مسلسل سعاده كاذبه التكملة
مسلسل سعاده كاذبه
الحلقه 32
ووعيت تاني يوم
مراد ؛؛ ويه صبي تبيك هدي بره
نا ؛؛هيييي هدي علي الصبح شن تبي
مراد ؛؛ اطلعي شوفيها قالت كلمني ايه
نا ؛؛ به
وصبيت
مراد ؛؛ هي انتي استري روحك قبل
نا ؛؛ به
ولابست حاجات الصلاه
نا ؛؛ هدي صباح الخير
هدي ؛؛ صباح النور سامحينا امغير جيتك قالت بدال مراد مازال ما نزل
نا ؛؛ كنك شن في
هدي؛؛ ويه اليوم جين عرب هاجر وهاجر قاعده نفسيتها مدمره مش عارفه ما ادير
نا؛؛ به ليش تبكي هي
هدي ؛؛ قالت زرو عليا وهي مش اموتيه بكل لان بكره تمه امسافره للتونس
ونحن نبو حتي حلويات وموالح من لحلواني هي حتي قفطان فخم تلابسه للبيان ماعندها قاعده حايره
نا ؛؛ باهي ساهله انتي تو انزلي وظمي الحوش ونا تو اندوش وانقول لمراد ايجيب الحاجات
هدي ؛؛ الله ايربحك والله عارفتك تو تفتحيه في وجها هذا عليش جيتك و به شن ايصير في الكوافير
نا ؛؛ كيف هم جينا عرب واجد
هدي ؛؛ مش واجد واجد
نا ؛؛ تقريبا كم وحده
هدي ؛؛ والله هي قالت امه وعماته وخالته وصبايا خواله واعمامه
نا ؛؛ تبي تمشي لكوافير هي
هدي ؛؛ نا قالتلها فوتي الكوافير لان فرحك اقريب والحق انا قتلها عليك لان ميك اب امتعك عاجبني
نا ؛؛ خلاص تو انديرلها نا
تو خلني نحكي لمراد وندوش وننزل وانجيك تم
هدي ؛؛ ويه هذين افلوس قولي للمراد ايجيب الحاجات
نا ؛؛ من جدك يا هدي اتمدي افلوس مراد نا عارفته مستحيل ياخذهن خلاص تو ايجيبهن هو منه هديه منه
هدي ؛؛ نجك يا عسل
واضبطني ربي يفتحها في وجك
نا ؛؛ هيا انزلي وضمي الحوش
ونزلت هدي ونا خشيت للدار القيت مراد يلابس وهو ايبطم في السوريه
جيته وصبيت قدامه
نا ؛؛ صباح الخير
مراد ؛؛ ههههههه صباح النور
النوم مازال في اعيونك
نا ؛؛ ماانت اللي امسهرني امس
مراد ؛؛ نا ولاه فيلم الرومانسي
نا ؛؛ ههههههه وغمزتله
الاثنين امسهرتني
مراد ؛؛ اضبطني وحول شهري وحبني علي الشوفه
نجيلي اكبيدتي ياربي
نا ؛؛ نجيلي راجلي ياربي وحبيته علي اللحيه
انديرلك قهوه
مراد ؛؛ ياريت والله
نا ؛؛ من اعويناتي الاثنين
مراد؛؛ يسلمولي اعويناتي
ومشيت للمطبخ ودرت قهوه
وخش عليا مراد وقعمز وبدا يشرب في القهوه
واتخش علينا لمار
مراد ؛؛ صباح الخير ابنيتي
لمار ؛؛ اتحك في اعيونها وجت شور مراد واقعدت امضبطته
مراد ؛؛ تي كنكم اليوم النوم في اعيونكم
نا ؛؛ شكلها ساهره معنا امس
مراد ؛؛ هههههههه معقوله
نا ؛؛هههههههه ﻻ امغير امس العبت واجد عند هلي
مراد ؛؛ اها
نا ؛؛ حبيبي امتي امروح
مراد ؛؛ مش عارف ليش
نا ؛؛ نبي منك طلب
مراد ؛؛ شن في
نا ؛؛ نبيك اتجيب حلويات وموالح
مراد ؛؛ عليش
نا ؛؛ حبيبي اليوم جاين عرب هاجر وهن مش لقيات من ايجيب
مراد ؛؛ به تو انجي بعدين انروح تو ناخذك اتعدي اتجيبيهن انتي احسن
