رواية عشقتها فغلبت قسوتى بقلم إسراء علي

الفصل الثالث عشر

دلف مدحت غرفه نادين كانت الغرفه يغلب عليها الطابع الانثوى…حيث الجدران المطليه باللون الوردى والاثاث الفضى اللامع والسجاد الوثير من نفس اللون

مدحت:حبيبتى ممكن ادخل
نادين بإبتسامه:طبعا يا بابتى

مدحت وهو يجلس على طرف الفراش
مدحت:عاوز اكلمك فموضوع
نادين:خير يا بابا
تنهد مدحت وقال بشئ من التردد:ااا نادين فى موضوع كدا اا يعنى بخصوصك انتى وسامح اخو جاسر الصياد

اضطرب قلب نادين بين ضلوعها وقالت بشئ من الخوف

نادين:مـ موضوع ايه!!!
تنحنح مدحت وقال:يعنى هو طالب ايديك للجواز

سكتت نادين بينما اكمل مدحت وقال
مدحت:بصى يابنتى لو مش موافقه قوليلى وانا مش هغصب عليكى

اسرعت نادين بالرد وقالت بشئ من الفرحه

نادين:لالالالالا….اا انا موافقه يا بابتى

تعجب مدحت كثيرا من فرحتها وحماسها فهو ظن انها تكرهه خاصا بما حدث بينهما فى الماضى من ملابسات ومشاجرات….ولكن مسكين لم يعرف انها من نسج العشاق وبدايه ملحمه حب جديده ستسطرها قريه (الصياد)

مدحت:هو فيه حاجه انا مش عارفها!!

استدركت نادين حماستها وانها قد وقعت فى خطأ ولكن كيف ستبرر فعلتها الان لا مفر من الحقيقه

نادين:ااا الحقيقه يا بابا..انه..يعنى..سامح و..ااا انا يعنى كنا
سكتت قليلا ثم قالت بشجاعه وبسرعه رهيبه تكاد تسبق الصوت فى سرعته

نادين:كنا بنحب بعض وهو قالى هتقدملك
رفع مدحت حاجبه مستنكرا لما يسمعه
مدحت:وبتقرطسونا يعنى
اسرعت نادين وقالت:لالالا والله هو بس كان مستنى وقت مناسب عشان يعرف يتقدم
مدحت بهدوء:وبعدين
اكملت نادين:والله يا بابا هو نيته كوييسه ولو كان قاصد حاجه وحشه مكنش جه وطلب ايدى منك
مدحت:افهم من كدا انك موافقه

اماءت نادين برأسها بقوة وقالت بحماسه:لو حضرتك موافق هوافق
ضحك مدحت وقال بمزاح:قال يعنى بتثبتينى
ضحكت نادين فعاود مدحت يكمل
مدحت:وانا موافق انا ميهمنيش غير سعادتك ياحبيبتى

نهضت نادين وحضنت والدها بقوة وقالت:ربنا يخليك ليا يا احلى بابا فى الدنيا

ربت مدحت على ظهرها بحنو وقال بحنيه:ويخليكى ليا انا ميهمنيش غير سعادتك

نهض مدحت وغادر غرفه نادين بينما ظلت هى تقفز من المرح وتصفق بيديها فعاد والدها مره اخرى ورأها على تلك الحاله وقال بمرح

مدحت:هبله

توفقت نادين وقالت:انا!!!
مدحت:لا انا يا حبيبه بابى المهم انا جاى اقولك متعرفيش سامح حاجه انا اللى هعرف جاسر سمعتينى
اماءت برأسها وقالت:اوكيه داد ثم اكملت بصوت خافت:احنا بتنشعلق ف رضا ربنا
خرج مدحت من الغرفه وتنهد قليلا ثم عاد لغرفته…كانت امال جالسه بتوتر بالغ منتظره عوده زوجها وحين دلف اليها اسرعت هى ناحيته وسألته بتوجس

امال:ها نادين قالتلك ايه
زم محدت شفتيه وقال:موافقه
رفعت امال حاجبها الايسر وقالت مستنكره:وافقت..وافقت ازاى دا مش بطيقه من ساعه اما جينا هنا تقوم توافق

