عشقتك كما ينبغي

عشقتك كما ينبغي
دعاء
اللهم اﻧﻲ ﺇﺳﺘﻮﺩﻋﻚ ﻗﻠﺒﻲ ﻓﻼ‌ ﺗﺠﻌﻞ ﻓﻴﻪ ﺃﺣﺪﺍً ﻏﻴﺮﻙ ، ﻭ ﺇﺳﺘﻮﺩﻋﻚ ﻻ‌ ﺇﻟﻪ ﺇﻻ‌ ﺍﻟﻠﻪ ﻓﻠﻘﻨﻲ ﺇﻳﺎﻫﺎ ﻋﻨﺪ ﺍﻟﻤﻮﺕ
ﻭﺇﺳﺘﻮﺩﻋﻚ ﻧﻔﺴﻲ ﻓﻼ‌ ﺗﺠﻌﻠﻨﻲ ﺃﺧﻄﻮ ﺧﻄﻮﺓ ﺇﻻ‌ ﻓﻲ ﻣﺮﺿﺎﺗﻚ ، ﻭ أﺳﺘﻮﺩﻋﻚ ﻛﻞ ﺷﺊ ﺭﺯﻗﺘﻨﻲ
ﻭ ﺃﻋﻄﻴﺘﻨﻲ ﻓﺎﺣﻔﻈﻪ ﻟﻲ ﻣﻦ ﺷﺮ ﺧﻠﻘﻚ ﺃﺟﻤﻌﻴﻦ ﻭ اﻏﻔﺮ ﻟﻲ ﻭ ﻟﻮﺍﻟﺪﻱ ﻭ ﻟﻤﻦ ﺃﺣﺒﺒﺖ
ﻭ ﻟﻤﻦ ﺳﻜﻦ ﻗﻠﺒﻲ ﻭ ﻹ‌ﺧﻮﺗﻲ ﻳﺎ ﻣﻦ ﻻ‌ﺗﻀﻴﻊ ﻋﻨﺪﻩ ﺍﻟﻮﺩﺍﺋﻊ
……………………..……………………..……………………..…
الحلقه الخامسه
وخرجوا ليهم وهما مقررين انهم اخوات وعندما خرجوا انفاجأت ليلي بوجود محمد واهله فدعت ربنا يعديها علي خيرعبد الرحيم العمري:مين قالك تجيلي وتجيب اهلك وانت عارف اني هرفض بس كويس انك جيت علشان تشوف ليلي وهي بتتخطب لغيرك

جابر:انا اللي قولتله يجي ياعمي وهو جه علشان تبقي ليلي مراته مش علشان يشوفها مع حد غيره

عبد الرحيم:اانت هتتحكم في جواز بنتي وتحدد تتجوز مين ليه هو انا مش مالي عينك

جابر:العفو ياعمو هي بنتك وانت حر بس انت اب واكيد كل اللي يهمك سعادتها وسعادتها مش هتكون معايا علشان انا مش بحب بنتك وهي مش بتحبني وبتحب محمد وسعادتها هتبقي معاه وهو اللي هيصونها ويقدرها لاكن انا هي بالنسبالي اختي اللي هقف له لو زعلها

عبد الرحيم العمري:لو سعادة بنتي معاه يبقي موافق لاني كنت رافض علشان كنت فاكر ان السعاده بالفلوس بس بالموقف اللي انت عملته ده اكدت ليا ان الفلوس مش كل حاجه وطالما سعادة بنتي معاه يبقي انا موافق

جابر:عمر السعاده ما كانت بالفلوس وعلي العموم الف مليون مبروك وربنا يتمم لكم علي خير ويسعدكم

محمد:ربنا يخليك ياعمي ووعد مني هشيل ليلي في عنيا وهصونها وعمري ما هزعلها
والله يبارك فيك يادكتور جابر وبجد شكرا علي كل اللي عملتوا معانا

جابر:العفو علي ايه يلا استأذن انا والمأذون زمانه جي ولما تحددوا الفرح متنسوش تعزموني بقي

ليلي:لا

الكل بصلها باستفهام عن سبب رفضها
كملت ليلي:انت يا جابر مش هتمشي انت كنت السبب اني اتجمع مع حبيبي واتجوزه فكنت سبب سعادتي وعملت اللي ابويا ماعملوش علشاني فاانا عايزاك وكيلي

