مسلسل سعاده كاذبه التكملة

مسلسل سعاده كاذبه

الحلقه 61

رجاء ؛؛ ياعنجد فرح عادي احكي قولي فرح من
هدي ؛ اعيونها تعبن ادموع وخافت من ردت فعل رجاء
رجاء ؛؛خذت من يدها الكرت وافتحت وهي تقراء لقت اسم
سراج

رجاء اقعدت مصدومه وتقرا في الاسم والعبره خنقتها واعيونها ملينات ادموع
تمت تضحك بصوت عالي

هدي ؛؛ تمت اتبحت في رجاء وخافت عليها ﻻنها تبكي وتضحك في نفس الوقت

نا ؛؛سمعت صوت رجاء طلعت بسرعه

القيت رجاء تبكي واتخبط في وجها
كنك شن في
هدي ؛؛ تبكي ومنهاره وتحاول تمسك فيها
رجاء ؛ شفتي حظي شفتي مش قالتك ماعنديش حظ شفتي وجتني واضبطتني
ياناعليا ياويه انقهرت انقهرت
قهرني ياويه قهرني طعني ياويه

وطلع مراد وشافنا وطلع من الشقه بكل
نا ؛؛ تميت نبكي
تي كنك شن في
رجاء ؛؛ وخرت ومدتلي كرت فرح
شوفي كرت فرح من جايك بلعني دزه يبيها توصلي شوفي شوفي

نا ؛؛ مسكت الكرت وفتحت وانصدمت لما القيت اسمه
هيييييييي من الصدمه حسيت كرعيا معش شالني وقعمزن علي الصالون طول
ورجاء اقعدت تبكي نين طاحت وانهارت وتمت اتخبط في وجها
وهدي تمسك فيها
هدي ؛؛ ارجيوه وسعي بالك فوتيه هذا واحد حقير اللي دار هكي
رجاء ؛؛؛نا اللي حقيره اللي ودرته بين ايديا نا اللي حقيره اللي تخليت عليه انا نستاهلها ضيعته ضيعته

نا ؛؛ بس هو لو ايحبك كان مافرطش فيك
رجاء ؛؛؛خلاااااص خلاااص تعبت والله تعبت لعند امتي ونا هكي لعند امتي ونا ماعندي حظ لعند امتي ونا مجروح من اقرب ناس ليا لعند امتي بس

هدي ؛؛ تمت تبكي واذكرت روحها وتمت تضبط فيا رجاء ورفعتها علي الصالون وقعمزتها
حي عليا نا حي عليا شن درت في روحي
نا ؛؛؛ارجيوه ما انتي سيبتيه خلاص هو من حقه يزوج
رجاء ؛ عارفه بس قلبي يا ويه قلبي انكسر اطعنه ليش هكي كان ايخلني ننساه علي الاقل مش يكسرني هكي وحتي جهد ماعندي ليش ليش يستعجل ليش ايوصلها ليا يعني عادي عنده هكي نقعد مقهوره عادي عنده ماايحبني وايخاف عليا ليش ايوصل فيا للمواصيل هذين
ياريتني ماعرفته ولا ياريتني ماشفته ولا حبيته كنت عايشه حياتي ومتهنيه وراضيه باكذيبي ليش ايخش في حياتي وايغيرني ليش ياويه

تمت اتخبط في صدرها بيدها بقوه
ليش نا ليش نا ليش ننقهر هكي ليش
نا ؛؛ ﻻﻻ ياارجيوه بشويه علي روحك والله ماينفعك حد اهم شيء روحك وصحتك
وتمينا نمسكو فيها نا وهدي

هدي ؛؛ وهي تبكي ومنهاره وبصوت مخنوق

ارجيوه خلاص اساسا انتي اللي سيبتيه مش هو يعني خلاص حرقه تحرقه انتي علاقة سنه ولكم امسيبن بعضكم سنه ودرتي هكي املاه شن تقولي عليا اللي من الطفوله وخطبني وقراء فاتحتي وقعدت علي ذمته سنتين وفي نهايه تفارقنا وطلع فرحه في اقل من 4 شهور ومشيت وحضرتها ونا راسي فوق ومن جو انتقطع في مية قطعه

نا ؛؛ التفت علي هدي والقيتها حتي هي منهاره وتبكي

رجاء ؛؛ من كثر كلام هدي انصدمت واسكتت

هدي ؛؛ هه شفتي كلنا مطعونات راه كلنا من اللي مافيها جرح جو في قلبها كلنا انجرحنا وعيشنا حياتنا وراضيات باللي جابه ربي شن نبو انعارضو حكمة ربي انتي ماتندريش علي الحياه هه شوفني نا انقهرت قهر ايام فرحه هو انا نبكي كل لليله وهو ايوتي للفرحه انا اللي ماعمري عرفت غيره ولد عمتي اللي طفولتي ومراهقتي كلها معه هو ولا مره فكرت اني انكون لغيره ولا هو لغيري هه شوفي شن حصلت في نهايه طعنه خبطت وبكيت وعيطت وندبت مسكوني خوتي وايسكتو فيا طارق مشي اضربه ضربه سمحه و هذا كله وجعتني وجعتني ضربته شوفي هو طعني ووجعني وحطيت قلبي تحت اكراعي ومشيت للفرحه بس لنثبت لروحي ان خلاص
قصدي نكذب علي روحي
مشيت بس علشان خاطر العائله خاطر بابا مايتفارقش هو اخته تخيلي مشيت وشفته وهو ايزف في غيري تخيلي مشيت وشفته ايلبس في دبله لغيري تخيلي مشيت وشفته طلعا مع عروسة مشيت والناس كلها مصدومه مني صبيت وسلمت عليه وعيني تضحك وعين تبكي وقلبي مقهور من جو
نا ورجاء تمينا نسمعو فيها ونبكو من كثر كلامها واعر واتقول فيه وكانه ترجا في هالفرصه بيش اتفش اللي في غلها كله

