مسلسل سعاده كاذبه التكملة

مسلسل سعاده كاذبه

الحلقه 58

ومشي يوم وراء يوم 
وجا يوم اللي ايمان روحت من المدرسه منهاره وتبكي
ماما ؛ هييييييي كنك ياايمان شن في
رجاء ؛؛ بنتك عذه تبي تربايه تعبت والله تعبت راه منها
ماما ؛؛ تي كنك شن في
ايمان ؛؛ نا ما درت شي راه نا تنسانه وعندي مشاعر ومن حقي انتعصب وانغير

اميره ؛؛ هيييييييي كنك شن دايره

رجاء ؛؛ لقت احمد يحكي مع الابله مشت وصبت بينتهم وتمت تحكي معه قدامها عيني عينك واتقوله ياحبيبي والابله تمت اتقولها احترمي نفسك وانتي مش متربيه اتشوفي فيا انصبي ولا شنو وقالتها ايمان اسفه ماشفتكش ولزها احمد وسببتله مشكله مع الابله والمدير وعطو طرد ل ايمان اسبوع

ماما ؛؛ هيييييي طيح سعدك
رجاء ؛؛ تي والله وجي طاح نا انكلم فيها وهي مش امعدله عليا بكل وجتها الابله الاخري ولزتها

ماما ؛؛ تبي تجلطني انتي لزوك من المدرسه

وجتها رجاء تبي تضربها تمت اتحز عليها اميره
اميره؛ بشويه كنك انتي
رجاء ؛؛ نحن امتي عمرنا تلزينا من المدرسه نزلت راسي
تو عاجبك هكي جاك الطرد تمام هكي

اميره ؛؛؛ماما رجاء اطعلي تو نحكي معها نا

رجاء ؛؛ هذه احسابها عند فوق ماشيه انكلمها عادل بيش ايربيها اشويه له مده ما ضرب وحده فينا

وطلعت رجاء تبي تركب بيش اتكلم عادل
تمشي وراها ماما

ماما ؛؛ رجاء الله ايربحك خلاص تو نحكو معها نحن
رجاء ؛ وهي تبكي
والله ياماما قهرتني قهر خلت وحده حقيره اطق فينا واتمت اتقول لها وين بوك وامك بيش ايربوك قهرتني قهر والله لوله احمد رد عليها راه هزبت الابله نا وحصلت الطرد انا

ماما ؛؛ الباب ايدق شوفيه وتعالي اسكتن خلاص تو ايجي خالد ويسمع

رجاء ؛؛ الفرخه اللي جو يا تفسخ الخطبه يا اطلع فرحها يا اتبطل من المدرسه كلا نقعدو هكي ﻻ قاعده كل يوم علي اعصابي منها ومن حركتها

ماما ؛؛ خشي باهي تو نفتح الباب نا
وخشت رجاء
وتمت اتغير في دبشها واتهزب في ايمان وايمان تبكي ومنهاره واميره اتهدي
واطلعت ماما وافتحت الباب ولقاته احمد

احمد ؛؛ السلام عليكم
ماما ؛؛ وعليكم السلام تفضل

احمد ؛؛ شكرا يا عمتي
وخش احمد للمربوعه

اميره ؛؛ اطلعت وشافت احمد خاش
وخشت بسرعه جو
ايمان ايمان احمد جا

ايمان؛ هييييييييي كنه
وصبت وتمت تمسح في ادموعها

احمد ؛ سامحيني يا عمتي اكيده فجاعتك رجاء
ماما ؛؛ والله تعبت يااحمد من الموضوع هذا

وخشت عليهم ايمان وهي تبكي وصبت عند الباب واتبحت في احمد وتبكي
احمد رفع اعيونه عليها

احمد ؛؛ انتي خشي جو
ايمان ؛ نا مش غالطه نا انسانه وعندي مشاعر
احمد ؛؛ ايمااااان خشي
ماما ؛؛ خشي ياايمان جو
تمت امصبي وتبكي واتخبط في اكراعها
احمد ؛؛ نا اتخلي فيا اندير في مشكله ياايمان
ايمان ؛؛ تبيني انشوف الابله تحكي معاك وساكته
احمد ؛؛ به مش هكي مش بالحركه اللي ديرتيها تو عاجبك حصلتي طرد والاسبوع بعده يبدن الامتحانات
ايمان ؛؛ انت مفروض فكرت هكي

وخشت عليهم رجاء
رجاء ؛ معليش يااستاذ احمد ديرلنا حل للموضوع هذا يا فرح يا اتبطلها يا تفسخو الخطبه

ماما ؛؛ رجاء انتي مادخلكش
رجاء ؛ ﻻ دخلني نا اللي نقرا في نفس المدرسه وانشوف في المعامله نحن ماعمرنا حصلنا طرد ولا هزيبه اتجي هي واتجيبلنا الدوه هذه
وتمت تبكي

احمد ؛؛ رجاء نا معاك في رايك ونا جاي نبي انقول راه الفرح في عطلة 15

ايمان ؛؛ هيييييييييي شن
احمد ؛؛ اهااا نا نبي انطلع الفرح مانبيش مشاكل هذا عملي وهي اقرايتها مانقدروش انسيبوه

ماما ؛؛ زر يااحمد مانطقوش
احمد ؛ نا مانبيش شيء منها ونا بروحي مش امكمل الاثاث بس اهو انزر علي روحي وخلاص

ايمان ؛ نا مش موافقه
ماما ؛ اس انتي يافرخه
احمد ؛؛ يافرح يا طلاق واختاري

ايمان ؛؛ تمت تبكي ومنهاره وجت وقعمزت جنبه

ماما ؛؛ ان شاءالله الفرح
احمد ؛؛ عمتي ماتزريش علي روحك راه نا مش ح اندير فرح كبير انا مستعد ناخذها بعبايتها

ماما ؛؛ ﻻﻻ خلاص تو اليوم انكلم خوتها و حايشوفو
احمد ؛؛ خلاص نا نبيه في عطلة 15 احسن
ماما ؛؛ به ان شاءالله علي البركه
رجاء ؛؛ بحتت في ايمان
اهو عاجبك هكي ياابله خليتيه ايطلع الفرح بالزر

احمد ؛؛ خلاص خليها ياارجاء نبيها اشويه
ايمان ؛؛ تبكي وامنزله راسها

ماما ؛؛ هي يارجاء خليهم تو
وخذت ماما رجاء واطلعن

احمد ، بحت في ايمان بالتفيصه
عاجبك هكي طردوك تو
ايمان ؛؛ تبكي وساكته
احمد ؛؛ نا قالت ياايمان مهما تدحنس نا عندي انتي نا نبيك انتي كان نبيها راه خاطبها هي
ايمان ؛؛ تبكي وبصوت بيبي
غرت عليك وبعدين نا ماقالتش شيء

