مسلسل سعاده كاذبه التكملة روايات ليبية بواسطة هايدي عبد الله آخر تحديث يناير 23, 2024 مسلسل سعاده كاذبه الحلقه 68 وفجاء لقت روحها حاطه يدها علي الخضره وافتحت واقعدت تبكي رجاء ؛؛ ساكته و تبكي اخر طارق ؛؛صوت هادي وحنون افتحي الباب هيا رجاء ؛؛ ماصدقتش كلمته من الفرحه سكرت في وجه وطلعت تجري وافتحت الباب ولقته قدامها صبت واتبحت فيه وتمت ترعش طارق ؛؛ خش لجنان وسكر الباب وكرها شوره وانسند علي الساس رجاء ؛؛ تمت تضرب فيه علي صدره وهي تبكي ومنهاره انحبك والله انحبك درت في ليلتني سود خليتني مشغوله عليك و انرايف عليك ونبكي والله ليلتني ماشفتش نوم كلها منك منك يااناني خلتني انحبك وتبي اتسيبني شن ذنبي نا اديرلي هكي اتخوفي فيا عليك طارق ؛؛؛قعد يمسك في ايدها وايوقف فيها خلاص بطلي رجاء ؛؛؛ وقفت وبحتت في اعيونه واعيونها ملينات ادموع وصوتها المخنوق انحبك انحبك طارق ؛؛بالاستغراب تو قالتيها رجاء ،؛ انت عارف اني انحبك طارق ؛؛ ماعمركش قالتيها رجاء ؛؛ نزلت راسها واقعدت تمسح في دموعها وحطت يدها علي صدره ليش ماتردش عليا ليش تبيش تحكي معي ليش شن صار طارق ؛؛ عقاب لانك مش واضحه معي رجاء ؛؛ ﻻ نا واضحه طارق ؛؛ اها بدرجه نا انقولك يارجاء صايرلك حاجه غريبه احكي وانتي مابيتيش تحكي رجاء ؛؛ نبيش مشاكل نا طارق ؛؛ حط ايده في جيبه وطلع دخانه وولعه خشي جو خلاص رجاء ؛؛؛تبيش تحكي معي طارق ؛؛ وين ايه رجاء؛؛ راقده في دارها طارق ؛؛ وكيف امخليه الباب مفتوح رجاء ؛؛؛ﻻﻻ باب الحوش اللي جو امسكر بالمفتاح نا فتحته وهذا امخليته بلا بمفتاح وقربت منه وجا راسها علي صدره وتمت اتشم في بنته طارق ؛؛ بحت فيه واستغرب لان رجاء اول مره تكون هكي اقرببه منه ولف يده عليها وشدها شوره واضبطها رجاء ؛؛ انهون عليك اتخلني هكي يومين نحكيش معاك ومش عارفه شيء عليك طارق ؛؛ وجعتني منك يا رجاء خلتيتي كيف الطرش في الزفه خلتني ننجن ونمشي نضربه في عمله قدام الناس احكي شن صار بالزبط رجاء ؛؛ خلاص فوت نبيش نحكي طارق ؛؛ احكي راه خيرلك رجاء ؛؛ علشان خاطري خلاص فوت والله ما نبي انعاود الكلام اساسا هو ما قالش كلام مهم علشان خاطري فوت كان اتحبني صاح فوت طارق ؛؛ حط يده علي وجها ومسح دموعها رجاء ؛؛ اصدقت ايه اللي اتقول بنت الدخان علي العطر ايجننن علي صدر الراجل طارق ؛؛؛ههههههههه ياصايعه رجاء؛؛ خلاص حول ووخرت منه وابتعدت طارق ؛؛ ههههه خلاص انبصر خطرها وين فونك رجاء ؛؛ قاعد عليش طارق ؛؛؛انطلعه انا رجاء ؛؛ امشي ياسخيف عينك اطلعه طارق ؛؛ ههههه اتحبني رجاء ؛؛ مانحسابش روحي انحبك للدرجه هذه والله قعد عقلي عندك والله كملتها ابكاء وانرن عليك يامقفل يا ماتردش يعني تو كان مارنيتش من فون ايه راه ماحكيتش معاك طارق ؛؛ والله نا بروحي نمسك في روحي بالغصب عليك مانبيش انرد لان عارف روحي وكان انرد ح تسمعي كلام مش تمام مني رجاء ؛؛ شن معني تو ماحكيتش طارق ؛؛ انتي شاطره عرفتي كيف اتخلني نهدي وبعدين كاني مانهدي وانشوف في حبيبي قدامي ولابس توته ولليل ولليل امسوس وقرب منها رجاء ؛؛ ياسخيف حول طارق ؛؛ ههههه باهي تعالي انقعمزو جو رجاء ؛؛ وايه طارق ؛؛ مش ح اتقول كلمه وخشو طارق ورجاء للمربوعه وقعمزو علي الصالون رحاء ؛؛ يدك كنها طارق ؛؛ شي بسيطه رجاء ؛ خلني انشوفها طارق ؛؛ خلاص حبيبي مافي شيء رجاء ؛؛ اقعدت تبكي اخر اسفه حبيبي طارق ؛؛ اسسسسس خلاص حبييي وكرها وحب علي راسها رجاء ؛؛؛ انت مكار طارق ؛؛ خلاص عاد تبي