عشقتك كما ينبغي

عشقتك كما ينبغي
الحلقه السابعه

مي ترد علي من كتب هذه الورقه في المكرفون وتقول:(طفلي الحبيب انا مش عارفه انت مين بس انا حسه بيك وحسه بكل كلمه قولتها ويارب دايما افضل حسه بيك ومعاك وانا كمان بحبك اووووي علفكره ومبسوطه كمان ان بقي ليا طفل جميل كده زيك وبقي طفلي حبيبي
وياقلبي متفكرش في البعد والقرب علشان دي حاجات بايد ربنا ولما يكون نفسك في حاجه او عايز حد يفضل قريب منك ادعي ربنا وهو ان شاء الله هيستجيب واكيد بتمني اني اعرفك واكون ام فعلا ليك بس من انهارده انت ابني الصغير والوحيد ولو في اي حاجه مزعلاك فانا موجوده علطول وده مش ليه لوحده ده ليكوا كلكوا طبعا لانكم كلكم عيالي وربنا يخليك ليا يا طفلي وانا مش زعلانه منك ابدا بس هبقي مبسوطه منك لو سمعت كلامي وانا كمان بحبك جداااا ياطفلي)
وعندما انتهت مي من الحديث صفق لها جميع من في المدرسه واعلنوا فوزها واعطوا لها شهادة التقدير والمكافأه

وصعدت بعدها مي الي غرفة المدرسين
……………………..……………………..……………………
وفي غرفة المدرسين كانت جالسه وحيده وتعيد قراءة الورقه للمره التي لم تعرف عددها وتفكر في ذلك الطفل وهل هو الذي تفكر فيه ولا لا

وعندما كانت تفكر سمعت طرق علي باب الغرفه

فقالت وهي مازالت لم ترفع راسها:ادخل

ولم يدخل احد فرفعت راسها ورات امامها سيف يقف عند الباب وينظر ليها ودموعه تنزل بصمت
فذهبت اليه جري واحتضنته وهي تطبطب علي ظهره وشالته وجلست به علي كرسي من الكراسي وهي تحتضنه اكثر حتي يهدأ من البكاء
وبعد مده ومي ما زالت تحتضن سيف هدأ قليلا وابتعد عنها قليل لينظر اليها بحزن ثم ينظر الي الارض وهو ما يزال جالس علي رجليها

فقالت له مي:مالك ياحبيبي

سيف:مفيش

مي:ينفع بردوا طقلي يخبي علي مامته حاجه

سيف :طفلك ومامتي

مي:طبعا ياحبيبي ما انا كنت عارفه انك اللي كتبت الورقه

سيف:طيب انتي عرفتي ازاي

مي: اولا انا من اول ما قرأت الورقه وانا حسه انه انت وكمان اكتر واحد مبيسمعش كلامي ومغلبني انت وكمان ده خطك و دا رسمك فانا علشان اتاكد انه انت دعيت ربنا وقولت يارب لو هو ابعته ليه وانا هستنا يجيلي دلوقتي الاوضه وده اللي حصل
قولي بقي ابني كان بيعيط ليه ومين زعله

سيف:اصل كل العيال بيقولوا ان اللي كتب الورقه ياسين وانك بتحبيه اكتر من كل العيال

(ياسين ده اللي سيف اتخانق معاه في اول يوم مدرسه ودايما كل ما يشفوا بعض يتخنقوا ويبقوا قط وفار قصاد بعض ونسيت اقولكم ان ياسين مامته متوفيه بردوا وباباه دايما مسافر علشان عنده شغل وياسين بيحب مي اوي بس مش اكتر طبعا من حب سيف لان سيف بقي بيعشق مي وبالنسباله هي مامته فعلا)

مي تقول وهي مبتسمه:ياقلبي انت انا بحبكوا كلكوا وكلكم عيالي

سيف:لا انا بس اللي ابنك

ابتسمت مي وقبلته وقالت:طبعا طيب انت عارف اني من اول مره شفتك فيها وانا حبيتك جدا وحسيتك ابني وكان نفسي تسمع كلامي مش تعند لمجرد العند ولو مش مقتنع باللي بقوله ناقشني ويا تقنعني يا تقنعك ولما قريت الورقه قلت انك اللي كاتبها

سيف:بجد ياميس يعني انتي بتحبيني اوي وبتحسي اني طفلك

مي:بجد ياقلب الميس واه انا بحبك اووووي وانت طفلي حبيبي
وبعد كده بقي ياحبيبي لما تعوز حاجه قلي اتفقنا