جابر:ماشي انا موافق اني افضل لغاية كتب الكتاب ما يخلص لاكن مش موافق علي حكاية ابقي وكيلك دي ربنا يخليلك باباكي وهو موجود يبقي هو وكيلك مش انا بس ممكن انا ابقي شاهد

ليلي:لا انت اللي هتبقي وكيلي وانت اخويا وسندي اللي هيقف في ضهري وياخدلي حقي من محمد لو غلط فيا صح

جابر:طبعا ومن غير تفكير ده انتي اختي الصغيره بس

ليلي:مبسش وانا مصره علي قراري

عبد الرحيم:وانا كمان موافق لانك انت اللي فكرت بسعدتها اكتر مني وكنت سبب ساعدتها فعلا وانا هبقي شاهد

وبعد اصرارهم جميعا حتي محمد الذي كان يموت من الغيره ولكنه كان موافق علي قرار ليلي

اما اهل جابر فهم التزموا الصمت حتي بعد كتب اكتاب ليلي اكتفوا فقط بالمباركه البسيطه بابتسامه مصطنعه وذهبوا جميعا
……………………..……………………..………..
في فيلا حسين المنياوي

عندما وصلوا الي الفيلا توقعوا العاصفه الذي سيقيمها حسين ولاكنه كان هادئ ولاكن هدوء ما يسبق العاصفه

حسين:ايه اللي انت عملته ده

جابر:عملت ايه جوزت اتنين بيحبوا بعض

حسين:ليه هو انت غيرت مهنتك من دكتور لمصلح اجتماعي ولا خاطبه

جابر ببرود:اعتبرها زي ماتعتبرها بس مفيهاش حاجه لما اوفق راسين في الحلال واجمع ما بين قلبين

حسين بسخريه:ياحنين
انا بقي كل الكلام ده ميهمنيش في حاجه
انا اللي يهمني الفلوس والنسب اللي ضيعتهم عليا
بس اعرف انك اتخطيت كل الحدود وكسرت كلمتي يعني بقيت عدوي وانا اللي يعديني يستحمل ويقول علي نفسه يارحمن يارحيم
وضربه بالقلم وقال :ودي حاجه صغيره من اللي هعمله فيك يا ابن منال

جابر وهو مصدوم:طول عمرك كده ميهمكش غير الفلوس وبس لاكن سعادتنا احنا وراحتنا ولا تهمك في حاجه
بجد بتمني انك متكنش ابونا اصل استحاله يبقي فيه اب اناني وقاسي كده بس انا بقي مبقتش صغير علشان تمد ايدك عليا زي زمان
ومش هسمحلك اصلا انك تعملها تاني

وجيه يمشي لاحظ شكل باقي العيله فكان كلهم يبكون ما عدا شريف وكانت امه تبكي وفي عينيها الم وظلم ونظره لم يفهم معناها وكان شريف ينظر له بالم وحزن

وصعد جابر الي غرفته وصعد ورائه سيف وهو يبكي وكان يسرع ليحصل عمه وصعدوا جميعا الي غرفهم وهم حزنين جدا
………………
في غرفة جابر

عندما دخل غرفته جلس علي سريره وسمع صوت الباب وهو يفتح ويدخل منه سيف وهو يبكي علي عمه الذي يعشقه وذهب الي عمه واحتضنه وقال له في براءه ودموع وهو يطبطب علي مكان الصفعه:بتوجعك معلشي مش تزعل انا مش بحب جدو علشان زعلك

احتضنه جابر وهو يضحك علي براءة هذا الصغير وقال:خلاص مش حبيب عمه جه وحضني وطبطب علي خدي يبقي انا مش زعلان بس مينفعش متحبش جدو مش بابا شريف بيزعقلك بس انت بتحبه

سيف:اه بحبه اوووي

جابر بكذب:طيب يبقي انا زيك كده

سيف:خلاص مش هزعل من جدو بس هقوله مايزعقش لك تاني وكمان انا كل ماجي جنبه يزعقلي ويضربني علشان كده انا مش بحبه وبخاف منه

جابر بحزن علي ابن اخوه اللي مش لاقي حد يفهمه ويقرب منه :ياقلبي انت طيب ايه رايك تنام في حضني انهارده وهحكيلك حدوته كمان

سيف بفرحه:هيه هيه بجد ياعمو

جابر بحب :بجد ياروح قلب عمو

حكي جابر لسيف حدوته حتي نام في حضن عمه الذي يحاول ان يعوضه قليل من قسوة والده واخوه علي ذلك الطفل البرئ الذي ليس له ذنب في شئ
……………………..……………………..……………………..…
وبعد مرور اسبوع
لم يتغير شئ في حياة حبيبه ولاكن كانت كثيرا تفكر في جابر ولكنها ترجع وتأنب نفسها فهي لا تعرفه حتي تفكر فيه
اما جابر وحسين فهم لا يتكلمون نهائيا ولا يجلسون في غرفة طعام واحد
……………………..……………………..……………………..…
في مكان اول مره نروح له وهو المخابرات
في مكتب اللواء حسن عبد الجواد كان يجلس شريف المنياوي معه

شريف:تمام يافندم انا هروح له واتكلم معاه وده بجانب اني كان نفسي اتعرف علي مثلي الاعلي واللي حببني في كلية الشرطه رغم اني متشرفتش بمقبلته قبل كده

اللواء حسن:فعلا هو كان مثل اعلي لينا كلنا
تمام ياشريف ربنا معانا ان شاء الله ومتنساش تكلم اخوك

شريف:حاضر يافندم
وجلسوا يفكروا ويرتبوا ما سيفعلاه في الايام القادمه
……………………..……………………..……………………..…
في منزل اللواء احمد الدمرداش

يرن جرس المنزل فتسرع الخادمه لتفتح الباب وتدعي ام مبروك
فتجد امامها شاب له هيبه وجاذبيه خاصه

فتقول له:خير مين حضرتك وعايز مين

الشاب:انا الرائد شريف حسين المنياوي وكنت عاوز اقابل اللواء احمد الدمرداش

ام مبروك:اهلا وسهلا طيب اتفضل وانا هروح اديله خبر

شريف:تمام انا منتظره

وجلس شريف ينتظر الي ان رأي رجل قعيد يزق كرسيه ليأتي له وبجانبه الخادمه ولكنه رغم سنه ومرضه الا انه له هيبه وقوه تجعل من يراه يحبه ويخاف منه ويحترمه في نفس الوقت

اللواء احمد الدمرداش:اهلا وسهلا يابني نورت

شريف:شكرا البيت منور بصحابه يا سيادة اللواء

اللواء احمد:تحب تشرب ايه

شريف:ممكن قهوه سكر زياده

احمد:تمام يبقي اعمليلنا اتنين قهوه سكر زياده ياام مبروك

ام مبروك:من عنيا حاضر

اللواء احمد:اتفضل اقعد خير

شريف:بشتغل في مهمه تهم حضرتك جدا

اللواء احمد:مهمة ايه وهتهمني في ايه انا طلعت من الخدمه بقالي 4 سنين

شريف:عارف يافندم بس المهمه هي القبض علي فارس الحناوي وتهم حضرتك في ايه فهي اكيد تهمك لانه هو اللي ضرب الرصاصه في رجلك وخلاك تطلع من الخدمه

احمد:تمام وانا اقدر اساعدك في ايه

شريف:انا عارف ان حضرتك عايز تنتقم منه واحنا حطين خطه للقبض عليه وللاسف الخطه مش نافعه لان لازم اللي ينفذوا الخطه ولد وبنت ويكونوا مش بيشتغلوا في اي حاجه ليها علاقه بشغلنا
وانا عندي الشاب فجيت لحضرتك علشان انت اللي هتساعدني القي البنت بالمواصفات اللي عايزها

احمد:ومين هو الشاب

شريف:اخويا وبيشتغل دكتور وعلفكره انا لسه مقلتلوش

حبيبه:اسفه علي المقاطعه بس انا كنت طلعه اوضتي وسمعتكوا بالصدفه وانا اللي هقوم بالمهمه دي وهنتقم منه واجبلك حقك يا بابا وحق كل الناس منه

انتهت الحلقه