عشقتك كما ينبغي

عشقتك كما ينبغي
الحلقه السادسة عشر:

الام:انا هفهمكم كل حاجه
انا قابلت فارس الحناوي بالصدفه وحبيته جدا وهو كمان حبني جدا وجه لاهلي وطلب ايدي للجواز وانا وافقت واهلي كمان وافقو وفي فترة الخطوبه في يوم كنا بنتغدي في مطعم وقابل فارس شاب اصغر منه بحوالي 3 سنين واتخانق معاه وجه الشاب ده قدامي وقاله :والله لاخد منك السنيوره اللي بتحبها دي وهتبقي بتاعتي وهحرق قلبك عليها بس مش دلوقتي لما تتجوزو علشان احرق قلبك عليها وعلي ابنك كمان
ساعتها فارس رد عليه وقاله:انت ايه ده انا اخوك اه مش من نفس الاب بس اخوك مش عدوك
فرد الشاب عليه وقاله:انا عمري مااعتبرتك اخويا انت عدوي واكتر حد انا بكره في حياتي
ومشي الشاب وانا خوفت جدا منه ومن كلامه وسألت فارس عليه قالي:ده اخويا بس مش من نفس الاب لان ماما بعد ما بابا مات وانا كان عندي سنه ونص اتجوزت راجل تاني ولما بقي عندي 3 سنين ماما خلفت اخويا ومن واحنا صغيرين وهو بيكرهني
فسألته :طيب وهو بيكرهك كده ليه
ساعتها رد عليا وقالي:انا نفسي معرفش ليه بس في مره سألته ساعتها كان رده علشان انت احسن مني في كل حاجه ابوك كان اكبر دكتور وعنده مستشفيات في كل بلد ومات وهو اكبر دكتور وكتب كل اللي بيملكو بااسمك انت لاكن ابويا انا كان علي اد حاله ومات وهو علي اد حاله وحتي رفض انه ياخد مليم واحد من الفلوس اللي ابوك سبهالك ويمتعنا ويصرفها علينا حتي في المدرسه كنت ديما انت الاشطر وكله كان بيتكلم عنك وعن ادبك واخلاقك حتي ماما كانت بتعاملك انت احسن وديما فخوره بيك وماتت وهي راضيه عنك
فسالته:طيب وهو ده حقيقه
رد عليا وقالي:نصه حقيقه ونصه لا
يعني ابويا فعلا اكبر دكتور وكتب كل اللي بيملكو باسمي بس انا ذنبي ايه في ده علشان يكرهني وهو فعلا ابوه كان علي اد حاله بس كان اطيب واحن راجل عوضني عن حنان ابويا اللي مش فاكره اصلا
ورفض انه ياخد مليم من فلوس ابويا حتي لو هيصرفها عليا انا وقال لما يكبر يبقي ياخد كل فلوسه هو ويصرفها برحته لاكن طول منه عايش انا بس اللي هصرف عليه وعلي البيت وده اللي حصل وعمره ما حرمنا من حاجه ابدا بس حسين ديما كده بيبص للي في ايد غيره ومبيرضاش بحاله وبالنسبه ان انا الاشطر علفكره هو لو كان فكر انه يبقي شاطر ويذاكر كويس ويتعب كان هيبقي اشطر مني بس هو مكنش بيفكر غير في الناس ويحقد عليهم بس وماما عمرها مافرقت في المعامله ما بنا ابدا ولا هي ولا بابا لاكن هو كده وهيفضل طول عمره كده انا حاولت كتير اقرب منه واخليه يركز في مزياه هو ونبقي صحاب واخوات بجد بس فشلت فواضح انه هيفضل كده طول عمره بس شكل الكره اللي جواه كبر جدا وهيضر ناس كتير بس متخافيش من تهديده مش هسمحله انه يعمل حاجه فيكو
نوعا ما كلام فارس طمني واتجوزنا فعلا وبعد جوازنا بسنه واحده خلفنا شريف وبعده ب3 سنين ربنا رزقنا بجابر وطبعا كنت انا نسيت خالص تهديد اخو فارس وعشنا مع بعض 14 سنه في سعاده وقدر فارس طول المده دي يبعد حسين عننا وفارس كان بجد احن اب في الدنيا وانتو كنتو متعلقين بيه اكتر مني و وليا انا كان احلي حاجه في حياتي
وفي يوم انا تعبت جدا وفارس اصر اني اعمل تحاليل والتحاليل اثبتت اني حامل ووحنا راجعين من المستشفي في العربيه
كان فارس فرحان اووي بالخبر وفجأه ظهرت اودمنا عربيه كبيره اوي واتخبطت فينا بس انا وفارس والبيبي متأذناش علشان جابر وشريف حضنونا وهما اللي اتأذوا وقعدوا في الغيبوبه سنه وفقدو الذاكره
وتاني يوم حصلت الحدثه جالي حسين بكل بجاحه وقالي انه السبب في الحدثه وانه خطف فارس ابوكم وخيرني بين اختيارين يا يقتل ابوكم ويقتلكم ويسبني انا افضل عايشه اتعذب بفراقكم يااما بقي يعيش معانا في نفس البيت ويبقي هو ابوكم
طبعا مكنتش عاوزه اخسركم كلكم علشان كده وفقت علي الاختيار التاني بس كان عندي شرط انه ميلمسنيش ابدا واني افضل علي ذمة فارس وينام هو في اوضه تانيه وهو وافق علي شرطي لانه مكنش عاوزني اصلا هو عاوز الفلوس ومستشفيات ابوكم لان ابو فارس كان اكبر دكتور ومستشفياته في كل البلاد وفارس طبعا ورث كل ده من باباه بس فزور حسين كل الاوراق الرسميه وزور شهادة وفاه لباباكم وخلي يبقي فيه وصيه ابوكم موصيها علشان يبعد الشبهات عنه وهي ان كل املاك فارس تروح لاولاه ولو اولاده جرلهم حاجه تروح لاخوه االلي هو حسين طبعا بس وعلشان كده زور اوراقكم وخلاكم اولادو هو ويبقي كده اولاد فارس ماتو وطلع لهم شهادة وفاه كمان وكده يبقي كل الاملاك تروح لاخو فارس وهو حسين المنياوي

