مسلسل سعاده كاذبه التكملة

مسلسل سعاده كاذبه

الحلقه 34

وفي يوم في الليل ساعه 1

قاعده نشرب في شاهي ونا انفكر واذكرت روحي معش مرضت من اول ماجيت لمراد وفجاء

ايجيني حمادي وايكب عليا الطاسه
دفيته وهو قعد يبكي ونا صبيت نجري للحمام
ولمار عدت تجري للمراد

لمار ؛؛ بابا اعميمه ضربت حمادي
مراد ؛؛ شن
وصبا ابسرعه وشاف حمادي طايح ويبكي

وجاني ابسرعه في الحمام ولقه مفتوح
ومسكني من عند شعري وطلعني من الحمام
مراد ؛؛ شن درتي في العيل عليش يبكي

نا ؛؛ قعدت نبكي
مادرتله شيء شاهي انكب عليا صبيت نجري
هه شوف هو
ورفعت روبي وخليته ايشوف الحرقه كانت فوق من الركبه بوجد

وعزقني مراد علي الارض
مراد ؛؛ به عليش يبكي هو عليش شن درتي فيه

وشفت اكراعه جاي تبي تضربني

نا ؛؛ ﻻﻻﻻﻻﻻ يامراد ماتضربنيش وراس مراد ﻻﻻﻻﻻ نا حامل

مراد ؛؛ وقف مره وحده وماضربنيش وقعد ايبحت فيا

ونا تميت انوخر منه لاوره بايدي وظهري

مراد ؛؛ شن قالتي انتي تو
نا ؛؛ قعدت نبكي ومنهاره وخايفه ان يضربني اخر

مش اكيده مش اكيده

مراد ؛؛ تي كيف مش اكيده
وخبط الباب الحمام بكراعه بقوه وخبط يده علي الساس نين دممت

نا ؛؛ قعدت نبكي وخايفه وحسيت روحي ارتبكت اكبر غلط لاني حملت

والله ماني عارفه روحي انت كان ماتبيش تو انزله بس انت تاكد بس
واللي تبيها حاضر

مراد؛؛ ساكت وما قال ولاكلمه وادوعه في اعيونه وطلع من الشقه وخبط الباب

ونا تميت انبحت في الحرقه نبكي وسمعت صوت حمادي يبكي صبيت وخشيت عليه ومسكته

والقيت لمار تبكي في تركينه وخايفه
نا ؛؛ تعالي حبيبتي عليش خايفه
لمار ؛؛ بابا تو يضربني كيفك
نا ؛؛ ﻻﻻ ماتقوليش هكي
هي تعالي انخشو للدار

وخششت لمار في دارها ونا خشيت الحمام وفي يدي حمادي غسلته وجه

ونا حولت طرف الفوقني ﻻن امعبي شاهي

وقعدت بروب اقصير بكل وسمعت صوت باب الشقه انطبق وغسلت اكرعي بالميه امصقعه
وطلعت

قعدت مضبطه حمادي ونبكي
وبعدها مسحت جرت الشاهي المنكب علي الفرشه

وصبيت
ورفعت حمادي حسيته جو مش تمام ونا ماشيه شور داري
نحكي لحمادي وشادته شور صدري واجد لان نعسان يبي يرقد

نا ؛؛ اسفه حبيبي فجعتك والله ماكنت نبي الشاهي يوصلك هذا عليش دفيتك هيا خلني انغير لابستي قبل ماايجينا بابا ايشوفني هكي

وحطيت يدي علي الباب وفتحته ونا انبحت في حمادي ولعت الضيء وقدمت
والقيت مراد امقعمز علي السرير وايدخن واول ماشافني مسح وجه