اتحطي الفسس كله فيا رجاء ؛؛ اهاااا لانك هبل وماتعرفش اتفكر طارق ؛؛ حبك اللي ماخلنيش انفكر وغيرتي هي اللي خلتني نمشي بلا عقل ماتحملتش الكلام مشيتله وكنت مقرر نقتله قتل لولا صاحبي والله راه قتلته وروحت وتعركت مع هلي رجاء ؛؛ كلاه علشاني طارق ؛؛ ها شن رايك انتي رجاء ؛؛ انحبك يامجنون ويلي امجنني طارق؛ ؛ انحبك رجاء ؛؛ ونا انموت فيك وطلعت فونها من …… طارق ؛؛ ياعن شكلك رحاء ؛؛ نبي انصورك طارق ؛؛ ليش رجاء ؛؛ مش مره تاني لما انرايف عليك انشوف صورتك وفيدو طارق ؛؛ تبي اتصوري فيدو رجاء ؛؛ اهاااا هيا قول حاجه وصبت وتمت اتصور فيه طارق ؛؛ انحبك ياشينه طالعه عليا وامشفشه انتي علاقه وطالعه عليا هكي املاه بعد الزواج كيف تبي تطلعي عليا ارجيوه حبيبي تزوجني رجاء ؛؛ انصدمت وبحتت فيه ونزلت فونها واعيونها دمعن طارق ؛؛ شن طلبي واعر رجاء ؛؛ يعني انت تبيني بحلال طارق ؛؛ من زمان انقولك انا انحبك ومانبيش انتخلي عنك رجاء ؛؛ انحبك طارق ؛؛ نا اكتر منك وكرها شوره وحطها علي كرعيه رجاء ؛؛ حي علي امك انت طارق ؛؛ تو في بنت دلوعه اتقول لحبيبها حي علي امك رجاء ؛؛ باهي حول نبي انصبي وصبت وتمت امقعمزه جنبه طارق ؛؛ امتي انجيب هلي رجاء ؛؛ نبدا في المعهد قبل طارق ؛؛ ليش رجاء ؛؛ في مواضيع نبي انقولهن لك اولا وثانيا لو تخطبني قبل مانبدا في قرايه عادل مش ح ايخلني نقرا طارق ؛؛ يعني اقرايتك اهم مني رجاء ؛؛ حبيبي من زمان انقولك نا نبي انتخرج وخاطري في شهاده وعمل طارق ؛؛ من اعيوني بس بشرط رجاء ؛؛ امر طارق ؛؛ نجك ليا نخطبك لما تبدي في القرايه طول اولا وثانيا ماتطلعيش تشري دبشك انا اللي انجيبه لكي امتع معهد رجاء ؛؛ ليشششش طارق ؛ هذا شرطي وميك اب والكعب انسهين رجاء ؛؛ اقصيره نا طارق ؛؛ عادي المهم عجبتني نا رجاء ؛؛ حاضر طارق ؛؛ حبييي نا لما نقولك كلمه اسمعيها نا ما نامرش فيك نا نحبك وخايف عليك ياهبله رجاء ؛؛ حاضر ياحبييي انت طارق ؛؛؛ناعليا منك انتي لما اتكوني هاديه هكي رجاء ؛؛ نبي انقولك موضوع ضروري بس مش تو لما انروح في الحوش ونحكي معاك براحتي علي الفون طارق؛؛ ان شاءالله رجاء ؛؛ ان شاءالله انت امتي امروح طارق ؛؛ حوش خويا اتلزي فيا رجاء ؛؛ انت قاعد مع اخت مرات خوك مش مع خوك او مراته طارق ؛ هههه ما انتي عارفه يوم اللي يمسك مراد انجي هنا نا رجاء ؛؛ اتجي معاك هدي طارق ؛؛ خلاص عادي هالمره معي انتي رجاء ؛؛ ياسخيف مانا خايفه منك اساسا طارق ؛؛ ههههههههه من شن خايفه احكي عادي راه ح نقعد راجلك في المستقبل رجاء ؛؛ مش امصدقه روحي اني ح نزوج واندير راجل وشقه طارق ؛؛ ههههههه حتي نا رجاء ؛؛ هههههه اهبال ياربي طارق ؛؛ نجك ليا ياشينه رجاء ؛؛ تي خلاص سكنت شينه شينه ميت فيها هالشينه طارق ؛؛ ههههه من الغلا انقولك شينه رجاء ؛؛ شيني حس بيده يبكي انجيبه وانجي حرام اكيده ايه تعبانه وراقده طارق ؛؛ به جيبه ابسرعه وخشت رجاء عليا ولقتني شاده بيده رجاء ؛؛ واعيه نا ؛؛ اهااا مارقدتش رجاء ؛؛ كنك نا ؛؛ اختي قاعده مع حبيبها ماتبنيش انخاف عليها رجاء ؛؛ ههه اطمني عارفه مصلحت روحي نا ؛؛ عارفتك وعارف طارق نا رجاء ؛؛ هاتي بيده انشيله ل طارق نا ؛؛ به بس معش اطولو خلاص راه الليل مسوس رجاء ؛؛ علي غيري هههههه وخذت مني بيده واطلعت به ونا حطيت راسي علي مخده وانشوف في ارحيمه قدامي ومش امصدق اني خلاص عندي بيبي من مراد سبحان الله كيف كنت رافضته وتو انحبه موت وعندي منه اعيال سبحان الله علي