مسلسل سعاده كاذبه التكملة
الحلقه 56نا ؛؛ رجاااااااااء
رجاء ؛ تي من اللي بره اللي اتسرخ علي خاطرهوجت تبي تطلع رجاء
احمد ؛ خوذي في يدك امل
امل ؛؛ مانيش طالعه
احمد ؛؛ تطلعي انقولك الاسئله تو اندزهن رسال ل ايمان
امل ؛ ﻻﻻ ايمان اتمحقنا دزهن ل اميره
احمد ؛؛ هههههههه باهي
وطلعت رجاء وهي لابسه توته ولافه شعرها فوق ومش عارفه لمن تفتحت
وافتحت ولقت قدامها طارق
رجاء ؛؛ بسم الله الرحمن الرحيم
كنك
طارق ؛؛ ههههه كني شن اتشوفي في جن ولاه شنو
رجاء ؛؛ شن جيبك هنا
طارق ؛؛ جايبلك الشنطه ياهمي
رجاء ؛؛ يييييييييي انسيتها
طارق ؛؛ هبله املاه مش امدوره القرايه انتي
رجاء ؛؛ تو روحت ومازالت ما دورتها
طارق ؛ به خوذي وارجيني جايب حاجه في السياره
رجاء ؛؛شن
وخذت الشنطه
ومشي طارق للسياره وفتحها ورجاء طلعت راسها وتمت ترجا فيه
وهو طلع طبق القاتو
وبرم وجه وشاف رجاء امطلعه راسها
جاها ابسرعه ودفها جو
طارق ؛؛ تي كنك طالع هكي انتي
رجاء ؛؛ تي اهاااا لم مكسورتك وانت ماعندك فيت اتمد فيها
طارق ؛؛ تو شن تبي طالعه بره في الشارع
رجاء ؛؛ انبحت فيك
طارق ،؛ معش تطلعي خلاص
خوذي هذين قرعتكم من فاتحته صاحبي وبنت عمي
رجاء ؛؛ هيييييييس قصدك صاحبك واخذ بنت عمك
طارق ؛؛ اهااااا كنك
رجاء ؛؛ طيح سعدهم كانو ديرلك اقرون عيني عينك دايرن علاقه
طارق ؛؛ فنص فيها وخش جو للجنان اكتر ومسك يدها وشد عليها
شن قالتي انتي
رجاء ؛؛ تي حول راه ماسكتلك الا واجد
طارق ؛؛ مره تانيه معش اتقوليها الكلمه اللي تو واعرفي روحك مع من تحكي
رجاء ؛؛ عارفه عارفه نحكي مع واحد متخلف
طارق ؛؛ رفع يده جاي يبي يضربها وشد يده
رجاء ؛؛ لما شافت يده خافت منه وانصدمت واسكتت
طارق ؛؛ والله ماني ماسك روحي الا علشان بنت بس
رجاء ؛؛ اعيونها تعبن ادموع
طارق ؛؛ خشي جو ومعش انشوفك فاتحه الباب هكي بمنظرك هذا
رجاء ؛؛ حطت شنطتها علي كتفها وخذت القاتو من يده
حاجه اتخصني هذه
وبرمت وجها وجت تبي تمشي
مساكها طارق من شعرها شوره
رجاء ؛؛ اهااااا شعري ياعن شكلك
طارق ؛؛ تحترمي نفسك مره تانيه او لا
رجاء ؛؛ والله انقولها لمراد
طارق ؛؛ وحده بوحده
رجاء ؛؛ به اطلق يدك
طارق ؛ قرب منها وتم ايشم في بنتها وكان خاطره اتكون هكي اقريبه منه
رجاء من كتر ما يوجع فيها شعرها تمت تبكي
طارق فطن لروحه ان شاد علي شعرها وطلقها
رجاء ؛؛؛تمت تبكي وامصبيه واتبحت فيه
طارق ؛ لما شافها تبكي وجعاته
خلاص اسف
رجاء ؛؛ وهي تبكي وبصوت بيبي
انت ليش اتحب اديرلي هكي
طارق ؛؛ انتي اتعاندي فيا
رجاء ؛؛ شكرا ياطارق
طارق ؛؛ خشي ومعش انشوفك هنا
وبرمت رجاء وجها وهي تمشي وتمسح في ادموعهى افطنت باب الشارع معش انطبق
