مسلسل سعاده كاذبه التكملة

مسلسل سعاده كاذبه

الحلقه 40

وخش علينا مراد ولما شافني امتانقه وطالعه حلوه

ابتسملي بس نا نزلت راسي

وركبت فوق ونا انغير في دبشي خش عليا

نا ؛؛ انحرجت منه ونزلت راسي وتميت انغير ابسرعه
مراد ؛؛ بشويه عليش مستعجله
نا ؛ ﻻ شيء بس تعبانه بكل
مراد ؛؛ اهااا واكيده تو ح ترقدي او ح اديري روحك تبي ترقدي بيش اتهربي مني

نا ؛؛ انصدمت من كلمته
مراد ؛؛ واضح يا ايه كل شيء واضح
نا ؛؛ شن اللي واضح
مراد ؛؛ ايه انتي سمعتني نحكي علي فون
نا ؛؛:اي فون
مراد ؛؛ يوم اللي طحتي دختي
نا ؛؛مراد نبيش نحكي
مراد ؛؛ ﻻﻻ احكي عيطي خبطي ليش ساكته اتخوفي فيا منك هكي احكي كنك ساكته انتي عندك عادي انتي ما اتغريش عليا نا عارفك سمعتي وسمعتني غلط

نا ؛؛ مراد انت كنك نبيش نسمع خلاص خلاص
وحطيت ايديا علي اوذني ومشيت وطلعت
ومسكني مراد بقوه وبرمني شوره
ونا اعيوني ملينات ادموع

مراد ؛؛ احكي ماتقعديش ساكته راه تحرقي فيا بسكوتك من اول امس وانتي اتهربي مني وماتحكيش معي راه واعره عليا

نا ؛؛ ونبكي ومنهاره
ﻻني نبيش نبيش
نبيش نسمع الكلام نبيش نسمع كلام الحق نبيش ننجرح اكثر من هكي نبيش اتطيح من عيني نبيش نخسرك نبيش نطلع من المكان اللي انت فيه نبيش نفقدك نبيش نعرف انك اتخون فيا ونراضي نرقد جنبك نبيك اتحبني واتخاف عليا نبيك اتحطتي جو في عيونك كيف ما نا حطيتك في عيوني والله حبيتك وصاينتك وحاطتك بين اعيوني والله ماعمري فكرت في غيرك من يوم اللي قالولي في حد متقدملك وانت في بالي

من كثؤ الكلام واعر وانحسﻻقي قلبي اقريبﻻيطلع من مكانه معش جاني جهد طحت علي ركبي لوطه وتميت نبكي

ومراد قعد امصبي وايبحت فيا ومنصدم

ليش يا مراد ليش والله انحبك والله انموت فيك ليش تجرح فيا ليش نا شن درتلك لو ما تبنيش قولها ليا ونا موافقه علي اي حاجه تبيها بس ما تجرحنيش ولما نسكت اتجي وتبني نحكي نا سكتت لاني نبيك وانحبك
انت طعنتي انت غدرتني انت عصرت قلبي عصر انت ركبت فيا نار انت حبيبي وحبيتك وامنتك علي قلبي وجيتك واي حاجه تبيها انديره فيها لك والله سكتت علشانك وعلشان اللي في بطني نبيه ايكون بينا
صبيت ومسكت فيه

وراس مراد قولي كذبه قولي نا ما انخونش فيك قولي ما انكلمش فيها وراسي طفيها النار اللي فيا والله انحبك مانبيش نخسرك علشان خاطر اغلي حاحهىعندك طفيﻻالنار اللي فيا باهي اكذب عادي ح انصدقك وراسي طفيها النار واعره واعره يا حبيبي
والله ماني امصدقه انك انت اتخون فيا

مراد ؛؛ اضبطني وتم يبكي
والله ما خنتك والله ما خنتك والله انتي اللي في قلبي والله ماعمري حسيت بروحي انحب كيف مانا انحبك تو