الدنيا رجاء ؛؛ انديرله رضاعه طارق ؛؛ هاتيه وعدي ديري وجيبيلي ميه رجاء ؛؛ حاضر وطلعت رجاء ودارت رضاعه وجابت طاسه ميه للطارق وقعمزت وحطت بيده بين ايديها وتمت اترضع فيه وطارق ايبحت فيها طارق ؛؛ اهو صايرك منك اديري طفل رجاء ؛؛ ههههه اعيال مراد بصفه عامه ايهبلو دمهم خفيف وقريبن من القلب لمار وحمادي وارحيمه وبيده طارق ؛؛ جاين لعمهم رجاء ؛؛ هههههه ناعليا منه عمهم ايهبل وايجننننن وامطيرلي عقلي طارق ؛؛ عض فمه التحتني تي وحق ربي وكان امطير عقلك راه انخيلك حامل بعد اسبوعين رجاء ؛؛ طيح سعدك صبي من هنا يا صايع صبي نا قالت طارق ؛؛ بحلال يامسوسه رجاء ؛؛ شن طارق ؛؛ عادي بكره انجي نقرا الفاتحه بكره وانروح بيك رجاء ؛؛ ياعيني ﻻ فرح ولا شيء طارق ؛؛ تي والله انديرلك اكبر فرح انخلي الدنيا كلها تحكي عليه رجاء ؛؛ شن صار في الشقه طارق ؛؛ قاعد نبرم عليها الحق هي نضيفه امغير اندير في جبس وتغير شويه رجاء ؛؛ اهااااا اشويه انشيل بيده رقد طارق ؛؛؛بشويه عليه وحطته ليا وطلعت بشويه ومشت للمطبخ وخذت شكولاطات وعصير ومشت للطارق وقعمزت علي الكنبه وتمو ايهدرزو لعند الفجر وهي نعسانه علي المخده طارق ؛؛ نبي انروح نرقد رجاء ؛؛ حتي نا نعست ومراد اقريب ايجي طارق ؛ نا مش خايف من مراد نا نبيش مشاكل بس لكي وخايف عليكي من انظار الناس رجاء ؛؛ انحبك طارق ؛؛ تعالي سكري الباب بالمفتاح رجاء ؛؛ حاضر ونزل طارق علي رجاء وباسها علي خدها رجاء ؛؛ ياصايع طارق ؛؛ تي باهي اللي جاتك هذه تحملي هذا شي من ساعه 12 ونا معاك وماسك روحي رجاء ؛؛ يستر الله فيك طارق ؛؛ نا قالتلك خلني نقرا الفاتحه وانطلع الفرح رجاء ؛؛ ونا قالت مستحيل نزوج بلا شهاده ارجني سنتين بس طارق ؛؛ نرجاك وليش ما نرجاك اهو الفجر ياذن نبي انعدي بيش انصلي رجاء ؛؛:سلام وطلع طارق ورجاء سكرت الباب بالمفتاح وحولت المفتاح وخشت عليا ولقت ارحيمه يتقلب يبي يوعي خذته واطلعت بها وخشت للدار معيشه وصكرت علي روحها وارقدت ورقدت ارحيمه جنبها وعيت علي صوت مراد ايلعب في بيده جنبي نا ؛؛ جيت حبيبي مراد ؛؛ اها درت حتي دش ولقيت بيده يتحرك نا ؛؛ اهاااا اكيده يبي يرضع مراد ؛؛ شن يرضع يبي دوش بنته طالعه قاعده نا؛ ؛ هههههههه حرام عليك مراد ؛؛ ادير فيها علي سريري يامعفن نا ؛؛ هههههه حرام عليك سيبه مراد ؛؛ جاكم طارق نا ؛؛ قعدت انبحت فيه واتخزرطت مراد ؛؛ شن ادسي عليا عارفه كان هنا نا ؛؛ ليش كيف عرفتها مراد ؛؛ امسيب المربوعه حايسه وبنتها دخان نا ؛؛ ههههههه اها ترضا هو ورجاء مراد ؛؛ رجاء بيته نا ؛؛ اها اميره روحت امس واقعدت رجاء مراد ؛؛ ونا انقول زاط ماه نا ؛؛ ههههههه يقدرش علي رجاء مراد ؛؛ تي والله انتن ياصبايا اتجن هنا تضعفن واتريحن فيها وشير علي صدره نا ؛؛ ياصايع مش كل صبايا مراد؛ ناعليا منك انت بس هذه اخري مره اديرو موعد هنا نا ؛؛ والله امس جت بالصدفه هي متعاركه معه مراد ؛؛ باهي صبي هيا شيلي المعفن هذا نا ؛؛ باهي وخذيت بيده وصبيت انغيره مراد ؛؛ مسك فونه ورن علي طارق طارق ؛؛ وهو راقد هااااا مراد ؛؛ قولو الو شن هاااا هذه طارق ؛؛ خرف كنك مراد ؛؛ مره تانيه لما تطلع من الحوش هوي المربوعه اكويسه ولم خرواتك طارق ؛؛ هههه مربوعة شن مراد ؛؛ مربوعتي اللي تحكي فيها امس طارق ؛؛ من قالها مراد ؛؛ دخانك اللي قالها هذه اخر مره راه طارق ؛؛ ماتوضحش لرجاء انك عرفت واطمن نبي نخطبها مراد ؛؛ في اقرب فرصه طارق ؛؛ان شاءالله امغير استر بس انت مراد ؛؛ هههههههه باهي هيا صكر طارق ؛؛ اعزمني علي الغداء مراد ؛؛ ههههههه مصح وجك جيب غداء وتعال تغداء طارق ؛؛؛ تبي جاهز مراد ؛؛ نرجاك طارق ؛؛ ماشي خلاص سلام مراد ؛؛ تعال ساعه 3 طارق ؛؛ تي باهي سلام مراد ؛؛ راه انقولك ماتجيش طارق ؛؛ ردرودي وين ايه عديلها خيرلك مراد ؛؛ تحشم يامسخ طارق ؛ ههههههه شكلها ديرتلك عقاب صار تؤام صار مراد ؛؛ يامسخ صكر فمك وصكر الفون وهو يضحك ونا خشيت عليه نا ؛؛؛كنك مراد ؛؛ شيء انتي امتي تغسلي نا ؛؛ مش عارفه ليش مراد ؛؛ عليك قصه برم وجه وعطني ظهره ونا جيته من لاوره نا ؛؛ كنك حبيبي مراد ؛ طارق تو ايجيب غداء جاهز ماديرش وتعالي ارقدي جنبي هنا نا ؛؛؛ باهي مراد ؛؛ كرني وعزقني قدامه بقوه نا ؛؛ اهااااا مراد ؛؛ اسسس رجاء تسمع نا ؛؛ انت اتكسرني ومااتهناء مراد ؛؛ خلاص راه غمتلي منك نا ؛؛ كني مراد ؛؛ ليا شهر حسي بيا من قبل ماتجيبي من يوم حطيتهم في بطنك وانتي فيتني نا ؛؛ هههههه عادي حبيبي عقاب ماقالك حد مراد ؛؛؛ههههه باهي ساهله خلاص اس راه والله خيرلك ورقدنا ووعيت علي ساعه 10 فون من هدي نا ؛؛ ايوه هدي هدي؛؛ صباح الخير وعيتك نا ؛؛ ﻻ واعيه هدي ؛؛ صوتك مازالتي راقده قالتلك راه خوات محمد يبن ايجنك ايباركنلك ومحمد يبي ايجي معهن نا ؛؛ صاااح باهي هدي ؛؛ افطني محمد يبي ايجي ديري جوك مع مراد نا ؛؛ تبي تحكي معه هدي ؛؛ اهااا حرام عليك والله من عزا باته ماشفته الا في رمضان وعلي السريع نا ؛؛ باهي ساهله هدي ؛؛ نبي رجاء كيف نوصلها نا ؛؛؛ عندي قاعده لما توعا تو نعطيك لها هدي ؛ ضروري نبيها راه نا ؛؛ حاضر باهي صكري نبي نرقد قبل مايوعو العويل هدي ؛؛ باهي عندك حلويات وموالح ماه نا ؛؛ في كل حاجه امغير تعالي انتي بس هدي ؛؛ كلمي هلك ايجو بيش امك تلهي امي نا ؛؛ رني علي اميره اتجي هدي ؛؛ باهي سلام مراد ؛؛ مره تانيه ردي بره مش هنا احذي نا ؛؛ اسفه حبييي مراد ؛؛ يارقدي يا اطلعي بره نا ؛؛ هيييييييي اتلز فيا مراد ؛ ايييييييييييييييه خلاص نبي نرقد نا ؛؛ عزقت المخده عليه وحطيت راسي مراد ؛؛ مد يده وكرني من عند شعري شوره نا ؛ اهااااا شعري مراد ؛؛ اضبطني بقوه من لاوره و زر عليا زين وعضني في رقبتي نا ؛؛ اهااااااا مراد ؛؛ خلااااص راه انعضك اخر نا ؛؛ هههه باهي اطلقني بس وسمعنا صوت ابكاء بره مراد ؛؛ قصه ايه واعيالها اليوم شملهم يبو يسكنز نا ؛؛ بالاستغراب اعيالي نا بس وغمتلي وصبيت وطلعت وقعدت مع العويل في الدار نبن جت ساعه 2 و وعت رجاء رحاء ؛؛ صباح الخير نا ؛؛ قايله خير تو رجاء ؛؛ هههه اسفه مارقدت الا بعد الفجر نا ؛؛ شوفي هدي راهي تبيك وابرمي علي الحوش لان عربها جين اليوم رجاء ؛؛:طلعتي موالح نا؛ اها طلعت موالح من الثلاجه رجاء ؛؛ درتي غداء نا ؛؛ طارق يبي ايجيب غداء جاهز رجاء ؛؛ صاااح باهي تو انرن علي هدي نا ؛؛ اهو فوني رجاء ؛؛ تو انرن عليها برقمي نا ؛؛ ياعيني اتفشكي عليا رجاء ؛؛ مالك ومالنا صبيتي وتبيني نا ؛ ياعيني امشي رني عليها رجاء ؛؛ باهي اندير اموري بس نا ؛؛ باهي رجاء؛؛ كنك هنا نا ؛؛ مراد راقد رجاء ؛؛ شكله لازك من الدار نا ؛ عدي خلاص ومشت رجاء وبرمت علي روحها وعلي الحوش ورنت علي هدي ماردتش عليها دزتلها رساله هدي ؛؛ باهي اللي عرفن رقمك رجاء ؛ ههههه ايه قالت تبيني هدي ؛؛ اها نبيك اتكلمي طارق وتضمنيه ليا وين لان محمد يبي ايجي اليوم عند ايه رجاء ؛؛ باهي وينه هو تو هدي ؛؛ تو شفته طلع من الحمام لان هذه وعيته رجاء ؛؛ كيف ماطلعش