وقفت وبرمت ولقت طارق امصبي وايبحت فيها
طارق ؛؛ في حاجه في الشنطه شورك انتي
رجاء ؛؛ شن
طارق ؛ تو تلقيها
وطلع وصكر الباب
وخشت رجاء علينا
نا ؛؛ كنه طارق
رجاء ؛؛ انتي شن عرفك ان هو
نا ؛؛ تو كلمني وقالي خلي رجاء تفتحلي الباب
رجاء ؛؛ همجي بكل كلا هو
نا ؛؛ هههههه شن جايب هذين
رجاء ؛؛ اها قال فاتحته صاحبي وبنت عمي
نا ؛؛ اهااا صاح
عمتي ؛؛ والله فيه الخير اللي امذكرنا
رجاء ؛؛ شنطتي كانت عنده في السياره هذا عليش جاي
نا ؛؛ شن تبي في سيارته
رجاء ؛؛ كانت امعبيه اكتبات وكراسات وهو خذها علشان ثقيله امبدري في المستشفي
اميره ؛؛ عيني ياعيني
خالتي فاطمه؛؛ والله فيه جو طارق هذا
نا ؛؛ هههههه بكل جوه ايجننن
رجاء ؛؛ فرقت اجنونه
نا ؛؛ ههههه انتي مش عارفه كيف لما يقعد ايهدرز تطربقي من الضحك
اميره ؛؛ هيا راه نبي اندير العشاء شن تبو
خالتي سالمه؛؛ ديرلنا حاجه قديد
اميره ؛؛ شن تبو
دعاء ؛؛ امقطع
امل ؛؛ رجاء
ايمان واحمد مازالو قاعدين
رجاء ؛؛ اها
امل ؛؛ تو نطلع انشوفهم
نعيمه ؛؛ زايطين عيت ايمان
رجاء ؛ ﻻ اله الا الله
سبحان الله العظيم
خالتي فاطمه؛ به شن صار بعدها ياسالمه
خالتي سالمه ؛؛ ياحنه
……..
تمن ايغيرن في الموضوع ومشت رجاء اتحط في القاتو في الثلاجه
…..
ايمان ؛؛ حبيبي تو يفطلونا
احمد ؛؛ ماحد قاعد
هيا عطني كيف ماتعطي فيا في الفون
ايمان ؛؛ والله انتحشم
احمد ؛؛ تعالي هنا وكرها وقعمزها علي كرعيه
ايوه هكي نبيك
ايمان ؛؛ حبيبي عيب
احمد ؛؛ حلالي
ايمان ؛؛ به خلني امقعمزه جنبك مش فوقك
احمد ؛؛ قرب منها وباسها بوسه حلوه نين هي اضعفت بين ايديه
حبيبي شدي روحك كنك
ايمان ؛؛ انحس في روحي دايخه
احمد ؛؛ ههههه نجك ليا
ايمان ؛؛ هيييي حس الباب
وحولت ايمان وقعمزت جنبه
وخشت امل
امل ؛؛ هههههههه اسفه
ايمان ؛؛ هههههه كنك
احمد ؛؛ متخزرط بكل
عارفه علي خشتك هذه مانك واخذه الامتحان
امل ؛؛ هههههه نا جايه نبي انقوللكم خالد جاي
ايمان ؛؛ هيييي صاح وينه
امل ؛؛ نا ماقالتلش اني جايه هو تو رن عليا بصدفه وقالي في طريق نوصل للحوش وانكلمك
رجاء ؛ ها شن صار
احمد ؛؛ شوفي الاخره جت
ايمان ؛ مصلحيجات هذين
رجاء ؛؛ حس خالد جا
امل ؛ صااااح تو ايشوفنا كلنا هنا يعرفها طول
احمد ؛؛ انقول انكن امتعبتني في الفصل
وخش خالد
خالد ؛؛ انصدم لما شاف قدامه امل
امل امتي جيتي
وبحت وشاف احمد اقعمز
اووو اهلا احمد
احمد ؛ كيف حالك
خالد ؛؛ كنهن كلهن عندك
احمد ؛؛ ههههه اسالهن
امل ؛؛ خالودي قوله نبي يعطينا الامتحان
خالد ؛؛ ههههههههه كيف صار
امل ؛ ما الامتحان اللي جاي مادته
خالد ؛؛ نا قالتك ماتطلعيش واقري
امل ؛؛ بكره جمعه تو نقرا وبعدين جيت علي خاطر خالتي
خالد ؛؛ بحت في احمد وقعمز