نا ؛: اسفه ما نحسبكش هنا

مراد ؛؛ خشي
نا ؛؛ بحتت فيه وخفت منه اعيوني طول تعبن ادموع

والقيته هو شكله كان يبكي

نزلت راسي وحطيت حمادي علي السرير
ومشيت شور الدولاب انطلع في توته

مراد ؛؛ قعمزي يا ايه
نا ؛؛نعم
مراد ؛؛ تعالي قعمزي هنا
وشيري علي المكان جنبه

خديت في يدي تيشرت وقعمزت وحطيت علي اكراعي بيش ماايشوفش مراد الحرقه

قرب مني مراد ورفع التيشرت
وناحطيت يدي عليه

مراد ؛؛ نبي انشوفها
نا ؛؛ ﻻ عادي حاجه بسيطه
مراد ؛؛ رفعه وشافها وحط يده عليها
نا ؛؛ اهااا
مراد؛؛ تبيلك مهرم
نا ؛؛ ﻻ عادي تو يبرا

مراد ؛؛ كيف عرفتي روحك حامل
نا ؛؛ مش عارفه شاكه نا بس
نا قالتها امبدري خفتك تضربني اخر

مراد؛؛نزل راسه ومسح اعيونه
امتي اخر مره مرضتي

نا ؛؛ اللي قبل البحر
مراد ؛؛ قصدك خلاص
نا ؛؛اها مفروض قبل رمضان
مراد ؛؛ اتحسي في حاجه اخر

نا ؛؛ ﻻ عادي
مراد انت تبيني نحمل

مراد ؛؛ بحت فيا وسكت
نا ؛؛خنقتني العبره ونزلت راسي
وتميت نبكي ونمسح في ادموعي بيدي ونحكي بالعبره وبالشهيق

نا مانحسبش روحي نحمل انت كنت ادر في مواضيع هذين لو انت ماتبيش ح ينزل ونا مش رافضه

نا عارفه روحي بكرت واجد في موضوع هذا عارفتك ماتبيش مني بيبي

مراد ؛ بحت فيا واستغرب كلامي
ومن قالها

نا ؛؛ سمعتك وانت وعمتي حكيتو في الموضوع هذا بس والله كان اتخليه والله ماانغير معاملتي مع لمار وحمادي والله انحبهم نا صاح اللي فيا جو اوليدي بس والله مش ح انفضله عليهم انت خليه مراد نا نبيه مانبيش انزله هذا جنيني وانت لو تبي اطلقني عادب ح ناخذه مش ح انخليه لك المهم ماتحرمنيش منه وراس مراد خليه

مراد ؛؛ لما شافني منهاره ونبكي والعبره تخنق فيا
كرني شوره واضبطني

نا ؛؛ مراد تبي اتخليه
مراد؛ اسسسس خلاص
نا ؛؛ والله اللي تبيه انديرها هذه نعمه يامراد ومانبيش انفرط فيها بس اللي تبيه انت حاضر انديرها

وطلع مراد ونا قعدت نبكي وخايفه نخسر مراد او نخسر الجنين
وشفت القيت حمادي راقد شلته وحطيته في سريره

ونا قعدت نبكي وخايفه نين اذن الفجر توضيت وصليت ودمعتي علي خدي وقريت القرآن وهديت اشويه ورقدت

اوعيت علي صوت مراد ايوعي فيا
ونا ؛؛ اول ما شفته نطيت وحطيت يدي علي بطني
وخفت منه ايدرلي حاجه

مراد ؛ لما شافني بالوضوع هذا عرفني خايفه منه

ما اتخافيش نبي نسحب منك دم

نا؛ ؛ عليش
مراد ؛؛ بيش انتاكدو
نا ؛؛ به
وقربت منه ومديتله يدي ويدي التانيه حطيته علي بطني خفت مراد يضربني عليها

