مسلسل سعاده كاذبه التكملة

مسلسل سعاده كاذبه

الحلقه 47

وقعد وضعها هكي يومبن ما تحكيش مع سراج وكان خش عليها اطنش كانت اتبين ان هي قويه ومش اماثر فيها
وهو كذلك لما شافها مش امعدله مابش ايدور واجد
رجاء كانت طوال النهار تهدرز وتضحك من وراء قلبها
بس كانت الليل ايمر عليها وكان سنه مش ليله واتمر
كانت طول الليل وهي تبكي ومضايقه

وهي برامه وجها وتبكي جت يد وحولت المخده
وهي افتحت اعيونها ولقت سراج

سراج ؛؛ شن اللي امبكيك هكي
شن نا اللي سببه

رجاء ؛؛ بصوت مخنوق

ارايافي وخوفي منك هو اللي امبكيني

سراج ؛؛ انحبك

رجاء ؛؛ والهزيبه
سراج؛؛ من خوفي عليك
رجاء ؛؛ خوفك عليا ولاه شكوك فيا ومش حاط فيا الثقه

سراج ؛ سكت ونزل راسه وقعد ماسك يدها بقوه

رجاء ؛؛ شفت مش قالتلك انت مش حاط فيا ثقه اكثر من انك اتحبني واتخاف عليا انت صاح حبيبي وانحبك بس كل ما نحكي معك في مواضيع هذين انحس في روحي رخيصه ومش ماليه اعيونك من ناحية الثقه انحس روحي ماعنديش اصل وانخاف عليه شكوك فيا هو اللي خلني نكره روحي هذا كله علشان كنت صاريحه معاك

معاك انا بنت طايشه وعايشه حياتي بطول وبالعرض حتي ولو مش قدام هلي من وراهم
بس عندي حدود وعندي سمعه انخاف عليها وصادقه ونعرف انحب اكويس مع ان انت اول حب بالنسبه ليا حبيتك والله حبيتك وياريتني ما حبيتك كنت عايش في احلي كذبه في حياتي كنت امعيشه روحي في وهم سعاده كاذبه

سراج ؛؛ للدرجه هذه كارهتيني
رجاء ؛؛ للدرجه هذه كرهت روحي لاني يوم اللي حبيت انسيت ان نا عنديش حظ

سراح ؛؛ انا ما تلومنيش يا رجاء علي غيرتي عليك وشكوكي
نا حبيت بنت حلوه واصغيره ولما مشيت سالت عليها حكولي قصة مش تمام علي اختها وكم مره انقولها احكيلي وهي رافضه
مره نحكي معها ورن فون جنبها سكتت ومشيتها

تطلع واتخش بدون ما تحكيلي
انقوللها غيري دبشك اشويه ترفض واتقولي ماتحكمش فيا نا هكي طبعي ايرنن عليها ارقام غريبه ماتعطنيش الرقم بيش مانرد عليهن ويوم اللي جا في يدي فونها القيت فيه رسائل من ارقام غريبه

هذا كله ماتبنيش انشك تبيني انصدقك علشان بس اتقوليلي انحبك بس افعالك كلهن ضدي لعند اخر مره هنا في المستشفي خشيت عليك والقيت شخص غريب ايقولك ارجيوه
هذا كله وحاطه الوم عليا قدرني وحطي روحك في مكاني انا انحبك

بس انتي مافيش حاجه تثبت انك صايتني وحطتني بين اعيونك وديرتلي شان وكان
لعند تو جاي نبي نصالحو بس انتي مازالتي دايره سد

رجاء ؛؛ غمضت اعيونها ونزلت دمعتها وكانت حارقه

مد سراج يده ومسحها وحب علي راسها
رجاء ؛؛ بصوت مخنوق
سراج ديرلي خروج لو سمحت معش نبي نقعد هنا

سراج ؛؛ تبي تطلعي خلاص

رجاء ؛ شدت علي فمها بسنونها وهزت راسها معناها اها

وصبت وسقمت قعميزتها وطلعت كيس من الشنطه اللي احذها

ومدت الكيس لسراج

سراج ؛؛ قعد ايبحت فيها ومستغرب وخذ الكيس وافتحه ولقي فون وعلبة السلسله

شكلك واخذه قرارك
رجاء ؛؛ نزلت راسها وتمت تمسح في ادومعها

سراج ؛؛ انطقي
رجاء ؛؛ ……….