نا ؛؛ بينتنا اتصال مرات ما نفضش انقولك جيب وانت وخلاص
مراد ؛؛ به
نا ؛؛ حبيبي راه هدي مدتلي افلوس بس نا مارضيتش ناخذهن وقالتها شور مراد تو ايجيبهن
مراد ؛؛ احسن ما درتي خلاص لمار حولي نبي نطلع
لمار ؛؛ بابا شيلني للحوش امي
مراد ؛؛ امي من
لمار ؛؛ امي عيشه
نا ؛؛ هههههههههههه حوش هلي
مراد ؛؛ هههههه كبدت في الحوش شكلها
نا ؛؛ به شيلها مراد
مراد ؛؛ ﻻﻻ فيش مشي خليها هنا تقعد
نا ؛؛ امس لاعبتها رجاء واجد وعجبها الجو حتي حمادي ما حسيت به طول الوقت ماما امخليته يلعب ويزحف وكان تباعد ايمان اتجيبه
لمار ؛؛ رجاء عطتني نحكي فون
نا ؛؛ انصدمت وحطيت ايدي علي خدي
هييبببييييييي
مراد ؛؛ ههههههههههه هذا عليش تبي تمشي تبي اتشلطي علي الفون
لمار ؛؛ عمو حبيب رجاء
مراد ؛؛ رفع حاجبه وبحت فيا
شن ايه كيف اختك عندها فون
نا ؛؛ انحرجت ونزلت راسي
مراد ؛؛ ردي احكي اهي لمار كبت الشوال كله
نا ؛؛ رفعت عيني في عينه
اها
مراد ؛؛ كنت متوقع حوش امعبي بنات مستحيل مافيش فون
نا ؛؛ بس نا ماعنديش ولا عمري درته وحق ربي
مراد ؛؛ به
لمار ؛؛ بابا رجاء تقول ل اعميمه العبيطه
مراد؛؛ هههههههههههه كبي كبي اخر يا لمار
نا ؛؛ فنصت في لمار
لمار خلاص اس راه معش انشيلك
وصبيت وخذيت لمار وطلعت وخششتها للحمام
ولحقني مراد وهو يضحك
مراد ،؛ به عليش امسميتك هكي
نا ؛؛ كذبه فيش منه الكلام هذا
مراد ؛؛ والله قولي
نا ؛؛ علشان ما نعرفش في جو الحب ولا حتي شن ايديرو العرسان
مراد ؛؛ هههههههههههه معاه الحق
بس تو ماشاءالله خبره
نا ؛؛ بصوت عالي والاستغراب
مراااااااااد
خلاص عدي للعملك
مراد ؛؛ به هيا سلام يا عبيطه
نا ؛؛ كلها منك يا لمار والله تو اتشوفي
لمار ؛؛ اعميمه رجاء اتقول هكي
نا ؛ تو اتشوف رجاء
ودرت للمار حمام ولابستها
ودرت نا حمام وبعدها وعي حمادي ودرتله وفطرتهم وانزلنا
هدي ؛؛ وينك كنك طولتي
نا ؛؛ سامحيني كنت انفطر فيهم
وخشيت والقيت هاجر اعيونها متورمات من البكاء
نا ؛؛ هييييييي يا هبله افرحي اليوم بيانك
هاجر ؛؛:تي شن بياني ونا مش اموتيه روحي بكل
نا ؛؛ كنك تو نهتم بيك انا
هاجر ؛؛ عليش ايش تبي اديري ولا اديري
نا ؛؛ خلاص مراد قال تو انجيب الحلويات وموالح ونا تو انديرلك اللي تبيها وكان تبي تسريحه اتجيك اختي اميره تخصصه ولا كان تبي للكوافير تو ايشيلك مراد
هاجر ؛؛ ﻻ كوافير وين وقت ساعه11 تو
نا ؛؛ والله مازال بدري هيا بطلي ابكاء وخشي وديري حمام وتعالي تو نبدا فيك
هدي ؛؛ من البخت نا مافي من ايساعدني الهام مش ح اتجي الا علي الغداء و غاده مريضه وحنين تبيلها حتي هي
هاجر ؛؛ به ها شنو انديرو شفتن تو ليش نبكي نا
نا ؛؛ عندي حل
هاجر ؛؛ شن
