مسلسل سعاده كاذبه التكملة
مسلسل سعاده كاذبه
الحلقه 55
سراج ؛؛ خشي يارجاء
طارق ؛؛ بحت بالاستغراب في سراج
ورجاء ازمطت ريقها وخشت جو
وكانت تبكي
وهي خشت وخش وراها سراج وسكر الباب
طارق ؛؛ ياعنجد كده تي منين يعرفها
وتم ايدق علي الباب
ورد سراج وفتح الباب
سراج ؛؛ نعم
طارق ؛؛ نبي انخش
سراج ؛؛ ممنوع هي بس لان بنتها
طارق ؛؛ اها اوكي
ووخر طارق وطلع
وسراج خش علي رجاء ولقها تبكي وماسكه يد ماما واتبوس فيها
سراج ؛؛ قعد ايبحت فيها وكان امرايف عليها وكان فرحان بشوفتها
مشي وقرب منها
حالتها تمام
رجاء ؛؛ رفعت وجها وجت عينها في عين سراج وهي تبكي
ودموعها ينزلنا والصوت دوبه طالع
شن حالتها مستقره
سراج؛؛ بحت في رجاء بتفنيصه وحاط ايديه في اجيوبه ومتعصب
من اللي معاك اللي ايسكت فيك واقريب ياكلك اوكال بعيونه
رجاء؛؛ هذا وقته تو
سراج؛؛ نا نسال فيك من اللي معاك
رجاء ؛؛؛مايخصكش الموضوع هذا
سراج؛ ؛ تو انوريك كيف مايخصنيش
ومسك يد رجاء وكرها وخششها في غرفته ودفها جو وصكر عليها
ها تحكي تو
رجاء ؛؛ وشن تبي اديرلي مثلا لو نا قالتش
سراج ؛؛ رجااااااااء ماتحرقيش دمي اكتر من هكي جيتني تو ومعاك واحد اتبكي وهو ايسكت فيك كنك انتي مش معتبرتني راجل بكل كنك انتي طايشه ومتهوره وامعانديه وفاهمه الحياه بجوك ومش دايره قيمه للانسان اللي ايحبك بكل
قاعد نرجا فيك اترني وانتي مش امدوره ومش امعدله عايشه حياتك وتضحكي مع الناس ومش امعبرتني بكل
كنك انتي عديمت الاحساس ولا شنو تي كنك انتي راني انحبك وبن كلامك وين انحبك ياسراج وبن هيا وين ولاه كلامك كله كذب وكنتي تضحكي هيا وين وين
ويييييييييييييين
رجاء ؛؛ انهارت ابكاء نين طاحت علي الكرسي بقوه وقعمزت
انحبك والله انحبك والله انحبك وكل يوم قاعده نموت في مئه موته علشانك من اريافي عليك
انحبك ومش ناكره
بس شن ينفع الحب لما تقعد مش محترمني واتهون فيا قدام الناس ومش حاط فيا ثقه مكالماتنا كلها تحليف قولي والله يا رجاء ماتحكي مع غيري قولي والله ماتضحكي قولي والله ماعندك فون تاني قولي والله مانك دايره علاقه مع غيري
ارحمني ارحمني راه نا انسانه وحده عاديه تبي تحب وتهدرز واتعيش اجمل قصة حب بس مش حبك مش حبك ياسراج حبك قهرني قهر حبك عذبني والله تعبت نا نهرب من واقعي وانجي نحكي معاك نبي انتريح اشويه انجي انكلمك نلقك حتي انت اتنكد عليا وتبيني نبدا في التحلف حتي ياسراج يوم اللي القيتني بره بدلل ما تستغل الموضوع وتقعد تحكي معي بس ﻻ قعدت اتهزب واتسب وتلعن قدام الناس وهلك
خلاص سراج خلاص ياحبيبي خلاص ياحياتي خلاص يااكتر انسان انحبه خلاص تعبت والله تعبت لعند امتي ونا هك ولا انت عندك ضروري نبكي هكي قدامك بيش اتصدق اني مجروحه ومنقهر منك لزم يعني لزم اتشوفني هكي منهاره ونبكي ونحكي بصوت مخنوق بيش اتصدق بيش انت اتحط فيا ثقه بيش تعرف اني انحبك
ايبحت فيها ومنصدم
مازالت لعند اخر لحظه انت اناني تو جايه نبكي ومنشغله علي ماما بس انت مافكرتش في ماما فكرت في روحك بس وفي غيرتك وكريتني وخششتني وقالت اللي في خاطرك كله بدون ماتفكر ان انسانه اللي قدامك منقهره ومنشغله علي امها اللي كل يوم تموت في مئه موته علشان خايفه تفقد امها
سراج ؛؛ ر….