نا قالتلها مادة احمد اقريها وجيبي درجه اكويسه
احمد ؛؛ ﻻ من ناحية جيبات درجه جيبات هن في الهرجه
خالد ؛؛ هههههه
امل ؛؛ والله نحكو في حصتك لان عارفيكن طيب ومش ح اطلعن
خالد ؛؛ ههههههههه طيب ركز انت علي طيب
احمد ؛؛ تبن الامتحان انتن
امل رجاء ؛؛ اهاااااااا
احمد ؛؛ خلاص عدن جيبن الكتاب
رجاء ؛؛ من عيوني وطلعت تجري
خالد ؛؛ اطمع فيهن
احمد ؛؛ ليا نص ساعه جاي وهن يطلبن
امل ؛؛ احم احم
احمد ؛؛ بحت فيها وضحك
ايمان ؛؛ نزلت راسها وتمت تضحك
خالد ؛ نا خاش نبي انصلي
احمد ؛؛ خوذ راحتك راه نا امروح
خالد ؛؛ خليك عشاء
احمد ؛؛ ﻻ وين نا جاي امغير نبي انسلم علي عمتي بس
خالد ؛؛ الحوش حوشك خوذ راحتك
هيا ياامل قدامي
امل ؛؛ ناخذو الامتحان
خالد ؛؛ فنص فيها
تو يعطيه ل رجاء
امل ؛؛ افهمت عليه وخشت قدامه
وخشت رجاء وعطت احمد الكتاب
وهو شيرلها علي المهم ماعطهمش الامتحان عيني عينك
وطلعت
احمد ؛؛ خلاص حبيبي تبي حاجه
ايمان ؛؛ سلامتك اتصدق اليوم اول مره انحصل فرصه نحكي معاك وحسيتك من العائله
احمد ؛؛ ههههه والله حتي نا وبالنسبه للموضوع المدرسه في الاسبوع هذا ح اندير حل
ايمان ؛؛ شكرا حبيبي
احمد ؛؛ انتي معش اتجي قدامي بيش معش انبحت فيك
ايمان ؛؛ والله نا بروحي نقعد اندور فيك ادواره
احمد ؛؛ خلاص ان شاءالله ح اندير حل ماتخفيش
ايمان ؛؛ نجك ليا حبيبي
احمد ؛؛ قرب منها وباسها علي خدها
وصبا وطلع
وايمان تمشي وراه
ايمان ؛؛ رن عليا لما توصل
احمد ؛؛ ماشي لجماعه تو لما نروح انرن
ايمان ؛؛ نرجا فيك
احمد ؛؛ حبيبي اقري وماتخلي حد ايطق فيك راه السنه الانظار كلهن عليك نبيك اتشرفني واترفعي راسي
ايمان ؛؛ حاضر حبيبي والله حاضر
وطلع وروح وخشت ايمان ولقتنا انهدرزو
ايمان ؛؛ نجيلي الحانطه ياربي اللي ايحقها تعجبه
نا ؛؛ ههه ماتقوليش لمار
ايمان ؛؛ اها تهبل عليها احمد
نا ؛؛ ههههه لمار من اللي ما يحبها هذه ابنيت بابا اللي ايهبل وعسل
اميره ؛؛ اوووووووووووو نحن نشكرو في البنت مش في بوها
دعاء ؛؛ هذه خشت علي الاب طول
نا ؛؛ ههههههههههه ازي عليكن
خالتي فاطمه؛؛ربي مايفرقكم
نا ؛؛ ان شاءالله يارب
دعاء ؛؛ ياخيتي معاك الحق راجلك ايجننن وايهبل ساد غير اسلوبه اللي ايهبل والله في العياده القيت الصبايا يحكن عليه تميت انفشك عليهن وانقول ان راجل بنت خالتي وحتي العياده انخشلها علي احسابه
خالتي سالمه؛؛ خطرها راه والله راجلك امحشمنا كل مانبو انجو نحجزو ايقولنا انتو اسمكم قاعد ماايخليش فينا نحجزو وانخشو طولو
نا ؛؛ وانتي قصدك ياخالتي تبي مراد ياخذ افلوس منكن
خالتي سالمه؛؛ حتي ولو كان هذا عمله هو
خالتي فاطمه؛ جت عليكن يعني عادي ياخيتي
ماما ؛؛ اميره هيا سقدي
