عشقتك كما ينبغي
الدعاء
اللهم سخر لنا من الأقدار أجملها ومن السعادة أكملها ومن الأمور أيسرها ومن الخواطر أوسعها ومن حوائج الدنيا ما يرضيك عنا
……………………..
الحلقه السادسه والعشرون:
الدكتوره بابتسامه:متقلقش يامعاذ الحمدلله ربنا ستر ودينا كويسه والبيبي كمان بس للاسف حصلها نزيف وشلنا الرحم
معاذ:مش مهم المهم هي
الدكتوره:هي كويسه الحمدلله ربنا حفظهالك هي وابنك
والممرضه هتطلع ليكم بالبيبي وعلفكره بسم الله ما شاء الله هو قمور اووي
معاذ بشكر:بجد مش عارف اقول لحضرتك ايه علي اللي عملتيه معانا بجد شكرا ليكي
الدكتوره:العفو يامعاذ الشكرلله
ده شغلي ودينا انا بحبها زي اختي
معاذ:ربنا يديم المحبه يارب
الدكتوره:يارب
عن اذنكم
وبعد دقايق خرجت الممرضه بالبيبي وكان فعلا قمور جدا
معاذ شاله وحس بااحساس جميل اووووي ورغم انه حسه في ملك بس مقلش ابدا بالعكس زاد واذن في ودنه واقام في الودن التانيه
بعدها قال له بحب:حمدلله علي سلامتك ياقلب بابي
شوفت مامي حاربت اد ايه علشان انت تنور الدنيا
انت واختك سندي وضهري
ربنا يعيني ويقدرني اني اربيكم تربيه صالحه
كان رد البيبي ابتسامه جميله مليانه براءه وهو بيفتح عينه لاول مره علي دنيا جديده عليه بس مطمن فيها علشان في حضن باباه سنده في الدنيا هو واخته
وبعد نص ساعه خرجت دينا من اوضه العمليات ولما فاقت اخدت البيبي في حضنها وباسته بدموع وحمدت ربنا انه قومها بالسلامه علشانهم وانها شافت ابنها وهو سليم معافي
كلهم فرحتهم كانت كبيره اوووي بيه وكانت ساعدتهم متتوصفش واهو شخص جديد اضاف لعيلة الدمرداش
ومعاذ مسبهاش دقيقه ورغم رفضه في الاول ان البيبي يجي خوفا علي دينا الا انه دلوقتي فرحان جدا بيه وبيحمد ربنا انه محرمهوش منها ولا منه
واتفقو الاتنين ان البيبي يبقي اسمه حمزه علي اسم عم الرسول صلي الله عليه وسلم
……………………..
في الصباح علم الجميع بولادة دينا فذهبو للمستشفي ليباركو لمعاذ
عند شريف ومي
في اوضه سيف
مي وهي بتبوس سيف:حبيبي اصحي يلا
سيف وهو يدعك عينه بنوم قال بابتسامه:صباح الخير يا مامي
مي بابتسامه:صباح النور ياقلب مامي انت عارف احنا هنروح فين انهارده
سيف:هننزل عند جدو ونانا
وانتي هتقعدي مع نانا وطنط حبيبه وبابي هيقعد مع جدو وعمو جابر وانا هقعد العب وبعدها هنتغدا ونقعد نتفرج علي فيلم
مي:لا مش هنعمل كده هنروح حته جديده
سيف بحماس:بجد يامامي
طيب فين
مي:الاول هنروح لخالو معاذ ونشوف النونو ونبارك له وبعدين بابي هياخدنا ونتفسح
قفز سيف علي السرير بسعاده:بجد يامامي
مي:بجد ياقلب مامي
سيف:طيب هنتفسح فين
مي:امممممم الحته اللي سيفو حبيبي يقولها
سيف بسعادة الاطفال:هييييييه تعيش مامي تعيش
مي:ههههههههههههه
ها عاوز تتفسح فين
سيف:نروح جنينة الحيوانات وبعدها نروح نتغدا ونتمشي علي البحر واخر حاجه نروح الملاهي
مي بفكير:بس كده هتتأخر علي معاد نومك
سيف:النهارده بس عشان خاطري
مي:ماشي ياقلبي
سيف وهو يقبل مي من خدها:انا بحبك اوووي
مي:وانا بموت فيك اوووي
يلا بقي روح صحى بابي عشان منتأخرش
جرى سيف علي اوضه باباه وهو يقول:هوا يااحلي مامي
صحي سيف باباه وقعدو فطرو وذهبوا للمستشفي وباركو لمعاذ وبعدها ذهبو لجنينة الحيوانات وهناك
……………………..