سحب مني وطلع
ونا قعدت علي اعصابي وخايفه ونرجا في مراد

وبعد ساعه جا مراد وفي يده كيس ادويه
نا ؛؛ شن صار
مراد ؛؛ يحكي وغمتله

حامل

نا ؛؛ فرحت اخري وخفت اكثر ودمعتي علي خدي

مراد شن تبيه انت

مراد ؛ مدلي الكيس بيش تاخذي هذين وتو انشيلك للعياده بيش انشوفك

نا ؛؛ طول خذيت الكيس وفتحت الادويه ماعرفتش شن هن لانهن مكتوبات بالانجليزي

مراد هذين شن ناخذهن عادي هكي

مراد ؛؛ ها ماتبيش تاخذيهن انتي
نا ؛ ﻻ تو ناخذهن بس هن شن

مراد ؛؛ عرف قصدي
وقعمز جنبي
ايه نا مش قاتل اتحقي فيا هذا جنين ونا مش راضي انه ينزل لان حرام وبعدين هذا ولدي و مش ح انفرط فيه ولو تقعد امه من هذا اولدي نا فهمتي

نا؛ حسيت بالفرحه
يعني انت تبيه ما تبيش ينزل

مراد؛ اكيده

نا ؛؛ شكرا يا مراد والله مش ح انغير معاملتي معهم والله ح يقعدو كيف ماهم وامس نا والله ماضربته حمادي هو قرب مني وكب عليا شاهي نا خفت ايجي علي يده دفيته وجا علي اكراعي نا وصبيت نجري بيش نغسل بس هذا اللي صار
والله مانكذب

مراد ؛؛ به خلاص اسمعي كانك تعبتي افطري عادي وخوذي دواءك

نا ؛ ﻻﻻ عادي حتي الايامات اللي فاتن تميت نعطش واجد وانجعو بس قعدت عند المغرب
مراد؛؛ كان معش اتحملي افطري عادي
وصبا مراد ونا قعدت فرحانه لان طلع مراد يبي مني اوليد
وحمدت ربي ورقدت

اوعيت ساعه 3 مفجوعه صبيت نجري خشيت للحمام توضيت وصليت وعديت لمبطخ وبديت في الفطور

وعت لمار درتلها حمام ولابستها ودرتلها فطور ووعي حمادي حتي هو غسلتله وفطرته

وكملت الفطور وتيت سفرتين واذن المغرب ومشيت حطيتها قدامه سفرة الحليب والتمر والميه وسفرة الفطور

ونا عديت وقعمزت في المطبخ معي لمار وحمادي
فطر مراد وخش عليا وقعمز في الكرسي التاني جنب حمادي

ولاقني نشرب واجد في الميه

نا ؛؛ استغربت خشته علينا وقعميزته جنبي
وكملت فطوري وصبيت وبديت انلم في الحوسه
ومراد قعد امقعمز في المطبخ وايبحت فيا زين
نا لما فطنت ان هو ايبحت خفت

نا ؛ لمار عدي كنسي مكان بابا بالمكنسه الصغيره
لمار؛ به اعميمه
ومشت كنست لمار وجت
لمار ؛ بابا نبي ننزل ل امي
مراد ؛ به انزلي
ونزلت لمار ومراد خذ حمادي وطلع
نا كملت حوستي ودرت شاهي وجبته له
والقيته يلابس

نا ؛؛ طالع
مراد ؛ اها نعم تبي حاجه
نا ؛؛ ﻻ شيء نسال بس
ممكن طلب مراد
مراد ؛؛ نعم
نا ؛ ماتقولش لعمتي ان نا حامل اصلا هي قالتلي من قبل ماتحمليش تو وما نعرفش شن اندير انت مفروض جبتلي مانع كان ماتبيش

مراد ؛؛ سكت ومابش ايعبرني
بيش اتوتي روحك بعدين تو ايجيك طارق ايجيبك ليا في العياده

نا ؛؛ عليش شن في
مراد ؛ بيش اتجي وخلاص

وطلع مراد ونا درت دوش ودرت ميك اب وتيت روحي

وقعمزت انتفرج بس عقلي كان مش معي كان مع البيبي اللي فيا جو ومع مراد اللي معش عرفته يبني او لا وعليش شن يبي فيا في العياده

وعلي ساعه 12 ايجيني طارق

طارق ؛؛ ايه وتي روحك هيا كلمني مراد تو
نا ؛؛ به نلابس وشاحي بس وننزلك واتيه نا
طارق ؛؛ هاتي حمادي تو