اميره ؛؛ نا حطيت علي النار وعجنت قالت خليها اتريح اشويه
دعاء ؛؛ ايمان تعالي نبيك
ايمان ؛؛ هي تعالي
وصبنا وخشنا ولحقهتن لمار
خالتي فاطمه؛؛ تقريبا هذين ايخططن لشي كشفه
نا ؛؛ ههههههه ولمار مشت تلحق فيهن
ماما ؛ رايحه كابره باقيه معش تلعب واجد
نا ؛ نا اها اتحب اتهدرز ولا تطلع للشارع في الصبح اول ماتوع هي عارفه روتينها طول اتجيني انديرلها حمام وانفطرها بعدها اتقولي ننزل ونا مرات انقول باهي ومرات ﻻ علي حسب
امل ؛؛ ووو عليك المكاره انتي
نا ؛؛ ياخيتي تقعد جنبي وانشوفها تلعب والتلعب في حمادي خير ماتنزل ونقعد انفكر فيها وتقعد تطلع في الشارع وعمتي تجري في جرتها
ماما ؛؛ ﻻ صاح صدقتي سكري عليها خير
نا ؛ اهااا والله نستفيد حتي منها تقعد تبرم جنبي واتساعد فيا علي الاقل اتهني فيا من حمادي اشويه اتلعبه وكان بكاء اتجيني تجري
خالتي سالمه؛؛ ان شاءالله ربي يجبر بخاطرك واتجيبلهم خوت بيش تكبر العائله ويلعبو مع بعضهم
ماما ؛؛ ان شاءالله
امل ؛؛ حس خالد طلع من الحمام صاح
رجاء ؛ التفت وشافت خالد طالع من الحمام وخش للداره
رجاء ؛؛ اها
امل ؛ انعدي انشوفه شكله متعقد
خالتي فاطمه؛؛ هيييييي وكنه
امل ؛؛ مش عارفه تو انشوفه
وصبت امل ودقت الباب وافتحت ولاقته يلبس في كناتيره
خالد؛ ؛ خشي تعالي
امل ؛؛ شن الاخبار حبيبي
خالد؛ شن تبي خاشه علي احمد
امل ؛؛ نبي منه الاسئله
خالد ؛؛ مش عيب ياامل
وقعمز علي السرير
امل ؛؛ جت وقعمزت جنبه
الماده صعبه حبيبي
خالد ؛؛ حتي ولو كان ماشور شيء اتخشي عليه
امل ؛؛ حبيبي شن فيها ماهو هو راجل صبيتي وبنت خالتي اللي كيف اختي واستاذي وبعدين خاشه عليه بلبسه مستوره ووشاح مش بالتوته
خالد ؛ ﻻﻻ هذا اللي ناقص اتخشي عليه بالتوته وبلا حجاب
امل ؛؛ قربت منه وومسكت يدها من عند المرفق وحطت راسها
خلاص حبيبي علي خاطري
خالد ؛؛ هههه انحبك
امل ؛؛ انموت فيك والله انحبك
خالد ؛ صبي جيبلي طاسة شاهي نبي انولع دخاني عليها
امل ؛؛ والعشاء
خالد ؛؛ ﻻﻻ واكل سندويش في الطريق
امل ؛ حاضر تو انجيبلك الشاهي وجايه
خالد ؛؛ هيا
وصبت امل واتسخن في الشاهي
امل ؛؛ اميره خلي وليد ايطول اليوم خميس نبي انهدرز مع خالد
اميره ؛؛ باتنا باهي
امل ؛؛ ﻻﻻ وين انبات بكره من الصبح نبي نقرا وبعدين بابا ما يبش
اميره ؛؛ هيا المقطع طاب
امل ؛؛ عنديش نيه نبي انهدرز مع خالد حسيته جوه مش سمح
اميره ؛؛ به براحتك
ومشت امل اتهدرز مع خالد ونحن قعمزنا انتعشو
وكملنا عشانا وصبيت نا وايمان ولمينا الحوسه وخشت رجاء ودعاء للدار
رجاء ؛؛ يييييي خطرتي عليا نبي انشوف اللي في الشنطه
دعاء ؛؛ شن في
رجاء ؛؛ مش عارفه طارق قالي في حاجه