رفع مدحت منكبيه دليلا على عدم معرفته الزائفه لانه يعلم زوجته جيدا لن تدع الامر يمر مرور الكرام

مدحت:معرفش يا امال اهم حاجه انها موافقه وانها مش هتعمل حاجه غصب عنها وطالما هى مبسوطه دا بس اللى يهمنى
امال:خلاص يابو نادين هتكلم مراد
مدحت:اها هقوله طبعا لازم يكون موجود

فى مساء اليوم التالى وقبل حضور جاسر وعائلته الى فيلا مدحت..كان هناك من يطرق الباب

روجيدا وهى تركض تجاه الباب:استنى انتى يا حسنيه انا اللى هفتح

اماءت برأسها ثم انصرفت..فتحت روجيدا الباب لتجد امامها شاب فى 25 من عمره يتميز بالعيون الرماديه والبشره الخمريه والشعر الاسود المجعد قليلا واللحيه الطويله نسبيا والجسد الرساضى والطول الفارع ومعه فتاه تقريبا من نفس عمر الشاب تتميز بقصر قامتها عكس الشاب والعيون السوداء الواسعه والشعر الاسود الطويل والبشره البيضاء الصافيه ومعهم فتاه فى 3 من عمرها تمتلك ملامح والدتها وعيون والدها…

روجيدا بنبره سعيده:مراد
مراد:روجيدا ازيك
تصافحا وبعد السؤال عن الحال وغيرها قالت روجيدا بنبره سعيده

روجيدا:اكيد انتى انجى والصغنونه دى ريتاج
ابتسمت انجى وقالت بنبره محبه:اه وانتى اكيد روجيدا مراد حكالى كتير عنك وعن طفولتكم وبصراحه شوقنى انى اشوفك

ابتسمت روجيدا وقالت بحب:دا من حظى ويلا ادخلو جوه

ثم نادت حسنيه وقالت:خدى شنط مراد بيه ع الاوضه بتاعه

صعد مراد لغرفته بعد ان عرج على اخته وحدثها كثيرا وعن زواجها وسبب موافقتها وما الى ذلك ثم عاد لغرفته مره اخرى

بعد ساعه وصلت عائله الصياد الى فيلا مدحت…استقبلهم مدحت وامال ومراد ثم دلفوا جميعا الى الصالون وبعد التحدث فى امور روتينيه…تشدق جاسر قائلا

جاسر:اكيد طبعا يا مدحت بيه عارف احنا جايين ليه
مدحت بدبلوماسيه:عارف بس حابب اسمعها منك يا جاسر بيه
ابتسم جاسر وقال بثقه:طب فين الانسه نادين و..الانسه روجيدا

استغرب مدحت كثيرا برغبته بوجود روجيدا فى امر يخص نادين ولكنه لم يعلق…ثم دعا احد الخدم لكى يجلبوا نادين وروجيدا

بعد دقائق دلفت الفتاتان للداخل…انبهر سامح كثيرا من جمال فراشته فكانت ترتدى فستانا طويل من اللون الوردى الضيق من الصدر حتى ما بعد الخصر وينزل فيما بعد بإتساع واكمام طويله من القماش الشفاف فكانت حقا كفراشه…
اما عن بطلتنا فكانت ترتدى فستان اسود عكس بياض بشرتها كان قصير يصل لما بعد الركبه بقليل وحمالات عريضه وفتحه صدر ضيقه ووجه خالى من اى مستحضرات التجميل فكانت تشبه الاميرات الفرنسيات…
جلست الفتاتان فأكمل جاسر حديثه بثقه كبيره وقال

جاسر:بما ان الكل موجود احب اقول لحضرتك يا مدحت بيه….
سكت قليلا وحول انظاره ناحيه روجيدا وابتسم بغرور ثم عاد بنظره مره اخرى لمدحت….اما روجيدا فقد تعجبت منه كثيرا ولكنها لم تهتم

فأكمل جاسر وقال:احب اقول لحضرتك يا مدحت بيه انى طالب ايد بنتك نادين لسامح اخويا…و ايد الانسه روجيدا ليا انا…..