مسلسل سعاده كاذبه التكملة

مسلسل سعاده كاذبه

الحلقه 44

وخشت عليها اميره

اميره ؛؛ تعالي تعشي
رجاء ؛ نبيش عنديش نيه
اميره ؛؛ وبه لعند امتي بالوضع هذا
رجاء ؛؛ مش بيدي يااميره غصبن عني والله غصبن عني والله ماعندي نيه في حاجه انحس في نفسيتي ادمرت تدمير حتي لما انرن عليه ماايرد

اميره ؛؛ عاد ياارجيوه معه الحق انتي اللي غالطه ليش ماقالتي و انتي كنتي تحكي معه قبل ماتطلعي ب 5 دقائق

رجاء ؛؛ والله ماقالت علشان خاطر ايه ومراد لان نا عارفه سراج وكان انقوله طالعه ايجني يجري لان له مده ايعطي يبي ايشوفني

اميره ؛؛:كنتي اتكوني معه واضحه واتقوليله ماايجيكش

رجاء ؛؛ سراج شكاك ونا عرفته ولو انقوله هكي يحسابني دايره موعد تاني

اميره ؛؛ عليك بخت
رجاء ؛ شفتي بختي يوم اللي قعدت صادقه مع شخص وحبيته انتفارقو هكي المشكله حبيته حبيته والله لو كان اي شخص تاني راه ماعدلت عليه

اميره ؛؛ كرت رجاء واضبطتها وتمت اتسكت فيها
والعيونها ملينات ادموع
وسعي بالك راه في الحب ديمه مشاكل اهو شوفي نا و وليد مامن مشكله درنها وقالنا خلاص فراق برسمي وردينا

رجاء ؛؛ نا غلطت فيه سراج واجد نا عارفه روحي امكثره عليه وكنت مستغله فرصة ان هو حبني بس ماكانش خاطره علي بالي بكل ان ح ايجي يوم ويسيبني هكي

وتمت تبكي والعبره خنقتها علي الاخير نين اتشق القلب

والله انحبه يااميره والله الشخص الوحيد اثار فيا وغيرني وخلني مانشوفش الدنيا الا بيه
نا عارفه روحي غالطه لاني عاندته بس شن اندير والله من وراء قلبي والله لحظت غضب
اميره شن اندير اهو ماايردش عليا

اميره ؛؛ خليه تو يهدي وبعدها ساهل
رجاء ؛ ليا تو اسبوع ماحكش معي بكل هنت عليه يا اميره هنت عليه خلاص

حتي نا عطني كسره في كرعيا ليش ننزل ليش ننزل وانديرله مشكله

اميره ؛؛ قالنك اقعدي ريحي روحك انتي ماتبيش

رجاء ؛ من اهبلي انزلت نحساب روحي نقهر فيه طلعت نقهر في روحي قهر

هه شفتي قاعده انرن وماردش
شوفي داري مشغول
يا مايردش با مشغول

اميره ؛؛ مش انتي قفلتي فونك
رجاء ؛؛ نقفل ونفتح نحساب روحي عندي العزم بس فرقت ماعندي ماني عارفه منين العزم اللي خله يقعد بلاي

اميره ؛؛ في المشاكل تعرفو قدر بعضكم اكتر تو اتردو واتقولي اميره قالت تو يقعدن كلهن ذكريات تذكري المشكله اللي صارتلي نا و وليد كان كلها بسبب بنت عمه اسرقت فوني وحكت به ودزت رسال ومشت وقالت لوليد اتخون فيك وشفتها ادز في رسال حب لرقم تاني تذكري كيف كبرت المشكله وقعدت 3 اشهور ونحن ما نحكو مع بعضنا
من ايقول بعد البكاء ومواجع هذا كله انردو لبعضنا

رجاء ؛؛ ما من بختنا كل وحده فينا عندها هم شوفي نجاح صارتله مشكله واطلعت من الحوش شن هي تو يعني متريحه تي والله حاسه بها شوفي امغير ايه تمشي اسبوعين اترايف علينا واتجينا بدمعتها يا بال نجاح اللي تو لها 4 سنوات

ولاه انتي صابره وترجي في وليد بابلكه ايحطها
ولاه ايه الا انكسرت من هي واصغيره وحتي لما ازوجت ازوجت واحد بعويله وما تبيش انسيتي كيف كانت رافضته

حتي ولو اتحبه بس حياتها متعبه شوفي قاعده علي اعصابها وخايفه ايرد مراد ل سناء شوفي حتي لما ايعاقبها ايقطع فيها بالناس كلها ﻻ جتنا في بداية رمضان كيف الناس واللي تقهر ان هي راضيه وساكته عارفه يوم اللي خشيت عليها والقيتها تبكي كسرتلي قلبي كسر عرفتها اتحبه اتحبه صاح وخايفه والله خايفه وحسيت بها

اميره ؛؛؛الله غالب
رجاء ؛؛؛ولاه نا قاعده كل يوم انشلط مع حد حتي اسمي الحقيقي ما نعطيه امشي روحي باسم وهمي وامعيشه روحي في كذبه