سيف:اتفقنا وهسمع كلامك

مي:انا عارفه ان ابني حبيبي شاطر وهيسمع الكلام ومش هيتعبني

واحتضنته مي وقالت:ياله بقي ياروحي روح علي فصلك بس عايزه بوسه الاول

اعطاها سيف احلي بوسه وقال: حاضر يلا باي

مي:ياخلاثي ياناس علي احلي بوسه وباي ياقلبي

ابتسم لها سيف بسعاده واحتضنها تاني ونزل يجري علي فصله وهو سعيد بانه بقي له حد يحبه ويحس بيه وبقي عنده ماما رغم انه مش هيقول الكلمه دلوقتي بس حساسها اوي

اما مي بعد نزول سيف قالت في نفسها
(انا معرفش ايه الاحساس اللي بحسه نحيتك ياسيف اكتر من كل العيال وليه اصلا الاحساس ده بس كل اللي اعرفه اني بحبك جداا وانك ابني ولما اجوز واخلف هتبقي انت وعيالي في نفس الحب يعني حتي في حبكوا هتبقوا زي بعض علشان كلكم عيالي بس الاغرب انه هو دون عن كل الاطفال بس انا همشي ورا احساسي لغاية ماشوف هيوديني لفين بس بجد انا مبسوطه اوووي انه بيحبني وحاسس اني مامته زي ماانا حساه ابني يلا ربنا يخليهولي ويبارك ليا فيه ويفضل معايا دايما وميحرمنيش منه ابدا يارب ويجعله قريب مني علطول)
……………………..……………………..……………………..…….
في المخابرات في مكتب الرائد شريف حسين المنياوي
كان يجلس علي مكتبه وسمع دق الباب فقال:ادخل

فدخلت حبيبه وقالت:السلام عليكم

رد شريف:وعليكم السلام اتفضلي
اقعدي ياانسه حبيبه نورتي المكتب

قعدت حبيبه وقالت:شكرا ياحضرة الظابط ده بنورك بس ياريت طالما هنشتغل مع بعض في المهمه يبقي حبيبه بس

شريف:ده شئ يشرفني جدا بس انا كمان شريف بس

حبيبه:تمام ياشريف

وسمعوا دق الباب فقال شريف :ادخل

فدخل جابر وقال:انا جيت يابرنس اتاخرت عليك

شريف:نورت ياريس ولا متاخرتش واحب اعرفك ب

وساعتها لفت حبيبه وجهها له لانها كانت تنظر الي مكتب شريف وليس الي الباب
فلم يري جابر وجهها
فاول ما رأها وهي رأته وتاكدت منه

نطقوا هما الاتنين في نفس الوقت: انت/انتي

شريف باستغراب:انتوا تعرفوا بعض

ردوا:اه/لا

شريف:اه ولا لا بس علشان افهم

جابر:اه بس معرفش غير اسمها لاني بس اتخبط فيها يعني معرفهاش معرفه شخصيه غير ان اسمها حبيبه بس

شريف:تمام اعرفكوا بقي علي بعض اكتر

جابر دي حبيبه احمد الدمرداش بنت اللواء احمد الدمرداش وهي شغاله مدرسه تمام وطبعا انت عارف اللواء احمد بما انه مثلي الاعلي وديما بتكلم عليه وبحكي عنه وحبيبه هتشتغل معانا في المهمه علشان تجيب حق والدها وحق كل الناس اللي ظالمهم فارس الحناوي

اما انتي ياحبيبه فده يبقي جابر حسين المنياوي ويبقي اخويا وبيشتغل دكتور باطنه وقلب وهو هيشتغل معانا في المهمه علشان بيكره الاعمال المشبوهه وعايز بردوا يجيب حق الناس اللي ظالمهم فارس الحناوي ويخلص البلد من الكائن الظالم اللي مش بيخاف ربنا ده

تمام اظن كده اتعرفتوا علي بعض اكتر صح

جابر وحبيبه:اه كده تمام

شريف:تمام نتكلم بقي في المهمه

جابر وحبيبه:تمام يلا قول الخطه

شريف:بصوا بقي وركزوا معايا الخطه هي……………….
وعندما انتهي شربف من سرد الخطه ووافقوا جميعا عليها

شريف:تمام كده اتفقنا

حبيبه:اه اتفقنا
همشي انا بقي علشان الحق اروح اكل وارخم عليهم وده بياخد وقت اصلي بحب ارخم بضمير مع كل واحد ماشي سلام بقي ياكباتن هتأخروني