صبا سراج وطلع الفون واعزقه علي الساس بقوه نين طاح تكسر وعزق الكيس

سراج ؛؛ هذا اللي تبيه صاح

به يا رجاء عيشي حياتك
قصدي ياارجيوه

و طلع بسرعه

رجاء انهارت واقعدت تبكي اخري واتخبط في السرير بكرعيها
ناعارفه روحي عنديش حظ ماعنديس بخت نا عارفه ليش من اول انتعرف عليه ليش
وتمت تبكي والعبره خنقتها واتكلم لروحها وكانت حالتها حاله نين داخت ورقدت

شافت اميره سراج طالع ابسرعه من المستشفي وهي مع وليد

اميره ؛؛ حبيبي خلاص انت روح نا نبي انخش انشوف رجاء
وليد؛؛ حبيبي خلينا انهدرزو اشويه هي تو اكيده راقده

اميره ؛؛ اشويه بس حبيبي
وليد ؛؛ تو كان اتخشي عليها ح اتوعيها ونا متاكد انها راقده خليكي ولاه مليتي مني

اميره؛ ؛ مستحيل انمل منك انا
وليد ؛؛ نجك ليا
خطرها راه سمعت امل اتقول ان خالد يبي الفرح الصيف الجاي
اميره ؛؛ اها ان شاءالله
وليد ؛؛ به انطلعو فرحنا معهم
اميره ؛ لو انت كملت به براحتك
وليد ؛؛ ح انزر علي روحي اكتر خلاص ماخليتك الا واجد في حوش هلك

اميره ؛؛ ههههههه اقريب نمشط الشيب
وليد ؛؛ تمشطيه عندي ان شاءالله
اميره ؛ ليش ان شاءالله نا ح انخلي شيب يطلعني سلم الصباغات صبغه حول وصبغه حط مستحيل انخليك اتشوف شيبه فيا

وليد ؛؛ ههههه اتقولي تو انشوفك كيف امي اقريب تنسي باتي بكل تو كل همها نحن وبذات تو امل لما انخطبت القرش اللي اتحصله ادس

اميره ؛؛ هذا حال الامهات حتي نحن ماما اللي تقدر ادسه ادسه بيش طلعنا ايه الا من الدس وتو نا وايمان وربك يستر

وليد ؛؛ اميرتي نحن عرفين حال بعضنا راه نبيش حاجه كبيره نبي شقتنا حاجه بسيطه تو بعدين لما نزوجو تو انغيرو ونشرو اللي انبوه نبيكش اتزري علي خالتي

اميره ؛؛ ان شاءالله والله حتي نا عابيه هكي نا امقدره ماما وظرفها ونبيش انزر عليها وراها فرح ايمان
وايمان تطلب واجد مش كيفنا سبحان الله ايمان الهاديه هي اكتر وحده تطلب وكل شيء تبيه فخم وغالي حتي ان تشرط علي خطيبها

وليد ؛؛ ههه اخر عنقود عاد ودلوعت خالتي

اميره ؛؛ ههه من ناحيه دلوعه هي دلوعه بس مهما درنا للماما فيش وحده فينا وصلت لقلب ماما كيف ما ايه واصله للقلبها ماما عندها ايه ووقف وماتحملش فيها حتي بزت الشوكه سبحان الله يوم فرحها دارت فينا لليله وانت شفتها بروحك

وليد ؛؛ بس راه اكتر وحده اهتمت بخالتي هي ايه كلا هي راضيت والدين صاح

اميره ؛؛ ان شاءالله ربي ايهنيها ويفتحه في وجها
وليد ؛؛ وعلينا ان شاءالله

ومشت الوقت علي اميره وهي اتهدرز مع وليد و رجاء وهي تبكي نين ارقدت
وجا الصبح ووعت رجاء ولقت اميره راقده علي الكرسي جنبها

صبت ومشت خشت لحمام وتوضت وخشت ولقت اميره مازالت راقده ولمه الفون اللي كسره سراج

لابست عبايتها وصلت

ووعت اميره وشافت رجاء وهي اتصلي وكان باين علي اعيونها انها كانت تبكي

وهي كملت الصلاه وصبت وبحتت في اميره وابتسمت ابتسامه صفره امتعت وراها هم كبييييييييييييررررررررررررر
واعيونها ملينات ادموع
صبت اميره وجتها تجري واضبطتها

اميره ؛؛ شن صار حبيبتي
رجاء ؛؛ انهرت مره وحده ابكاء وكأنها ترجا في حضن اميره بيش تشكيلها