احمد ؛؛ اتقويلي حبيبي قدامها عادي عندك
ايمان ؛؛ وفعلا انت حبيبي مانكذبش
احمد ؛؛ بس مش في المدرسه ونا مئه مره قالت في المدرسه نا استاذ وانتي طالبه
ايمان ؛؛ ماقدرتش
احمد ؛؛ نين جبتي لروحك الطرد ونا درتيلي مشكله مع المدير تو
نا جيت تو قالت قبل ماتقولها رجاء لخوتك ويضربوك نا خفت عليك وانفكر فيك وانتي انانيه اتفكري غير في حبك وغيرتك اللي مافيش لها داعي
خلاص ح نهني الموضوع هذا وانطلع الفرح

ايمان ؛؛ حبيبي انت عندكش تو افلوس
احمد ؛؛ ح نصرف تو انقول ل امي اطلعلي الجميعه تو
ايمان ؛؛ اسفه
احمد ؛؛ بعد شنو بعد خليتني انتعصب عليك وعلي الابله
ايمان ؛ انحبك
احمد ؛؛ مد يده ومسلحها دمعتها واضبطها ياهبله انتي عندي بالدنيا كلها
خلاص خشي نبي انروح انشوف امي اديرلي حل

ايمان ؛؛ به
احمد ،؛ الاسبوع هذا خلاص عندك طرد اقري الصبح كله وفي العشيه اشري حاجاتك ونا معش اتفكري تحكي معي
ايمان ؛؛ هيييييي عليش
احمد ؛؛ نبيك ترقدي بدري بيش توعي بدري وتقري كنك انتي الاسبوع اللي بعده امتحانات السمستر الاول
ايمان ؛؛ به امتي تبي الفرح
احمد ؛؛ في اول اسبوع عطله
ايمان ؛؛ هيييييي نطقش
احمد ؛؛ ﻻﻻ طقي عندك سموح من اليوم اطلعي اشري دبشك
تو بكره اتجي امي اتجيبلك افلوس
ايمان ؛؛ يعني انت تبي هكي
احمد؛؛ ايمان انتي براحتك لو ماتبيش الفرح ح اتجي ورقتك
ايمان ؛؛ ﻻﻻ خلاص الفرح
احمد ؛؛ هيا سلام

وطلع احمد تقابل هو عادل في الجنان
عادل ؛؛ اهلا احمد
بالتطنيشه

احمد ؛؛ جاي ل عمتي نبيها اتحدد الفرح
عادل ؛؛ كيف تبيه تو
احمد ؛؛ في العطله خلاص
عادل ؛؛ علي البركه ان شاءالله
احمد ؛ عارف روحي زريت عليكم بس الله غالب
عادل ؛؛ ﻻ عادي ولا ايهمك
احمد ؛؛ سلام تو
عادل ؛؛ اقعد للغداء
احمد؛ ؛ ﻻﻻ وين شكرا

عادل ؛؛ ابراحتك
وطلع احمد وخش عادل للحوش وسمع هرجة ايمان

عادل ؛؛ امي امي
ماما ؛؛ حي عليك اكيده اسمعك
اميره ؛؛ اطلعي شوفيه كنه
ماما ؛ سكتيها

وطلعت ماما ولقت قدامها عادل
عادل ؛؛ كنه احمد ليش يبي الفرح تو شن دايره الحقيره اللي جو
ماما ؛؛ ﻻ ما دايره حاجه امغير هو يبي تو
عادل ؛؛ امي مانيش عيل احكي راه انخش عليها وانكسرها وهي تحكي كيف طيبه

ماما ؛؛ الله ايربحك سيبها وتعال تو نحكيلك

ومشت ماما وخشت لمطبخ واتكمل في باقي الغداء وتحمي ل عادل

ماما ؛؛ احمد قال الانظار كلهن علينا وايدققو فيا واجد قال مانبيش نخسر ايمان ونبي انطلع الفرح بيش انزل العيون علينا
عادل ؛؛ كيف الحقيره تدحنس عليها في المدرسه

وخش خالد
خالد ؛؛ كنه حسك عالي شن في
ماما ؛؛ مافي شيء امغير فرح ايمان في العطله 15
خالد ؛؛ شن امتي حددتو
عادل ؛؛ شن دايره الحقيره اللي جوا
……
اميره ؛؛ ايمان عدي خشي لحمام راه ايخش ايكسرك حسه يسال في ماما

ايمان ؛؛ به
وخذت عرم دبش بيش تلابسه وخشت لحمام تجري
رجاء ؛؛ هالخوافه حلال تو نطلع وانبص عليها
اميره ؛؛ فكينا تبيه يضربه وايعوقها قبل فرحها كيف ايه فكينا خلاص
رجاء ؛؛ عندها حظ الحقيره
اميره ؛؛ ههههه انعنه حظي فرحها اتحدد في 3 اسابيع بس
رجاء ؛ هههههههه صاح 3 اسابيع كيف ادير
اميره ؛؛ نجارو وخلاص

..
خالد ؛؛ يعني هذا السبب
ماما ؛؛ والله هذا السبب احمد يبيش مشاكل بس
عادل ؛؛ ان شاءالله
ماما ؛؛ عادل راه نبي افلوس
عادل ؛؛ تو نعطيها عندي افلوس
ماما ؛؛ راه اللي عندي مبلغ بسيط
خالد ؛؛ امي ماتفكريش تو نعطيك
ماما ؛؛ ﻻﻻ انت وراك فرحك
عادل ؛؛ ساهله تو انكلم علي تو انتصرفو
ماما ؛؛ ايوه انسدوني راه والله ماعندي جهد واجد نا عندي جمعيه مع خالتك فاطمه تو انقوللها تعطني ولاه نسلف عليها نين تطلع قرعتي

خالد ؛؛ ساهله
ماما ؛؛ الله يربحكم نبي اليوم افلوس بيش انتحركو ونحجزو في صاله
خالد ؛؛ الصاله شوري نا تو انقول لصاحبي يحجزلنا في صالة عمه
ماما ؛؛ تو شتاء فيش افراح واجد
خالد ؛؛ تو انرن عليه تو عطوني موعد بس
ماما ؛؛ اساله وقوله امتي فاضيه
خالد؛؛ به
عادل ؛؛ خلاص ياامي نا نبي نركب فوق نا تو في العشيه انجيك
ماما ؛؛ ان شاءالله ديمه ملتمين في الافراح

