عشقتك كما ينبغي
الدعاء
اللهم آت نفسي تقواها ، وزكها يا خير من زكاها ، أنت وليها ومولاها يا رب العالمين اللهم إني أسألك مسألة البائس الفقير- وأدعوك دعاء المفتقر الذليل، لا تجعلني بدعائك رب شقيا ، وكن بي رءوفا رحيما يا خير المئولين ، يا أكرم المعطين، يا رب العالمين . اللهم رب جبريل وميكائيل و أسرافيل وعزرائيل، أعصمني من فتن الدنيا و وفقني لما تحب و ترضى ، وثبتني بالقول الثابت في الحياة الدنيا وفي الآخرة – ولا تضلني بعد أن هديتني وكن لي عونا ومعينا ، وحافظا و ناصرا.
……………………..
الحلقه الثلاثون:
الاب فارس الحناوي:ناوي علي ايه يا جابر وايه اللي خلاك ترجع وانا عارف كل حاجه فتحاولش تكذب عليا
جابر بقلق:عارف أيه يا بابا
الأب بجديه:جابر بعد ما انت سافرت اخو معاذ جه هنا وكان بيدور عليك وعاوز يضربك بس انا هديته وخليته يحكيلي وحكالي كل حاجه
واظن بعد كل ده انت مش هترجع من غير سبب
اتنهد جابر وقال:فعلا يا بابا فيه سبب
الاب فارس الحناوي:ايه بقي السبب
جابر:انا عرفت الحقيقه وندمت وراجع علشان ادور عليها
فرح الاب كثيرا ولكنه قال:وعرفت الحقيقه ازاي
سرد له جابر ما جري في لبنان
الاب:الحمدلله انك عرفت الحقيقه
جابر بحماس:الحمدلله
انا هبدأ من النهارده ادور عليها
الاب بهدوء:ربنا معاك بس متتعبش نفسك وتدور في اسكندريه لاني دورت عليها كتييير ومتأكد انها مش في اسكندريه
جابر:ياااااارب
تمام بس طالما مش في الاسكندريه ممكن تكون فين
الاب بقلق عليها:مش عارف والله يابني
دخل شريف عليهم وقال:ينفع ادخل ولا فيه أسرار بنكم
جابر بهزار:شريف باشا بنفسه بيستأذن ده من امتي الاحترام ده يابني هي مي علمتك الادب ولا ايه
مسك شريف ياقة قميصه ورفعها لفوق وقال بغرور مصطنع:احم احم انا طول عمري محترم ياعم بس انت اللي مش وأخد بالك
جابر:ياسلام
شريف:وحياة عبد السلام
جابر:عبد السلام مين باض انطق اتكلم
شريف بخوف مصطنع:والله معرفه ياباشا
ضحكو جميعا فلقد اشتاق جابر لمزاح اخيه فهو سنده في هذه الحياه
ثم جلس شريف وقال:ها يا جابر إيه اللي خلاك تغير قرارك وترجع
سرد جابر له كل شئ
فقال شريف:الحمدلله ان أخيرا الغمامه اتشالت من على عنيك وعرفت الحقيقه
جابر:الحمدلله بس يارب الاقيها والله انا بحبها أووي وهي كل حياتي واللي حصل كان غصب عني اي حد مكاني كان هيعمل كده بس رغم كده انا معترف أني غلط في حقها بس واثق ان ربنا رحيم أووي ومش هيحرمني منها
شريف بحنان:ان شاء الله ياحبيبي
الاب:تعالو بقى نطلع نقعد معاهم بره
جابر وشريف:يلا يا بابا
وخرجو وجلسو في جو عائلي جميل ولاكن كان الجميع يشعر بالحزن لعدم وجود حبيبه معهم فهم احبوها بشده رغم انها لم تعش معهم مده كبيره ولكنهم يفتقدوها كثيرا
……………………..
