مسلسل سعاده كاذبه التكملة

مسلسل سعاده كاذبه

الحلقه 45

وجاتها اميره وتمت تمشطلها في شعرها 
واسمعنا صوت دكتور خش

رجاء ؛؛ ارتبكت لان اعرفت صوت ومعش اعرفت ماادير وخنقتها العبره

اميره ؛؛ اقعدت تمشط في شعرها وحست ان رجاء مش تمام

وايخش الدكتور وكان امنزل راسه ولاهي في الاوراق

وقلب رجاء ينبض بسرعه وخايفه
واميرة وقفت مشطت شعرها

وجا الدكتور عند سريرها ورفع راسه وانصدم لما شافها وهي نزلت راسها طول
وهو ارتبك وشاف للممرضه اللي جنبه و ل اميره وبحت في رجاء ولقها امنزله راسها وتمسح في اعيونه

سراج ؛؛ بصوت مخنوق
رجاء كنك قاعده هنا

رجاء اقعدت ساكته ومنصدمه

الممرضه ؛؛ المريضه هذه جت امس في الليل وهي دايخه عندها هبوط قوي بدرجة اثر علي قلبها

سراج ؛؛ ومن امتي اتحسي
رجاء ؛؛ تمت تبكي واتنهد وتمسح في ادموعها
اميره ؛؛ قعمزت جنبها وتمت اتهدي فيها
سراج ؛؛ معليش ممكن بره نبيها اوحدها
اميره ؛؛ انحرجت من سراج وجت تبي اتصبي مسكت يدها رجاء

سراج ؛ اميره لو سمحتي

اميره ؛؛ ما تخافيش ارجيوه نا قاعده هنا قدام الباب
وطلعت اميره والممرضه تمت اتبحت فيهم
وبحت فيها سراج بالاستغراب

سراج ؛؛ ممكن حتي انتي وما نبيش حد ايخش عليا وخلي الحاجات هنا تو انشوفها اوحدي خلاص

الممرضه ؛؛ حاضر دكتور
وطلعت الممرضه
سراج ؛؛ قعمز جنبها ومسك ايديها

من امتي مريضه ليش ما قالتلي
رجاء ؛؛ وهي تبكي
انت ما اتردش عليا
سراج ؛؛ مش منك انتي مش انتي اللي اتعاندي وماتبيش ادريري اللي نبيها نا

رجاء ؛؛ ساكته واقعدت تبكي وترعش
وسراج حس الرعشه في يدها

سراج ؛؛ اهدي ليش البكاء تو
رجاء ؛؛ انت سيبتني قالتلي معش تلزميني ولنا تو فوق من اسبوع ما نحكوش مع بعضنا

سراج ؛؛ انتي اللي غالطه
رجاء ؛؛ ﻻﻻ مش غالطه نا نا خايفه علي سمعتي وعلي سمعت خواتي وخايفه علي سمعت اختي المتزوجه اللي امطلعتني تتدهور فيا

سراج ؛؛ طلق يدها وصبا وهو متعقد وبصوت عالي

خايفه علي سمعتك مني نا كيف مش حاطه ثقه فيا ولا شنو كيف ما تحقيش فيا راجل ولا شنو احكي كنك ساكته احكي ماتحقيش فيا راجل ولا شنوووووووووووو

رجاء ؛؛ اقعدت تبكي اخري بصوت عالي

وخشت اميره عليهم ابسرعه

سراج ؛؛ بحت في اميره وهو متعقد
بره لو سمحتي

اميره؛؛ سراج هذه مريضه ما اتمرضهش اخر ساد ما درت فيها خلاص مش انت سيبتها ومعش اترد عليها والليل وهي لترن عليك وانت ماترد

عليش تو تحرق في دمها هي اصل هنا بسببك انت

رجاء ؛؛ وهي تبكي ومنهاره وترعش

اميره خلاص

سراج ؛؛ لا خليها خليها قاعده تاخذ في حقك يعني انتي مسره ان نا اللي غالط واخر حاكيه لاختك علي اساس نا اللي غالط لدرجه هذه انتي بيعتني ومش حاطه فيا ثقه ومش معتبرتيني راجل

نا يا ابله لما معش رديت عليك علشان القيت البنت اللي انحبها مش ديرتلي اي اعتبار تطلع واتخش بدون ما تحكيلي لا وهذا كله تقعد تضحك مع الناس قدامي يعني شايفتني لعبه قدامك ولا شنو اني حتي الشفره ما بيتيش اتعطيها ليا تي حتي الرقم اللي ايرن عليك ما تعطيش فيه ليا يعني ديرتني امغير مكسده في الليل بس اتهدرزي معي

رحاء ؛؛ بصوت عالي وهي تبكي
خلاااااص خلاااااص
نا مريضه وانت تتفكر في روحك بس ونا كني عنديش دم واحساس ولا شنو ما نحكيش لاني انتجانب في المشاكل خلاص والله اللي فيا كافيني

سراج ؛؛ شن اللي فيك قولي شن اللي فيك احكي انطقي ليش امتعبتني معاك احكي انطقي شن اللي داستيه عليا