هدي ؛؛ عندي مانقول الا حسبي والله ونعم الوكيل
هكي الرجاله اصل يحسابو اروحهم يقعد رجاله لما يطعنونا ويجروحنا انانين ايفكرو في اروحهم بس نا قالته نبي نقرا هو مابش يرجني والمشكله نا كنت نرجا فيه العمر كله بيش هو ايكون نفسه ومعه خطوه بخطوه وانشجع فيها علي القرايه وعلي الخدمه وعلي البني وفي نهايه كله طلع فشوش كله مشي لوحده غيري انا انحب وننصح ونتعب ونسهر ونساعد وهي جت علي المستريح وطلع معها بره وتو عايشه بره بفضلي نا
وقفت وقفلت قلبي وكرهت حياتي قعدت نمشي لجامعه ونا مقهوره وساكته واي حد ايدزلي نرفض بس بيش مانصدمش روحي اخري

شوفي بعد 5 سنين ربي عوضني بمحمد اللي ايحبني من 8سنين ونا منعميه بهذاك وقاعده كل يوم نحمد في ربي لان عوضني بواحد طيب ومتفاهم والاكثر ايحبني وايخاف من ربي عليا وخلي حبنا طول حب حلال والله يوم اللي انقرت فاتحتي علي كثر مافرحت علي كثر ماخفت من هالزمان اللي مايل عليا خافته يبرم بيا اخر ونا معش عندي جهد

رحاء ؛؛ اضبطت هدي وتمت تبكي
سامحيني ياهدي سامحبني
هدي ؛؛ تمت تمسح في دموعها
يلا الحياه هكي الله غالب المهم الواحد ايكون قوي الضربه اللي ماتقتل اتقوي ياارجيوه نبيك اتكوني قويه والله ربي ح ايعوضك خوذني اقرب مثل نا

رحاء ؛؛ علي كثر مانقهرت علي كثر ماانتي هونتي عليا والله ربي دزك ليا بيش اتصبرني
هدي؛؛ والله هو اللي خاسر ماهو انتي انتي كسبتي شخصيتك وكرامتك وكبريائك
رجائ ؛؛ تنهدت تنهيده طويييييييله والعبره خنقتها
الحمد الله
نا؛ ؛ من الفجعه والكلام اللي واعر اللي طلعن منهن كراعيا معش شالني وقعدت طايحه طيح علي الصالون
هدي ؛؛؛هيا تصبحن علي الخير نا نازله
رجاء ؛؛ ﻻﻻ خليكي باتي معي تو هذه اكيده اتبات مع مراد
هدي ؛؛ انتي شن رايك اتباتي معي في الدار في سرير هاجر خيرلك من هنا
رجاء ؛؛ بحتت فيا
نا ؛؛ براحتك ﻻن الحوش فاضي فيش حد الا طارق

رجاء ؛؛ هيا انغير دبشي بس
هدي ؛؛ نرجا فيك لوطه خليني ننزل وانوتي للسهره
رجاء ؛؛ هههه نجك ليا باهي هيا

ونزلت هدي وخشيت نا ورجاء للدار وعطيتها توته تلبسها
نا ؛؛ ردي بالك من روحك ومانبيش انقول لحد انك بايته لوطه كان يسمعوها خوتي ولاه ماما ايهزبو
رجاء ؛؛ نجك حاضر
نا ؛؛؛ارجيوه فكري انك انتي اللي سيبتيله مش هو خليكي قويه رجاء اللي نعرفها نا
رجاء ؛؛ اهاااااااا انكسرت وفضت خلاص والله هدي هونت عليا وقهرتني اطلعت ياما شايله في قلبها

