مسلسل سعاده كاذبه التكملة

مسلسل سعاده كاذبه
الحلقه 35وطلع مراد ونا برمت على روحي ولابست قفطان طويل وفوقه طرف صيفي وقعمزت ورنيت علي ايمان

نا ؛ الو ايمان شن اخبارك
ايمان؛؛ هيييييييي ايه
نا ؛؛ كنك تشهقي هكي كنك
ايمان ؛؛ وينك ياحنه ماعاد رنيتي ولا عاد جيتي وكان كلمنا مراد ايقول نا تو في العياده وفونها خاربنا ؛؛ قصدك كلمتي مراد
ايمان ؛؛ اها كلمته ثاني و4 يوم في رمضان في الليل وايقولي نا في العياده
ويه في مشكله صاح

نا ؛؛ ﻻﻻ بس صح فعلا فوني خارب
ايمان ؛؛ بلا كذب ياويه مراد كبس عندك فون رجاء صاح
نا ؛؛ وووووو كلا انتي
ايمان؛؛ رجاء خذت فوني ورنت علي سراج وهو قاللها ان عندك انتي الفون وقال تقريبا شافنا مراد ونا نعطي فيه لها

وطول عرفنا ان مراد اكبسه عندك صاح

نا ؛؛:اها عليك مشكله طيحتني فيها رجاء
ايمان ؛؛ تستاهلي انتي يا ويه انتي مرات راجل وخطا اديري الشيء هذا

نا ؛؛ انحرجت منه يا ايمان

ايمان ؛؛ ديمه هكي انتي ديمه اتوصلي المشاكل شورك مالك ومالها اهي سببتلك مشكله وقعدتي اسبوع ماجيتنا ولا كلمتينا نين ماما انشغلت بس نحن قعدن نكذبو وانقولو انها اتكلم في الليل و انتي راقده

نا ؛: اها ماما افطنت الجو

ايمان ؛؛ لوله اميره راه رحنا فيها هي اللي قالت اكذبن علي ماما

شكله مراد واعر يا ويه شن صار

نا ؛؛ ماصار شيء بس حبسني لا طلعه ولا خشه ولا يحكي معي حتي فوني خذه
امس كيف ترضينا هو خش عليا ولاقني نضحك مع سراج وانحط في حاجه في شنطتي ومابش ايجبني عندكم ولما روحنا فتش الشنطه طول بس تقريبا الفون تكسر خلاص كسره مراد

ايمان ؛؛ هيييييي انعنه ماايرد تستاهل رجاء وبعدها رجاء عندها فون تاني جابلها سراج

نا ؛؛ ووووو الفرخه هذه ماتشعف
ايمان ؛؛ اصلا حتي سراج تعقد وعرف ان سببلك مشكله وعلي كم مره يبي ايكلم مراد بس رجاء ارفضت قالت مرات انت سابق الاحداث وما صار شيء

نا ؛؛ ياما صار ورايء
ايمان ؛؛ هههههه بكل عيشتنا علي اعصبانا نرجو في رنه منك ولما مراد ايرد وايقول انه في عياده انتحشمو

نا ؛؛ به شن اخبار ماما
ايمان ؛:ماما اتقول حاسه انك في مشكله ومل مره تسال عليك ونحن انقول اكويسه وفونها طاح انكسر واتكلم فينا لما ايروح مراد من العياده يعني بعد ماترقده هي
نا ؛؛ عليك قصه
ايمان ؛؛ الحمدالله جت علي هكي تي احمدي ربك اللي جت علي هكي
نا ؛؛ الحمدالله
به ياحنه خلني تو انعدي ننزل علي اعربي ماشفتهم بكل علي رمضان

ايمان ؛؛ هههههههه حبس صار تستاهلي راجل وشاف مرات تضحك وتبيه ماايدرلك شيء والله تستاهلي تي كان نا راه احمد قتلني قتل تي امغير السنه اللي فاتت معجب بيا بس ماخلنيش نحكي مع الاستاذ الاخرين مش نقعد مراته ونحكي مع غيره

نا ؛؛ ههههه هذوم الرجاله ايهبلو امغير هم يضحكو والله لما ايتعقدو ماعاد يعرفو من قدمهم

المهم تو سلمني علي ماما وطمني البنات وقوليهن جوي تمام تو بالكي انجي في هاليومين

ايمان ؛؛ به ياحنه نرجو فيك
خطرها راه فاتحة خالد واميره تو في رمضان لما اتجي انتي تو انحدودو

نا ؛ صاح باهي مبروك ان شاءالله
وخش عليا مراد

وهيا سلام
ايمان ؛؛ سلام
مراد ؛؛ كنك معش نزلتي
نا ؛؛ كنت نحكي فون
مراد؛ به هيا انزلي نا جايب عامل ايركب المرايه
نا ؛؛ صاح به اهو نازله

مراد ؛؛ تعالي هنا البسي وشاح ماتنزليش هكي تو تلقي العامل

نا ؛؛ به

وخشيت للدار ولابست الوشاح وطلعت والقيت العامل امصبي عند الدروج

نزلت ابسرعه وخشيت عليهن في المطبخ القيتهم كلهم قاعدين

نا:: السلام عليكم
هدي ؛؛ العين قابله وين ياحنه
نا ؛؛ خيرات كيف حالك كل سنه وانتي طيبه
هاجر؛ وانتي طيبه
الهام ؛؛ مختفيه يا شينه لا حس ولا خبر
نا ؛؛ كنت مريضه اشويه
غاده ؛؛ لاباس ان شاءالله
نا ؛؛ اهو اشوية تعب بس