كذبة سعاده كاذبه

ولاه ايمان انقريت علي وحدا عصبي وشكاك وامعيشها في رعب و24 ساعه تحلفله انها ما اتخون فيه ولا تحكي مع غيره ولا ايخلي فيها تطلع ولا تخش وساكته وراضيه

اميره ؛؛؛اللي تبي اتعيش يا ارجيوه ضروري تزمط مره مره واتفوت وتسكت بيش تعرفي اتعيشي ضروري اديري روحك عبيطه مره مره

رجاء ؛؛ تنهيده طويله طالعه من نص قلبها

مااستعبطنا الا واجد حتي امعيشتنا في حوشنا في حوش بونا برعب ومشاكل وخوف من يوم ايجي ونفقدو ماما ولا ايجي يوم وعادل ايكسر وحده فينا يييييييييي حتي بخوت متسقمين ما جينا

الكبير اناني ولاهي في مراته وعويله والتاني قاعدلنا علي ابسط سبله بيش ايخش ايكسرن
والاخر قاعد لاهي في مواعيد مع خطيبته
يارب يارب صبرنا

اميره ؛؛ ربي ايصبرنا وان شاء الله كله باجره راه ربي ما ينسش عبده هذا اختبار من ربي

رجاء ؛؛ انهرت وبكت مره وحده

بس اختبار واعر واعر يا اميره واعر حتي كلمة بابا ما افرحن بها وكلمة ماما قاعدين نرجو في يوم اللي نحرمو منها قاعدين كل يوم انموتو مئه موته علشان انشوفو فيها مريضه

اميره تمت تبكي واتسكت فيها
اميره ؛؛ انتي ديمه اتذكري في روحك بواقعك انسي اشويه يا ارجيوه انسي وعيشي حياتك ربي كتبلنا هكي خلاص معش عندنا ما نحكو ارضي وقولي الحمد لله

رجاء ؛؛؛ تحكي وهي دهاشه ودوبه الصوت يطلع منها

حاجه يا اميره غامه عليا وعلي قلبي حاجه في صدري انحس فيها

اميره ؛؛:شن ياارجيوه كنك
رجاء ؛؛ ودوبها تحكي
اميره نبي ميه ابسرعه
اميره ؛؛ حي عليا تا كنك انتي
رجاء ؛؛ معش طلع منها صوت وتمت اتشير

صبت تجري اميره واتعيط بصوت عالي
ايمان ايمان خالد خالد

ايمان ؛؛ كنك كنك شن في
اميره؛ ؛ امسكي اختك مريضه
ومشت تجري وجابت ميه
ايمان ؛؛ ارجيوه كنك ياعمري

رجاء خشت في عالم تاني وداخت واتحس في قلبها

ماما ؛؛ ووووو عليا حي عليا نا ابنيتي كنها شن في شن صارلها كنه شن في

اميره ؛؛:مش عارفه كانت تحكي معي وفجاء قعد وجها ايعرق وتمت اتقولي في حاجه غامه عليا

ايمان ؛؛؛خالد مش قاعد شن انديرو

اميره ؛؛ وعادل وينه
ماما ؛؛ مازالو بره

ايمان؛؛ تو انرن علي ايه اتجي اتشوفها

اميره ؛؛ رني رني خلي مراد ايجي ايشوفها

نا ؛؛ غريبه ايمان اترن تو كنها
مراد ؛؛ شوفيها مرات تبي حاجه

نا ؛؛ الو وسمعت صوت ابكاء جنبها
انفجعت
ايمان كنك شن في
ايمان ؛؛ ويه تعالي اجري تعالي
نا ؛؛ نطيت
كنك شن في
ايمان ؛؛ رجاء دايخه وماحد عندنا ايشيلها

نا ؛؛ وووو عليا من امتي
وبحت مراد فيا بالاستغراب وقرب مني وكر الفون من يدي

مراد ؛؛ شن في ياايمان
ايمان ؛ مراد تعال شوف رجاء طايحه دايخه قالت في حاجه غمت عليا واسكتت

مراد ؛؛ ماحد قاعد
ايمان ؛؛ ﻻﻻ فيش
مراد ؛؛ اني جاي في طريق طلعنها في الجنان وبخنا عليها ميه

وصكر في وجها وصب بسرعه وهو يلابس
لاقني طايحه ونبكي

مراد ؛؛؛تي مش وقت ابكاء تو صبي البسي بيش نمشولها

نا ؛؛ كرعيا متجمدات يا مراد

مراد؛؛ سمي بسم الله وصبي هيا
وقرب مني ومسك يدي وصبني وكر العبايه من الشطار
مراد ؛؛ البسي ابسرعه هيا
ونا لابست العبايه