طلع عارف قصة نجاح يا اميره ومش حاط فيا ثقه
علي خاطرها لعند امتي و نجاح هذه تبي ادمرلنا حياتنا لعند امتي بس

اميره ؛؛ به خلاص ياارجيوه فوتيه مش انتي من كم يوم اتقولي خلاص برسمي ليش تو اتنكدي علي روحك

رجاء ؛؛ امس جاني في الليل

اميره ؛؛ شفته طالع وهو غمتله عرفته كان عندك ولما جيت والقيت الفون متكسر عرفتكم تعاركتو اخري

رجاء ؛؛ وعي تشهق وتبكي

انحبه يااميره ومعش نبي نحكي معه فهمتي كيف انحبه ومعش نبي نحكي معه معناها انا انتهيت خلاص يا اميره انتهيت ياريتني ماعرفته ياريتني ماشفته ياريتني رافضته من الاول

اميره ؛ اسسسسسس ارجيوه خلاص وقفي ابكاء راه ماحد ينفعك الا صحتك خلاص كوني قويه مش انتي ديمه اتقولي نا قويه ومش اي حد ايهزني خلاص هيا ورينا رجاء زمان الجالطه اللي اديرلنا في المشاكل وانتعاركو معها اللي تسرق في دبشنا خلاص انسيه وعيشي حياتك

رجاء ؛؛ عارفه شن اساهل حاجه في الفارق

اميره ؛؛ استغربت الكلمه ولحتت فيها بالاستغراب
شن

رجاء ؛ ان ايجيك حد وايقولك خلاص انسي لان الواحد يحكي ومش عارف في قلب التاني شن في

اميره ؛؛ بس من طبيعي انقولك هكي بيش انهون عليك نبيش انزيدك كلام بيش توجعي اخر

رجاء ؛؛ يالله الحمد الله
اليوم ح نطلعو
اميره ؛؛ كيف قالك في خروج
رجاء ؛؛ انا قالت ديرلي خروج ونا متاكده ح ايجي واديرلي خروج

اميره ؛؛ احسن بيش اتريحي غادي تو ايجن بنات خالتي واتهدرزي معهن

وطق الباب
والتفتن وشافن مراد
مراد ؛؛ صباح الخير

البنات ؛؛ صباح النور خش كنك امصبي
مراد ؛؛ القيتكن لاهيت في الدوه مع بعضكن قالت مرات مش مستحب هنا

اميره ؛؛ معقوله انت اتجي في اي وقت

مراد ؛؛ شن اخبار صحتك رجاء
رجاء ؛؛ الحمدالله
مراد ؛ اهو خوذ الكيس في حاجات من ايه مش عارف شن حاطه

اميره ؛؛ اهااا دبش اموسيته نا عليه
خلاص اليوم خروجها ان شاءالله

مراد؛ صاح باهي الحمدالله علي السلامه
رجاء؛؛ الله يسلمك
مراد ؛؛ ترجني ولا تبن اتروحن بدري
رجاء ؛؛ امتي مانحصلو الورقه انشوفو

مراد ؛؛ اكيده اتجيكن الورقه ساعه 12 وتو انروح بيكن تو انحاول نطلع بدري اليوم

اميره ؛؛ براحتك
مراد ؛؛ هيا سلام ولمنا دبشكن
رجاء ؛؛ سلام

نبي انروح نبي اول حاجه انديرها انخش لحمام ندوش والله مافي احلي من دوش في الحمام حوشكم

اميره ؛؛ اكيده اصلا الراحه ماتجي اللي في حوشك

اميره ؛ ويه اترن
رجاء ؛ واعيه بدري غرببه

اميره ؛؛ هههههه
الو اهلا ويه

نا ؛؛ بصوت وحده راقده وواطي

خير اميره
اميره ؛؛ هههههه مازالتي راقده
نا ؛؛ اها كلمت نسالك جاك مراد
اميره ؛؛ اها جا و جايب الكيس
نا ؛؛ صاح باهي من امس قالتله عليه نحسابه ناسيه

اميره ؛؛ ﻻﻻ جابه اسمعي راه اليوم خروج ويبي ايروح بينا مراد بيش اتجي انتي

نا ؛؛ نا نبي نرقد تو قبل مايوعو العويل ممكن انجي علي الغداء ولاه مرات عشيه

اميره ؛؛ ﻻﻻ تعالي من الصبح
نا ؛؛ ما يبي يشليكن انتن في حوشنا مش ح يقدر ايجي ياخذني اخر وانردو لحوش
اكيده ح ايروح تعبان ويبي ايتغداء وايقيل وفي العشيه عنده عياده