نروح بقي عند يوسف وساندي
استيقظت ساندي وفطرت وجلست تشاهد فيلم جديد
وبعد دقائق استيقظ يوسف وجلس بجانبها وقال:انا جعان فين الفطار
ساندي ببرود:انا فطرت خلاص
واللي عاوز ياكل يعمل لنفسه
يوسف:يعني ايه الكلام ده
ساندي:يعني المطبخ اودامك اهو
يوسف:امال انتي صفتك ايه
اي زوجه بتحضر لجوزها الفطار
ساندي:ده لما اكون زوجه انما انا صاحبه وبس ها
يوسف بغيظ:بقي كده ماشي يا ساندي ابقي افتكريها
ساندي ببرود:ان شاء الله
ذهب يوسف بغيظ للمطبخ واحضر الفطار وفطر وبعدها قعد يصايق ساندي ويعصبها وهي بتحاول متتعصبش وتبقي بارده بس مش عارفه تعمل كده وكانوا عاملين زي القط والفار بالظبط
وبعد قليل جاءو الاهل وباركو لهم وجلسو قليلا ثم غادرو
……………………..
نروح بقي لشريف ومي
في حديقة الحيوانات
كان شريف ومي يتحدثو وسيف يلعب بسعاده
قالت مي بحب:شايف ياشريف سيف فرحان ازاي
مسك شريف يديها وقبلها وقال بحب:من ساعة ما دخلتي حياتنا وانتي سبب سعادتنا
نظرت مي لشريف بخجل وقالت:شريف انا بحبك اووي
شريف قال بسعاده لانه اول مره يسمعها منها:انتي عارفه انا اكتشفت اني عمري ما حبيت قبلك
انا عديت مراحل الحب كمان
مش لاقي مسمي يقدر يوصف شعوري من نحيتك
وبجد انا ندمان علي كل ثانيه كنت بعيد فيها عنك انتي وابني
مي بسعاده وحب:ياه اخيرا سمعتها منك
شريف:وهتسمعيها علطول يا كل حاجه في حياتي يااحلي نعمه رزقني ربنا بيها ربنا يديمك في حياتنا ويخليكي لينا
مي بمشاكسه:ده احنا بقينا بنعرف نقول كلام حلو اهو
شريف بغيظ:تصدقي يابت انتي خساره فيكي الكلام الحلو ده بس احنا بقي مش بتوع كلام احنا بتوع افعال استني بس لما نروح وسيف ينام واوريكي افعالنا بقي
مي بخجل:اتلم ياشريف
انت بقيت سافل وقليل الادب كده ليه
ضحك شريف بصوته كله
فقالت مي بجديه:قوم ياشريف من هنا هي ناقصه رخامه
احاط شريف كتف مي وقبلها في خدها وقال:بقي انا رخم طيب استني بس لما نروح
جري سيف عليهم وبعد باباه عن مي وقال بغيره:ايه ده يا بابي انت بتعمل ايه ابعد عن مامي
شريف بغيظ:وانت مالك دي مراتي علفكره يعني براحتي
سيف بعصبيه طفوليه:ودي مامتي علفكره وانا بقولك اهو يا بابي متقربش من مامي تاني علشان ما اخدهاش وننزل نقعد عن جدو فارس ونسيبك لوحدك
شريف بصدمه:تاخدها وتسبني لوحدي
بقولك دي مراتي
سيف بعند:وانا بقولك دي مامتي ومتقربش منها تاني
وانتي يامامي سيباه يقرب منك كده ماشي حسابك معايا لما نروح
كانت مي تحاول كتم ضحكتها ولاكن عندما نطق سيف تلك الجمله انطلقت ضحكتها بااعلي الصوت
فقال شريف بغيظ:شكلك مبسوطه باللي بيقوله
مي بضحك:الصراحه جدا جدا ابني حبيبي ورجلي بيغير عليا ومش عايزني افرح
شريف بغيظ وجنون منهم:كده طيب خليه ينفعك بقي يامي
