عشقتك كما ينبغي
الدعاء
لا اله إلا انت الحليم العظيم .. لا اله إلا انت رب السماوات ورب الأرض ورب العرش الكريم..لا اله إلا انت وحدك لا شريك لك .. لك الملك ولك الحمد وانت على كل شي قدير..اللهم لك الحمد والشكر كما ينبغي لجلال وجهك وعظيم سلطانك..اللهم لك الحمد حتى ترضى .. ولك الحمد اذا رضيت .. ولك الحمد بعد الرضى.. اللهم لك الحمد عدد خلقك .. ورضا نفسك .. وزنة عرشك ..ومداد كلماتك اللهم لك الحمد على الإسلام .. اللهم لك الحمد على أن هديتنا ..اللهم لك الحمد والشكر على جميع النعم التي أنعمت بها علينا .. اللهم اني استغفرك من جميع الذنوب والخطايا ما علمت منها وما لم أعلم… اللهم اجمعنا في جناتك جنات النعيم .. ولا تفرقنا واهلنا وأحبائنا بعد الممات يا رب العالمين ..اللهم اقسم لي من خشيتك ما تحول به بيني وبين معصيتك…ومن طاعتك ما تبلغني به جنتك .. ومن اليقين ما تهون به على مصائب الدنيا
……………………..
الحلقه السادسه والثلاثون الاخيره:
عندما تجمعو جميعا قال حازم بقلق من ردة فعلهم:انا بفكر اتجوز
دام الصمت لدقائق حتي قالت مي بسعاده حقيقيه:بجد يازوما
حازم بابتسامه:بجد ياميوشه
مي:اخيرا الفرحه هتدخل بيتنا من تاني بس قولي هي مين واهلها مين وشغاله ايه وبتحبها ولا لا
حازم:ايه يابنتي اهدي في ايه ميت سؤال في الثانيه
وبعدين اللي تجاوب علي الاسئله دي حبيبه
حبيبه باستغراب:انا
حازم:ايوه انتي اقرب واحده ليها
حبيبه:ليه هي مين
حازم:حور
حبيبه بسعاده وهي تجري عليه وتمسك يديه وتدور به وتقول بسعاده:بجد ياحازم بجد
حازم بضحك:مهما تكبري وتخلفي هتفضلي مجنونه برضو
بجد ياختي
حبيبه بغرور مصطنع:يابني انا محدش يتوقعني اثلا
حازم:اثلا
حبيبه:اها اثلا
المهم قولي بقي انت بتحبها
حازم بشرود حب:من اول مره شوفتها لما جابر جابكم وانا اعجبت بيها وبجدعنتها وطيبتها وجنونها خلتني احبها اوي هي دي اللي عاوزاها تبقي ام لعيالي هي دي اللي هتحافظ علي بيتي هي دي اللي هتكون اخت لاخواتي وبنت لامي هي دي اللي لما اقع هلاقيها في ضهري بتسندني وبتقويني
جابر بمشاكسه وهو يغمز له:الله الله ده احنا بقينا بنقول شعر اهو
حازم بمزاح:الله واكبر ياخويا هتحسدني
جابر:لا انا مبحسدش انا بقر بس
حازم:طالما بتقر بس تبقي بسيطه وبعدين انت مالك بشعري في موزتي ما موزتك جمبك اهيه ولا مش مليه عينك
جابر:اخرس ياجزمه متولعهاش دي الحكومه برضو وانا مش عاوز انام علي الكنبه النهارده
حازم بسخريه:اسد يالا
جابر بسخريه:لما نشوفك انت يا اسد بعد متتجوز
حازم:عيب عليك ده انا همشيها علي عجين متلغبطهوش
ضحكت حبيبه بصوت عالي
فبصولها باستغراب وقال حازم:بتضحكي علي ايه يابت
حبيبه بضحك:اصلك غلبان اوي متعرفش حور دي هتجننك يابني
حازم بمزاح:لا كده هعيد نظر في الموضوع ده
مي بمزاح:هو دخول الحمام زي خروجه ياريس خلاص انت ادبست