وعطيته حمادي ونا مشيت ولابست الوشاح
وزدت اشويه روج حطيت عطر
و نزلت و ركبت مع طارق

القيت امركب معه لمار وحمادي

لمار؛؛ ماشيه لبابا يا اعميمه
نا ؛؛ اها
لمار ؛؛ به ننزل معاك
طارق ؛؛ ﻻﻻﻻ فيش نزول
اهي ايه انزلي وخشي اسالي وين غرفة وعديله طول راه ايقولك اججزي ولاحاحه راه حجزلك هو

نا ؛؛ به وين تبي اتحطهم العويل
طارق ؛؛ انرد بيهم للحوش
نا ؛؛ به

وخشيت للعياده وسالت علي الغرفه ومشيتلها والقيت مراه امقعمزه

نا ؛؛ السلام عليكم
المراه ؛؛ وعليكم السلام
قبل قالت انا اخر وحده طلعتي انتي الاخيره كم رقمك انتي

نا ؛؛ مش عارفه مش نا اللي حاجزه
المراه ؛؛ كيف ماعطوكش رقم تو وانتي خاشه
نا ؛؛ ﻻﻻ جيت قعمزت طول هنا
المراه ؛؛ راه مش ح اتخشي علي الدكتور الا بالرقم
نا ؛؛ لا عادي انخش لان الدكتور راجلي

مراه ؛؛ ماشاء الله تبارك الله انتي مراته دكتور مراد

نا ؛؛ اها
المراه ؛؛ شكلك اصغيره كم لكي متزوجه

نا ؛؛ شهرين
المراه ؛؛ماشاءالله عروس وحامل
نا ؛ اها ان شاءالله
المراه ؛ ماشاءالله تبارك الله

وطلعت الممرضه ومعها المريضه
ونادت اسمها وخشت المراه
ونا قعدت نرجا

بعدها ب10 دقائق اطلعت المراه ونادتني نا

نا ؛؛ صبيت وخشيت علي مراد وشفته كيف هو شكله حلو وهو وراء المكتب

السلام عليكم

مراد ؛؛ وعليكم السلام
خشي ياايه خشي

وصب مراد
والممرضه استغربت لما صبلي وجاني
مراد ؛؛ خلاص اكملو المرضه صح
الممرضه ؛ اها خلاص هذه اخر وحده
مراد ؛؛ به خلاص انتي عدي ونا هذه تو تطلع معي هذه مراتي

الممرضه ؛ اها به هيا سلام
وطلعت الممرضه

مراد ؛؛ تعالي هنا علي السرير
نا ؛؛ هذا
مراد ؛ اها
نا ؛؛ جيته وتقربت منه وهو مشي شوره وقعمز علي الكرسي

ونا جيت وتميت انبحت فيه
مراد ؛ كنك
نا ؛ عالي واجد هذا
مراد؛ برم وبحت فيا ومسكني من عند وسطي وشالني وحطني علي السرير

ها تو تمام

نا ؛؛ها شن تبي ادير
قرب مني مراد ورفعلي ابلوزتي وقعد ايبحت فيا

مراد ؛؛ كنك لابسه تنوره

نا ؛؛ ماقدرتش علي السروال لان تو يلصق علي الحرقه

مراد ؛؛ اها

وقرب مني
نا خفت وحطيت يدي علي بطني

مراد ؛؛ حولي نبي انصور

وحط مراد الجهاز وتمه ايبحت في التلفزيون
وهو تم يحرك وايبحت فيا
ومره مره ايزر

نا ؛؛ بصوت واطي
اهااا

مراد التفت وبحت فيا وابتسم
شن حسيتها يعني

نا ؛ هزيت راسي معناها اها

ها شن الاخبار

مراد ؛؛ تمام ماشاءالله
نا ؛؛ به الحمدالله

مراد ؛؛ حول الجهاز وحطلي منديل وقعد يمسحلي في بطني وبعدين صبا وطبس عليا وباسني علي بطني

