عشقتك كما ينبغي

عشقتك كما ينبغي
الحلقه الثانية عشر

لمياء:طول عمرك واطي وحقير يا شادي
بس متخيلتش انها ممكن توصل معاك لكده ابدا
عايز تحرم ام من ابنها
ده ايه جبروتك ده يا شيخ

شادي:جبروتي علشان بحبك وعايز اسعدك

لمياء:عايز تسعدني باانك تحرم ام من طفلها وطفل ملوش ذنب غير انك ابوه فبتعاقبه بانك تحرمه من امه
انت ايه مبتخفش ربنا
اسمع انا مش هضيع وقتي في الكلام مع امثالك وهقولك الخلاصه
انا مبحبكش ومش هرجعلك وعلفكره انا هتجوز كمان الانسان اللي بحبه
فياريت تتفضل من غير مترود ومشفش وشك تاني

شادي:وياتري بقي اللي هتتجوزيه عارف انك مش هتخلفي الا بعد سنين
ولا تحبي اقوم انا بالمهمه دي واعرفه

لمياء:لا مستغنين عن خدماتك اصله عارف وراضي كمان علشان بيحبني بجد مش زيك انسان اناني مبيحبش الا نفسه

شادي:لا وانتي الصدقه ده تلاقيه متجوزك علشان تكوني بيبي سيتر لابنه اللي فتحلي ده
شفتي بقي اني عارف كل حاجه عنك

لمياء ببرود:حاجه متخصكش
انا قابله بكده وابنه اللي لسه داخل ده بقي ابني كمان فمتدخلش في اللي ملكش فيه

شادي:ازاي بس مليش فيه انتي ملكي يالمياء واي حاجه تخصك تخصني ومش هتكوني لحد غيري فبلاش تقفي قدامي علشان مااخلكيش تندمي
وبلاش عند وارجعيلي

لمياء:اعلي ما في خيلك اركبو يا شادي
لاني مش ملك حد انا ملك نفسي وبس وهكون حرم الباشمهندس يحيي فاروق ومفيش حد غيره هيدخل قلبي او هيلمسني تاني يا شادي

شادي:شكلي كده هرجعك ليا غصب طالما الذوق مش نافع معاكي

لمياء:هقول ايه ماهي حاجه مش جديد عليك
مانت مش راجل اصلا مفيش راجل يقبل انه يتجوز واحده غصب

رفع شادي يده ليصفح لمياء
ولاكن قبل ان تنزل الصفعه علي وجهها كانت يد اخري تمسك بيديه
وعندما نظر لصاحب تلك اليد وجده رجل لا يعرفه

قال الرجل وهو يحيي بغضب :واضح كده ان امك معلمتكش
ان الراجل مبيمدش ايديه علي ست ولا انت فعلا زي ما قالت مش راجل
لا وكمان مش اي ست دي حرم يحيي فاروق وطالما حاجه تخصني يبقي مبسامحش اللي يحاول بس يزعلها
وسدد له يحيي لكمات في وجه وفي كل مكان حتي سقط شادي ارضاا من قوة ضرباته ونزف دما من كل مكان في وجهه فنزل يحيي اليه وامسكه من ياقة قميصه وقال:اخر مره اشوفك بتتعرض لها
يااما هتكون روحك هي التمن يا شاديه
فاهمه

شادي بخوف:حاضر حاضر

قومه يحيي ولكمه علي وجهه وقال:شاطره يا شاديه

وما ان سابه يحيي حتي جري شادي بخوف ورعب من ذلك الرجل
فنظر يحيي الي لمياء ليجدها واقفه تنظر اليه بخوف ودموعها علي خديها
فذهب اليها ومسح دموعها بيديه وقال:طول منا فيا نفس مش عايز اشوف نظرة الخوف دي في عنيكي ولا اشوف دموعك دي تاني

لمياء:خوفت عليك يايحيي

يحيي:متخفيش ياقلب يحيي
انا كويس اهو قدامك هو بس كان عايز يتربي علشان ميقربش منك تاني
المهم طمنيني انتي كويسه