امبدري هدي ؛؛ اهااا اساسا ماروح الا علي فجر مش عارف وين كان ساهر رجاء ؛؛ ههههه ابن حلال عن ذكرو ايبان اهو ايرن قاعد هدي ؛ سلام تاكدي وين ماشي رجاء؛؛ ماعليك سلام طارق ؛؛ بدينا في الانتظارات رجاء ؛؛ كنت مع هدي طارق ؛؛ عطيتها رقمك عادي رجاء ؛؛ اها خلاص نبي نعطيه رقمي هم اعرفو اعرفو طارق ؛؛ جاي في طريق نا رجاء ؛؛ مشيت للمطعم طارق ؛؛ ﻻﻻ مازالت اهو جيته رجاء ؛؛ جيب بيتزا حبيبي طارق ؛؛ من اعيوني رجاء ؛؛ سلام طارق ؛؛ انحبك رجاء ؛ نا اكتر سلام هيا ياحنه نبي انغير طارق نزل علي مطعم تو نا ؛؛:البسي بالمره لبسه سمحه لان عمتي جايه واكيده الانظار عليك رجاء ؛؛ باهي ومشت رجاء اتغير ودق الباب وطلعت افتحت طبعا طارق طارق ؛؛ وين السماحه هذه رجاء ؛؛ ههه اعيونك طارق ؛؛ مافيش الا انتي تفتحي رجاء ؛؛ مراد راقد وايه ماتطلعش بره مش اكويس تعفس علي عتبه طارق ؛؛ باهي هيا شيلي معي وخشو طارق ورجاء عليا في الدار طارق ؛؛ اووووو نجيهم ياربي نا ؛ اهلا رجاء ؛ انجيب سفره وانجي نا ؛؛ به عدي ومشت حابت السفره وحطتها وحطت الاكياس رجاء ؛؛ ويه صبي وعي مراد راه جواعه طارق ؛؛ صبي وعيه راه تاكلنا هذه رجاء ؛؛ ماعندي كيف انخش فيك ههههههه هيا ياويه نا ؛؛ ﻻﻻ كولو وعقبوله تو يوعي بروحه رجاء :: كنك انتي نا ؛؛ ماكني شيء كولو عادي رجاء ؛؛ لازك صاح طارق ؛؛ عدي دقي عليه يارجاء نا ؛؛ ﻻﻻ خليه تو يوعي بروحه تو رجاء ؛؛ واصله عندك طارق ؛؛ احم احم تم ايكح بصوت عالي وطلع مراد من الدار وشافنا امقعمزين علي الغداء مراد ؛؛ وين ياخونه طارق ؛؛ جواعه الجماعه مراد ؛؛ بحت فيا ولقني امطبس راسي علي بيده وحطته علي كرعي وانهز به ومابيتش انرفع راسي عرفني غمتلي ويتي كنك ماوعيتني طارق ؛؛ بحت في رجاء وغمزلها ﻻن تاكدو ان في جو مش تمام من كلمة ويتي نا ؛؛ امطبسه راسي مابيتش انرفع القيتك راقد مابيتش نزعجك طارق ؛؛ هيا تعال راه رجاء وكاله مايغركش المنظر رجاء ؛؛ هي انت كنك اتعيط معي فوتني مراد ؛؛ هيا نغسل وجي بس ومشي وغسل وجه وجا قعمز جنبي وارحيمه بدا يبكي رجاء ؛؛ يبي رضاعه نا ؛؛ ﻻﻻ خليكي تغدي انتي تو انصبي نا رجاء ؛؛ باهي وحطيت بيده علي الفراش وصبيت وخذيت ارحيمه وخشيت للدار نومي وبديت انرضع فيه نا ؛؛ حبيبي بشويه ياشرير نا ماما مراد ؛؛ صحه طارق ؛؛ خليك مراد ؛؛ كيف واعي مش جيعان واجد رجاء ؛؛ صحه وصب مراد طارق ؛؛ تكينها رجاء ؛؛ شكلهم بس شكلها ايه هي اللي متعصبه اكتر طارق ؛؛ وخويا يدحنس ويتي وتم ايقلد فيه ويتي رجاء ؛؛ هههههههه احسن خلي اختي اتعذب خوك اخر طارق ؛؛ تي مش ساد انا اللي متعذب رجاء ؛؛ شن عذاب وقاعد تاكل معي وحياتك حلوه مافيش حد يحلم بها يقعد امقعمز معي حبيبته وايتغداء معها طارق ؛؛ عيطي معنا باهي رجاء ؛؛ ههههههه مدلي غازي وانت طامره طارق ؛؛ خوذي هيا وطلعي بطن بعدها باهي رجاء ؛؛ كان عاجبك طارق ؛ انطلقك بعدها رجاء ؛؛ امغير ازوجني ونا انرضع في ارحيمه انزلت دمعتي مسحتها ورفعت راسي والقيت مراد يفتح في الباب وخش عليا نزلت راسي ووخرت وانسندت علي سرير وغطيت روحي بالفوطه مراد ؛؛؛جا وقعمز جنبي شن تو اتحشمي ماتبنيش انشوفك وانتي اترضعي في اوليدي نا ؛؛ …… مراد ؛؛ ردي كنك ساكته شن زعلانه مني يعني نا ؛؛ قعدت ساكته وانبحت في ارحيمه مراد ؛؛ حول الفوطه وبحت فيا نا ؛؛ حول خليه يرضع مراد ؛؛ مابش ايعبرني وطبس عليه وباسه ورفع اعيونه عليا ولقهن ملينات دموع باسني علي ………. نا ؛؛ حول خلي العيل