مسلسل سعاده كاذبه التكملة

مسلسل سعاده كاذبه

الحلقه 59

هدي ؛؛ قرب الصوت حي عليا 
محمد ؛؛ اس انتي بس

وجا خالد يجري
نا ؛؛؛حي علينا اكملت
رجاء ؛؛ طيح سعدك ياهدي
مروه ؛؛؛كنكن شن في
نا ؛؛؛حي عليا نا

خالد ؛؛ علي علي تبي حاجه
علي ؛ نبو انتعشو هنا
خالد ؛؛ ﻻ المخزن امعبي حاط فيه حاجات

هدي ؛ اخبطت وجها
محمد ؛؛ مسك يديها
اسسسسس انتي كنك راه يسمعونا

علي ؛؛ خالد صقع هنا
خالد ؛؛:تعال لمربوعه مافيش ناس واجده نا وجماعتي بس
علي ؛؛ ﻻﻻ نحن نبو انتعشو وطالعين مش فاضين كان هذا انتعشو هنا وخلاص
خالد ؛؛ بصوت عالي
هنا تبي اتعشاء قدام المخزن
علي ؛؛ اها كنك
خالد ؛؛ به تو انجيبلكم عشاء
علي ؛؛ عدي تو تلقهم ايحطو فيه
خالد ؛؛ به تم

مروه ؛؛ حطنا معي بسرعه
اميره ؛؛ هيا هيا
رجاء ؛؛ قبل صار فيها قضية شرف
مروه ،؛ وانتن اللي غلطنات خطا منكن الشيء هذا
نا ؛؛ اكيده انتي يارجاء اتفكريلها
رجاء ؛؛ كذا خطيني انتي الاخره
قعمزت علي كرسي وحطيت في يديا علي اجنابي وانتالم
اميره ؛؛ ويه كنك
نا ؛؛ انحس في رعشه في كراعيا واجنابي

وخش علينا خالد
خالد ؛؛ هيا وين
مروه ؛؛ اهو
وخذا خالد السفره وطلع
رجاء ؛؛ تي عيني عينك خالد عارف
اميره ؛؛ واضحه قاعده

رجاء ؛؛ هاتي انرن عليها
نا ؛؛ قوليلها راه تطلع

محمد ؛؛ بصوت واطي
حبيبي خلاص علشان خاطري كنك انتي
هدي ؛؛وهي تبكي
ماعمري صارلي الموضوع هذا اول مره في حياتي اندير هكي
محمد ؛؛ علشان اتحبيني انتي درتي هكي
هدي ؛؛ انتي تبي اتودرني
محمد ؛؛ اسس وطي صوتك

ورن فون هدي وطلعته من ….

محمد ؛؛؛تي انتي راعي شعوري وانتي واخذه راحتك اتحطي في الفون في اماكن …..
هدي ؛؛ ههههه اس انت
ايوه رجاء
رجاء ؛؛ جبتي ولاه مازال
هدي ؛؛ ياحقيره اس
رجاء ؛؛ افطني راه تطلعي راه علي ايتعشاء قدام المخزن
هدي ؛؛ اها سمعنا
رجاء ؛؛ خلاص عطيهم 10 دقائق ايتعشو وبعدها انرن عليك انا بيش تطلعي خالد ديرلكم جو حلو وقاعد

هدي ؛؛ باهي

محمد ؛؛؛ها جو تمام
هدي ؛؛ اها تمام
محمد ؛؛ انحبك وانتي هكي هاديه
هدي ؛؛ …. نزلت راسها
وبدون ماتحس بروحها وحطت فونها

محمد ؛؛ ﻻﻻﻻ مش معامله هكي طلعي الخرا واحترمني ازح
هدي ؛؛ ههههه به اسسس
محمد ؛؛ طلعيه راه انطلعه
هدي ؛؛ اهو طلعته بس اس
محمد ؛؛ حبيبي راه انتي حلالي
هدي ؛؛ وكان مش حلالك مانخشش معاك هنا
محمد ؛؛ يعني راه من حقي اندير اي حاجه مش امغير بوسه علي خدك
هدي ؛؛؛ياسخيف
محمد ؛؛ مسك يدها وهو وخر علي الساس وانسند عليه وخلي هدي قدامه وحط ايديه وراء ظهرها وهي امنزله راسها لوطه علي قصاد صدره

محمد ؛؛ ايبحت فيها وعاجبه الوضعه
وبصوت واطي وحنون
انحبك انحبك انحبك
هدي ؛؛ ….
محمد ؛؛ هدي انتي مكاره
هدي ؛؛ استغربت الكلمه رفعت راسها وبحتت فيه
محمد ؛؛ لنا ساعه مع بعضنا وانتي ماعطيتنيش ولا بوسه ولا كلام رومانسي
هدي ؛؛هههه حبيبي انتحشم نا
محمد ؛؛ نجيلي الحشومي

وهم يحكو بوضع هذا اقريب ربع ساعه
انفتح الباب عليهم فجاء

رجاء ؛؛ هدي اجري طارق جا
هدي ؛؛ هيييييي شن
رجاء ؛؛ عدو الرجاله هيا طارق جا
محمد ؛؛؛تو كيف نقدر نطلع
رجاء ؛؛ قالك خالد ماتطلعش
محمد ؛؛ به راه ايخش عليا حد
رجاء ؛؛ محمد بلا تنبله ازقب علي حوشكم
محمد ؛؛ ييييي اذكرتني