رجاء؛؛ سراج نحن موضوعنا خلاص ليش تو تحكي خلاص انا تعبت ومعش نبي نتعب
تبي اتقول انتي انانيه عادي براحتك اهم شيء نا عندي انعيش حياتي براحه ساد حياتي اللي تو مش راضيه عليها بكل
وصبت وتمت تمسح في ادموعها
قرب منها سراج ومسك يدها
هي مسكت يده بقوه وشدت عليه وبحتت في اعيونه
والله حبيتك
وفكت يده وطلعت بسرعه
سراج خبط راسه بيده
جتنا رجاء وشفتنا امصبين تمت تمسح في ادموعها
خالد ؛؛ هيا خلاص روحن
اميره ؛؛ خالد نا نبي انروح للحوش عندي حاجات نبي انديرهن
رجاء؛؛ عدي نا نبي نقعد مع ماما بكره جمعة فيش اقرايه
وبحتت في ايمان بالتفيصه
ومانبيش انروح بيش مانطلقش اللساني علي ناس ساد مادارو بالانانيه امتعتهم
طارق ؛؛ بحت في رجاء ومستغرب كلمتها
ايه تروحي انتي
نا ؛؛ انشوف مراد خلاص تو يكمل دوامه
خالد ؛؛ معناتها هيا يا اميره وايمان
اميره ؛؛ هيا
وطلعو اميره وايمان وخالد
وقعمزت رجاء وحطت اكراع فوق اكراع ونزلت راسها وتمت تبكي وتمسح في ادموعها
جيتها وقعمزت جنبها
نا ؛؛ كنتي مع سراج
رجاء ؛؛ هزت راسها معناها اها
وتمت اتحرك في اكراعها بقوه
يايلا ماعنديش نصيب ماعنديش حظ من الاخير
نا ؛؛ به ليش مارديتو انتي اتحبيه
رجاء ؛؛ شن فايدت الحب لو مافيش كرامه واحترام وثقه
طارق ؛؛ بحت في رجاء وكان امركز في كلامها
رجاء ؛؛ نبي ميه
نا ؛؛ اهي خوذي اشربي
وشربت رجاء الميه
رجاء ؛؛ انتي روحي وتريحي
نا ؛؛ وين الراحه بالله عليك
رجاء ؛؛ مش عارفه لعند امتي نقعدو هكي لعند امتي نقعد قيلية حظ
استغفر الله العظيم
والله انحس في روحي غلط جيتي في الدنيا بكل
نا ؛؛ استغفر الله العظيم
وجانا مراد
مراد ؛؛ طارق مازالت قاعد
طارق ؛؛ نرجا فيك ماعرفتش انروح بايه او لا
مراد ؛؛ اهااا
ها يا رجاء خشيتي
رجاء؛؛ خشيت اهاا
مراد ؛؛ به اتروحي يا ايه
نا؛ ؛ اها انروح رجاء هذين حاجات بيش تاكلي منهن
رجاء ؛؛ ماخاطري حتي في عسل
مراد ؛؛ وسعي بالك انت تو كنت عندها والله وضعها تمام بس انتن شكلن امتعبتها بس
رجاء ؛؛ كلها بسبب ايمان الانانيه
نا ؛؛ هذاكي احسابها في الحوش
رجاء ؛؛؛مازالت ماشفت شيء مني
نا ؛؛ اكيده اميره تو دايره فيها يوم
مراد ؛؛ هيا ايه نمشو انجيبو غداء ل رجاء ونروحو
طارق ؛؛ ﻻﻻ تو انجيب نا اصلا مش مروح لحوش ماشي ل انور
مراد ؛؛ به اتريحيني هيا يا ايه
نا ؛؛ ردي بالك من روحك وخليكي قويه كيف مانعرفك
رجاء ؛؛ بحتت فيا والخنقتها العبره وهزت راسها معناها به
طارق ؛؛ شن تبي انجيبلك
نا ؛؛ جيبلها بيتزا اتحبها
طارق ؛؛ حاضر
وطلعن كلنا وخلينا رجاء امقعمزه وتبكي
مراد ؛؛ رجاء صعبه
نا ؛؛ بكل اوعر واصعب وحده فينا
مراد ؛؛ بس شخصيتها قويه
نا ؛؛ اهااا بكل
حبيبي نبي حوش هلي
مراد ؛؛ ﻻﻻ حبيبي خلني نمشي للشقه وانتريح ولما نطلع للعياده انحطك غادي
نا ؛؛به براحتك حبيبي
مراد ؛؛ ربي يحفظك ليا ان شاءالله