رجاء ؛؛ تمت تبي اتصبي

اميره ؛؛ حي عليا ارجيوه كنك
رجاء ؛؛ نبي نطلع نبيش نقعد هنا

امبره ؛؛ التفت لاوره شور سراج

عاجبك انت هكي هذا بدال ما اتهديها واتريحها جايها واتكبر في الموضوع اخر انت شغلتك هنا دكتور بس مهما اتكون انت عملك اتعالجها بس فهمت يا سراج انت عالجها بس

بعدها المستشفي امعبيه دكاتره مش امصبيه عليك انت

رجاء ؛؛ اميره اسكتي
اميره ؛ شن نسكت بدال ما ايعالجك جاي ايكثر عليك اخري ولما الناس عليك بره التاس كلها تسمع فيك

سراج ؛؛ معاك الحق نا دكتور وشغلتي هنا انعالجها بس

وجا شور رجاء
سراج ؛ لوسمحتي ممكن اتقعمزي

رحاء ؛؛ رفعت اعيونها وشافته كيف مش امركز في وجها وكان شكله راقيه بكل

قعمزت رجاء علي السرير
وهو تقرب منها وحط السمعات في وذنه
ومد يده وحط الجهاز علي صدرها وكان ينبض بقوه
سراج ؛؛ خوذي نفس واهدي
رجاء ؛؛ تمت تاخذ في نفس لكن كانت العبره خنقتها واعيونها ملينات ادموع

سراج ؛؛ بحت في اميره
جيبها ميه خليها تهدي ونا تو انرد عليها بدال ما هدت

وطلع سراج ورجاء انهارت بكي

اميره ؛؛ خلاص ارجيوه سامحيني كان اغلطت
رجاء ؛؛ ﻻ عادي يا اميره اصلا نحن علي جميع الاحوال سيبنا بعضنا مش امصبيه عليك عطيني ميه بس وافتحي روشن نبي نفس

اميره ؛؛ حاضر
وصبت اميره ومدت لل رجاء ميه وافتحت للروشن

وحست رجاء بحاجه غامه علي قلبها وصبت ابسرعه شور الروشن وطلعت راسها وتمت اتنفس بقوه

اميره ؛ ارجيوه كنك
رجاء ؛ قلبي قلبي قلبي ينبض بقوه

اميره؛ اطلعت تجري للغرف اللي بعدهن اللي فيها سراج

دكتور دكتور
والتفت سراج شورها
اميره ؛؛ رجاء رجاء تعبانه

سراج ؛ شن وسيب اللي في يده وطلع يجري شور الدار ولاقي رجاء طايحه دايخه عند الروشن وجاها يجري وشلها وحطها علي السرير

عدي كلمي الممرضه بسرعه عليش اتبحتي فيا هيا ابسرعه

اميره ؛ وهي تبكي
انت السبب انت السبب
سراج ؛ بصوت عالي
برا اطلعييييييييييي

وجاته الممرضه

سراج ؛؛ نبضها مش تمام درتولها رسم قلب
الممرضه ؛؛ امس في الليل

سراج ؛؛ انخششها للعنايه احسن
الممرضه ؛؛ تو انجيب سرير بيش ننقلوها

سراج ؛؛ بحت في الممرضه وفي رجاء وشافها كيف مغم عليها شلها بين ايده وطلع بيها ابسرعه

الممرضه ؛؛ دكتور دكتور بشويه

سراج ؛ ابسرعه امشي قدامي وافتحي العنايه

اميره ؛؛ حي عليا كنها شن فيها عليش العنايه
وتمت تجري وراهم
وخش بها سراج للعنايه وحطها علي السرير وبدا ايحطلها في الاجهزه وقعد جنبها

واميره اقعدت تبكي بره وبعدين اذكرت مراد
مشت تجري ل مراد

اميره ؛؛ معليش نبي دكتور مراد

الممرضه ؛؛ مش فاضي تو عنده حالة وضع
اميره ؛؛ نبيه ضروري
الممرضه ؛؛ ارجي هنا ياابله فيش ضروري ارجي كيفك كيف الناس

اميره ؛؛ اقعدت تبكي ومنهاره عند غرفة الانتظار ترجا في مراد

بعدها عدت للعنايه ولقتهم امسكرين وما بوش ايخششوها
اميره ؛؛ وراس دكتور اختي جو نبي نعرف شن صار فيها بس
دكتور؛؛ في حالات واجدات جو اي حاله
اميره ؛: الحاله اللي تو خش بها دكتور سراج
دكتور ؛ اها قاعد عليها ما تخافيش عليها بدال بين ايدين دكتور سراج بس تو نطمنك عليها اهدي بس

ومشت ربع ساعه واميره ترجا في اي خبر من جو بس ماحد طلع عليها وخافت اتكلم حد تاني
ومشت لمراد اخري

اميره ؛؛ وين دكتور مراد
الممرضه ؛؛ في غرفة الكشف كنك انتي شن صاير معاك
اميره ؛؛ نبي مراد نا
الممرضه ؛؛ نعم شن قالتي
اميره ؛؛ بالله عليك خلني انخش عليه ولا قوليلها اميره بره تو يطلعلي بره

الممرضه ؛ حاضر تو انقوله تطلع المريضه اللي جو بس
اميره ؛؛ حاضر
وقعمزت اميره وبعد 5 دقائق اطلعت المريضه وخشت الممرضه علي مراد

