عشقتك كما ينبغي

عشقتك كما ينبغي

الحلقه العشرين:

دخل يوسف وقال:السلام عليكم

رد الجميع:وعليكم السلام

جابر:اعرفك يايوسف ده يبقي بابا فاارس

يوسف:اهلا وسهلا ياعمو

الاب:عمو مين يا واد انت انا اسمي بابا فاهم ولا لا زيك زيهم

يوسف بسعاده:طبعا يا بابا

الاب:ايوه كده
اقعد ياحبيبي

جلس يوسف ثم قال الاب:امال فين ساندي يا جابر مش باينه من الصبح

جابر:مش عارف يا بابا هطلع اشوفها

وطلع جابر لغرفة ساندي وجدها جالسه علي السرير وسرحانه فقال لها:الجميل سرحان في ايه

انتبهت ساندي له وقالت:ولا حاجه ياحبيبي هو يوسف جه

جابر:اه جه تعالي يلا علشان تسلمي عليه

ساندي:اوك يلا بينا

نزلو إلي تحت
ذهبت ساندي إلي يوسف وسلمت عليه باشتياق لم يلاحظه احد وقالت له:عامل ايه يايوسف

يوسف:الحمدلله يا ساندي وانتي

ساندي:تمام الحمدلله حمدلله علي سلامتك اسكندريه نورت

يوسف:الله يسلمك اسكندريه منوره بيكي

ساندي:تسلم ربنا يخليك

بعدها قعدو كلهم يتكلمو ويهزرو ويضحكو وكانت ساندي لا تشاركهم الكلام ولا الهزار الا مرات قليله جدا
وعندما ذهب يوسف
وصعد الجميع إلي غرفهم لينامو
……………………..……………………
في غرفة ساندي
جلست علي مكتبها وفتحت مذكرات تكتب فيها دائما كلام ليوسف حبيب قلبها الذي تدعي له دائما في صلاتها وكتبت في المذكره:لحد امتي هتفضل كده ياحبيب القلب
لحد امتي هفضل بداري حبي عنك واشتياقي ليك
انا عارفه انك بتحبني بس بتكابر بسبب اللي حصلك زمان بس والله انا مش زيها وعمري مهتخلي عنك ابدا انا بحبك اووي
ياااارب ارزقني حبه وقربنا من بعض ياالله واجعله الزوج الصالح لي انك علي كل شئ قدير
……………………..……………………
نروح لمكان اول مره نروحه

كان يلعب معاذ مع ابنته ملك ويضحك معها

فسمع صوت دينا مراته في الحمام
فذهب لها واسندها وقال بقلق:ايه لسه تعبانه

دينا بتعب:اه مش قادره يامعاذ

معاذ بحزم:طيب ادخلي غيري يالا علشان نروح للدكتوره

دينا بتعب: ملوش لزوم انا هبقي كويسه

معاذ:دينا ادخلي يلا البسي وانا هودي ملك عند ماما واجي تكوني لبستي

دينا بقلة حيله:طيب

ذهب معاذ إلي بنوته ملك الذي قالت له:بابي هي مامي مالها

معاذ:ملهاش ياحبيبة بابي هي بس تعبانه شويه
فاانا هوديكي عند نانا چيچي علشان اروح بمامي للدكتور

ملك:طيب اجي معاكو يا بابي

معاذ:لا مش هينفع ياروح بابي

واخذ معاذ بنوته وذهب بها إلي والدته
ورجع اخذ دينا وذهبو إلي الدكتوره التي تتابع معاها دينا منذ ان كانت حامل في ملك

وبعد كشف الدكتوره عليها وعمل التحاليل قالت لهم:هو انتي يا دينا نسيتي مره تاخدي دوا منع الحمل

دينا بتذكر:فعلا يادكتوره فيه كذا مره نسيت اخده فيها

الدكتوره:علشان كده
طيب بصي انتي حامل في الشهر التالت مش عارفه ازاي انتي محستيش انك حامل او تعبانه طول الفتره اللي فاتت

دينا:كنت بحس اني تعبانه بس متخيلتش انه حمل ومكنتش برضي اقول علشان مقلقش معاذ عليا

الدكتوره:طيب بصي اظن انك عارفه حالتك كويس وان عضلة القلب ممكن متستحملش الولاده مره تانيه ده ربنا ستر المره اللي فااتت لاكن دلوقتي فيه خطر علي حياتك بنسبه 70% ولازم البيبي ينزل

دينا:اسفه يادكتور بس انا مش هتخلي عن ابني تحت اي ظرف ممكن حتي لو فيها موتي

معاذ:دينا انتي هتنزلي البيبي
حياتك عندي اهم واحنا عندنا ملك ربنا يباركلنا فيها انا مش عاوز عيال تاني

دينا بااصرار:معاذ متحاولش مش هتخلي عن ابني ابدا مهما تقولو
ولو انت مش عاوزه انا عاوزاه

معاذ ولم يعطيها اهميه:دكتوره هي هتعمل العمليه

دينا:مش هعملها يامعاذ

الدكتوره:استاذ معاذ حاول تقنعها براحه ارجوك ولو اقتنعت كلموني علشان نحدد معاد العمليه بس قبل متيجي لازم تاخد الادويه دي
وكتبت الروشته وعطيتها له

وغادر معاذ ودينا
وفي العربيه

دينا:انا عارفه ياحبيبي انك قلقان وخايف عليا بس انا مش هتخلي عن ابننا ابدا

معاذ:وهتنبسطي يعني لما تجبيه وتسبيه وتسبينا لوحدنا
طيب بلاش تفكري في نفسك بس فكري فينا احنا

