عشقتك كما ينبغي

عندما وصلو جميعا إلي الڤيلا
عند باب الڤيلا

كانو الاهل يسلمو علي العرايس
وبعد السلام والمباركه

قالت ام العريس منال لسيف:يلا تعالي ياسيف علشان ندخل ننام

سيف:لا يا نانا انا هنام مع مامي

الجده منال:لا طبعا مش هينفع ياحبيبي انت هتنام جمبي انهارده وبكره ابقي نام مع مامي

سيف بعند:لا مليش دعوه انا هنام مع مامي انهارده

تدخلت مي وقالت:معلشي يا ماما سبيه انا عايزاه ينام معايا

الام منال:ايوه يابنتي بس ميصحش انهارده

مي:معلشي ياست الكل بقي علشان خاطري

الام منال:طيب يابنتي اللي يريحكم

مي:ربنا يخليكي لينا ياست الكل

الام منال قبلتها وقالت:ويخليكو ليا يارب ياقلبي

وطلعت كل عروسه مع جوزها في الطابق الخاص بيهم
……………………..……………………
عند جابر وحبيبه

كان جابر شايل حبيبه لما دخلو شقتهم وبعدها نزلها
وقال بابتسامه:نورتي بيتك ياملاكي
وغمز لها وقال:مش يلا بقي

حبيبه بارتباك وكسوف:يلا فين استني نصلي الاول

جابر:طيب ياقلبي ادخلي غيري هدومك

دخلت حبيبه وارتدت قميص نوم جميل وفوقه اسدال الصلاه
وطلعت لجابر وصلو ركعتين لله ووضع جابر يده علي رأسها وقال الدعاء وعند الانتهاء قال جابر:ها صلينا مش يلا بقي

حبيبه:استني بس 10 دقايق هدخل اعمل حاجه في الاوضه

جابر :طيب ياقلبي لما نشوف اخرتها معاكي

ودخلت حبيبه الاوضه لمدة ربع ساعه ثم نادت علي جابر
دخل جابر الاوضه واتفاجأ وبرق لما شافها
فذهب لها وقال:بسم الله ما شاء الله
ايه الجمال ده انا مش مصدق انك بقيتي حلالي خلاص اخيرا بقي

حبيبه بدلع:اه اخيرا بقي

جابر :كده طب استني اطفي النور بقي

وبعد ما طفي النور ذهب معاها لعالم ملئ بالحب ولن يدخلو الا عشاق الحلال من يختارو شرع الله
……………………..……………………
اما عند شريف ومي فكان الوضع مختلف كثيرا

لما دخلو شقتهم كان سيف يدعك في عينيه وهو يقول بصوت كله نوم:مامي انا عاوز انام

الام مي:طيب ياقلبي تعالي بس اساعدك علشان نغير هدومنا وبعدها ننام

سيف:ماشي بس انتي مش هتغيري هدومك

الام مي:هغيرها ياحبيبي طيب استناني خمس دقايق بس

سيف:ماشي

دخلت مي اوضتها وغيرت هدومها ولبست بچامة نوم محترمه وخرجت لسيف لقته بينام وهو قاعد فأخدته وساعدته في تغير هدومه وبعدين خدته للسرير ونامت بجانبه وهو في حضنها وحكت له حدوته ونام سيف في اولها ونامت مي ونسيت انها كانت المفروض تتكلم مع شريف

اما عند شريف كان قاعد مستني مي علشان يتكلم معاها ولما اتأخرت
رحلها اوضه سيف وشاف اجمل منظر
شاف سيف نايم وهو حاضن مي وحاضنها جامد كأنه خايف انها تكون حلم مش حقيقه ومي كمان كانت حاضنه سيف جامد كأنها تستمد منه القوه والامان

فراح عندهم وباسهم وغطاهم كويس وكأنه اصبح لديه بنت وولد وليس ولد وزوجه
وبعدها ذهب لغرفته وبدل ملابسه ونام هو كمان
……………………..……………………..……………………..
في الصباح
عند شريف ومي
في اوضة سيف