وطلع مراد يجري ونا نمشي وراه ونلابس في وشاحي علي الدروج

اميره ؛؛ تو نحن نبو نرجو مراد تو اتموت بين ايدينا
تو نطلع جارنا

ومشت تجري اميره ولابست عبايتها وطلعت تجري وهي اتخبط علي باب

ومحمد شاف اميره ادق بقوه علي بابهم وتبكي جاه يجري

محمد ؛؛ كنك شن في
اميره ؛؛ محمد تعال شيل رجاء مريضه
محمد ؛؛ هيا طلعنا ابسرعه
وخشت اميره للحوشنا وراءها محمد
ولاقي ماما وايمان يبكن وحطات رجلء علي كرسي وايبخن عليها في الميه وماما تقرا في القران

وجاها بسرعه وشالها وركبها في السياره واركبت معه ماما واميره

اميره ؛؛؛ايمان كلمي ايه وقولليها
ايمان ؛؛ باهي باهي

الو ويه راه شلها محمد جارنا للمستشفي تو

نا ؛؛ به خلاص
مراد شالها جارنا حي عليا شكلها موضوعها كبير ومعش وعت

مراد ؛؛ مسكني وكرني وحط راسي علي كتفه
خلاص حبيبي قولي خير ان شاءالله هي مازالت اصغيره وح اتقاوم

نا ؛؛ نبكي ومنهاره ونحكي بصوت مخنوق

هابا علي بختها اكيده نفسيتها تعبانه هذا عليش صارلها هكي

وو صلنا للمستشفي ونزلت نا ومراد نجارو

والتفت مراد لاوره وشافني
مراد ؛؛ ماتجريش يا ويه بشويه علي روحك

نا ؛؛ من النار اللي راكبه فيا نسيت روحي حامل بكل كان كل همي اني انشوف رجاء

وشفت اميره اتقعمز في ماما علي الكرسي وهن يبكن

مراد ؛؛ وين وين خشوها
اميره ؛؛ هنا هنا في الاسعافات

ومشي مراد يجري

ماما ؛؛ يانا عليا ابنيتي
نا ؛؛ جيتها نجري وتميت نضبط فيها

ماما ؛؛ رجاء تبي اتريح من بين ايديا يا ويه لها اسبوع جو مش تمام نا عارفه ان في حاجه بس ما بتش تحكيلي

اميره ؛؛ ماما هدي ما انتي عارفه رجاء طبعها واعر وصعبه وماتحكيش

نا ؛؛ كنها شن صارلها
اميره؛ ؛ تحكي معي وفجاء تمت اتقولي انحس في حاجه غمت عليا وتمت تشحت في النفس اشحاته وتمت اتقولي جيبلي ميه

وجانا خالد ووليد يجارو

خالد؛ ؛ تي كنكم ما اترنو انتو كنها وينها
ماما؛ في الاسعافات معها مراد

وجانا محمد
خالد ؛؛ سامحنا يا محمد ديمه امتعبنا معاك
محمد ؛؛ ﻻﻻ عيب يا راجل نحن جيران والجيران كان ما صبو مع جارهم تو امتي ايصبو

وليد ؛؛ تم ايبحت فينا وايشير بحاجبه بيش انوخرو لاوره

ومسكت اميره يدي ووخرت وكرتني معها وقعمزنا جنب ماما
وماما تدعي لربي

ومن كثر دعاء امي الواعر نين تمينا نبكو اخر

وخالد ووليد ومحمد قعدو امصبين يرجو في مراد

وجانا مراد وكلنا عدينا نجارو شوره ماعاد ماما تمت اتحس في كرعيها معش اعرفت اتصبي

خالد؛ ؛ شن صار يا مراد
مراد ؛؛ كان وجه مش تمام بكل

اشوية ارهاق بس عادي مافي شيء بس كانت تعبانه شكلها مافيها شيء

نا ؛؛ انبحت في مراد وانحس فيه يكذب مش عارفه ليش بس اول مره انشوفو الكذب في اعيونه

وليد ؛؛ به تو وين هي
مراد؛؛ في شوية اجراءت انديرو فيهن لها اهو وتو يبو يعطوها منوم وضروري اتبات الليله هنا وانتو روحو وبكره ايجيها دكتور تخصص

ماما؛ ؛ كيف تبينا انروحو ورجاء جو
مراد ؛؛؛عمتي انتي اول وحده ضروري اتروحي مش تمام هكي انتي تقعدي هنا روحي وتريحي وماتخفيش علي رجاء راهي تمام بكل وحطيت عليها دكتوره اكويسه

اميره ؛؛؛خلاص يا خالد انت روح ب ماما ونا تو نقعد معها نا

ماما ؛؛؛ﻻﻻ مانبيش انروح وانسيبها هنا
مراد ؛؛ ياعمتي اطمني مافيها شيء خلاص وجودكم هنا مش ضروري امغير تعب لكم وخلاص