الممرضه ؛؛ دكتور في وحده امبدري وهي تسال عليك قالت اسمها اميره

مراد ؛؛ اميره وينها كنك ما قالتيها

الممرضه ؛؛ اصلا هي عدت وتو ردت اخري
وصب مراد وطلع بسرعه ولقي اميره امقعمزه

مراد ؛؛ اميره كنك
اميره ؛؛ رجاء خشوها لعنايه
مراد؛؛ شن من امتي
اميره ؛؛ اقريب نص ساعه
مراد ؛؛ شن من اللي خششها
اميره ؛؛ دكتور سراج جاها في الصبح وخششها ومعش طلع ايطمني عليها

مراد ؛؛ به تعالي
الممرضه ؛؛ دكتور عندك حالات اخري
مراد ؛؛ تو انرد اشويه بس

ومشو مراد واميره شور العنايه ومراد خش طبعا عليها

ولقي رجاء راقده وحطلها سراج اجهزه وهو امصبي ايبحت فيها

مراد ؛؛ دكتور سراج

سراج ؛؛ التفت لاوره شور مراد
اهلا دكتور مراد

مراد ؛؛ شن صار معها
سراج ؛؛ قلبها تعب اشويه نبضها مش تمام
مراد ؛؛ شاف رجاء كيف راقده وشعرها مطلوق وما اعجبش مراد الموقف هذا قدام سراج وتعقد

مراد ؛؛ يعني وضعها تمام
سراج ؛ ﻻ تمام عاطيها منوم وضروري اتريح هنا احسن علي الاجهزه نبي انراقبها

مراد ؛؛ شاف الحزن في اعيون سراج لان باين عليه ايحبها
وجا دكتور تاني
سراج ؛؛ ممكن بره هنا وراء ستاره
دكتور
وطلعه سراج بره لان ماكنش يبه ايشوف رجاء وهي راقده و طالقه شعرها ولابسه بدي غار عليها

دكتور ؛؛ في وحده تبكي قالت عندها اختها اللي انت دخلتها
سراج ؛؛ اها قاعده راقده كنك
دكتور ؛ ممكن انشوفها
سراج ؛؛ ﻻﻻ نا قاعد عليها
دكتور ؛؛ البنت امبدري وهي تجدا فيا عليها

مراد؛ خلاص معها دكتور سراج
دكتور؛؛ شكلها واصله المريضه اللي معها اكبر دكاتره

مراد ؛؛ قريبتي
دكتور ؛؛ اهااا اوكي فهمت به اطلعو للبنت بره قاعده تبكي

مراد ؛؛ تو نطلعلها خلاص

وطلع دكتور وراءه مراد
سراج ؛؛ مراد
مراد ؛ برم وجه واستغرب لسراج لان اول مره يناديله بلا اسم دكتور

نعم
سراج ؛؛ خلي اميره اتخش اتلملها شعرها وتسترها

مراد ؛؛ حس بموقف محرج وطلع بدون ماايقول كلمه
لان هكي سراج وضح ل مراد في علاقه بينه وبين رجاء وكان الحب واضح في وجه

…………..

اميره ؛؛ ها مراد شن صار
مراد؛؛ اطمني وضعها تمام امغير سراج حاطه في العنايه اهتمام بس وماتقوليش لحد انها في العنايه تو ينشغلو وهي ما فيها حاجه

اميره ؛؛ به الحمدالله
مراد ؛؛ عدي جيبي حاجه اتملي شعرها وحطيلها وشاح خطا قعدتها هكي
اميره ؛؛ حاضر
مراد ؛؛ اي حاجه تعاليلي غادي وماتقوليش لحد انها في العنايه

اميره ؛؛ حاضر

ومشي مراد وهو متعقد
وخشت اميره علي رجاء ولقت سراج امصبي
مابتش تحكي معه كلمه مشت طول لرجاء ولمت شعرها ومعش اعرفت كيف اتحط وشاح

سراج ؛؛ خليه هنا تو مافيش داعي منه

اميره ؛؛ ما بتش اترفع عينها عليه وعدت ومشت وقالت بصوت مرتفع اشويه بحكم يسمعها سراج

حسبي الله ونعم الوكيل

سراج التفت شورها وتعقد وما بش ايرد عليها ومشي وراها

ولما هي اطلعت من الباب العنايه
جا سراج للامن اللي امصبي علي الباب العنايه

سراج ؛؛ الحاله اللي اسمها رجاء ما نبيش حد ايخش عليها والابله هذا معش نبيها اتخش

التفت اميره شوره وبحتت فيه
سراج؛؛ فهمت مانبيش نمله اتخش جو نا قالت
الامن ؛؛ حاضر دكتور

وخش سراج جو

…………

ورن فون اميره

اميره ؛؛ الو
ايمان ؛؛ شن الاخبار
اميره؛؛ تمام الحمدالله
ايمان ؛؛ كنه صوتك هكي شن في
اميره ؛؛ مافي شيء امغير تعب بس
ايمان ؛؛ يبو ايجو تو عيت علي وعادل