وغيرت صوتها لصوت ريا وهي تخبط علي صدر حازم وتقول:متخفيش ياشابه ده احنا هنظبطوكي
ضحكو كلهم بسعاده رغم وجع كل قلب من هذه القلوب علي سندهم اللي مات بس هي دي الحياه والموت علينا حق والفراق مكتوب علينا كلنا اننا نتوجع بفراق اللي ماتو وبعدها نموت واللي بيحبونا يتوجعو بفراقنا بس في النهايه كلنا هنتجمع في الاخره في مكان احلي بكتير وساعتها مش هنفترق تاني ابدا
وبعد ضحك وهزار كتير اوووي قال حازم بجديه:هنروح نتقدم لها امتي
حبيبه:هي فين اصلا
حازم:عندها شغل في المستشفي علشان كده حبيت اجمعكم وهي مش موجوده
مي بتفهم:تمام بس قولي هي موافقه
حازم:اه ياحبيبتي موافقه
فارس الاب:خلاص يابني يبقي خير البر عاجله وبكره تيجي وتطلبها مني هي زيها زي ساندي وحبيبه ومي كلكم عيالي
حازم بحنان:ربنا يخليك لينا ياعمي انت بجد عمنا وسندنا وابونا التاني
واثبت للكل ان العم مش اخو الاب وبس العم مش مجرد دم بيربط بينكو وخلاص لا العم سند وضهر واب تاني حتي لو كان صاحب الاب مش اخوه
وقعدو جميعا في جو جميل يسوده الحب واخيرا السعاده الحقيقيه ليست كامله ولاكن هذه هي الدنيا مهما شعرنا بالسعاده لن تكون كامله ولاكننا احسن من غيرنا كثيرا فيجب ان نحمد الله علي تلك السعاده
انتهي اليوم بذهاب كل شخص لمنزله
واتي يوم جديد ذهب فيه الجميع لبيت فارس الحناوي وطلب حازم يد حور من فارس اللي كان يكلمه وكأنه اب حقيقي لتلك الفتاه ووافقت حور وتمت الخطبه بعد ذلك اليوم بأيام واخيرا بعد انتظار شهرين اتي يوم الزفاف زفاف عروسين جمعهم الحب وقبل الحب جمعهم المواقف الجدعه لكل منهم
……………………..
في الفرح
كان الجميع يشعرون بسعادة لسعادة حازم وحور
وكان فارس يقوم بدور الاب للعريس وللعروسه بكل ما يستطيع فعله حتي ينفد وصية صديق عمره واخوه رحمه الله
واخيرا اتفق جميع الرجال علي مفاجأه لزوجاتهم فطلعو علي الستيدچ وكل واحد منهم يمسك ميك
وابتدا جابر الحديث وهو ينظر لحبيبه بحب ويقول:حبيتك من اول صدفه جمعتنا ببعض
وقبلتي انتي تتجوزيني من قبل متعرفي ان ليا اب افتخر بيه
راعيت ربنا فيكي لحد مبقيتي مراتي حلالي
ولما بقيتي مراتي مقدرتش انجح في اختبار حبنا القوي مقدرتش احافظ عليكي او حتي اسمعك
ورغم كل سنين البعد دي الا ان عمر حبك ما قل في قلبي او قدرت ابص لواحده غيرك
واخيرا سامحتيني وحاولت ولسه بحاول اعوضك انتي وابني علي سنين البعد دي بجد انا بحبك اووي
انتي عملتي في ايه
بعدها نظر شريف لمي بحب وقال:رغم قسوتي علي ابني ورخمتي عليكي الا انك استحملتيني كتير لحد ما قدرت اتغير
من يوم مدخلتي حياتنا وانتي بقيتي سبب سعادتنا
بسببك انا مخصرتش ابني وبسببك برضو انا عايش سعيد ونسيت الماضي بكل وجعه
وكنتي ديما ام لابني وليا كمان ومن غيرك حياتنا ميبقاش ليها معني
بحبك اووي
انتي عملتي فيا ايه
وبعدها قال يوسف وهو ينظر لساندي بحب:رغم قسوتي الا انك حبتيني يمكن مصرحتيش بحبك ابدا بس كنت ديما بقراه في عيونك
حبيتك من اول لحظه شوفتك فيها وانتي طفله صغيره بضفاير بس كنت بكابر مع قلبي
وبسبب شخص هو دلوقتي صديق عزيز عليا خلاني اخد الخطوه علشان مخصركيش
وبسببك عيشت اسعد حياه مكنتش احلم بيها حتي في احلامي
وبرضو بسببك مخصرتش اختي الوحيده انا بحبك اووي
انتي عملتي فيا ايه
بعدها بقي قال معاذ وهو ينظر لدينا بحب:استنيتك كتير لحد ما قدرت اتجوزك وتبقي مراتي حلالي
استنيتي معايا كتير واستحملتيني كتير لحد مربنا هدانا بااول هديه واغلي هديه وبسببك انا عايش اسعد حياه بوجودكم في حياتي
خوفتيني وعيشتيني اسوء لحظات عمري وانا بفكر انك ممكن تبعدي عني
بس ربنا رحيم وكريم اوي رجعك ليا بالسلامه وانتي معاكي الهديه التانيه
اغلي هديتين هما سندي اللي هتسند عليه لما اكبر
انا بجد بحبك اووي
انتي عملتي فيا ايه
وبعدها نظر يحيي للمياء بحب وقال:حبيتك من زمان وكنتي وهتفضلي ديما اول حب في حياتي
بس القدر فرقنا سنين واخيرا جمعنا تاني بعد سنين كتير مقدرش قلبي فيهم ينسي حبك
جمعتنا الصدفه وكانت احلي صدفه في حياتي
عوضتي ابني عن حاجات كتير اووي كان محتاجها لحد مخلتيه يحبك ويتعلق بيكي حتي اكتر مني
حتي خالة ابني فضلتي وراها لحد ما خلتيها تحبك وتصاحبك وكنتي سبب سعادتنا كلنا انا بحبك اووي
انتي عملتي فيا ايه
وبعدها قال محمد وهو ينظر بحب لليلي:حبيتك وكنتي نجمه بعيده في السما حبيتك وعمري متخيلت انك ممكن في يوم تبقي مراتي
بس بسبب شخص لحد دلوقتي انا بشكره بقيتي مراتي وحلالي
فرحان ان ابني اتسمي علي اسم الشخص ده يمكن اقدر اخليه في جدعنته ورجولته
بسببك حياتي بقي ليها طعم تاني بسببك بقي فيه سبب اعيش علشانه
انا بحبك اووي
انتي عملتي فيا ايه
وبعدها واخير نظر العريس لعروسته الجميله بحب وقال:رغم وجعي والمي زمان وقراري اني محبش تاني
بس من اول لحظه شوفتك فيها حسيت باحساس عمري ما حسيته مع حد قبلك
حبيتك بكل حاجه فيكي بعيوبك قبل مميزاتك حسيتك ام عيالي ومراتي الجدعه اللي هتقف في ضهري ديما
حبيتك حب محبتوش لحد قبليكي ولا عمري هحبه لحد بعديكي ابدا
علشان محدش هيقدر يملي قلبي وروحي وعيني غيرك انتي يامراتي ياحلالي ياضي عيوني انا بحبك اووي
انتي عملتي فيا ايه
نظرو الزوجات لأزواجهم بحب ودموعهم جميعا تنزل بسعاده وجرت كل زوجه علي جوزها بدموع وحب وهي ماسكه الميك وبتقول انا معملتش حاجه انا بس عشقتك كما ينبغي
احتضن كل زوج زوجته ورفعها ولف بيها كتير بحب وسعاده وضحك وجري كل طفل علي امه وابيه واحتضنهم فقبلوه وتصورو جميعا كعائله واحده لا يستطيع احد مهما فعل تفريقهم
وانتهي الفرح بالسعاده والحب للجميع ومرت سنين كتير اكيد مكنتش كلها سعيده بس مهما كانت المشكله كانو بيقدرو يعدوها بايمنهم بربنا وبتمسكهم ببعض وبإديهم اللي ديما في ايد بعض
……………………..
واخير جاء ليلة الوفاء بالوعد
زمان كانو مجرد اطفال وعدو وهما ميعرفوش معني الوعد بس رغم انهم كانو اطفال الا انهم وفوا بالوعد ده
فالليله يوم زفاف
سيف وملك
وكريم ولوچين
وتم كتب كتاب
تيم ابن حبيبه وجابر علي اسيل بنت خاله حازم وخالته حور
وياسين ابن يحيي ولمياء علي رودي أخت يوسف
وجابر ابن محمد وليلى على تالين بنت جابر وحبيبه
ومالك ابن يحيي ولمياء على لين بنت مي وشريف
وانس ابن معاذ ودينا علي كارما بنت ساندي ويوسف
وكان الجميع سعيد جدا بهذا الزواج فهم دائما عائله واحده
والان الابطال يحصدو ثمرة تعبهم وتربيتهم
فجميع الابناء تخرجو من اعلي الجامعات واشتغلو وكان الجميع يثني علي تربيتهم واخلاقهم والان يتزوجو من اختاروهم بقلوبهم قبل عيونهم
واثناء الحفل ذهب سيف لامه مي ومسك يديها وطلع علي الاستيدچ ومسك الميك وقال بحب وهو ينظر لها وممسك بيديها:النهارده يوم فرحي والفضل كله في اللي انا وصلتله دلوقتي يرجع ليكي انتي ياامي وعلشان كده انا بغنيلك الاغنيه دي علشان محدش في الدنيا يستاهلها غيرك ياامي
امي اللي حناها مغطيني
وفي حضنها بنسي الالم وبحس بالدفي
بحب امي وبغنلها واشيلها في عيني وادعلها
ده من اول نفس ليا ولا بتبخل بجاميلها
بحب امي وهدلها لاخر نقطه من دمي
انا متسمي علي ابويا ويشرفني انا ابن امي
ومهما عملت مش هقدر
لايمكن ارد افضالها
يارب اديني وارضيني اسيب الدنيا وافضلها
بحب امي
صفق الجميع عندما انتهي سيف من الغناء وقال سيف في الميك:يوم عيد ميلادي اللي بجد هو يوم دخولك في حياتي ياامي
دخلتي ودخلتي معاكي السعاده لاقلبي والحياه لطفولتي
انتي مش بس امي لا انتي صحبتي واختي وحبيبتي انتي كل حاجه في حياتي انتي اللي مقدرش ابدا ازعلك مني انتي اللي عمري مخبيت عليكي حاجه انتي السبب في اللي وصلتله دلوقتي انتي اللي ربتيني وخلتيني بفتخر بتربيتي دي عارفه ليه علشان ربتيني علي اني راجل بجد ربتيني اكون اب واخ وصاحب لكل اللي يقابلني ربتيني اني انسان ليا كرامه من صغري ومقبلش ابدا اي حد يهني زي ماانتي مكنتش بتقبلي ده لينا
احنا بجد من غيرك منقدرش نعيش
مي بدموع وحب:مش مصدقه انك كبرت اوي كده لدرجة اني اسمع منك الكلام ده
مش مصدقه ان ابني اللي كان بيجري ويلعب معايا وبيغير عليا كبر وبقي عريس اد الدنيا
انت عارف انت مش بس ابني لا انت اخويا وصحبي وحبيبي انت واخواتك اغلي حاجه في حياتي كلها
النهارده بس انا اتأكدت اني عملت اللي عليا واديت رسالتي وربتكو صح وهقدر اقف قدام ربنا واقوله انا صونت امنتك يارب ودلوقتي الدور عليكم انتم علشان تربو عيالكم زي متربيتو وتفرحو بيهم زي ماانا فرحانه بيكم كده ياعيال قلبي وفرحة عمري كله
ابتسم سيف بحب واحتضنها وقبل رأسها بحنان وقال:ربنا يديمك في حياتنا ياامي ويخليكي لينا
بجد الام مش اللي بتخلف الام اللي بتحب وبتربي وبتكبر
وانا مليش ام غيرك انتي ياامي يا كل دنيتي
اخدته مي في حضنها وقبلته كتير وهي تبكي بسعاده وقالت:ويديمكم في حياتي يانور عيني ويخليكم ليا
انت ابني واول فرحه في عمري كله
وثم تجمعو جميعا في صوره كبير وكل واحد منهم بيبوس راس امه وماسك ايد ابوه وحاضنها بحب وضحكتهم بتنور وجوههم بسعاده علي انهم اخيرا ادو رسالتهم وربو عيالهم صح وفرحو بيهم كمان
انتهت الروايه
……………………..
دمتم سالمين