نا ؛؛ بيش تعرفي ان في الدنيا هذه فيش حد متريح ويضحك طول عمره راه هي حياه وفي حلو وفي مر والواحد مهم ايصيرله ايقول الحمد الله
رجاء ؛؛ الحمدالله نبي ننزل هدي اكيده تبكي قلبت عليها مواجع
نا ؛؛ باهي بس غيرلها جوها
رجاء ؛؛ بدال ماهي اتغيرلي جوي نا اللي انغيرلها سبحان الله
نا ؛؛ ﻻن هي جرحها اكبر وانتي نبتيش عليه
رجاء ؛؛ هاتي الطرف هذا خير من نزلتي هكي بنص كم
نا ؛؛ هه به خوذي
وخذته رجاء وهي نازاله
نا ؛؛ تعالي خوذن حاجات تسهرن بيهن
رجاء ؛ في شكولاطات
نا ؛؛ اهي الثلاجه امعبيه خوذي اللي تبيه وراه قي مكسرات
رجاء ؛؛ نجك ليا اني خذيتهن
وخذت الحاجات في يدها والطرف في يدها وهي اتحول تلبسها وهي نازله من الدروج وهي اتبحت لوطه عند الباب
اخبطت في صدر عريض رفعت اعيونها ولقته طارق
طارق ؛؛ انتي شن جيبك هنا
رجاء ؛؛ شن اتلز انت
طارق ؛؛ ﻻ بس مستغرب
رجاء ؛؛؛بايته هنا
طارق ؛؛ وين لوطه
رجاء ؛ اها ان شاءالله
طارق ؛؛ باهي تعالي كسدي معي
رجاء ؛؛ تحشم علي وجك
طارق ؛؛ ههههه انبصر
رجاء ؛؛ حول اشويه نبي انخش للحوش
طارق ؛؛ نا يعني اللي امسكر عليك
رجاء ؛؛ والله انت بحت في الموقف
طارق ؛؛ هههه اسف هيا خشي
وخشت رجاء ووراها طارق
رجاء ؛؛ ادق علي باب دار هدي
وطارق امصبي وايبحت فيها
طارق ؛؛ تعالي كسدي معي خيرلك
رجاء ؛ مراد قاعد راه
وافتحت هدي الباب ولقتها جرتها تبكي وخشنا في الدار وتمن ايهدرزنا

نا ؛؛ الو حبيبي وين نزلت
مراد ؛؛ بره قدام الحوش شن صار عندك
نا ؛؛ انت عارف
مراد ؛؛ اها هذا عليش كلمتك بس سبقني هن
نا ؛؛ باهي اركب تعال
مراد ؛؛ ورجاء
نا ؛؛ انزلت باتت لوطه عند هدي
مراد ؛؛؛اني راكب تو

وركب مراد ولقني راقده علي السرير
مراد ؛؛ شن الجو
نا ؛؛ ليش اتجيب فيه الكرت
مراد ؛؛ عارفه له اسبوع في سيارتي الكرت وتو لما لميت الكاتوجات من السياره جا معهن ونا اساسا نبي نسالك امغير ننسي كيف شن صاير بينهم
نا ؛؛ هم متفارقين من زمان بس وجعتها
مراد ؛؛ حاضره الموقف هذا زمان من هدي
نا ؛؛ اختك هذه عقلها كبييييييير وياما شايل
مراد ؛؛ مش قالتلك هدي عقلها كبير وعارفها
نا ؛؛ انزلنا اغيرن في جو بعضهن
مراد ؛؛ باهي تمام وانتي ان شاءالله امتي اتجي اقريبه مني
نا ؛؛ هههههه ﻻﻻ خليك بعيد هكي احسن
مراد ؛؛ مش وضع هذا اول ماحطيتهم في بطنك فتني نا اتقول كنتي متحملتني علي خاطرهم بس

نا ؛؛ حبيبي وراسك ماتزيد عليا نا تعبانه اوحدي وماعندي جهد وبعدينا اللي نا فيه منك انت

مراد ؛؛ هههه باهي باهي وانتي باقيه جالطه
نا ؛؛ ههههه باه هيا جيب افراشك وارقد لوطه
مراد ؛؛ والله ماوضع هذا
نا ؛؛؛ههههه يانا ياانت نقعدوش مع بعضنا نا خايفه علي بطني
مراد ؛؛ انتي جربي الليله هذه بس نرقد هنا
نا ؛؛حبييييييبيييييي يانا ياانت
مراد ؛؛ استغفرالله العظيم ربي ايصبرني عليك
نا ؛؛ هههههه نجك
وصب مراد وجاب افراش وحطه عندي سرير ورقد عليه ونا جيت من عنده انباش فيه ونزلت يدي عليه
مسكها ليا وتم ايبوس فيها

مراد ؛؛ انحبك والله انحبك
نا ؛؛ انموت فيك امتي انجيب ونفتك والله تعبت واجد وحتي جهد ماعاد عندي انتحمل بطني
مراد ؛؛ خلاص قربت وسعي بالك
نا اللي انجيهم بيديا هذين
نا ؛؛ هههههه حبيبي ماتبيش اتقولي شن جنسهم
مراد ؛؛ ﻻﻻﻻﻻ نا بروحي مش عارف
نا ؛؛ حبيبي تكذب عليا قولي راه نمشي لدكتور غيرك
مراد ؛؛ ههههههه تقعدي مش مراتي بعدها
نا ؛؛ههههه به تو اتشوف
وبرمت وجي وعطيته ظهري وهو جا واضبطني من لاوره
نا ؛؛؛هيييييي فيش ادير هنا انزل هيا
مراد ؛؛ حرام عليكي ياويتي
نا ؛؛ بصوت بيبي
حبيبي انزل علشان خاطري هيا
مراد ؛؛؛باهي بس راه زعلان نا وباسني علي الشوفه ونزل لوطه علي الفراش
نا ؛؛؛حبييي ممكن طلب
مراد ؛؛ شن
نا ؛؛ طفي ضيء الوناسه
مراد ؛؛ تو يعني حتي الضيء ماتبي اطفيه عليك حاله وخلاص
نا ؛؛ هههههههه تصبح علي الخير
مراد ؛؛ وانتي جايبه
نا ؛؛ ههههههههههههه والله انحبك ياشايب
مراد ؛؛ واضح خلاص اسكتي كذا