اميره ؛؛ ﻻﻻ قوليلهم ما فيش داعي اتعبو اروحكم منعو عليها الزيارات

ايمان ؛؛ ليش كنها اصعبت حالتها ولاه شنو

اميره ؛؛ لا بس جا سراج وشافها وتعقد ومنع عليها الزيارات وقعد هو امصبي عليها

ايمان ؛؛ ﻻﻻ اكيده صارت حاجه

اميره ؛؛ خليها ساكته والله ماعاد اعرفت من اللي غالط هي ولاه هو

ايمان ؛؛ هي اللي غالطه
اميره ؛؛ ربك يستر سراج عصبي وصارت بيني وبينه مشكله كبيره تو ولزني حتي نا

ايمان ؛؛ طيح سعدك شن قالتي
اميره ؛؛ موضوع طويل تو من عندكم
ايمان ؛؛ ويه بس
اميره ؛؛ اها امس خالد شك في وليد ان في المستشفي بس امل انقذت الموقف واكذبت عليه وقالت انه راقد

ايمان ؛؛ وانتي شن عرفك
اميره ؛؛ كلاه انتي قصقاصه دزتها ليا امس في رساله شن هو وينه تو
ايمان ؛؛ طلع للعمل

اميره؛ ؛ به هيا عدي اشقي بالحوش

………

نا ؛؛ ها شن صار فيها رجاء
ايمان ؛؛ وضعها مستقر
نا ؛؛ باهي الحمدالله هي تعالي ديري السلاطه ونا نبي انمد طولي اشويه احذ ماما انحس في ظهري يوجع فيا وجسمي تعبانه اليوم سكلي من فجعت امس

ايمان ؛؛ لاباس ان شاءالله

ومشي الوقت ونا وماما وايمان انهدرزو

وجو عيت علي
مروه ؛؛ خير ياعمتي كيف حالك
ماما ؛؛ الحمدالله
مروه ؛؛ شن اخبارك يا ويه

نا ؛؛ اكويسه شن اخبارك انتي

مروه ؛؛ حال المشاغل تو كنت غادي عند رجاء القينهم حطيلنها اجهزه ومنعو عليها الزيارات

ماما ؛؛ هييييي ليش كنها مرضت اخري
مروه ؛؛ ﻻﻻ اكويسه شافنها من بعيد اكويسه بس حاطينها علي الاجهزه بس بيش يطمنو اكتر عليها حتي هو دكتور سراج اللي قاعد عليها

ماما ؛؛ سراج امتع القلب
مروه ؛؛ اها دكتورك هو اللي مستلم حالتها

ماما ؛ باهي الحمدالله
نا ؛؛ مراد دارلي رنه شكله اقريب ايجي في طريق

ايمان ؛؛ باهي هيا انحطو

وصبينا نا و ايمان للمطبخ وبدينا انحطو

ماما ؛؛؛وين نعيمه
مروه ؛؛ تلقينا غادي في المستشفي وروحنا مع بعضنا هي اركبت فوق طول

خالد؛ ؛ السلام عليكم
ماما؛؛ وعليكم السلام
خالد ؛؛ شن الاخبار شن صار في رجاء

ماما ؛؛ اكويس وضعها مستقر مراد جا

خالد ؛؛ اها شفته تو خش للمربوعه ل علي

نا ؛؛ خالد هيا راه حطينا الغداء
خالد ؛؛ هيا نغسل ايديا بس تو انسيل السفره

وقعمزنا وتغدينا

ماما ؛؛ ايه حطيتي حطه اكويسه
نا ؛؛ اها تمام كنك
ماما :؛ لا شيء نسال بس شن تبي تمشي لمستشفي
نا ؛؛ تقريبا لا ماما انحس في ظهري يوجع فيا وجسمي تعبانه

ماما ؛؛ به لاباس وانتي يا ايمان تمشي

ايمان ؛؛ رفعت عينها لماما
من جدك انتي يا ماما

ماما ؛؛ طيح سعدك قصدك ماتبيش تمشي اتنفسي علي اختك اشويه اتجي اتريح واتخش لحمام

ايمان؛؛ فكينا من المشاكل نقدرش نمشي نا

ماما ؛؛ معقوله السلبيه هذه اختك في المستشفي وما تمشيلهش

ايمان؛؛ ماما فكينا

ماما ،؛ صبي صبي من قدامي يا سلبيه شاطره امغير نوم وخلاص تو تنفعك السلبيه هذه اختك كان ما صبيتي معها تو امتي تبي اتصبي معها

وصبت ايمان وهي متعقده وسكرت علي روحها في الدار

مروه ؛؛ عمتي خليها براحتها البنت هي تو مراة راجل ما تقدرش تطلع بدون اذنه

ماما؛؛ بس في مواضيع غصبن عنه وعنها اديرهن تو علشان راجل اتسيب اختها

نا ؛؛ ماما انتي عارفه ايمان وطبعها

ماما؛ ؛ طبعها السلبي هذا جديد من الأستاذ احمد

مروه ؛؛ عمتي الرجاله في المربوعه

ماما؛؛ ازي طلعت عيبي قدام الرجاله

مروه ؛؛ تو نمشي نا تو بعد الغداء واتجي اميره تدوش واتريح واتجيني في الليل غادي باهي يا عمتي

