مسلسل سعاده كاذبه التكملة

مسلسل سعاده كاذبه

الحلقه 57

وتاني يوم طبعا نزلت علي هدي والقيتها مرتبكه بكل مع ان الحوش مظموم وكل حاجه اموتيهن بس القيتها مرتبكه علي الاخير

نا ؛؛ سحب منك مراد الدم
هدي ؛ اها في هالصبح اتصدقي تحشمت منه واجد علشان التحاليل
نا ؛ عادي هذه سنه الحياه
عمتي ؛؛ ايه تعالي فتي معي المثروده بيش انوتوها للعشيه
نا ؛؛ هيا هيا
هدي انتي اليوم تريحي هنيني من حمادي ولمار بس
هدي ؛؛ حاجه ماعندي مااندير تو نقعد عليهم
نا ؛؛ نجك

وخشيت وتميت انساعد في عمتي نين جت حنين وهاجر والهام وانزلت غاده

وقعدنا انوتو نين اذن العصر والحوش تعبا
و سمعنا صوت سيارات ايبيبن

هاجر ؛؛؛تعالنا تعالنا انشوفو

وجينا نا والهام وغاده وافنان وتمينا انبحتو من عند الروشن

هدي ؛؛ هههههه ماعندك عليش اتبحتنا محمد مش جاي
هاجر ؛؛ عليش كنه
هدي ؛ ههههههه متحشم وقالي هلك ويعرفوني وخلاص

افنان ؛؛ نا نبي انشوف راجلي شن دخلني به راجلك

هدي ؛؛ هههههههه انور اكيده قاعد هو الاول
افنان ؛؛ اها اهو امصبي
حنين ؛؛ حولنا نبي انحق
الهام ؛؛ ماعندك ماتشوفي الرجاله خشو الشباب بس في الجنان
حنين ؛؛ ياخساره نبي انشوف عم هدي

الهام ؛؛ ومالك ومال عمها انتي
حنين ؛؛ هههههه غالين عليا

هاجر ؛؛ شوفنا اسامه كيف يحكي ومتخزرط
غاده ؛؛ حشومي راجلك
الهام ؛؛ انا مستغربه ان هو راجلك
هاجر ؛؛ هههههههههه حشومي تمغير قدام الناس والله لما نقعدو بروحنا نا بروحي ننصدم فيه جوه خيالي ورومانيسي ايجنننننننننن

نا ؛؛ هههههههه انتي امركزه علي الرومانسي
الهام ؛؛ هههههههه علي قصاد النيه صار جاي

هاجر ؛؛ ماامغير ايهبل ياخيتي رومانسي
خير حتي من مراد

نا ؛؛ هههههههه عيب

الهام ؛؛ ﻻﻻﻻ خلي مراد في حاله والله ماحد يغلبه حاتم مره اكبسه كبسه شينه

نا ؛؛ هههههههههه اهاااا نذكرها

الهام ؛؛ حتي في البحر كبسناكم وانتو علي الشط وعيشين حلظتكم
هدي ؛؛ وووو الموقف هذاك مازال بين اعيوني اتهبلو كنتو
الهام ؛؛ هيا انديرو القهوه هيا
غاده ؛؛ هيا
ومشن الهام وغاده اديرن في القهوه
افنان ؛؛ شن موقف البحر
هدي ؛؛ هههههههه تبي تعرفي
افنان ؛؛ اها شن
نا ؛؛ هدي عيب راه اساسا انا مش عارفه كيف شفتينا
هدي ؛؛ هههههههه

وجتنا لمار تجري
لمار ؛؛؛هيييييييييي عمو خالد
نا ؛؛ وينه بره
لمار ؛؛ اها هو وعمو عادل
هدي ؛؛ بنت خويا هذه كان تشتغل مراسله خيرلها
هاجر ؛؛ اها اهو خالد ايهدرز