عمتي ؛؛ اتعبت نين امس نزلت العويل ومعش ركبتهم حتي الفتح ما فتحتلهم

نا ؛؛ انحرجت علي الاخير
ها شن ديرات الفطور

هاجر ؛؛ نا شور الحوش امغير تو خاشه انبحت شن ديرات بس
وطلعت

الهام ؛؛ ان شاءالله
فطورنا شربه وابرودو ومعكرون وطاجين وفخده وبيتزا وكانونلي
وسلاطه

نا؛ ماشاءالله واجد
الهام ؛ اهو كل حد ويطلب

نا ؛؛ اها
وبديت انا اندير معهن في الكانونلي
والهام طبعا المشرفه الاساسيه امتعت المطبخ
وعمتي اعجنت خبزة التنور وقعدت اتهدرز معانا في المطبخ

غاده ؛ بنات شن انديرو الحلو
هدي ؛؛ ياخيتي حمو ديرو حاجه امصقعه
نا ؛ نا دايره كيكه مثلجه فوق
هدي ؛؛ صاح به خلاص غاده انتي ديري كسترده نحن حوشنا ضروري يوميا ياكسترده يا محلبيه

نا ؛؛ كيفنا نحن ضروري يوميا
عمتي ؛؛ درتيهن الايام اللي فاتن في شقتك ولاه ما سويتي حاجه

نا ؛؛ وجي تغير
ﻻ انسوي ياعمتي وكسترده اندير فيها يوميا علي خاطر مراد
عمتي ؛؛ اها نحسابك بعد احملتي معش سويتي

الهام ؛ ماشاءالله حامل
نا ؛ اها
هدي ؛ لووووووووووووووووووووووووووووووووووليا
عمتي ؛ اس عيب خوتك يسمعو
غاده ؛ تحكي من راس خشمها

باهي تمام انجيبو اقريب من بعضنا

واتجي هاجر تجري
هاجر ؛؛ تي كنكن عليش الزغروته
هدي ؛؛ ايه حامل
هاجر ؛ نجك ليا مبروك
نا ؛؛ يبارك فيك وعقبالك ان شاءالله

هاجر ؛ ههه ان شاءالله

عمتي ؛؛ هدي هيا تعالي معي نبي نرمي التنور
هدي ؛؛ هيا ياماما

واطلعن عمتي وهدي
وكملنا نحن الفطور
وخش علينا طارق

طارق؛ ؛ اوووووو ايه شن الجو
نا ؛ تمام الحمدالله
طارق ؛ شن الفطور جيعان بكل اليوم
الهام ؛؛ تي مالك شيء واعي
طارق ؛؛ نقاني جيعان

الهام ؛؛ خلاص معش في واجد

وفجاء سمعنا صوت

مراد ﻻ با لمار تعالي هنا

الهام ؛؛ اكيده لمار حايسه في رتاج

وطلعنا نجارو

والقينا مراد ضارب لمار كف وايهزب فيها
واول ما شفتني جتني تجري

مراد ؛؛ تعالي هنا وين هاربه نا شن قالت علي الضرب
نا ؛؛ قعدت ماسكه لمار
مراد خلاص بشويه عليها

مراد ؛؛ بصوت عالي
عدي اركبي فوق مافيش لا وكال ولا لعب ياحقيره

الهام ؛؛ خلاص يا مراد هذوم اصغار عادي
مراد ؛؛ نا شن قالت علي الضرب انت وياه قعدات اتنتشن في بعضكن في الشارع

تو اركبي يا لمار تو

ولمار قعدت شاده فيا وتبكي
نا؛ ؛ خلاص تو انركبها نا هيا لمار نمشو

مراد ؛؛ ايه سيبها تركب اوحدها وماحد يلحقها تو تركب

نا ؛؛ بحتت في مراد
مراد ؛؛ تو عدي اركبي
ومشت لمار وهي تبكي

ولحقها مراد

عمتي ؛ عدي اركبي وراها يا ايه
تو يضربها نا عرفته مراد واعر وتو يضربها
نا ؛؛ به عمتي

وركبت وراه
وتميت اندق ونسمع في مراد ايهزب

نا ؛؛ حبيبي افتح خلاص نبيك
مراد ؛؛ ايه انزلي ماحد يدخل

نا انحرجت وقعدا امصبيه قدام الشقه مابيتش ننزل

وفطن مراد ان نا قاعده قدام الباب مانزلتش وجا وفتح الباب

مراد ؛؛ نعم ايه
نا ؛ لما شفته فتح انصدمت
حبيبي نبي الشقه اشويه
مراد؛ ؛ خشي

وخشيت وشفت لمار تبكي في الدار
وبرمت وجي شور مراد
والقيته امصبي ومتكي بكتفه اليمين علي الساس وحاط يده التانيه علي جنبه