نا ؛؛ تو انقول ل اميره اتجي واميره تمسكك انتي واديرلك اللي تبيها ونا انساعد هدي وهكي الجو سمح
هدي ؛ عيب انكلمو اميره علي الخدمه
نا ؛؛ هدي نا واميره متعودات في الجو هذا تخصصنا
هاجر ؛؛ اللي اتشوفيه يا ويه
نا ؛؛ تو انرن علي خالد
نا ؛؛ الو خالد شن الاخبار
خالد؛ ؛ تمام الحمدالله
نا ؛؛ وين في الحوش
خالد ؛ اها طالع تو كنك
نا ؛ نبيك اتجيبلي اميره نبيها
خالد ؛ به كان فاضيه
نا ؛؛ به عطيها ليا
خالد؛ ؛ اميره اميره تعالي خوذي ايه علي الخط
وجاته اميره تجري
اميره ؛ كنها
خالد ؛؛ تبيك
اميره ؛؛ نعم ويه
نا ؛؛ اميره نبيك اتوتي روحك تو علي السريع واتجي لان اليوم بيان هاجر ونبيك اتمسكيها
اميره ؛؛ قصدك اندير لها ميك اب
نا ؛؛ اها تعالي وتي روحك وجيبي معاك لابسه للبيان للروحك وجيبي معاك قفطان ايمان امتع بيانها
اميره؛؛ به ليش
نا ؛؛ جيبه نبيه
اميره ؛ خلاص عطني ربع ساعة وانكون عندك
نا ؛؛ به
ها باهاجر تريحتي تو اتجيك اميره وتركبنا فوق في شقتي لان حتي الميك اب عندي كامل
هاجر ؛؛ انعنك ما اتغيبي
وجتنا عمتي
عمتي ؛ ها شن صار عندكن
نا ؛؛ خير يا عمتي
وسلمت عليها وحبيت علي راسها
هدي ؛؛ نا وايه شورنا الحوش و هاجر تبي اتجيها اميره اديرلها كل حاجه
عمتي ؛؛ كيف اميره كوافيره
نا ؛؛ ﻻﻻﻻ بس شاطره
عمتي ؛؛ هه شفتن البنات الشطرات ايديرنا في كل حاجه في الحوش مش انتن متعودات علي الكوافير
نا ؛؛ هاجر عدي ديرلي حمام بيش اتريحي بدال ما جاتك اميره
هاجر ؛ به
ومشت هاجر وبدت في روحها
ونا وهدي بدينا عجنا بيتزا وبدينا انديرو في بطاطه امبطنه
واتخش علينا حنين
حنين ؛؛ خير اسفه طولت
هدي ؛؛ هيا هيا تعالي معنا للبطاطه
حنين ؛؛ وين الهام
هدي؛ ؛ عملها
حنين ؛؛ به شن تبن اديرن اخري
هدي ؛؛ بيتزا ومراد تو ايجيب موالح
وعمتي؛؛ تو اندير رز بالخلطه بيش انحطوهن مع الموالح
نا ؛ خلاص هكي تمام تو بعدين مراد ايجيب نوعنا او 3 اخر وخلاص
هدي ؛ اها تمام
وقعدنا انديرو ورن الحوش
نا ؛ اكيده اميره
وطلعت وفتحت
نا ؛ نجك جيتي
اميره ؛ خوذي مني
نا ؛؛ شن هذين
اميره ؛؛ جبت العده كلها والقفاطين
نا ؛؛ نجك
خالد ؛ خلاص تبي حاجه يا ويه
نا ؛؛ سلامتك وشكرا
وعدي خالد
ونا صكرت الباب
اميره ؛ تخيلي شن جبت
نا ؛ شن
اميره ؛؛ القيت عندنا لصقه قالت انتكي انجيب حنة توبو مرات ادير طشه حرام جبر الخواطر لها
نا ؛ هههههه نجك والله ما اخطرت عليا
اميره ؛؛ القيت الحنه في دولابي اخطرت عليا وجبتها
وجنا هدي وهاجر وحنين
نا ؛ هذه هدي وهذه اهاجر العروس وهذه حنين
اميره ؛؛ مبروك عليك ان شاءالله
هاجر ؛؛ يبارك فيك عقبالك
اميره ؛؛ ان شاءالله
وخشت اميره للصاله
عمتي ؛ مرحبتين
اميره ؛؛ خير يا عمتي كيف حالك
عمتي ؛ اكويسه الحمدالله