هدي ؛ نجيه ل امل لوله راه فاتحتي ما يوم بكل هو اللي نسق وحكي مع مراد

وخش طارق
طارق ؛ ياهاااااااجر ياحقيره
هاجر ؛؛ انصدمت وبرمت وبحتت فيه

طارق ؛؛ كنك قاعده علي الروشن دوتك كلها سمعت

كلنا ؛؛ بحتنا وانصدمنا وقعدنا نرجو في ردت فعله

طارق ؛؛ المشكله كلكن صبايا رجاله وحق ربي لوله رجالتكم نبدا فيكن

افنان ؛؛ تمت اتهرب وتمشي بشويه
مسكها طارق من دبشها

طارق ؛؛ انتي بذات خاطري نضربك
افنان ؛؛ ههههههه كنت انشوف في انور
طارق ،؛ واتقولي فيها في وجي

نا ؛؛ خلاص طارق حرام
طارق ؛؛ تو خشن وتنا مع امي المثروده

نا ؛؛ هيا هيا قدامي يابنات

ومشينا وتمينا انوتو في اسفر المثروده

وسمعنا صوت طلق وتبيب وتعلي صوت رجاله مره وحده وايخش علينا مراد

مراد ؛؛ انقريت الفاتحه

الصبايا ؛؛ لووووووووووووووووووووووووووووووووووليا لووووووووووووووووووووووووووووووووووليا
هدي ؛؛ كانت امصبيه جنبها الهام طول تمت تضبط فيها وتبكي
الهام ؛؛ ياهبله فاتحتك هذه

نا ؛؛ بحتت في مراد وتميت انفص نبيه يطلع

مراد ؛ اديرلي في حركه بحواجبه معناها شنو

نا ؛؛ طلعت لجنان الخلفي وكريت من يده بره

حبيبي عيب امصبي في وسط الصبايا ولابسات عريان
مراد ؛؛ هههههه والله ما فطنت
وقرب مني ونزل راسه عليا
شن انتي اتغاري عليا

نا ؛؛ درتله حركة اخشيمي وحكيت خشمي علي خشمه
اكيده املاه تبنيش انغار
مراد ؛؛ باسني بوسة خطف
ﻻﻻ نبيك هكي اتحبني واتغاري عليا

وخش طارق ومعه خالد ايخششو في القاتو من لاوره
طول ابتعدنا من بعضنا نحن وبحتنا فيهم

نا ؛؛:خيرات خالودي
خالد؛ ؛ اهلا ويه
طارق ؛؛ حط القلتو في المطبخ وطلع ولقي خالد امصبي معنا خذ منه القاتو وخششه
طارق ؛؛ هيا المثروده ابسرعه
الهام ؛؛ هي هي تعالو خوذو
طارق ؛؛ خلاص تو انكلم معي الشباب
وطلع طارق علينا
طارق ؛؛ ايه خشي نبي انكلم الشباب بيش ايشيلو معي
نا ؛؛ به حاضر
ومشيت وخشيت وخالد ومراد مشو للمربوعه

وخش طارق وقعد ياخذ ويعطي في للشباب بره ومنهم انور
وافنان اتحاول انها تطلع بيش اتشوفه
طارق ؛؛ افنان بلا حركات زايده وخشي جوا
انور ؛ ﻻ ترحمو ولا اتخلو في رحمة ربي تنزل
طارق ؛؛ ههههههه عازق اوذنك عاد انت
انور ؛؛ هههههه خلاص ماعاد فيها
طارق ؛؛ به هيا شيلو هيا
ومشي طارق وطلعت وراه افنان تمت اتبحت في انور
انور حس في وحده اتبحت والتفت والقها افنان
وتمه ايوخر بشويه بشويه بيش ايسلم علي افنان
وطارق يمشي ويحكي ومش فاطن او داير روحه مش فاطن

وافنان تمت اتبحت في انور ايوخر جاته بسرعه
انور : تي وين علي هالسماحه
افنان ؛؛ طارق
انور ؛؛ تي صاحبي وعارفه بالعني عزقلي الحوله
افنان ؛؛ نجك ليا والله اتهبل وانتي تشتغل واتهدرز مع اصحابك
انور ؛؛ وين شفتيني
افنان ؛؛ عند الروشن
انور ؛؛ نقاني سمعت كلام طايش
افنان ؛؛ هههه اها نا وبنات عمي
انور ؛؛ نجك وقرب منها ومسك يدها
افنان انتي متحجبه