وهمسي بشويه

مراد؛ خشي سكتيها

نا ؛ ابتسمت

مش قالت انك حنون

وخشيت عليها

نا ؛؛ خلاص حبيبتي معش تبكي
لمار؛ ؛ نبي ماما نبي نمشي لماما معش نبي بابا
نا ؛؛ اسسسس تو يسمعك بابا يزعل

لمار ؛؛ ﻻﻻ نبي نمشي نبي ماما
نا ؛؛ به تو انقوله بس اس تو يسمعك قاعد بره هو
واسكتت وطلعت والقيت امقعمز علي الكرسي
ومشيت للمطبخ جبتلها ميه وشكولاطه

وخشيت عليها وشربتها ميه
واذن المغرب وطلعت عليه

نا ؛ حبيبي هيا ننزلو نفطرو
مراد ؛؛ هيا بس لمار فيش نزول
نا ؛؛ ﻻ حبيبي لمار تبي تفطر حرام صايمه لمار حرام يا حبيبي
مراد ؛ ضحك ومسك ضحكته
والميه اللي خشت تو شن

نا ؛ هههه هيا باهي علي خاطري فكنا من النكد قدام هلك

مراد ؛؛ به هيا نزليها وانزلي

وخشيت علي لمار
نا ؛؛ هيا لمار حبيبتي
والقيتها فاتحه الشنطه واتحط في الدبش

اول ما شفت الموقف مسكت ضحكتي بالغصب

هييييي لمار فيش اديري

لمار ؛؛ نبي حوش ماما معش نبيه بابا

نا ؛؛ هههه عيب هذا بابا وعادي كان هزبك شن فيها وبعدين انتي غالطه طالعه في الشارع ودايره عركه

لمار ؛؛ نبي نمشي نا
نا ؛؛ هيا تعالي اغسلي وجك وننزلو نفطرو وبعدها تمشي

لمار ؛؛ ﻻﻻ تكذبي عليا انتي
نا ؛؛ لمار حبيبتي نا امتي كذبت عليك خلاص تو تمشي هيا تعالي اغسلي وجك

وخذيتها وغسلتها وجها وطلعن والقينا مراد مش قاعد

نزلنا والقيتهم امقعمزين علي السفره
طبعا ديرين سفرتين اكبار وحده للرجاله وتانيه للصبايا

عمتي ؛ تعالي يا ابنيتي تعالي
وجتها لمار تجري واضبطتها واقعدت تبكي حتي عمتي تمت تبكي
هابا علي بختك حتي انتي

هدي ؛ هيييييي ماما كنك باتها اللي ضربها كنك انتي
عمتي ؛؛ ﻻﻻ هذه معش حد يضربها او يلمسها هذه ابنيتي
رتاج ؛؛ امي ونا
عمتي ؛؛ حتي انتي ابنيتي تعالي هنا

وعديت نا خذيت حليب وتمر وصليت وجيت قعمزت علي السفره

حاتم ؛؛ انت ضاربه يامراد
مراد؛ يضاربن في الشارع
حاتم ؛ مراد من جدك طفله ضربتها
مراد ؛؛ تي كنكم حسستوني ضربتها ضربه قويه راه ما طقيتش فيها الا بكف بس

عمي ؛؛ ﻻ يا مراد نقانك ماعاد تضربها هذه اصغيره

طارق ؛؛ والله ياريتك عيل يا لمار كان هذا ناخذك معي في الشارع ايصير منك في العرايك

منتصر ؛؛ هههههههه عليك مستقبل عندك يا لمار

عمي ؛؛ جرب فيش كنت اديرلي وانت اصغير تي باهي عيل انت

حاتم ؛؛ ههههههه والله نذكر مره انت داير عركه بره جاتك عمتي فاطمه وعطاتك لوحه بيش تضرب العيل وفعل وطلعت وتميت تضرب وبعدها جا بوه العيل واطلعت عمتي اتعيط وكراتك وماخلتش الاب يضربك

الهام؛ ؛ هههههههه التاريخ يعاود نفسه
نا ؛؛ هههههه

بحت فيا مراد
مراد ؛؛ عحباتك عاد انتي

عمتي ؛؛ وانتي يا ايه اكيده عندك ماضي
نا ؛؛ مش عارفه بس ماما ديمه اتقولي انتي هاديه من انتي اصغيره نحن عندنا المتعبه رجاء واجد متعبه اللي علي قلبها علي اللسانها

طارق ؛؛ تي اكيده ضاربه ومنضربه
نا ؛؛ ممكن منضربه لكن ضاربه لا اعتقد
هدي ؛ واضح انك هاديه

هاجر ؛؛ ويه هذه سلسه جديده
نا ؛؛ اها
هاجر ؛ اتجنننننن احلي من الاوله
وبحتت في مراد القيته ايبحت فيا
نا ؛ وطيت صوتي
من مراد هديه
هاجر؛ ؛ صاح اتجنننننن شن المناسبه

نا ؛؛ ازرطت من السؤال ووجي تغير

هدي ؛ اكيده علي الحمل يا غبيه
هاجر ؛؛ يييييي صاح
عمتي ؛؛ هذا مراد يغلط وايجيب ذهب هذا فيش فالح ايكر وخلاص