ماما ؛؛باهي الله ايربحك
مروه ؛؛ هذه خيتي يا عمتي ومن حقها انصبي معها

نا ؛؛ والله لوله المرض اللي نا فيه راه مشيت

ماما ؛؛ ﻻﻻ انتي ماحد ايلمو عليك انتي مراه مكيوده و ما عندك حيل

وصبينا نا ومروه ولمينا المطبخ علي السريع وعدو عيت علي للمستشفي وخش خالد لداره وجيت نا خشيت علي مراد في المربوعه

واليقته امصبي

نا ؛؛شن حبيبي وين ماشي
مراد ؛؛ ماشي انتريح في الشقه كنه وجك مش تمام
نا ؛؛؛انحس في روحي تعبانه اشويه وعيتي بدري لاخبطتلي روتيني

مراد ؛؛ ههه نجك ليا
وكرني شوره واضبطني
متعوده غادي نوم في الصبح نا نطلع وانتي اتعاودي نوم لعند 11

نا ؛ هههه الله غالب التعب والحمل هو اللي ايخلي فيا نرقد

مراد ؛؛ نجك يا حبيبي
وباسني علي خدي
نا ؛ تعال قعمز اشويه
مراد ؛؛ كنك تبي اتهدرزي معي
نا ؛؛ نبي نسالك علي التحاليل

مراد ؛؛ خبط راسه بيده
اوووو انسيت بكل
نا ؛؛ شن انسيت
مراد؛؛ انجيبلك الدواء
نا ؛؛ اطلعن التحاليل
مراد ؛؛ اها اطلعن وتمام ما تخافيش
نا ؛؛ بدال ونا بين ايدك مستحيل انخاف
مراد ؛؛ ناعليا منك ومن كلامك العسل
تعالي اشويه ناخذو تصبيره

نا،؛ههه تصبيره شن
مراد ؛ حطني علي الساس وبحت في الباب وبعدها بحت فيا وحط صبعه علي فمه معناها اسسسسسس

نا ؛؛ بصوت واطي
حبيبي فيش ادير انت

مراد ؛؛ اسس نا قالت خلاص
ونزل عليا وباسني

نا ؛ اهااا حبيبي هلي تو ايشوفنا
مراد ؛؛ نازل علي ارقبتي ومش امدورني بكل

نا ؛؛ بتنهيده حبيبي عيب
مراد ؛؛ رفع اعيونه عليا وبحت فيا
وبصوت واطي وحنون
امرايف عليك
نا ؛؛ ههه حبيبي تحشم نحن في حوش هلي مش في شقتنا

مراد؛؛؛من قاعد
نا ؛؛؛ماما وايمان وخالد
مراد ؛؛ خالد خش رقد نا عارفه وامك اكيده حتي هي ارقدت وايمان اكيده لاهيه مع خطيبها علي فون

نا ؛؛ رفعت حاجبي
يعني

مراد ؛؛ يعني
وقرب مني وفتحلي ابلوزتي من فوق

حلالي ونبيه

نا ؛؛ حبيبي عيب
مراد ؛؛ اسس خلاص
وحط يده علي وسطي وكرني شوره وتمه ايبوس فيا ونا دايخه بين ايديه وخايفه وقلبي ينبض بسرعه

حبيبي صوت حد جاي
مراد ؛؛ فيش حد امغير اس

نا ؛ والله صوت ماما حول
وتميت اندف فيه وهو شاد عليا وسمعنا صوت حركة حول هو

ونا ابتعدت فجاء منه

مراد ؛؛؛ هههههه خوافه
نا ؛؛ خذيت نفس
مش طبيعي انت هذا وقته تو

مراد ؛؛ مادرت شيء نا خذيت تصبيره بس
نا ؛؛ اتشردني هكي باهي
مراد ؛؛ ههههه صكري صكري ابطمك وعدي خشي ونا طالع تبي حاجه

نا ؛؛ ساعه كم اتروح بيا
مراد ؛؛ امتي ما نطلع من العياده راه انحس في روحي تعبان من تو مش تقوليلي عشاء وانزل تعشاء كيف تو راه تعبان ونبي انتريح

نا ؛؛ حاضر وبه رجاء امتي تطلع

مراد ؛؛ شكلها امطوله والله قاعد عليها سراج وخششه اليوم لعنايه وامسكر عليها

نا؛؛ اها
مراد ؛؛ اليوم دار لقطه عجبتني منه
نا ؛ شن
مراد ؛؛ ماخلش حد ايخش عليها وقالي كلم اميره تسترها حتي لما جا دكتور تاني ماخلش ايخش عليها وسكر عليها بالستاره

نا ؛؛ اهااا بعدك هم تو جوهم شين بكل

مراد ؛؛ صااح والله اللي شفته نا في اعيونه برسمي ايحبها وايغار عليها

نا ؛؛ حتي هي اتحبه
به هي روح انت بيش اطق ترقد وتوعي للعياده

مراد ؛؛ به حبيبي سلام
وجاني وقرب مني وباسني علي راسي

مع ان اخساره فيك البوسه هذه
نا ؛؛ ههه عليش
مراد؛؛ علشان دفيتني
بس تو اتشوفي عليها في الليل الدفاء هذه

