عشقتك كما ينبغي
الدعاء
اللهم زدني قرباً إليك..اللهم زدني قرباً إليك….اللهم اجعلني من الصابرين..اللهم اجعلني من الشاكرين..اللهم قوي إيماني وارحمني يا أرحم الراحمين..اللهم أرني الحق حقاً وارزقني اتباعه..وأرني الباطل باطلاً وارزقني اجتنابه..اللهم أبعد عني رفقاء السوء..اللهم جنبني الفواحش والمعاصي..اللهم اغفر لي ذنبي وطهر قلبي…وارحمنا برحمتك يا رب العالمين.
……………………..
الحلقه الثانيه والثلاثون:
في شقة جابر اول ما دخلو
اخذت حبيبه طفلها النائم من والده وذهبت به لغرفة الاطفال واغلقت الباب فحاول جابر الدخول لها ولكنه لم يستطيع فقال:افتحي ياحبيبه طيب نتفاهم حتي
حبيبه:وطي صوتك علشان ابنك نايم ويلا تصبح علي خير
جابر:ماشي صبرك عليا بكره يابنت عم احمد
وانتي في حضني
ونامت حبيبه وهي مطمئنه فمجرد نوم جابر في نفس الشقه يجعلها تشعر بالامان
وكان هذا هو حال جابر ايضا فوجود حبيبه وتيم في نفس الشقه يجعله مطمئن لانهم بجانبه
……………………..
في الصباح الباكر
استيقظت حبيبه ولم تجد طفلها بجانبها فخرجت ورأته يلعب مع والده بسعاده حقيقيه وابتسامه لم تراها علي وجهه من قبل فقالت لهم:صباح الخير
جابر وتيم:صباح النور
وجري تيم عليها فرفعته وقبلته فقال لها:سوفتي يا مامي بابي لعب معايا كتيل اووي وعلمني لعب جميله وعلمني العب كوله
قبلته حبيبه تاني وقالت:حبيب مامي المهم انك انبسط
قولي فطرت ولا لسه
تيم:لا مس فطلت بابي قال نثتناكي لحد متثحي
حبيبه:طيب ياروحي تعالي معايا نحضر الفطار
تيم:ماثي يلا بينا يا مامي
وذهبو للمطبخ واحضرو الفطور ولم تعطي حبيبه اهتمام لجابر وهذا نرفزه جدا
وبعد دقائق جلسو علي مائده الطعام وتناولو طعامهم في صمت لم يقطعه سوا حديث تيم الفرح بسبب وجوده مع ابيه وامه وكانو الاثنين فرحين كثيرا لفرحته اما حبيبه فقد ندمت انها بعدت طفلها عن والده فمهما فعل سيظل ابيه وقالت في نفسها انا غلطت اوووي وكنت كسره فرحت ابني علشان كنت عاوزه اعاقب جوزي عاقبت ابني كمان مع انه ملوش اي ذنب ياارب سامحني بغبائي حرمت طفل من ابوه واب من ابنه
……………………..
اما في شقة ساندي ويوسف
في الصباح
بعد ما صحيو وفطروا
كان يجلس يوسف مع طفله كريم ويلعب معه وساندي كانت في المطبخ تغسل المواعين
سمعو صوت الباب
فجري كريم ليفتح الباب واحضر كرسيه الخاص ووضعه ووقف عليه وفتح الباب ثم نزل من عليه وبعده ونظر للطارق وجد رجل كبير في السن ومعه طفله صغيره في الثالثه من عمرها فقال كريم:خيل ياعمو حضلتك عاوز مين
الرجل:عاوز باشمهدس يوسف
كريم:عاوز بابي يعني
الرجل:اه
كريم:ماثي ثانيه هندهو
وجري علي والده وهو يقول بابي بابي
يوسف:ايه ياحبيبي
مين اللي كان علي الباب
كريم:مث عالف يا بابي بث هو لاجل كبيل وبنوته جميله صغنونه والاجل عاوزك
يوسف:ماشي ياكيمو انا هروح اشوفه ادخل انت العب في اوضتك ياحبيبي
كريم:حاضل يا بابي
جري كريم علي غرفته وذهب يوسف ليري من هذا الرجل
فوجده رجل لا يعرفه فقال:مين حضرتك
الرجل:اسمي محمد المنشاوي
وجي ليك بخصوص والدتك
يوسف بغضب:انا معنديش ام انا امي ماتت من ايام مكان عندي 10 سنين
محمد:هي فعلا ماتت
يوسف بصدمه:انت بتقول ايه
محمد:ممكن نقعد وهفهمك واحكيلك كل حاجه
يوسف:تمام اتفضل