اميره ؛؛ اها به اسمعي راه نطلعو ساعه 12 يعني ديري غداءك بدري

نا ؛ اميره سكري بدال النوم مازال في اعيوني
اميره ؛؛ هههه باهي تنباله ارقدي

وسكرت ورقدت اخر وما اوعيت الا علي صوت حمادي ايخبط في سريرها

وجتني لمار تجري وخشت عليا في السرير وارقدت
نا ؛؛ هههههه كنك ماجبتي معاك خوك
لمار ؛ ايخبط وثقيل نعرفش انطلعه
نا ؛؛ باهي راه خلاص ح انوعيك تو

وصبيت وخشيت عليه والقيته يضحك وفرحان وايخبط نين خلني نضحك كان منظره ايجنننن وجيته وشلته

نا ؛ مش عيب حبيبي هكي اديرلنا هرجه
حمادي تما اديرلي في اصوات علي اساس يحكيلي ويضحك نين خلني نضحك

نا ؛؛ اففففف بنتك يا حمادي عملها ياشين
هيا هيا انديرلك دوش وانلابسك

ومشيت ودرتله دوش ولابسته وحطيته في الكروسه

ومشيت توضيت وصليت ولابست توته وطلعت لحم ووعيت لمار بالسيف وخششتها ودرتلها دوش ولابستها وفطرتهم
ومشيت للمطبخ وجت وراي لمار

لمار ؛؛ اعميمه نبي ننزل انا
نا ؛؛ ﻻﻻ اعميمه البنات اكيده هذه وعيتهن يبن ايظمن الحوش

لمار ؛؛ اعميمه نبي امي نا
نا ؛؛ لمار مش يوميا نزول لوطه خلاص خشي جو
لمار ؛؛ اعميمه تقعديش مكاره
نا ؛؛ هههههه مكاره جديده هذه

لمار ؛؛ اس اس
ومشت تجري لباب وحطت وذنها علي باب
نا ؛ كنك في من تسمعي

لمار ؛؛ غاده غاده
نا ؛؛ كنها
لمار ؛؛ صوتها عالي
نا ؛؛ ههههه طيح سعدك تعالي هنا ومعش تصنتي علي العرب حرام وعيب وكان ايشوفك باتك يقتلك قتل
ومسكت يدها وخششتها للصاله

ونا مشيت ودرت غداء

……

سراج خش ولقي اميره وحدها

سراج ؛؛ السلام عليكم
اميره ؛؛ وعليكم السلام
سراج ؛؛ وينها
اميره ؛ في الحمام
سراج ؛؛ اها جاي جايبلها ورقة الخروج

وطلعت رجاء وشافته وجت عينها وفي عينه

سراج ؛؛ الحمدالله علي السلامه اهي ورقة خروجك
ومد الورقه

رجاء ؛؛ قربت منه رجاء ومدت يدها
ولمست يد سراج
وسراج شد علي صبعها وامسكها
وهي اسكتت ووقفت

سراج ؛؛ ردي بالك من روحك ومعش اديري اي حاجة تهور

رجاء ؛؛ طبست راسها وغمضت اعيونها وشدت عليهن وماكنتش تبيهن يبكن واسحبت يده وصبعه من يده

رجاء ؛؛ من وراء قلبها وبصوت دوبه طالع

ان شاءالله

سراج ؛؛ تبن حاجه
اميره؛: سلامتك
سراج ؛؛ من امروح بيكن
اميره ؛؛ مراد

وخش مراد
مراد ؛؛ ها شن صار
اهلا دكتور
سراج ؛؛ اهلا مراد كيف حالك
مراد ؛؛ تمام الحمدالله شن درتلهن ورقة خروج

سراج ؛؛ اها اهي جبتها لهن
مراد ؛؛ باهي شكرا تعبناك معنا
سراج ؛؛ بحت في رجاء بنظرة حب
رجاء ؛؛ خافت من مراد برمت وجها ومشت شور السرير وتمت اتلم في حاجاتها

سراج ؛ هيا سلام
مراد ؛؛ سلام
هيا اميره رجاء

اميره ؛؛ هيا هيا
مراد ؛؛ خلي تو انشيلها نا الشنطه هذه هيا

واطلعنا البنات مع مراد وكان سراج امصبي وايبحت فيهن من بعيد وكان قلبه مكسور لان حب رجاء صاح وهي متكبره ومابتش اتنازل علي كبريائها

