عشقتك كما ينبغي

عشقتك كما ينبغي
الحلقه التالتهحبيبه:ايه ده هو في غباء كده ايه مبتشوفش طب لو انت مبتشوفش خلي حد يسندك مش تمشي تخبط في الناس كده

الرجل:ايه مسوره واتفتحت ده انتي مش عطياني فرصه اتاسفلك اني كنت سرحان بس تصدقي خساره فيكي كلمه اسف حتي

حبيبه:وانا هستفاد ايه بقي من اسفك وذنب الناس اللي ماشيه في الشارع ايه علشان كل شويه تخبط في حد وتقوله معلشي سرحان لا عندك بيت ابقي اروح اسرح فيه برحتك وبعدين اشكالكوا مينفعش معاها غير كده وانت انسان غبي هو في حد يقول لبنت كده برضوا

الرجل:بس فيه ايه هو انا ضربتك بالنار مكنتش خبطه دي وكنت هعتذر وخلاص وبعدين انا مش شايف اي بنات الصراحه انا شايف عم عبده

حبيبه:لا ولا انت ولا عشره زيك يا بابا يقدروا يضربوني بالنار وبعدين انت اللي اعمي بقي فمش ذنبي انك مبتشوفش اقولك ابقي البس نضاره يمكن تشوف

الرجل:خلاص ده انتي فظيعه يخربيتك قولنا معلشي ايه مبتصدقي تفتحي المسوره كفايه بقي اقفليها وبعدين ده انتي محدش يقدر يغلبك في الكلام خالص

حبيبه:خلاص هتزفت واقفلها مع انك تستاهل اكتر من كده بس يلا
وبعدين متقلقش فيه بيغلبني رغم انها كائن صغير كده بس بتغلبني

الرجل:بنتك

حبيبه:لا بنت اخويا

الرجل:اوك اتشرفت بمعرفتك انا اسمي جابر
ومش عايزك تزعلي بس فعلا كنت سرحان ومخدتش بالي

حبيبه:اهلا بيك وانا اسمي حبيبه
ومحصلش حاجه
وانا اللي المفروض اقولك متزعلش لاني مبعرفش اتحكم في لساني وعلطول برمي دبش كده

وسمعت حبيبه صوت الطفل بيعيط والمشرفه بتضربه

حبيبه:احيه ده انا نسيت اوعي كده وراحت زقته وجريه

جابر بعد ما مشيت:والمصحف مجنونه

وعندما راها تجري الي الطفل الذي ينضرب وقف ينظر اليها ويتابع ما يحصل

حبيبه:ايه بس انتي بتعملي ايه ده انتي لو بتنفضي سجاده مش هتعملي كده

المشرفه:ماهو اللي غلط يا اوستاذه حبيبه

حبيبه:وهو علشان غلط تعملي كده فيه وتضربيه بالقسوه دي حرام عليكي ده طفل وهتاخدي ذنبه وبعدين انتي معندكيش عيال ده حتي لو معندكيش مفروض تبقي احن من اي واحده مش تبقي بالقسوه دي

نزلت حبيبه الي مستوي الطفل ومسحت دموعه وحضنته جامد وساعتها انفجر الطفل في العياط الذي كان يحاول ان يكتم صوته حتي لا ينضرب اكتر من المشرفه القاسيه

وحبيبه تحضنه اكتر وتمسح بيديها علي ظهره وبعد مده هدأ الطفل وبعد عن حبيبه ونظر اليها في حزن والم وقال:اسف ياطنط اني عيط

حبيبه:متعتذرش ياقلب طنط وبعدين انت تعيط برحتك بس خساره العيون الجميله دي تعيط وبعدين بلاش طنط دي بص انا اسمي حبيبه ايه رايك تناديني بيبو

ابتسم الطفل وقال :اتفقنا يابيبو

حبيبه:ياقلب بيبو قولي بقي طنط كانت بتضربك ليه

الطفل:اصل عمو اللي هناك (وشاور علي جابر)عطاني لعبه وانا لسه ملعبتش بيها ولما قلت لطنط كده بعد ماخدة مني اللعبه راحت رده عليا وقالتلي طيب طالما انت بترد عليا يبقي انت محروم من الاكل كمان علشان لما اقول حاجه تقول حاضر من غير ماتنقشني ولما قولتلها بس انا جعان راحت قالتلي انت بترد عليا تاني وبتناقشني طيب وضربتني جامد

حبيبه نظرت الي المشرفه بغضب ونظره ارعبتها وقالت الي الطفل:انت اسمك ايه

الطفل:اسمي انس

حبيبه:طيب ياحبيبي روح انت دلوقتي وخد اللعبه اهي اللعب بيها وبعد ماتخلص اديها للمشرفه تشلهالك ولما تعوزها قولها وهي هتجبهالك وهتاكل عادي ياقلبي