نا ؛؛ ويحفظك
ومشينا للحوش وخشينا والقينا هدي وعمتي يرجنا فينا علي الغداء
عمتي ؛؛ ها شن اخبارها
نا ؛؛ تمام الحمدالله
هدي ؛؛ هيا تعالو تغدو
مراد ؛؛ هيا نغسل ايديا بس
وقعمزنا تغدينا
مراد ؛؛ وين الحاج
عمتي ؛؛ تغداء لما روح ورقد
مراد راه اليوم الفاتحه
مراد؛ اهااا بعدك ماعنديش وقت بكل اليوم
عمتي ؛؛ ﻻﻻ راك اتغيب علي عمك هذه اول مناسبه له والعريس من طرفكم
مراد ؛؛ به تو انحاول معناتها ح انطول في العياده الليله
نا ؛؛ براحتك حطني عند هلي نا والعيال
هدي ؛؛ ﻻﻻ خليهم معانا
نا ؛؛ ﻻﻻ تو ايتعبوك تو نمشي بيهم خير غادي حوش اصغير وامسكر وتو يقعدو فيه ويلعبو خير من غادي تو يقعدو يطلعو في الشارع
هدي ؛؛ والله معاك الحق تو حمادي ماعاد يمتسك داير كرعين وايفشك علينا
نا ؛؛ نجيه ليا
مراد ؛؛ راقدين هم
عمتي ؛؛ اها غدتهم هدي ورقدتهم
مراد ؛؛ سلمك سوايا ياامي
عمتي ؛ صحه
مراد ؛؛ ايه نبي نغسل ايديا ونبي نركب نرقد طول مانبيش العويل يركبولي فوق
نا ؛؛؛به حاضر
مراد ؛؛ تو نوع قبل العصر بيش تركبي اتوتيلي دبش
نا ؛ حاضر
وركب مراد فوق للشقه
ونا خشيت مع هدي وغسلت معها السفره
طارق ؛؛ رجاء اهي بيتزا
رجاء ؛؛رفعت راسها وشافته مبتسم
شكرا
وخذتها
طارق ؛؛ تبي تاكليها هنا
رجاء ؛؛ ان شاءالله
طارق ؛؛كوليها في الجنينه احسن
رجاء ؛؛ بحتت يمين ويسار وشفت المستشفي ناس طالع وناس خاشه
اول مره تقول كلمه صاح امسك امسك خليني نطلع
طارق ؛؛ ههههههه هيا ياجالطه
رجاء ؛؛ مشت وفاتته وقعمزت علي مقعد في اجنينه وحطت شنطتها علي الجنب وخذت البيتزا وحطتها على كراعيها
وطول افتحت شنطتها وطلعت منها منديل وخلتها مفتوحه
وجا طارق وقعمز جنبها
رجاء ؛؛ مسكت الطرف البيتزا وبدت تاكل
طارق ؛؛ اعزمي بالكذب بس
رجاء ؛؛ بحتت فيه بالاستغراب
تبي انت
طارق ؛؛ هههههههههه بعد شنو ﻻﻻ صحه
وبحت في شنطتها ولقها امعبيه اكتبات وكراسات
مد يده وطلع كراسه ورديه عليها لولوكاتي وفتحها
رجاء ؛؛ حط الكراسه في مكانها
طارق ؛؛ والله خطك حلو
رجاء ؛؛ مانرجش فيها منك
طارق ؛؛ مد يده علي يدها من عند المرفق وقرصها
انتي ديمه هكي جالطه
رجاء ؛ اهاااا يدي
حول مكسورتك
طارق ؛؛؛طيبه امغير وانتي اتحسسي
رجاء ؛؛ غمتلها ونزلت راسها
وتمت تاكل
طارق؛؛ قعد ايبحت في الكراسه
سنه كم تقري
رجاء ؛؛ امتي امروح انت
طارق ؛؛ اتوزعي
رجاء ؛؛ نبي انكمل اوكالي وانخش انشوف ماما
طارق ؛؛ واتخشي وتهدرزي مع الدكتور صاح
وبحت فيها ورفع حاجبه
رجاء ؛؛ كيف انت شن امركب
طارق ؛؛ شن قصدك
رجاء ؛؛ طارق امشي ل انور
طارق ؛؛ وشن عرفك انتي
رجاء ؛؛ تي ماقالتها ل مراد
ورن فون طارق
طارق ؛؛ ايوه انور
انور ؛؛ امتي اتشرف ان شاءالله
طارق ؛؛ تو انجي في الطريق امغير عقبلي الغداء
انور ؛؛ باهي امغير تعال
طارق ؛؛ به سلام
وصكر طارق منه وبحت في رجاء
ولقها امكمله وتشرب في عصير