وليد؛ ؛ هيا يا خالتي
ماما ؛؛ به انشوفها قبل

مراد ؛؛ به معناتها ارجو اشويه

وخش مراد مره تانيه وماحكش معي وكان ايجانب في اعيوني وكأنه ايدس في حاجه عليا

وقعدنا تقريب ساعه وبعدها خشينا علي رجاء وكانت راقده

ماما انهارت ابكاء لما شافتها
وتمتين نا واميره انسكتو فيها
مراد ؛؛ عمتي خطا راه البكاء هذا هي تمام اهو راقده ومتريحه

ماما ؛؛ الحمدالله علي كل حال
مراد ؛؛ هيا خلاص اطلعو خلوها متريحه

وكلنا طلعنا
اميره ؛؛ خلاص عدو ونا تو نقعد معها
ماما ؛؛ ردي بالك منها يا اميره
اميره ؛؛ معقوله يا ماما اتقولي هكي هذه خيتي وفي اعيوني قاعده

خالد ؛؛ تبن حاجه
اميره ؛؛ الليله ما نبي شيء تو بكره كان في حاجه ناقصه تو انكلمكم

خالد ؛؛ خلاص تمام هيا يا وليد ومحمد
وليد ؛؛ اميره ماتبي شي اكيده
اميره؛؛ شكرا

خالد خذا ماما وطلع ومعهم محمد وليد

اميره ؛؛ ويه مراد حتي انتو عدو تريحو

نا ؛؛ شن الراحه اللي تحكي عليها
اميره ؛؛ ويه تمشي تريحي بيش بكره اتكوني مع ماما خطا قعدتنا كلنا هنا في المستشفي وبعدين انتي بروحك تبي اهتمام

وبحت فيا مراد
مراد؛ ؛ معها الحق راه

ونا مراد مسك يدي
مراد ؛؛ تعالي بدال جيتي جيتي للمستشفي تعالي نطمن علي البيبي
نا ؛؛ تو مش وقته
مراد ؛؛ اساس نا عابي انشيلك بكره للعياده بس خلاص تعالي تو للقسم
اميره؛ ؛ عدي يا ويه اطمني علي روحك

نا ؛؛ به هيا

ومشينا نا ومراد للغرفة الكشف امتع نساء
والقينا الباب مفتوح وفاضي والدكتور اللي مقعمزه سناء هي اللي ماسكه

مراد ؛؛ السلام عليكم
سناء؛؛ وعليكم السلام
اهلا مراد كيف حالك
مراد ؛؛:تمام الحمدالله شن انتي اللي ماسكه
سناء ؛ ان شاءالله ليش في حاجه لاباس
مراد ؛؛ ﻻ بس نبي الغرفة اشويه
سناء ؛؛ في حاجه انساعدك عليها
مراد ؛؛ غمتله وبحت فيا
نبي نكشف عليها

سناء ؛؛ بحتت فيا
ليش تعبانه اتحسي في حاجه
نا ؛؛ بحتت في مراد وبعدها بحتت فيها
ﻻﻻ تمام الحمدالله
سناء ؛؛ به تعالي هنا علي السرير بيش نطمنو علي البيبي

بحتت في مراد مستغربه وصبت سناء ومشت شور السرير

سناء ؛؛ هيا تعالي هنا

مراد ؛؛ لا تو انشوفها نا شكرا
سناء ؛؛ كيف مش حاطين فيا ثقه ولا شنو خلاص خليها انشوفها لك نا تريح انت
مراد ؛؛ انحرح وبحت فيا وشيرلي برسه معناها عدي
ومشيت شورها للسرير
سناء ؛؛ هيا رفعي عبايتك وارقدي
نا ؛؛ انحرجت منها ومن مراد لان كنت لابسه توته اقصيره

ونا رفعت عبايتي ومديت طولي ورقدت
وبحتت فيا سناء وكانت خنفتها العبره ووجها تغير بكل
وجاني مراد وقرب مني وحط فوطه عليا

غمضت سناء اعيونها وهزت راسها وصبت ورفعتلي التيشرت اشويه وحطتلي الجهاز وكانت اتبحت فيا وفي جسمي اكتر من التلفزيون

مراد قعد ايبحت فيها ومستغرب سكوت سناء

الحق معها واعره ايجي حبيبك ومعه زوجته بيش تكشفي عليها ولو حتي خلاص سيبته وانتي مقتنعه صعبه صعبه بمعني الكلمه صعبه

سناء ؛؛ امتي اخر مره راجعتي
نا ؛؛ من بداية رمضان
سناء ؛؛ وكانت تحكي وصوتها مخنوق
يعني شهر تو باه تو وضعك تمام هكي مراد انت اديرلها في تحاليل

مراد ؛؛ تمام تحاليلها امغير نبي نطمن بس نا
سناء ؛؛ ههه شوف وضعه تمام و الحمدالله

مراد ؛؛ به شكرا
سناء ؛؛ عفوا
وحولت سناء الجهاز من بطني ومدتلي منديل
نا بديت نمسح في بطني مد يده مراد وخذ منديل تاني ومسحلي به ومسك يدي وصبني ونزلت التيشرت