وخرت منه وتميت انبحت فيه

نا ؛؛ مراد تكذب عليا انت صاح
مراد ؛؛ والله لا ونا جيتك نبيك تحكي نا عرفتك انك سمعتني بس والله ما سمعتي كلامي كله والله ما سمعتي كلامي من اول مكالمه
نا ما ننكرش اني كنت نحكي معها بس والله ما حكيتلها علي الحب

ونا وخرت وقعمزت علي السرير وحطيت راسي علي ايدي

مراد ؛؛ صح هي تبني انردلها وبدت اديرلي في اجواء مش تمام تحسابني ح انرايف عليها وانردها بس والله كل ماترن اتجي صورتك قدامي ونفتح ونحكي معها علي اساس طليقتي وبس مش اكتر

نا ؛؛ نحكي بنبرت صوت مراد
اوكي نا معاك انحبك بس…..

مراد ؛؛:بس انتي كرهتني فيك وكرهت اليوم اللي حبيتك فيه نا نادم علي اليوم اللي عرفته فيك

نا ؛؛ رفعت راسي وبحتت فيه وانصدمت
شن انت تو تلعب بيا
مراد ،؛ مافيش راجل يلعب بمراته اللي ايحبها و حامل منه

نا ؛؛؛الدليل
مراد ؛؛ اني بلا فون ليا كم يوم ومادورتش وهذا كله علشانك مانبيش نحكي معها انا نبيك انت بس

نا ؛؛ خاطري انصدقك
مراد ؛؛ ايه ماعنديش فيه جو كذب والخيانه
نا ؛؛ وصبيت نبي انخش لحمام
وانطيح اندوخ
وجاني بسرعه ومسكني
مراد ؛؛ ماتخوفنيش عليك ايه حبيبتي

اوعيت وشفته
نا ؛؛ مراد انحس في ليه قويه عندي قويه بكل اول مره انحس بها

مراد؛ ؛ شن ليه
نا ؛؛ اها بكل
مراد ؛؛ خليكي هنا ما تحركيش تو انجيك
نا ؛؛ وين

وطلع مراد يجري وسمعت صوت سيارته
ونا نبكي وانعيط انحس بليه قويه اول مره انحسها
ماعرفتش شن السبب بس حسيتها قويه

وخشيت لحمام والقيت في …….
طحت وقعدت نبكي
لاني عرفت روحي اخسرت الجنين

وسمعت صوت باب انفتح بقوه وخش مراد يجري وشافني

مراد؛ ؛ ايه كنك شن صار
نا ؛؛؛نزيف
مراد ؛؛ ﻻﻻ ماتقوليش هكي
وجا وشالني وحطني علي السرير

ماتخفيش حاجه خفيفه اهو جبتلك ابره تثيبت
نا ؛؛ نزل خلاص
مراد ؛؛ ﻻﻻ مش ح ينزل
نا ؛؛ قعدت نبكي وانعيط ومراد عطني ابره
وقعد ايهدي فيا
مراد ؛؛ نا قالتلك تريحي وافطري وانتي ماتبيش

نا قعدت نبكي وخايفه
مراد ؛؛ اسسسس علشان خاطري خلاص ان شاءالله ح تقعدي تمام والجنين مش ح ينزل اطمني

اهدي بس اهدي علشان خاطري

نا ؛؛ بدون ما انحس بروحي رقدت
ووعيت تاني يوم القيت مراد راقد وكان شكله كان يبحت فيا
سحبت روحي وهو حس بيا وفتح اعيونه

مراد ؛؛ وين ماشيه
نا ؛؛ حمام تو انجي
مراد ؛؛ به
وصب وساعدني انصبي وفتحلي باب الحمام

خلي الباب مفتوح مااتسكريش
وخشيت حمام وسكرته بس مش بالمفتاح
حسيت روحي متريحه اشويه غسلت وطلعت والقيته امصبي علي الباب

مشيت وكأني ما انشوفش فيه
وخشيت للدار وهو وراي

مراد ؛؛:ها شن الاخبار تو
نا ؛؛ نبي نمشي للهلي
مراد ؛؛ سكت وبحت فيا
نا ؛؛:نبي هلي نبي نمشي
مراد ؛؛ ليش
نا ؛؛:حوش هلي ونبيه
مراد ؛؛ ﻻﻻ فيش مشي
نا ؛؛؛ﻻ نبي نمشي يا مراد نا معش….
وسكتت
مراد ؛؛ معش شن كمليها معش شن