مراد:؛عندك معلومه ان هذا اول وحد انصوره في عويلي

نا ؛؛ ليش ولمار وحمادي
مراد ؛؛ ماعمريش جيت شورها كانت بروحها تعالج

نا ؛؛ اها
ونزلي البلوزه وساعدني انقعمز وقعد ماسك يدي وايبحت فيا
نا انحرجت ونزلت راسي

مراد ؛؛ هيا انزلي نبي انطفي الجهاز

ومسكني من وسطي ونزلني وطفي الجهاز ورتب كم ملف وطلع

نا ؛؛ مراد نسالك
مراد ؛؛ نعم
نا ؛؛ انتي ادير هكي للكل الصبايا اتساعد فيهن في الركبه والنزله وتمسحلهن
مراد ؛؛ ههههههه ليش انتي اتحقي فيا دكتور ولاه ممرض نا
نا ؛؛ قصدك ماديرش هكي
مراد ؛؛ اكيد وبعدين نا رفعتك لانك مااتحقيش في الدرجه اللي مديوره بيش تركبي عليها
نا ؛؛ برمت وجي وشفتها
هيييييي ما شفتهش
مراد ؛؛ هههه احسن
هيا

نا ؛؛ هيا

وطلعنا وركبنا في السياره
مراد ؛؛ خذيتي دواءك
نا ؛؛ اها قبل مانجي خذيته
مراد ؛؛ استمري عليهن وغذي نفسك

وخشينا للحوش وركبت طول نا و وراي مراد

وخشيت لدار وسلحت دبشي وهو خش لحمام
ولاقي شنطة الميك اب جو

مراد ؛؛ ايه تعالي لمي حاجاتك

نا ؛؛ هيا باهي
وجيته وخذيت الشنطه
مراد ؛؛ عليش قعدات هنا
نا ؛؛ مراية الدار مكسوره

وطلعت بسرعه

ومشيت للمطبخ انوتي في السفره سحور
وخش هو وقعمز علي كرسي وايبحت فيا

نا ؛؛ كنت لابسه روب اقصير ومن فوق كت اخيوط
وكملت الحط وجيت نبي نطلع

مراد ؛؛ ايه
نا ؛؛ برمت وجي
نعم

مراد؛؛ تعالي كولي معي
نا ؛؛ لا صحه نبيش
مراد ؛؛ فنص فيا

تعالي كولي انتي حامل تو

نا ؛؛ نزلت راسي وجيت قعمزت علي الكرسي
ومابيتش انمد يدي وناكل

وخذ مراد طرف بطاطه وقرب مني وحطها على فمي

نا استغربت و بحتت فيه

مراد ؛؛ هيا افتحي وخوذي فم

وفتحت فمي وخذيت فم صغير

وقرب مني مراد وباسني ونزلت راسي طول ودمعتي نزلت

ولافني شوره واضبطني

نا طول قعدت نبكي ومنهاره وكأني نرجا في حضنه بيش نبكي فيه وانفش غلي

مراد ؛؛ خلاص اسسسس حبيبي خلاص اسف والله اسف والله انا اكتر حاجه قهرتني اني مديت يدي عليك والله ماني راضي علي روحي نين اتسامحني والله انحبك وغرت عليك والله خفتك تطلعي اتخوني فيا صاح والله خفت من روحي اني انسيبك والله انحبك يا بنت ناس والله انحبك ومعش اديري فيا هكي راني نا مجنون سمعتي مجنوووووووووووووووووون بيك واندير اي حاجه

ونا نبكي في حضنه حسيت بحاجه انزلت علي جبهتي رفعت راسي القيت مراد يبكي وهو قعد يمسح في اعيونه

ومد يده عليا ومسحلي ادموعي
خلاص نا مانبيش نسمع ولا كلمه الا كلمة انحبك وامسامحتك

نا ؛؛ بحتت فيه وحسيته نادم صح علي اللي صار وحسيته ايحبني صاح ومايبيش يخسرني ولا نا نبي نخسره هو راجلي وحبيبي وبدون ماانحس بروحي طول