نا ؛؛ ها اطمنت تو
مراد ؛؛ اها الحمدالله بكره تو انديرلك تحاليل
نا ؛؛ يعني فيها ابره من الصبح
مراد ؛؛ ههه هيا ياخوافه
ومسكني من عند وسطي ونزلني ونزلت عبابتي علي كرعيا

وسناء اتبحت فينا والعبره خنقتها
واتخش علينا الممرضه
الممرضه ؛؛ سامحيني دكتور طولت عليك

سناء ؛؛ ﻻ عادي المهم جبتلي قهوه
الممرضه ؛؛؛تلفت لنا وشافتنا وانصدمت وكانت الصدمه باينه فيها

سناء ؛؛ لاحظت ان الممرضه مصدومه تمت تبي اتغير الموضوع

هاتي قهوه هنا

ومدتله الممرضه القهوه

مراد؛؛ بحت فيا وطبس عليا وهمسلي

هيا كنك امصبيه

نا ؛؛ اسفه هيا
مراد ؛؛ حط يده علي كتفي
ومشينا شور الباب

وبرم وجه وشاف سناء امطبسه راسها وحطته بين ايديها ودمعتها انزلت

اوجعه مراد الموقف بس ماقدرش يحكي لان معش عرف يرضي من ولا من يرضي حبيبته لسنين طويله وام اعياله واللي ياما دار علي خاطرها

ولاه يرضي مراته وحبيبته اللي حبها من قلب صاح وامريحيته وامعيشته اجمل ايام عمره اللي لما ايكون جنبها ايكون حاس ان مالك الدنيا كله اللي ايحبها وايغار عليها وايخاف عليها واللي حامل منه

حس روحه بين نارين

مراد ؛؛؛شكرا دكتوره

سناء ؛؛ رفعت راسها واعيونها ملينات ادموع
وصوتها المخنوق
عفوا

طلعنا ونا كنت حاسه في حاجه مش تمام وكنت حاسه ان نا سبب الوجع اللي في سناء وصوت المخنوق والدموع اللي ينزلنا كلهن بسببي

وووووو ما اصعبها لما تعرف روحك جرحت انسان بدون ما اتحس روحك وبدون قصد وانت ما خطركش تجرح حد في الدنيا
مااصعبها لما اتشوف اثنين ايتعذبو من شوقهم لبعضهم وانت تكون الحاجز بينتهم مااصعبها

ومشينا نا ومراد وكل حد فينا ساكت وياما شايل في قلبه علي كم مره حاولت نكسر حاجز الصمت اللي بينتنا بس العبره اللي خنقتني ما خلتنيش نقدر انطلع صوت ولو هو مخنوق استمريت في هدوءي ومشيت لعند ما وصلنا ل اميره

اميره ؛؛ ها شن الاخبار
نا ؛؛زمطت ريقي وفتحت فمي وخذيت نفس عميق
تمام الحمدالله شن رجاء مازالت راقده
اميره ؛؛:اها راقده جو الدكتوره قالت مش ح توعي اللي في الصبح

مراد ؛؛ اها بيش اتريح وحتي انتي يااميره خشي تريحي
اميره ؛؛ به

وطلعنا نا ومراد وركبنا في السياره

وحس مراد ان في جو مش تمام صارلي

مراد ؛؛ رجاء تعبانه والدهشه اللي صارتلها تو مش تمام لو زادت عليها

نا ؛؛ قصدك هي تعبانه
مراد ؛؛ مبدائيا انقول ان شاءالله لا بس ضروري اتعالج واتشوف قصة الدهش ما تسكتش عليها اتشوف دكتور تخصص
نا ؛؛ هي من قبل صارتلها ودكتور سراج عطها دواء
مراد ؛؛ بنات اصغار ويا ما شيالات في قلوبهن نين القلب دهش من كثر الوجع سبحان الله

نا ؛؛ خنقتني العبره
رجاء بينها وبين نفسها ضعيفه ضعيفه بكل شاطره امغير في السان طويل بس لما اتخش لسريرها اكتر وحده فينا تبكي بذات المده هذه كثره معها حالت البكاء والنوم عندها الوصيله الوحيده للهروب لا تاكل ولا تشرب تقعد امغير طياحه في دار وامسكره علي روحها

مراد ؛؛؛حتي الهبوط اياثر علي القلب

اهو وصلنا هي انزلي
نا ؛؛ حاضر

ومشينا وركبنا للشقه فوق

…..