بعد فترة صمت كبيره
اول من فاق من الصدمه كان شريف وقال: يااااااه يا ماما انتي وبابا اتعزبتو كتييييير اوووي علشانا هو في انسان يبقي كده والشر مليه اووووي كده ده شيطان مش انسان ابدا بس وغلاوتك عندي لهدور علي بابا وهعرف مكانه وهرجعه تاني بقي يعيش وسطينا اما بقي للباشا حسين فاانا مش ههدا غير لما اخد حقي منه قبل ماياخد اعدام انا عارف هاخد حقي ازاي وكله بالقانون

الام: لا بالله عليك ياشريف ملكش دعوه بحسين ده شراني وممكن يأذيك يابني وانا مش هستحمل حاجه تحصلك ياحبيبي
اما بلنسبه لفااارس فياريت يابني خصوصا ابوك اكتر حد تعب واتعذب في الدنيا دور عليه ياشريف ورجعه لينا

شريف تجاهل كلام امه عن حسين وقال:حاضر ياست الكل هدور عليه وهرجعه لينا ان شاء الله

الام: انا عارفه ياحبايبي ان الصدمه كبيره عليكم جدا بس لازم تتمسكو وتتمالكو اعصابكم لحد ما ابوكو يرجع وينور حياتنا

ساندي:يااااااه اخيرا بقي عرفت سر كرههي لحسين المنياوي وكنت كل مره لما افكر في كرهي له ارجع وانب نفسي واقول ده بابا مينفعش اكرهه بس للاسف القلوب مش بادينا الحمدلله انه مطلعش بابايا
شريف انا واثقه فيك انك هترجعه لينا ويعيش وسطينا

نظر لها شريف في حنان وذهب اليها وقبلها في جبهتها وقال لها بنبرة حب وحنان:وحياتك عندي وحياة ثقتك دي لهدور علي بابا في كل مكان وهرجعه لينا
وعندما انتهي من كلامه نظر الي جابر وقال له: يلا بينا ياجابر وايدينا في ايد بعض زي ما احنا طول عمرنا وندور علي بابا ونرجعه لينا

جابر بفخر بهذه الاخوه الثمينه قال : يلا بينا ياشريف وزي ما احنا طول عمرنا ايد وحده هنفضل بردو ايد واحده وهنرجع بابا مع بعض

وغادر جابر وشريف ليعرفو معلومات تدلهم عن مكان والدهم الحبيب الذي انحرمه منه ومن حنانه طيلة هذه السنين

وبعد مرور اسبوع لم ينام فيه جابر او شريف سوي ساعتين في اليوم ليستيقظو ويكملو بحث عن مكان والدهم

واخيرا عرفو المكان وانهارده هيهجمو عليه علشان يرجعو والدهم
……………………..……………………..……………………...
في المكان الذي يوجد فيه والدهم

