عشقتك كما ينبغي

عشقتك كما ينبغي
دعاء الضيق
يا فارج الهم وياكاشف الغم فرج همي ويسر امري وارحم ضعفي وقلة حيلتي وارزقني من حيث لا احتسب يارب العالمين
……………………..……………………..……….
الحلقه الاوليعندما اشرقت الشمس الساطعه عند البطله

الام تدخل الغرفه

الام:بت ياحبيبه اصحي يابت كل ده نوم قومي وراكي مدرسه مش كفايه مدرسه ومبتصحيش لوحدك قومي يابت

حبيبه:ايه ياجيهان متهدي شويه الله هو في حد يصحي حد كده بردوا ده ايه الامهات دي بس

الام جيهان :جيهان في عينك يا زفته من يوم ماخلفتك نفسي اسمع منك كلمة ماما زي باقي البنات

حبيبه: نحن نختلف عن الاخرون ياجوجو

الام:بت اسكتي خالص وقومي يله علشان تفطري وتروحي المدرسه انا معرفش العيال مستحميلينك ازاي اصلا

حبيبه:زي مانتو مستحملني ياجيهان الله

ملك:متثحي بقي ياعمتو ده نانا زهقت

حبيبه:يااهلا بالمضه انتي اخده الماضه دي منين يابت

ملك: انا مث بت علفكله وبابي بيقولي اني ثبهك في كل حاكه ده كفايه عيوني الكميله دي وعلفكله حتي الماضه تي منك انتي

حبيبه:ياخرابي في رد لكل حاجه كده ده احنا مكناش اطفال

الام:انتي بالذات مسمعش منك الجمله دي ده انتي مكنتيش طفله اصلا

ملك:هاها قثف جبها ايوه بقي يانانا

حبيبه:شكلك فرحانه فيا صح

ملك:ايون

حبيبه:طيب
وجريت حبيبه ورا ملك لحد مامسكتها وراحت شيلاها وقعدت تزغزها

ملك:ههههههههههههههه خلاث بقي ياعمتو ههههههههه مث قادله

حبيبه:دلوقتي مش قادره ها

ملك:اه خلاث بقي ده انتو عيله تثل

حبيبه:احنا عيله نشل ها طيب وراحت مزغزغها تاني

ملك:هههههههههه خلاث ياعمتو مانتي مث من العيله دي

الام: خلاص انتو الاتنين وقومي يله ياحبيبه اجهزي علشان تروحي شغلك وانتي ياملوكه تعالي معايا نصحي الباقي ونجهز الفطار

وغادرت الام الغرفه وملك ماصدقت عمتها سابتها وراحت جريه ورا نانا بتاعتها
……………………..……………………..……………………..……………
عند البطل

شريف:اصحي يابني بقي دي امك زهقت وهي بتحاول تصحيك ده لو البيت ولع انت مش هتحس

جابر:بس بقي ياض سبني انام واقفل الستاره

شريف:لا مش قافل الستاره وهتصحي بقي يازفت

جابر:يوووه بقي عايز ايه يا بارد انا كان عندي عمليه وجاي الفجر ملحقتش انام ساعتين حتي

شريف:قوم نتكلم وبعدين ابقي نام برحتك

جابر:طيب اترزع هنا لغاية مادخل الحمام

شريف:ماشي

جابر بعد ماخرج من الحمام:عايز ايه بقي يازفت

شريف:متحترمني شويه بقي ده انا اخوك الكبير حتي لا وضابط مخابرات كمان

جابر:ياعم انجز واتكلم وبعدين ده هما تلت سنين فمتعملش فيها الكبير اووي وظابط مخابرات علي نفسك يا خويا مش عليا

شريف:طيب ياسيدي دلوقتي بقي ياض انت مزعل ابوك ليه

جابر:بقلك ايه ياشريف انا مبقتش صفير علشان ابوك يخترلي حاجه ودي مش اي حاجه دي انسانه انا هعيش معاها العمر كله