طارق ؛؛ خلاص خشي للمستشفي نا ماشي
رجاء ؛؛ هات الكراسه قبل
طارق ؛؛؛خوذيها وخشي جو
رجاء ؛؛ حاجه اتخصني
طارق ؛؛مسك يدها وايفنص
انتي امزوديتها واجد راه خشي وانتي امسكره فمك
رجاء ؛؛ والله انقولها لمراد
طارق ؛؛ ونا انقول انك طالع من وراهم لمحلات وكابسك تحكي علي فون خالك وتحكي مع دكتور
رجاء ؛؛ صبت وانصدمت وخذت شنطتها ومشت بسرعه وخشت
طارق ؛؛مشي وراها
هاتي شنطتك ثقيله عليك تو انحط في سيارتي
وبعدين انجيبها لكي
رجاء ؛؛ ﻻﻻ شكرا
طارق ؛؛ مسك الشنطه وكرها وعد بها
رجاء ؛؛ به جيبها بعدين
طارق ؛؛ مابش ايعدل وطلع
وخشت رجاء ولقت سراج منسند علي الساس وايبحت
هي انحرجت ونزلت راسها
سراج ؛؛ هذا عليش
رجاء ؛ ……
سراج ؛؛ انتي اكتر وحده انقابلها طايشه ومتهوره بمعني الكلمه
رجاء ؛؛ سراج
سراج ؛؛ عاجبك وضعك هكي كل يوم قعدتيلي مع واحد
رجاء ؛؛ مافيش شيء بينتنا
سراج ؛؛ واضح واجد بدرجه انك خليته يمسك يدك
رجاء ؛؛ ﻻ مامسكش يدي
سراج ؛؛ مانيش عيل راه امشي من قدامي
ربي ايوفقك
ومشي سراج وخش جو في الغرفه
…
ماما ؛؛ ارجيوه جيتي
رجاء ؛؛ هيييييي ماما الحمد الله على السلامة
ماما ؛؛ الله يسلمك وين خواتك
رجاء ؛؛ مشن للحوش نا قاعده معاك ماما معش اتخوفينا عليك والله ماعندنا حد غيرك والله انتي سندنا
وتمت تبكي
ماما ؛؛ خلاص ارجيوه
رجاء ؛؛ نمشي انكلم الدكتور
ماما ؛؛ ﻻﻻ ماعندك عليش صحتي تمام
رجاء ؛؛ ﻻﻻ ضروري ايجي ايشوفك
ومشت رجاء تجري لغرفة سراج
الممرضه ؛؛ معليش معليش ياابله مافيش اخشوش
رجاء ؛؛ نبي الدكتور
الممرضه ؛؛؛مش فاضي
رجاء ؛؛؛ماما وعت نبيه ايجي يشوفها
الممرضه ؛؛:به تو ايجيك خلاص عدي تو
رجاء ؛؛ احترمي نفسك وماتحكيش معي هكي ايوه
الممرضه ؛؛ ليش من انتي ياابله
رجاء ؛؛:فاضيه اللي نحكي معاك
وقربت وحطت يدها علي باب وافتحت
الممرضه ؛؛:همجيه
رجاء ؛؛ احترمي نفسك
سراج ؛؛ التفت وسمعهن
رجاء ؛؛ اعرفي روحك مع من تحكي
الممرضه ؛؛ ريتي هالشخصيه اللي نحكي معها
سراج ؛؛ رجاااااااء تعالي كنك
رجاء ؛؛ التفت وبحتت فيه وابتسمت
حبيبي تعال شوف ماما
الممرضه ؛؛ بحتت فيهم ومستغربه
سراج ؛؛ علي كثر ماهو متعقد منها فرح
ابتسم ونزل راسه
رجاء ؛؛؛ اتبحت في الممرضه بحقد
هيا حبيبي تعال
سراج ؛؛ به عدي وتو انجيك
رجاء ؛؛ ماعندكش حد تو مانيش طالعه الا نا ومعاك
الممرضه ؛؛؛فناصه بعد هكي وقف
رجاء ؛؛ انتي كنك اتخلي فيا نسلح في كندرتي وانحطها علي راسك
سراج ؛؛ جاها
هيا رجاء
ودفها بشويه قدامه ومشت
رجاء ؛؛ ناس ماتخاف الا من عين الحمرا
سراج ؛؛؛بصوت واطي ياريتك حتي اتخافي
رجاء ؛؛اسكتت وتمت تمشي وخشو علي ماما وشافها سراج
سراج ؛؛ وين ياحاجه تبي اتعبينا وراك ولا شنو كنك امس مش واخذه دواءك
رجاء ؛؛ هيييييي ماما مش واخذه دواءك
ماما ؛؛ دواي كامل لها 3 ايام وانسيت انقولها
سراج ؛؛ نا قالت الدواء ضروري يوميا كيف مش فطنات ان دواء امك كامل
رجاء ؛؛ والله مافطنته
ماما ؛؛ حصل خير
سراج ؛؛ اخر مره هذه صحتك مفروضه تهتمي بها
ماما ؛؛؛ان شاءالله خير
سراج ؛؛ تو اليوم انديرلك خروج ماتستحقيش تقعدي
رجاء ؛؛ فيش مبايت اليوم
سراج ؛؛ ﻻﻻ ماتستحقش
ماما ؛؛ الله ايربحك
سراج ؛؛تعالي نكتبلك دواء
رجاء ؛؛ به
ومشا سراج ورجاء تمشي وراه
ولما شافت الممرضه امقعمزه علي الكرسي ولاهيه في الفون
سرعت مشيتها وقعدت تمشي جنب سراج
وخشو للغرفه وهو يكتب في الدواء
سراج ؛؛ بحت فيها وعرف قصدها
اخر مره تستغلي الشيء هذا
رجاء ؛؛ شيء شن
سراج ؛؛ مش قالت انتي متهوره وطايشه شفتي تو الناس شافتك تحكي مع واحد بره ولما خشيتي قالتلي ياحبيبي شن انتي ماتفكريش بعقلك ولا شنو
رجاء ؛؛ اسفه لو درتلك شبه
سراج ؛؛ اديري فيها لروحك
رجاء ؛؛ شكرا علي الاهتمام
سراج ؛؛ ياريتك تعقلي
وخذت الورقه وطلعت
……..
نا ؛؛ اميره خلاص احكي معها بهدوء
اميره ؛؛ ماما امس اتعبت منها الحقيره كشفتي بينا ساد ماحصلنا من وراء نجاح تبي حتي انتي اديرلنا كشفه ولا شنو مش كان راجلك تاخذي راحتك معه
ارجي نين اطلعو الفرح وديرو اللي تبوها
ايمان ؛؛ والله يااميره ماندير في غلط والله الابلات هن اللي امركزات علينا
نا ؛؛ ايمان خطا راه تحكي معه هذه مدرسه مش جامعه ولاه كافي نين تحكو مع بعضكم وبعدين عندكم فون احكو وخذو راحتكم
ايمان ؛؛ ويه انتي عارفتني نا خوافه مانقدرش انصبي نحكي معه وحتي احمد هو مايبيش بس حتي لما ايقولي صباح الخير كيفي كيف الطالبات نلقها عند المدير
احمد بروحه متعقد وعلي كم مره يبي ايسيب المدرسه بس نا قالتله ﻻ ماتخليهمش ايخربو علينا
خالتي فاطمه ؛؛ باهي ديرو حل لعند امتي تقعدو بوضع هذا راه الناس ماترحمش شوفي نجاح اللي قاري فاتحتها وماحد رحمها
اميره ؛؛ الحل انكم اطلعو الفرح وفكونا من هالسريب وحطي راسك انتي
ايمان ؛؛ نبي نقرا نا
نا ؛؛ اقري عنده ياايمان طلعي الفرح وفكك منه الجو هذا
ايمان ؛؛ كيف وامتي وماعنديش وقت نا
خالتي فاطمه ؛؛ زري عليه تو ايطلعه المهم الشقه وعنده خلاص والخبر الاخر مش مهم
ايمان ؛؛ عندكم عادي انتو
اميره ؛؛ سادنا نجاح ياايمان لو سمحتي طلعي الفرح وفكينا منها القصه هذه
ايمان ؛؛ وهي تبكي
اسفه ياخواتي كان درتلكن اي شبه
وخشت تجري وتمت تبكي ورنت علي احمد
احمد ؛؛ كنك تبكي
ايمان ؛؛ ديراتني انا اللي امرضه ماما
احمد ؛؛ كيف
ايمان ؛؛ ماما سمعت امس رجاء وهي اتهزب فيا علي الموقف اللي صار في المدرسه
احمد ؛؛ استغفر الله العظيم
عليك وضع
ايمان ؛؛ تو خالتي وخواتي هزبني اخر وقالني طلعو الفرح وفكينا من هالسريب وسكري افوام الناس
احمد ؛؛ والله معهن الحق
ايمان ؛؛ نا نبيش الفرح تو نا مازالت ماوتيت روحي مازالت ماشريت شي حاجات خفيفه بس
احمد ؛؛ به لعند امتي نقعدو هكي