نا ؛ هيا اميره وهاجر اركبن للشقه فوق
لمار ؛ هييييييي اميره
اميره ؛ خير يا لمار
لمار ؛؛ وين رجاء
نا ؛ هههههه صداقه انتي و رجاء
اميره ؛ هههه
نا ؛؛ هيا فيش ترجن تو ساعه 12
واركبن اميره للشقه
اميره ؛ اول شيء اندير فتله والحواجب
هاجر؛ ؛ به
اميره ؛ شن تبي تلابسي
هاجر ؛؛ والله مازالت ما قررت عارفه جت فجاء البيان
اميره ؛ به ساهله اكيده الدولاب امعبي
تي صاح ايه قالت جيبي قفطان ايمان
ونا جيتهن
نا ؛؛ ماهو نبيه تلابسه قفطان كبير وحلوه
هاجر؛ ؛ وينه
اميره ؛ اهو شن رايك
هاجر ؛؛ ايجننننننن
نا ؛؛ قسيه قبل بيش انتاكدو
هاجر ؛؛ به
وقساته وجا عليها ايجنن
نا ؛؛ ايهبل جاي خلاص يا اميره انتي ديري جوك كله
اميره ؛ بس العيون شورك راه يا ويه
نا ؛؛ به انتي وتيها ليا ونا شوري العيون وراهي تبي تسريحه حلوه وخفيفه
اميره ؛؛ خلاص
وطلعت نا وهن بدن
عمتي ؛؛ ايه بيش اتقولي لامك وخواتك ايجن ما شور شيء انكلمو اللي فيها المصلحه بس
نا ؛؛ لا عادي يا عمتي
عمتي ؛؛ ﻻﻻ كلميهن
نا ؛؛ به حاضر
وكملنا نا وهدي وحنين
البطاطه والبيتزا وحطينا الغداء وخشو عيت الهام
الهام ؛؛ لووووووووووووووووووووووووو
وينها العروس
هدي ؛ غمزتلي
في الكوافير قاعده
الهام ؛ باهي تمام هي شن انديرو واهو جبت المكسرات
هدي ؛ تو انتغدو بس وبعدها ديري انتي يا الهام نوع سلاطه
وخش مراد
مراد ؛؛ هيا تمشي معي
نا ؛؛ هيا
عمتي؛ تغدو بعدها اطلعو
مراد؛ ؛ ﻻﻻ هيا بدال السياره ساخنه
نا ؛؛ نلابس العبايه بس
وركبت ابسرعه ولابست عبايتي ونزلت
ومشيت نا ومراد للحلواني
مراد ؛ كم نوع تبن
نا ؛؛ 3 انواع
مراد ؛؛ به انزلي خوذي اللي تبيه
ونزلت وخشينا وخذيت حلويات وموالح وشكولاطه
وركبنا
مراد ؛؛ ها في حاجه اخر
نا ؛ ﻻﻻ سلامتك خلاص المكسرات جابتهن الهام
مراد ؛؛ نقاني نبي انروح انتغداء ونرقد طول
نا ؛ هههه ارقد في الحوش لوطه
مراد ؛؛ ليش والشقه
نا ؛؛ الشقه فيها هاجر واميره
مراد؛؛ بالاستغراب
اميره
نا ؛؛ اميره جت امبدري بيش ادير الميك اب للهاجر
مراد ؛؛ وكنها الكوافير فيش تشكي
نا ؛ وقت وتو ايطلعنها متاخر وهي تبي حاجات واجد
مراد ؛ به
وصلنا للحوش والقيت هدي اموتيه السفره
نا ؛؛ فوق عطيتهن
هدي ؛ اها عطيتهن بس اميره صكرت راسها ما بتش اتخليني انشوف هاجر
نا ؛ ههههه نا عرفتها
وشلت السفره ومشيت للصاله وتغدينا نا ومراد
مراد ؛ نبي انغير
نا ؛؛ تو انجيبلك دبشك
مراد ؛؛ به
وركبت وجبت دبش لمراد وخشينا للمربوعه
مراد ؛؛ ويه
نا ؛؛ نعم
مراد ؛؛ مسكني واضبطني
انحبك
نا ؛؛ انموت فيك
مراد ؛؛ يا عبيطه
نا ؛؛ مراد فكني منها الكلمه هذه
مراد؛؛ ههه نجك ليا وربي يحفظك هيا اركبي خلاص ونبيك كالعاده ملاك والبسي اقصير باهي بيش ايشوفك الناس كلها
نا ؛؛ ههههههه انت تبي هكي