لمياء:ايوه الحمدلله

يحيي:الحمدلله امال ياسين فين

لمياء:متقلقش خليته يدخل اوضتي ويسمع اغاني بالهاندفري ويلعب علي فوني علشان ميسمعش اللي هيحصل بره ويخاف

يحيي:الحمدلله انك عملتي كده
كان زمانه خايف جدا دلوقتي
ومينفعش انه يشوف العنف ده لسه صغير
المهم تعالي ندخل له يلا

لمياء:فعلا
يلا ياحبيبي

ودخلوا اليه وما ان فتح يحيي الباب وشافه ياسين حتي اغلق الهاتف وجري علي والده واحتضنه وقال:بابي كويس انك جيت وحشتني اوووي
وكمان انا كنت خايف من الراجل اللي بره ده هو مشي خلاص

احتضنه يحيي وقال:انت كمان وحشتني خالص ياقلب بابي
وبعدين طول منا عايش متخفش من اي حاجه ياحبيبي واه الراجل مشي خلاص ومش هيرجع تاني يا ياسو

ياسين:هيييييه احسن علشان انا محبتوش

ضحكت لمياء ويحيي علي ذلك البرئ ثم قال يحيي:علفكره يا ياسو
طنط لمياء

قاطعه ياسين قائلا:قصدك مامي لمياء يا بابي مش طنط

ابتسم يحيي بسعاده فاخيرا اطمئن قلبه فلولا ان ياسين يحبها ما كان سيقول لها مامي وقال:مامي لمياء هتيجي تعيش معانا من انهارده

جري ياسين علي حضن لمياء واحتضنها وقال:هييييييييه اخيرا

ضحكت لمياء بسعاده وقبلته وقالت: فرحان يا ياسو

ياسين بسعاده:جدا يا مامي

قال يحيي وهو مبتسم فاخيرا رأي سعادة ابنه من تاني وكانت السبب لمياء فهو لم يري تلك ابسمه والسعاده علي وجه طفله منذ وفاة والدته من 3 سنوات فرغم انه كان صغير وكان عمره 3 سنوات فقط الا ان وفاتها اثر كثيرا عليه واصبح انطوائي ولا يلعب او يكلم احد ولا يضحك :طيب ممكن بقي تتفضلوا تلبسوا علشان نطلع علي المأذون ونروح البيت بقي

لمياء:حاضر يافندم
وجهت كلامها الي ياسين:يلا بينا يااستاذ

قال ياسين:يلا بينا يامامة الاستاذ

وبدلوا ملابسهم وذهبوا الي المأذون وتم كتب الكتاب بعد ان استدعي يحيي اتنين من صحابه ليشهدو علي كتب الكتاب واشهروا للجميع باتمام جوازهم
ثم ذهبوا الي شقتهم مع طفلهم ياسين ليبدؤ حياه جديده
……………………..……………………..……………………..……….
اما بقي في مستشفي ما
كان موظف الاستقبال يوجه كلامه الي رجل فقير وزوجته وطفلهم المريض :خير يافندم

الاب ويدعي فوزي:عايز اقابل الدكتور حامد

موظف الاستقبال:كشف

لاب:لا ولا كشف ولا استشاره انا عايز اتكلم معاه

موظف الاستقبال:تمام اتفضل هو مكتبه في الدور التاني علي ايدك الشمال

صعدت العائله الصغيره الي مكتب الدكتور حامد
……………………..……………………..……………………..…
في مكتب الدكتور حامد

سمع طرق الباب فقال:ادخل

فدخلت العائله وقالوا:السلام عليكم

الدكتور حامد:وعليكم السلام ورحمة الله وبركاته
اتفضلوا اقعدو

وبعد ما جلست العائله

قال الدكتور حامد:خير

الاب فوزي:بص يا ضكتور احنا ناس علي جد حالنا والولا ده اللي طلعنا بيه من الدنيا ومعندناش غيره ومن ياجي كده كام شهر تعب منينا ووديناه لضحكتور عندنا في الحاره وقالنا انه تعبان جوي ولازم له عمليه في الجلب ودي محتاجه فلوس كتير واني راجل علي جد حالي ومعيش فلوس للعمليه فولاد الحلال دلوني عليك وجالولي انك بتعمل عمليات للغلابه ببلاش علشان تساعدهم