وطلعت هدي تجري
رجاء ؛؛ ياناعليا نا وخلاص
هدي ؛؛ ايهبل
رجاء ؛؛ قالك انا الليم برسمي انمصه
هدي؛؛ هههههه عقبالك

وخشت علينا في المطبخ ولقتني قالبه وجي عرفتني نعرف
خشت ولابست عبايتها وخمار ومشت ل عمتي في الصاله

عمتي ؛؛ وين رحتي
هدي ؛؛ كنت انحوس مع البنات في المطبخ الخارجي
عمتي ؛؛ به هيا طارق بره
هدي ؛؛ غريبه جا مراد وينه
عمتي ؛؛ امطول مراد ونا نبي انروح انديرو عشاء لباتك

وجيت نا وفي يدي صونيه عشاء
نا ؛؛ اهي اعميمه عشاء عمي
عمتي ؛؛ هييييبي عليش التعب
نا ؛؛ عقبتها له امبدري

وطلعنا لجنان والقينا طارق امصبي ويحكي مع خالد
خالد لما شافنا طلع بره للشارع

طارق ؛؛ مش امروحه تو ايه
نا ؛؛ ﻻ مازال في حوسه مراد تو ايروح بيا
عمتي ؛؛ مع السلامه
وطلعت ووراها هدي

وجت رجاء تجري
رجاء ؛؛ هدي ياهبله

طارق ؛؛ بحت فيها بالاستغراب
هدي ؛؛ التفت وشافتها
كنك
رجاء ؛؛ هههههه ياهمي الكاميره امتعك
هدي ؛؛ ماتنبنها انتن
رجاء ؛؛ عرفتش كيف نشتغل عليها
عمتي ؛؛ نا طالعه للسياره كرعيا يوجعن فيا
هدي ؛؛ طارق هو اللي شاطر فيهن
رجاء ؛؛ به وروني علمني عليها
طارق ؛؛ به تعالي
وجاته رجاء وقربت منه
ومدتله الكاميره
طارق ؛ تعالي هنا بيش انعلمك
هدي ؛؛ رن فونها وكان محمد خشت للحوش بسرعه ونا مشيت وراها

هدي ؛ راك تطلع طارق مازال قاعد
محمد ؛؛ ﻻﻻ زقبت علي حوشنا ونا قاعد بره الحوش انشوف في امك في السياره
هدي ؛؛ صاح
محمد ؛؛ هيا اطلعي اركبي في السياره
هدي ؛؛ اني طالعه
وطلعت وقعدت اتبحتت في رجاء وطارق

طارق ؛؛ كر رجاء وخلها قدامه وتما ايوري فيها

ﻻ رجاء هكي اهي زري هذه

رجاء ؛؛متقربه من طارق ومش فاطنه روحها

حسيتها معقده
طارق ؛؛ تو انجيبلك كاميره احسن
رجاء ؛ ﻻﻻ نبيش امغير نبي انصور الفرح بس خلاص
طارق ؛؛ ماعليك تو انجيبها لكي هديه مني نا
رجاء ؛ برمت وجها وبحتت فيه ورفعت بحاجبها
كثرن هداياك
طارق ؛ عادي مش اخساره فيكي المهم عندي انهن مقبولات وانكن لبستيها

رجاء ؛ حطت يدها علي ارقبتها وعرفت روحها لابسه سلسله امتعته انحرجت ومشت بسرعه
وطلعت هدي

طارق ؛؛ ضحك وحرك راسه وطلع ولقي محمد قدام الحوش
اووووو بو نسيب
محمد ؛؛ كيف حالك
طارق ؛؛ تمام عقبالك
محمد ؛؛ هههه ان شاءالله
طارق ؛؛ تبي حاجه
محمد ؛؛ سلامتك

ومشي ركب طارق في السياره وبحت في هدي بنظرة خبث من المرايه
طارق ؛؛ عيني عينك هكي
عمتي ؛؛ كنك شن في
طارق ؛؛ باهي اللي لابسه خمار
هدي ؛؛ اعرفت الكلمه شورها نزلت راسها
ومشي طارق
…..
روحو الناس كلهم وقعدت نا وخواتي جوا في دار المعيشه

نا ؛؛ شن عرفتي اديري عليها
رجاء ؛؛ اها ورني اشويه
نا ؛؛ وين خوتي
مروه ؛؛ منتشرين انتي غابيه فيهم لما ايجونا صبايا ماتلقي فيهم واحد
نعيمه ؛؛ عمتي نا راكبه فوق تبي حاجه
ماما ؛: ﻻﻻ سلامتك
وركبت نعيمه