نا ؛؛ سكتت وقعدت نبكي
مراد ؛؛ فيش اطلعو ولو اتعفني هنا انتي مانكش طالعه من الشقه هنا هذا مكانك

نا ؛؛ بس مكاني خسرني خلاص اي نا اللي خسرته خلاص كيف تبني انعيش حياتي في مكان مش ليا لغيري من اول ما جيته ونا مش له اساس نا جيته ضيفه بس جيته اندي في مهم بس ما قدرتش انكمل خلاص

مراد ؛؛ اديري اللي تبيه اطلعو من الشقه ما فيش

نا ؛؛؛ليش مش انت تبي اتردها نا خلاص شن اندير نا كنت قاعده علشان البيبي بس خلاص شكلي ح نخسره

مراد ؛؛ بس انتي ما خسرتيش وبعدين انتي ما جيتيش تقريبا علشان البيبي انتي جيتني نا علشان تبي اتعيشي معي

نا ؛؛:ويا ريتني ما جيت والله القعده في حوش هلي تحت رحمة عادل ولا انعيش في مكان رافضني

مراد ؛؛ ايه نبيش نسمع الكلام هذا

نا ؛؛ مراد شيلني لهلي تو خلاص
وجبت الكرسي وركبت عليه ونزلت شنطتي

مراد ؛؛ نا قالت فيش اطلعو يعني فيش شن انتي ما تفهميش ولا شنو

نا ؛؛ كلكم هازين عليا وتحسابوني مانفهمش نا نفهم وعندي قلب وعقل وانحس راه والله انحس شن تبي اكتر من هكي مازالت عروس ونسمع راجلي يحكي علي الفون راه نا ابنادمه وعندي احساس ومشاعر

مراد ؛؛ انتي اتوهمي في روحك انتي تبيش تسمعني
نا ؛؛:
اوكي نا معاك انحبك

مراد ؛؛؛اها صار انتي سمعتي الجمله هذه بس صاح يعني اتتي امسكره راسك
به ياايه خلكي براحتك

وطلع وخبط الباب بقوه

ونا انهرت وقعدت نبكي وخايفه منه
وصبيت ولميت ادبشي
ورنيت علي خالي
نا ؛؛ الو خالي
خالي ؛؛ ايوه ايه كنه صوتك هكي
نا ؛؛ خالي نا تعبانه ونبيك اتجيني اتشيلني للهلي لان مراد مش فاضي عنده مستشفي

خالي ؛؛ به وتي روحك ونا تو انجيك
نا ؛؛ به هيا

وبحتت في شنطتي وانقهرت وحسيت روحي خلاص اخسرت كل حاجه اخسرت اجمل حياه عشتها خسرت اقرب ناس ليا اخسرت قلبي وروحي وعمري وحياتي وحبيبي حبيبي حبيبي ولو مهم ايصير هو حبيبي وعمري وحياتي علي الاقل هو عيشني كم يوم اجمل ايام في حياتي عيشني في اجمل حب

صبيت ولابست عبايتي وحطيت الوشاح وانبحت في دولابي اللي فيهن ادبشه ودبشي دبشي اللي شراه ليا و مازالت ما لبسته معقول يا ربي اجمل ايام عشتهن ما ايطولنش هكي لدرجه هذه عنديش لحظ ﻻ فرحت ب بابا ولا باختي الكبيره ولا بخطبتي ولا بقرايتي ولا بصحة ماما ولا بزواجي ولا بالوليدي يعني يا دنيا ماعاد عندك اللي نا اتهدي في حياتي هد

ورن فوني والقيته خالي
لابست خماري وطلعت بشنطتي
ونزلت وكل درجه ننزلها انحس روحي طحت من سابع سماء
وطلعت علي خالي

خالي ؛؛ عليش الشنطه
نا ؛؛ مريضه ياخالي وح نقعد كم يوم عند هلي
خالي ؛؛ وين مراد
نا ؛؛ مراد تو عنده عمليات وقفل فونه
خالي ؛؛ به هيا
وركبت في سياره واول مره نركب سياره من بعد زواجي سياره غير سيارته سيارة حبيبي