مراد ؛؛ نا كان نلقي انحطك في قلبي جو وانسكر عليك
نا ؛؛ هههه به خششني
مراد ؛؛ راه تدفعي ثمن غالي علي الكلمه هذه
نا ؛؛ هههه كان ما وراي شيء راه خشيت
واتخش علينا لمار
لمار ؛؛ اعميمه
ونا وابتعدت علي مراد
بس مراد مسك فيا وخالنيش نبتعد واجد
نا ؛؛ نعم
لمار ؛؛ اميره تبيك
نا ؛؛ به تو نركب
مراد ؛؛ حبني علي خدي
هيا حبيبي امشي وبيش اتوعني قبل العرب ما ايجو
نا ؛؛ به
وطلعت لمار واركبت قدامي ونا وراها
اميره ؛؛ ها لمار وين ايه
لمار ؛؛ اعميمه معي بابا ايضبط فيها
نا ؛؛ اس يا وجه الفضايح
لمار ؛؛ ههههه بابا صايع باسها
هاجر ؛؛ ههههههه عقبالي يا ربي
نا ؛؛ باهي يا لمار تو انوريك علي التحريش
اميره ؛؛ ها ويه شن رايك في الحنه سمحه
نا ؛؛ ماشاءالله تبارك الله جت حلوه بسيطه وراقيه
اتصدقي يا هاجر تغيرتي من تنقيصت الحواجب جن حلوات
هاجر ؛؛ حتي نا عجبني وقتلها ماعمري نقصتهن ديمه تنظيف بس
اميره ،؛ ويه ابدي في روحك بدال ما درت كريم اساس وبودره
نا ؛؛ اميره عندك عدسات اجدد صاح
اميره ؛؛ اها مازالت ما استعملتهن
نا ؛؛ به
ونا درت شعري علي سريع
وبعدها بديت في هاجر ودرتلها اعيونها
وركبتلها ارموش
واميره درتلها تسريحه
نا ؛؛ هيا هاجر بلا خوف ورفعي اعيونك فوق
هاجر ؛؛ قصدك عدسات
نا ؛؛ اها
هاجر ؛؛ به
ولابستلها العدسات لون بني
ونا درت ميك اب واميره كملتها درتلها احمر خدود و روج
ولابست ادبشي
نا ؛؛ اميره اشقي بروحك
اميره ؛؛ لا ميك اب خفيف نبي انديره
هيا هاجر صبي شوفي روحك علي المرايه
هاجر ؛؛ انحس بروحي خايفه
نا ؛؛ والله طالعه اتجنني والمفروض ما اتشوفيش روحك الا بعد القفطان
اميره ؛؛ ههههه لا حرام امبدري تبي اتبحت
وصبت هاجر وشافت روحها
هاجر ؛؛ ماشاءالله تبارك الله ايجنن الميك اب والتسريحه
نا ؛؛ مش قالتلك اطمني تو اتجيك اميره
هاجر ؛؛ اعيونها تعبن ادموع
اميره ؛؛ حي عليا رفعي راسك راه تنزل دمعه اتخرب كل حاجه
نا ؛؛ هاجر بلا ابكاء ويا اميره البسي انتي خلاص وقت تو ساعه 4 ونص
اميره ؛ هيا
نا ؛؛ لمار تعالي انلابسك نا
اميره ؛؛ ﻻﻻ عدي شوري تو تنديرلها عدي انزلي للهدي انتي
نا ؛؛ به
ونزلت لوطه والقيت غاده والهام وحنين
لابسات وهدي اتبخر
هدي ؛؛ نجك طالعه حلوه
نا ؛؛ تسلمي مراد وعي
هدي ؛؛ عطيته قهوه جو قاعد
نا ؛ جيبتله دبشه
الهام ؛؛ ليش الشقه كنها
هدي ؛؛ فيها سر تو اتشوفنا بعدين
وخشيت علي مراد والقيته ماسك فونه
نا ؛؛ حبيبي
مراد؛؛ اووووووو وين علي الجو هذا
نا ؛؛؛شن اعجبك
مراد ؛؛ اها حلو التنوره عليك
تو كنت نبي نتصل بيك نبيك اتجيبلي ادبشي
نا ؛؛ اها اهو جبته
مراد ؛؛ حول التيشرت امتعه وقرب مني يبي ياخذها
نا ؛؛ حبيبي تبي حاجه طالعه نبي انشوف
مراد ؛؛ انتي الدروج هذين تعبنك