نا ؛؛ مديت طولي وحطيت راسي علي ماما
ورن فون مروه وطلعت

ماما؛؛ اليوم مش عجبتني
نا ؛؛ تعبانه بكل اجنابي يوجعن فيا
ماما ؛؛ كنهن
نا ؛؛ اهو
رجاء ؛؛ تبي تحمل بتؤام
ماما ؛؛ شن
نا ؛؛ ونا اللي هبله اللي حكيتلك
ماما ؛؛ ويه تحكي صاح اختك
نا ؛؛ اها ماما
ماما ؛؛ عليش كنك
نا ؛؛ مراد يا ماما خاطره فيهم
ماما ؛؛ متعبين راه هم
نا ؛؛ عارفه بس ياماما من اول مارميت وهو يطلب فيه
اميره ؛؛ ربي يجبر بخاطركم
نا ؛: ان شاءالله
ايمان ؛؛ ماما تبي حاجه
ماما ؛؛ خلاص كملتي دبشك
ايمان ؛ حتي الشناطي طبقتهن كلهن نا ودعاء
اميره ؛؛ خشي ارقدي ياايمان تحكيش بالفون بيش اتريحي بكره وراك كوافير
ايمان ؛؛ اهاا عارفه احمد بروحه مش فاضي
رجاء ؛ انعنه احمد اعديك اليوم بلحيته منظره شين
ايمان ؛؛ حرام عليك
رجاء ؛؛ ههههههه شاف امل اتغش وفاتها
اميره ؛؛ ههههههه وانتي
رجاء ؛؛ ﻻ وين غش فايته السنه السنه نقرا اول باول
ايمان ؛؛ حتي احمد عاجبتيه قالي المدرسين يشكرو في رجاء اكتر منك
رجاء ؛؛ الحمدالله السنه عابيه بالممتاز خلاص شهاده ثانويه
نا ؛؛ ان شاءالله ماتحطيه في دولاب كيفي
رجاء ؛؛ ﻻﻻ صقع عليه عادل وراسي نقرا نقلب الدنيا كلها بيش نقرا جامعه
اميره ؛؛ ان شاءالله

نا ؛؛ اهو مراد ايرن
وصبيت ولابست جاكه ووشاح وطلعت وركبت
مراد ؛؛ كنه وجك
نا ؛؛ تعبانه اشويه
مراد ؛؛ اجنابك مازالن
نا ؛؛ بكل حبيبي
مراد ؛؛ باهي الحمدالله
نا ؛؛ شن الحمد لله انقولك مريضه اتقولي الحمدالله
مراد ؛؛ ههههه ياهبله هذا علي دليل نا العلاج متفاعل مع جسمك

نا ؛؛ المره هذه مشيتها لك ومستحيل ناخذ مره تانيه
مراد ؛؛:ههههههه ربي مايحرمني منك
نا ؛؛ العويل مازال مش جاين تو
مراد ؛؛ امبدري امي قالت جيبهم بكره لان هي رنت عليها وقالت امسافره
نا ؛؛ اهاا به معناتها نبي دبش للمار وحمادي شتوي
مراد ؛؛ للفرح
نا ؛؛ اها مانبيهمش يمرضو ماعندهمش دبش رسمي
مراد ؛؛ به هيا نزلي وصلنا
نا ؛؛ هههه هيا

ونزلنا من السياره وركبنا للشقه فوق ومن التعب طول نوم

تاني مشت ايمان للكوافير لان موعد صبغه والميش
وجاني مراد علي الغداء وكان جايب العويل

لمار ؛؛ هييييي اعميمه
نا ؛؛ خير ياعمري
لمار ؛؛ اعميمه صح عندنا فرح
نا ؛؛ اها فرح اعميمه ايمان
مراد ؛؛ من اول ما ركبت في السياره وهي تسال فرح من عندنا فرحانه به
نا ؛؛ حبيبي راه اليوم نبي نطلع للسوق نبي نشريلها لان بكره تفريشت الشقه وبعدها الحنه الصغيره

مراد ؛؛ ﻻﻻﻻﻻ اليوم مش فاضي نا
نا ؛؛ حبيبي ﻻﻻ اليوم نا فاضيه
مراد ؛؛ باهي حطي غداء تو ساهله

ومشيت وحطيت الغداء وتغدينا
وخش مراد للدار بيش يرقد ونا مشيت وتميت اندور في دبش للمار وحمادي شتوي وانوتي

واذن العصر ووع مراد ودرتله قهوه
مراد ؛؛ تو انكلم طارق بالكي ايشيلك هو
نا ؛؛ طارق وانت
مراد ؛؛ ويتي اليوم والله عندي زحمه
نا ؛؛ به بس نبي افلوس راه
مراد ؛؛ تو نعطيك خلاص وتي روحك والعويل
نا ؛؛ هيا باهي

مراد ؛؛ ايوه طارق وين قاعد
طارق ؛؛ انوتي في روحي طالع للصاله
مراد ؛؛ نبيك اطلع ايه للسوق اليوم
طارق ؛؛ ليش وانت
مراد ؛؛ نا مش فاضي وهي اليوم ضروري تطلع
طارق ؛ خلاص قوللها تنزل وتو انكام تنوﻻ ايعدي بدالي
مراد ؛؛ به سلام

ونا قاعده اندير في ميك اب

مراد؛؛ ويتي هي انزلي خلاص
نا ؛؛ هيا بس راه ماشيه معي رجاء
مراد ؛؛ وعليش
نا ؛؛ مازالت ماشرت حاجه ولما اعرفت اني ماشيه اليوم قالت نبي نمشي معاكم

مراد ؛؛ بينك وبين طارق
نا ؛؛ هي لمار انزلي

مراد ؛؛ اهن الفلوس خوذي اللي تبيه
نا ؛؛ شكرا حبييي
صبيت وحبيته وحطيت الوشاح ونزلت

طارق ؛؛ هيا ساعه
نا ؛؛ ههههه من اولها هكي
طارق ؛؛ هههههه خير ياعمو
لمار ؛؛ خير
نا ؛؛ طارق ممكن نمشي للحوش هلي قبل
طارق ؛؛ عليش
نا ؛؛ رجاء ماشيه معي
طارق ؛؛ به قولليها تطلع من تو مش تقعد ساعه هي الاخره
نا ؛ ههههههه به تو انرن علي اميره