نا ؛؛ انقهرت من كلمة عمتي

صحه

وصبيت للمطبخ وصبت وراي هدي
ودارت الجو عادي وبدينا نلمو في الحوسه وكملنا
ومشينا قعمزنا ف الصاله معهم كلهم ماعاد عمي صبا خش رقد ومنتصر طلع بسياره

وجانا مراد

مراد ؛ ايه تعالي خوذي دواء اهو جبته لكي
نا ؛؛ اها شكرا حبيبي
وانحرج مراد وفنص فيا
نا ؛؛ بحتت جنبي القيت العائله كلها

طارق؛ ههههههههه هذه اقوه من نصوري هذه ازقبت طول حبيبي

مراد ؛؛ اس يا طارق تحشم
حاتم ؛؛ نا لا نصوري ولا حبيبي

الهام ؛؛ امغير اجدد فرحانات بس تو ما ايقولن الا يا مراد ويا منتصر

طارق ؛؛ ههههههههههه

مراد ؛؛ خوذي هيا
وخذيت الدواء
غاده ؛ شن دواءك
نا ؛؛ الله اعلم جابه ليا مراد
غاده ؛؛ انتي وجدات اكتر مني
نا ؛؛ بحتت في مراد ومستغربه
مراد ؛؛ هي تعطش واجد ايه

انتي من دكتورتك

غاده ؛؛ سناء
مراد ؛؛ رفع حاجبه من
غاده ؛؛ سناء
مراد ؛؛ اها ردت هي لعملها
غاده ؛؛ اها لها مده راده ونا مشيتلها طول قالت احسن ما انلبز عند ناس مانعرفهم

مراد؛ اها شاطره هي الحق
غاده ؛؛ اكيده انت عارفها وعارف عملها

وخش علينا منتصر ومعه طبق حلويات
غاده ؛؛ جبت حلو
منتصر ؛؛ جميع انواع المعسله
هدي ؛؛ اووووو الشعبيات
جيب حيب هنا

منتصر ؛؛ هيا وحده فيكن تو اتصبي ادير قهوه مره

نا ؛؛ صبيت ابسرعه
نا تو انديرها بس عقبولي قرعتي

مراد ؛؛هههههههههه حتي انتي تبي
نا ؛؛ اكيد اهم حاجه الزلابيه ولقمة القاضي
منتصر ؛؛ اها جيب عدي ديري هيا
نا ؛؛ هيا هيا خطرها في فوق كيكه مثلجه
مراد ؛؛ خليكي هنا تو انعدي ا نزلها انا
نا ؛؛ به شكرا

وركب ونزل الكيكه
و نا درت القهوه وجبتها وجيت وقعمزنا كلنا هجوم علي الحلويات وافضلت اخر طرف من الزلابيه

ومراد وطارق بحتو في بعضهم
ونط عليه مراد هو الاول

طارق ،؛ مراد انت ماتحبهش كيف صار
مراد ؛؛ ﻻﻻ اليوم عجبتني
طارق؛؛ بعدك حمره ياناعليا منها

مراد ؛؛ قعد ايحط فيها اقريبه من فمه وايوخر فيها
ونا انبحت فيه وماسكه فمي التحت ومراد بحت فيا وغمزلي وشيري انجي جنبه

وصبيت وجيت وقعمزت جنبه وهو حطها في فمي
ومسك يدي وباسها وبعدين فطن لروحه قدام هله ونزلها طوووووووول

طارق ؛؛ هههههههههههههههه قلبنا علي التركي

والله عارفك ح اديرها

ياالله يا ايه

نا ؛؛ قعدت نضحك
والله هو اللي كلمني

مراد ؛؛ نا طالع تبي حاجه
نا ؛؛ ماشي للعياده

مراد ؛؛ رفع حاجبه
كيف ناسيه ان اليوم جمعه

نا ؛ اهااا انسيت به نبيك في الموضوع

مراد ؛؛ به تعالي

وطلعنا نا ومراد لجنان وكرني مراد بره لاوره وحطني علي الساس وهو قرب مني وامطبس راسه عليا وباسني بوسه طويله وحلوه نين قبل دخت وهو مسكني من وسطي وقربني منه

مراد ؛ حبيبي كنك
نا ؛؛ انحبك
مراد ؛ ونا انموت فيك
وحول اشويه من القفطان من علي كتفي وطبس وباسني
نا ؛؛ حبيبي تو ايحقونا

مراد ؛؛ ههه شن ادير امرايف عليك والقيتك اوحدك
نا ؛ به حبيبي نبي نطلب منك طلب
مراد ؛ رفع حاحبه شن هو طلبك
نا ؛؛ شيل لمار وحمادي لامهم امرايفين عليها وبعدها هذا رمضان خليهم معها وامتي ماهم ابجو ايجو

مراد ؛؛ هذا طلب لمار صاح
نا ؛؛ حرام تبي امها
مراد؛ ؛ به هيا وتيلهم دبشهم
نا ؛ به نركب بس
مراد ؛ به

وجيت نبي نمشي مسك مراد يدي وكرني شوره
نا ؛؛ حبيبي كنك اليوم
مراد ؛؛ امرايف عليك
واضبطني ونزل علي ارقبتي وباسها بوسه كبيره نين عطيت منها