وجا وليد للمستشفي

وليد ؛؛ اميرتي اهو جبتلك عصير برتقال وكيكه
اميره ؛؛ ليش حبيبي امتعب روحك

وليد ؛؛ هذا مش تعب هيا خوذي هذين وخشي للغرفه ومعش تطلعي مانبيش حد ايشوفك
اميره ؛؛ به حاضر وشكرا حبيبي

قرب منها وليد وحبها علي راسها وفي لحظه هذه اميره انهرت وكانها ترجا في حضنه بيش تبكي وتشكيلها
اضبطته وتمت تبكي

وليد؛ ؛ انصدم من بكاء اميره المفجاء
واضبطها
اس حبيبي خلاص
اميره ؛؛ تعبت با وليد تعبت لعند امتي ونحن هكي من حاجه لحاجه
وليد ؛؛ اسسس خلاص قبل نحسابك قويه واتحملي خلاص هيا

اميره ؛؛ شن انتحمل خلاص ما تحملنا الا واجد ﻻانا اصغار يا وليد اصغار علي الهم والمواجع عارف اليوم رجاء حكتلي كلام نين قلبي تقطع هذا عليش ادهشت ومعش اقدرت تحكي

التفت وليد راسه يمين ويسار
وليد ؛؛ حبيبي تعالي معي انقعمزو بره
اميره ؛؛ والامن
وليد ؛؛ غيري دبلتك هنا وتعالي انقعمزو وهدرزيلي

ومسك وليد يد اميره و غيرلها مكانها وغير دبلته واطلعو بره في الحديقه وقعمزو ومد يده ومسح دموعها

اميره ؛؛ رجاء مازالت اصغيره علي الخبر هذا والله يا وليد الوقت كبرنا قبل اعمارنا في الهم من يومنا زمان كنت نكذب علي روحي واندير في روحي عيشه حياه سعيده بس كذبه صاح معها الحق رجاء حياتنا كذبه لا اقرايه ولا عمل ولا اطلعو ولا اخشوش حتي الاقارب ماعاد نعرفهم الا في المناسبات الكبيره وهذا كله مش محبوبات اعمامي اقريب نسونا نسينا لولاه فرح ايه راه نسونا طلعنا من العائله وانطرفنا بروحنا وحياتنا في الحوش نكد نجاح سيبت كل وحده فينا فجوه ما تنسد
اصدقت رجاء
نجاح انانيه فكرت في روحها بس لا فكرت في راجلها اللي ضربوه خوتي ولا فكرة في ماما ولا فينا نحن شن اللي ايصيرنا بعدها فكرت في روحها بس فكرة في الضربه اللي ح اتحصلها من عادل وعلي بس

ومافكرتش انها عقبلتنا سمعه شينه

وليد ؛؛ بس يااميره هي ما اغلطتش هي عدت مع راجلها حلالها

اميره ؛؛ حتي ولو راجلها خطا طلعتها معه
هي مفروض جت وواجهت هلي وقالت ان ولد عمي يكذب عليها مش تهرب منها غادي حتي الاشاعه اللي اطلعت عليها ثبتتها علي روحها بهروبها
اهربت ونستنا

وليد ؛؛ اميره ماتحكميش علي اختك هكي راه حتي هي اكيده منقهر من اللي صار واكيده امرايفه عليكم

اميره ؛؛ امرايفه علينا ادير خطوه مش اتعدي منها غادي في بداية زواجها بس حاولت انها اتجينا بس بعدها خلاص نستنا جابت وعاشت حياتها انانيه اطلعت نجاح

وليد؛؛ حبيبي خلاص انسي الموضوع وفكري ان نحن تو بروحنا ومش خايفن من حد حتي ربي راضي علينا وقعدتنا تو حلال يعني حتي انفكر اندير حاجه انديرها بحلال وربي راضي عليها

اميره؛؛؛مسحت ادموعها والابتسامه علي وجها
هههه شن قصدك انت

قرب منها وليد وكرها شوره بقوه
وليد؛؛ قصدي تو حلالي ونقدر اندير اللي نبيه فيك
اميره ؛؛نزلت راسها وانحرجت
وليد رفع راسها وتم ايبحت ايشوف في الجو
وليد ؛؛ تعالي معي
اميره ؛؛:وين حي عليا
وليد ؛؛ اهو هنا اقريب

ومشو وليد واميره للمكان مندس اشويه

وحطها علي الساس وقرب منها
اميره ؛؛ حبيبي تو ايشوفنا واحد واديرلنا قضية شرف بعدها

وليد؛ ؛؛حلالي ونا حر فيه ماحد يقدر ايمانعني
واضبطها وباسها

اميره ؛؛ حبيبي عيب الناس اتشوف فينا
وليد ؛؛ برم وجه ولقي الجو هادي بكل
تي كيف تكذبي عليا انتي ولا شنو راه اترقيلها ليا انكرك معي في السياره

اميره؛؛ حبيبي كنك باقي صايع
وليد؛ ؛ زمان كنت انخاف عليك من غضب ربي بس تو والله ما عاد فيها حلالي تبي ولا ما تبي

اميره ؛؛ هيييييييي واحد واحد

وبرم وليد وجه واميره انزلت واطلعت من تحت يده واهربت ومشت تجري

وليد ؛؛ جاك حاك جاك
واميره خافت وعدت تجري بسرعه
وليد ؛؛ هههههههههه خوافه مازال مازال ما شفتي شيء

وبرمت اميره وجها
اميره ؛؛ سخيف
وجاها وليد وقرب منها ومسك يدها

وليد ؛؛ ايحبك السخيف وميت فيك موت
اميره شن رايك نزوجو في دار وبعدبن تو انكمل الشقه براحتي