ايمان ؛؛؛يعني الابلات خلني انطلع الفرح ابسرعه بيش انسكتهن
احمد ؛؛ ايمان صكري تو خلني نبي انشوف موضوع وانكلمك
ايمان ؛؛ باهي سلام
احمد ؛؛ حبيبي ماتبكيش والله تو انحل الموضوع خلاص
ايمان ؛؛ به حبيبي
احمد ؛؛؛امك وين
ايمان ؛؛:في المستشفي
احمد ؛؛ تو نمشيلها
ايمان ؛؛ براحتك
احمد ؛؛ سلام
ايمان ؛؛ سلام
احمد ؛؛ كيف اتصكري هكي مش متعود علي هكي انا
ايمان ؛؛ انحبك
احمد ؛؛ انموت فيك
وخشيت عليها نا
نا ؛؛ ها شن صار عندك
ايمان ؛؛ حسيت احمد راضي علي طلعت الفرح قالي خواتك معهن الحق
نا ؛؛ به تمام
ايمان ؛؛ ويه نا نبي فرح ونبي جو مانبيش انطلعه هكي ونا مازالت ما شريت شيء وتو شتاء وسامط الفرح اللي في الشتاء وحتي احمد ماهندش امكانيات ايطلع الفرح
نا ؛؛ بالعكس ايهبل تدفي في حضنه
ايمان ؛؛ ههههه سخيفه
نا ؛؛ هههههه نجك ليا خلاص مااتنكديش علي روحك والله راه كان اطلعي الفرح تفتكي حتي انتي من وجيج
ايمان ؛؛ ان شاءالله خير
نا ؛؛ خلاص اقري
خطرها وين عيت خالتي سالمه كنهم مش جاين
ايمان ؛؛ امل عندها امتحان وقاللها خالد ماتجيش ودعاء قاعد اطياح مع باسط وخالتي قالت ممكن انجي بعدين عند المغرب
نا ؛؛ مش امصدقه ان دعاء ديرتها مع غرباوي
ايمان ؛؛ بس اتصدقي اكويس بكل لما اتجينا وتحكي معه وتسمعي دوته اتقولي ان شاءالله مايسكت لهجتهم اتهبل وهو عسل بكل .
نا ؛؛ كيف حاكيه معه انتي
ايمان ؛ هههههه اها سمعته مره يحكي معها وتاكه معها كريت فونها وتميت نحكي معه
نا ؛؛ طيح سعدكن وصلتن للعاصمه
ايمان ؛؛ هههههه تو انقولها اتجي
افطني افطني اكيده انتظار
هه شفتي انتظار
نا ؛؛ ههههههه ادمان
ايمان ؛؛ هو ياحنه 24 ساعه يحكي معها
دعاء ؛؛ ها ياسكنان
ايمان ؛؛ ماعمري رنيت ومالقيتك انتظار
دعاء ؛؛ مع حبيبي اكيده
ايمان ؛؛ خوذي ايه تبيك
نا ؛ ها ياشينه صار الغرباوي واخذ العقل
دعاء ؛؛ مش امغير واخذ العقل والقلب وانحبه هلبه هلبه
نا ؛؛ هههههه باهي تعالي كسدي ماما جايه عند المغرب تعالنا انكسدو
دعاء ؛؛ ماانتي اتروحي عند المغرب
نا ؛؛ ﻻﻻ مراد امطول في العياده وبعدها عنده عشاء
دعاء ؛ به خلني انقولها ل ماما
امل هزبها خالد قاللها ماتطلعيش اليوم وخليك علي اكتباتك
نا ؛؛ ههههه بالكي تنجح
ايمان ؛؛ هي هي صوت عادل جا
نا ؛ باي باي نرجو فيكم
دعاء ؛؛ اديرلنا امقطع انجو
نا ؛؛ به تعالنا بس
دعاء ؛؛ سلام
صكرت منها وطلعت بسرعه والقيت عادل ونعيمه يحكو
نعيمه ؛؛ شن مرضها عمتي
اميره ؛؛ الله اعلم
نعيمه ؛؛ امس سمعت حسكن عالي
خالتي فاطمه؛ اها بنات هذا جوهن
عادل ؛ من يبي ايروح بها امي
خالتي فاطمه؛؛ ماشي عيسي ايجيب فيها
عادل ؛؛ تو امروحه
خالتي فاطمه؛؛ اها ان شاءالله
عادل ؛؛ وين عيت علي
اميره ؛؛ ماقالنش لهم لاهين في فرح خو مروه اليوم تفريشت الشقه والفاتحه
عادل ؛؛ اهاا به نا طالع تو في الليل انجي ونلقي امي
اميره ؛؛ به
موده ؛؛ اعميمه عادي نلعب مع حمادي
نا ؛؛؛العبي مع لمار
موده ؛؛ لمار ضربتني
نا ؛؛ لمار عيب تضربي عيب
لمار ؛ قالتلي ايه اعميمتي نا
نا ؛؛ هههههههه نجك ليا
لمار ؛؛ اعميمت من انتي
نا ؛؛ اعميمتكن انتن الاثنين
هيا عدن للصاله العبن غادي
اميره ؛؛ تعال ياحمادي هيا
نا ؛؛ كنك
اميره ؛؛ ديرتله فته
نا ؛؛ اها به حطيله مريقه راه ايلبز
اميره ؛؛ ماعليك
تعال تعال ياعمري
خالتي فاطمه؛؛ نجيه شوفي جايها يجري
نا ؛؛؛متعلق باميره هنا
خالتي فاطمه؛؛ ربي يجبر بخاطركن والله عارفتكن وعارفتكن بنات اصل هذا عليش رودتك لمراد
اميره ؛؛ ما مبرك علينا منها ارواده اتهبل اللي خليت عسل كيف حمادي ايجينا
لمار ؛؛ اعميمه حتي نا نبي فته
اميره ؛؛ انكمل لحمادي تو انديرلك باهي
لمار ؛؛ باهي
نا ؛؛ تو انديرلك انوكلك قبل ماتجي ماما
وصبيت ودرت فته للمار وقعمزت انوكل فيها
نعيمه ؛؛ عليك بخت بدال ماتقعدي اتوكلي في ابنيتك اتوكلي في بنت راجلك
نا ؛؛ انصدمت وبحتت فيها خفت لمار تفهم الكلام
خالتي فاطمه؛؛ كنهم هذوم مش اعيالها هذوم خوت اعيالها ان شاءالله
نعيمه ؛؛ والله اوليد كبدتك ماكيفه اوليد
ايمان ؛؛ الباب ايدق اكيده ماما جت
وطلعت ايمان تجري وراها لمار
اميره ؛؛ هههههههه حتي الفرخه تجري
وصبينا نا واميره وخالتي ونعيمه والقينا ايمان تضبط في ماما وتبكي
رجاء ؛؛ فكافكه علي الفاضي
اميره ؛؛ رجااااااااء خلاص
رجاء ؛؛؛ ساهله
وسلمنا علي ماما والقينا لمار اداعك فينا وامضبطه ماما من عند اكراعه
وخششن ماما وهي قعمزت وجت لمار تجري وقعمزت علي اكراعها
نا ؛؛ لمار قعمزي جنب ماما
ماما ؛؛ ﻻﻻ خليها
تعالي ياايمان تعالي
وجت قعمزت جنبها ايمان وتمت تبكي اخر
ايمان ؛؛ سامحيني ياماما سامحيني
ماما ؛؛ كنك شن ديرتلي انتي
ايمان ؛؛ انا اللي حرقت دمك امس
نعيمه ؛؛ باهي اللي اعترفتن انكن اتمرضنا فيها انتن
رجاء ؛؛ بثوت عالي
استغفر الله العظيم
وحق ربي ماخاطري ياخالي اندير مشكله
خالي عيسي؛؛ خشي انتي غيري دبشك
رجاء ؛؛ احسن
وخشت رجاء للحمام طول بيش تدوش
وصبت ايمان تجري وخشت للدار طول عرفنها فونها رن علي الهزاز
ايمان ؛؛ ها حبيبي
احمد ؛؛ وين عمتي
ايمان ؛؛ تو نبي انرن عليك نبي انقولك راه اطلعت
احمد ؛؛ به انجيكم
ايمان ؛؛ به تعال اصلا ماحد قاعد الا خالي عادل كان هنا وطلع
احمد ؛؛ به تو انجيكم في الطريق
ايمان ؛ نرجا فيك
وخشت عليها رجاء ولقتها تحكي
رجاء؛؛ ازي
ايمان ؛؛ بحتت فيها وفنصت
رجاء ؛؛ هيا اطلعي نبي نلابس
ايمان ؛؛ باهي حبيبي هيا نرجا فيك
احمد ؛؛ افتحيلي الباب انتي
ايمان ؛ حاضر
وصكرت ايمان وتمت تبرم علي روحها
رجاء ؛؛ جايك
ايمان ؛ اهاا
رجاء ؛؛ ايوه تو انتي هدرزي معها باهي واشبعي منه وان شاء الله نلقاك تحكي معه في المدرسه
ايمان ؛؛ اهو ايرن جا معناها
وطلعت ايمان وافتحت الباب ولقت قدامها احمد
احمد ؛؛ خير ياعمري