حست مي ان فيه حد بيبوسها كتيير ففتحت عينيها وشافت سيف وهو عمال يبوسها ويقول:يووووه بقي كل ده نوم يامامي اصحي بقي انتي بقالك سنين منمتيش وجايه تنامي دلوقتي

ابتسمت مي لما سمعت كلامه وقامت شالته وقعدت تزغزغه وهو بيضحك بسعاده وهي بتقول:يالمض بقي انا بقالي سنين منمتش ها وحضرتك مضايق كمان

سيف وهو بيضحك:خلاص ايه رأيك نخليهم سنه واحده علشان خاطرك ياجميل انت وبعدين اه مضايق بقي علشان انا صاحي من بدري وكنت عاوز اصحيكي بس بابي قالي سيب مامي نايمه متصحهاش وفضلت قاعد زهقان ومش لاقي حاجه اعملها

حضنته مي وقالت:ماشي يالمض اديني صحيت اهو

قبلها سيف في خدها وقال ببراءه:صباح الجمال علي احلي مامي

قبلته مي في خده وهي مبتسمه وقالت:صباح السعاده علي حبيب قلب مامي
قولي بقي بابي صاحي ولا نايم

سيف:لا نايم قالي لما مامي تصحي ابقي صحيني فأنا هروح دلوقتي اصحيه

مي:لا ياقلبي استني نحضر الفطار الاول وبعدين ابقي صحيه

سيف بفرحه:هحضر معاكي الفطار بجد

مي:طبعا بجد ياقلبي يلا بينا بقي

سيف بسعاده:يلا بينا

وذهبو للمطبخ وحضرو الفطار وفضلت مي تهزر مع سيف وتبوسه كل شويه وسيف كان فرحان جدا جدا
وبعدها ذهب سيف وصحي باباه
وقعدو كلهم يفطرو

قال شريف:مكنش له لزوم تتعبي نفسك كنتي خليتي ماما تطلع لينا الفطار

مي بابتسامه:مفيش تعب ولا حاجه انا بحب اعمل كل حاجه بنفسي وكمان سيف كان شاطر جدا وساعدني

شريف:ماشي

بعد الانتهاء من الفطار

قالت مي:سيف حبيبي ادخل العب في اوضتك علشان عاوزه اتكلم مع بابي شويه وهخلص واجي العب معاك

سيف بابتسامه:حاضر يا مامي بس مش تتأخري بقي

مي:حاضر ياقلبي من عيوني

قبلها سيف في خدها وجري علي اوضته

مي:شريف عايزه اتكلم معاك شويه

شريف:تمام تعالي ندخل الاوضه ونتكلم

مي:ماشي

ودخلو الاوضه وقعدو يتكلمو وهنعرف قالو ايه في الحلقه الجايه
……………………..……………………..……………………....
اما عند جابر وحبيبه

حست حبيبه بحاجه بتتحرك علي وشها وازعجتها فحاولت ابعادها وتتأففت بزهق فبعدت الحاجه دي ثواني ورجعت تاني تتحرك علي وشها ففتحت عينيها وشافت جابر نايم جمبها وماسك ورده وكان بيتحرك بيها علي وشها وهو بيضحك

فابتسمت وقالت:صباح الخير

جابر بابتسامه:صباح الجمال والحلاوه

حبيبه بكسوف:قاعد كده ليه

جابر:بتفرج علي ملاكي عندك مانع

حبيبه بدلع:تؤ تؤ
بس اوعي بقي خليني اقوم احضر الفطار

جابر:انا مش عارف انتي وبنت خالتك عنادين كده ليه ماكنتو خليتو ماما تطلع الفطار

حبيبه:تؤ تؤ احنا بنحب نعمل حاجتنا بنفسنا وبعدين انا عاوزه احضر الفطار لجوزي حبيبي بنفسي
اوعي بقي انت مش جعان

جابر بخبث وهو بيغمز لها:جعان بس هاكلك انتي

وطفي النور وذهب معاها لعالمهم الخاص بيهم

انتهت الحلقه