افنان ؛؛ ﻻﻻ في عيلتنا عندنش فيه الجو هذا
انور ؛؛ ﻻﻻ حبيبي حجاب معش نبي حد ايشوف شعرك حرام
افنان ؛؛ حاضر مع ان نحن في العائله عندنش فيه بكل جو المحارم
انور ؛؛ هذه مادخلش في جو العائله هذا فرض من ربي وحرام راجل محرم عليك ايشوف شعره من شعرك
افنان ؛ ؛حاضر ياحبيبي من اعيوني
انور ؛؛ يسلمني اعيونك خلاص راه نبي البيان تو
افنان ؛؛ بعد بيان هدي احسن بيش ماحد فينا اتغطي علي الاخره
انور ؛؛ به خلاص خشي اكيده طارق ايغطي عليا بره قدام خوتك
افنان ؛؛ باهي
وقرب منها انور وباسها علي راسها
انور ؛؛ انحبك ياحلالي وخذيتك خذيتك غصبنا علي الدنيا كلها
افنان ؛؛ نجك ليا
ومشي انور وطلع

وخشت علينا افنان
هاجر ؛؛ ههههه حصلتي جرعه
افنان ؛ اتصدقنا اول مره نحكي معه هكي
هدي ؛ ههههههههه اهو محمد ايرن انصبي انشوفه
هاجر ؛؛ ﻻﻻﻻ تعالي احكي قدامنا
هدي ؛؛ هههه تحشمنا

ومشت هدي وخشت للدار وافتحت علي محمد

محمد ؛ عليا الطلاق عليا الطلاق عليا الطلاق
انحبك انحبك انحبك
هدي ؛؛ ههههههه من اولها هكي
محمد؛؛ انحبك يافرخه 8 سنين راهن لا سنه ولا اثنين
هدي ؛؛ انحبك وانموت فيك لانك خليت حبنا حلال
محمد ؛؛ تي ماصدقت حصلتك ياعمري كله انتي
هدي ؛؛ حبيبي بيش يوم الجمعه الجايه اتخش اتسلم عليا واتلبسني انت
محمد ؛؛ والله كان هلك قالو باهي خلاص حاضر
هدي ؛؛ به تو سلام تبي انشوف الحوسه
محمد؛ ؛ نا قاعد في الحوش اوحدي معي الصبايا اصحابي كلهم عندكم واليوم في عشاء عندي

هدي ؛ اهاا دارو جو ايجننننننننننن وتو ياكلو في المثروده

محمد ؛؛ هههههه باهي سلام
هدي ؛؛ نسالك اميره عندكم
محمد ؛؛ اها امبدري شفت عمتي عيشه جيتنا ومعها اميره بس
هدي ؛؛ اهااا به اصلا نبي انهزبها قالتلها تعاليلي
محمد ؛؛ههههه حق الجار علي جيرانه
هدي ؛؛ باهي ياحبيبي تو اتشوف المهم يوم البيان انجيبها من الصبح هنا عندي

محمد ؛؛ هههه به سلام

وصكرت هدي وجتنا في المطبخ ونحن انلمو في الحوسه

هدي ؛ الحقيره اميره قالتلها تعالي عندي هنا فاتتني ومشت لهل محمد
نا ؛؛ هههههه اكيده متحشمه من عمتي مبروكه والبنات

هدي ؛؛ والله يوم البيان من الصبح وكان مابيتتها معانا اخري
هاجر ؛؛ههههه بعدك جوها ايجننن حتي رجاء والله ايباتنا انبات حتي نا

نا ؛؛ ساهله ان شاءالله خير

وروحو العرب وكلنا روحنا
ونا طبعا قعدت ساهره مع هدي وهاجر فوق عندي في الشقه
هدي ؛؛ راجلك وين هاجر
هاجر ؛؛ قالتله عدي اسهر مع جماعتك وامتي ما اتكمل تعال روح بيا