الو اميره
اميره ؛ اهلا وينك
نا ؛؛ اسمعي قولي للرجاء تطلع اقريب نوصلها وانتي تعالي خوذي حمادي

اميره ؛؛ باهي ولمار
نا ؛؛ ﻻﻻلمار نبي انقيس عليها
اميره ؛؛ باهي

وصكرت من اميره
طارق ؛؛ تو يعني رجاء عندش فون اكيده
نا ؛؛ هههههه اها عليش
طارق ؛ ﻻ شيء بس مستغرب
نا ؛ اها

اميره ؛؛ رجااااااااء
رجاء ؛؛ تي وطي صوتك نسمع راه
اميره ؛؛ هيا قالتلك ايه
رجاء ؛؛هيا نلابس جاكتي بس
ولابست رجاء جاتكها البيج علي جينز ازرق ووشاح وردي فيه ورد ابيض وبيج
وطلعت ومالقتنيش
رجاء ؛ ساعه تو ماتجي

ووصلنا للشارع والقينها امطلعه راسها
طارق ؛؛ ديمه امطلعه هالراس
نا ؛؛ ههههه اكيده متعقده

ووصلنا قداام الحوش وشفتنا
وجيت نفتح الباب بيش انزل حمادي

طارق ؛؛تو ننزل نا
نا ؛ به
وخذه طارق ونزل ورجاء امصبيه عند الباب
طارق ؛ هيا اركبي
رجاء ؛؛ انت اللي تبي اتشيلنا
طارق ؛؛ ان شاءالله كنك مش عاجبك
رجاء ؛ للاسف
طارق ؛؛ يا عنجد اعنادك
ونزل حمادي وخش حمادي يجري للاميره
وطلع طارق ولما جا لعند الباب لقي رجاء مازالت امصبيه
طارق ؛: هيا لعند امتي امصبيه ان شاءالله في الشارع
رجاء ؛ معش نبي نمشي
وبرمت وجها ومشت
طارق ؛ رجاء تركبي ولااااااه
رجاء ؛؛ ولاه شنو
نا ؛؛ فتحت الروشن
ارجيوه هيا وقت
رجاء ؛؛ نا قالت مراد مش هذا
طارق ؛؛ بصوت عالي
تي اركبي ﻻاكي في شارع

رجاء ؛؛ باهي باهي صوتك

وركبو في السياره

طارق ؛ انا مش فاضي للطروح الفرخات
لمار ؛؛ اعميمه
رجاء ؛؛ خير يااعميمه خير ياعسل
نا ؛؛ ارجيوه من عندكم
رجاء ؛؛ خالتي فاطمه وسالمه ومروه اديرن مع ماما في المثروده لليوم السياق
نا ؛؛ و ايمان
رجاء ؛؛ مشت من الصبح للكوافير معها امل
ودعاء قاعده مع اميره اتحوس
نا ؛؛ بايتن
رجاء ؛؛ وين ايباتو الحوش امعبي بتات ايمان
نا ؛؛ اهاااا
وجينا علي محل ملابس اطفال كبير

طارق ؛؛ اهو هيا انزلنا
نا ؛؛ بعدين نمشو علي كرعيان
طارق ؛؛ اها بس اسمعن من تو العيون لوطه ومااطولنش في المحل وخذون حاجاتكن ابسرعه ابسرعه والصوت مانبيش نسمع

رجاء ؛ عليك اشروط كان اتروح بينا وخلاص
طارق ؛؛ انتي بذات تسكتي ساد الون اللي لبستيه ليا
نا ؛؛ استغربت كلامهم
ارجيوه انزلي هيا
ونزلت ومسكت في يد لمار وخشينا للمحل ووراي رجاء وطارق

رجاء ؛؛ ويه هذه لبسه حلوه للمار
نا ؛؛ صاح حلوه
لمار ؛؛ ﻻﻻ نبي اقصير نا
نا ؛؛ ﻻﻻ صقع
رجاء ؛ اهو قفطان وانلبسوها شخشير شتوي عادي
نا ؛؛ به تعالي انقيسو
طارق ؛؛ قرب منا
وطن اصواتكن انتن

نا ؛؛ هيا لمار ارجيوه دورلي حاجات حتي لحمادي
رجاء ؛: به خشي بس
ومشت رجاء شور ملابس اطفال اولاد وتمت اتبحت
وجاها صاحب المحل وتمه يسال فيها علي العمر بيش ايطلعها دبش عليه
طارق شافها وهي تحكي جا شورها ومسك يدها من عند المرفق ووخراها من صاحب المحل وكرها شوره

رجاء ؛ التفت وبحتت فيه
تي اهااااا اهااااا يدي
طارق ؛ وهو متعصب وشاد علي اسنونه
احترمي الراجل اللي جاي معاك
رجاء ؛ به فك يدك مش من حقك كل مره تمسك يدك وكاني مراتك

طارق ؛؛ ابتسم في وجها
به هي اختاري
وطلق يدها وقروب من الدبش وايبحتو

رجاء ؛؛ نا عجبني الجو هذا
طارق ؛؛ حلوه اتجي عليه حمادي
رجاء ؛؛ تو اتشوفها ايه
بس حلوه نا انحب جو الجكات هذين