اضبطته وحبيت علي لحيته وهمسة في وذنه انحبك انحبك انحبك

وهو باسني علي ارقبتي

مراد ؛؛ والله انا اكثر منك والله امرايف علي حضنك هذا وامرايف علي الكلام اللي بينتنا

وصب وصبني ومسكني من عند وسطي ورفعني وشالني شور الدار

وقعمزني علي السرير وهو طلع كيس من البدله امتعه و قعمز جنبي وفتح الكيس وطلع منها علبه

مراد ؛؛؛لافي وجك يا ايه

ونا برمت وجي وعطيته ظهري

فتح العلبه وطلع سلسله ذهب حلوه وراقيه ولابسها ليا وباسني علي الشوفه

ونا بحتت في السلسه وهي كانت طويله عند صدري

نا ؛؛:هيييي اتهبل
مراد ؛؛ هذه هدية الاسماح

نا ؛؛عارف يا مراد
نا مانعرفش انشيل من حد نا متعوده علي الناس تجرحني ونحكي معها عادي مش عارفه اذ هي صفه حلوه او شينه مش عارفه هل هي طيابه مني او عباطه عارف اقرب شخص ليا خويا عادل ايجي وايهزب وايدير فينا يوم اسود وايجي اليوم التاني الحوش كله ايطنش عليه ماعاد نا
والبنات ديمه ايهزبن فيا علي الحركه هذه بدرجة مرات ايقولن انتي ماعندكش شخصيه او كرامه
بس والله ماهكي نا نعرفش انطنش علي حد نعرفه

نعرفش انشيل كره ولو حتي دقيقه في قلبي من ابسط حاجه نرضي بسرعه مانزعل وبسرعه مانرضي ماما اتحب فيا الحركه هذه واجد نا ما انشيلش

وخذيت نفس عميييييييييق ومسحت ادموعي

وانت يا مراد حنون ونا عجبتني فيك حنيتك هذه بس انت حنون علي اعيالك اكثر حاجه انت عندك عند العويل ووقف ومعاك الحق

امس لما سمعت حمادي يبكي جيتني تجري وتميت تبي تضربني علي خاطره وبدون ماتعرف عليش هو يبكي
ولما قالت اني حامل وقفت ضرب علي خاطر اوليدك اللي في بطني

امس نا حمدت ربي اني نا حامل من كثر ماخفت منك تضربني اخري

وقرب مني مراد وباسني علي كتفي

مراد ؛ يعني انتي تو امسامحتني
نا ؛؛ نا ماقدرتش انشيل من الناس الاخر تبيني انشيل من حبيبي

مراد ؛؛ انحبك واسف والله انقهرت لاني مديت يدي
انحبك انحبك والله غرت غرت لانك تحكي مع انسان تاني وهذا غلط في حقي يا ايه

نا ؛؛ فتحت فمي نبي نحكي حط مراد يده عليا

مراد ؛؛ نبيش نسمع كلمه خلاص اللي صار بس نا مانبيش ايتعود الخطا هذا
نا ؛ هزيت راسي معانها اها

ابتسملي مراد وباسني علي الشوفه بوسه طويله وحلوه ونا حسيت روحي امرايفه عليه ومحتاجتله

مراد ؛؛ مازال بدري علي الفجر صاح
نا ؛؛ ههه عليش

ووخر مراد علي السرير وكرني شوره
مراد ؛؛ تي شن عليش نا امرايف عليك مش كنتي حرمتني منك حرام عليك والله حرام عليك وانتي ديمه حرمتني بس مره تانيه مهم ايصير اللي نبيها انجي ناخذها سوء تبي او لا

ونزل عليا و………..