الدكتور حامد:وانا موافق هعمل لابنك العمليه اللي محتاجها ومن غير ولا مليم بس بشرط واحنا بنعمله العمليه هناخد منه كليه من الكليتين وده هتاخد عليه ثواب كبير اصلا اللي هتتبرعوله بالكليه يعيني طفل صغير وباباه متوفي وهو اللي باقي لمامته وهو دلوقتي بين الحياه والموت

فوزي:بس ابني ماهيجرلوش حاجه لما تاخد اللي بتجول عليه ده

الدكتور حامد بخبث:لا طبعا ابنك مش هيجرالو حاجه وهيبقي زي الفل وكمان هديك 20 الف جنيه

فوزي:بجد لا طالما فيها فلوس يبقي موافج يا ضكتور

الدكتور حامد بابتسامه:تمام ابنك هيتحجز عندنا علشان نكشف عليه ونعمله التحاليل الازمه وبكره النتيجه هتطلع وهنحدد معاد العمليه واه فيه حاجه لما بتعمل عمليه لطفل بندخل امه معاه علشان تطمنه وتهديه لغاية بس مانديلو البينج ويتخدر وبتطلع بره وده امر لازم فحضرتك عندك مشكله في الموضوع ده

فوزي:لا ابدا بالعكس ياضكتور خليها تخش مع ابنها اهي تطمن عليه
ولا انتي ايه رأيك ياسعاد

سعاد الام:موافقه طبعا يااخويا ده كفايه اني هبجي جمب ابني واطمن عليه

الدكتور حامد:تمام يبقي متفقين
……………………..……………………..……………….
تاني يوم ظهرت نتيجة التحاليل والاشاعات
وتم تحديد موعد العمليه الاسبوع الجاي وبالمناسبه هو اسمه اسر عم فوزي يبقي راجل غلبان اتفق معاه شريف علي انه يقوم بالدور ده وكده دوره خلص وطبعا سعاد تبقي حبيبه
……………………..……………………..……………………..…
عند لمياء في بيتها

لمياء:ياسو انت فين

ياسين:انا في البلكونه

دخلت له لمياء في البلكونه وقالت:بتعمل ايه عندك

ياسين:بكلم مامي الله يرحمها وبقولها علي حاجات مضيقاني مش انتي قولتيلي انها حوليه وسمعاني

لمياء:طبعا ياقلبي الله يرحمها
بس قولي ايه اللي مضيقك

ياسين:بصراحه اصل خالتو زعلانه مني علشان حبيتك وبقيت بقولك يا مامي وبتقولي انك بتعملي كده دلوقتي علشان بابي بس بعد كده هتضربيني وتكرهيني
وكمان بكره عندي اجتماع في المدرسه ولازم الامهات والابهات يحضروا وبابا سافر انهارده الصبح خلاص
وكمان اخر الاسبوع حفلة عيد الام فكل ده مضايقني وفكرني بمامي اصلها وحشتني اوووي
وكمان هي كانت موعداني انها مش هتسبني واهي سبتني لوحدي وبابي طول النهار في الشغل وبيجي ينام وكمان كان نفسي اوووي اني لما ازعل اجري علي حضنها واحكي ليها

لمياء:تمام انت عارف يا ياسو انا حسه بيك جدا وعارفه احساسك لاني انا كمان ماما ماتت وانا صغنونه خالص وبابا اتجوز بردوا بس كانت وحشه وبتكرهني وتضربني بس انا بقي عمري ما هبقي كده معاك عارف ليه
علشان انا بحبك اووووي ومقدرش اضربك اصلا
وكمان انا عارفه معني ان ماما تموت وتبعد عني لاني جربته
بس تعالي نتفق اتفاق
اولا مامي مسبتكش لوحدك ومامتي كمان مسبتنيش لوحدي لانهم حولينا في كل مكان وحاسين بينا
ثانيا بقي ايه رايك انك تعتبرني مامي فعلا زي ما بتقولهالي ولو اي حاجه مضيقاك تيجي تحضني وتحكيلي ولو في مشكله ندور علي حل مع بعض ها اتفقنا