ورقدت والابتسامه علي وجي ورجاء وهدي جددنا ماضيهن وتمن ايهدرزنا وبكنا وفشن غلهن وكل وحده فيهن كبت الشوال للاخر ورقدنا

ووعنا تاني يوم علي صوت عمتي
عمتي ؛؛ هدي راه نا طالعه صبي
هدي ؛؛ وين ماشيه
عمتي ؛؛ جا خبر بات غاده توفا ونا وباتك طالعين وراه متغدين بره
رجاء ؛؛ صباح الخير ياعمتي
عمتي ؛؛ صباح النور من امتي انتي هنا
رجاء ؛؛ امس نزلت
عمتي ؛؛ ماحسيتش بيكن باهي هدي صبي بيش اديري غداء تو طارق ايعارك
هدي ؛؛ باهي باهي اني امصبيه

وطلعت عمتي وعمي ومشو للحوش هل غاده
وهدي خشت للحمام ورجاء صبت تثاوب وطلعت بلا وشاح ولاشي وبنص كم وطلعت للصاله امقعمزه ترجا في هدي تطلع من الحمام
وخش عليها طارق وهي تثاوب ومش فطنتله
طارق ؛؛ صح النوم
رجاء ؛؛ افتحت اعيونها وشافته
تي شن جيبك هنا
طارق ؛؛ سمحه هذه هذا حوشنا راه
رجاء ؛ اسفه نا اللي غالطه وصبت وخشت للدار وخذت طرف الكم وطلعت ولقته في المطبخ ايدير في شاهي
رجاء ؛؛ طارق مراد فوق
طارق ؛؛ برم وجه وشافها
ﻻﻻﻻ طالع امبدري
رجاء ؛؛اهاا باهي شكرا
وركبت رجاء وجتني فوق ولقت الباب مفتوح لان مراد امسيبه لها مفتوح وخشت عليا
رجاء ؛؛ مازالتي راقده ياهمي
نا ؛؛:خطوني ونا اللي ايخش عليا يسال فيا
رجاء ؛؛ باهي خلاص ارقدي نا ركبه نبي الحمام
نا ؛؛ خشي وديري حاجتك وبعدها ديري غداء وابدي لمي
رجاء ؛ غاده باتها توفا وعمتك وعمك عدو
نا ؛؛ صااااح امتي
رجاء ؛؛ في هالصبح تقريبا
نا ؛؛:معناها ديري انتي وهدي مع بعضكن الغداء راه طلعت لحم

رجاء ؛؛ باهي
ومشت رجاء وتوضت وصلت وخذت الحم ونزلت وخشت علي هدي ولقتها باديه في الغداء
رجاء ؛؛ جايب لحم اهو بيش انديرو مع بعضنا
هدي ؛؛ نا درت وعابيه بيكم انتي اركبي ولمي مواعين ايه خلاص معش في وقت
رجاء ؛؛ باهي نا راكبه فوق
وركبت رجاء فوق وفتحت رواشن الشقه وبدت التم في مواعين والتحف في الصناديق
نا ؛؛ كثري من الجرايد ياارجيوه بيش مايكسرش شيء
رجاء ؛؛ ماعليك اهو انكثر
تمينا انهدرزو في حاجات بعيده علي سراج لان نبيها تنشغل بالحوسه ومانبيهش اتفكر وجت ساعه2وجا مراد وقعمز جنبنا وتمت ايهدرز معنا

وركبت هدي وجايبه معها سفرة الغداء
هدي ؛؛ مراد اتغداء هنا ولاه لوطه طارق يرجا فيك
مراد ؛؛ تو ننزل لوطه
هدي ؛؛ هيا يابنات

وقعمزنا وتغدينا ونزلت رجاء وهدي يغسلن في المواعين ومراد رقد لوطه في المربوعه وهن اركبن وكملن باقي الشغل
ورن فوني

نا ؛؛ اهلا الهام
الهام ؛؛ شن اخبارك
نا ؛: تمام الحمدالله
الهام ؛؛ قالتلك انجيك نمشو مع بعضنا لغاده
نا ؛؛ به تو انشوف مراد بس
الهام ؛؛ هيا اساليه وكلميني
نا ؛؛ اشوية يأذن العصر وهو تو يركبلي فوق
الهام ؛؛ ههههه ديرتله طرد
نا ؛؛ ههههه ﻻﻻ هو نزل لوطه لان يبي يرقد وهنا البنات يشتغلن ومش فضيان
الهام ؛؛ باهي نرجا فيك

وصكرت منها واذن العصر وركب مراد
نا ؛؛ وخش لحمام توضي وصلي وخش للدار وخشيت عليه
حبيبي طالعه للعياده ماه
مراد ؛؛ اها كنك ناقصتك حاجه
نا ؛؛ نبيك اتحطني في العزاء نا والهام
مراد ؛؛ باهي هيا وتي روحك بس راه مش ح انجيكن الا بعد مانطلع من العياده
نا ؛؛ به اصلا انا نبي نمشي اليوم وخلاص عنديش جهد اخر نمشي يالله انمشي هاليوم
مراد ؛؛ هههههه بطريق هيا البسي
نا ؛؛ هههههه هيا
ﻻبست ونزل مراد
ونا نبي ننزل