نا ؛؛ عارف انحس في ظهري يوجع فيا
مراد ؛؛ نا انقولك بشويه علي روحك
نا ؛؛ هييييي صوت ماما
مراد؛ ؛ هلك جين
نا ؛؛ اها كلمتهم امبدري عمتي قالت كلميهم
مراد ؛؛ به عدي شوفيها
وطلعت نا وشفت ماما و رجاء
نا ؛؛ خير يا ماما
ماما ؛ خير كيف حالك ماشاءالله تبارك الله
نا ؛؛ وين ايمان
ماما؛ ؛ انتي عارفه احمد
نا ؛؛ اها به هيا تفضلن قعمزن
رجاء ؛؛ وين اميره
نا ؛؛ فوق قاعده قعمزي هنا مع ماما
رجاء ؛؛ باهي باحنه
طبعا غاده غمتلها لما شافت هلي جين
وهي هلها مش جينا
بس كان الحمل غالب عليها وامسكتها
وجو اعمامهم وخوالهم وعماتهم وخالتهن
وبعدها نا ركبت فوق
نا ؛؛ ماشاءالله طلعات كلكن اتجننن
لمار ؛؛ درت روج يااعميمه
نا ؛ عاد شورك الخبر هذا
هاجر ؛؛ ناس واجده لوطه
نا ؛؛ الاقارب بس
اميره هيا البسي الكعب وانزلي
ونزلت هاجر قدامنا
وهي تمشي خطوه بخطوه الخوف راكبها
وخشت وكل افتحو فمهمو عليها حتي هدي وعمتي وحنين
وخشت هاجر وقعمزت
هدي ؛؛ جتها وحكتلها في وذنها
تي من وينلك القفطان ايجنننن
هاجر؛ ؛ من اخت ايه امتعه يوم بيانها
هدي ؛؛ايهبل وطالعه حاجه متغيره بكل
حنين ؛؛ الله اكبر طالعه اتجنن
خالتي فاطمه؛؛ تحكيلي بصوت واطي
نعرف القفطان مار عليا
نا ؛ ههههههه عارفتك تو تعرفيه
ردي بالك تحرجيها
خالتي فاطمه؛؛ معقوله بنت خويا هي
خالت هاجر ؛؛ ماشاءالله يا هاجر وينه الكوافير اللي طالعه منه
هاجر ؛؛كوافير شقة مراد
الهام ؛؛ ماتقوليش ايه هي اللي درتلك ميك اب
هاجر ؛؛ ايه واختها اميره
خالت هاجر ؛؛؛الله اكبر كأنك ماشيه للكوافير
وسمعنا صوت التبيب بيييييييييب
حنين ؛ ولعن الاذاعه هيا علي الاخير
لووووووووووووووووووووووووو
وخشو العرب وسلمو وتمو ا يصفقو وايغنو وسلمت هاجر علي عمتها وحبت علي راسها
وبدينا نا وهدي وحنين والهام في التقديم وجتنا اميره وتمت اتساعد فينا
ولابسوها الدبله وطاقم الذهب اصغير حلو ولطيف وعطوها بداله وخشت هي واميره للدار وغيرت الابسه
اميره ؛؛ جت علي مقاسك البدله
هاجر ؛؛ شروها في هالصبح
اميره ؛؛ ليش مستعجلين هكي
هاجر ؛؛ امه بكره ماشيه للتونس اتعالج
اميره ؛؛ به هيا اطلعي
وطلعت هاجر وقعمزت جنبهم
وحطينا تباسي الموالح والرز والسلاطه ومعهن غازي
وبعدها شاهي ومكسرات
وروحو العرب كلهم واقعدو امغير هلي بس وخالتي فاطمه
خالتي ؛؛ يابنات كملن ابسرعه بيش انكلم خالكن
عمتي ؛؛ لا يابتي تو يطلعن ساد اميره تعبانها من الصبح المسكينه معنا
ماما ؛؛ ﻻ عادي بناتي غالي عليهن جو المناسبات ماايصدقن ايحصلن مناسبه
عمتي ؛؛ والله اليوم لوله ايه راه هاجر قاعده بعيونها المتورمات من البكي
خالتي فاطمه؛؛ كنها