جابر وشريف:هههههههه سلام يامجنونه هانم
……………………..……….
وفي بيت حبيبه

دخلت حبيبه من باب الفيلا وصوتها عالي
وتقول:انا جيت يااهل الدار ستكوا حبيبه جت يا بشر

قال معاذ:بس يابت ايه الصداع ده وبعدين ستنا مين ياجزمه ده انتي اخرك تبقي خدماتنا حبيبه

حبيبه:بس ياض انت مش بتشوف بقي واحده زي القمر كده يتقالها خدامه ده انت مبتفهمش خالص

معاذ:لا ياختي بفهم بس انتي شكل اللي ضاحكين عليك كتير ياعطيه

حبيبه:بس يارخم وبعدين لو انا عطيه انت تبقي ايه برعي صح وبعدين انت ايه اللي جايبك بتنا ياض

معاذ:وانتي مالك يا بارده انا جي بيت ابويا

حبيبه:لا ليا طبعا مش اتجوزت خلاص وريحتنا لا وكمان ساكن جمبنا في نفس الشارع وبردوا جي عندنا ده انت بارد ياض

ملك وهي تجري علي حبيبه:عمتو عمتو

رفعت حبيبه ملك واخذت تقبلها في جميع اجزاء وجهها

وهي تقول:قلب عمتو يا ناس
تصدق ياض يا معاذ لولا لوكا انا كنت كرشتك من بيتنا

معاذ:اخرسي يابت

حبيبه:خرسه تخرسك قبليا

ملك:وحستيني ياعمتو

حبيبه:يالوح عمتو انتي وحستيني اكتر

ملك وهي عابسه:مث تقلثي عليا علثان مث بقول الكلام ثح بكله لما تتجوثي بنوتك هتبقي كده وهقلث عليها ها

حبيبه:يالمضه انتي

وقعدت تزغزغها وملك تضحك
لغاية ما قالت ملك: خلاث خلاث مث هقلث عليها علثان خطلك (خلاص خلاص مش هقلس عليها علشان خطرك)

حبيبه:ياقلبي انتي
بقولك ايه ياملوكه ما تباتي معايا انهارده

ملك بسعاده:وهنام في حضنك وتحكيلي حدوته

حبيبه بحنان:وهتنامي في حضني وهحكيلك حدوته

ملك:هييييييييه خلاث لوح انت بقي يا بابي انا هنام مع عمتو

معاذ:واطيه ياقلب بابي ده انتي بعتي بابي ومامي في ثانيه

حبيبه:طبعا انت عايز تجيب نفسك انت ومراتك ليا

معاذ:انتي تطولي ياجزمه

حبيبه:لا ياخويا اطول واطول واطول من كده كمان
انت مش عارف قيمة اختك يابني

معاذ:اخرسي يابت

حبيبه :خرسه تخرسك قبلي بردوا
وطلعت له لسانها مثل الاطفال

معاذ:هههههه والله اختي طفله ومجنونه يا ناس
بت همشي انا بقي علشان سايب دينا لوحدها وكانت تعبانه شويه ونايمه فهروح انا

حبيبه:اشطا يا ريس بس طمني عليها

معاذ:حاضر يابيبو
لوكا اخر كلام هتيجي مع بابي ولا هتنامي مع عمتو

ملك:لا يا بابي هنام مع عمتو

معاذ:ماشي ياقلب بابي بس مش تتعبي عمتو واسمعي كلامها

ملك:حاضر يا بابي

حبيبه:متخفش عليها ياميزو

معاذ:بس ياهبله وانا هخاف عليها معاكي بردوا ده انتي امها التانيه
وبتخافي عليها اكتر مني انا وامها

حبيبه:طيب ياقلبي خلي بالك من نفسك وسلملي علي دينا كتير

معاذ:حاضر ياحبيبتي
يلا باي

حبيبه وملك:باي

حبيبه : يلا بينا بقي يا لوكا ننام

واخذت حبيبه لوكا وبدلت لها ملابسها واخذتها في حضنها وحكت لها حدوته حتي نامت الصغيره في حضن عمتها التي تعشقها
وقبلت حبيبه لوكا قبل ان تذهب اللي النوم وهي تحضن لوكا نسختها المصغره وابنة اخيها الحبيبه واعز مخلوقه لديها فحبيبه تعشق ملك وتشعر انها ابنتها قبل ان تكون ابنة اخيها

انتهت الحلقه