عشقتك كما ينبغي

عشقتك كما ينبغي
الحلقه الثامنه

عند شريف وجابر ركبوا السياره وذهبوا الي فيلتهم
وعندما دخلوا وجدوا جميعهم جالسين بدون والدهم كالعاده

شريف وجابر:السلام عليكم

كلهم:وعليكم السلام ورحمة الله وبركاته

جلس شريف بجانب والدته وفي الكرسي المقابل له يجلس سيف
وجلس جابر بجانب اخته ساندي

ولاحظ شريف السعاده الظاهره علي وجه ابنه والتي لم يراها من قبل
فميل علي والدته وقال لها:هو سيف ماله مبسوط كده ليه

الام:مش عارفه بس هو من ساعة ما جه من المدرسه وهو مبسوط وبيقول انه مش هيغيب منها تاني ابدا

شريف:وده من امتي ده
ده هو مبيكرهش في حياته اكتر من المدرسه وبيروح كل يوم بالزعيق والضرب

الام:والله منا عارفه ياشريف
وانت عارف ابنك مبيحكيش حاجه لحد ودايما قاعد في اوضته

تنهد شريف بالم فهو اهم الاسباب التي جعلت سيف ينعزل عن الجميع وان جلس معهم يجلس هادئ ولا يتكلم فقال:عارف

وظل شريف يختلس النظر الي ابنه من غير ما يحس حد
وهو يشعر بالسعاده لسعادة ابنه ولكنه انكر ذلك ورجع ان سبب سعادته انه اخذ خطوه لبداية تنفيذ الخطه للقبض علي فارس الحناوي

فقال سيف:انا هطلع انام
تصباحوا علي خير

كلهم :وانت من اهل الجنه ياحبيبي

وصعد سيف الي غرفته لينام
ولاول مره ينام من غير دموع وذلك بفضل ميس مي التي ادخلت السعاده علي قلب هذا الصغير

ثم ذهبت الام ايضا لتنام
وظلو الاخوات الثلاثه

فحاوط جابر كتف ساندي بايديه وضمها ليه وقبلها علي وجنتها وقال:بنوتي الحلوه عامله ايه

ساندي :الحمدلله ياقلب بنوتك
انت عارف انك وحشتني خالص خالص ومش عارفه اتلم عليك

جابر:معلشي ياقلبي انتي وحشتيني اكتر بس غصبن عني انتي عارفه الشغل اخد كل وقتي

ساندي بزعل:لا انا زعلانه منك

جابر:وانا مقدرش علي زعلك ياقلبي
ايه رايك بكره هيكون عندك احلي شكولاتيه بالبندق اللي بتحبها بنوتي

احتضنته ساندي بسعاده وقالت:بجد يابورتي

ضحك جابر علي اخته التي رغم انها تبلغ الثمانية عشر الا انها ما زالت طفلته المدلله التي تسعد باقل الاشياء وقال:بجد ياقلبي

ساندي:هييييه ربنا يخليك ليا يااحلي اخ في الدنيا كلها

جابر:ويخليكي ليا يا احن اخت في الدنيا

تدخل شريف قائلا:ايه العشق الممنوع اللي احنا عايشين فيه ده
وبعدين هي احن اخت وحضرتك احلي اخ
امال انا روحت فين نستوني يااندال ده انا الكبير حتي
اعتبروني زي اخوكوا يعني فيه ايه

ضحكوا جميعا علي كلام شريف
وقالت ساندي وهي تجري علي شريف وجلست علي رجليه كطفله صغيره مشاكسه وقبلته علي وجنته:لا ازاي احنا نقدر ننساك بردوا يا شيفو
بس انا عايزه شكولاتيه بكره

شريف بغيظ:بلاش شيفو دي يا بت انتي عارفه مبحبهاش
وبعدين انتي مش جيلك شكولاتيه من جابر عايزه ايه مني بقي

ساندي بخبث وبراءه:يعني ياشيفو ينفع جابر يجبلي شكولاتيه وانت لا
يااحلي اخ في الدنيا

شريف وهو يقرصها من خدودها بمزاح:ماديه حقيره
دلوقتي بقيت احلي اخ علشان شكولاتيه
والله يابت انتي ممكن تبعينا ببوكس فيه كل انواع الشكولاتات صح

ساندي: ميرسي ميرسي
المصالح بتتصالح يامعلم
وبعدين ده انا ابيعكوا ببكوين شكولاته مش بوكس بحاله

شريف:لا ميرسي علي واجب ياختي
وضربها علي رأسها ضربه خفيفه:معلم قاعدين علي القهوه احنا يابت
انتي هتقوليلي ده انتي تبيعينا بباكوا شكولاتيه واحد مش اتنين

ساندي:ايه الظرف ده ياعم جايبه منين
وبعدين انا غلطانه يعني علشان بعلمكم لغه تنفعكم في حياتكم
وكمان انت دايما كده فاهمني صح

شريف:من الصيدليه ياخفه تحبي اجبلك
كتك نيله عليكي وعلي اللغه
انتي عارفه تعلمي نفسك علشان تعلمي حد
طبعا اللي ربه خير من اللي اشتري ياعباس
وبعدين قومي يابت من علي رجلي انتي شايفه نفسك خفيفه اوي
وبعدين عيب يعني انسه وشحطه كبيره كده ولسه بتقعدي علي رجلي

ساندي:لا ياخويا مش عايزه كفايا علينا انت
كده برستيجي هيضيع لو سمحت
وبعدين في حد يقول لبنوته كيوت زي عباس
اما اخوات اخر زمن صحيح
وعلفكره بقي هفضل اقعد علي رجلك حتي لو بقي عندي عيال طولي مش بس عندي18 سنه

وقف جابر وهو يضحك وقال:طيب اسبكوا انا بقي تكملوا مناقره براحتكوا لحسن شكلكوا مطولين وهطلع انام
بس عايز اقول ليكي حاجه يا ساندي
مينفعش تسكتي له خالص ده انتي برستيجك ضاع خالص مش لسه هيضيع
انا بس بحب اهدي النفوس ها
وطلع يجري علي اوضته

فقال شريف بعلو صوته:مش هسيبك يازفت
كده تشعللها اكتر ماهي متشعلله لوحدها
ثم وجه كلامه الي ساندي وقال:وبعدين هي مين اللي كيوت ياعباس اخنا هنكذب عل بعض
هتفضلي ورايا ورايا حتي بعد ماتتجوزي وتخلفي
وانا اللي كنت بقول امتي هخلص منك

ساندي:هو انا فيه زي ده انا كيوته وعثوله ومفيش زي اتنين
لا لا متحلمش عمرك ماهتعرف تخلص مني قاعده علي قلبك

شريف:والله الحمدلله ان مفيش منك اتنين كانت الدنيا خربت
وبعدين احنا قادرين علي واحده لما هنقدر علي الاتنين
طيب قومي بقي يابت عايز اطلع انام عندي شغل بكره بدري

ساندي:علي رايك كفايه عليكوا انا
طيب هقوم بس بكره الشكولاته تجيلي

شريف:اه والله كفايه
خلاص ياستي ولا تزعلي نفسك بكره احلي شكولاتيه هتكون عندك

ساندي:حبيبي انت ما كان من الاول لازم تتعبني معاك كده

شريف:معلشي ياختي قومي بقي بدل ما زقك اوقعك

ساندي:لا وعلي ايه انا قايمه بكرامتي
وقامت ساندي من علي رجله وقبلته وقالت:تصبح علي طاعة الرحمن ياحبيبي

شريف:وانتي من اهل الجنه ياقلبي

ساندي:انا وانت يارب

شريف:يارب

وصعدوا الي غرفهم ليناموا
……………………..……………………..……………….
وفي الصباح الباكر
عند حبيبه
تستيقظ علي رنين هاتفها برقم غريب
فترد قائله:الو

الرجل:الووو
عامله ايه

حبيبه:مين حضرتك

الراجل:طيب ردي الاول وقولي الحمدلله وبعدها ابقي أسالي

حبيبه:اخلص ياعم انت لسه هتتكلم
وبعدين هتقول انت مين ولا اهزقك واقفل السكه في وشك

الراجل:يخربيتك مجنونه وتعمليها

حبيبه:انجز بقي مش ناقصه استظراف علي الصبح

الراجب:طيب هدي نفسك يامجنونه
انا ابقي جابر

حبيبه:مش كنت تقول من الاول طيب
انا كنت فضلي تكه وهزقك واقفل في وشك السكه

جابر:معلشي ياستي
المهم قومي بقي البسي وتعليلنا علي مكتب شريف
احنا مستنينك علشان نروح نقابل اللواء ونشرح له الخطه

حبيبه:تمام ياسيدي
نصايه وهكون عندكم

قامت حبيبه واخذت شور وارتدت ملابسها وفطرت ورخمت عليهم شويه ونزلت
ووصلت بعد مكالمة جابر بساعه ونصف
فدخلت وهي تقول:صباح الخير

جابر وشريف:صباح النور

جابر:هو ده اللي نصايه يامفتريه

حبيبه:اعملك ايه مش انت اللي مصحيني متأخر وبعدين علي ما جهزت وفطرت

كان سيرد جابر عليها

ولاكن قاطعه شريف قائلا :بس انتوا الاتنين بقي
بطلوا مناقره في بعض
هو انتوا كل ما تشوفوا بعض لازم تعملوا زي القط والفار
ويلا بقي ياخويا انت وهي علشان اتأخرنا علي اللواء

وذهبوا الي اللواء ليشرحوا له الخطه التي وضعها شريف ووافق عليها جابر وحبيبه
……………………..……………………..……………………..……………………..………………
وعند اللواء حسن عبد الجواد

شريف وجابر وحبيبه:السلام عليكم

اللواء حسن وهو يصافحهم:وعليكم السلام ورحمة الله وبركاته
عاملين ايه يا شباب

الشباب:الحمدلله يافندم

اللواء حسن:اتفضلوا اقعدوا
تحبوا تشربوا ايه

كلهم:قهوه

اللواء حسن:تمام
وطلب لهم القهوه
وقال :اتفضلوا اشرحوا ليا الخطه

وبعد الانتهاء من شرح الخطه

قال اللواء حسن:تمام ابدئوا في الخطه من بكره قبل ما راس الكبيره تشم خبر عن الموضوع
بس انتوا ليه متأكدين انه هيحضر العمليه دي

قال شريف:علشان هو اللي هيسافر بالاعضاء بره البلد المرادي
ومتنساش كمان يافندم مدام مها

اللواء حسن:فعلا اهي دي اللي لغز كبير
ولازم نعرف ايه الموضوع ده واشمعنا هي بالذات

شريف:ان شاء الله يافندم
هنمشي احنا عن اذنك

اللواء حسن:اتفضلوا
ربنا معاكوا وينصركوا

كلهم بدعوه صادقه:ياااارب

وخرجوا جميعا من مكتب اللواء
……………………..……………………..………………
وفي المدرسه
في غرفة المدرسين
كانت تجلس مي وتنتظر سيف فهو يأتي وقت البريك والالعاب يفطر معها وتلعب وتضحك معه فذلك الصغير تعلق بها كثيرا
فسمعت طرق علي الباب فقالت:ادخل

فدخل رجل وسيم جدا ويشبه ممثلين السينما وقال:السلام عليكم

فردت مي:وعليكم السلام ورحمة الله وبركاته
خير مين حضرتك

الرجل:انا ابقي يحيي فاروق والد ياسين وكنت عاوز اتكلم مع ميس مي مدرسة اللغه العربيه

مي:اهلا بيك انا ابقي ميس مي
اتفضل اقعد علشان نعرف نتكلم

جلس يحيي وقال:تسلمي
تمام انا كنت جاي لحضرتك علشان اطلب منك طلب يخص ياسين ابني لاني عارف انه بيحبك جدا
وهيسمع منك

مي:والله لو حاجه اقدر اعملها يبقي انا عمري ما هتاخر عنه طالما حاجه في مصلحته

يحيي:ربنا يخليكي
انا متأكد من كده ده كفايه كلام ياسين علي حضرتك

مي:ويخليك يارب
تمام يبقي اتفضل اتكلم يا استاذ يحيي

يحيي:…………………….

انتهت الحلقه
……………………..……………………..…..