عادل ؛؛ ان شاءالله بس مازال عندي احساس انها دايره حاجه
خالد ؛؛ المهم الفرح ويبي يطلعه خلاص شن تبي اديرله مثلا ولا تبي ادزها لراجلها وهي مضروبه
عادل ؛ امسكو فيها عاد انتو
وطلع عادل وهو ايخبط

خالد ؛؛ ماتفكريش امي تو نحجز في الصاله
ماما ؛؛ ربي يجبر بخاطرك
خالد ؛؛ هي حطيلنا الغداء جواعه

وخش خالد للداره بيش ايغير
ومشت اميره دقت علي ايمان في الحمام
اميره ؛؛ اطلعي خلاص عدا
ايمان ؛؛ ركب للشقته
اميره ؛؛ اهااا اطلعي

وافتحت ايمان الباب وكانت لابسه عرم دبش
اميره ؛؛ هههههه عنجد شكلك اطلعي ياوجه الكشايف
ايمام ؛؛ ها تبيه ايعلم في جسمي ونمشي للراجل امعلمه

وجتها رجاء
رجاء ؛ والله امغير عندك حظ بس ياامسخه وكان هذا راكي تو قاعده تحت عادل وهو ايهبك فيك

اميره ؛؛ خالد يبي يحجزلك في الصاله
ايمان ؛؛ تحكي جدا
اميره ؛؛ محظوظه انتي
ايمان ؛؛ خمسه وخميس خلاص خلاص
اميره ؛؛ اتخمسي في اوجوهن ياحقيره

ماما ؛؛ خاااالد بنات تعالو غداء

ايمان ؛ انقص من هالدبش هذا وتو انجي
ومشن البنات وقعمزنا علي الغداء
خالد ؛؛ يوم 29 _12 فاضيه الصاله
ماما ؛؛ صاح
خالد ؛؛ اها تو كلمته والقيته قاعد في الصاله مع عمه ماهو يخدم معه

اميره ؛؛ ايمااااااااان تعالي اجري
خالد ؛؛ ههههه تحشمنا
رجاء ؛؛ ههههه ايمان فانص لا حشم ولا شيء

وجت ايمان وقعمزت وبدت تاكل ووجها لوطه
اميره ؛؛ شن عندنا يوم 29 _12 ياخالد
خالد ؛؛ فرح اختي الصغيره
ايمان ؛ انغست في الوكال
رجاء ؛؛ هههههههه وتمت اتخبط فيها علي ظهرها
ماما ؛؛ ميه ميه عطيها تو اتموت علينا هنا
اميره ؛؛ ههههههه قهرتي ظهرها بشويه عليها
خالد ،؛ راكي تموتي بشويه ههههههه
ايمان ؛؛ شن امتي
خالد ؛؛ كنك شن في
اميره ؛؛ 29 _12
ايمان ؛ هيييييي اسبوع الاول امتع العطله
اميره ؛ وكان ما احمد قال نبيه في العطله وخلاص
ايمان ؛؛ﻻﻻ نا نحكي علي المدرسه

وصبت ايمان وخشت للدار وتمت تبكي خايفه علي فرحانه علي متورته علي متحشمه الشعور متلخبط عندها

رجاء ؛؛ بدينا في جو خناق العرائس
ماما ؛؛ خلنها تو
اميره الله يربحك بيش اتكلمي خالتك فاطمه نبيها

اميره ؛؛ علي الفرح تبي تحكيلها
ماما ؛ اها علي الجميعه ونبيها تحجز في الكوافير امتعت ايه
اميره ؛؛ اها به خلاص انكمل الغداء وانكلمها
خالد ؛؛ صحه
ماما ؛؛ كول كنك صبيت
خالد ؛؛ ﻻ صحه خلاص تو انا انكلم صاحبي وانقوله اكدلي تو بكره نطلع ندفع في الصبح عنديش عمل
ماما ؛؛ به الله يربحك

وكملنا الغداء وصبت رجاء تمت اتلم في المطبخ لان عليها واميره رنت علي خالتي

خالتي ؛؛ لووووووووووووووووووووووووووووووووووليا
مبروك ان شاءالله
اميره ؛؛ بيش اتجي تبيك ماما خلاص معش في وقت
خالتي ؛ ماعليك نحن قدها تو نطلعو صبح ليل نين انكملو
اميره ؛؛ به نرجو راه هيا سلام امل ترن عليا
خالتي فاطمه؛؛ سلام تو انجي بعد العصر

اميره ؛ ايوه امل
امل ؛ ايمان وين انرن عليها ماتردش
اميره ؛؛ هههههه تبي اتقصيصي
امل ؛ عقلي عندها
اميره ؛؛ فرحها يوم 29 _12
امل ؛؛ هيييييي تحكي جد
اميره ؛؛ اها جا احمد وقال نبيه في العطله خلاص
امل ؛؛ عليك مشكله درتها اليوم ايمان
اميره ؛؛ خاطري نعرف شن دارت بالتفصيل
امل ؛؛ تو انجو وانقولك المهم امتي تبدن في السوق
اميره ؛؛ تو خالتي فاطمه قالت صبح ليل نين انكملو
امل ؛؛ عليك تعب
اميره ؛ باهي اللي شاريه دبش العرائس خلاص امكملتها هو الاول اللي شراته

امل ؛؛ سريب باهي مبروك وعقبالنا
اميره ؛؛ ههه ان شاءالله
امل ؛؛ رجاء وين فاصله فصله شينه امبدري
اميره ؛؛ تغسل في المواعين تي روحت ودارت يوم وقبل قالتها لعادل
امل ؛؛ هههههههه باهي سلام خلني انعدي انقولها ل ماما
اميره ؛؛ تبو اتجونا
امل ؛ اكيده
اميره ؛؛ معناتها انوتي روحي ل وليد
امل ؛ ههه حقيره

وصكرت اميره وهي فرحانه
وخشت علي ايمان لقتها تبكي
اميره ؛؛ هيييي ياهبله
ايمان ؛؛ عنديش وقت يااميره انوتو اروحنا
اميره ؛ عادي مازالنا 3 اسابيع وتو يمشن شوفي فرح ايه في شهر