عمتي ؛؛ ياحنه قالوها امس في الليل وهي معش اعرفت ماادير وامس لما روحت ايه واركبت ومعها مراد تحشمت تحكيلها ماصدقنا الصبح طلع بيش تركب هدي واتكلمها
خالتي فاطمه؛؛ عارفتها ايه صبايه
واطلعت هاجر ومعها نا من الدار
هاجر ؛؛ ها ماما شن رايك
عمتي ؛؛ ماشاءالله تبارك الله ربي ايهينك ويسعدك
هدي ؛؛ كله كوم ولما شفتك بالحنه والقفطان كوم تاني
هاجر ،؛ هههههه حتي نا انصدمت لما قالتلي اميره انحنيك
نا ؛؛ اميره شورها الخبر هذا
عمتي ؛؛ ربي ايهنيها ويفتحه في وجها
ماما ؛ ان شاءالله
عمتي ؛؛ عاطيتها صاح ياعيشه
ماما ؛؛ اها واخذها ولد اختي اقريب ان شاءالله البيان حتي نا واخذه منها بنتها
عمتي ؛؛ ماشاءالله متبادلات
ماما ؛؛ اها
ورن فون رجاء واطلعت رجاء في الجنان تحكي وجت وراها لمار
لمار ؛؛ رجاء عطني نحكي مع عمو
رجاء ؛ هههههههه سراج لمار تبي تحكي معاك
سراج ؛؛ كيف البنت كبدت ولا شنو
رجاء؛؛ مش منها من البوس
سراج؛؛ والله حانطه البنت هاتيه
رجاء ؛؛ تعالي هنا نحكو
لمار؛؛ خير ياعمو
سراج ؛؛ خير يالمار شن اديري
لمار ؛؛ عندنا دبله
رجاء ؛؛ ههههههههههه قصدها بيان
سراج ؛؛ لمار لمار
لمار ؛؛ نعم
سراج ؛؛ عاطي بوس ل رجاء وقوليلها مني
لمار ؛؛ هييييييييي عمو
وبحتت رجاء ولقت طارق ايبحت فيهن
رجاء صبت وطفت الفون وخشت تجري هي ولمار
طارق ؛؛ لمار تعالي هنا
لمار ؛ حي عليا حي عليا
وخشت تجري وراء رجاء وتندب
لمار ؛؛ حي عليا تو يضربني تو ايقولها ل بابا
نحن؛؛ هههههههههه
نا ؛؛ كنك شن دايره
رجاء بحتت في لمار وعظت فمها
واسكتت لمار ونا عرفتها طول ان كانت تحكي علي الفون
هدي ؛؛ بنت خويا وعرفتها اكيده كانت ادير في شيء كشفه
الهام ؛؛ تي وين رتاج
لمار ؛؛ في الشارع تلعب
الهام ؛ عدي كلميها
لمار ؛؛ عمو طارق بره ايشوفني
وخش مراد
مراد؛؛ السلام عليكم
والبنات الابسن عبايتهن وقعمزن
ماما ؛؛ خير يا مراد كيف حالك
مراد ؛؛ خير يا عمتي شن اخبارك
ماما ؛ اكويسه الحمدالله
مراد ؛؛ شن ترجو في خالد
نا ؛؛ ﻻﻻ خالي جاي
مراد ؛؛ وخلكم علي العشاء
ماما ؛؛ ﻻ وين تعشينا
نا ؛؛ديرن رز بالخاطه مع الموالح
مراد ؛؛ اها به صحه
خالتي فاطمه؛؛ اهو عيسي بره هيا يا بنات
ماما ؛؛ مع السلام وان شاء الله ديمه عامر بالافراح
عمتي ؛ سلمك وعقبال البنات
ماما ؛؛ ان شاءالله
وطلعو هلي
نا ؛ هدي ديرلي تبسي للمراد والله انحس في كرعيا تنفخن من الكعب والمشي
هدي ؛؛ به تريحي
غاده؛ ؛ عمتي نبب نركب نرقد
عمتي ؛؛:عدي مربوحه
طبعا عمتي قالتها وغمتلها لان ما عجبتهش حركة غاده انها اتقعمز كيف البرنيات صح هي خامل بس اتساعد اشويه
ودرتلي هدي سفره كامله فيها جميع الحاجات للمراد حتي الحلويات عشاء كامل
هاجر ؛؛ ايه هديتي اليوم لمار وحمادي يرقدو معي
نا ؛؛ هههههههه نجك
هاجر ؛؛ تركبي معاك لمار اتجيب التوته واتجي