وفتحت رجاء الشنطه ولقت علبه اصغيره فيها سلسله وورقه مكتوب فيها
هذه بدال اللي قطتعها لكي مع ان حسيت الاول اغلا
دعاء ؛؛ ووووو اتهبل
من طارق هذه
رجاء ؛؛ حي عليا نا هذا شن جايب
دعاء ؛؛ تي شكله معجب بيك
رجاء ؛؛ فضيتله نا تو نا شن اندير بها
دعاء ؛؛ تقبليها الهديه واسكتي مرات ايصير منه وايكون من نصيبك
رجاء ؛؛ ﻻ وين من نصيبي نا خلاص علي الحب وقفت وقفلت
دعاء ؛؛ وعليش قفلتي يارجاء علشان حبيتي واحد غلط
رجاء ؛؛ دعاء الحب فيه شروط ونا مش قدهن الشروط هذين اولهن تنازال عن الكرامه ونا نعرفش نسكت من الناحيه هذه نا جربت مره وخلاص شعفه وتوبه
دعاء ؛؛ بس هذا شكله اكويس
رجاء ؛؛ طارق اخر انسان في حياتي انفكر فيه تي فكيني منه انسان متخلف مش ليا بكل كل مانشوفه انتعاركو وايمد يده
دعاء ؛؛ ههههه وسكتيله
رجاء ؛؛ هههههه نقدرش عليه راجل عريض
دعاء ؛؛ كيف ايصير في السلسله
رجاء ؛؛ ح انردها له اكيده مش ح نقبلها
دعاء ؛؛ براحتك انتي خيبي ظنك سراج وتحسابي الرجاله كلهم هكي
رجاء ؛؛ خنقتها العبره واسكتت
دعاء ؛؛ انسيتي روحك لما كنتي تحكي مع هذا واتسكري من هذا ايش معني سراج اللي وفيتيله وخاب ظنك اخر
رجاء ؛؛ من بختي ورقدت ريحي
دعاء ؛؛ شن اليوم شفتيه سراج
رجاء ؛ تنهدت تنهيده طويييييييله
ياما صار اليوم
…………
دعاء ؛؛ ووووو كلا انتي تقدري
رجاء ؛؛ اقعدت تبكي ومنهاره
والله ماني عارفه كيف جبت القوه والصبر وكلام قدامه قهرني قهرني
دعاء ؛؛ خلاص حبيبتي ربي ايعوضك ان شاءالله خلاص صبي واغسلي وجك وتعالي انكسدو
رجاء ؛؛ انحس في حاجه علي صدري غامه
دعاء ؛؛ تعوذي من الشيطان الرجيم
وصبي
رجاء ؛؛ أعوذ بالله من الشيطان الرجيم
وصبت رجاء وغسلت وجها وجت للدار وطلعت
كراستها وبدت تتكتب في الواجب واتهدرز مع دعاء بعدين رن باسط واقعدت اتهدرز معه
رجاء ؛؛ بصوت واطي
دعاء دعاء
دعاء ؛؛ بحتت فيها
رجاء ؛؛ افتحي السماعه خليني نسمع لهجته
دعاء ؛؛ ههههه ﻻﻻ عيب
باسط ؛؛ نعم
دعاء ؛؛ ﻻ مش شورك حبيبي نحكي لبنت خالتي
باسط ؛؛ اي خيرها بنت خالتك
دعاء ؛؛ ﻻ شيء موضوع سري
باسط ؛ دعااااء خيرها بنت خالتك
دعاء ؛؛ ههههه تبي تسمع لهجتك
باسط ؛؛ هههههههه
وافتحت دعاء السماعه وتمت تحكي معه ورجاء تسمع في صوته ومنسجمه ﻻن كانت لهجته اتجنننن وغريبه بنسبه لهن لان اول مره ايتعرفن علي حد غرباوي
……
انور ؛؛ وين عديت ياطارق
طارق ؛؛ مشوار هنا
انور ؛ المشوار وراه الشنطه صاح
طارق ؛؛ ههههههه طول عرفتها
انور ؛؛ تي كيف انور راه اصلا شفتك كيف مهتم بالشنطه احكيلي شن القصه
طارق ؛؛ ياراجل اول بنت تلفت انتباهي مش كاشكل بس ﻻ حتي اسلوبها وكلامها واناقتها بنت ابلاد من الاخير بكل اتخش الخاطر طول
انور ؛؛ وين حصلتها هذه