ايمان ؛؛ فرق بيني وبين ايه ايه ماشرت شيء حاجاتها بسيطه

اميره ؛؛ ايمان انتي درتي مشكله وتحملي عواقيها والحمد لله جت معاك ياريتني نا اندير مشكله واتجني عواقبها فرحي
ايمان ؛ ماما عندها افلوس
اميره ؛؛ بيت الحلال مرزوق وماما عندها جمعيه مع خالتي فاطمه
ايمان؛ ؛ به كيف اندير نقعد نقراء ولا انوتي
اميره ؛؛ تو هالوقت انعبي ورقه فيها طلباتك كلهن ماعليك وكان تبي نطلعو من اليوم للسوق
ايمان ؛ ما خالاتي جيات
اميره؛؛ خطرتي عليا انكلم مروه بيش اتجي حتي هي
ايمان ؛؛ به كلمي حتي ويه
اميره ؛؛ ويه تو راقده جنب مراد نقدرش انرن عليها الراجل اكيده امروح تعبان
ايمان ؛؛ كلا انتي ماحد يغلبك في الذوق
اميره ؛؛ ها ياحنه ضروري منه الجو هذا
خلاص ايمان تو انتي اهدي وارقدي وفي العشيه تو انقرورو
وخشت رجاء
رجاء ؛؛ وهي متعقده
هيا يااميره نا نبي نرقد وماحد ايوعني واللي تبكي تطلع بره واتكمل باقي ابكاها وراي اقريه في العشيه
اميره ؛؛ به ارقدي حتي انتي ياعروس
وطلعت اميره
رجاء ؛؛ عروس هابا ماهي ماشيه معاك بكل
وخشت تحت البطنيه وغمضت اعيونها

ايمان ؛؛ والعبره خنقتها
ارجيوه
رجاء ؛ ﻻ اله الا الله
ايمان ؛؛ انجيك
رجاء ؛؛ كنك
ايمان ؛؛ صبت وجت خشت معها للسرير وتمت تبكي والقت
ايمان ؛؛ بعد 3 اسابيع خلاص
رجاء ؛ خنفتها العبره
تفارقنا في الاول نجاح وبعدها ايه وبعدها انتي وبعدك اميره ونا ح نقعد اوحدي
ايمان ؛؛ تقوليش هكي
رجاء ؛؛ اهو نصيب خلاص خلينا انرقدو
ايمان ؛؛احمد ماايردش عليا
رجاء ؛ نا قالتلك ارقدي ما قالتش رنيتي علي الافندي
ايمان ؛؛ ايهبل صاح
رجاء ؛؛ من الاخير عجبني رده علي الابله وفي نفس الوقت بالاسلوب
ايمان ؛؛؛بس حتي رد عليا
رجاء ؛؛ مسح كبدي فيك لزك وحكي مع الابله
خلاص خلاص خلني نرقد تو ايجن خالاتي
…….ورقدن وعند اذن العصر

ماما ؛؛ اميره صبي افتحي الباب

اميره ؛؛ هيا نسمع فيهم

وطلعت اميره وافتحت ولقتهم عيت خالتي سالمه
اميره ؛؛ اهلا اهلا
خالتي سالمه؛؛ لووووووووووووووووووووووووووووووووووليا
امل ؛؛ وينها هالفرخه والله جت من حظها
اميره ؛؛ راقده جو

وخشنا البنات يجارن لدار ولقن رجاء وايمان رقدات مع بعضهن

دعاء :؛؛ووووو عليك حظن دافي ياايمان صبي صبي تو تمشي ل احمد وترقدي

رجاء ؛: جن عيت الازعاج
امل ؛؛ والله مانحسابك الا تضربي فيها مش اترقدي فيها معاك
رجاء ؛؛ جتني تمت اتبكاء رقدتها معي
دعاء ؛؛ انخش معاكن حولن حولن
رجاء ؛؛ وووووو سريري تو ايتكسر
دعاء ؛؛ ازي عليكي
رجاء ؛؛ ههههه خشي خشي نبي انصبي نا
امل ؛؛ خالد راقد صاح
رجاء ؛؛ ايوه والله عدي وعيه
امل ؛ حتي نا ماشيه بلا شورتك
رجاء ؛؛ منتهيه

ومشت رجاء وخشت للحمام وامل مشت تمت ادق خالد ما سمعهش افتحت الباب ولاقته راقد

امل ؛؛ هههه خموجي راقد
خالد ؛ فتح عينه وشافها وبرم وجه وعطها ظهرها
امل ؛؛ هييييي اطنش عليا اخر