طارق ؛ بحت في روحه ولقي روحه لابس جاكه اقصيره سوده وتي شرت ابيض وجينز

رجاء ؛؛ ههههه كنك اتبحت في روحك
طارق ؛ ههههههه اصلا نا هذا استايلي
رجاء ؛؛ الحاجه الوحيده فيك حلوه
طارق ؛؛عض فمه وهو مبتسم وبرم وجه وشافني ونا طالعه
رجاء ؛؛ ها جت عليها
نا ؛؛ اها تمام تو نبي لابست جينز
طارق ؛ شوفي هذه لحمادي
نا ؛؛ اتجننننننن
رجاء : حتي نا عجبتني اختياري اصلا
نا ؛؛ هيا به ناخذو مقاسه
رحاء ؛؛ خوذي حتي كندره للمار بيش اتكمليلها
نا ؛؛ عارفه تبي حتي اكسوار للشعرها اميره تبي اديرلها تسريحه
رجاء ؛؛ ما وسع بال اميره

طارق ؛؛ هيا اختارن مش وقت هدرزه
واخترنا في المحل هذا دبش للمار وحمادي لان كان محل كبير بكل وجايب ابضاعه جديده علي الشتاء

وبدينا انخشو للملابس النسائيه
نا ؛؛:ارجيوه اختاري هذا
رجاء ؛؛ ﻻﻻ نبي امبوج انا
نا ؛؛ ههههه كيفي يعني
رجاء ؛؛ هههههه قصدك تبي تلابسي قفطان اللي شارتيه علي فرح هاجر

نا ؛؛ اها مازال جديد انا نبي امغير لابس عادي بس للنهار

وتمينا من محل لمحل ورجاء مازالت ماختارت ونا اخترت وفي محل خشيت انقيس

طارق ؛؛ رجاء كنك معش اخترتي
رجاء ؛؛ ماشفتش حاجه خشت للراسي
طارق ؛باهي تبي تقعدي هكي
رجاء ؛؛ تو بالكي نلقي خلاص معش في وقت انت ارجا ايه وامسك لمار ونا ماشيه للمحل للبعده

وهي طلعت بسرعه وهي طالعه نابشها الشاب قدام المحل
سمعه طارق وطلع
طارق ؛؛ تفضل بااستاذ
الشاب ؛ طاااااارق اوووووو شن الاخبار
طارق ؛؛ اهلا تي باهي انت قبل صارت مشكله
الشاب ؛؛ ههههههه من حظي وين ماتقوليش الطرف اللي طلع تو شورك

طارق ؛؛ ياراجل اسكت تحشم
الشاب ؛؛ جديد املاه
طارق ؛؛ هههههه ممكن
الشاب ؛؛ صاروخ وفشاكه
طارق ؛؛ ههههه به سكر فمك انت

وطلعت نا وشفت طارق امصبي قدام المحل وفي يده لمار دفعت وطلعت
طارق ؛؛ اهي هنا تعالي خشي
وخشيت للمحل التاني مالقيتش رجاء
برمت وجي والقيت طارق وراي
نا ؛؛ وينها
طارق ؛؛ اكيده اتقيس
نا ؛؛ اها به بعدك تعبت بكل

بحت طارق في المحل وكر كرسي وعطه ليا وخلني انقعمز ولمار قعمزت علي كرعيا

وطارق قعد امصبي يرجا في رجاء
وبعدها اطلعت رجاء وفي يدها قفطان
نا ؛؛ ها تمام
رجاء ؛؛ افتحت القفطان وكان اقصير واجد وضابط واسود وظهره عريان وكمه عند المرفق وفيه افسوس ابيض علي قصاد الكم وعند فتحت الظهر

نا ؛؛ حلوووو
رجاء ؛؛ جا عليا من غادي
نا ؛؛ به تمام خوذيه
رجاء ؛؛ خلاص معناها
طارق ؛؛ ايبحت في القفطان وعاجبه
ومشي معها شور للصاحب المحل
رجاء ؛؛ كم
صاحب المحل ؛؛ ب 200
رجاء ؛ غالي واجد اقصير هذا عليش غالي
صاحب ؛؛ هذه ابضاعه جديده
رجاء ؛ تعقدت وبحتت فيا
طارق ؛؛ خلاص تم حطه نبيه
رجاء ؛؛ بحتت فيه بالاستغراب
طارق ؛؛ شوري خلاص
رجاء ؛ ﻻﻻ عندي نا

نا ؛ حسيت في موضوع صبيت وجيتها
كنك شن في

رجاء ؛؛ قربت مني وحكت بصوت واطي
القفطان غالي
نا ؛؛ به خوذي تو ندفعلك
طارق ؛؛ شكرا يااستاذ
صاحب المحل ؛؛ مبروك
طارق ؛ يبارك فيك
هيا خلاص
ومشي

رجاء ؛؛ مشت شوره بسرعه وبصوت واطي
طارق عنديش المبلغ كله

طارق ؛ هيا نا قالت خلاص
رجاء ؛؛ اعيون تعبنا ادموع
و وقفت
وجيتها نا
نا ؛؛ خلاص تو ندفعله نا تعالي اشري كندره
رجاء ؛ ماما تو اتهزب لما تعرفه غالي
نا ؛؛ كم معاك
رجاء ؛ 150 بس عطهن ليا علي امس