طارق ؛؛ اخت مرات مراد والمشكله مراد قالي فوتها شكلها اعيوني كاننا فظحاتني قدامه
انور ؛؛ به احكيلي
طارق ؛؛ تي بنت طرف من الاخير وخياليه و صعبه صعبه بمعني الكلمه ونوعها غريب عليا اشويه اتحسها واعره وضعيفه في نفس الوقت
انور ؛؛ ههههههه اصبر اصبر المدام اتكلم
طارق ؛؛ ههههه عيني عينك قدامي تو
انور؛ والله ماعاد فيها مدام تو خلاص
طارق ؛؛ هاتها تو اندير فيها مقلب
انور ؛؛ تي فكنا ياراجل خوافه اوحدها
طارق ؛؛ تي هاتها
وكر الفون من يده ورد
افنان ؛؛ ها حبيبي تعشيتو
طارق ؛؛ تحشمي يافرخه
افنان ؛ انصدمت
من من من اللي معي
طارق ؛؛ هههههههه مبروك يابنت عمي ومرات خويا
افنان ؛؛ هههه يبارك فيك وعقبالك
طارق ؛؛ ان شاءالله
راه مازالت طارق اللي فات
افنان ؛؛ وهذا اللي نبيه ياطارق
طارق ؛ والله ثاريتك طرف يابنت عمي نا اللي هبل اللي خليتك تطلعي من قدامي
انور ؛ هووو هوووو انت احترمني ازح
طارق ؛ هههههههههه
انور ؛؛ تي هات الفون هنا
وكر منه الفون
ياعنجد طرف تحشم
وانتي تضحكي عاجبك الكلام عاد
افنان ؛ ههههههه والله مهم ادير مستحيل ايجي حاجه قدامك
انور ؛؛ تي عارفك اكبيده من الاخير
افنان ؛ نحن كملنا العشاء وانتو
انور ؛؛ اها كملنا حتي نحن خلاص تو خليني انوزعه وتو انكلمك
افنان ؛؛ نرجا فيك
طارق ؛؛ ﻻ اتوزع لا شيء خلاص اني ماشي
انور ؛ تي اقعد انبصر ياراجل
…..
خالد ؛؛ ايه مراد بره
نا ؛؛ هيا هيا خليك معه ياخالد بدال ماطلعت
خالد ؛؛ به
مراد ؛؛ شن الاخبار يا خالد
خالد ؛؛ والله عندي موضوع عندك
مراد ؛ تفضل كنك
خالد ؛ محمد راه ساكن قالي كلمني مراد يبي الفاتحه خلاص
مراد ؛؛ به خلاص خليهم ايجو
خالد ؛؛ ﻻﻻ قررلي تو يوم بيش ايجيكم وراه يبو الفاتحه طول
مراد ؛؛ خلاص معناها تو نا بكره جمعه بعد بكره اندير تحاليل للبنت وتو انقولها لهلي وخليهم ايجو بعد بكره كانوه مستعجل
خالد ؛ صحيت يامراد والله هو واكل وجي علي موضوع هذا وهو اكيده فاضي وح ايجو
مراد ؛؛ خلاص بكره في العشيه تعطني الاكيده
خالد ؛؛ خوذها من تو بس تو نتاكدلك اخر
مراد ؛ علي البركه ان شاءالله
خالد ؛ ان شاءالله
لمار ؛؛ عمو تبيك اعميمه امل
خالد ؛ هههههه به اركبي تو انخش انشوفها
مراد ؛؛ مراسل قاعده هنا يا لمار
لمار ؛؛ اعميمه امل متعقده علشان انت ياعمو ناسي الفون جوا
خالد ؛ ههههه باهي يالمار استري خلاص واركبي
وطلعت نا وركبت وركبت معي قدام حمادي
خالد ؛ تصبحو علي الخير
مراد ؛؛ وانت من اهله خلاص بينتنا فون
خالد ؛ تم
ومشينا نا ومراد
نا ؛ شن اخبار الفاتحه
مراد ؛؛ ماشاءالله تبارك الله اكويسه والله عمي هذا طلع عنده ناس واجده بكل حتي العشاء داره كبير
نا ؛؛ ههه اكيده فرحان اول مناسبه