ومشت شوره وجاته من لاوره ونزلت علي وذنه وتهمسله
امل ؛؛ حبيبي خموجي
خالد ؛؛ ماردش عليها
امل ؛ بحتت فيها لاقته راقد وهايمه في النوم حطت كرعيها علي السرير واقعدت علي ركبيها وحطت يد قدامه ويد وراه ونزلت اخر عليه وتهمسله في وذنه
خموجي
خالد ؛؛ حس انها تقربت مسك يدها اللي لقدامه وكراها بقوه نين طاحت قدامه
امل ؛؛ اهاااا ياهبل
خالد ؛ من قالك اتوعيني
امل ؛؛ ههههه نبي انهدرز معاك قبل ما تطلع
خالد ؛؛ بحت فيها وحول البطنيه وحطها عليها وهو شاد عليها
امل ؛؛ ياسخيف عيب حول
خالد ؛؛ ياعنجد هكي حلالي
امل ؛؛ حلالك بعد الفرح مش تو
خالد ؛؛ والله مش ح اندير حاجه بس خليك هنا
امل ؛؛ حول الشيطان ثالثنا
خالد ؛؛ ههههههههه ﻻ ماعليك عليه نقدر عليه نا
امل ؛؛ هههههه سخيف
خالد ؛؛ خلاص تحرمنيش منك خلاص
امل ؛؛ بحتت فيه وحساته صادق معها
اقعدت تحت البطنيه بس رفعت روحها واقعدت امقعمزه وخالد حط راسه علي كرعيها
خالد ؛؛ امتي جيتي
امل ؛ تو
خالد ؛؛ ليش ماقالتيها ليا
امل ؛؛ لما قال وليد هيا تو راه مش فاضي قالت اكيده راقد تو نمشي وانوعيه نا بروحي
خالد ؛؛ افطني انتي واخذه راحتك واجد في الطلعه والخشه
امل ؛؛ ونا وين نطلع الا عندكم وانا عارفتك انت ماتقولش ﻻ
خالد ؛؛ هههه باهي ياجالطه
امل ؛ فرح ايمان اقريب
خالد ؛؛ اها ما انا اللي كلمت صاحبي علي الصاله
امل ؛؛ انت حجزتها
خالد ؛؛ اها
امل ؛؛ وليش ماقالتها
خالد ؛؛ رنيت عليك القيتك مقفل عارفتك مازالتي اتغدي ومش فاضيتلي رقدت
امل ؛؛ ما انت اللي قالتلي اقفليه وماتفتحيش الا لما تبي ترقدي
خالد ؛؛ عارفك تسمعي في كلام خطرها وين فونك
امل ؛؛ في شنطتي
خالد ؛؛ اليوم من الصبح مريم اترن
امل ؛: هيييييييي كنها
خالد ؛؛ ما رديتش عليها
امل ؛ وبه
خالد؛؛ دزتلي رسال اهو شوفيهن
امل ؛؛ كذا
امرايفه عليك طيح سعدها
خالد ؛؛ ادز ما ادز انا عندي انتي خلاص
امل ؛؛ حبيبي راك اتحنلها
خالد ؛؛ والله ﻻ انتي عندي بالدنيا كلها
امل ؛؛ به انرن عليها
خالد ؛؛ ﻻ حبيبي خلاص فوتيها
امل ؛؛ خايف عليها
خالد ؛؛ مش هكي بس انتهت علاقتنا بالاحترام نبيش انخربها تو ونا عارفك لو اترني انتي مش ح تسكتي ولا هي ح تسكت وح ايصير موضوع شين
امل ؛؛ اهاااااا به نبي نطلع نا
خالد ؛؛ واتسيبني
امل ؛؛ مش انت خايف عليها خلاص
خالد ؛؛ امل نا نبي احترام نبيش حاجه اخر
امل ؛؛ خنقتها العبره واعيونها تعبن ادموع
خالد ؛؛ لما شافها تبرم في وجها وماتبيش عينها اتجي في عينه صب واضبطها
امل ؛؛ انت مازالت اتحبها صاح
خالد ؛ وعليش حبيتك وخطبتك لو ما نحبهش
امل ؛؛ تمت تبكي اكتر
خالد انت اتحبني
خالد ؛؛ وحق اللي اخلقك انحبك وانموت فيك موت
وباسها علي راسها
ومسحلها ادموعها
خلاص حبيبي نا نحبكش تبكي
امل ؛ تمت تمسح في ادموعها
خالودي جايبتلك انجليزي نبيك تبرملي عليه
خالد ؛؛ به تو نبرملك عليه بس صبي ديرلي قهوه وجيبلي الكتاب بيش انترجملك اشويه
امل ؛؛ من اعيوني
خالد ؛؛ يسلمني اعيونك
وصبت امل وهي فرحانه وطلعت وادير في القهوه
خشت للمطبخ ولقت رجاء ادير في القهوه
رجاء ؛؛ لما ايترجملك بيش تعطيني
امل ؛؛ ليش ما قالتيله ايترجملك
رجاء ؛؛ هو ايجي متاخر ونا نقعد راقده

وخشت دعاء عليهم

امل ؛؛ قعدتي كيف الدجاج نوم بدري
رجاء ؛؛ ماعندي عليش نسهر اللي نسهر علشان خاطره خلاص راح
امل ؛؛ من عند الاسوره اللي لابستيها
رجاء ؛ هههههه اهو ماهنتش عليا ساد السلسله اللي انقطعت
امل ؛؛ من قطعها لكي
رجاء ؛؛ الحمار طارق كرني من عندي دبشي انقطعت
امل ؛؛ هييييييييييي
دعاء ؛؛ جابلك خير منها كلا طارق هذا امصبي معاك اتقول ربي دازه لكي يوم اللي حنيتي ورنيت عليه وقفك طارق والسلسله اللي ماحولتيه بكل عليك هو خلك اتحوليها وجابلك خير منها

امل ؛؛ طرف شكله
رجاء ؛؛ ﻻ طرف لا شيء خوذي خوذي قهوة راجلك وامشي وخلي ايترجم
دعاء ؛؛ الباب ايدق
رجاء ؛؛ عدي افتحي اكيده خالتي فاطمه
دعاء ؛؛ باهي

ومشت دعاء وافتحت الباب ولقتها خالتي واعيالها وخشو كلهم
وقعمزو واشربو القهوه

خالتي فاطمه؛؛ عيشه انتي اعربك اشويه وبدال حصلتو صاله ليش ماتقولو ل اهل العريس اديرو مشترك بيش بالمره التكاليف اقل
خالتي سالمه؛؛ والله صاح انتي شورك الصاله والحلوه وهم شورهم العشاء و البونبوريه وتفتكي حتي الكوافير يقعد يوم واحد بس والفيلو يوم واحد
اميره ؛؛ صاح احسن
ماما ؛؛ ايمان شن رايك
ايمان ؛؛ لو تبي حاضر اصلا حتي احمد عندش امكانيات واجد بيش ادير الفرح لان جا فجاء
خالتي فاطمه؛؛ خلاص انتي كلميه واحكيله
ايمان ؛؛ باهي تو انقوله
خالتي فاطمه؛؛ كان الفرح المشترك نفتكو من سريب العشاء والموالح والسلايط
حلويات ونحجزو فيهن وخلاص وعصير كيف فرح ايه

اميره ؛؛ خطرتو عليا انكلمها اكيده مراد وعا
رجاء ؛؛ صاح فرح ايه ماتعبنش فيه واجد يوم الحنه الصغيره بس

اميره ؛ خير ياحنه
نا ؛؛ خيرات كيف املاه عندك احساس
اميره ؛؛ ليش كنك
نا ؛؛ جايتكم في الطريق
اميره ؛؛ والله القلوب عند بعضها نبي انكلمك تو نبي انقولك تعالي
نا ؛؛ اهاا عيت عمي مش قاعدين قالت لمراد ايحطني عندكم
اميره ؛ والعويل
نا ؛؛ ماهم اللي كسدوني من امس عند امهم
اميره ؛؛ به نرجو فيك
نا ؛؛ سلام

مراد ؛؛ يبوك
نا ؛؛ اها شكلهم عندهم خالاتي الهرجه واجده
مراد ؛؛ معناتها انطول عادي في العياده
نا ؛؛ خوذ راحتك
مراد ؛؛ به مرات انتعشا بره تعشي انتي
نا ؛؛ وين طول بعتني
مراد ؛؛ هههههههه ﻻ نبي انكسد مع جماعتي ليا مده عليهم
نا ؛؛ اها به

ووصلنا للحوش ونزلت وجت نزلتي مطر
مراد ؛؛ اركبي تعالي بدال مافتحولك
نا ؛؛ هههه ﻻﻻ خلني انحبه
مراد ؛؛ ههههههه هبله تو تمرضي