رجاء ؛؛ امتي امروحه
نا ؛؛ في الليل اسمعنا ديرن عصريتكن والعشاء وخوذن راحتكن
رجاء ؛؛ باهي سلام
وطلعت ومشيت للعزاء

هدي ؛؛ ارجيوه شن رايك تمشي بكره للفرح
رجاء ؛؛ قصدك فرح سراج
هدي ؛؛ اها امشي بيش اتوريه انك عرفتي وعادي مش امعدله كيف مادرت ان بيش تقهريه
رجاء ؛؛ هبييييي ومن ايشيلنا
هدي ؛؛ نكذب علي طارق وانقوله فرح صاحبتي
رجاء ؛؛ قصدك تمشي حتي انتي
هدي ؛؛ اها نمشو علي اساس فرح صحبتي و واخذتك معي وهلك غادي ماتقوليهش لهم يحسابوك هنا
رجاء ؛ ومراد يعرفها
هدي ؛؛ ﻻ مراد ماايروح الا في الليل ساعه 9 واتقوله ايه انك معي لوطه ماحتي جا ودورك

رجاء ؛؛ اتصدقي انك رشقتيها ليا في راسي

هدي ؛؛ اهاااا رديها له اصلا هو دز كرت لمراد علشان يبيك تعرفي وانتي امشي وباركيله

رجاء ؛؛ بس واعره ياهدي
هدي ؛؛ اكيده واعره بس اسالني نا كل ماتذكري ايام الحلوه ح تذكري ان هو زف انسانه غيرك وح تكرهيه تاكدي والله نا هكي درت

رجاء ؛؛تنهدت تنهيده طويييييييله
به
وسمعنا صوت طارق ينادي
هدي ؛؛ هنا هنا ياطارق نحن فوق
وركب طارق وخش عليهن

طارق ؛؛ الحوش كنه امظلم لوطه
هدي ؛؛:من ركبتي في القايله معش نزلت ولعت
طارق ؛؛ اها ولعت
هجي ؛؛ طارق تعال ساعدن شيل الصناديق في المربوعه فضينها اصلا
طارق ؛؛ هذين
رجاء ؛؛ اثقال راه
طارق ؛؛ ههههه اثقال
هدي ؛ كيف مش عارفه ان طارق ايشيل في الحديد ولا شنو
رجاء ؛؛ صاح وانقول كنك عريض
طارق ،؛ شن انشيلك بيش اتاكدي اني انشيل
رجاء ؛؛ ههههههه ﻻﻻﻻشكرا
هدي ؛؛ تي ايكسرك بعدها
رجاء ؛؛ مازالت نبي اروحيتي
طارق ؛؛ ناعليا نا
هيا انشيلكن هذين بس صبنا ديرلي قهوه
هدي ؛؛ تو انصبي تو ماعليك
وصبت هدي للمطبخ وطارق قعد ايشيل في الصناديق ورجاء اتبحت فيه وساكته
طارق ؛؛ غريبه ساكته
رجاء ؛؛ كان حكيت ماهو عاجبك وكان سكتت ماهو عاجبك تي شن اندير باهي
طارق ؛؛ مش لزم تعجبني اساسا
رجاء ؛؛ والله صدقت
وصبت تبي تمشي
طارق ؛؛ اقعدي هنا وين ماشيه
رجاء ؛؛ طارق راه مش وقتك
طارق ؛؛ اقعدي تو ننزل نا
وجت هدي وجايبه قهوه
هدي ؛ اطروقه
طارق ؛؛ ها قولي طلبك ابسرعه
هدي ؛؛ هههه كيف عرفتها
طارق ؛؛ من عند اطروقه واضح ها كنك
هدي ؛؛ بكره عندي فرح صاحبتي نبيك اتشيلني نا ورجاء للفرح نحن مكسدات مكسدات
طارق ؛؛ وباتي عارف
هدي ؛ اها قالي قولي لطارق
طارق ؛؛ بكره الفرح
هدي ؛؛ اها اتشيلنا باهي والله نا ورجاء مكسدات
طارق ؛؛ بحت في رجاء ورافع حاجبه
باهي بس رجاء اتقولها لهلها