نا ؛؛ هههه جت بصدفه صار

هاجر ؛؛ امريفه علي هدرزتنا هذه والله

نا ؛؛ صاح الهدرزه في حوش الاهل مستحيل ايتعوضن اجمل اوقات

هدي ؛؛ اييييي انتن اتحسسنا فيا الزواج مش حلوه

نا ؛: ﻻ هو حلو واستقرار وحب وجوه ايجننن بس لحظاتك البي مع الاهل مايتعوضنش يغلنا اخري تخيلي تقعدي كم سنه وانتي عايشه في مكان وهم اقرب ناس لكي وفجاء تلقي روحك في حوش تاني وفي عائله جديده

هاجر ؛؛ عارفه ياويه اتصدقي مش انتي جديده عندنا يعني مازالنا ماخذينا عليك بس والله خاشه لخاطري اتقول اختي انتي وخواتك فيكن حاجه حلو اتشدن الناس شوركن بجوكن اللي ايهبل

نا ؛؛ نجك لبا والله حتي انتن عارفه ايمان ديمه اتقولي ان شاءالله يقعد جوي حلوه كيف ماانتي جوك مع صبياتك

هدي ؛؛ به وخوات محمد شن جوهن
نا ؛؛ بنات كيفهن كيفنا
هاجر ؛؛ اهو اسامه ايرن معناها لوطه
هدي ؛؛ حتي تا نبي ننزل معاك نعسانه ومحمد شكله ح ايطول اخر ونا مش فضيتله بكره وراي سوق
نا ؛؛ بكره ماشيه
هدي ؛؛ امبدري حاتم قالي تو انشيلك نا
نا ؛؛ اها به
هاجر ؛؛ تصبحو علي الخير
نحن ؛؛ وانتي بخير

ونزلنا ومشي الوقت ونا طبعا رقدت وعلي ساعه 8 جا مراد درتله فطور ورقد طول وماوعش الا ساعه 3 قايله

شفته تحرك عرفته وعي صبيت وجيته وجيت فوقه

ونزلت عليه ودرتله حركة اخشيمي وبصوت بيبي

نا ؛؛ صح النوم
مراد ؛؛ هههه طولت
نا ؛؛ ههههههه بكل حبيبي
مراد ؛؛ وين العويل وين حسهم
نا ؛؛ راقدين لوطه انت عارف يوم نومك ايكونوو لوطه بيش انت اتريح

مراد ؛؛ يعني جو حلو
نا ؛؛ هههه شن قصدك
مراد ؛؛ مسك فيا بقوه وثبتني فوقه
معناها نبيك
نا ؛؛ هههههه سخيف
مراد ؛ رفع راسه وباسني
نا ؛؛ بيش حالم
مراد ؛؛ بحت فيا وعض فمه اللي تحت
ورفع روحه وقعد امقعمز وخلني امقعمزه علي كرعيه
ونا نقدر نحلم بغيرك
نا ؛؛ انحبك
مراد ؛؛ واجد
نا ؛ واجد بكل بكل
مراد ؛؛ ربي مايحرمني منك
واضبطني بقوه وقلبني وجا فوقي
انتي كل يوم تسمحي ولا شنو

نا ؛؛ هههه كني
مراد ؛ هههه رايحه سامنه اشويه
نا ؛؛ هييييي صاح
مراد؛ وزايده حلاوه اخر
نا ؛ تبنيش ننقص
مراد ؛؛ ﻻ هو كنك تسمني اكيده ح انقولك نقصي راه نا الجسم الرشيق انحبه نكذب عليك لو ماقالتك ان مايهمنيش الجسم

نا ؛؛ هههعه عارفتك اتحب عارضات الزياء
مراد ؛؛ ههههههه من اللي قالها لكي
نا ؛؛ عرفتها وفضت
مراد ؛؛ نا طويل وديمه انحب العارضات لانهن اطوال ويمشن معي بس شن اندير ربي طبابني في وحده اقصيره وماانتحمل فيها حاجه

نا ؛ ياعيني انت يااصويع
مراد ؛؛ ههههههه انحبك والله ماني صايع الا مع حلالي بس
ونزل عليا وباسني و……..

