عشقتك كما ينبغي
دعاء الصبر
اللهم انك تعلم سري وعلانيتي فاقبل معذرتي وتعلم حاجتي وتعلم ما في نفسي فاغفر لي ذنوبي اللهم اني اسالك ايمانا يباشر قلبي ويقيننا صادقا حتي اعلم انه لن يصيبني الا ما كتبته علي والرضا بما قسمته لي يا ذا الجلال و الاكرام.
……………………..
الحلقه الثانيه
عند البطله:حبيبه:صباح الفل علي احلي ناس
الكل:صباح النور يابيبو
الام:يله تعالي يابت علشان تاكلي لحسن اتأخرتي
حبيبه:طيب ياجوجو
وجلست حبيبه تتناول فطورها واثنائه
قال ادم:بقلك ايه يا بيبو ماتوصليني انتي للمدرسه علي طريقك علشان مابحبش اروح مع معاذ وحازم بيروح مع صاحبه وانا مبحبش صاحبه ده
معاذ:دلوقتي مبتحبش تركب معايا الله يرحم اللي كان بيتحايل عليا علشان يركب معايا
حبيبه:بس ياض يامعاذ الا دومي ده اخر عنقود البيت يروح مع اللي هو عاوزه
وماشي ياحبيبي هوصلك انا
معاذ:دافعي ياختي عنه دافعي ماهو حبيب القلب
ادم:وانت مالك متغاز ليه بقي
حبيبتي يابيبو
معاذ:ماشي ياشوية جزم مانتوا اتفقتوا عليا
ادم:ماشي ليه متخليك شويه كمان
معاذ:هاها ايه الظرف ده ياواد جبته منين
ادم:من الصيدليه تحب اجبلك معايا يمكن تبقي في خفة دمي
معاذ:لا ياخويا مش عايز كفايه علينا انت بس مين اللي ضاحك عليك وقالك انك دمك خفيف
ادم:يابني كتير بيقولولي بس انت اللي مش عارف قيمة اخوك
معاذ:شكل اللي ضاحكين عليك كتير
ادم:ماشي ماشي بكره تندم وتعرف قمتي
معاذ:لما نشوف ياخويا
احمد الاب:بس بطلوا كلام وكلوا بقي انتوا بتتكلموا اكتر مابتكلوا
الابناء:حاضر يا بابا
الاب:قلي بقي يا حازم عامل ايه في الجامعه
حازم:الحمدلله يا بابا حضرتك عارف اني بحب الكليه دي ومتشكر ليك انك وافقت ادخلها
الاب:الشكرلله يابني وبعدين ده حقك انك تختار برحتك انا بس كان نفسي تدخل كليه الشرطه بس طالما مبتحبهاش يبقي ربنا يوفقك في اللي بتحبه يابني
حازم:ربنا يخليك ليا ياحن اب في الدنيا كلها
الاب:ويخليكوا ليا ياحبيبي
ادم:بابا انا هدخل كلية الشرطه وهبقي ظابط كبير علشان افرحك
الاب:هههههه
بس انت يالمض مش لما تخلص الاول الاعداديه والثانوي وابقي اتكلم
ادم:كده ياسي بابا ماشي ماشي ياعيني عليا محدش عارف قمتي ومبيستهونوا بيه دايما كده
الام:متبس بقي مالكوا كلكوا علي الواد ليه قلب امه
حبيبه:المهم صحيح ياجوجو هي البت مي فين مش باينه ليه ولا بترخم علي حازم يعني
الام:مي حبيبتي صحيت من بدري وفطرت ورخمت علي حازم كالعاده وقعدوا يتخنقوا ونزلت علشان عندها الحصه الاولي وبتقولك لما تخلصي كسل ابقي حصليها
حبيبه:الواطيه ماشي ياجوجو هروح انا بقي علشان متأخرش
الام:ماشي ياحبيبتي خلي بالك من نفسك
حبيبه:حاضر يا ست الكل
وذهبت الي والدها واعطته قبله وقالتله: خد الدواء في معادك ياميدو ها
الاب احمد:حاضر ياعيون ميدو
حبيبه:يلا سلام
الكل:سلااااام
……………………..
قبل ذلك بساعتين منذ دخول مي الفصل في الحصه الاولي
مي:السلام عليكم ياحلوين
الاطفال:وعليكم السلام ياميس
شاهدت مي طفلين بيضربوا بعض
مي:بس في ايه متضربوش بعض
عايزه اعرف بقي ايه سبب الضرب ده
الطفل الاول ويدعي ياسين:ياميس هو اللي بدء الضرب انا بس كنت بساله عادي مامتك فين مجتش توصلك ليه راح ضربني
مي:معلشي ياحبيبي خلاص حصل خير
مي:وانت ياحبيبي بعد الحصه انا عيزاك في اوضه المدرسين ويله نبدء الحصه
وبعد انتهاء الحصه ذهب الطفل التاني الي غرفة المدرسين وكان لم يوجد غيرها فبقوا هما الاثنين لوحدهم في الغرفه
مي:دلوقتي ياحبيبي نقدر نتكلم بس الاول اسمك ايه
الطفل:سيف شريف المنياوي
مي:تمام ياسيف قولي بقي انت ضربت زميلك ليه مع انه مقلكش حاجه تستدعي انك تضربه
سيف:وانتي مالك
مي:عيب كده ياسيف لازم تحترم اللي اكبر منك
سيف:ملكيش دعوه بقي انا بكرهك وبكره المدرسه
مي:مينفعش كده اللي بيتكلموا بالطريقه دي بيبقوا قلات الادب
سيف:يوووه انا مبحبكيش فممتكلميش معايا
مي:كده طيب اتفضل علي فصلك
خرج سيف من الغرفه وهاتفت مي والد سيف وطلبت منه ان ياتي الي الدرسه
……………………..
ونروح لمكان تاني وهو دار الايتام حيث تعمل جيهان والدة حبيبه
في مكتب جيهان سمعت طرق علي الباب فقالت:اتفضل
حبيبه:عامله ايه ياست الكل
الام:الحمدلله بس انتي ورايا ورايا ده انا لسه سيباكي من شويه ايه لحقت اوحشك
حبيبه:طبعا ياجوجو وحشتيني اووي
الام:اخلصي يابت المحن ده مش عليا قولي علي طول عايزه ايه
حبيبه:اخص عليكي ياجوجو انا بتاعت كده بردوا
الام:ده انتي كده نفسه
حبيبه:ماشي يا جيهان ماشي
الام :اخرسي يابت
حبيبه:طيب ياحجه خلاص الله
امهات اخر الزمن والنحمه
الام:ها عايزه ايه وجايه ليه
حبيبه:بصراحه لقيت نفسي فاضيه بعد ماخلصت الحصتين اللي كانوا عندي قولت اجي ارخم عليكي شويه والعب مع الاطفال وكلمت مي قولتلها نتقابل في البيت علشان همشي وهي كان عندها حصه
الام:طيب مش رخمتي روحي بقي العبي مع الاطفال وشوفي بعدها لو هتمشي ولا هتستنيني ونمشي مع بعض
حبيبه:اوك هشوف واقولك
خرجت حبيبه من غرفة مكتب والدتها ورات مشرفه في الدار تضرب طفل صغير بقسوه شديده فجريت لتوقفها عن ضربه بهذه القسوه وهي تجري خبطت في راجل
انتهت الحلقه
……………………..