قال محمد بعد ما قعدو:بعد ما والدتك سابتك واتجوزت وسافرت باريس ربنا عاقبها اشد العقاب بان الراجل اللي اتجوزته كان مريض نفسي وقاسي وكان بيضربها وبيعزبها وبعد 10سنين وهي عايشه في العذاب ده جالها الكانسر ولما عرف قالها انه مش ناقص قرف ومرض وطلقها وبعدا مااطلقها رماها في الشارع من غير فلوس وبالصدفه كنت في باريس عندي شغل وكنت هخبطها بالعربيه بس ربنا ستر لاكن اغمي عليها اخدتها وودتها المستشفي والدكتور قال ان جالها انهيار عصبي ومع الكانسر دخلت في غيبوبه ومفاقتش الا بعد 6 شهور ساعتها سألتها عن اهلها وقالتلي انها ملهاش اهل وطلبت مني القيلها شغلانه فعرضت عليها تسافر معايا امريكا واشغلها في شركتي ووافقت فعلا واخدتها وسافرنا علي امريكا واشتغلت معايا وبعد حوالي 4 سنين ونص اتقربنا من بعض فيهم وبقينا اصحاب وخلتها تثق فيا وحكتلي كل حاجه ساعتها نظرتي ليها كانت احتقار وقولتلها ان ربنا هيخليها تندم اشد الندم ساعتها هي عيطت وقالتلي انا مش لسه هندم انا ندمانه جدا والله وبطلب من ربنا يسامحني ويخلي ابني كمان يسامحني قولتلها طالما ندمتي يبقي ارجعي اسكندريه واطلبي منه يسامحك ضحكت بألم وقالتلي عمره ما هيسامحني انت عارف انا فاكره اليوم ده كويس جدا كنت قاعده في اوضي وبحضر هدومي علشان اسافر لقيته داخل عليه وحضني بدموع وقالي علشان خاطري ياماما خليكي معايا متسبنيش بالله عليكي وانا والله مش هتشاقي تاني وهسمع كلامك ديما بس متسبنيش ساعتها انا بعدته عن حضني بقسوه وزعقتله وقولتله بطل شغل عيال بقي انا مش هينفع اعيش هنا وادفن نفسي في الارف ده علشان حضرتك ساعتها هو قالي برجاء طيب خوديني معاكي ياماما رحت قيلاله بقسوه ليه هو انا ناقصه ارف انت هتعيش هنا مع جدتك وانسي خالص ان ليك ام ساعتها هو قالي تمام امشي وسافري وانا متأكد انك هتندمي علشان سبتيني بس ساعتها مترجعيش احسن علشان عمري ما هسمحك عرفت بقي اني مستهلش حتي اكون ام اني كسرت قلب ابني وخليته يكبر قبل اوانه اني دمرت نفسي ودمرت حياتي وابني بسبب طمعي في الفلوس
ساعتها قعدت اهديها وبعدها بكذا يوم كنت بفكر فيهم لقيت انها ندمت فعلا فقررت اطلب طلبي وكان اني عاوز اتجوزها لاني محتاجلها زي مهي محتاجاني انا مراتي وعيالي ماتو في حادثه وعايش لوحدي المهم اترددت وبعدها وافقت واتجوزنا وعشنا مع بعض 6 سنين وكنا ماشين علي العلاج وعملت عمليه كمان واستأصلت الورم ولاكن قلبها بقي ضعيف وتعبان وعرفنا انها حامل ساعتها الدكتوره حزرتها ان حملها خطر علي حياتها فحاولت اقنعها انها تنزله رفضت واصرت علي الاحتفاظ بيه وللاسف ماتت وهي بتولد رودينا ولقيتها سيبالي جواب بتوصيني بيه علي رودينا وبتطلب مني اني انزل اسكندريه وادور عليك واطلب منك انك تسامحها بس للاسف مكنش عندي الجراءه اني اجيلك واحكيلك كل ده
يوسف بسخريه:وايه اللي اتغير بقي علشان تيجي
محمد:جالي كانسر وفي حالته الاخيره وكلها ايام وهقابل رب كريم ولازم اتحجز في المستشفي علشان كده انا جيتلك وحكيتلك كل ده علشان تعرف ان ربنا خادلك حقك منها يعني ياريت ده يشفعلك ويخليك تسامحها وكمان علشان اسيب اختك عندك تربيها انا متأكد انك مش هتقبلها في الاول بس بعد كده هتقبلها وهتحبها وهتكون اكتر واحد بيخاف عليها كمان وهتبقي اب ليها
يوسف:تمام بص بقي انا سمعتك للاخر وردي عليك اولا انا مش مسامح الست دي وثانيا بقي انا معنديش اخوات واتفضل خد بنتك واطلع بره
محمد:مسيرك مع الوقت تسامحها اما بالنسبه لبنتي فهي اختك ومش هتقدر تغير الحقيقه وانا كده كده طالع بس مش هاخد بنتي معايا علشان انا هسيبها مع اخوها اللي هيخاف عليها
يوسف بزعيق:انت مبتفهمش
قاطعته ساندي عندما قالت:اهدي ياحبيبي
هي ملهاش ذنب دي طفله بريئه وبعدين مش هتقدر تغير حقيقة انها اختك وملهاش غيرك
صمت يوسف لانه يعرف ان زوجته علي حق
فقالت ساندي:متقلقش يااستاذ محمد رودي اخت جوزي وفي عنينا وربنا يشفيك
محمد:انا مش قلقان عليها هي مع اخوها ومراته وانا مطمن عليها معاكم ومتأكد ان يوسف هيحبها ويقبلها بعدين عن اذنك
ساندي:اتفضل
محمد:رودي حبيبة بابي انا ماشي بقي
رودي بخوف:لا يا بابي مث تثبني علثان خاطلي
محمد:حبيبه بابي متخافيش انتي هتبقي مع اخوكي ومراته
رودي:لا يا بابي خودني معاك
محمد:مش هينفع ياقلب بابي
ذهبت لها ساندي ونزلت لمستواها وقالت:مش عاوزه تقعدي معانا ليه يارودي
رودي بحزن:علثان انتو مث بتحبوني
ساندي بحنان:مين قال كده بس كلنا بنحبك جدا علفكره
وبعدين خليكي معانا علشان اعرفك علي كريم ابني وتلعبي معاه
رودي بسعاده:بجد ياانطي
ساندي:بجد ياقلب انطي
محمد:خلاص بقي يارودي هروح انا
جريت رودي عليه واحتضنته وقبلته وقالت:ماثي يا بابي ثلام
قبلها محمد وقال:سلام ياحبيبة بابي
وطول هذه الفتره كان يوسف صامت فهو لا يعرف ان كان تصرف ساندي صحيحا ام لا ولكنه بعد ما غادر محمد قال بزعيق:
……………………..
عند شريف ومي:
كانت مي تحضر الفطار وكان شريف يشاهد التلفاز والاطفال يلعبون وعندما كانو يلعبون اتخانقو فجرت مي عليهم ونزلت لمستواهم وقالت بهدوء:اتخانقتو ليه
تكلم الطفلين في نفس الوقت
فقاطعتهم مي وقالت:واحد واحد يتكلم
ابدئي انتي الاول يالوجي ايه اللي حصل
لوجي بدموع:يا مامي مث لعبنا متقثمه تلاته لعب تاعتي ولعب لثيف ولعب مثتركه بنا ثح
مي:صح
لوجي:تيب احنا دوقتي كنا بنلعب بلعبه مثتركه بنا فثيف اخدها ومكنث لاضي يلعبني بيها فلوحت انا زعقت له وضلبته فلاح هو زقني وضلبني كامد
نظرت مي لسيف وقالت:ده حصل فعلا ياسيف
سيف:ايوه يا ماما
مي:طيب وهو ده ينفع برضو ياقلبي
سيف:ما هي اللي بدأت يا ماما مش انا
مي:حبيبي انتو الاتنين غلطانين
انتي غلطانه يالوجي علشان زعقتي لاخوكي وضربتيه حتي لو مكنش راضي يديكي اللعبه تيجي تقوليلي وانا اتصرف واحط وقت لكل واحد فيكو في اللعبه دي لاكن مش تضربيه ده اخوكي حبيبك
وانت كمان ياسيف غلطان علشان ضربت اختك حتي لو هي اللي بدأت بضربك برضو مكنتش تضربها ياحبيبي كنت تيجي وتقولي ونقعد مع بعض ونحل المشكله دي وهي تتعاقب انها ضربتك لاكن متضربهاش ده انت اخوها يعني سندها صح
نظروا الاتنين للأرض وقالوا:صح ياماما /ثح يامامي
مي:وبعدين هو انا عمري مديت ايدي عليكو او زعقت لكم
حركو الطفلين رأسهم بلا
فقالت مي:علشان الضرب والزعيق غلط ياقلبي فيه ظروف معينه بس اللي تضرو انكم تضربو لما يكون للدافع عن النفس وبعد كذا محاوله بتعملوها ايه هي المحاولات بقي ياسيف وامتي ممكن نستخدم ايدينا ونضرب
سيف بخجل فهو يعلم انه اخطأ:نضرب لما حد يجي يضربنا ومش نضرب علطول كمان