خالد ؛؛ اووووووو ايه خشي خشي بسرعه
نا ؛؛ تي صقع كيف لابس هكي
وخشينا نا وخالد نجارو
ووصلنا عند الباب
نا ؛؛ تي من عندكم كنهن الكنادر وجدات
خالد ؛؛ العائله كريمه كلها حتي خوتك
نا ؛ ان شاءالله خير كنكم
خالد ؛؛ كيف ياعنجد ان شاءالله خير
نا ؛ استغربت كلمة وسلحت كندرتي و خشيت والقيتهم كلهم ومقعمزين وفرحنين
نا ؛؛ السلام عليكم
خالتي فاطمه؛؛ خشي خشي يااخت العروس
نا ؛؛ هههههه شن
وسلمت عليهم
ونا انحول في جاكتي ووشاحي

وجت ايمان تجري واضبطتني
نا ؛؛ هيييي كنك
رجاء ؛؛ 29 _12 فرحها
نا ؛ انصدمت وفتحت اعيوني
شن تحكي جد
رجاء ؛؛ والله
نا ؛؛ مبروك مبروك
دعاء ؛؛ عقبالي يارب نزوج
اميره ؛؛ هههههه تخيلي يادعاء انلبسوك فيلو وتركبي الطياره بالفيلو
خالتي فاطمه؛ ههههه كنها تبي تزوج بره ليبيا

رجاء ؛ ههههههه ابسيطه قاعد
دعاء ؛؛ اس انتي وهي
نا ؛؛ باهي يعني كان ماجيت ماحكيتولي
رجاء ؛؛ اليوم كيف صار
نا ؛؛ تعالن احكولي كيف صار

امل ؛؛اس اس والله ماحد ايقول القصه الا انا

اميره ؛؛ هههههه تعالي تعالي احكيلنا
رجاء ؛؛ تي عدي خلي خالد ايترجم
امل ؛؛ قالي نبي نمشي لمحمد بيش ايساعدني هو اقوه منه في الانجليزي
رجاء ؛؛ اهااا به
اميره؛ ؛ تعالي قولينا

امل ؛؛ ياحناتي ……………

خالتي فاطمه؛؛ طيح سعدك يا ايمان تقدري كلاه انتي
ايمان ؛؛ اها املاه انشوفها تدحنس ونسكت
دعاء ؛؛ شخصيا
ماما ؛؛ هو جا اليوم جا خايف اتصير مشكله كبيره
خالتي سالمه؛؛ والله حتي هو حل
نعيمه ؛؛ قبل انقول انتي هاديه ياايمان
رجاء ؛؛ تي انتي قاعده تي انسيتك بكل خلاص الاخبار ان شاءالله ح تلقوهن علي شريط الجزيره

نحن ؛؛ هههههههههه
نعيمه ؛؛ شن اتحقي فيا
رجاء ؛؛ نعيمه مرات خويا عادل اللي اتبص
خالتي سالمه؛؛ رجااااااء خلاص
رجاء ؛؛ نبي انخش نقرا نا
دعاء ؛؛ معاك
رجاء ؛ تقري معي انتي
دعاء ؛؛ ههههه نبيك ياهمي
رجاء ؛ تعالي
خالتي فاطمه ؛؛ خلاص ياعيشه بكره لما تاكدلك المراه تو انجيك في العشيه نطلعو نشرو مواعين والالات المطبخ
ايمان ؛؛ طالعه معكم
خالتي فاطمه؛؛ اقرايتك
ايمان ؛؛ ﻻ في الصبح نقرا وفي العشيه نطلع معاكم
ماما ؛ جت معاك الطرد
مروه ؛؛ يوم الصالون شوري نا اللي انطلعك ﻻن صالونك هديه منا
ماما ؛؛ الله ايربحكم
نعيمه ؛؛ ايمان نحن تو نعطوك افلوس وانتي براحتك
ايمان ؛؛ به انعنكم ماتغيبو
وتمت تبكي
مروه ؛ ياهبله كم عندنا ايمان نحن انتي اخر عنقود ودلوعة الحوش والله اول ما عرفت فرحك اقريب علي قالي الصالون بفرشة والطاوله شوري هذه هدية
خالتي سالمه؛؛ هذوم خوتك وحقك عليهم
اميره ؛؛ مروه هيا انديرو عصيده
مروه ؛؛ باهي هيا
نا ؛؛اعععععع
مروه ؛؛ مازالتي
نا ؛؛ اكيده

وصبن اميره ومروه ودارن عصيده وحطنها
اميره ؛؛ ويه درتلك تبسي زبده ورب اهو
نا ؛؛ شكرا حبيبتي
اميره ؛؛ كسدتنا لمار
نا ؛؛ والله حتي نا ايكسدو فيا

وكلينا وكملنا وصبيت نا وامل ونعيمه غسلن المواعين وقعمزنا نين جا وقت العشاء وصبت مروه دارت حساء بالزعتر

نا ؛؛ ناعليا انحبه
مروه ؛؛ الشتاء يبي هكي قديد وازعتر
نا؛؛ ايمان تعالي كولي
ايمان ؛؛ صحتين عنديش نيه
خالتي فاطمه؛؛ خناق العرائس من تو
ماما ؛؛ من الغداء ماكلت حاجه
خالتي سالمه؛؛ تو اطيحي علينا
ايمان ؛؛ ههههه عنديش نيه
دعاء ؛ ياعوينك كان تعطيني نيتك هذه
رجاء ؛؛ انتي الخضر واليابس تاكلي
دعاء ؛ ﻻ والله اما قالي مراد نقصي معش تميت ناكل واجد
نا ؛؛؛ههههه مراد ايحب جسم العارضات كل ماايشوفك ايقولك نقصي
ماما ؛؛ هههههه باهي اللي ارقيقه انتي
نا ؛؛ الحمدالله امغير انتفخت اشويه علي الحمل قالي افطني لروحك
اميره ؛؛ هههههه ربي ايخليه لكي
نا ؛ ان شاءالله
ورن فون ايمان وخشت ايمان تجري

ايمان ؛؛ نعم حبيبي
احمد ؛؛ ماكنتش فاضي
ايمان؛؛ عارفتك
احمد ؛؛ قالت ل امي علي الموضوع واليوم طلعنا للمراه امتعت الجمعيه وقالت تو نعطيها لك وبكره امي تو اتجيبلك الفلوس للدبش
ايمان ؛؛ حبيبي في الصبح باهي
احمد ؛ طالعه في العشيه