وطول طريق وخالي يسال فيا شن في بس نا سكرت راسي ونا انقوله مريضه يا خالي

واول ما وصلنا خشيت علي هلي
ماما ؛؛ ويه كنك جايه تو
وخش وراي خالي
ماما ؛ انصدمت ماما لما شافت خالي وراي

ايه انتي من جابك

وجيت نجري واضبطت ماما وتميت نبكي

ماما ؛؛ حي عليا كنك يا ابنيتي حي عليا شن في
وين مراد وين راجلها كنه مش معها

خالي ؛؛ رنت عليا وقالتلي مريضه تعال شيلني

واطلعن البنات يجارن علينا في الجنان
اميره ؛؛ حي عليا كنك يا ويه

ونا طحت دخت
رحاء ؛؛ ووووو عليا هذه كنها
خالي ؛؛جاني وشالني وخششني للدار بسرعه

ماما ؛؛؛متعاركه مع راجلها صاح وينه هو
اميره ؛؛ حي عليا شن داير فيها هو
خالي ؛؛ تي عدن جيبن ميه ولا عطر بدال مااتعيطن

ومشت ايمان تجري وجابت ميه
وبخوها علي وجي

وماما طاحت علي كرعيها واقعدت تبكي

اميره ؛؛ خالي انت ليش جبتها
خالي ؛؛:هي كلمتني وقالتلي تعالي مريضه تبنيش انجيها هذه ابنيتي ما انتحملش حاجه فيها
ماما ؛؛ حي عليا ابنيتي
اميره ؛؛ مازالت اصغيره علي المشاكل والتعب يا ناعليا ياخيتي

خالي ؛؛ المشكله ان فون مراد مقفل صاح وهي قالت ان في المستشفي وعنده عمليات

ايمان ؛؛ به ممكن صح اصبرو خلونا انشوفو مراد ايجيها او لا

افتحت اعيوني والقيت كلهم جنبي مقعمزين وشفت الخوف في اعيونه ماما وانشغلت عليها وخفت اتصيرلها حاجه

ماما ؛؛ ويه ياابنيتي كنك
نا ؛؛ تعبانه تعبانه
ماما ؛؛ فيش اتحسي
نا ؛؛ جسمي كله تعبان

اميره ؛؛ وين مراد
نا ؛؛:في المستشفي قاعد
اميره ؛؛ يعني فيش مشكله بينتكم
نا ؛؛ ﻻﻻ فيش
ماما ؛؛ متاكده ياابنيتي
نا ؛؛ اطمني يا ماما امغير تعبانه بس هذا عليش جيت

نا خفت علي ماما اتصيرلها حاجه بسببي قلت علي اقل انمهلها اشويه بشويه

انحس روحي نبي نرقد ايمان شنطتي فيها دواء جيبها ليا

خالي ؛؛ قصدك فاطره لدرجه هذه مريضه وساكته

نا ؛؛ اها مراد قالي افطري وخوذي دواء
ماما ؛؛ البنت حامل يا عيسي
خالي ؛؛ اها به

وعطتني ايمان دواء ونا خذيت الدواء وبرمت وجي ودرت روحي رقدت بيش ايحولو من جنبي

وكلهم اقعدو جنبي نين اتاكدو ان نا راقده صاح

وفعلا كلهم صبو وسيبوني
واول ما حسيت بروحي انهرت ابكاء وقعدت نبكي حسيت روحي ولا حاجه بلاه حسيت روحي سيبت اغلي ناس ليا طلعت منىالشقهىويا ريتني ما طلعت حسيت روحي طلعت بجسدي بلا روح سيبت روحي وقلبي وعقلي عنده هو
ييييييييي يا مراد ياريتك طولت في كذبتك عليا ياريتك عيشتي اكترفي الكذبه والله احمل ايام عندي ايامي معاك ونا عايشهةمعاك في حضنك تحت اجناحك

وفجاء اتجي يد علي كتفي

…………

يتبع