نا ؛ اهااا حبيبي

ومسكني مراد من وسطي بقوه وتمه ايبوس فيا
نا ؛؛ اهااا حبيبي
مراد ؛؛ اسسس يسمعو فينا
نا ؛؛ باهي حول
وتميت اندف فيه وهو قعد شاد عليا ومسكني بقوه

مراد ؛؛ ايه ماادفيش راه خيرلك
نا ؛؛ حس واحد جا
مراد ؛؛ فيش حد اس

وقعد اقريب مني وطلق شعري وحطه علي جنب
علي الاقل يستر علينا هو

نا ؛؛ ماحتي حبيبي في الشقه استر
مراد ؛؛ هههههه وكان نركب في الشقه معش في نزول
نا ؛؛ ههههه ﻻﻻ معنها خلينا هنا احسن

وسمعنا صوت حاتم ايكح عيني عينك فطلنا
وخر مراد مني
نا ؛ حي علينا

مراد ؛؛ هههههه تي كنك انتي راكي مراتي خلاص سقمي ادبشك وعدي

نا ؛؛ معقوله اتشردني هكي

سقمت دبشي ولميت شعري ومشيت خطمت من حاتم وهو ايدخن بس هو كان امنزل راسه

حاتم ؛؛ فيش ادير
مراد ؛ ههه شيء
حاتم ؛؛ شكلها جاتب اخرتك ماعمرك درته الخبر هذا
مراد ؛؛ بنت حلال من الاخير واعرفت تكسبني وتكسب قلبي

حاتم ؛؛ واضح والله حتي امي فاطنه الجو قالتلي الفرخه جاته وطيرت عقله

مراد ؛؛ اصغيره وياما دارت فيا خذت العقل والقلب

والله مرات انحس فيها ابنيتي من حركاتها الصغيره جتني قطوس في اشكاره امغمضه وماتعرف حاجه كل شيء علي يدي عرفاته مش اتجيك فانص وتعرف كل حاجه نين ماتحس روحك راجل بكل

حاتم ؛ ههههه الصبايا انواع يامراد وحافظ عليها راه حتي الهام تشكر فيها وعجبتها والله لما قالتلي انها شافت سناء في الفرح واسكتت ومشت للحمام وماقالت ولا كلمه مع ان سناء ياما حكت عليك بس هي شيء ساكته والله اكبرت في عيني وعرفتها تبيك وتبي تكسبك

مراد؛ ؛ عرفها سناء حاكيه وهي ماقالت ولا كلمه

حاتم ؛؛ مش قالتلك تبي تكسبك قزونه وتبي من يحميها واديرلها شان وكان واعيشها في حلال

مراد؛؛ صارت مشكله بينتنا الايام الفاتن وماحكت ولا كلمه تخيل حبستها لا فون ولا حتي نحكي معها وهي كملتها ابكاء وصابره ومانطقت ولا كلمه وادير في الفطور احسن فطور وادير في الحلو

مش كيف سناء من ابسط مشكله نلقها لا دايره غداء ولا شيء واطنش من حالها نين كرهتني فيها

مش هذه متعارك معها وحابسها وامخليها تخدمني وتخدم اعيالي والفم ساكت وتبكي واتسوي واي حاجه ترضني اديرها نين قهرتني والله حسيت روحي ولا حاجه قدامها وقدام معاملتها طيبه بكل وعرفت تكسبني والله نادم اني ماشفتها الا تو

تخيل امي جيتها وقاليتلها مانبيش حمل تو وهي ماحكتلي عليها بكل

قالك كان سناء راه اركبت ودارت فيا يوم اسود علي كلمة امي وراه نا درت مشكله كبيره
سبحان الله الصغيره اعرفت تصرف حسن من الكبيره المتعلمه
والله مرات نهز عليها وانقول ماتعرفش ادير حاجه ونلقها دايره اللي نبيه واللي احسن حتي الفطور اعرفت اتسوي واتوكل واتغير واتلابس ونا نلقي في دبشي مغسول وامحدد وهذا كله في الليل نلقها تقراء في القران

حاتم ؛؛ ماشاءالله تبارك الله
بوها معروف يامراد الطيابه منهم وفيهم

مراد ؛؛ سبحان الله تو حمدت ربي اني انزوجت بعد كنت رافضها ورافض الزواج وكاره

حاتم ؛؛ هذا الصح والله ياما يطلع منهن التسيعنات كيف انبدل حتي نا ولاه شنو

مراد؛؛ ههههه بعدها تذبحك الهام
حاتم ؛؛ ههههههه مش امغير تذبحني احسن حاجه في الهام انها عفويه وجوها ضحكوي ماتحبش النكد بكل والله طول مانا امقعمز جنبها ونا نضحك حي وكان تمشي اتهدرز مع خواتها نين اجانبك يوجعنك

مراد ؛؛ هههههههه الهام الحق بنت ناس واكويسه

وجيتهم نا
نا ؛؛ مراد
مراد ؛؛ التفت لاوره
نعم
نا ؛؛ اهم حمادي ولمار
مراد ؛؛ هيا اطلعو
نا ؛؛ مراد انسيت تعال خوذه حمادي
مراد ؛؛ باهي