ونا قاعده في حضنه وهو لف عليا الوريغان ويلعب علي شعري

نا ؛؛ عارف اجمل ايام حياتي عشتهن معاك عايشه معاك اجمل قصة حب علي كثر ماكنت خايفه منك ورافضتك حبيتك وماني متحمل يوم بلاك ساعه بلاك والله ماني كنت عايشه قبلك
وجيت علي قصاد وذنه وهمستله
همسه رومانسيه
انحبك انحبك انحبك
مراد ؛؛ ونا انموت فيك وربي مايحرمني منك

نا ؛؛ اكيده جيعان صاح
مراد ؛؛ رفع حاجبه
اكيد بكل
نا ؛؛ خلاص خلني انصبي ندوش بيش انسخن الغداء
مراد؛؛ به
وحبني علي راسي ونا مشيت وادوشت ولابست سروال احمر وعليه تيشرت ابيض وفوقه طرف خريفي امخطط ازرق وابيض ومشيت انسخن في الغداء
وجاني مراد
مراد ؛ وين علي جو الاحمر
نا ؛؛ ههههههه قديم عندي في حوش هلي كان غادي
مراد ؛؛ تبي دبش شتوي
نا ؛: حاليا حاليا ﻻﻻ خلي الشتاء ايخش اشويه وبعدين مرات نحمل الشهر الجاي بيش بالمره اللي نشريها واسعه
مراد ؛ خلاص امتي ماتبي قوليلي نا نبي نشري جاكه وكم سوريه
نا ؛ اكتر حاجه عندك الجاكات
مراد ؛؛ ههههه انحبهن عندي نلابس سوريه وجاكه خير ما نلبس حاجه شتويه غليظه

نا ؛ عارف ذوقك في الدبش ايجنننن ومش لسنك بكل وامصغرك اخر

مراد ؛؛ هههههه شن اتحقي فيا شايب
نا ؛؛ ههههه ﻻﻻ مش هكي
مراد ؛ ها به
نا ؛؛ تعال قعمز تغداء وراك عياده
مؤاد ؛؛ ﻻ قالتلهم ح انجي ساعه 6 او 6ونص لعند 9 قاعد غادي
نا ؛؛ انت اطول في العياده
مراد ؛؛ الله غالب بيش نستقبل عدد مرضه اكتر وماعندي مااندير انروح ساعه 9 او 9نص نقعد هنا او عند الجماعه
نا ؛ نجك ليا

تغدينا وكملنا الغداء ومراد خش وغير دبشه ودرتله قهوه وشربها
ونا درت ميك اب وخذيت كيكات وعصير ودرت فنجال كاكو بحليب وخش عليا مراد

مراد ؛؛ نازله بها
نا ؛ اها نازله بها لاعميمه اكيده قاعده ماسكه العويل
مراد ؛؛ نجك ليا
تبي انجيبلك حاجه
نا ؛؛ نبي خضره
مراد ؛؛ شن بالزبط
نا ؛؛ اي نوع خضره جيبها ﻻن خاطري في عصبان
مراد ؛؛ باهي تو انجيبلك كبده اخر
نا ؛؛ نقانك اتهبل هذه اجمل حاجة
ونزلنا والقينا اعميمه قاعده في الصاله امقعمزه وامسكر الباب علي خاطر لمار وحمادي

مراد ؛؛ خير يامي
عمتي ؛؛ خير وين النومه هذه
مراد ؛؛ مش راقد بكل
عمتي ؛؛ ربي يعطيك الصحه
مراد ؛؛ امي نبي انجيب خضره تبي حاجه انتي
عمتي ؛؛ كانك تكيت علي امتع الحم جيبلنا مفروم تبيه هدي
مراد ؛؛ به بس
لمار ؛؛ بابا نبي موز
مراد ؛؛ به تو انجيبلك
وطلع مراد ونا قعدت انهدرز مع عمتي وصبيتلها كاكو وقعدنا مع بعضنا نين ظلمت الدنيا
وخشت الهام وهدي شريات قفطانين وبدله وعبايه واتوت واروب وميك اب كامل