شريف:يابني ابوك عايز يطمن عليك وبعدين طيب ماتشوف البت الاول وابقي احكم

جابر:اه يطمن عليا ده علي اساس انك متعرفش ابوك وكمان البت اللي ابوك عايز يجوزهالي انا عرفها كويس

شريف:ايوه طبعا عايز يطمن عليك امال هيكون ايه غرضه يعني وبعدين طالما انت عارفها تبقي كويسه

جابر :لا انت عارف ان ابوك عايز يجوزهالي علشان هي بنت الدكتور عبد الرحيم العمري وانه صاحب اكبر المستشفيات الوحيده اللي بتنافس مستشفيات ابوك اما البنت فهي اخلاقها كويسه ومحترمه لاكن هي بتحب دكتور صغير في المستشفي بتاعتهم و كمان ابوها عارف بس رافض بالجوزه لنفس سبب ابوك

شريف:طيب انت معاك حق بس علي الاقل صالح ابوك ومتخلهوش يبقي زعلان منك

جابر بعدم اهتمام:ماشي هبقي اصالحه

شريف:طيب انا هسيبك واقوم انام شويه علشان عندي شغل

جابر:وابنك ياشريف مش هتروح حتي تسلم عليه

شريف:يوووه ياجابر انت هتتكلم تاني في نفس الموضوع وانا هرد واقولك هو مش محتاجني بقي عنده كلكم بتحبوه وبتعاملوه كويس يبقي خلاص

جابر:يابني انت ابوه هو مش محتاج حد غيرك وملوش ذنب ان امه ماتت قبل ما تنتقم منها

شريف:يووووووه بقي ياجابر هتفضل تتكلم في الموضوع ده كتير وانا بردوا هيكون ردي هو هو وهقولك انا مبقدرش ابص في وشه او اتكلم معاه بفتكر امه واللي عملته فيه وانها السبب اني خسرت اغلي حد عندي وهو شبها في ملامحها يمكن نفس عيوني بس ملامحها وكفايه انه السبب في المرتين اللي خلاني معرفتش انتقم منها ماشي ومش هنتكلم في الموضوع ده تاني ومش هتقرب منه وكفايه عليه حبكوا انتوا له

جابر:حرام عليك بقي ابنك مبقاش زي اي طفل ده ولا بيلعب زي الاطفال وحتي العياط بيعيط من غير صوت خوف منك فكل ده بسبب واحده حقيره متستهلش انك تاخد ابنك بذنبها

شريف:يوووه انا هروح انام احسن وانت اتخمد

جابر:لا خلاص بقي صحيت وهروح اطمن علي ساندي وهنزل اقعد شويه واخرج علشان عندي مشوار مهم وكويس انك صحتني وفكر في كلامي كويس

شريف:ان شاء الله
……………………..……………………..……………………..……………
في المستشفي الخاصه لدكتور حسين المنياوي

دكتور عبد الرحيم العمري:ها ايه ردك يادكتور حسين

دكتور حسين:استني يومين بس وهكلمك اقولك علي المعاد اللي هنيجي نتقدم فيه لبنت حضرتك

دكتور عبد الرحيم:لاحظ اني انا اللي سالت وكده مينفعش انا بنتي الف من يتمنوا بس انها تبصلهم ومتنساش هي بنت مين ولولا اني باقي علي النسب ده وعليكوا انا مكنتش سالت

دكتور حسين:عارف يادكتور الكلام ده ولولا اني عايز نبقي عيله واحده انا مكنتش طلبت ايد عروستنا لابني

دكتور عبد الرحيم:خلاص انا هستني تليفون منك تقولي معاد الزياره علشان العرسان يتعرفوا علي بعض وهمشي انا بقي علشان عندي شغل

دكتور حسين:ان شاء الله في اقرب وقت وهكلمك اقولك واكيد انا عارف المشاغل منا عندي زيك يلا ربنا يقوينا

دكتور عبد الرحيم:ياااارب سلام يادكتور حسين

دكتور حسين: سلام يادكتور عبد الرحيم

انتهت الحلقه

 

error: