عشقتك كما ينبغي

عشقتك كما ينبغي
الحلقه الرابعة والعشرون:

مي:سيف حبيبي مش عايزاك تزعل من بابي

سيف بحزن:يا مامي انا جعان لحضن بابي ونفسي يلعب ويتكلم معايا ولما اغلط يفهمني ده غلط ليه وايه الصح ولو غلط نفس الغلط تاني يفهمني برضو علشان ممكن اكون نسيت بس مش يزعقلي ولا يضربني علشان بخاف منه اووي يامامي
وكمان نفسي يوم واحد في الاسبوع نخرج انا وانتي وبابي او حتي نبقي هنا في البيت بس تلعبو معايا طول اليوم وبليل تقعدو جمبي انتو الاتنين لحد ما انام وياريت كمان لو تنامو جمبي
بس انا عارف ان دي احلام مش هتتحقق ابدا لان بابي مبيحبنيش

مي:ياااه ياقلبي بقي كل ده جواك ومش تحكيلي
بس علفكره انت غلطان علشان بابي بيحبك جدا
وكمان مين قال ان دي احلام مش هتتحق طيب ايه رأيك تيجي نحط ادينا في ايد بعض ونقرب احنا من بابي

سيف:بجد يا مامي ده ممكن يحصل

مي:طبعا ياقلب مامي ان شاء الله هيحصل

سيف بسعاده وحب:علفكره بقي انا بحبك اووووي يااحلي واحن مامي

مي بحب وهي تحضنه جامد: وانا بموت فيك ياروح قلب مامي انت
يلا بينا بقي ننام وكفايه كلام

سيف:ماشي يلا احكيلي حدوته

مي:من عيوني
وحكت الحدوته ونام سيف كعادته في نصف الحدوته وبعدها بلحظات نامت مي ايضا
ولم يعلمو ان شريف سمع كلامهم كله
……………………..…………………..
واليوم هو يوم رجوع جابر وحبيبه
ذهب شريف ويوسف للمطار
وكان الجميع منتظرينهم في ڤيلا فارس الحناوي

في المطار
وصلت الطائره ونزل جابر وحبيبه
وبعد السلام والاستقبال الحار
ركبو العربيه

جابر:ياه مهما اروح من مدن وبلدان بس برضو مبستريحش ولا بحس بالامان الا هنا في الاسكندريه ده كفايه بحرها وهواها اللي مفيش زيهم بجد تستاهل انها تكون عروس البحر المتوسط

كلهم:فعلا والله يا جابر عندك حق مفيش في جمال اسكندريه

حبيبه:قولي ياشريف هما ماما وبابا واخواتي هناك صح

شريف:ايوه كلهم مستنينكو

حبيبه:طب يلا بقي سوق بسرعه لحسن وحشوني اووي

شريف بضحك وهزار:لو سرعت عن كده هنروح المستشفي مش البيت يامجنونه

حبيبه:مليش دعوه بقي سرع
جابر قول حاجه لاخوك

جابر وهو بيضحك:اقوله ايه بس انتي مش شيفاه ماشي علي كام لو سرع اكتر من كده هنروح المستشفي زي ما قالك

حبيبه بغيظ وطفوله :علفكره بقي انتو وحسين ها

ضحكو كلهم علي طريقة كلامها الطفوليه

وبعد ربع ساعه وصلو لڤيلا فارس الحناوي
وبعد الترحيب والقبلات من الجميع
جلست العائلتين يمزحون في جو اسري جميل

وهما بيضحكو وبيهزرو اتخنقت هي فقامت ودخلت البلكونه

فشافها هو ودخل وراها وقال:واقفه لوحدك ليه

اتفاجأت بالصوت فنظرت له وقالت:عادي يا حازم

حازم:مش حاسسها من قلبك بس ماشي يا ساندي

ووقفو يهزرو ويتكلمو فكانت ضحكة ساندي جميله وعاليه

فدخل يوسف وقال بغضب يحاول اخفائه:خير ما تضحكوني معاكم

حازم:عادي يا يوسف كنت بقولها علي موضوع كده وقلت كلمه ضحكتها

يوسف:اه وايه هو الموضوع بقي

حازم:رغم انه ميخصكش بس هقولك ما انت برضو زي اخوها اصلي يا سيدي كنت بقولها اني عاوز اطلب ايديها وكنت لسه هسمع ردها بس انت دخلت

نظرت ساندي لحازم بصدمه فهو متكلمش في الموضوع ده خالص

يوسف بغيره وغضب غلفهم بالبرود:للاسف جيت متأخر اصلي خلاص هطلب ايديها وهي موافقه

ساندي في نفسها:مالهم دول بيقولو كلام غريب ومحصلش ليه احلي حاجه ان الكلام عليا وانا اللي مش فاهمه حاجه خالص