نا ؛؛ ان شاءالله خير

وطلع مراد ونا خشيت ورقدت جنب ماما
وجت اميره لقتنا رقدات خشت ادوشت وتغدت وارقدت
وما وعت الا علي المغرب

نا ؛؛ صح النوم
اميره ؛ طولت شكلي
نا ؛؛ بكل
اميره ؛؛ امس ما رقدتش الا متاخر ووعيت بدري

نا ؛ هذا حال المستشفيات
اميره ؛؛ اليوم صارت مشكله كبيره بيني وبين سراج
نا ؛؛ هيييييي انتي ماشيه مرافقه ولا ماشيه اديري في مشاكل

اميره ؛؛ اصبري وانتي تسبقي في الاحداث
تعالي نحكيلك قبل ماتخش علينا ماما
ياحنه ……..

نا ؛؛ طيح سعدك كبرتي المشكله انتي

اميره ؛ والله حكيت وندمت ماني عارفه ليش نحكي بس انقهرت لما شفت رجاء تبكي ومنهاره وهو امعلي صوته عليها ماقدرتش نسكت راه في نهايه هي اختي

نا ؛؛ ياخيتي معه الحق هو
رجاء هي اللي غالطه

اميره؛؛ معاك نا رجاء هي اللي غالطه بس حرام ضروري انصبو معها مانبوش نقعدو كلنا ضدها ساد هو اليوم قال كلام نين قطعلها قلبها وخششها للعنايه

نا ؛ وانا انقول ليش مراد قال امسكر عليها
اميره ؛ مكر في نا
نا ؛؛ هههه يقدر كلا هو خششها وسكر عليها غصبن عنك

اميره ؛؛ راجله اخري زمن يحكمو في الوحده قبل ما يخطبوها او يزوجوها

واتخش علينا ايمان

ايمان ؛؛ هيا يا حنه علي بره يرجا فيك يبي ايشيلك للمستشفي بيش ايروح ب مروه

اميره ؛؛ باهي هيا
وصبت اميره تجري توضت وصلت وخذت معها اشوية حاجات ومشت للمستشفي ولقت رجاء مازالت جو ومعها سراج

……….

وعت رجاء وشافت قدامها سراج وهو شكله متعقد

سراج ؛ بالابتسامه
وعيتي الحمد الله على السلامة

رجاء ؛؛ ودوبه تحكي وصوته مخنوق

الله ايسلمك شن وين قاعده
سراج ؛؛ حاطك في العنايه
رجاء ؛؛ عليش
سراج ؛؛ هكي نبيش حد يحكي معاك
رجاء ؛؛ ما انت تحكي معي تو
سراج ؛؛ كيف نا اي حد
رجاء ؛؛ بالنسبه ليا لا بس انا معش نلزمك
سراج؛؛ اتردي في كلام اللي تبيه بس صاح

رجاء ؛؛ سراج انت قالت كلمه وخلاص خلينا عليها انت طلعت مش متريح معي ليش انزرو علي اروحنا اكتر من هكي

سراج ؛؛ هذا بدال مااتصلحي من روحك جيتني واتقولي خلاص خلينا عند كلمتك

رجاء ؛؛ نا عارفه روحي ماعنديش حظ امغير انتعب في روحي معاك

سراج ؛؛ ليش ماعندكش حظ شن زمان دايره علاقه مش موفقه فيها ولاه شنو

رجاء ؛؛ كلامك هذا هو اللي ايتعب فيا وماعنديش نيه نحكي اخري يا دكتور سراج

سراج ؛؛ ماشاءالله فيها دكتور اخري
شكلك واخذه قرارك
رجاء ؛؛ قصدك قعدت علي قرارك انت مااحترمتنيش قدام الناس واختك ونحن علي علاقه بس تبي تحترمني ونا مراتك في حوشنا

انت عليت صوتك وهزبتني قدام الناس ونحن دايرن علاقه بس يعني كان ازوجنا تقتلني قتل عادي عندك

سراج ؛؛ ليش ما تبيش تعترفي بالغلط امتاعك
رجاء ؛؛ لاني مش غالطه نا درت اللي يرفع راسي وراس هلي وراس اللي شيلني وايدهور فيا

سراج ؛؛ واللي ايحبك شن ماعندش اعتبار عندك

رجاء ؛؛ اللي ايحبني يقدر الموقف اللي نا فيه

سراج ؛؛ انانيه انتي يارجاء اتفكري في روحك وفي هلك بس ونا مش امدورتني بكل

رجاء ؛؛ لاني انفكر في هلي انانيه طلعت لاني اندور في السمعه السمحه انانيه طلعت

سراج ؛؛ كيف انتي اتحقي فيا امتع سكير وحشيش ولاه شنو
ولا اتحقي فيا صايع افندي
كيف ماتحقيش فيا راجل وقد كلمتي

رجاء ؛؛ برمت وجها و غمضت اعيونها وانزلت دمعتها

سراج ؛ نا يا رجاء انخاف عليك قبل ما انتي اتخافي علي روحك نا وكان نلقي انحطك جو في قلبي وانسكر عليك نا وكان نلقي اتكوني تو حلالي وفي حوشي
بس شكلي كنت غالط وانتي من زمان ادوري في حاجه بيش انسيبك وشكلك تو ما صدقتي قالت كلمتي