هدي ؛؛ تي عارفين هلها
طارق ؛؛ خلاص تو انشيلكن بكره

هدي ؛؛ شكرا يااحلي اخ انت
طارق ؛؛ هههههه باهي هيا سلام راه نا لوطه تبنا حاجه تعالن بعدها ديرلي عشاء انور جايني
هدي ؛ باهي ايجو عيت مراد بس
طارق ؛؛ اديرلي عشاء سمح انشيلكن للفرح
هدي ؛؛ ﻻﻻﻻ تو انديرلك حتي العصبان امغير شيلنا
وطلع طارق
رجاء ؛؛:شن يبي عشاء
هدي ؛؛ طارق غالي عليه معكرون في الليل
رجاء ؛؛ خلاص تو انديرها نا امغير هيا انديرو قبل مايجي مراد بيش يركب اتريح
هدي ؛؛ به
وصبت رجاء وتمت ادير في العشاء دارت معكرونه وسلاطه وحمرت الدجاج
علي خشتي نا ومراد
مراد ؛؛ اووووووو من اللي دايره عشاء
هدي ؛؛ ههههه رجاء دايره
نا ؛؛ عرفتها من عند البنه نفس تحميرت دجاج اميره
مراد ؛؛ باهي واتي
رجاء ؛؛ واتي اها هيا خشو توضو وصلو بدال ماحطيت
مراد ؛؛ بسرعه بس
وخشينا نا ومراد غيرنا دبشنا وتوضينا وصلينا وانزلت رجاء وادق علي طارق
طارق ؛؛ هيا هيا
وطلع وفتح
ها شن صار
رجاء ؛؛ انحطلك تو
طارق ؛؛ واتي
رحاء ؛ اها هيا تعال خوذ
ومشت ويمشي ورها طارق وايبحت فيها
طارق؛ ؛ انتي اللي دايرته
رجاء ؛؛ التفت عليه
اها نا كنك مش حاط فيا ثقه
طارق ؛؛ هههههه نحسابك باير
رجاء ؛ راه خيرلك راه انقولك انزل ومافيش عشاء
طارق ؛؛ عادي معش انشيلكن للفرح

وخشت رجاء للمطبخ ولقت هدي اتحط ساعدتها ومدتها لطارق ونحن كلنا حطينا مع بعضنا تعشينا واغسلن المواعين ونزلنا البنات وقعدن نا ومراد في الشقه
ورن الفون هدي
رجاء ؛؛ احكي خوذي راحتك نا طالعه نبي نشرب ميه وماتقوليش اني نا هنا
هدي؛؛ حاضر ونجك ليا مع ان امس قبل فطن الجو بس نا قالتله اني قاعده فوق
رجاء ؛؛ هههه افطني راه تطلعيلي عبيطه كيف ايه
هدي ؛؛؛هيا اطلعي اهو اقربب يفصل

وطلعت رجاء بسرعه ولقت الحوش فاضي عمي وعمتي مش قاعدين خشت للمطبخ وهي تشرب في ميه جاها طارق نغزها من عند اجنابها هي نطت وبرمت وانكبت الميه علي طارق
رجاء ؛؛ وووووو فجعتني عطك مايفجعك
طارق ؛؛ باهي اتكبي عليا الميه هكي
رجاء ؛؛ انت اللي جيت اتنابش
طارق ؛؛ ناس ماتعرف ابصاره بكل تي والله نلقي فوني جايته ميه نهارك

وطلع الفون من جيبه وشافه
ﻻﻻ في شيء عارفه شن مشكلتك انتي
رجاء ؛؛ رافعه حاجبها
ها شن
طارق ؛؛ عندك حظ
رجاء ؛؛ عارف الحاجه الوحيده اللي ماعنديش بكل
خلاص حول وانتي امزرطني هنا

طارق ؛؛ به وين تبي تمشي
رجاء ؛؛ انخش نرقد
طارق ؛؛ ترقدي ولاه
رجاء ؛؛ ولاه شنو تحسابني كيفك انكمل الليل كله وانا نحكي علي فون
طارق ؛؛ ههههه ﻻﻻ نحكيش نا
رجاء ؛ به هات
وكرت منه الفون وحطت يدها وراء ظهرها
طارق ؛؛ جيبيه هنا راه خيرلك
رجاء ؛؛ مش ماتحكيش خلاص نبيه الفون الليله
طارق ؛؛ ﻻﻻ في حاجات مانحبش حد ايشوفهن
رجاء ؛؛ﻻﻻ نبيه ونبي انفتشه
طارق ؛؛ قرب منها وهي وخرت علي الدولاب اخر ومد يده لوراه يبي ياخذ الفون
رجاء انزلت لوطه تحت وجت تبي تمشي طارق حط اكراعه وهي قبل طاحت

رجاء ؛؛ حول طيح سعدك تو ايخش علينا شي واحد
طارق ؛: هاتي فوني هنا
رجاء ؛؛:علي جثتي اليوم تاخذه
طارق ؛؛ يا فرخه مديه هنا
رجاء ؛؛ تحول وخلني انتريح بعدها تو نعطيه لك
طارق ؛؛ وخر منها وخلها اتصبي واتسقم في دبشها بعدها حطت الفون في جيبها
وتمت اتلم في شعرها
طارق ؛؛:نا قالت عطيني الفون مش اتسقني روحك
رجاء ؛؛ تي باهي اصبر بس اشويه ناخذ نفس بس
طارق ؛؛ ههههههههه به
وصب وتمه ايبحت فيها
رجاء ؛؛ وكملت وحطت ايديها علي بعضهن

تنهدت تنهيده طويييييييله
اهااااااا نبي نشرب ميه

طارق ؛؛ ههههه ياعنجد المحقنه
رجاء ؛؛ راه انخش نرقد بالفون
طارق ؛؛ تي والله راه نقدر نمسكك ونطلع الفون بس محترمك ومانبيش انمد يدي
رجاء ؛؛ ههههه تذكر اليوم اللي ضربتني في الشارع
طارق ؛؛ مش وقته راه
رجاء ؛؛ هييييييييييييييي حس هلك جو
ومشت تجري وخشت للدار مع هدي وسكرت الدار