وجاني وخذ مني حمادي
وغمزلي
وهمسلي
وتي روحك الليله ومااطوليش لوطه

نا ؛؛ فنصت فيه لان كان حاتم ولمار ايبحتو فينا

مراد ؛: هيا تبي حاجه حاتم
حاتم ؛؛ تبي اتشيلهم
مراد ؛ اها
حاتم ؛؛ به كلمت سناء تاكد منها قاعده في الحوش
مراد ؛؛ تي اكيده قاعده اليوم جمعه
حاتم ؛؛ به عدي مربوحه

مراد ؛:تبي حاجه ايه
نا؛ ؛ سلامتك
مراد ؛ سلام وقرب مني وباسني علي راسي ونسي ان حاتم قاعد بكل

ونا انحرجت وخشيت للحوش

هدي ؛: وين رحتي
نا ؛؛ كنت انوتي في دبشهم شالهم لامهم تبيها لمار

هدي ؛؛ اقعدت اتفنص فيا واتشيرلي واتحط في يدها علي ارقبتها واتعض في فمها

نا ؛؛ طبعا معش فهمت ماتحكي وانبحت فيها ومستغربه

هاجر ؛؛ ههههههه اعترفي يا ايه فيش كنتي اديري
الهام ؛؛ هههههه ياخيتي عادي المغرب اذن
هاجر ؛ مش عيني عينك هكي

نا ؛؛ مافهمت شي وجيت وقعمزت جنب هدي
وقربت مني هدي

هدي ؛؛ غطي ارقبتك ياحلوه شكلك كنتي مع مراد وهو ما امقصر بكل

نا ؛؛ قصدك امعلم
هاجر ؛؛ ههههههه تي لها ساعه اتفنص وانتي ماتفهمي

ونا بحتت في عمتي القيتها لاهيه في المسلسل وحطيت شعري علي الجنب وغطيت ارقبتي

هدي ؛؛ مراد كنه مش قادر يصبر ولا شنو
نا ؛؛ هههههه

غاده ؛؛ ايه انتي مشيتي للعياده
نا ؛؛ اها مشيت امس للمراد
الهام ؛؛ اوووووووو والله حلوه تقعدي حامل واللي يهتم بك راجلك فيها جو صاح يا ويه

نا ؛؛ هههه اها امس مشيت اخر مريضه خشيت عليه ودارلي وطلعنا

ياخيتي علي الاقل ماتحشميش راجلك وعادي

هدي ؛؛ ههههه وهو اكيده انتي اول مريضه ياخذ راحته فيها
نا ؛؛ ها املاه ياخذ راحته مع غيري

هدي ؛؛ ههههه ﻻﻻ صدقتي صاح معاك الحق
هاجر ؛؛ زمان حنين ما عاينت عنده الا بالف واسطه هي تحشمت منه

نا ؛؛ حنين كانت اتعالج عنده

هاجر؛ ماشاءالله تبارك الله مااحملت الا عند مراد قبل كانت اتلبز بره ومابتش تمشيله بكل والناس كلها اتهزب فيها ايقوللها معقوله خوك دكتور مراد وادوري بره وهي سكرت راسها قالت معقول انقول لخويا عطني احبوب نحمل حتي لما تمشي لدكاتره لما تعطيهم اسمها ايقوللها دكتور مراد خوك طول
نين ماما حكت لمراد وهو كلمها وغصب عليها اتجي في العياده ودرلها الجو كله

نا ؛؛ صاح ماشاءالله مانحسبش كبير هكي
هدي؛؛ مراد تخصصه العقم وايعالج نساء ورجال هذا عليش انشهر بسرعه

هاجر ؛؛ ههههه نا تو انقول لمراد عطيني احبوب بيش نحمل طول

الهام ؛؛ ههههه ماصح وجك والله مرات خويا تبي اتجيه معش جاته بكل

نا ؛؛ ييييي عليا خطرتو عليا عندي بنت خالتي نبي انكلمها

الهام ؛؛ املاه نساء
نا ؛؛ اها عطيها مراد تحاليل اديرهن
الهام ؛؛ اها

وقعدنا انهدرزو وسهرنا

نا ؛ نبي نركب عندي دواء تو
هدي ؛ به خوذي حاجات اتسخنيه بعدين
نا ،؛ به
وصبيت ولحقتتي هدي وعطتني سفره كامله للسحور
ورفعتها وركبت

وخشيت للشقه وحسيت روحي تعبانه بكل وظهري يوجع فيا طول ادوشت وطلعت القيت مراد حاطلي

صندوق فوق السرير فتحت والقيته اروب امطبقات فوق بعضهن وتميت كل مره انطلع في روب

الاول
روب امشبك اقصير اسود
وروب سماءي شفاف اقصير
وروب عنابي ناعم واقصير ومفتوح من الجنب و معهن عطر

الحق كلهن عجبني والعطر بنته اتجنننننن

ولابست روب امشبك اسود وجيت علي المرايه وشفت ارقبتي والقيته امعلم عليها

نا ؛؛ حي عليا نا مراد كنه دارلي هكي

ودرت رسم عين من فوق ومن تحت درت قلم ازرق و روج احمر قوي

وحطيت العطر

وصبيت قدام المرايه وانبحت في روحي وفي بطني كيف ان فيها بيبي واصغيره هكي وسبحان الله انها كيف ح تكبر ويكبر البيبي وايجي بين ايديا ويكبر