مراد ؛؛ اها تقريبا فاتحته هدي بعد بكره ان شاءالله
نا ؛ صاااح والله
مراد ؛؛ تو خالد كلمني اخر عليهم ونا قالت بعد بكره علشان ماعنديش عياده عندي في الليل مستشفي
نا ؛؛ ههههه والله تحسب فيها صاح
بس اسمع نا نبي انقولها ل هدي
مراد ؛؛ باهي براحتك
ومشينا وخشينا وخشت لمار تجري قدامي شور دار هدي
وطلعت هدي وشافتني قدامها
هدي ؛؛ وين ياحنه طولتي
نا ؛ هههههه مبروك بعد بكره فاتحتك
هدي ؛؛ شن تحكي شن شن
نا ؛؛ هههههههه مبروووك
لمار ؛؛ لوووووووليا
هدي ؛؛ اضبطتني بقوه
نجك ليا والله انتي وجك وجه خير عليا
وطلعت علينا عمتي
عمتي ؛؛ كنكن كنكن شن في
وبحتت في هدي ولقتها تبكي
هدي؛ جتها تجري وتمت تضبط فيها
فاتحتي ياماما بعد بكره
عمتي ؛؛ صااااح والله لووووووووووووووووووووووووو
من قالها لكي
هدي ؛؛ تو قالتها ليا ايه
وخش علينا مراد
مراد ؛؛ باهي ياهدي فرحان علشان تبي تزوجي واتسيبنا
هدي ؛؛ تمت تمسح في ادموعها ومرتبكه
هههه ﻻ مش هكي
نا ؛ بحتت فيه وفنصت بيش مايحرجهش
مراد ؛؛ مبروك
هدي ؛؛ يبارك فيك ان شاءالله
مراد ؛؛ هيا هيا ايه لمار حمادي تو لقدامي فوق
لمار ؛؛ ﻻﻻ نبي اننه مع اعميمه هدي نا
هدي ؛؛ خليها معي اليوم
نا ؛ به
عمتي ؛؛ كيف الراجل كلمك يا مراد
مراد ؛؛ دازلي خالد وقال نبي الفاتحه ونا قالت بعد بكره علشان ماعنديش عياده في العشيه
عمتي ؛؛ به تو انقولها للحاج نا
مراد ؛ سيبته غادي مع عمي
عمتي ؛؛ اها نحن روحنا مع حاتم والهام
مراد ؛؛ باهي تصبحو علي الخير
هدي وعمتي ؛؛ وانتو من اهله
نا ؛؛ لمار تعالي معي غيري دبشك وانزلي
هدي ؛؛ عطيها بس دبش تو انا اللي انغيرلها
نا ؛ باهي هيا
وركبنا فوق وعطيت للمار دبش ونزلت به وخشيت وادوشت ولابست روب اقصير امشبك اسود
وقعمزت علي كرسي الزينه وتميت ندهن في جسمي ايخش عليا مراد
وقعمز علي السرير وقعد ايبحت فيا
مراد ؛؛ حطيت حمادي في سريره طول رقد
نا ؛؛ اهاا عرفته تعبان اصلا صبرته لعند تو قالت بيش يرقد رقده سمحه لعند الصبح
مراد ؛؛ تقريبا امبدري شفت وحده اتصلي
نا ؛؛ ههههه اها في القيله ادوشت وصليت العصر
وصب مراد وجا شوري
واضبطني من لاوره ورفعني
مراد ؛؛ الليله لليلتي معانها
نا ؛ هههههه سخيف
مراد ؛؛ والله ماعاد فيها خلاص ليا اسبوعين
نا ؛؛ هههههه به مش هكي
مراد ؛؛ والله ماعاد فيه نجك ليا والله امرايف عليك
وتما ايبوس فيا من عند ارقبتي
نا ؛ اهااا حبيبي
مراد ؛؛ والله امرايف عليك ياشينه
وحطني علي السرير
ومشي سكر الدار وولع المنظوم طفي الضيء
ونا راقده وخرت روحي شور الوناسه بيش انولعها
مسكني مراد من اكراعي وكرني
نا ؛ اهااااااا اكراعي
مراد ؛؛ هههههههه تي مصدقت نا
وجا فوقي و………..
…..