يرضع مراد ؛؛ زعلانه مني نا ؛؛ ايه واعيالها مراد ؛؛ تو يا ويتي راه انتي غالط اتشوفي فيا راقد رديتي علي فون جنبي وتميت تحكي وكان مافيش انسان راقد جنبك نا ؛؛ حكيت بصوت واطي مراد ؛؛ راعي شعوري اشويه تحكي بصوت واطي وبتلسن والله حمدت ربي اني متزوج وكريتك شوري نا ؛؛ من عند شعري مراد ؛؛ اخلطت عندي تعقدت لانك وعيتني وسمعت صوتك تلهفت خلاص عاد بلا زعل نا ؛؛ هذوم مش اعيالي نا بس راه اعيالك انت وانت سبب جيتهم في الدنيا وانت اللي كنت تبي تؤام مراد ؛؛ يعني انتي ماتبيش نا ؛؛؛نبي بس يامراد حس راه متعبين انسكت واحد التاني اينوض والله تو خواتي هن اللي مساعداتني والله لولهن راه انهبلت مراد ؛؛ خلاص حبييي عيب عليك نقعد انراضي فيك وانتي اطنشي نا؛ ؛ حس بمسؤليه كيفي مراد ؛؛ ههههههه شن انديرلهم نا ؛؛ هازي علي كلامي امبدري وانت راقد مش فاطن روحك لزيتني وقالتلي عدي شوفيهم مراد ؛؛ ياعليك قصه خلاص عاد ووخر علي سرير وطلع دخان وبدا يبي يدخن نا ؛؛ مادخنش هنا قدام ارحيمه مراد ؛؛؛ معش نبي بكل وكسر السبسي وصب وطلع وخش لحمام توضي ونا تعقدت وقعدت نبكي وكملت ارحيمه وطلعت والقيت رجاء اتلم في المطبخ وطارق ماسك بيده وجتنا رجاء في يدها بخور رجاء ؛ طارق الباب ايدق اكيده هلك طارق ؛؛ كيف جين هم رجاء ؛ اها جين طارق ؛؛ باهي تو نطلع نفتح وطلع فتح طارق الباب وانصدمت هدي لما شافته قدامها وخافت وجت طول سيارة خالد وانزلن ماما و اميره طارق ؛؛ هدي جيبلي مفتاح السياره طالع نا هدي ؛؛ حاضر افرحت وخشت تجري وجابت المفتاح وطلعته له وخشو هلي وعمتي عليا وقعمزن وتمن ايهدرزن اميره ؛؛ جاين تو هدي ؛؛ اها اهو قالي اشويه ونطلع ارجيوه تعالي نبيك رجاء؛ صبت وطلعن بره في الصاله هدي؛ ؛ طارق طفشيه رجاء ؛؛ ماعليك نا مابيتش نحكي معه لان قالي ماشي للصاله وامطول هدي ؛؛ يعني اكيده مش جاي رجاء ؛؛ اها لان شاف ماما تو مش ح ايجي الا لما يكلمني هدي ؛؛ احكيلي شن صار معكم رجاء ؛؛ موضوع طويل بكل هدي ؛؛ واحكي شن ورانا وطلع مراد من دار النوم لابس ومتانق هدي ؛: هذا مازال قاعد رجاء ؛؛ ههههههه اهااا عنده عياده ماتخفيش هدي ؛ عليك جيه بشهوده مراد ؛؛ السلام عليكم هدي و رجاء ؛؛ وعليكم السلام مراد ؛؛ من في في الدار رجاء ؛؛ ماحد هلنا بس مراد ؛؛ طارق روح رجاء ؛؛ اها فتحلهم الباب ومشي وخش علينا مراد وسلم وايبحت فيا ونا مش امعدله مراد ؛؛ شفتي القطاطيس ياعمتي امتعبين امهم ماما ؛؛ ربي يحفظهم ان شاءالله مراد ؛؛ تبو حاجه نا ؛؛ سلامتك مراد ؛؛ باهي تعالي نبيك نا ؛؛ بحتت فيهم وغمتلي وصبيت وطلعت معه نقدرش نطلع لجنان مراد ؛؛ باهي تعالي هنا للمربوعه وكرني وخش جو زعلانه مني نا ؛؛ اهاااا مراد ؛؛ خلاص بلا زعل اسف والله مانحسبك تزعلي والله كنت تعبان نا ؛؛ حتي نا تعبانه راه مانلعبش مراد ؛؛ عارف حبيبي ضغطت عليك نا ونزل عليا وباسني نا ؛؛ حول خلاص مراد ؛؛ ويتي تبي حاجه نا ؛؛ سلامتك جيبلي معاك كبده مراد؛ بس نا ؛؛ اهاااا خاطري فيها مراد ؛؛ اكتر انسانه تاكل في كبده نا ؛ علي احساب حبيبي مراد ؛؛ تامري امر انتي وحبني علي راسي وطلع ونا خشيت وقعمزت جنبهن واميره صبت تمت اتوتي وجو محمد وخواته طبعا امه لا لان مازالت رابط هدي ؛؛ منحرجه نطلع عليهم هكي رجاء ؛؛ عليش هدي ؛؛ علي ميك اب اميره ؛؛ خفي منه وخشي عليهم صاح سامطه في حق محمد هدي ؛؛ باهي وخفت هدي الميك اب وطلعت وسلمت علي البنات بعدها خشت علي محمد في المربوعه هدي ؛؛ السلام عليكم محمد ؛ صب وعليكم السلام اهلا اهلا هدي ؛؛ سلمت عليه محمد ؛؛ كرها وسلم بالخد هدي ؛؛ تحشمت وقعمزت محمد ؛ وين ناقصه هدي ؛؛ هههه من جري محمد ؛؛ شن الاخبار هدي ؛؛ تمام محمد ؛؛ عمتي عيشه جوا هدي ؛؛ اهااا نا كلمت اميره بيش عمتي عيشه تقعد مع ماما محمد ؛؛ قرب منها ومسك يدها وباسها هدي ؛؛ انحرجت ونزلت راسها محمد ؛؛ ليا مده عليك رايفت عليك هدي ؛؛ حتي نا والله محمد ؛ ربي مايحرمني منك خطرها اهو لاب توب اللي تبيه هدي ؛؛ واخير محمد؛ ؛ انتي ماقالتيش نبي لاب توب كان هذا راه جبته لكي من زنان هدي ؛؛ لا ما طارق مابش ايصلح لاب توبي وقهرني قهر محمد ؛؛ ﻻﻻ اهو جبتلك واحد جديد خلاص فوتيه هذاك ولا عطيه ليا تو انصلحه هدي ؛؛ فيه اصور ونبي طارق ايصلحه مهمته عاد محمد ؛؛ وليش اتحطي انتي اصورك هدي ؛؛ اهو عاد ماعاد عرفت وين انحط اصوري محمد ؛؛ عطيني اصور باهي هدي ؛؛ ههههه اقدم راه محمد ؛؛ قصدك من اياما الجامعه هدي ؛؛ اهااااا محمد ؛؛ عطني باهي هدي ؛؛ حاليا عنديش عندي في الحوش محمد؛؛؛باهي قربي كنك متباعده هدي ؛؛ تو ايخش علينا حد محمد؛؛ المهم خوتك و وزعتيهم ودق الباب وخشت رجاء شايله سفره فيه قهوه وحلويات رجاء ؛؛ خيرات محمد شن الاخبار محمد ؛؛ اووو ارجيوه شن جو رجاء ؛؛ الحمدالله اهي قهوه مره دارتها اميره عارفه المطلوب محمد ؛؛ تسلمن ياخواتي رجاء ؛؛ تسلم سلام وطلعت هدي؛؛ ارجيوه عليك دلاله محمد ؛؛ هههههه البنات الوحيدات مانتحشمش منهن انحس فيهن كيف خواتي هدي ؛؛ علاقتكم حلوه محمد ؛؛ بكل بس البنات اجتماعيات وجوهن سمح عندهم ايه في حالها اشويه ماتحكيش زمان الشارع امسمينها المتكبره بعدين اعرفو طبعها هادي هكي هدي ؛؛ باهي خلاص راه غرت محمد ؛؛ هبله وين بيده وارحيمه نبي انشوفهم هدي ؛؛ حاضر تو انجيبهم اشرب انت قهوتك وطلعت هدي وجابتله ارحيمه وعطته لها هدي ؛؛ هذا ارحيمه محمد ؛؛ ماشاءالله تبارك الله وطلعت وجابت بيده وقعمزت جنبه هدي ؛؛ وهذا بيده في فرق بينهم محمد ؛؛ اها ماشاءالله بس انحسهم طالعين ل مراد هدي ؛؛ اها لو اتشوف اصور مراد وهو اصغير تعرفهم اعياله محمد ؛؛ اهاااا ماشاءالله تبارك الله عقبالنا ان شاءالله هدي ؛؛ ان شاءالله نشيلهم محمد ؛؛ اصبري انحطلهم افلوس هدي ؛؛ مانك جايبلهم هديه خلاص محمد ؛؛ ﻻﻻ ملائكه خشت عليا ضروري انحط وطلع محمد افلوس وحطلهم وطلعتهم هدي بالواحد وجت وقعمزت تمت اتهدرز معه وجابتلهم اميره موالح وغازي بعدها روحو وخشت علينا هدي عمتي ؛؛ ها شبعتي منه ماما ؛؛ هههههه خليها احسن ايام ايام الخطبه راه عمتي ؛؛ وواعره نا نحبش الخطبه الطويله ماما ؛؛ الله غالب هذوم مش بيدهم عمتي ؛؛ منها اتلط علي روحها مانبيش فرح في شتاء مرطزه نبيه في صيف وكبير اهو تاجل بكل ماما ؛؛ الله غالب نصيب اميره ؛؛ ماما خالد رن قالي وتو اروحكم نا ؛؛ بدري خليكم اميره ؛؛ قالي نبي انروح انتريح ماعنديش نيه نطلع اخر بعدين ماما ؛؛ هيا خلونا انروحو رجاء ؛؛ اميره قولي لوليد ايسجلنا اميره ؛؛ ماعليك قالي تو انسجلهن في نفس الحافله اخري رجاء ؛؛ باهي يومين وتعالي انتي انتبادلو اميره ؛؛ باهي نا ؛؛ حسستني مريضه اميره ؛؛ خايفين عليك بس حبيبتي ايمان بكره جايتك تقريبا وكان جت تو انجي معها نا وخالتي فاطمه نا ؛؛ امرايفه عليها خالتي فاطمه اميره ؛؛ هههههه لاهيه في العويل قاعده واتزوق في حوشها ماما ؛؛ هيا خالد ايبيب حسه اميره ؛؛ هيا هيا وطلعن ماما واميره وقعدت عمتي اتهدرز معي