و سمعنا الباب ايدق
نا ؛؛ مراد حول الباب
مراد ؛؛ خليهم ايدقو
نا ؛؛ اكيد العويل
مراد ؛؛ مستحيل نطلقك ما صدقت حصلتك نا ماسك روحي بالغصب امبدري في العياده

نا ؛؛ به خشش العويل قبل

مراد ؛؛ ﻻﻻﻻ نبي ناخذ راحتي ساد اللي قاعد بينتنا وامقيدني وشير علي بطني
نا ؛؛ ههههههه مجنون

وقعدو ايدقو وبعدها عدو

وبعدها بوقت
ومراد راقد علي ظهر وحاطني علي صدره
مراد ؛: ايه انتي امسامحتني
نا ؛؛ لو مش مسامحتك راه مش قاعده علي صدرك
مراد ؛؛ اتحبني
نا ؛؛ انموت فيك
مراد ؛؛ مره تانيه معش اديري حاجه من وراي
نا ؛؛ حاضر حبيبي هذه اول واخر مره

مراد ؛؛ نجك ليا وباسني علي راسي
حبيبي صبي ديري دوش وسخنيلي السحور
خلاص وقت

نا ؛ به حاضر
وصبيت وهو كرني وطحت فوقه اخر
مراد ؛؛ هاتي وحده وين امصبيه ياابله
نا ؛؛ هههه سخيف
وبسته علي الحيه
وصبيت ودرت دوش وطلعت للمطبخ وسخنت من جديد وتيت السفره وخش عليا مراد ولابس ديشنبر وشعره امعبي ميه طول قعمز وبدا ياكل
نا ؛؛ ههههه جيعان لدرجه هذه

مراد ؛؛ بكل جيعان علي الاخير
نا ؛؛ حتي نا
وقعمزت وبديت ناكل وكملنا وصبيت انلم في الحوس ونا امصبيه علي الحوض
جاني مراد من لاوره واضبطني وحط ايده علي بطني
مراد؛ ؛ ربي يحفظكم انتو الاثنين
نا ؛؛ ويحفظك

مراد ؛؛ انحبك
نا ؛ التفت وجي شوره
والله حتي نا انحبك

مراد ؛؛ اكثر حاجه تعجب فيا عارفه شن

نا ؛ شن
مراد؛؛ انك اديري في كسترده يوميا
نا ؛؛ هههههههه اتحبها صاح
مراد ؛ بكل
ومشي وخذ وحده وبدا ياكل

نا ؛؛ صحه اساس عرفتك اتحبها لان اول يوم كليت 2
مراد ؛؛ ههههه صار اتراقبي فيا
نا ؛؛ اكيده ونا ماعندي غيرك

مراد ؛؛ خلاص راه تو الامساك اشربي ميه وخوذي دواءك
نا ؛؛ به

مراد ؛؛ نا نازل انشوف العويل انجيبهم وانجي
نا ؛؛ به تم
وطلع مراد ونا قعدت فرحانه لاني حسيت روحي في رمضان صاح وفرحانه لاني ترضينا نا ومراد واني حامل منه
ومشيت غيرت لابستي ولابست توته مستوره عاد الراجل صايم ما شور شيء

وبديت نقراء

مراد ؛؛ اوووو امي شن الاخبار
عمتي ؛؛ باهي اللي شفنا هالضحكه ونحن قاعدين علي مزاج الخانو اللي فوق

مراد ؛؛ كنك يا امي
عمتي ؛ نا عارفه انكم تاكينها والله يستر الله من وراء هالمراه اللي حتي نزول ما انزلت عليا وقالتي كل سنه وانتي طيبه يا عمتي كمل الاسبوع الاول وهي كارسه في هالشقه اتقول فيها كنز

مراد ؛؛ خلاص ياامي تو بكره ننزلو نفطرو معاك
عمتي ؛ بعد ايش
مراد ؛ امي ايه كانت تعبانه شويه ونا قالتلها معش تنزلي الدروج مش اكويس وخوذي راحه هذا عليش

عمتي ؛؛ وليش كنها علي كرعيها نقرش الحنه ولاه حامل
وحطت يدها علي صدرها

هيييييييي حامل ايه

مراد؛ ؛ قولي ماشاءالله ياامي
عمتي ؛؛ ياخساره ماني اموصيتك وانت شيء المراه اللي تزوجها تبي اتجيب منها اعيال