انس:حاضر يابيبو بس انتي هتيجي تاني صح

حبيبه:طبعا ياقلبي هاجي والعب معاك كمان

انس:هيييييييييييه انا بحبك اوي وهستناكي تيجي تلعبي معايا اوعي متجيش

حبيبه:وانا بموت فيك بس ليه بتقول كده انا ان شاء الله هاجي دايما والعب معاكوا

انس بحزن:علشان كل ما حد يجي واحبه ويوعدني انه هيجي تاني وافضل مستنيه ومش بيجي وبينساني

حبيبه بحزن:لا ياحبيبي انا مش هسيبك وهجيلك دايما ونقعد نلعب مع بعض

انس: بجد هيييييه انا مبسوط اووي

حبيبه:يارب دايما ياحبيبي مبسوط يلا بقي دلوقتي روح العب باللعبه بس هات بوسه الاول

انس:حاضر اموووووه باي يابيبو

حبيبه:باي ياقلب بيبو

وجري انس وهو سعيد ليلعب باللعبه

قالت حبيبه للمشرفه:حسابك مع ماما مش معايا

وذهبت حبيبه الي الام وحكت لها ما حصل وخرجت الام وهي غاضبه وهزقت المشرفه علي قسوتها مع الاطفال واخذت اجراء قنوني ليتم التحقيق مع هذه المشرفه ورفدها

واستاذنتها حبيبه علشان تروح وروحت

اما بقي عند جابر فهو كان مازال واقف يتابع ما يحصل وهو مستغرب من اغرب بنت قابلها فهي كانت عصبيه ولسانها طويل وبعدين اتحولت وبقي دمها خفيف وطرقتها حلوه وبعدها اتحولت تاني وبقت حنونه جدا

فقال:مجنونه بس قمر بعيونها اللي تسحر اي حد يبص فيهم ولا حجابها اللي زايدها جمال احيه دي جننتني ده انا بقيت بكلم نفسي وراح ضاحك ومشي
……………………..……………………..……………………..……………
نروح بقي عند مي الذي كانت تنتظر والد سيف الذي انشغل بالها بيه لسبب لا تعرفه فيجب ان تكون غاضبه منه ولاكنها علي العكس تماما فهذا الطفل دخل قلبها بكل سهوله وسرعه

سمعت طرق علي الباب

فقالت:اتفضل

دخل والد سيف وقال:انا شريف المنياوي والد سيف حضرتك استاذه مي اللي طلبت مني اجي المدرسه

مي: ايوه انا اتفضل اقعد علشان نعرف نتكلم

شريف بعد ما جلس قال:تمام اتفضلي خير

مي:انهارده الصبح حصل(وحكت له ما حصل)

شريف:ها وبعدين

مي:هو ايه اللي وبعدين وكل اللي قلته ده مأثرش فيك

شريف: اه مأثرش وبعدين عايزاني اعمل ايه يعني وبصي بعد كده ماتكلمنيش في حاجه عنه كلمي اي حد غيري

مي: ما انا لو معايا رقم والدته كنت كلمتها هي بس وبعدين مش انت والده بردوا ولا ايه وانا بقولك ابنك ضرب طفل الصبح ورد عليا بطريقه مش حلوه

شريف: اولا مامته اتوفت وهي بتولده وبعدين هو غلط طيب ماتعقبيه ولا تضربيه ولا تزعقيله مش انتي مدرسه بردوا

مي:الله يرحمها وهو علشان انا مدرسه اصحح غلط بغلط اكبر منه انا بعته لحضرتك علشان اعرف الطفل بيتعامل ازاي وكمان المشكله مش صغيره ابنك دايما بيفضل العنف واجي انا اضربه طيب ماهو هيعرف ان الضرب والعنف سلوك مقبول اننا نعمله وكمان عمر الضرب ولا الزعيق ولا الاهانه ما كانوا تربيه ابدا وبعدين انه يفضل العنف ده معناه انه بيتعامل بعنف وابنك مش محتاج عنف هو بس محتاج حب وحنان واهتمام

شريف: هو انتي جيه تعلميني اتعامل مع ابني ازاي انا حر في معاملتي معاه

مي:اولا بقي اه جيه اعلمك تتعامل مع ابنك ازاي لاني قبل ماكون مدرسه انا مدربه تربويه فاعلمك انت وعشره زيك