نا ؛: ماشاءالله تبارك الله كيف هذين دبشهم

هدي ؛؛ اها جا اليوم في الصبح محمد وعطاني افلوس قالي اشري حاجتك كلها ونا تو انجي ناخذهن وانزيهن في صناديق

نا ؛؛ اها باهي
عمتي ؛؛ والذهب
الهام ؛؛ الذهب شورهم هم
هدي ؛؛ هو خاطره يختارلي الدبله والطاقم اليوم عطيته خاتم بيش ايجيبلي نفس المقاس ونا اليوم شيرت دبله فضه له

نا ؛؛ كذا
هدي ؛؛ اهي
نا ؛ اتجنننننننننننن بس كبيره واجد
هدي ؛؛ هههههه شن انديرله ايديه اكبار
الهام ؛؛ ويه ولا تصغري جواعه نحن
نا ؛؛ نا اموتيه سفره للعصيره ماعليكن
الهام ؛؛ انعنك ماتغيبي
لمار امكسده تعالي هنا
لمار ؛؛ وين رتاج
الهام ؛؛ عند عيت جدها

وخشيت نا انوتي في سفرة عصريه خفيف وشلتها وقعمزنا وايخش علينا حاتم

حاتم ؛؛ ليش ماكلمتوني
الهام ؛؛ ههههه نحسابك عديت
حاتم ؛؛ ﻻ قاعد بره نا نحكي مع جارنا
هدي ؛؛ لحق ولاه ماتحلقش هيا
وجا وقعمز جنبنا

وكملنا ولمينا الحوسه
ومشي يوم وراء يوم وجا يوم الخميس

هدي ؛؛ اميره وينك
اميره ؛؛ كنك
هدي ؛؛ نا مش قالتلك اليوم اتجيني بكره بياني ياهمي
اميره ؛؛:هدي حبيبتي اليوم نامريضه نقدرش انجي
هدي ؛؛ من جدك يااميره تحكي انتي معقوله
اميره ؛؛ الله غالب عدي احجزي في كوافيره وخلاص
هدي ؛؛ اميييييييييييييييره تحكي جد انتي نا عابيه عليك جايبه الصبغه
اميره ؛؛ هههههههه باهي باهي سكري خالد قاعد ايبيب يرجا فينا
هدي ؛ جايه تو
اميره ؛؛ اهاااا هيا سكري
هدي ؛؛ نجك ليا هيا هيا سلام

ونحن مقعمزات في المطبخ الخارجي وانجيرو في بوريك و شيش

الهام ؛؛ شن جايه تو
هدي ؛؛ ردت فيا الروح نحسابها صاح تبيش اتجي اها قالتلي جاين شكلها معها البنات

نا ؛؛؛كلا ايمان مستحيل ناعارفتها

هاجر ؛؛ اكيده رجاء

نا ؛؛ اها ممكن
وخشت علينا

غاده ؛؛ هدي نا طالع تو مع منتصر تبي حاجه ناقصه
هدي ؛؛ سلامتك
غاده ؛؛؛نا طالعه نبي نشري لابسه واسعه اشويه
هدي ؛؛ مبروك مقدما

وخش طارق ؛؛ غاده منتصر يرجا بره
غاده ؛؛ اني طالعه

طارق ؛؛ في شن اديرن
الهام ؛؛ في بوريكه وشيش

طارق ؛؛عادي ناخذ طبعا
حنين ؛؛ خوذ اصحيحه
الهام ؛؛ تو ايكمل بعدها
طارق ؛؛ باهي يا الهام
راه نا جيعان نبي حاجه ناكلها