وفي الليل عندما صعدو كل واحد للطابق الخاص بيه
في الطابق الخاص بشريف
بعد نوم مي والولاد
كان شريف يجلس في غرفة المكتب وتناول هاتفه وطلب رقم حبيبه
وبعد دقائق انفتح الخط
قال شريف:حبيبه عامله ايه
حبيبه:الحمدلله ياشريف وانت
شريف:الحمدلله
كنتي بتعملي ايه
حبيبه:خلصت مذكرة تيم وفضل يلعب مع خالتو حور وكنت هروح اقعد جنبه واحكيله حدوته لحد مينام
تيم:مامي هاتي اكلم عمو سليف علثان وحسني خالص وعايز اسأله على حاجه
حبيبه:طيب أستني أكلمه انا الاول
تيم:لا هاتي أكلمه انا الأول وبعدين ابقي كلميه انتي ويلا بقى يا مامي
حبيبه:اتفضل يا سيدي
خد ياشريف كلم تيم الاول وبعدين ابقي اكلمك انا
شريف:ماشي هاتيه يابيبو
لحسن حبيب قلب عمو وحشني جدا
تيم:انتي وحستني اكتل ياعمو سليف
بس عاوز اسألك علي حاجه
شريف:اسأل ياقلبي
تيم:هو بابي هيلجع من السفل امتي
شريف:اوعدك قريب اوي بابي هيرجع ليك
تيم بسعاده:بجد ياعمو ولا انت بتكدب عليا
شريف:لا ياحبيبي مش بكدب عليك بابي هيرجع قريب
تيم:طيب قريب امتي
شريف:مش عارف لسه بس هيبقي في اسرع وقت ان شاء الله
تيم بسعاده:ماثي ياعمو ان ساء الله
حبيبه:يلا هات الفون بقي ياتيمو واجري علي سريرك علثان معاد النوم فات
تيم:حاضل يامامي
قبلته حبيبه وقالت:تصبح علي طاعة الرحمن ياحبيبي
تيم:وانتي من اهل الجنه يااحلي مامي
ذهب تيم إلي سريره ونام عليه
حبيبه:خير يا شريف عايز تقول ايه
شريف:كفايه كده ياحبيبه علي الاقل علشان ابنك
حبيبه:هو ايه اللي كفايه
شريف:انتي عارفه كويس
وعلفكره جابر رجع انهادره وعرف الحقيقه وقالب الدنيا عليكي
ومتنسيش انك لسه مراته واني معملتش بالتوكيل الللي عملهولي
وكل ده كوم وفكرة انك حارمه طفل من باباه واب من ابنه دول كوم تاني
هسيبك تفكري بقي
سلااااام
وقفل السكه ولم يعطي لها الفرصه لترد علي حديثه
وجلست حبيبه تفكر في كلامه اما بالنسبه لشريف فهو قرر قرار مهم
……………………..
في صباح اليوم التالي
في الطابق الاول
قال شريف لجابر آنه عاوز يتكلم معاه
فذهبو لغرفة مكتب والدهم وجلسو ليتحدثو
قال جابر:خير ياشريف
تنهد شريف ثم حكي له كل شي وعرفه بمكان حبيبه حتى كيفيه مقابلته بها
ومع من تعيش الآن وكل شي عدا أنه عنده طفل
وبعد انتهاء شريف من سرد كل شئ
جابر:كده يا شريف ومتقوليش من امبارح انا رايح ليها
وقام جري وركب عربيته وذهب للقاهره
شريف:يامجنون
صوت من وراه :هو مين اللي مجنون واخوك طالع يجري كده ليه وراح فين
شريف:اخويا طبعا اللي مجنون ياست ماما
ومتقلقيش هو راح يعمل الصح ويرجع اللي ضيعه بغباوته ولما يجي بقي هتفهمي معني كلامي وهتعرفي هو راح فين
يلا انا ماشي بقي ياست الكل
الام بحنان:ربنا يجبر بخاطره يابني
وتسلملي ياحبيبي بس خلي بالك علي نفسك
قبل شريف مقدمة رأسها وقال:يااااارب
حاضر ياست الكل
وغادر شريف وقالت الام بحب:ربنا يفرحكو يااولادي ويبعد عنكو كل شر
……………………..
عند جابر عندما وصل للعنوان الذي قاله شريف رأي طفل صغير يجري عليه بخوف ودموع ويلتصق به
انتهت الحلقه