شريف: مدربه علي نفسك مش عليا

مي:لا بقي مدربه علي اي حد

شريف: مش عليا وبعدين انتي عايزه ايه يعني دلوقتي

مي: اولا ندور علي حل علشان المشكله ماتكبرش عند سيف ونتفق علي طريقه في التربيه بحيث احنا في المدرسه نعملها معاه وحضرتكوا في البيت تعملوها معاه علشان الطفل مايتلغبتش وميبقاش عارف مين فينا الصح ومين الغلط

شريف:اه بقلك ايه انا مش فاضي للهبل ده انا عندي حاجات اهم وبعد كده اي زفت حاجه تخصه ابقي كلمي اي حد غيري

مي:هبل بقي شخصية ابنك ومستقبله تصدق انك معندكش دم ولا احساس

شريف:احترمي نفسك وانتي بتتكلمي معايا واتفضلي نديهولي

مي:اولا انا اتكلم زي مانا عايزه

شريف: تتكلمي زي مانتي عايزه مع اي حد تاني غيري

مي: لا معاك ومع الاتخن منك كمان يامغرور

شريف: انا مغرور يارخمه

مي:انا رخمه ياتنح

شريف:بت اتلمي

مي:بت اما تبتك وانا متلميه غصبن عنك هو انت شايفني متبعتره

شريف:اخرسي بقي وناديلي سيف

مي:خرسه اما تخرسك

وطلبت مي الطفل وذهب اليها
وعندما رأي والده خاف بشده

شريف:اتفضل ياسي سيف ادخل دايما جايب لينا المشاكل وتاعبنا

نظر سيف الي والده ثم الي مي بحزن شريد ونزل راسه وقال وهو يحاول منع دموعه من النزول:اسف يا بابي

شريف:واسف دي هتعملي ايه بقي كفايه بسببك سبت شغلي وجيت اشوف قلة ادب حضرتك

مي:اما انت راجل عديم الاحساس صحيح انت كل اللي همك الشغل ومش همك رعب ابنك منك ودموعه اللي نزله بسببك وبعدين مايتحرق الشغل فكر الاول في ابنك وبعدين ابقي فكر في الشغل

شريف:احترمي نفسك انتي مش عارفه بتتكلمي مع مين وبعدين انا حر اعامل ابني واربيه براحتي ملكيش دعوه

مي:انا محترمه غصبن عنك وعن اللي يتشددلك واه عارفه بتكلم مع مين بتكلم مع اب قاسي ميهموش حاجه غير شغله لاكن ابنه ماله وفيه ايه لا دي حاجه متهموش وبعدين انت بتسمي اللي بتعمله تربيه ابدا انت مبتعملش حاجه غير انك بتعقده وبتقلل ثقته بنفسه وبترعبه من حضرتك بس لاكن عمر ما كان اللي انت بتعمله دي التربيه لان التربيه اللي بجد ان الطفل يحترمك علشان بيحبك وعلشان مقتنع مش علشان مرعوب منك وعلفكره انت باللي بتعمله ده انت بدمر ابنك

شريف:انتي متعرفيش حاجه وطالما متعرفيش يبقي متتكلميش واه ملكيش دعوه علشان هي دي تربيتي وده ابني واعمل فيه اللي انا عايزه

مي:اي كان اللي معرفوش ومش عايزه اعرفه بس الطفل ده ملوش ذنب وفعلا انا مليش دعوه بس هقولك فوق قبل فوات الاوان علشان هو دلوقتي طفل لاكن لما يكبر لو فضلت كده صدقني انت اللي هتندم بس هيكون فات وقت الندم خلاص لما تتمني انك تقعد تكلم معاه شويه ومتلقهوش ولما تطلب حبه واهتمامه وبرفض يدهملك لانه مشفهمش منك

شريف:ملكيش دعوه انا عايز اندم وانت ياسي سيف عجبك اللي بيحصل ده جيبلنا الكلام دايما

لم يستطيع سيف منع دموعه من النزول اكتر من ذلك وانهمرت الدموع علي ذلك الوجه البرئ ولاكنه يبكي بدون صوت خوفا من غضب والده

ولاكن اما غضب شريف وبكاء سيف الذي استفز شريف ولاحساسه بالالم والذنب الذي يخفيه ببراعه

قال شريف له بتحذير:لو مبطلتش عياط انت حر في اللي هعمله فيك

لم يقدر سيف علي منع دموعه من النزول فرفع شريف ونزل بها علي خد سيف وقال:كده طيب القلم ده علشان تتعلم لما اقول حاجه تتنفذ واتفضل بقي قدامي علي العربيه

وقبل ان يذهب سيف نظر الي مي بحزن الذي كانت تنظر اليه بحزن والم علي ذلك الطفل الذي لا ذنب له الا انه ولد ليجد اب قاسي يعاقبه علي ماضي ليس له ذنب فيه

وذهب شريف وطفله وراه

انتهت الحلقه