ووصلنا للحوش وخشن البنات ومعهن مراد
ولقن ايمان وماما وخالتي فاطمه ونعيمه يرجنا فيهن

وخشت رجاء وكان وجها شابح بكل واصفر وكان باين عليها مريضه
وسلمت عليهم كلهم وهي حابسه دمعتها والعبره تخنق فيها

خالتي فاطمه؛؛ مراد وين ويه

مراد ؛؛ في الشقه تو بالكي اتجي بعدين
اميره ؛؛ جيتها علي النوم امبدري كلمتني يالله فهمت عليها
مراد ؛؛ هههههه انتي مجربه تساليها وهي راقده اتجاوب علي سؤال تاتي بكل

اميره ؛؛ هههههههه اها
ماما ؛؛ باهي باهي عليش تضحكو علي ابنيتي هكي
اميره ؛؛ الكبيده عاد ايه
ماما ؛ اكبيدتي اكيده
خالتي فاطمه؛؛ من كثر مانك امكبده فيها نين طبعتي علي ارقبتها الكبده

ماما ؛؛ بوها هو اللي ايقوللها اكبيدتي وخلها تمشي فينا كلنا
اميره ؛ ومازالت ماشيه
ماما ؛؛ هيا خش يامراد
مراد ؛؛ ﻻﻻ نبي انروح اكيده ترجا فيا
خالتي فاطمه؛؛ من الكبيده
مراد ؛؛ ههههه اكيده
خالتي ؛؛ هابا عليك انت

وخشت رجاء وتمشي معها ايمان شور الدار

رجاء ؛؛ كنك ما جيتتي الا مره وحده
ايمان ؛؛ كنت لاهيه مع ماما
رحاء ؛؛ كنت لاهيه ولاه قالك احمد فيش اطلعو
ايمان ؛؛ انك عارفه الوضع
رجاء ؛؛ اهااا جانا غادي
ايمان ؛؛ اها قالها ليا
رجاء ؛؛ والله جانا وجايب عرم اكياس اكيده جن هنا عطينهن لل خالد

ايمان ؛؛ اها جابهن هنا
رجاء ؛؛ ايمان وتيلي دبشي نبي ندوش
ايمان ؛؛ من اعيوني امغير خشي بس تو انوتيلك احلي توته مني نا امغير خشي بس

رجاء ؛؛ نجك ليا به
وخشت رجاء تتدوش وايمان وتتلها توته منها هي وحطتلها عطر عليهن

وجت اميره
اميره ؛؛ في الحمام
ايمان ؛؛ اها
اميره ؛؛ به حتي نا نبي ندوش عدي لماما شوفيها وساعديها
ايمان ؛؛ حاضر
اميره ؛؛ امتي نزلت نعيمه
ايمان ؛؛ لما اعرفت انكم جيات تو شن قاعده قصدك مازالت
اميره ؛؛ ﻻﻻ اركبت تو

ايمان ؛؛ افتكينا منها عيت علي جينا علي الغداء
اميره ؛؛ اها و عيت خالتي سالمه في العشيه جينا هن و ويه

ايمان ؛؛ عاد تبيها جيت عيت خالتي
اميره ؛؛ هههههه صقع عليك انشوف فيه يوميا مانرجش انشوفه هنا

ايمان ؛؛ ههههه عارفتك مستفيده

اميره ؛؛ باهي هيا حولي خلني انطلع توتي وانخش لحمام للتاني

وخذت اميره التوته وخشت لحمام تاني وايمان مشت لماما في المطبخ بيش اتساعدها

وطلعت رجاء وكانن اعيونها متورمات من البكاء البست توتها ولمت شعرها وسمعت عيت علي جو اطلعت عليهم

وخشت مروه وكان جايبه في يدها تورته ل رجاء علي طلوعها

مروه ؛؛ الحمدالله علي السلامه ياارجيوه
رجاء ؛؛ الله ايسلمك ليش امتعبه روحك
مروه ؛؛ رايتي هالتعب نزلت لحلواني واخترتها بس راه

رحاء ؛؛ نجك
علي ؛؛ فيش تسليمه علي خوك ولا شنو
رجاء؛ خيرات بخويا الكبير
علي ؛؛ بعد ما انشحتت

خالد ؛؛ حولو حولو قصدكم الجاطله جت حولو حولو

علي ؛؛ ههههه بشويه بشويه

وجها واضبطها وبقوه
خالد ؛؛ اريافنا علي هرجتك
رحاء ؛؛ ونا علي اهبالك
علي ؛؛ نزل البنت تو اتكسرها بين ايديك
ايمان ؛؛ هههههه تكسرت وفضت