وسبحان الله كيف الرمضان اللي فات قاعده

امقعمزه في حوش هلي ولا خاطره عليا الزواج ولا شيء وكيف الرمضان هذا قاعده متزوجه في بطني بيبي انفكر وسرحانه

وايجني مراد ويضبطني من الاوره وحط يده علي بطني وباسني تحت وذني ويهمسلي في وذني

مراد ؛؛ في شن اتفكري
نا ؛؛ فيك انت
مراد ؛؛ شن عجبنك الرواب
نا ؛؛ايهبلن امتي شريتهن
مراد ؛؛ ههههه ليا كم يوم شريهن بس كانن في السياره اليوم كيف ركبتهن

نا ؛ انحبك
مراد ؛؛ وانا انموت فيك
ايه
نا ؛ نعم
مراد ؛ شن درتي فيا
نا ؛ شيء
مراد؛ ؛ حبيتك يابنت ناس في اسرع وقت كبدت عليك ومش متحمل حاجه اتجي شورك

نا ؛ مش اسرع مني
مراد؛ ؛ﻻ انا اسرع نا كبدت فيك قبل
نا ؛؛ ﻻﻻ ناقبل
مراد؛؛ نا شفت قبل وخطبتك وقريت الفاتحه وجبتك هنا وعيشتك معي

نا ؛ هههههه
مراد ؛؛ ربي ايدوم الضحكه الحلوه
هيا خلني انشوف الروب عليك

نا ؛ ﻻﻻ انتحشم حول ماتبحتش فيا

مراد ؛؛ مني نا

ودفني مراد

ونا جيته واضبطته وكاني نبيه يسترني وكاني انحس ان هو الوحيد اللي يسترني ويغطني وايخاف عليا وكأن حضنه هو استر مكان ليا

وهو اضبطني ورفعني فوق وشعري نازل علي الجنب

مراد ؛ افتحيلي سوريتي
نا ؛ وانخش جو فيك
مراد ؛ وكان نلقي انخششك جو في قلبي
نا ؛ اصلا مكاني نا هو قلبك و لو نا مش في قلبك ح انجي ونقعد في قلبك

مراد ؛؛ حلال عليك

وفتحت سورية مراد وهو ايبوس فيا في ارقبتي
نا ؛؛ حبيبي احسيسي
مراد؛ ؛ ياناعليا من احسيسك وخلاص انحبك تعال نبيك هيا الفجر

ومشي بيا لعند الضيء وطفاه وولع المنظومه وحطني علي السرير
……..

مراد ؛؛ ادوشتي بسرعه
نا ؛؛ يالله انطق انسخن وجيعانه
مراد؛ عدي سخني بسرعه
نا ؛؛ هيا هيا
ولابست توته كت و سروال عند الركبه ومشيت انوتي في السفره سحور وخش عليا مراد ولابس سروال توته وكناتيره وشعره مبلول

مراد ؛ ماشاءالله بسرعه كملتي
نا ؛ نا بروحي جيعانه
مراد ؛؛ صحه

وبدينا ناكلو وكملنا ونا انلم في الحوسه ومراد فتح البلكوني وطلع ايدخن

وكملت الحوسه ودرت طاستين روينه

نا ؛؛ حبيبي خلاص دخان وتعال اشرب الامساك
مراد ؛؛ هيا انكمل السبسي بس
نا ؛؛ وخذيت الطاسه وبديت نشرب

وخش مراد وسكر الباب

مراد ؛؛ ايوه عاد انتي امبدري دقيتها حلو وتو اسحرتي وشربتي روينه وتو تسمني هنا

نا ؛؛ ههههه ماعمريش سمنت نا
مراد ؛؛ نلقي كيلو زايد نهارك راه مانحبش السمن
نا ؛ والله نقطع روحي بشر

مراد؛ ؛ ﻻﻻﻻ ماتهونيش عليا
وشربنا الروينه

ومشيت نا بديت نقرا في القران
نين اذن الفجر وصليته ومشيت خشيت في السرير وجاني مراد
مراد؛؛ في شن اتفكري
نا ؛؛ نبي نسالك
مراد ؛؛ امرفع حاجبه
شن هو السؤال

نا ؛؛ ليش ماقالت ان خواتي ايرنن عليك
مراد ؛؛ هذا نوع من العقاب انك ماتحكيش مع حد
نا ؛؛ ههههه انهون عليك اتعاقبني
مراد ؛؛ اللي اديري خطا يتحمل خطاه
نا ؛؛ به ممكن طلب
مراد؛ ها احكي
نا ؛ نبي تمشي لهلي والله امرايفه علي ماما واجد
مراد ؛؛ به تو انشيلك بعد بكره تو نمشو نفطرو عندهم

نا ؛ صااااح
نجك ليا وقربت منه واضبطته
انحبك يا حبيبي
مراد ؛ اللهم اني صايم
نا ؛؛ هههههه صايع مش قصدي حاجه تانيه
مراد ؛؛ هيا ارقدي خلاص
نا ؛ هيا
وخشيت تحت الفوطه وغطيت روحي وحسيت حاجه تمشي على اكراعي
ونطيت نط وعيطت وصبيت علي السرير