اميره ؛؛ عادي لو تبي
وليد ؛؛ تحشمي عليش مستعجله عليش فيش خاطرك
اميره ؛ وليد يا سخيف كنك اليوم اتقول زامط حاجه

وليد ؛؛ ههههههههه زامط حبة حب من الطفوله ومازالت اماثره فيا

اميره ؛؛ ومازالت ح اتاثر لعند اخري يوم في حياتي
وليد ؛؛ انحبك
اميره ؛؛ نعشقك
وليد ؛؛لعند امتي بالوضع هذا راه مليت راه معش عندي حيل انشيل اكتر من هكي الحب

اميره ؛؛ والله اكتر حاجه اتخلي فيا عايشه وصابره هو حبك هو انت الانسان الوحيد اللي ايحسس فيا انسانه صح وعندي مشاعر هو انت

وليد ؛؛ من يومي انحبك وماعمريش شفت انسانه تانيه انتي مالي عيني وقلبي وعقلي وحياتي وروحي انتي بالاختصار نا

اميره ؛ نزلت راسها لان كان كلام وليد حلو ورومانسي وكان يحكي بعيون صادقه

حبيبي نبي انخش انشوف رجاء
وليد ؛؛ خشي ونا قاعد بره اي حاجه تبيها كلميني
اميره ؛؛ ﻻﻻ حبيبي روح انت وارقد بيش بكره اتجينا
هييييييييي خالد ايرن
وليد ؛؛ ردي وماتقوليش نا هنا

اميره ؛؛ هزت راسها معناها باهي

وغيرت صوتها ودارت روحها راقده

اميره ؛؛ نعم خالودي
وليد ؛؛ لما شافها كيف غيرت صوتها انصدم وفتح فمه

خالد ؛ شن راقده
اميره ؛؛ امنزله راسها ما تبيش اتبحت في وليد بيش ما تضحكش واستمرت بالكذبه

اها راقده خلودي كنك في حاجه

خالد ؛؛ متاكده راقده باهي وين وليد انرن عليه ماايردش

ورفعت اميره راسها فجاء وبحتت في وليد وتمت اتشريله علي فونه

خالد؛ ؛ الو الو اميره وين رحتي

اميره؛؛ بصوت وحده راقده
ها خالودي
خالد ؛؛ وين وليد
اميره ؛ وشن عرفني نا يا خالودي من طلعتكم امبدري ما شفتش كنه صايره حاجه

خالد ؛؛ ﻻﻻ شيء به ردي ارقدي اخر خلاص

وصكرت اميره وخذت نفس
وووووو

وليد ؛؛ اطربق من الضحك
هههههههههه طلعتي تعرفي تكذبي يا اميره باهي به كم مره كاذبه عليا نا

اميره ؛؛ هههههههه كان يسال عليك
وليد ؛؛ شاك ان نا هنا
اميره ؛؛ اها
وليد ؛؛ من طبيعي انكون هنا ها املاه مراتي تقعد في المستشفي ونا ما نقعدش معها

اميره ؛؛ وين فونك
وليد ؛؛ اهو في جيبي
وطلعه
اوووو ران عليا

اميره ؛؛ اها قالها ليا قالي انرن عليه وماايردش
وليد ؛؛ تو انرن عليه بكره

اميره ؛؛ به حبيبي خلاص روح انت
وليد ؛؛ به بس ح نحكي معاك علي الفون بيش نطمن
اميره ؛؛ حاضر
وقرب منها وباسها علي راسها
وليد ؛؛ سلام حبيبي
ومش وليد روح

…….

امل ؛؛ كنك سكرت مني وبعدها القيتك انتظار
خالد ؛؛ كنت نحكي مع اميره
امل ؛؛ كنها
خالد ؛؛ حبيبتي
وليد قاعد في الحوش

امل ؛؛؛طول اذكرت ان اميره في المستشفي واكيده معها وليد وهو امكمل اميره بيش ايتاكد ان وليد عندها او لا

خالد ؛؛ امل كنك ساكته
امل ؛؛ هه ﻻﻻشيء بس الصوت ايقطع الو
خالد ،؛:احكي نسمع فيك وليد في الحوش
امل ؛؛ اها امبدري جاي وشكله راقد اخر

خالد ؛؛ اها به شن جوك انتي
امل ؛؛ انت قصدك شاك ان وليد عند اميره في المستشفي

خالد ؛؛:من الاخير نقاني شاك ﻻن لو نا في مكانه راه قاعد عندك غادي
امل ؛؛ به حبييي اشويه نشرب ميه عطشانه وتو انجي

خالد ؛؛ به عدي

وصكرت امل عليه ابسرعه واكتبت رساله لل اميره

اميره راه خالد سالني علي وليد وقالتله راه قاعد راقد راكم اطلعوني كذابه نا متاكده انه عندك لان مازال ما روح وبيش اتوصيه هو

