها السوده
هاجر ؛؛ اها اتسوق فيها مراه

مراد ؛؛ عههههههههههههههههه راكي اتصدقي يا ويتي
هاجر ؛؛ اوووووو ويتي ايثبت فيك بس

مراد ؛؛ هاجر بلا سماط خلاص
نا ؛؛ خليها خليها واخذه راحتها

وروحنا واول ماخشين حولت العبايه طول وقعدت بالقفطان
وجاني مراد واضبطني من لاوره

مراد ؛؛ تي نقاني امرايف عليك من الاخير
نا ؛ ههه به خليني انغير بس
مراد ؛؛ﻻﻻﻻ ماعندك عليش اتعبي في روحك تو اندير كل شيء نا بروحي تخصصي نا
وغمزلي

نا ؛؛ صايع
مراد ؛؛ مع مراتي
نا ؛؛ انحبك
مراد؛ ؛ انموت فيك كذا خلني انشوف القفطان اشويه
وابتعدت منه
نا ؛؛ هه حبيبي حلوه
مراد ؛؛ حلو لانك لابستيه
نا ؛؛ ياعيني وخلاص
وكرني مراد واضبطني وفتح السوسه…………….

ومشينا في خبر كان

نا ؛؛ حبيبي اشرب روينه خلاص الامساك
مراد ؛؛ هاتي هاتي بعدك عطشان

نا ؛؛ حس صوت رساله جتني
مراد ؛؛ من اللي ايدزلك تو
نا ؛؛ مش عارفه
ومشيت للدار
ومسكت الفون وقعمزت علي السرير وفتحت الرساله
ونا نقراء انصدمت لما شفت الرساله ونقراء والعبره خنقتني ودمعتي طول انزلت بدون ماانحس

كان اللي في رساله
………….

يتبع