هاجر ؛؛ مش فاضيلك نحن
طارق ؛؛ صبي انتي ياهدي بدال ما اطبقي في المندايل
هدي ؛ هههه ﻻﻻﻻ نقدرش امحنيه نا
انا ؛؛ لمار افتحي الباب اكيده خواتي
لمار ؛ باهي
وطلعت لمار تجري
طارق ؛؛ وين امي
هدي ؛؛ في لمه ماتقول عندها بكره بيان بكل
الهام ؛؛ وشن تبي ادير مثلا وكان قاعده
هاجر ؛؛ هههه انتي عارفه ماما يوميا اطلعو

اميره ؛؛ لووووووووووووووووووووووووووووووووووليا
هدي ؛؛ ههههه نجك ليا
وصبت وتمت اتسلم عليها والتفت طارق ولقي اميره ورجاء ايسلمن

قالهن السلام عليكم

الهام ؛؛ طارق هيا اطلع البنات عيب
طارق ؛؛ مانيش طالع نين وحده اتصبي اديرلي حاجه ناكلها

هدي ؛؛ وراس طارق ماادير حاجه في المطبخ الجواني خلاص لمينه وكملنه حتي بكره مانبو انطبخو فيه

طارق ؛ معناها صبي ديرلي حاجه ياعنجد كده مطبخ امعبي الصبايا ولا وحده فيكن صبت ادير

نا ؛؛ تو انصبي نا خلاص
رجاء ؛؛ وانت ليش داك راسك بين الصبايا
طارق ؛؛ بحت فيها برفعت حاجب
وانت شن حما رزك
رجاء ؛؛ صبيت اختي المسكينه
نا ؛؛ ارجيوه خلاص تعالي معي هنا

اميره ؛؛ هيا هدي جو في الحوش بيش نبدو
هدي؛؛ هيا
وخشنا هدي واميره للحوش وبدنا في الصبغه طبعا هدي اتحب لون الاسود دارت شعرها لون اسود اخر وفتله وحواجب واشوية اقنعه

وطارق درتله سندويش وطلع هو ياكل فيه في الجنان
ولما كمل صب يبي يطلع جاته رجاء

رجاء ؛؛ طارق طارق
طارق ؛ التفت واستغرب الصوت كيف هادي
نعم
رجاء ؛؛ نبيك اشويه
طارق ؛؛ تفضلي
رجاء ؛؛ مدتله علبه اللي فيها السلسله
طارق ؛؛ شن هذه
رجاء ؛؛ نزات راسها لوطه
هذه حاجتك اللي جايبها ليا
طارق ؛؛ ماانتي قالتيها جايبها لكي

رجاء ؛؛ طارق نقدرش نستقبل هدايا نا
طارق ؛؛ بس هذه مش هديه هذه حاجه واغلطت فيها جيت نبي انصلحها بس جبتلك وحده

رجاء ؛؛ بس مهما ايجني بديل لها مستحيل اتجي كيفها
طارق ؛؛ نا درت اللي عليا صلحت غلطي وجبتلك بديل
اسف ماكنتش نحساب انها اتعز عليك بدرجه هذه

رجاء ؛؛ طارق نا نبيهش
ومدت يدها اخر

طارق ؛؛ انا اللي نعطيها معش انرد وناخذها نا جبتها لكي انتي وانتي حره فيها تبي تلبسيها اتقطيعها تعزقيها براحتك هي حاجتك

رجاء ؛؛ به كيف اتقول ل ايه قولي ل رجاء تفتح الباب
طارق ؛؛:نا قالتلها جايب شنطة رجاء وهي قالتلي نا نقدرش نطلع عليك تو انقوللها تطلع عليك انت

رجاء ؛؛ اها به شكرا ياطارق
طارق ؛؛ شن تبي تلبسيها
رجاء ؛؛ ﻻ نبي نعطيها للمار
طارق ؛: نلقها عندها انكسرك
رجاء ؛ هههه مش عارفني انت
ومشت وسيباته

وجتنا

الهام ؛ وين كنتي هايمه
هاجر ؛؛ الجماعه ابرمت علي طارق شكلها

رجاء ؛؛ ههههه والله سامطات لا والله كنت انقوله كيف اتكلم ايه واتقولها خلي رجاء تفتحلي الباب