حازم:يا خساره مليش نصيب بس طالما ده اللي هيسعدك يا ساندي يبقي خلاص ربنا يتمم ليكم علي خير

يوسف بتريقه:ياحنين تسلم ياحازم عقبالك

حازم:يااارب ان شاء الله

ودخل حازم من البلكونه وهو سعيد انه نجح

وقال يوسف لساندي:انا داخل اكلم اخوكي في موضوع جوازنا اياكي ترفضي ومشوفكيش واقفه معاه تاني
وسابها ومشي من غير ما يسمع ردها

وفضلت ساندي علي صدمتها لحد ما حازم دخلها تاني

فقالتله:انت ليه قولت حاحه محصلتش انت مكلمتنيش في الموضوع ده اصلا

حازم:هفهمك كل حاجه
من ساعة فرح حبيبه ومي وانا فهمت من نظرتكو انكو بتحبو بعض بس مفيش حد بيعترف للتاني خوفت تخصرو حبكم ده علشان اي سبب ففكرت في طريقه اخلي يوسف يبين حبه وكمان يتحرك ويطلب ايدك
علشان كده قولتله اني عاوز اطلب ايدك لاني كنت متأكد انه مش هيقبل بكده ابدا وانه هيتحرك لما يحس انه ممكن يخصرك وتبقي لواحد تاني
بصي انا عارف انها حاجه متخصنيش بس انا جربت الحب وجربت الفراق ووجعه فمش عاوز يبقي نهاية حبكو الفراق
ولازم تحاربي يا ساندي علشان تكسبي ثقته في حبك وتخليه يعترفلك بحبه علشان توصلي للسعاده مع الانسان اللي اختاره قلبك

ساندي:انا بجد مش عارفه اقولك ايه واقل حاجه اقدر اقولهالك هي شكرا ليك يا حازم انت طيب جدا و انا بجد بعتبرك اخويا الكبير وربنا يرزقك باللي تقدرك وتستاهلك
وانا فعلا هحارب لحد موصل للسعاده مع الانسان اللي قلبي اختاره

حازم:اللهم امين يارب العالمين
ربنا يهنيكي ويسعدك ويتمم ليكم علي خير

ساندي:اللهم امين يارب العالمين

حازم:يلا ندخل

ساندي:يلا

ودخلو وقعدو يهزرو ويضحكو ويتكلمو
وبعدها ذهب اهل حبيبه ومي لمنزلهم
وذهب يوسف إلي بيته بعد ان اخبر جابر برغبته في الزواج من ساندي

وطلع جابر وحبيبه للطابق بتاعهم
وشريف ومي وسيف للطابق بتاعهم

ونام الجميع
……………………..……………………
تاني يوم اخد جابر حبيبه وراحو مشوار مهم جدا بالنسبالهم

في دار الايتام

حبيبه:انس يا انس

التفت انس لمصدر الصوت ولما شافها جري عليها وارتمي في حضنها
قالت حبيبه وهي تحتضنه:انس حبيبي وحشتني جدا جدا

انس وهو في حضنها:انتي وحشتيني اكتر يابيبو
اتأخرتي عليا المرادي علفكره

حبيبه:ياروحي معلشي والله غصب عني يا انوسه

انس:وايه سبب التأخير بقي

حبيبه:كنت مسافره ياقلبي

انس:ماشي نعديها المرادي

حبيبه:ههههههههه شكرا لانك عدتها يااستاذ انس

انس:العفو اي خدمه علشان تعرفي بس

حبيبه:ماشي يالمض انت
قولي بقي ده مين (وشاورت علي جابر)

جري انس علي جابر وهو يقول:ده عمو جابر حبيبي وحشتني اوووي

جابر:حبيبي ياانوس انت وحشتني اكتر

انس:انت تعرف بيبو منين بقي

جابر:بيبو بقت مراتي ياانس باشا

انس بفرحه:بجد

جابر وحبيبه:بجد

وقعدو يلعبو مع انس وباقي الاطفال كتيييير كتيييير وقدمو لهم اللعب وغنو معاهم وحكو حواديت وقضو اجمل يوم علشان رسمو الابتسامه علي وش اطفال ابرياء

ولما جم يروحو انس قعد يعيط علشان يقعدو معاه لحد ما ينام فمرضوش يزعلوه وقعدو جمبه وحبيبه حكتله حدوته لحد ما نام وبعدها روحو وهما فرحانين اوووي باليوم الجميل ده

انتهت الحلقه
……………………..……………………..……………………..……