مراد ؛؛ ههههههههه خوافه
نا ؛؛ ان شاءالله انت
مراد ؛؛ هههههه انرد فيها لك نسيتي اللي امس
نا ؛؛ باهي تو اتشوف حبيبي به
ونزلت وقعمزت علي السرير
وخليت مراد يرقد ونا رقدت طول ووعيت تاني يوم تعبانه بكل وظهري يوجع فيا وصبيت وتميت حشاكن انرجع

وجاني مراد يجري
مراد ؛؛ اوووو بديتي في الترجيع تو انتي
نا ؛؛ كبدي خلاص بكل وانحس في دوخه ومش قادره انرفع روحي
مراد ؛؛ اووووو به افطري وخوذي دواءك
نا ؛؛ ﻻﻻ نبيش نفطر
مراد ؛ ايه كانك تعبانه افطري راه انتي حامل في الشهور الاوله وضروري اتغذي نفسك
نا ؛ مسكت في يد مراد وحسيت بدوخه وطحت دخت
رفعني مراد وشالني وحطني علي السرير ومشي وجابلي ميه وتم ايبخ علي وجي
ووعيت

نا؛؛ تميت نبكي
مراد ؛؛ ايه ياهبله خلاص هذا الحمل تحملي
نا ؛؛ تعبانه وظهري يوجع فيا
مراد ؛؛ حاجات طبيعيه هذين خلاص انتي ارقدي تو وتريحي

نا ؛؛ والفطور
مراد ؛: ساهله تو تريحي بس
نا ؛؛ حطيت راسي علي المخده وطول رقدت واتقول مانيش راقده دقيقه في اليوم حاسه بالتعب وجسمي متكسر

ووعيت علي المغرب ناشطه اشويه
ولما شفت الساعه صبيت مفجوعه

وطلعت نجري للمطبخ ومالقيت شيء ومالقيتش مراد
ونا قعدت انفكر شن اندير حي عليا مراد طالع وعابي عليا دايره الفطور ونا مادرتش قعدت امقعمزه في الممر ونبكي وخايفه من المشكله اللي ح اتصير

وايخش عليا مراد وهو شايل كيس وسفره
مراد ؛؛ كنك امقعمزه هنا
نا ؛ هذه وعيتي مادرتش فطور
مراد ؛؛ هههه ياهبله اهو جايب فطور
نا ؛؛ شن حبت
مراد ؛؛ وجبة حوت وامي تو عطتني فطور لما عرفاتك تعبانه ومش دايره الفطور

نا ؛؛ اهاااااااا حوت احلي وجبه
مراد ؛؛ هيا المغرب قاعد ياذن
نا ؛؛ هيا هيا
وجبت سفرة حليب والتمر وجيت قعمزت فطرنا حليب وتمر
وصبينا صلينا وردينا نفطرو
وشالت السفره ولميتها ودرت كسترده وخشيت لدار وطحت علي السرير نبي نرقد
مراد؛ نعسانه
نا ؛؛ بكل
مراد؛ نا عندي عياده

نا ؛؛ به حبيبي مربوحه
مراد ؛؛ ردي بالك من روحك
نا ؛؛ ان شاءالله

وجاني وطبس عليا وباسني وعد طلع
ونا رديت للنوم اخري

واوعيت ومشيت للحمامغسلت وجي بيش ننشط اشويه ودرت ميك اب خفيف ولابست روب دلع امتع
وعديت رقدت في الصاله وسمعت صوت مفتاح مراد
وصبيت وجيته
مراد ؛؛ ماشاءالله ناشطه اشويه
نا ؛؛ اها الحمدالله
وخش مراد للدار ونا جيت وراه
مراد ؛؛ شن عليش اتبحتي
نا ؛؛ نبي امجيب اوليد كيفك
مراد ؛؛ ههههه معناها ايجي شين
نا ؛ ﻻ ايهبل وح ايكون احلي اوليد
مراد ؛؛ نجك ليا
ويتي كانك تمام عدي سخنيلي فطور بس راه حوت مانبيش
نا ؛؛ اساس فيش واجد حتي عنديش فيه نيه
مراد؛ به هيا سخنيلي
نا ؛ من اعيوني

ومشيت انسخن في السحور وانحط وكملت الحط وجيت للمراد والقيته علي الاب توب امقعمز

نا ؛؛ حبيبي هيا
مراد ؛؛ هيا هيا
وجا وقعمزنا انسحرو
مراد ؛؛ اوووو دايره كسترده
نا ؛؛ معقوله انخليك بلاها
مراد ؛؛ ربي ما يحرمني منك
نا ؛؛ ولا يحرمني

وصبا مراد وغسل ايديه وقعمز في الصاله ايدخن ونا جبتله كسترده وكلها

مراد ؛؛ ايه
نا ؛؛ نعم
مراد ؛ نبيك في موضوع بس نبيك اتكوني صادقه معي
نا ؛؛ تفاجت بكلامه وانصدمت
مراد ؛؛ شن نحكي ونسال عادي يعني
نا ؛؛ خفت وصارتلي رهب جو احكي حبيبي عادي
مراد ؛؛………………

يتبع