مراد ؛: امي كنك انتي اتحسسي فيا كل يوم نزوج خلاص نا عند هنا ووقف ولو مهم ايصير خلاص مسك الختام ايه

عمتي ؛ والله خذت عقلك هالفرخه حتي عويلك مافتحتلهم امبدري وهم ايدقو عليك

مراد ؛؛ خطرها وينهم العويل
عمتي ؛ خشو رقدو مع هدي وهاجر بعد معش فتحتلهم

واذن الفجر
مراد ؛؛ الله اكبر خلاص نا نبي نركب انصلي ونرقد وبكره ان شاءالله فطورنا عندكم
عمتي ؛؛ باهي ان شاءالله كان ماغيرت رايها اللي فوق
مراد ؛؛ تصبحي علي الخير

وطلع وركب وكان فرحان بكل وخش للشقه ولقني انصلي
وهو صلي
ونا خشيت للسرير وهو جا جنبي
نا ؛؛ تقبل الله
مراد ؛؛ منا ومنك
خلاص ايه تبي حاجه

نا ؛؛ استغربت كلمة قالها ابسرعه
ﻻ شيء سلامتك
مراد ؛ خش بسرعه تحت الفوطه وغطا وجه وعطني بظهره

اللهم اني صايم

نا ؛؛ هههههههههههه والله تو كيف فهمت قصدك
مراد؛ يحكي من تحت الفوطه
عبيطه

نا ؛؛ مراد فكني منها الكلمه هذه
مراد؛ ؛ خطرها راه بكره فطورنا لوطه عند هلي
نا ؛؛ به حبيبي به العويل راقدين لوطه
مراد ؛؛ اها مع هدي وهاجر
نا ؛؛ هههههه به كنك تحكي من تحت الفوطه طلع راسك
مراد ؛؛ اللهم اني صايم خلاص ارقدي حتي انتي
نا ؛؛؛ههههههه به

وخشيت تحت الفوطه وقهرني مراد لاني عاطني بظهره
ونغزته علي جنبه
مراد؛؛ نط
اهاااا ايه وقفي راه نبيش نبرملك
نا ؛؛ ههههههه به

وحطيت راسي علي المخده والابتسامه علي وجي
واخير قعدت عندي عائله راجل واوليد فيا جو والله اجمل شعور لما تعرفي روحك انك قريبا ح اتكوني ام واتجيبي اوليد شايل ملامحك وملامح حبيبك

ورقدت ونا نحلم بمواصفات البيبي وشن ياخذ مني وشن ياخذ من مراد

واوعيت تاني يوم وصبيت توضيت وصليت ومشيت بديت اندير في كيكه مثلجه

ووعي مراد وجاني في المطبخ
مراد ؛؛ صباح الخير
نا ؛؛ مساء الخير قصدك
مراد ؛؛ ساعه كم
نا ؛؛ ساعه 3 خلاص
مراد ؛؛ اووووو واجد رقدت
ومشي صلي وغير ادبشه طالع
نا ؛؛ حبيبي ممكن طلب
مراد ؛؛ نعم
نا ؛؛ نبي فون نبي نطمن علي هلي من قبل الرمضان ماحكيت معهم
مراد ؛ رفع حاجبه
نا ؛؛ قربت منه ومسكت من عند سوريته من فوق

باهي حبيبي والله مشغوله علي هلي نبي انكلم ايمان وانهدرز معها اشويه بس

مراد؛ ؛ ابتسملي اللهم اني صايم

به فونك في الدولاب قاعد
نا ؛؛ قصدك هو قاعد جو جنبي ومش عرفته
مراد ؛؛ ههههه اها

وطلع مراد ونا برمت على روحي ولابست قفطان طويل وفوقه طرف صيفي وقعمزت ورنيت علي ايمان

نا ؛ الو ايمان شن اخبارك
ايمان؛؛ هيييييييي ايه
نا ؛؛ كنك تشهقي هكي كنك
ايمان ؛؛ ………………

يتبع