ماما ؛؛ ان شاءالله ديمه ملتمين هكي والضحكه علي وجهكم

كلهم ؛؛ ان شاءالله

خالد ؛؛ عارفين تو شن اللي ناقصه

ماما ؛؛ ها شن
خالد ؛؛ ايه النكديه اتجي وتبدا تبكي بعدك ادموعها ديمه وتيت ماني عارف امتي اتوتي فيهن

خالتي فاطمه ؛؛ ههههههههه والله صدقت فيها

ايمان ؛؛ تو اتجي في العشيه هي وعيت خالتي سالمه عيت ( امل ) وغمزتله

خالد ؛؛ اوووو امل جايه يعني

علي ؛؛ خبط علي ظهر خالد
تي تحشم وانت ما تحشم بكل

خالد؛ عاد انت مطمن علي مروه احذاك واتقولي تحشم
مروه ؛؛ هههههههه
اهو جابها لك علي الوتر الحساس

علي ؛؛ نقانه وتر حساس هي حطو الغداء جواعه راه

ماما ؛؛ هيا قعمزو وانتو امصبين

وخشت ماما وراءها ايمان وخالتي فاطمه وبدن ايحطن وخشت عليهن اميره ومروه

اميره ؛؛ خالي جا
خالتي ؛؛ وين رجاء اكيده يبي ايسلم عليها
اميره ؛؛ ياعوينك قاعده في حضنه واتبكاء

خالتي ؛ هههههه عارفته عيسي ماايتحمل فيكن حاجه
ماما ؛؛ ولا نحن والله ماايعتبرن فيه الا بوهن مش خالهن وبس

مروه ؛؛ خالي عيسي حتي نا اللي كنتهم انحس فيه بات العائله مش خالهم

ماما ؛؛ انعنه ماايغيب
هيا شيلنا السفر

وكلهم قعمزو علي الغداء وتغدو وصبنا البنات ولمنا الحوسه

…..

مراد ؛؛ دايره غداء بدري
نا ؛؛ اميره قالتلي انك ح اتروح بدري علي خاطرهن
مراد ؛؛ اها سلم ايديك
نا ؛؛ تسلم حبيبي

مراد ؛؛ لمار كولي اكويس كنك هكي
لمار ؛؛ اعميمه اليوم حبستني ما بتش اتخليني نطلع

مراد ؛؛ بحت فيا بالاستغراب

نا ؛؛ لا يا حبيبي مش يوميا عاد هكي تو امك ترقلها هي الشقه مش فندق نين ماتعرفها الا في الليل بس وقت النوم وتقعد طول النهار تزعاج فيهم خليتها اليوم هنا والعبت بالاعبها ولعبت حتي حمادي معها

مراد ؛؛معها الحق اعميمه يا لمار

لمار ؛؛ من الكسد لعبت حمادي بس

نا ؛؛ خوك ولازم اتلعبيه وهذه شقتكم خوذو راحتكم فيها تو بعد المغرب انزلكم تلعبو في الجنان

مراد ؛ اها صاح كلام
نا ؛؛ اخر اليوم تو تفرحي اليوم ماشين للحوش امي عيشه

لمار ؛؛ هيييييي صااااح

نا ؛؛ اها هيا صبي عدي اغسلي ايديك وفمك وخشي لدارك بيش اتقيلي

لمار ؛ باهي
وصبت تجري لحمام

مراد ؛؛ تبي اتشليها معاك
نا ؛؛ اها املاه انخليها هنا ابروحها

مراد ؛؛ ﻻﻻ خوذي معاك انتي حمادي ولمار خليها هنا عند البنات

نا ؛؛ كيف انخليها بعدها ماما اتهزبني وبعدين حتي البنات ايحبنها ويبنها

مراد ؛؛ ايه خلي البنت هنا تو تمشي غادي وتقعد اتبحت في البنات شن اديرن وتقعد اطبق هنا

نا ؛: انصدمت من كلام مراد
ليش كنهن فيش اديرن البنات غادي

مراد ؛؛ فكينا وخلاص خليها هنا مع خواتي

تا ؛؛ خواتك مش فضيات خلاص ايوتن لفرح

مراد ؛؛ باهي بس نبيش حركات هكي ولاه هكي اديرنها البنات قدامها راه لمار تحكي لامها