نا ؛ ساهله هيا تعالو نشرو كنرده
رجاء ؛؛ ﻻﻻ نبيش نشري تو ناخذ من اميره الكندره
نا ؛ اشري شوري نا خلاص
ومشينا وخشينا للمحل كنادر وشرينا كندره
ومحل الزينه خذينا اشوية ميك اب
وركبنا في السياره
وعطتني افلوس اللي عندها
نا ؛؛ خلي عندك
رجاء ؛؛ ويه راه معش نمشي معاك والباقي تو ناخذه من خالد
طارق ؛؛ راه حق القفطان مش واخذه ماتعبيش روحك قالت نا شوري خلاص
رجاء ؛؛ شن
طارق ؛؛ خلاص معش نبي نسمع كلمه
نا ؛ ﻻﻻ طارق فكنا من الجو هذا افلوسك خوذهن
طارق ؛؛ نا قالت كلمه خلاص عاد
رجاء ؛؛ ماما تو اتهزب
طارق؛ ماتقوليش لها شن جت علي هذه بس
رجاء ؛؛ بس باين القفطان غالي
طارق ؛ رجاء خلاص عاد
ووصلنا للحوش هلي
نا ؛؛ طارق ارجني نا نبي انجيب حمادي وجايه
طارق ؛؛ به
ونزلت نا ونزلت وراي لمار تجري

رجاء ؛؛ طارق شكرا
طارق ؛ ابتسملها من المرايه
مش اخساره فيكي لو قعدتي هكي طيبه وهاديه
رجاء ؛؛ ههههه باهي يعني انا جالطه
طارق ؛ التفت عليها
حلوه جلاطتك شن امس اشتغتلي عليها الكاميره
رجاء ؛؛ ها تمام سلام
ونزلت بسرعه وخشت للحوش وهي فرحانه

نا ؛ اتجنننننن صبغتك
ايمان ؛؛ قالتلها افتح حاجه عندك
نا ؛ مبارك ان شاءالله
اميره ؛؛ كملتي دبشك
نا ؛؛ اها اهو جبيتلك الميك اب اللي تبيه
اميره ؛ انعنك ماتغيبي
ايمان ؛ فيش حاجه ليا
نا ؛؛ ههههه شن تبي
ايمان ؛؛ تعالي بكره من الصبح
نا ؛؛ ان شاءالله نبي انوتي روحي الليله وبكره جيتكم مبيت
اميره ؛ به خلي لمار بايته اليوم عندنا كان جايه انتي بكره
ماما ؛؛ خليها بيش اتوتي روحك
لمار ؛؛ اعميمه خلني
نا ؛؛ به بس نسال مراد
ماما ؛؛ مش ح يقول كلمه قوليله نا مسكتها
نا ؛؛ به وحمادي
اميره ؛؛ حتي هو خليه
نا ؛؛ به سلام

وطلعت وروحت نا وطارق للحوش وطول ركبت للشقه وتميت انوتي في دبشي
ودق الياب وجتني هدي
فتحت الباب

هدي ؛؛ خير ياويه
نا ؛؛ خيرات خشي تعالي قاعده انوتي في روحي
هدي ؛؛ زعلانه مني
نا :؛ ﻻﻻ عادي
هدي ؛ اسفه و الله نا بروحي لمت روحي علشان…..
نا ؛؛ هدي انتي بعقلك ونا نقدرش انقولك كلمه المهم راه ماما وخواتي قالنك راكي اتغيبي بكره
هدي ؛؛ ان شاءالله جايه قالتها حتي لمحمد

وخش علينا مراد وشايل كيس

مراد ؛؛السلام عليكم
نا ؛؛ وعليكم السلام
مراد ؛؛ كملتي حاجاتك
نا ؛؛ اها الحمدالله
هدي ؛؛ خلاص نا نازله
مراد ؛؛ خليكي
هدي ؛؛ ماما ترجا فيا
نا ؛ به سلام
ونزلت هدي ومراد حط الكيس اللي في يده علي طاولة المطبخ
نا ؛؛ شن حبيبي
مراد ؛؛ قالت اكيده ح اتجي تعبانه جبت معي عشاء وين العويل
نا ؛ اها عند هلي
مراد ؛؛:كنهم
نا ؛؛ اصلا نا بكره ماشيه من الصبح خلاص وانبات وماما مسكتهم قالتلي وتي روحك براحتك
مراد؛؛ عندهم دبش
نا ؛؛ حمادي معه توته احتياط حطتله ولمار تو يعطوها من موده اكيده

مراد ؛ اها هيا حطي العشاء
نا ؛؛ هيا حبيبي
ومشيت وحطيت العشاء وتعشينا ورقدنا وتاني يوم من الصبح وعيت ومشيت للهلي القيتهم مازالو
راقدين ماعاد ماما بس واعيه قعدت انحوس معها نين وعن البنات وجو عيت خالتي فاطمه وسالمه
وتغدينا وبدينا انوتو في اروحن