جابر:ده مفيش حراسه كتير

شريف:اكيد اطمن بعد كل السنين دي ان محدش هيدور عليه ويعرف مكانه ويعرف ان فارس الحناوي عايش مش ميت

جابر:فعلا عندك حق يلا بينا نهجم

شريف:يلا

وهجمو علي المكان واطرحو كل من يقابلهم ارضا حتي خلصو علي كل الحراسه وفتحو الباب ودخلو وجدوا امامهم رجل مربوط ويظهر علي ملامحه الالم والظلم اللي عاشه طوال هذه السنين الذي مرت
فذهب جابر وشريف ايه وفكوه

فقال هو:انتو مين انا مش هتحرك من هنا قبل ما اعرف عايزين مني ايه وهتاخدوني علي فين

شريف:متقلقش احنا جيين نرجعك لمراتك واولادك ومتخفش هتعرف كل حاجه بس لما نطلع من هنا قبل ما حد منهم يصحي

فارس:طيب

وذهب معهم فارس وخرجو بسرعه قبل ما حد يفوق وركبو العربيه وطول الطريق كان فارس يسأل وهما جوابهم علي اي سؤال لما نوصل هتعرف كل حاجه
واخيرا وصلو عند الفيلا وعندما دخلو وجدو سيف وساندي ووالدتهم في انتظارهم

اما فارس عندما رأي منال حبيبته وام اطفاله جري عليها بشوق كبيييييير واحضنها بقوة كل الحرمان والالم الذي شعر بهم طوال هذه السنين دي
قال فارس:يااااااااه اخيرا شوفتك تاني ولمستك بايدي بعد طول السنين دي بعد ما فقد الامل اني هشوفك تاني انا بحلم صح قوليلي اني مبحلمش واني شيفك ولمسك بايديا من تاني

منال بدموع وهي تحاوط خديه بيديها: لا ياروحي انت مبتحلمش انت شيفني ولمسني فعلا ومش هتبعد عن حضني ده تاني ابدا انت رجعتلنا خلاص يافااارس وربنا ما يكتب علينا الفراق من تاني

فارس بحب مسك يديها الذي تحاوط بهما خديه وقبلهم وقال: متغيرتيش يامناال لسه زي مانتي وحشتيني اووي ووحشني كل حاجه فيكي واولادي وحشوني اوووووي هما فين صحيح اوعي يكون الندل ده عمل فيهم حاجه انا وافقت ابقي محروم منكم طول السنين دي بس تكونو بخير

منال:ياقلبي انت اللي وحشتني اوووي ووحشني كل حاجه فيك وحشتنا كلنا
ومتقلقش ياحبيبي محدش يقدر يجي جمب اولادنا الا علي جثتي

فاوس: ربنا يطولي في عمرك ياقلبي متقوليش كده وبعدين انا اصلا كنت واثق ومتأكد انك مش هتسمحي لحد يجي جمبهم

منال:طبعا ياحبيبي دول هما اللي كانو بيهونو عليا فراقك

فارس بشوق ولهفة اب اتحرم من اولاده سنين كتير:طب هما فين تلاقيهم كبروا دلوقتي وبقو رجاله صح

منال:طبعا ياقلبي طالعين لابوهم وهما حوليك اهم بس فرقهم انت بقي واعرف مين جابر ومين شريف وانا متأكده ان قلبك هيدلك عليهم

فارس:بجد هما دول ولادي كنت حاسس من اول ما شفتهم بس كذبت نفسي خصوصا انهم كانو بيتعاملو برسميه معايا

منال الام:هما كانو بيتعاملو برسميه ياحبيبي علشان العواطف والاشتياق وحرمان السنين دي كلها ما يخدوكوش وحد منهم يصحي ومتعرفوش تخرجو وكمان علشان يعملو ليك مفاجأه لما تشوفنا كلنا مع بعض

نظر فارس الي شريف في لهفه وحب واشتياق وقال:تعالي في حضني ياشريف

نظر شريف له في اندهاش لانه عرفه ولاكن هذه هي غريزة الابوه التي مهما مر السنين لن تقل ابدا او تتغير
وذهب شريف اليه في تردد وتوتر الي ان ضمه فارس جامد جدا وكإنه يريد ان يدخله داخل اضلعه ساعتها بس ولاول مره حس شريف بالامان والحب للراجل العظيم ده اللي استحمل الحرمان والظلم والالم علشانهم هما وساعتها بس اتمني شريف من داخل اعماقه ان كل اللي حصل ده مكنش حصل اتمني انه كان يتربي في حضن ابوه الحقيقي اتمني انه مكنش يتحرم من حنان باباه علشان راجل طماع كل اللي همه الفلوس وبس
وبعده مده كبيره بعدو عن بعض وهما مكنوش عايزين يبعدو