نا ؛؛ ليش شن قايله
مراد ؛؛ اللي هو المهم فكينا من الجوه قدام لمار ووصلي خواتك

نا ؛؛ حاضر
ومديت اشوربي قدمي وصبيت وصبي مراد ورايء وجابلي السفره للمطبخ وبديت نا انظم فيها
وهو طلع وخش للدار

والباب دق طلع هو وفتح الباب

مراد ؛: اهلا هدي

هدي ؛؛ اهلا وين ويه

مراد ؛ رفع حاجبه
ويه
هدي ؛ هههه اها ويه مش ويه هي

مراد ؛؛ ادلعي معناتها في طلب احكي احكي طول

هدي ؛ هههه والله مافي طلب مراتك الوحيده اندلع فيها بلا مصلحه

مراد ؛؛ به تو انكلمك ويتي

هدي ؛؛ ويتي
مراد ؛؛ اها ويتي مش ويتي هي

هدي ؛؛ ههههه
ماحد يقدر يحكي معاك

وخش مراد عليا في المطبخ

مراد ؛؛ ويتي هدي علي الباب تبيك

نا ؛؛ صاح نحسابك تحكي مع طارق

مراد ؛؛ ﻻﻻهدي تعالي شوفيها
نا ؛؛ وليش امصبيها بره خششها

مراد ؛؛ انخششها وانتي لابسه هكي
نا ؛؛ بحتت في روحي وفيه
كنها لابستي شن فيها

مراد ؛؛ اقصيره الشرت اقصير بكل والكت اخيوط
نا ؛؛ توته هذه
مراد ؛؛ هذا تعري مش توته
نا ؛ هههه تحشم ياريت حتي جايب نتيجه
لا شيء مجافني وهمك الغداء بس

مراد ؛؛ كيف مش جايب نتيجه وبطنك اللي قدام من من

نا ؛؛ ههههههههه عقلك امسوس نا قصدي علي الدلع وانت كله عقلك امسوس

هدي ؛؛ ويه يا ويته تي وينك

ونا مشيت وسيبت مراد امصبي عند الباب وحاول ايسكر عليا بس نا دفيته ومشيت

نا ؛ اهلا هدي خشي
هدي ؛؛ تي وين علي جو الدلع هذا كان اتشوفك هاجر بس

نا ؛ ههههه خشي
وجا مراد وراءي

وقعد امصبي ومتكي علي الساس وايبحت فينا

وبحتت هدي مستغربه فيه نين التفت عليه وشفته واستغربت

نا ؛؛ حبيبي كنك
مراد ؛؛ احكن كنكن

نا ؛؛ هههه باهي عطينا طريق
مراد ؛؛ نبي نسمعكن

هدي ؛؛ هههه خليه خليه

نا جايه نبي انقولك راه قالتلك ماما كانك ماشيه اليوم لهلك راه نبو نمشو معاك

نا ؛؛ اها ان شاءالله ماشيه
هدي ؛؛ خلاص ماما راه تبي تمشي متحشمه من امك
نا ؛؛ حتي انتن طبعا
هدي ؛؛ نقاني نبيها المشيه نا وان شاء الله ماشين حتي هاجر ماشيه

مراد ؛؛ ادوارتي في الحوش هذاك نبي نعرف ليش اللي يمشيله يقعد يبي يمشيله اخر ليش شن في في الحوش غادي

هدي ؛؛ ههههههههه في جو ايهبل جو هل ويتك ايجنننن كيف انت مش امهدرز معهم ولا شنو

مراد ؛؛ اهاااا بس
نا ؛؛ مراااااااد كنك
هدي ؛؛ خلاص ياويه ماشين ان شاءالله
نا ؛ اها ان شاءالله بعد العصر لما يطلع مراد للعياده

هدي ؛؛ به سلام تو
وجتنا لمار

لمار ؛؛ اعميمه ننزل معاك
نا ؛؛ هههههه اتنزلي في كلمتي يعني نا قالت خلاص امك اكيده تبي ترقد

هدي ؛؛ لا خليها تنزل تو تقعد معي

مراد ؛؛ خليها يا ايه وانتي تحبسي فيها

نا ؛؛ تو نا طلعت الشريره يعني
مراد ؛؛ ماني عارف من الصبح وانتي حابستيها

هدي ؛؛ ههههه ايركب عليك بس
نا ؛؛ والله قالتلها فيش نزول علشان قالت البنات اكيده تعبانات ورقدات