ونا اندير في ميك اب
ايمان ؛ ويه راه لمار قاعده مع ماما
نا ؛؛ اها اكيده هي وحمادي
ايمان ؛؛ قعمزت جنبي وتمت تبكي
نا ؛ هييييييي كنك
ايمان ؛ ح نطلع من الحوش خلاص
نا ؛ ما تبي احمد واتحبيه
ايمان؛؛ وماما واميره ورجاء وانتي
نا ؛؛ اضبطتها طول
عادي تو اتعودي شوفي نا شن درت قبل فرحي وشوفني تو
ايمان ؛؛ حلو الزواج
نا ؛؛ اكيده اتحسي بالاستقرار
ايمان ؛؛ نجك ليا والله اتهبلي
نا ؛؛ انتي اللي تهبلي
وخشت امل
امل ؛ ويه وراس ويه كذا يعني هذه مابتش ترتسم بكل معش اقدرت حسي برعشه في يدي
نا ؛ به تعالي نرسمها لكي
امل؛؛ نجك ليا
ايمان قالك خالد هيا يبي ايحطك عند الحنايه قبل مانطلعو نحن
ايمان ؛؛ هيا اني امصبيه
نا ؛ ايمان ماتغسليش راسك خلي الزيت قاعد
ايمان ؛؛به
ومشت ايمان للحنايه ودمعتها علي خدها ونحن كملنا ورنيت علي مراد
نا ؛ ها حبيبي وينك
مراد ؛؛ قاعد في طريق نا وهدي
نا ؛ به ركبو الدبش هم خلاص
مراد ؛؛ هيا هيا
وجتني رجاء تجري
رجاء ؛؛ ويه عطر عطر
نا ؛؛ ههههه خوذي

اميره ؛؛ هيا ياصبايا
وطلعت للجنان ولقت قدامها وليد
وليد ؛؛ خير ياعسل
اميره ؛؛:وينك ماجيتش تغديت
وليد ؛؛؛مش فاضي روحت متاخر رقدت وجيت هنا طول رقمك كنه مقفل
اميره ؛؛ داسه الفون مانبيش من الصبح
وليد ؛ اها باهي البسي خمارك ماتطلعيش هكي
اميره ؛؛ اكيده به كلمني خالد نبيه
وليد ؛؛ ماشي شايل ايمان
وخش عادل
عادل ؛؛ كنك هنا انتي
اميره ؛؛ نبي خالد خلاص وقت راه
عادل ؛؛ باهي هيا قولليهن

وجا مراد وهدي وخالد
وركبنا كلنا في السيارات وكان حتي محمد ماشي معنا
وركبت نا وهدي ورجاء مع مراد

مراد ؛ نسيبنا هبل شكله يجري قاعد
نا ؛ ههههههه
رجاء ؛؛ يعرض في روحه بس
مراد ؛؛ هههههههههه يعرض في اهباله
هدي ؛؛ متخزرطه وامنزله راسها
ووصلنا للحوش العرب والقينهم امولعين الاغاني والصبايا امصبيات وايزغرتن
خشينا ونحن لووووووووووووووووووووووووووووووووووليا لووووووووووووووووووووووووووووووووووليا
وانقسمنا علي الشقه وكل مجموعه خذت مكان ورتبنا الحاجات الشقه علي صغرها بس حلوه بكل

وروحنا والقينا ماما وخالتي سالمه يجرن فينا ويبكن

خالتي فاطمه؛؛ ماشاءالله تبارك الله الشقه اتجنننننننن
ماما ؛؛ باهي الحمدالله
خالتي سالمه؛؛ تعالنا ورنا
وخشينا للحوش كلنا وكلمني مراد
نا ؛؛ تعال لجنان للخلفي
مراد ؛؛ به هيا
ومشيت والقيته
مراد ؛؛ نجك ليا تو انرايف عليك
نا ؛ ههه هاليومين بس
مراد ؛؛ نا مش متعود ماترقديش جنبي
نا ؛؛ ههههه الله غالب
مراد ؛؛ ردي بالك من روحك ومن العويل
نا ؛؛ ان شاءالله بكره بيش اتجي
مراد ؛؛ ان شاءالله
نا ؛؛ راه غداءك والعشاء هنا
مراد ؛؛ علي حسب
نا ؛؛ به براحتك
وكرني واضبطني
مراد ؛ انحبك ياعمري
نا ؛ انموت فيك موت
مراد ؛؛ ردي بالك من روحك ومن البيبي
نا ؛ هههههه مازال
مراد؛؛ ﻻ في مازال عمرهم اسبوع بس
نا ؛؛ ههههه ان شاءالله
مراد ؛؛ خلاص قولي هدي هيا تطلع
نا ؛؛ هيا سلام
ومشيت وهو كرني وباسني علي خدي ونا بسته علي لحيته ومشيت

وروحو العرب وجت ايمان وتعشينا ولمينا الحوسه وقعدت انهدرز مع خالاتي ورقدت حمادي جنبهن ولمار طبعا جو مع البنات

وخشيت للدار والقيتها امعبيه ادموع منهن
نا ؛؛ هيييييي كنكن
امل ؛ ح انتفارقو خلاص
ايمان ؛؛ ياعوينك انتي قاعده في نفس العائله الدوه فيا نا
رجاء ؛؛ ونا صامده في الحوش في الدار هذه
دعاء ؛ ههههههه ونا حطيني معاك
اميره ؛ وباسط
دعاء ؛؛ مازال باسط مش تو بكل يبيله كم سنه
اميره ؛؛ ليش
دعاء ،؛ ايكمل اقرايته هو قبل
اميره ؛؛ اهااااا
امل ؛؛ خلاص نكد هيا انولعو الاغاني ونرقصو هيا وداعا للعزوبيه
رجاء ؛؛ هيا هيا
وصبنا وولعنا المنظومه وتمن يرقصن
نين ابطلن وقعمزن وكل وحده خشت تحت بطنيتها
رجاء ؛؛ بصوت واطي
امل
امل ؛؛ نعم
رجاء ؛؛ غريبه مش مع خالد انتي
اميره ؛؛ هههههههههههههه نا بروحي مستغربه
امل ؛؛ تكتها معه
رجاء ؛؛ ههههههه عليش
امل ؛؛ امبدري قالي اركبي معي ونا رفضت خفت من وليد
اميره ؛؛ مصح وجه
امل ؛؛ ههههه مش هكي عيب
رجاء ؛؛ خلاص اس هيا ورنا وعيه من الصبح
اميره ؛؛ تصبحن علي الخير
نحن ،؛ وانتن من اهله