ايمان ؛؛ خيرات هيا تفضل
احمد ؛؛ امسكي هذين
ايمان ؛؛ ليش امتعب روحك
احمد ؛؛ حاجات عاديه
وخشت ايمان وخششت احمد في المربوعه
وخشت علينا ايمان
ايمان ؛ ماما خالي احمد في المربوعه
خالي ؛؛ امتي جا
ايمان ؛؛ تو واهو جايب هذين
ماما ؛؛ سلمه جياب خشيهن للمطبخ وديرله طاسة عصير ولاه قهوه
ايمان ؛ به
خالي ؛؛ السلام عليكم
احمد ؛؛ وعليكم السلام كيف حالك ياخالي
خالي ؛؛ الحمدالله
وخشت ماما وسلم عليها وقعمزو
وخشت ايمان جايبه عصير وشكولاطه وقدمتلهم
احمد ؛ وين رجاء
ماما؛ ؛ في الدار
احمد ؛؛ ديارلها امتحان واعر تقرا قاعده
ماما ؛؛ والله هذا وين روحت كانت معي في المستشفي
خالي ؛؛ الباب ايدق
ايمان ؛ نفتح
بحت فيها احمد بالتفنيصه
خالي فهم الموضوع وطلع هو وفتح ولقهم عيت خالتي سالمه
دعاء ؛؛ وين الشفشفه ايه
خالي ؛؛ جو قاعده
امل ؛؛ هههههههه اهي لمار قاعده
خشو وخطمو علي المربوعه ولقو احمد
امل ؛؛ اهيييييي استاذ احمد
وخشت عليهم
احمد ؛؛ خير ياامل
امل ؛؛ وحق ربي كنت نقرا في مادتك
احمد ؛؛ قريتي اكويس
امل ؛؛ جيت وجابك ربي تو انوريك شن قرايت بيش اتقولي خاش او لا
ايمان ؛؛ هههههه مستحيل ايقولك
وخشت علينا خالتي ودعاء
سلمنا عليهم
رجاء ؛ وين امل
خالتي سالمه؛؛ خشت علي احمد اتغسور فيه تبي منه الامتحان
رحاء ؛؛ والله صاح تو نطلع انشوف
وخشت رجاء ولقت امل وايمان يحكن مع احمد
ايمان؛؛ احمد تعطيهش
امل ؛؛ اس انتي شن دخلك بيني وبين استاذي
رجاء ؛؛ خير يااحمد
احمد؛ ؛ خير يارجاء شن الاخبار
رجاء ؛؛ تمام شن عطاك الامتحان
ماما ؛؛ هههههههه انخليك بينتهن نا طالعه
احمد؛ خوذي راحتك
ماما ؛؛ سلام
وطلعت ماما وامل قعمزت جنبهم وحطت اكراع فوق اكراع
امل ؛؛ اني قعدتلكم عظم بوغصاص هنا نين تعطيني الامتحان والله حرام في حق البشريه راجل صبيتي دايري امتحان وماني عارفته
احمد ؛؛ هههههههه لما اتطبلن الهرجه في الفصل تو نعطيكن
ايمان ؛ وحق ربي هذاك اليوم امتحاني قاعد في سياره امتعه صاحبه ما با يعطيه ليا وحق ربي
احمد ؛؛ انجحنا بمجهودكن
رجاء ؛؛ نا امس قريت اشويه بس اليوم مازالت
امل ؛؛ ساهله تو انرن علي خالد انا
نا ؛ رجااااء رجاااء
رجاء ؛؛ هذه كنها اتسرخ
وخشت لمار تجري
لمار ؛؛ اعميمه قالتلك اعميمه ايه افتحي الباب
احمد ؛؛ من الحناطه هذه
ايمان ؛ هذه لمار بنت مراد
احمد ؛ تعالي لمار
لمار : خير ياعمو من انت
احمد ؛؛ ههههه نا خطيب ايمان
لمار ؛؛ هيييييي خطيبها
نا ؛؛ رجاااااااااء
رجاء ؛ تي من اللي بره اللي اتسرخ علي خاطره
وجت تبي تطلع رجاء
احمد ؛ خوذي في يدك امل
امل ؛؛ مانيش طالعه
احمد ؛؛ تطلعي انقولك الاسئله تو اندزهن رسال ل ايمان
امل ؛ ﻻﻻ ايمان اتمحقنا دزهن ل اميره
احمد ؛؛ هههههههه باهي
وطلعت رجاء وهي لابسه توته ولافه شعرها فوق ومش عارفه لمن تفتحت
وافتحت ولقت قدامها
…….
يتبع