بيش اتفرقيني كنت اتقوليها من الاول راه خليتك براحتك وربي ايوفقك ان شاءالله
وان شاء الله القرار ايفيدك

وطلع سراج ورجاء حست وكان في حاجه تطلع منها وواعره من كثر الالم معش قعد عندها حيل اتعيط الالم كان واعر حست وكان روحها هي اللي تمشي قدامها مش سراج

يييييي يا دنيا شن درتي فيا يوم اللي حبيت من قلبي حست بقلبها مكسور
شن ينفعني لما اتقولي انردو لما اتقولي معش تلزميني قدام الناس واختك وخواتي

الله يسامحك يا سراج انت اللي سببت لفراقنا

اقعدت تبكي اخري والعبره خنقتها

ومشي الليل وهي تبكي ومضايقه وسراج معش خش عليها

وتاني يوم دارولها خروج للقسم
وطلعت ولقت اميره معها

اميره ؛؛ باهي اللي جيتي هنا احسن قدامي احسن

رجاء ؛ امتي الخروج امتعي
اميره ؛؛؛تقريبا سمعت سراج ايقول انديرلها مراجعه الاخيره وانقرر
رجاء ؛؛ قصدك سراج ح ايجني اخر

اميره ؛؛ اها ليش كنك
رجاء ؛؛ امس تفرقنا برسمي خلاص خطرها فوني وين
اميره ؛؛ اها معي حبت قالت مرات تحتاجله
رجاء ؛؛ به هاتي خليه واتي نبي انرده له وتعالي فكيلي السلسله
اميره ؛ هيييي من جدك انتي
رجاء ؛ خلاص خذيت قراري وهو خذ قراره خلاص معش فيها

وعيونها ملينات دموع والعبره خنقتها
اميره اضبطتها ابسرعه وبكت
اميره ؛ ربي ايعوضك ان شاءالله
رجاء ؛؛ اخري انسان نحكي معه خلاص سكرت واتقولنا رجاء قالت
اميره ؛؛ ان شاءالله خير
رجاء ؛؛ هيا حولي السلسله والفون وحطيهن في كيس كان معاك
اميره ؛؛ به
وحولت اميره السلسله والفون وحطتهن في كيس
ولمتلها شعرها وحطتلها وشاح وقعمزنا ويرجنا في سراج ايجي اديرلها مراجعه الاخيره

وبعد نص ساعه خش سراج وكان اوحده وماسك ملف في يده والسماعات والضغط
كان مفروض معه ممرضه بس هو رفض ممرضه اتجي معه

سراج ؛؛ السلام عليكم
رفع اعيون واستغرب ان رجاء لابسه عليه وشاح

اميره ورجاء والصوت دوبه يطلع
وعليكم السلام

وقرب منها سراج
واميره صبت واطلعت
سراج ؛؛ ها شن تو تمام
رجاء ؛؛ الحمدالله
سراج ؛؛ مدي يدك انقيصلك الضغط

ومدت رجاء يدها وسراج مسك يدها ورفع الكم وهو ايبحت فيها وهي اعيونها كان باين عليها تبكي وملينات ادموع
سراج ؛؛ عليش كنت تبكي
رجاء ؛؛ التفت عليه فجاء
ﻻ شيء
سراج ؛؛ ضغطك تمام
ومسك وجها وبرمه شوره وهي غمضت اعيونها
سراج ؛؛ افتحي
رجاء ؛؛ خذت نفس وافتحت
وهو قعد ايبحت في اعيونها ويكشف ك حبيب وك دكتور وكانت لمسته حنونه وكان يشتغل بشويه وكأنه مايبيش ايكمل
وبحت في وشاحها ورفعه من صدرها
رجاء؛؛ كنت اتبحت لوطه وماتبيش اعيونها ايجن في اعيونه
وخشش سماعه وتمه يسمع في نبض قلبها
سراج؛؛ خوذي نفس
وخذت رجاء نفس عميق
وجا من لاوره ورفع التيشرت امتعها وخشش يده
خوذي نفس بشويه
وخذت نفس
سراج ؛ تمام الحمدالله
وطلع يده وجا قدامها ويبحت فيها
تبي تطلعي اليوم انتي
رجاء ؛؛ بصوت مخنوق
ياريت والله
وقرب منها سراج وحبها علي راسها
سراج ؛؛ ربي ايوفقك
وبرم وجه وطلع بسرعه
رجاء ؛؛ وجعتها طلعته ابسرعه
وخشت اميره
اميره ؛؛ ها شن قال
رجاء ؛؛ قولي شن ما لمس
اميره ؛؛ هههههه كنه شن دارلك
رجاء ؛؛ لمسته حنونه اول مره يلمسني هكي حسيته خذ راحته واجد
اميره ؛؛ وانتي ساكته
رجاء ؛؛ هزت راسها معناها اها
اميره ؛؛ استحليتها املاه
رجاء؛ ؛ هههه مش وقته راه
اميره ؛؛ وين وين لمسك