ورنت علي خالد وبدت تحكي معه

ومشت ساعه وراء ساعه وجا الصبح ووعت رجاء ولقت اميره راقده علي الكرسي
رجاء ؛؛ بصوت مخنوق
اميره اميره

اميره ؛؛ وعت منفجعه
ارجيوه اوعيتي
رجاء ؛؛ من امتي وتا هنا

اميره ؛؛ حبيبتي ما تفكري في شيء انتي تعبتب اشويه جبناك هنا امس في الليل خلاص

رجاء ؛؛ وين ماما
اميره ؛؛ في الحوش قاعده

وخشت الممرضه
الممرضه ؛؛ ماشاءالله تبارك الله اهو تو جوك تمام
رجاء ؛؛ الحمدالله
وجت الممرضه علي امتع التغذيه وفكتها لها

رجاء ؛؛ نبي انخش لحمام ساعديني
اميره ؛؛ هيا حبيبتي

وصبت اميره اتساعد في رجاء وصبتها ومشت بها لحمام

رجاء ؛؛ ما تخافيش مازالت نعرف نمشي
اميره ؛ عارفتك قويه مش بالساهل تنكسري
رجاء ؛؛ شن هذا رفع معنويات ولاه شنو تي انكسرت وفضت وهذا الدليل قاعده في المستشفي

….

مراد ؛؛ حبيبي حبيبي
نا ؛؛ حولت الفوطه وفتحت عيني والقيت مراد
صباح الخير
مراد ؛؛صباح النور
هيا حبيبي مش تبي تمشي لهلك
نا ؛؛ ساعه كم
مراد ؛؛ ساعه 7 ونص هيا صبي وتي روحك
نا ؛؛ به هيا
وصبيت وخشيت لحمام وتوضيت وصليت الصبح ولابست لابسه حلوه
مراد ؛؛ حبيبي القهوه
نا ؛؛ هيا تو انديرها
ومشيت ودرت قهوه علي السريع

ودرت ميك اب ولابست وشاحي
مراد ؛؛ هيا كملتي بسرعه وراي عمل

نا ؛؛ هيا حبيبي كملت
وخذيت شنطتي وطلعنا ونزلنا
ومشينا للحوش ودقيت الباب وفتحتلي ماما

ماما ؛؛ مرحبتين
نا ؛؛ اهلاين يامحيني جيت بدري علشان مراد عنده مستشفي ومش ح ايرد الا في ساعه 2
ماما ؛؛ باهي عندي دبش يبنا في المستشفي كلميه ياخذهن
نا ؛؛ به به
وطلعت نجري للشارع والقيته ماشي

نا ؛؛ عد خلاص
ماما ؛؛ ﻻﻻ بعدك يبن دبش مستور للرجاء بدال من التوته اللي لبستها

نا ؛؛ تو انرن عليه ايرد قبل ما ايتباعد

مراد ؛؛ ان شاءالله خير شن في
نا ؛؛ ﻻ خير بس ماما اموتيه دبش لبنات تبيك اتشيله معاك
مراد ؛؛ به هيا اطلعيلي
وخذيت الدبش وطلعت وهو جاني وخش غليا قي الجنان
مراد ؛؛ هات حبيبي
نا ؛؛ تفضل
مراد ؛؛ هاتي وخشي ومعش تطلعي بره
نا ؛؛ حاضر حبيبي

وطبع مراد ومشي ونا خشيت لماما والقيت ايمان اتظم في الحوش وبديت معها نا

رجاء ؛؛ فيش حاجه نبي انغير دبشي
اميره ؛؛ تو ايجي مراد

مراد ؛؛ السلام عليكم
اووووو رجاء شن جوك تو

رحاء ؛؛ بالاتسامه
خيرات مراد
مراد ؛؛ وين شغلتين عليك امس
رجاء ؛؛ هههه
مراد؛؛ به هذا دبش عمتي دازته لكن واشوية عصائر وجو بيش تاكلن ونا قاعد في عملي اي حاجه تعالي يااميره وتو انخطم عليكن

اميره ؛؛ شكرا مراد

مراد ؛؛ عفوا هيا سلام

رجاء ؛؛ نبي انغير دبشي
اميره ؛؛ تو انشوف شن جايبنك

وصبت اميره وطلعت لابسه ل رجاء
وساعدتها في تغير
والبست تيشرت وبدي نص كم وحطت عطر
وجاتها اميره وتمت تمشطلها في شعرها
واسمعنا صوت دكتور خش

رجاء ؛؛ ارتبكت لان اعرفت صوت ومعش اعرفت ماادير وخنقتها العبره

اميره ؛؛ اقعدت تمشط في شعرها وحست ان رجاء مش تمام

وايخش الدكتور وكان امنزل راسه ولاهي في الاوراق

وقلب رجاء ينبض بسرعه وخايفه
واميرة وقفت مشطت شعرها

وجا الدكتور عند سريرها ورفع راسه و…………………….………..

يتبع