هدي ؛؛ بحتت فيها وحطتلها اصبعها علي فمها معناها اسسسس
طارق :؛ اووو خير يامي كنك طولتي
عمتي ؛؛ باتك حطني في العزاء ومشي للجماعة
طارق ؛؛اهااا باهي نا خاش نبي نرقد
عمتي ؛؛ كنك امروح بدري
طارق ؛؛ انور كان عندي هذه طلعته
عمتي ؛؛ به تصبح علي خير

وخش طارق للدار ومعش عرف كيف ايدق علي البنات في الدار لان عمتي وعمي جوا

ورجاء قعمزت علي السرير وطلعت فون وتمت اتفتش فيه وخشت علي الرسال وتمت تقرا وهدي سكرت من محمد ورقدت لان ماتبيش محمد يفطن ان رجاء عندها لوطه

طلع طارق من الدار يبي ايدق شاف عمتي امصبيه في الصاله
طارق ؛ امي فونك وين
عمتي ؛؛ اهو كنك
طارق ؛؛ اشويه نبيهة
عمتي ؛؛ به خوذه ولما اتكمل حط ليا علي الطاوله
طارق ؛؛ به فيه رصيد
عمتي ؛؛ كان تبي اتكلم حطلي
طارق ؛؛ به عندي نا اكروت جو تو انركبلك
وخذ الفون وخش وركب كرت ورن علي رقم

رجاء ؛؛ ماسكه الفون وتلهي في روحها عليها ماتبيش تذكر ان اليوم اخر يوم للعزوبيه عند سراج
تفجاتء لما شافت الحاجه يتصل بيك
افتحت وقعدت ساكته
طارق ؛؛ طلعي الفون راه خيرلك
رجاء ؛؛ ههههه هو انت
طارق ؛؛ كيف اتردي علي فوني هكي
رجاء ؛؛ كان عندي احساس انت
طارق ؛؛ شن يعني قلبك ايحس بيا
رجاء ؛؛ ههههه علي اساسا من انت
طارق ؛؛ هدي راقده
رجاء ؛؛ اها خشيت القيتها راقده
طارق؛ ؛؛به كنك تحكي بصوت واطي هكي
رجاء ؛؛ نبيش نزعج هدي
طارق ؛؛ اها باهي في حد رن
رجاء ؛؛ الليله الرقم اللي ايرن انرد عليه
طارق ؛؛ نهارك بعدها
رجاء ؛؛ هههه كيف ماحرقت دمي نحرق دمك
طارق ؛؛ ههههه راه خيرلك
رجاء ؛؛ في عرم رسال
طارق ؛؛ ﻻﻻ تقوليش فتشيتي
رجاء ؛؛ اهاااا ما نا قالتلك والله ناخذ حقي منك
طارق ؛؛ ههههه به خوذيه حقك وبعدين احسابك عندي
رجاء ؛؛؛شن ادير
طارق ؛؛ تعرفيه يوم اللي ضربتك في الشارع نين قلبك طلع قدامك
رجاء ؛؛ هههههه والله سامط
طارق ؛؛ نسالك
رجاء ؛؛ ها كنك
طارق ؛؛ تو انتي اللي امبدري تحكي معي
رجاء ؛؛ عليش
طارق ؛؛ صوتك سمح علي الفون راقي وحنون وفيه جو
رجاء ؛؛ ههههه اصلا نا هكي
طارق ؛؛ رجاء ليش عندكش فون
رجاء ؛؛ وشن نبي فيه الفون ماايجي منه الا وجيع الراس
طارق ؛؛ هذا علي الدليل انةكان عندك فون
رجاء ؛؛ اكيده درته وكسرته
طارق ؛؛ ليش
رجاء ؛؛ حاجه شخصيه
طارق ؛؛ عليا
رجاء ؛؛ اها اكيده
طارق ؛؛ مافوني عندك وواخذه راحتك فيه
رجاء ؛؛ ههههه حلو فونك عجبني

طارق ؛؛ تبي كيفه
رجاء ؛؛ ﻻ مانبي فون بكل
هييييي انتظار
طارق ؛؛ من
رجاء ؛؛ مش عارفه امسميها المصيبه
طارق ؛؛ اها فوتيها
رجاء ؛؛ عيني عينك بنت
طارق ؛؛ اهاااا بس نحكيش معها مصيبه دازها ليا ربي 24 ساعه تبي تحكي معي وياريته حتي سمحه شينك وجه
رجاء ؛؛ هههههههه ليش انت ايهمك الوجه
طارق ؛؛ اكيده ها املاه نبي نصبح علي وجه سمح مش علي عفريته
رجاء ؛؛ هههههههه بس في حاجه اسمها حلاوة روح
طارق ؛؛ نا الاهم عندي اتكون محترمه وبعدها شكلها وكلا طبعها نقدر عليه انطبه للطريق
رجاء ؛؛ اهاااا به
طارق ؛؛ وانحبها لما اتعاندي رجاء نسالك
رجاء ؛؛ ها
طارق ؛؛ انتي متحجبه
رجاء ؛؛ والله نطلع بحجاب نا بس الحق ماعمريش لبست محرمه علي عائلتنا مع ان راه خواتي يلبسن بس نا ﻻﻻﻻ اساسا نحن عائلتنا اللي متقربين منا واجد هم عيت خالتي سالمه وولدهم اسمه وليد وهو ايكون خطيب اختي يعني راجلها ومانلبسش عليه والثاني مراد نلابسش عليه والباقي فيش
طارق ؛؛ وليش نا ماتلبسيش عليا
رجاء ؛؛ انحرجت واسكتت
طارق ؛؛ ههههه كيف مش مالي عينك ولاشنو
رجاء؛؛ ههه ﻻﻻ حشاك بس انت اصلا خشيت فيا هكي فجاء في حياتي ونا مادورتش واجد ممكن علشان مادرتش اي جو رسمي من اول ما شفتني تعاركنا وكأن نعرفو بعضنا زمان
هكي مش عارفه