الاول نروح نقول لحد كبير لو مش جبلنا حقنا وجه الطفل ده ضربنا تاني ساعتها بقي نمنعه ونفهمه اننا نقدر نضربه بس احنا اللي مش عاوزين بس لو جه جمبنا تاني هنضربه ولو جه الطفل لتالت مره وضربنا ساعتها بقي ندافع عن نفسنا ونضربه
مي:يعني انت عارف اهو
امال ايه اللي حصل بقي المرادي
ودي مش اي حد كمان دي اختك بقي ينفع كده بدل ماانت اللي تحافظ عليها وتخلي بالك منها تقوم تضربها
سيف بدموع:مش عارف ياماما ايه اللي حصل بس معرفتش امسك اعصابي ولقيت نفسي بضربها وحتي حاولت اخد نفس او اعد من 1 ل10 بس برضو مقدرتش
انا عارف اني غلطان وانك زعلانه مني
بس علشان خاطري متزعليش مني وانا مش هعمل كده تاني
مي:لا بقي انا زعلانه منك وجدا كمان لاني مكنتش متوقعه ده منك علفكره
سيف حضنها بدموع:لا يا ماما علشان خاطري متزعليش مني
حضنته مي حتي هدا ثم بعدته ومسحت دموعه بحب وقالت:خلاص متعيطش وانا مش زعلانه منك وواثقه ان ابني حبيبي مش هيعمل كده تاني وهيكون ديما سند لاخته
قبلها بحب وقالها:انتي عارفه يا ماما انا بحبك اووي
انتي اعظم ام في الدنيا
احضنته مي وقالت:وانا بموت فيك ياقلبي
ونظرت للوجي وقالتلها:اعتذري لاخوكي علشان انتي غلطي الاول
نظرت لوجي للارض بحزن وقالت:انا اثفه ياثيف
سيف بحب:متعتذريش يالوجي علشان انا كمان غلطان زيك
مي:خلاص كده عرفنا غلطنا ومش هنعمله تاني صح
سيف ولوجي:صح/ثح
مي بحب:طيب هاتو حضن كبير بقي
جري الطفلين عليها بحب وسعاده وقبلوها وقالولها:احنا بنحبك اوووي يا ماما/يا مامي
قبلتهم وقالت بحب:وانا بموت فيكو ياقلبي انتو
وبعدها جلست مع طفليها ولعبت معهم بسعاده وحب كعادتها وكأنها طفله صغيره معهم
وكان شريف يتابع كل شئ وعندما رأي تصرف مي شكر ربه بداخله لانه اعطاه زوجه كهذه وبعد دقائق ذهب لهم ليلعب معاهم ويشاركهم اسعد اللحظات بجانت زوجته واطفاله
وبعد قليل تركو طفليهم ليلعبو سويا وجلسو يتحدثو
فقال شريف:تصرفك انهارده فرحني اووي ياميوشه
علشان اغلب الامهات في الموقف ده بيقومو يضربو الطفلين
شهقت مي بفزع وقالت:انت بتقول ايه انا عمري ما همد ايدي عليهم اصلي مش هدمر عيالي بأيدي يعني
شريف باستفهام:تدمريهم
مي:ايوه ادمرهم ياشريف
الضرب بيدمر الطفل ياحبيبي وبيخلي علاقته بااهله مش كويسه وبيكونو بعاد عن بعض
وبيخلي الطفل يااما ضعيف الشخصيه يااما عنيف وبيضرب اي حد
فالضرب سلوك غلط جدا ومبيعرفش الطفل انه غلط بالعكس ده بيخلي الطفل يستخدم الكذب علشان ميضربش
فااكيد دي مش تربيه دي تدمير للطفل ولشخصيته وبجد كل ام بتضرب اطفالها هتندم جدا لما تشوف نتيجة الضرب ده خصوصا في سن المراهقه
قبلها شريف في جبهتها بحب وقال:ربنا يباركلنا فيكي ياقلبي وميحرمناش منك ابدا يانوارة بيتنا احنا من غيرك بجد منقدرش نعيش حتي شوفتي سيف مبيستحملش زعلك ابدا
مي بحب:ياقلبي ويباركلي فيكو ياارب ويحفظكو ليا من كل شر قادر يا كريم ويقدرني انا وانت ياحبيبي علي تربية عيالنا تربيه صالحه
وبعدين سيف ده روح قلبي من جوه علفكره بقي انا كمان مبقدرش علي زعله
اخدها شريف بحضنه وقال بمرح:ياسيدي يا سيدي
يابختك يا سي سيف
ضحكت مي بسعاده فضحك شريف ايضا وجري سيف ولوجي عليهم بقوه وبعدو شريف عن مي وحضنوهم وضحكو جميعا بحب وسعاده
انتهت الحلقه