ونا راقده علي صدره
مراد؛: حبيبي الشهر هذا نبي نعطيك راحه بس الشهر التاني راه نبي نعطيك ابره
نا ؛؛ عليش
مراد ؛؛ حبيبي نا نبي تؤام
نا ؛؛ حبيبي مازالت
مراد ؛؛ خاطري فيهم حبيبي
نا ؛؛ حاضر من اعيوني بس مش واعر حملهم
مراد ؛؛ ﻻ مش واعر تو نعطيك فيتامينات و ح تاخذي راحه
نا ؛؛ بس بشرط
مراد ؛؛ شن
نا ؛؛ الموضوع يقعد بينتنا سر نين ايصير منهم
مراد ؛؛ حاضر من اعيوني
نجك ليا وباسني علي راسي وولع دخان وتم ايدخن
ورقدنا
وكانت الليله هذه صعبه علي رجاء واااااااجد كانت كل اتغمض عينها ايجي قدامها طيف سراج وتنفجع واتنط
ايمان ؛؛ ارجيوه كنك مش متريحه في نومتك
رجاء ؛؛ ﻻﻻ شيء بس انحس في حاجه غامه علي صدري
صبت ايمان وجابت للرجاء ميه وشربتها حطت راسها علي مخده وتمت تبكي واتشوف فيه قدامها واجد
تمت تقرا في المعوذات والاستغفار
نين تريحت وارقدت ودمعتها علي خدها والعبره خنقتها
وواعيت تاني يوم علي الحوسه في حوش عيت عمي انوتو علي الفاتحه بكره ولان جمعه
نزلت وساعدت هجي في الحوش وخليت العام اجير في الغداء ومعانا غاده تشتغل اشويه واتقعمز نص ساعه
حطينا الغداء وتغدينا ولمينا الحوسه وجت العشيه ونحن انهدرزو
هدي ؛؛ محمد اقريب اطير من الفرحه
نا ؛؛ ربي ايتمم عليكم
هدي ؛؛ ان شاءالله يارب
وخش هاجر
هاجر ؛؛ لووووووووووووووووووووووووو
هدي ؛؛ هههه نجيها هاجر هذه
وخشت هاجر مبروك مبروك يااحلي عروس
هدي ؛؛ تمت تضبط فيها وتبكي الله يبارك فيك
الهام ؛؛ جيتي علي قصاد القهوه
هاجر ؛؛ حماتي اتحبني
نحن ؛؛ ههههههه اكيده
وقعمزنا وتمينا انهدرزو
هدي ؛؛ طبعا راه نبي اميره اتجيني كيف ما جت لهاجر ايوه
نا ؛ تبي اديرلك ميك اب
هدي ؛؛ اها كله كله
هاجر ؛؛ راه العيون دارتهن ليا ايه
هدي ؛؛ دخلنيش نا البيان دايرته يوم الجمعه الجايه وقبلها بيومين نبي افكللك روحي
الهام ؛؛ باهي مازال في وقت اسبوع كامل
هدي ؛ اها الحمدالله
غاده ؛؛ هدي تو انشيلك للحنايه بيش اتحني عندها هديه مني
هدي ؛ حنايت فرحك
غاده ؛؛ اها
هدي ؛؛ به خلاص يوم الاربعاء تو انحني بيش الخميس تصبغ والجمعه ندوش
نا ؛: اها هكي احسن
وقعدنا انهدرزو لعند الليل تعشينا وكل وحده فينا روحت للشقتها
وتاني يوم طبعا نزلت علي هدي والقيتها مرتبكه بكل مع ان الحوش مظموم وكل حاجه اموتيهن بس القيتها مرتبكه علي الاخير
نا ؛؛ سحب منك مراد الدم
هدي ؛ اها في هالصبح اتصدقي تحشمت منه واجد علشان التحاليل
نا ؛ عادي هذه سنه الحياه
عمتي ؛؛ ايه تعالي فتي معي المثروده بيش انوتوها للعشيه
نا ؛؛ هيا هيا
هدي انتي اليوم تريحي هنيني من حمادي ولمار بس
هدي ؛؛ خاجه ماعندي ماانجير تو نقعد عليهم
نا ؛؛ نجك
وخشيت وتميت انساعد في عمتي نين جت حنين وهاجر والهام وانزلت غاده
وقعدنا انوتو نين اذن العصر والحوش تعبا
و…………..
يتبع