هدي ؛؛ ههههه ﻻﻻ عادي هيا لمار
جيبي معاك لابستك بيش انغيرلك نا

نا؛؛ عدي طلع قفطانك الوردي والكندره

لمار ؛؛ باهي
وخشت لمار تجري وخش وراها مراد وطلعلها القفطان ونا مشيت للمطبخ وكملت حوستي
ولمار اطلعت
وخش عليا مراد ونا امولعه البخوره

مراد ؛؛ خذو معهم حتي حمادي
نا ؛؛:صااااح عليش
مراد ؛؛ من الاخير نا اللي وزعته
نا ؛؛ عليش
مراد ؛؛ علي وحده امبدري قالت ياريته جايب فايده

نا ؛؛ ههههههه كنت انبصر معاك
مراد؛؛ به بس نا نبي ناخذها بجد
نا ؛؛ ههههه حبيبي
وكرني مراد وشالني وحطني علي الكنبه
نا ؛؛ به خش للدار ليش هنا
مراد ؛؛ ههههه وليش اموزع العويل نا

نا ؛ ههههه صايع
مراد ؛؛ قرب مني ونزل عليا
حلالي

نا ؛؛ انحبك
مراد ؛؛ اثبتيلي
نا ؛ شن قصدك انت مش عارف ان نا انحبك
مراد ؛؛ تو اثبتبلي
نا ؛؛ شن اندير
مراد ؛؛ بوسني مش انتي اتحبي لحيتي
نا ؛؛ انحبها علشان هي منك
و……………

نا ؛؛ حبيبي صبي راه العصر
مراد ؛؛ نط شن عصر
كنك وعيتني متاخر

نا ؛؛ نا بروحي وعيت تو
ما منك انت
مراد ؛؛ صبا يجري وخش لحمام ادوش
وطلع ونا خشيت وراه وادوشت وطلعت وتمينا نلابسو بسرعه

وماطقيتش اندير استشوار يالله درت ميك اب بس
ونزلن طول والقيت البنات وعمتي يرجن

سلمت علي عمتي و حبيت علي راسها

عمتي؛؛ الله ايربحك
وينكم طولتو
مراد ؛؛ مشت علينا نومه هيا اطلعنا

وطلعن وركبنا في السياره ولمار مع عمتي قدام وحمادي في يد مراد

هدي ؛ بصوت واطي
مشت النوم ولا حاجه اخر
نا ؛ ههه يسمع فينا
هدي ؛؛ عليك حاجه صقع لابستها امبدري ويه في الشقه ياهاجر

هاجر ؛؛ حاجة شن
هدي ؛؛ توته فوشي شورت كروهات اقصير وبدي كتف عريض والكتف التاني خيط وفيها رسمه سوده

هاجر ؛؛ من وين شريتها
نا ؛؛ راه مراد فهم خلاص سكتنا
هاجر ؛؛ احكي من وين شريتها
نا ؛؛ شرها ليا مراد في رمضان
هدي ؛؛ هههههه خويا صايع ونا ماني عارفه

نا ؛ هههه صايع وبس
هدي ؛؛ والله عرفته في عقله حاجه من لما قالي خوذي معاك حمادي

هاجر ؛ هههههههه يبي ايكيف روحه عاد

نا ؛؛ حطيت يدي علي خدي وعضيت فمي
طيح سعدكن

هاجر؛ بصوت عالي وهي تضحك
امتي نا يارب

عمتي ؛؛ التفت علينا
شن اللي انتي امتي

هدي ؛ هههههه استلمي عاد
هاجر ؛؛ اندير سياره هههههه ونبقي انسوق كيف مراد

لمار ؛؛ بابا صقع عليك

هاجر ؛؛ بحتت فيا واضحكت
نقانه صقع ماعندي مانحكي

هدي ؛؛ ههههه
هذه برسمي تبي اتكشف بينا
نا ؛؛ ما منك انتي

ووصلنا للحوش ونزلنا
وصبينا ودقينا الباب وفتح خالد الباب

كان خالد قاعد في الجنان ومعه وليد ومحمد و2 اصحابه

خالد ؛؛ اهلا اهلا تفضلن تفضلن

وخشت عمتي ونا وهاجر وهدي كنت لاهيه في لمار وماسكه يدها وخشت

عمتي شافت الشباب امقعمزين
عمتي ؛؛ السلام عليكم
الشباب ؛؛ وعليكم السلام

و هدي سمعت صوت حست روحها تعرفت
رفعت راسها واعيونها وشافت و…………

يتبع