نا؛؛ بحتت فيها وانصدمت
رجاء ؛؛ ها ياايه شن ردت فعلك

نا ؛؛ هههههه نا بالعني قالتلك هكي بيش تفتحي هو قالي جايب شنطتها وانا فكرت نطلع بس اذكرت ان احمد في المربوعه وح نطر اني انخطم عليه وانسلم عليه ومراد مايبيش اي احتكاك

رجاء ؛؛ ونا حطيتني في المدفع لا واخر تسالي وكانك مش عارفه

شن كنه طارق
وهي اتقلد في صوتي

نا ؛ ههههههههه خلاص
هاجر ؛؛ اطروح والله
رجاء ؛؛ بنات هيا انصفقو
نا ؛ نا لما عرفتك جايه عرفتك رايقه

رحاء ؛ تي شن هالشعب الخايب كان قعدت انهزب ودايره جو شين اتقولو جايتها حالتها وكان ضحكت وانبصر اتقولو كنك شن صايرلك

هاجر ؛؛ ههههههههههههههه فوتيهم وتو انجيب نا الدربوكه ونبدو في الشطيح

رجاء ؛ هيا هيا
الهام ؛ واخير كملنا

وكملنا الحوسه وبدينا اندربكو واطلعت هدي واميره وتمن ايصفقن معانا
ودرنا جو لعند العشاء جو الرجاله تحشمنا ووقفنا
تعشينا
وكملنا الحوسه وروحنا خواتي ونا ركبت فوق بالعويل ورقدتهم
ودرت الحمام وخشيت لسرير وجاني مراد
مراد ؛؛ تعبانه شكلك
نا ؛؛ بكل
مراد ؛؛ شن الحلويات اكويسات
نا ؛ اها ايهبلن
مراد ؛؛ به تريحي حبيبي
نا ؛ انفكر في وعيت بكره بدري
مراد ؛؛ ههههههههه تنباله

ورقدت واوعيت تاني يوم
وطول دزيت العويل لخواتي مع ان مراد مش موافق بس لما شافني تعبانه ومش فاضيه وافق
وهو اللي شالهم
ونا نزلت وساعدتهن علي الغجاء وتغدينا ولمينا الحوسه وساعه 2 ونص جت اميره ورجاء
واميره طول بدت في هدي ورجاء اقعدت اتساعد فينا
وبعدها ركبت نا ورجاء والقينا اميره شبه امكمله
نا ؛؛ اووو درتيلها انتي العيون
اميره ؛؛ اهااا بديت فيهن وهي عجبتها وكملتهن
نا ؛ ها هدي راضيه علي روحك
هدي ؛؛ اكيده
اميره ؛؛ هي انلابسك القفطان بيش اتقعمزي واديري منوكاير معش في وقت خلاص
هدي ؛ هيا
ولابست
هدي قفطان اللي شريته وكان احمر وابوج واقصير
رجاء ؛؛ ايجننننن بكل
هدي ؛؛ محمد هو اللي قالي خوذيه اقصير
رجاء ؛ يبي ايخش
هدي :؛ اهااا بس كارق مازال ماقالنها له حاتم يبي ايحطه تحت الأمر الواقع
ودرتلي نا رحاء استشوار ودرتي لروحي ميك اب ولابست بدله رسمي وكعب ونزلت والقيت الحوش امعبي
ونزلت وراي هدي وقعمزت وجو عربها وولعنا الاغاني بصوت عالي ونشي البيان ايجنن نين جا وخش محمد
كانت الحظه اتجنننن
وكان لابس بداله
لابسها الدبله وقصو التورته ووكلها وطلع

وجا بيان ايجنننننن علي قصاد نيتها

وروحو العرب
ومشي يوم وراء يوم
وجا يوم اللي ايمان روحت من المدرسع منهاره وتبكي
ماما ؛ هييييييي كنك ياايمان شن في
رجاء ؛؛ بنتك عذه تبي تربايه تعبت والله تعبت راه منها
ماما ؛؛ تي كنك شن في
ايمان ؛؛ ……….

يتبع