نظر فارس الي جابر وفتح درعاته له وقال :تعالي في حضني ياجبروتي
جري جابر الي حضن والده بشوق ولهفه كبيره
وعندما ضمه فارس حس وكأنه ملك العالم كله حس لاول مره بالراحه النفسيه والامان حس انه مش عاوز يخرج من الحضن ده ابدا حس انه بقي له سند وضهر لاول مره غير اخوه حس بالغضب والالم لحرمانه من الحضن ده لسنين طويله جدا ولحرمانه من هذا الرجل الطيب العظيم
وبعد مده كبيره جدا بعدو عن بعض وهما برضو مش عاوزين يبعدو ابدا

نظر فارس لمنال وقال لها بقلق:يوم ما الحدثه حصلت انتي كنتي حامل البيبي نزل صح

منال بحب:لا ياقلبي منزلش انت ناسي ان جابر وشريف حضنونا جامد وهما اللي صابهم الاذي اكتر مننا بكتير

فارس:طب جبتي ايه وفينه دلوقتي وايه اللي حصل جابر وشريف

منال:ايه اللي حصل لجابر وشريف دي سبها دلوقتي لما نطلع هحكيلك كل حاجه بالتفاصيل اما بالنسبه انا جبت ايه فاانا جبت اللي انت كنت بتحلم بيها وبتتمناها وسمتها بالاسم اللي اخترته انت

فارس:بجد طب هي فين

منال:اعرفها لوحدك زي ما عرفت جابر وشريف

نظر فارس حوله فوقع نظره علي بنت اقل ما يقال عنها انها قمر وتشبهه لدرجه كبيره جدا ففتح دراعه لها من غير ما ينطق

فجريت ساندي عليه بحب وشوق كبييير جدا جدا جريت عليه تحتمي فيه وفي حضنه من وجع قلبها جريت عليه وهي عرفه ان بقي لها ضهر وسند وجبل هتسند عليه وعمره ما هيتهد وقالت:يااااااه اخيرا بقي ليا اب بجد يحبني واحبه ويبقي حضنه عندي بالدنيا كلها اخيرا بقي ليا جبل مهما اتسند عليه عمر ما هيتهد اخيرا بقي هحس بحبك وحنانك

بعدها فارس عن حضنه ونظر لها في حب وحنان وقبل جبهتها وقال:اخيرا بقي ليا بنوته هي دلوعتي اخيرا بقي ليا بنوته هي اللي هتشلني وقت ما قع اخيرا بقي ليا بنوته هي سندي وضهري وزي مانتي كان نفسك تحسي بحبي وحناني انا كمان كان نفسي احس بحبك وحنانك وشقاوتك واشوفك انتي واخواتك وانتو بتكبرو قدام عنيا بس خلاص اللي فات مات ومن النهارده مش هتبعدي عن حضنك ابدا ابدا انتي واخواتك

ساندي بحب:حبيبي يا بابتي ربنا يخليك لينا وميحرمناش من وجودك وسطينا وفي حياتنا طول العمر

قبلها فارس وقال:يالهووووووي احلي بنوته في الدنيا واحلي بابتي سمعتها دي ولا ايه

ساندي:ههههههه ده انت اللي أحلى اب في الدنيا كلها وبعدين يا منال مكنتش اعرف إن أبويا مز كده لا ده انا أخاف أصحابي يعكسوك بقي ياابو عيون خضر انت

منال:منال حاف كده

ساندي:لا أزاي حطي عليها جبنه

فارس:هههههههههه بس يامنال بنوتي تقول آللي هي عاوزاه

منال بغيره:ايوه بقى ياخويا ابتدينا الدلع ماشي دلعها يافاارس دلعها

فارس بضحك:انتي بتغيري ولا إيه ده انتي حتى كبرتي على كده يا مونه

منال:هي مين دي اللي كبرت آنا لسه شباب ده انت اللي شكلك كبرت وعجزت وراحت عليك خلاص

غمز فارس لها وقال:انا عجزت طب أستني بقى لما نطلع فوق وأنا اوريكي عجزت ولا لا

منال بكسوف:اتلم يا راجل العيال واقفه

كلهم:ههههههههههههه

ساندي:العب بقى يا بابتي يا جامد
انتهت للحلقه
……………………..…………………….