واعيونها علي رجاء اكتر شيء وجا عمي وخش سلمن علينا وتما ايلعب في العويل وجابتله رجاء قهوه عمي ؛؛ شكرا بارك الله فيك رجاء ؛؛ وفيك بارك عمي ؛؛ التفت علي عمتي عمتي ؛؛ شريت عليها هذه رجاء اللي اصغر من ايه والصغيره بكل متزوجه عمي ؛؛ اهااا ماشاءالله تبارك الله سنه كم تقري رجاء ؛؛ ان شاءالله خاشه لمعهد اداره عمي ؛؛ ان شاءالله بالتوفيق رجاء ؛؛ ان شاءالله انحرجت وامنزله راسها وشرب عمي القهوه وصب نا ؛؛ عمي العشاء عمي ؛؛ ﻻ وين امروح خلاص نا ؛؛ خليك بدري عمتي ؛ تو نبرمو عليك ردي بالك من روحك ومن الاعيال نا ؛؛ ان شاءالله وطلعو عمي وعمتي وهدي صبت تلابس في وشاحها ونا ورجاء امصبيات معها علي المدخل هدي ؛؛ شكرا يااحلي صبايا خوت نا ورجاء بحتنا في بعضنا وضحكنا رجاء ؛؛ مازالت نا بشويه هدي ؛؛ ياعيني مافطنتيش لماما وبابا وهم ايتغامزو عليك نا ؛ نا فطنتهم هدي ؛؛ سلام وطلعت تجري هدي ونا خشيت قعدت علي العويل ورجاء تمت اتحوس وكملت رجاء ؛؛ ويه شن تبي العشاء نا ؛؛ دازه مراد علي كبده تو ايجيبها وايجي امغير ابرميلي علي الحوش بيش بكره في الصبح انرقدو رجاء ؛؛ اعيوناتي خليك انتي علي عويلك بس نا ؛؛ انعني مانفقدك بيش تعطني رقمك رجاء ؛؛ حاضر تو انرن عليك وجا مراد وجايب معه كبده وحاجات تانيه رجاء خذت الكبد وبدت تقلي فيها وسخنت حاجات من عقاب الغداء وحطت وتعشينا ورقدت العويل وخشيت للدار والقيت مراد امقعمز علي لاب توب امتعه وخشيت جنبه في السرير وخليت في مسافه بينتنا مراد ؛؛ التفت وشافني بعيده منه حط الاب توب علي الجنب وطلع علبه من الدرج وقرب مني حبيبي اليوم زعلان مني نا ؛؛ من حقي مراد ؛؛ باهي هاتي يدك ومسك يدي وحط فيها العلب نا ؛؛ شن مراد ؛؛ افتحيها وشوفيها نا ؛؛ فتحت العلبه والقيته خاتم ذهب هيييييي ايهبل مراد ؛؛ انتي اللي هبلتني بيك بيش ترضي جبته نا ؛؛ نجك ليا حبيبي واضبطته وطلعت الخاتم ولابسته كان حلوه بكل وبسيط وراقي كان ايجنننن بكل علي سني شكرا حبيبي مراد ؛؛ عفوا كلا انتن ياصبايا غالي عليكن الذهب نا ؛؛ ههههه بكل مراد ؛؛ معش تزعلي وسامحيني كان طلعت مره مره كلمه والله ماقصدي نا ؛؛ مديت فمي قدامي باهي خلاص مراد؛؛ نجك ليا وباسني علي. ….. ورقدنا ورجاء كالعاده حكت مع طارق ورقدت وبعد يومين روحت وجتني اميره بعدها وفي الليل وهي ترجا فيه ايرن عليها افتحت الصور وتمت اتفرج عليهن انزلت دمعتها ومسحتها علي كثر ماتحبه علي كثر ماهي خايفه ايسيبها خايفه يسمع بالموضوع وايسيبها هي ماعمرهش حكت لاي انسان في موضوع هذا بس علشان طارق حباته صح واعرفت ان نيته الحلال يعني تبي اتكمل معه عمرها يعني تي تحكيله وتبي حياتها اتكون صادقه من الاول بيش ماايجيش حد وايخرب عليها كيف ماخربو بينها وبين سراج افتحت الفيدو وتمت اتفرج وتبكي ورن فونها بالاضاء مجنوني يتصل بيك… رجاء ؛؛ بصوت مخنوق ايوه طارق ؛؛ طولت عليك رجاء ؛؛ ﻻ عادي طارق ؛؛ كنه صوتك هكي رجاء ؛؛ حبيبي نبي نحكيلك موضوع ونا ماعمريش حكيته لحد لاني كنت ناكره الشيء هذا ومانبيش انقول او انذكر روحي بها بما ان انت تبيني بحلال معناها ضروري نحكيلك الموضوع بيش تعرف وتفهم قصدي مانبيش غيري يحكيلك طارق ؛؛ شن في ان شاءالله خير رجاء ؛؛ تنهدت تنهيده طويييييييله والعبره خنقتها واعيونها ملينات ادموع لان خايفه اتكون هذه نهاية علاقتها ب طارق وصوتها المخنوق ………….. يتبع الصفحات: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44