سيف بتحدي:هنفعها متقلقش يابابي واه حضنها ده بتاعي لوحدي يعني مشوفكش بتحضنها تاني
شريف بجنون:نعم ياروح طنط
بتاعك لوحدك ازاي بقولك مراتي ياض انت
سيف بتحدي:زي ما سمعت يابابي بتاعي لوحدك
شريف:يعني انت متأكد انه بتاعك لوحدك
سيف بعند:اه طبعا متأكد
شريف بخبث:طيب
وراح لمي بهدوء وحضنها وباسها قدام سيف اللي اتجنن لما شافه بيعمل كده وجري عليهم وحاول يبعدهم عن بعض فشاله شريف وقعد يلف بيه ووقعه علي العشب اللي في الجنينه وقعد يزغزغه ويضحكو ويلعبو مع بعض وانضمت مي ليهم بضحك وسعاده ولاول مره يضحكو كلهم من كل قلبهم ويلعبو ويفرحو كعيله واحده
واخيرا قدر شريف يكسر الحواجز اللي بينه وبين ابنه والسبب في كده مي اللي خلته يفوق قبل فوات الاوان واللي بسببها دلوقتي هو مخصرش ابنه وكسبه وكسب حبه وقربه منه وابتدت حياه جديده لعيلة شريف اللي كل واحد فيهم تعب جدا في حياته علشان يوصل للحياه دي حتي سيف استحمل قسوة ابوه وبعد كل الناس اللي بيحبهم عنه ووحدته لحد مدخلت مي حياته وحولتها لسعاده وحب وخلته يعيش طفولته بسعاده
……………………..
وبعد اسبوع مر علي الجميع بسعاده
بالنسبه ليوسف وساندي
لم تخلو حياتهم من عنادهم ومشاغبتهم واخيرا اكتشف يوسف حب ساندي له فقرر ينهي هذه التمثليه السخيفه
قال يوسف لساندي ان ترتدي ملابسها ليذهبو لمكان ما
وطبعا لم يخلو الطريق من فضول ساندي لمعرفة المكان
وعندما وصلو غمي يوسف عينيها بشريط اسود
وامسك يديها ومشي بيها وهي تقول:هقع يا يوسف بطل رزاله وفك الشريط
يوسف:بس يابت احنا خلاص وصلنا اهو
وفك الشريط من علي عينيها
فرأت ساندي امامها مركب في غاية الروعه فساندي تعشق البحر والمراكب فدخلت للمركب وشافت يافته مكتوب عليها بحبك يابت ياساندي
فنظرت ورأها وقالت ليوسف بدهشه:ايه ده
يوسف باستعباط:ايه
ساندي:يوسف متستعبطش ده حقيقي
يوسف بحب:ايوه حقيقي ياساندي انا بحبك وبعشقك كمان انتي كل حياتي انا مش هقدر اخسرك زي ما خسرت امي صدقيني مش هستحمل
وضعت يديها علي فمه وقالت:شششششش متقولش كده انا مقدرش ابعد عنك انا بعشقك
شالها يوسف بسعاده وقال بجنون وصوت عالي:بحبك ياساندي
ضحكت ساندي بسعادة وقالت بجنون وصوت عالي:بحبك يايوسف
بعد قليل شغل يوسف أغنيه ومد أيده لساندي وقال:بنوتي تسمحلي بالرقصه دي
ساندي بسعاده:طبعا
وقضو اجمل ليله في حياتهم وانتهت الليلة بان ساندي أصبحت مرات يوسف عبد العزيز قولا وفعلا
……………………..
وبعد أسبوع آخر من السعاده
اصبح للقدر رأي آخر
وفي يوم
كانت نادين تتحدث مع باسل في الهاتف وتقول بحقد:كفايه عليهم كده بقي إحنا صبرنا عليهم كتيير
باسل بحقد:فعلا
نبدأ الخطة بكره
اتفقنا
نادين:اتفقنا
وتاني يوم حصل ما لم يتوقعه احد
حدثت الكارثة آلتي ستغير حياة قلبين جمعهم الحب
انتهت الحلقه