ياسين بابتسامه:اتفقنا بس انتي مش هتضيقي من كده

لمياء:لا طبعا ياقلبي مش هضايق
هو في ام بتضايق لما ابنها بطلها يحكيلها علي كل حاجه مضيقاه ويبقو هما الاتنين سر بعض اتفقنا

ياسين بسعاده:اتفقنا يااحلي مامي

لمياء بابتسامه:تمام ياقلب مامي
تعالي بقي نمسك اللي مضايق ابني واحده واحده
اول حاجه هي خالتو اللي زعلانه منك
بص يا ياسو خالتو زعلانه لانها فكره اني مش بحبك واني جيه اخد مكان مامي
بس هي متعرفش اني بموت فيك وان مفيش ابدا اي حد هياخد مكان مامي لاني زي ما قولتلك مامي هنا (شاورت علي قلبه)تمام فااحنا هنعمل ايه هنروح نقول لخالتو متزعليش مننا وبكره هتعرفي ان مامي لمياء بتحبني جدا وهنحوش من مصروفنا ونجيب لخالتو هديه صغننه
ومسيرها هتعرفني ومش هتبقي زعلانه لما تعرف اني بموت فيك ياا ياسو
وتاني حاجه مزعله ابني حبيبي الاجتماع بتاع بكره وده بقي احنا اتفقنا اني مامي يبقي بكره هحضر معاك الاجتماع
وتالت حاجه مزعله ابني حبيبي حفلة عيد الام ودي بقي نفس الكلام انا هحضرها معاك
بس كده

ياسين بسعاده وبراءه:الله ده انتي حلتيلي كل اللي مزعلني
انا بحبك اوي اوي يااحلي واحن مامي
انتي اجمل مامي يامامتي ياحبيبتي

لمياء:ياقلبي انت وانا بموت فيك يااحلي واجمل ابن في الدنيا

ويرن هاتف لمياء
فترد قائله:ايوه يامي عامله ايه ياحبيبتي

مي:مخنوقه اوي يالمياء ومش لاقيه حد اتكلم معاه وحبيبه مش موجوده فممكن اجيلك لو فاضيه

لمياء:ايه ياهبله المقدمه دي كلها انتي تيجي في اي وقت يلا انا مستنياكي
واغلقت لمياء مع مي

فقال ياسين:مامي هي دي ميس مي

لمياء:اه يا ياسو ياحبيبي هي

ياسين:طيب هي جيه

لمياء:ايوه ياقلبي بس انت معاد نومك جه فيلا بينا علي الحمام ناخد شاور ونغسل اسنانا وننام

ياسين:ماشي نعمل كل ده بس مش ننام نستني ميس مي هسلم عليها وابوسها واخش انام بعدها علشان خاطري يامامي هخش انام علطول بعد مااسلم عليها

لمياء:طيب يا ياسو
ودخل ياسين ياخد شاور وساعدته لمياء وعندما انتهي من الشاور وارتداء ملابس النوم غسل اسنانه وجلس في حضن لمياء ينتظر ميس مي حتي يسلم عليها ويدخل لينام

وبعد نصف ساعه
رن جرس الباب فجري ياسين حتي يفتح الباب

ياسين:ميس مي وحشتيني اوي

نزلت مي الي مستواه وقبلته وقالت:قلب ميس مي ياناس انت وحشتني اكتر بكتير

وبعد قليل من الوقت جلس فيه ياسين معهم
اخدت لمياء ياسين الي غرفته وحكت له حدوته وعندما نام غطته وقبلته وخرجت الي مي

وقالت لمياء:ها ياميوشه مالك بقي فيكي ايه

انتهت الحلقه
……………………..……………………..…………..