طارق ؛ ايقلد في صوتها
هكي مش عارفه

رجاء ؛؛ ههههه بلا سماطه
طارق ؛؛ قالتيلها سمحه اصلا
رجاء ؛؛ هيا نبي نرقد
طارق ؛؛ طلعيلي فوني قبل
رجاء ؛؛ الليله ايبات جنبي هنا الفون
طارق ؛؛ هههه معناتها خليني معاك علي الخط
رجاء ؛؛ﻻﻻﻻ
طارق ؛؛ اتسكري عليا انجيك من عند الروشن راه
رجاء ؛؛ ﻻﻻ من جدك انت
طارق؛؛ معناها احكي معي
رجاء ؛؛ عاد انت ماترقدش في الليل نين تحكي
طارق ؛؛ هههه والله ماهي هكي بس الحق نا ماقليتش البنت اللي اتخليني انحبها صاح وثبت عليها

رجاء ؛؛ والمشكله يوم اللي ح تلقها ح تجرحها
طارق ؛؛ ﻻ والله ناعنديش فيه الجو هذا نا ماعمري خليت بنت تحكي معي بالغصب اللي يحكن معي كلهن انقوللهن راه نا مش متاع زواج راه نبيش نزوج يعني فوتني بس هن شيء لصقه تقعد اترن واتقول خلينا اصاحب وفي نص المكالمه اتقول ياحبيبي
رجاء ؛؛ هههههههه علي اساس انت توم اكروز
طارق ؛؛ وحياتك نا طارق الفلان
رجاء ؛؛ ونا رجاء
هيا حبيبي نبي انسكر
طارق ؛؛ هههههههه هيا يامن
رجاء ؛؛ ياحبيبي انحسس فيك
طارق ؛؛ هههههه كيف صار اطيحي فيا ولا شنو
رجاء ؛؛ ناقصني نا طايحه اوحدي نبي من اللي يرفعني
طارق ؛؛ انرفعك مايهمك شيء
رجاء ؛؛ هيا تصبح علي خير
طارق ؛؛ جيبي الفون
رجاء ؛؛ ﻻﻻﻻ نبي انكسد عليه اشويه
طارق؛؛ ماترديش علي حد
رجاء ؛؛ ﻻﻻ ح انرد هيا سلام

وصكرت رجاء وقعدت اتفتش في الفون وكل اشويه ايرن طارق واديرله مشغول بعدها حطت الفون علي الصامت وبكت نين قالت يانه ورقدت

وعت تاني والقت فوق راسها هدي
هدي ؛؛ انتي تحكي مع من وعلي اي فون
رجاء ؛؛ هههه مع طارق علي فونه
هدي ؛؛ كيف
رجاء ؛؛ سرقت فونه وهو كلمني من فون عمتي
هدي ؛؛ اها به هيا صبي
رجاء ؛؛ هدي من الاخير راه انحس في روحي متحشم نبي نركب فوق وانتي تعالي

هدي ؛؛ ههههه به اركبي براحتك
وطلعت رجاء وخذت معها الفون واركبت فوق
وقعدت معي اتهدرز
وبعدها جانا طارق وخذا منها الفون
طارق ؛؛ اخر مره
رجاء ؛؛ ههههه ان شاءالله
…
نا ؛؛ كنه جوك مش تمام
رجاء ؛؛ اليوم فرحه
نا ؛؛ طريقه بيضاء
رجاء ؛؛ اعيونها دمعن
نا ؛؛ مش امس تضحكي وجوك سمح
رجاء ؛؛ كله من وراء قلبي ونشغل في روحي خطرها راه هدي قالتلي بكره النتيجه
نا ؛؛ صااااح ان شاءالله بالنجاح
هيا تعالي ساعديني اندير العشاء
رجاء ؛؛ به هيا
وصبت وتمت اتساعد فيا
رجاء ؛؛ ويه راه خلاص شبه كملنا حتي المواعين خلينا دوب اللي نشتغلو بيهن امتي تبو تبدو تنقلو

نا ؛؛ مراد قالي لما اتلمي الحاجات كلهن قالي ح انجيب عمال ايشيلو وايفرشو غادي يعني تبيلنا مشيه للحوش انسيقوه تسيقه سمحه
رجاء ؛؛ به خلاص معناها في يومين هذين
نا ؛؛ به
ودرنا الغداء وتغدينا واذن العصر
رجاء ؛؛ ويه جيبلي اي قفطان من عندك
نا ؛؛ عليش
رجاء ؛؛ ماشيه نا وهدي للفرح سراج
نا ؛؛ هيييييييي شن
رجاء ؛؛ اهاا يبي ايشيلنا طارق كذبنا علي طارق وقالي باهي تو انشيلكن بس انتي راكي اتقوليها لحد
نا ؛؛ …………..

يتبع