رجاء ؛؛ اتصدقي حبني علي راسي
اميره ؛؛ هيييييييي كلاه هو بعد اللي ايحبك
رجاء ؛؛ ونا انموت فيه موت
اميره ؛؛ ليش اتعذبو في اروحكم
رجاء ؛؛ الله غالب فيش نصيب

مراد ؛؛؛ رجاء خروج اليوم
رحاء ؛؛ صاح
مراد ؛؛ تو القيت دكتورك زقالي تو انديرلها خروج
اميره ؛؛ افتكت ماني عارفه كيف انتو متحملين المستشفي هذه
مراد ؛؛ هههه هذا عملنا
خلاص تو انروح بيكن نا مافيش داعي اتعبن حد معكن
اميره ؛؛ كيف ويه عندنا في الحوش
مراد ؛؛ ﻻﻻ في الشقه تعبانه اشويه ايه عطيها بي الصبح نوم
رجاء ؛؛ نحن اللي نعرفوها
مراد؛ ؛ خلاص تو نا ماشي واي حاجه تعالي
اميره ؛؛ حاضر واسفين تعبانك معنا
مراد ؛؛ مانبيش جو الرسميات هذا انتن خواتي
رجاء ؛؛ والله ماانحسو فيك الا خونا
مراد ؛؛ ههه ان شاءالله لاباس وهيا سلام

اميره ؛؛ والله اكويس وراجل صاح والله ايه اصبرت ونالت
رجاء ؛؛ اكويس امغير وهو هادي الا بعد يتعصب ما يعرف حد
اميره ؛؛ هههههههه ياخيتي الرجاله كلهم هكي

وقعدنا اميره ورجاء ايهدرزن مع بعضهن ونا رنيت عليهن واطمنت عليهن

والباب طق
محمد ؛؛ السلام عليكم
رجاء واميره تفاجان ب محمد
وعليكم السلام
وصبت اميره ورجاء سقمت قعميزتها ووشاحها
وخش محمد وكان في يده علبة شكولاطه
وحطها فوق كومدينه اللي جنبها

محمد ؛؛ الحمدالله علي السلامه
رجاء ؛؛ الله ايسلمك
اميره؛ ؛ تفضل محمد قعمز
محمد ؛؛ شكرا
اميره ؛؛ اشكريه يا ارجيوه هو اللي جابك هنا
رحاء ؛؛ بالاتسامه
صاح شكرا وبارك الله فيك ديمه امتعبينك معانا

محمد ؛؛ تعبك راحه المهم صحتك تو تمام
رجاء ؛؛ الحمدالله
اميره ؛؛ محمد كيف خشيت تو فيش زيارات
محمد ؛؛ جاركم ما يوحلش ايخش وين ما يبي
اميره ؛؛ ههههه صار عندك واسطه
محمد ؛؛ ابلادنا تمشي بوسطات اصلا

رجاء ؛؛ هههه والله صدقت

وخش سراج وكان في يده ورقة الخروج وشاف محمد امقعمز ويضحكن معه

سراج ؛؛ ماشاءالله تبارك الله

وكلهم التفتو وشافو ل سراج
سراج ؛؛ تفضل يا استاذ
محمد ؛؛ جاي زياره
سراج؛؛ ومن سمحلك اتخش تو مش وقت زيارات
محمد ؛؛ اهو خشيت
سراج ؛؛ تفضل يااستاذ بره
محمد ؛؛ شويه وطالع
سراج ؛؛ هذه مستشفي وفيها مرضه مش مربوعه اتهدرز فيها
محمد ؛؛ باهي وسع بالك نا جاي نطمن بس وطالع
سراج ؛؛ ها خلاص اطمنت خلاص ممكن بره

اميره ؛؛ تعال يا محمد خلاص
محمد ؛؛ صبع وهو متعقد
ان شاءالله لاباس ارجيوه ومعش اتخوفين عليك

رجاء ؛؛ اول ما سمعت اسم ارجيوه انصدمت وافتحت اعيونها وبحتت في سراج
سراج ؛؛ منصدم وايبحت في محمد وفي رجاء وامرفع حاجبه وشاد علي فمه التحت وايهز في راسه
اميره ؛؛ حست بسراج يبي يزقب علي محمد
كرت محمد وطلعته بسرعه

واطلعو وسراج ايبحت في رجاء
سراج ؛؛ وهو متعصب
صار ارجيوه صار
هذا عليش تبي اتسيبني
ومسك الوقه بين ايده الاثنين
وشرطها

خليه ينفعك وايطلعك من المستشفي باهي والله اتشوفي ياارجيوه

صار اجيوه صار باهي

وطلع سراج وهو متعصب

ورجاء معش عفت تضحك علي شكل سراج وهو ايقلد في محمد في اسم ارجيوه ولاه تبكي من خوافها من غيرت سراج اللي بعد الفراق

وخشت اميره
اميره ؛؛ سراج شن الورقه اللي شرطها
رجاء ؛؛ تقريب ورقة الخروج شكلها فيها قعده اخري في المستشفي

اميره ؛؛ هههههههه والله حالته حاله تو وهو طالع
رجاء ؛؛ مجنون عارفته

اميره ؛؛ رديلها راه ايحبك موت

رجاء ؛؛ والله حتي نا بس …………..

يتبع