ورقدنا طبعا علي صوت ابكاء ايمان يس ولا وحده فينا صبتلها لان كل وحده فينا تبكي تحت بطنيتها وخاصة رجاء ﻻن حست ان الحوش خلاص فض وح تقعد اوحدها مع ماما

ووعينا تاني يوم بهزايب من خالتي فاطمه
ونطينا ابسرعه وتمينا نوت في اروحنا علي جيت السياق وبدو عربنا ايجو
ونا قعده في الحمام طلعت والقيت عيت عمي اهل هيثم حتي هم جاين استغربت جيتهم لان هم قطعو علاقتهم منا
وجيت وسلمت علي مرات عمي والبنات

وجو اهل احمد واستقبلنهم ودرنا الفطور مثروده وافطرو وطلعو
ونا تعبت اشويه مشيت خذيت حمادي وقعمزت انوكل فيه واتجني بنت عمي اخت هيثم اسمها شهد
شهد ؛ ازوجتي ياويه
نا ؛ اها نصيب كنكم ماحضتروش فرحي
شهد ؛ جانا عادل يعزم بس ماقدرنش انجو

نا ؛؛ ليش
شهد ؛؛ هيثم رفض قال فيش مشي
نا ؛ عليش
شهد ؛ هو هكي قاعد غمتله لما عرفك ازوجتي للواحد مطلق حتي بابا كان رافض زواجك ومابش يحضر فاتحتك حضر فاتحة ايمان بس
نا ؛؛ حسيت بحاجه عمت علي صدري وسكتت ونزلت راسي وانوكل في حمادي

شهد ؛؛ صاح كنتي دايره معه علاقه قبل ما يطلق
نا ؛؛ من
شهد ؛؛ راجلك
نا ؛؛ ههههه ﻻ ابدا اصلا مانعرفش بكل حتي الشوف ماعمري شفته الا يوم الفاتحه في الليل تخيلي انقريت فاتحتي علي واحد مانعرفه بكل خاطي اسمه
شهد ؛؛ نحن سمعنا علاقه
نا ؛؛ انتي عارفتني مش امتعت علاقات
شهد ؛؛ هيثم هكي سامع
نا ؛؛ اهااا شن اخباره هو
شهد ؛ قاعد علي حطت ايدك خطب وفسخ خطبته وقاعد من عمل للحوش وانتي متريحه معه
نا ؛ الحمدالله متريحه
وقعدنا انهدرزو لعند الغداء تغدينا وصبينا انحوسو وطول الوقت انفكر في هيثم كيف مازال ايفكر في وجايب اخبار غلط عليا وجا الليل وجو العرب وحوشنا تعبا وجت ايمان من الكوافير لابسه جلبيه خليجيه اتجنننننننننن وكانت متغيره بكل الصبغه والميش والفتله والحواجب امغيرتها بكل قعمزنها علي الصالون وحطينا العشاء للعرب
وتعشينا وبعدها بدين اندربكو وصبت ومروه ونعيمه دارن النسكافي والحلويات وجن البنات تمن ايقدمن
ومشت الليله وكلا ليالي
تقريبا اخر حا احلي من فرحي كان الحوش امعبي اكتر مع ان شتاء وحتي ان ايمان عازمه صحباتها جن ودارن جو ايجنننننننن
وكملت سهرتنا علي الخير ونا طول خشيت رقدت
ماما ؛ كنك مازال بدري
نا ؛؛ اها خلاص معش نقدر انتحمل
ماما ؛ باهي تريحي ارقدي معش تشتغلي
نا ؛؛ لمار ياماما عينك عليها
ماما ؛؛ ماعليك مع خالتك فاطمه قاعده اتوكل فيها
نا ؛؛ به
وبدون مانحس حاجه غطست في نومه عميقه
وماحسيت ولا بحاجه من كثر التعب والمرض نين جا الصبح واوعيت نا اول وحده صبيت غسلت وتوضيت وصليت الصبح وشافتني ماما
ماما ؛؛ صباح الخير
نا ؛ صباح النوم
ماما؛؛؛عدي ولعي علي شاهي وابدي وتي سفره للفطور
نا ؛: حاضر
وحطيت وشاح علي راسي من الصقع وطلعت للمطبخ الخارجي وبديت اندير في الفطور انوتي فيه
ورنيت علي مراد وصبحت عليه وقالي تو انجيك وتيلي قهوتي
قعمزت علي الكرسي في المطبخ
وحولت وشاحي وتميت نشرب في حليبي

سمعت صوت مع خالد
خالد ؛؛ ارجني انجيب دبشي وانجي

وفجاء سمعت صوت مخنوق نعرفه زيييييييين

…؛ اكبييييييده قاعده هنا
نا ؛ انصدمت وانكدمت والتفت والقيته ………..

يتبع