نا ؛؛ هاجر خليهم هم اصلا تعبنين يبو ايرقدو طول
هاجر ؛؛ خلاص نا قالت كلمه
نا ؛؛ براحتك بينك وبين لمار كان تبي ترقد هنا باهي
لمار ؛؛ اها نبي نرقد هنا
نا ؛؛ طول بعتني
باهي هيا تعالي وراي بيش نعطيك الدبش
وركبت فوق
نا ؛؛ حبيبي
وجاني مراد
مراد ؛؛ نعم
نا ؛؛ خوذ السفره مني
وخشي لمار خوذي التوته امتاعك
وخشت لمار وخذت التوته وعطيتها غيار للحمادي
مراد ؛؛ كنه وجك هكي
نا ؛؛ تعبانه تعبانه بمعني الكلمه
مراد ؛؛ به غيري دبشك وتعالي تعشي
نا ؛؛ بعدك جيعاااتااانه
وغيرت دبشي وغسلت وجي وجيت قعمزت جنب مراد
مراد ؛؛ تو كان مانك عبيطه تو في وحده عروس تركب لعريسها لابسه اقصير ودايره ميك اب وتغسله واتقعمز جنبه بتوته
نا ؛؛ حبيبي تعبانه والله تو يعني جت علي اليوم هذا ما ديمه انتلابس
مراد ؛؛نجك
وكرني شوره و وكلني رز بالخلطه
وفي اخر فم صبيت غسلت ايدي وطحت رقدت طول علي السرير
صب مراد وشافني راقده شال السفره وظمها
وجاني وغطاني ورقد جنبي
وتاني يوم
وعيت وسمعت مراد يحكي علي الفون
وجاني في الدار ولاقني مازالت علي السرير
مراد ؛؛ تنباله كنك
نا ؛؛ متكسره انحس في روحي نبي نرقد اخري
مراد ؛؛ جاني
وطبس عليا وباسني
خلاص اليوم تريحي تو انجيب غداء من المطعم
نا ؛؛ به شكرا حبيبي
مراد ؛؛ مااتعوديش عليها واجد
نا ؛؛ هههههه به
خلاص هانت مازال اسبوع ويبدا الرمضان
مراد ؛؛ ان شاءالله كل سنه وانتي طيبه
نا ؛؛ وانت طيب حبيبي
مراد ؛؛ سلام
نا ؛؛:حبيبي خوذ معاك دبش للحمادي ولمار بيش تغسلهم هاجر
مراد؛ ايه كنك
نا ؛ باهي حبيبي علشان خاطري والله ما خاطري انصبي
مراد ؛؛ به
وطلع مراد وسكر الشقه وانا قعدت راقده لعند ساعه 12 صبيت غسلت وتوضيت وصليت الصبح وخشيت المطبخ مالقيتش حايس مشيت وخذيت الفوطه ورقدت في الصاله قدام تي في
وعلي ساعه 2 جاني مراد
مراد ؛؛ تنباله مازالتي
نا ؛؛ هههههه متكسره
مراد ؛؛ نجك ليا هيا غداء
وصبيت وتغدينا ولميت الحوسه وخشيت علي مراد في الدار
مراد؛؛ عاد امس سيبتك ترقدي وتو تعالي هنا
نا ؛؛ ههههه
وصب وكرني وطيحني علي السرير
مراد ؛؛ تي شن تاكلي انتي قاعده كل يوم تحلي
نا ؛؛ ناكل في العسل
مراد؛ ؛ هههههههه هيا ياعبيطه
نا ؛؛ مراد ما نحبهش الكلمه هذه
مراد؛ ؛ هههه انحبك
وطبس عليا وباسني و…………..
وبعد كم يوم اوعيت في الصبح بدري علي فون ايرن
مراد ؛؛ من علي الصبح هذا
نا ؛؛ تي وينه فوني
مراد ؛؛ صوته تحت السرير
نا ؛؛ نزلت لوطه وقعدت لوطه
مراد ؛؛ هههههه صبي احكي فوق
من اللي ايرن
نا ؛؛ يستر الله هذا رقم
مراد؛ ؛ رقم رقم من
نا ؛؛ مش عارفه
مراد ؛؛ هاتي انرد نا
نا ؛؛ ها حبيبي خوذه
مراد ؛؛ ايوه من معي
الرقم ؛؛ ايوه مراد معي
مراد ؛؛ اها تفضل
الرقم ؛؛ انا ……………
يتبع