ايمان ؛؛ اها عندنش وقت بكره طالعه مع خالي عيسي اتفقنا كل يوم ايطلعنا واحد
احمد ؛؛ باهي بس القرايه ياايمان راكي تهملي فيها
ايمان ؛؛ والله ماعليك انجيبلك الممتاز
احمد ؛؛ اتجيبها لروحك الشهاده لروحك مش ليا
ايمان ؛؛ حبيبي نحن حصلما الصاله يوم 29 _12
احمد ؛؛ صاااح حجزتو
ايمان ؛؛ خالد حجز
احمد ؛؛ به تمام
ايمان ؛؛ حبيبي شن رايك انديرو مشترك نحن منا الصاله وانتو العشاء وخلاص حتي التكاليف اقل
احمد ؛؛ حتي هذا راي
ايمان ؛؛ موافق يعني
احمد ؛ نا قبل قالت عشاء انديره تاني يوم في الحوش بس بدال انتو حصلتو الصاله خلاص
ايمان ،؛ به احسن حتي التكاليف اقل
احمد ،؛ خلاص عدي اقري ونا معش نبي نحكي معاك الا المكالمات السريعه بس
ايمان ؛؛ به حبيبي
احمد ؛؛ ايمان
ايمان ؛؛ نعم
احمد ،؛ نبي حنه واجده باهي
ايمان ؛ ههههههههههه من تو
احمد ؛؛ انحبها
ايمان ؛ من اعيوني
احمد ؛ والله الله علي الرواب
ايمان ؛؛ ههههههه هيا هيا سلام
احمد ؛؛ سلام

وطلعت علينا ايمان وقالت انهم موافقين علي الفرح المشترك

ماما ؛؛ الله ايربحه والله ريحني
خالتي فاطمه ؛ بكره في الصبح ايطلعنا خالد نحجزو في الحلويات والعصير وحاجات الصاله كلهن وانروحو وفي العشيه نشرو المواعين

ايمان ؛ عمتي بكره اتجي في الصبح
خالتي فاطمه؛؛ صاح
ماما؛ ؛ فاطمه انتي واميره امشن واحجزنا وفكينا بدال خالد بكره فاضي اصلا هو يبي يحجز في الصاله
خالتي فاطمه؛؛ باهي

نا ؛؛ مراد ايرن
خالتي فاطمه؛؛ هيا شيلوني معاكم خالك مش فاضي
نا ؛؛ به هيا
ومشيت نلابس في الجاكه والوشاح
اميره ؛؛ ويه جايه بكره
نا ؛؛ بينتنا فون ماه بكره طالعات انتن
اميره ؛؛ اها حتي نا طالعه ايمان تعرفش تشري اكويس وخالتي فاطمه قالت نمشو نحن الاثنين بيش انكملو اسرع وتو نبي انكسد وانوتي ورقه
نا ؛؛ عقبالك
اميره ؛؛ ان شاءالله

نا ؛؛ مع السلامه
وطلعت وركبت في السياره وجتنا خالتي فاطمه والعويل
خالتي فاطمه؛؛ انتعبك يا مراد
مراد ؛؛ عمتي عيب عليك
نا ؛؛ فرح ايمان يوم 29 _12
مراد ؛؛ ماشاءالله تبارك الله
خالتي فاطمه؛؛ البنات اكبرن يامراد
مراد ؛؛ هههههه هذه سنة الحياه
خالتي فاطمه؛؛ يرحم وليدك تعبتك معي
مراد ؛؛ وليدينا ووليديك

ونزلت خالتي ومشينا نا ومراد وروحنا
وخشيت الشقه وغيرنا دبشنا وخش مراد لسرير و خشيت معه
مراد ؛؛ في اعيونك كلام
نا ؛؛ ههههه طول عرفتها
مراد ؛؛ حافظك
نا ؛؛ ممكن طلب
مراد ؛؛ احكي بلا مقدمات
نا ؛؛ نبي هديه ل ايمان
مراد ؛؛ برفعت حاجب
بس
نا ؛؛ هههه اها
مراد ؛؛ وليش نا نرجا فيك نين اتجي واتقوليلي تو نعطيك افلوس تحجز الصاله شوري
نا ؛؛ الصاله شور خالد
مراد ؛؛ خلاص تو نعطيك افلوس تشري هي بتاتها براحتها
نا ؛؛ امتي
مراد ؛؛ امتي تبي انتي
نا ؛؛ بكره لان اليوم ماما حسيتها مزروره نبي نفتحها عليها بيش تشري ل ايمان
مراد ؛؛ خلاص بكره بكره تو نعطيك
نا ؛ نجك ليا حبيبي
مراد ؛؛ هههه ياهبله تعالي تعالي
وكرني واضبطني
واخر اللي تبيه حاظر
نا ؛؛ ربي مايحرمني منك
مراد ؛؛ اليوم شفت حوش عجبني جابه ليا حاتم مصبوب بس
نا ؛؛ كيف
مراد ؛؛ مش قالتلك نبي نشري ارض ونبني
نا ؛؛ به
مراد ؛؛ خلاص قالت ل حاتم دورلي عاد هو هذا شغله
نا ؛؛ به
مراد ؛؛ خلاص هو لقي حوش علي عظم بس وقالي خير ماادور ارض وتبدا تبني من جديد
نا ؛ صاح كبير الحوش
مراد ؛؛ اها كبير
4 اديار وصالتين ومطبخ كبير و3 حمامات ومربوعه
نا ؛ ماشاءالله تبارك الله
مراد ؛؛ بس نبي اندير اضافه بره نبي نبني مطبخ ومخزن وحمام خارجي بيش في المناسبات نلقوهن
نا ؛؛ ليش
مراد ؛؛ نبي انخش في الحوش هذا ونستقر خلاص معش نبي انتحرك نبيه يقعدلي طول العمر
نا ؛؛ ان شاءالله بطولة عمرك
مراد ؛؛ بعدها نختار السرميكه ونبدا خلاص بيش انفظو الشقه هذه لطارق
نا ؛؛ صاح
مراد ؛؛ نا قالت لطارق ماتبنيش شقتي لك انت امغير خلني نبني بره وانت كون نفسك ولما تبي اطلع فرحك تلقها
نا ؛؛ باهي تمام طارق عنده وحده
مراد ؛؛ طارق من وحده لوحده نين تو اتجي بنت امها واتوقفه عند حده واتخليه يخطبها
نا ؛؛ ههههههه من وين نلقوها بنت امها
مراد ؛؛ ههههه تو اتجي ابروحها كيف ماجتني نا وخلتني انحبها ومستعد اندير اي حاجه بيش اناكدلها اني انحبها
نا ؛ رفعت حاجبي
من هذه
مراد ؛؛ تي انتي مازالتي تسالي
تي اكيده انتي
وخشينا تحت البطنيه ورقدنا

وتاني يوم جت عمت ايمان وخالتي فاطمه واميره اطلعن احجزنا في الصاله والحلويات والقاتو امتع الصاله وشرن حاجات للصاله كلهن من مناديل جافه ومعطره وشاهي وسكر ونسكافي وعصير وعلب بيش انحطو فيهن حلويات جافه وروحنا
ولقنا عمتها قاعده

خالتي فاطمه؛؛ السلام عليكم
عمتها ؛؛ وعليكم السلام شن اخبارك كنتي في السوق
خالتي ؛ اها حاجات الصاله شريهن كلهن
عمتها ؛؛ خلاص نحن شورنا العشاء والسلايط والبونبونايره
خالتي فاطمه؛؛ به خلاص نحن نعتبرو انهنينا موضوع الصاله وراه كل حاجه حجزتها علي عدد الكراسي 500 طرف
عمتها ؛؛ به تمام هكي حتي تو نحجز في موالح 500 طرف
ماما ؛؛ علي البركه ان شاءالله
عمتها ؛؛ والله علي قد ما فرحت بالفرح امس طول طلعت نا واحمد ومشيت لصاحبتي هلي امشارك معها الجميعه وقالت تو انطلع له الاسبوع هذا قبل كان احمد امشارك ومش امدورها بكل بس لما صبيت عليها قالت تو نعطيها له

ماما ؛؛ والله حتي نا تفجات وراه مش اموتيه روحي بكل هه عينك ميزانك هذه اول طلع لنا للسوق

عمتها ؛؛ عيشه ماعندك عليش اتزري روحك نحن عارفني حال بعضنا وراه من تو اني قالت ﻻ نبي هديه ولا شيء نا اللي نبيه من ايمان انها اتهني اوليدي واتريحه وتقعد معه وتشق بقرايتها

ماما ؛؛ سمعتي يا ايمان راه الراجل علي المراه هي اللي اتوسع باله وادير جو سمح وهي اللي اتصغر عقلها واتكبر في المواضيع

عمتها ؛ والله ياايمان راه ماحسبتك الا ابنيتي والله ماتكسبي الراجل الا وانتي ساكته وهاديه وبال واسع حتي لما ايخش مضايق يبي قدامه وحده تضحكله ودايرله غداء وقهوه هو بروحه تو ايروق واديرلك اللي تبيها

ايمان ؛ منحرجه وامنزله راسها
حاضر يا اعميمه
اميره ؛؛ ههههه ان شاءالله ربي ايتمم عليكم
عمتها ؛؛ خلاص نا نسقد اهو احمد ايرن هو عنده حصه تو
واليوم في العشيه طالعه نا وهو نشرو صالونات والفرش هو شاري الدار نوم بس
ماما ؛؛ دار الضيوف شورنا طبعا
عمتها ؛؛ ان شاءالله لما تختاري الصالون قولينا لون الفرشه التحت تو نشروها
ايمان ؛؛ اشروها بيج يااعميمه من تو
اميره ؛ عندك لون معين للصالون
ايمان ؛؛ اها ان شاءالله
عمتها ؛؛ به بسلامه

وطلعت عمتها وخشت ايمان تمت تقرا وخالتي اقعدت تغدت قايلنا
واذن العصر وجيت نا في العشيه القيتهن مازالن ماطلعن
نا ؛ ماما هذين افلوس
ماما ؛؛ هيييي خليهن
نا ؛؛ هذين هدية ايمان خوذيهن انتي واشري اللي تبيهن
ماما ؛؛ انعنك مااتغيبي
نا ؛؛ تسلمي
وقعدت نا وماما ورجاء وهن اطلعن يشرن مع خالي عيسي
وظلمت الدنيا وخشن وهن وفتحات فمهن من التعب
خالتي فاطمه؛؛: في سياره ورانا امتعت المحل
ماما ؛؛ عليش
خالتي ؛ نخن نختارو ومش فاطنين لروحن القينا خلاص شبه كملنا والسياره ماتسدش صاحب المحل قال عندي سياره كبيره تو انشيل الحاجات
ماما ؛ كملتن يعني
خالتي ؛؛ تشيطبات بس مازالنا
اميره ؛؛ الالات الكهربائيه كلهن بيض شرينهن
ومواعين وطاوله المطبخ والفرشه
ماما ؛ ماشاءالله تبارك الله
ايمان ؛؛ نحسبش روحي انكمل هكي مع ان كنت خايفه منه المطبخ
خالتي ؛؛ المطبخ تبي واحد رايق وايخش للمحل كبير وايكون اموتي ورقه طويله كيف ورقة اميره ويقرا ويطلع خلاص تلقي روحك كملتي

نا ؛؛ حتي في فرحي درتي هكي
خالتي ؛؛ اهاا بس انتي فرحك ارحم علي الاقل في فرحك كل شيء بمزاجي مش هذه تشرط واتبحتلي في الغالي وخوه ونا انقوللها نزلي اعيونك لوطه

ماما ؛؛ نا قالت انتي تطلعي معها عارفتك تقدري عليها
خالتي ؛؛ بكره نشرو الصالون كلمي عيت علي
ايمام ؛؛ به ودبشي

خالتي ؛؛ اليوم بعدها بس كوني شاطره واشري حتي التحف امتع الصالون والفرشه والطاوله ماتخليش الوقت يمشي علي الصالون

اميره ؛؛ تو نمشي معها انا
خالتي ؛؛ نا امروحه مع السلامه
ماما ؛؛ سلام
وطلعت خالتي وشافت السياره جايه
خالتي ؛؛ بنات بنات تعالنا تعالنا اهو الدبش جا

ماما ؛ صاح باهي

وحضر خالي خشت الدبش وروحو
وقعمزنا نا وبنات وتفرجنا علي المواعين كانن ايجنننن
اميره ؛؛ كرعيا خلاص نبي اندير دوش ساخنه وانتعشاء ونرقد
ايمان ؛ حتي نا بكره وراي اقريه في الصبح
رجاء ؛؛ ايوه اقري بكره وزري علي روحك بيش ماتعتبيش ايام امتحانات
ايمان؛؛ ان شاءالله خير
ومشي يوم وراء يوم وايمان وخالتي واميره يوميا يطلعن ويشرن في الحاجات
نين جا يوم التغليفه

وجيت نا من الصبح انساعد في ماما واميره ورجاء وايمان في المدرسه اديرن