دينا:ياقلبي الموت والحياه بأيد ربنا
ولو كتبلي اموت هموت حتي لو نزلت البيبي
وانا مش هتخلي عنه ولا هضحي بيه علشان صحتي ولا علشان حاجه بأيد ربنا وفيه نسبة نجاح معقوله الحمدلله
سيبها علي اللي خلقك ياحبيبي وهو هيعملنا اللي فيه الخير لينا

معاذ:بس

دينا:مبسش بقي

معاذ بقلة حيله:طيب موافق بس بشرط

دينا:ايه هو ياسيدي

معاذ:انك متتحركيش من علي السرير طول فترة الحمل وتستريحي وتاخدي العلاج

دينا:موافقه

وتحركو بالسياره وتسيطر علي معاذ حالة خوف وقلق وقال في نفسه:ياارب خليهالي يااارب مش هتحمل خسارتها ياارحم الراحمين يااارب متحرمنيش منها ومن وجودها في حياتي انا وعيالها ياارب
……………………..……………………
تسريع في الاحداث
بعد مرور الشهر
اتي يوم زفاف العروستين

في الكوافير
كانت مي وحبيبه متوترين جدا
وكانت ساندي تجلس معهم ولكنها سرحانه اغلب الوقت ولكنها احيانا تشاركهم الضحك والكلام
وذهبت ام وابو العريس وام وابو العروسه إلي القاعه ليستقبلو النااس

حبيبه:مي امال فين سيف مش قولتي انه هيبقي معانا وملك كمان ودينا فينهم

مي:شريف قالي انه عاوز سيف معاه ودينا قالت انها تعبانه بسبب الحمل ومش هتقدر تيجي معانا وهتروح علي القاعه علطول وملك معاها

حبيبه بقلق:ربنا يعدي الشهور دي علي خير ويقومها بالسلامه

مي:ياااارب

وبعد ساعات قليله
قالت ساندي بابتسامه:العرسان وصلو

وبعدها بلحظات دخل سيف يجري على مي مامته آللي ميعرفش غيرها آللي بيحس في حضنها بالأمان آللي دخلت الفرح على قلبه الصغير

فتحت مي دراعتها وارتمي هو في حضنها وقال:انا مش مصدق آنك هتروحي معايا ومش هتسبيني أبدا ياميس أنا بحبك اووي

مي ابتسامه :اولا بقى انا اسمي مامي ومش عاوزه اسمع ميس دي أبدا اتفقنا ثانيا بقي انا بموت فيك مش بحبك بس

سيف بسعاده:اتفقنا يااحلي م

قاطعته مي:ايه

سيف:يااحلي مامي
الله الكلمة دي جميله أوي كان نفسي أقولها من زمان

احضنته مي جامد و قبلته وقالت:اديك قولتها ومش هتبطل تقولها تاني أبدا

سيف:بجد يامامي

مي:بجد ياقلب مامي

شريف بابتسامه لانه اختار احن ام لابنه:ايه مش ناوين تروحو الفرح ولا هتباتو هنا وكمان جابر عايز يدخل لعروسته فيلا بينا

تفاجأت مي من موجود شريف فنظرت له ولسيف
فرأت نسختين من نفس الشكل النسخه الصغيره سيف والنسخه الكبيره شريف
فهم يرتدوا نفس البدله ونفس التسريحه حتي العيون التي اوقعتها في حب النسختين المختلف فقط الملامح التي جعلت شريف يعامل طفله بقسوه
نعم فهي قد اعترفت لنفسها انها تحب شريف بجميع عيوبه وانه هو اول من دق له قلبها وايضا هو والد طفلها الحبيب

فقالت له:طيب يلا بينا نطلع

وامسكت يد سيف ومشيت فوقف امامها شريف وتني يديه وقال لها: حطي ايدك

فحطت مي يديها وفي يديها الاخري تمسك يد سيف وذهبو للخارج وركبو العربيه وسيف جلس في حضنها وبجانبها يجلس شريف

وفي الامام كان يجلس حازم وادم

اما بقي عند العروسه الثانيه حبيبه كانت تقف وهي متوتره جدا

فدخل جابر عليها واول ما شفها راح صفر وغمز بعينه وقالها:بسم الله تبارك الله
ايه الجمال ده ياخواتي
وذهب لها وقال:اخيرا هتبقي حلالي ياملاكي
وتني ايده وحطت هي ايديها وامسكت بيه وذهبو للخارج وركبو السياره
وفي الامام كان يجلس يوسف وساندي

وانطلقو جميعا إلي الاستديو وبعدها إلي القاعه

وعندما وصلو إلي القاعه
ابتدا الفرح بكتب الكتاب وعندما انتهو ذهب كل عريس إلي عروسته وقبلها في جبهتها
وبعدها اشتغلت اغنية ربنا يخليك لقلبي ورقصو سلو عليها
وبعدها اشتغلت اغنية اوعديني ورقصو عليها سلو مشترك هما واي كابلز
وبعدها نقلو الدبل وشربو الشربات وقعدوا شويه

عند مي سيف كان عمال يعيط وينادي عليها لما كانت بترقص سلو ومكنش راضي يسبها ابدا وهي فرحانه بده وحتي انها سابت العريس في نص الرقصه وراحت شلته ورقصت معاه سلو ودلوقتي هي اخداه في حضنها
و لما اي طفل يجي يندهه علشان يلعب معاه ميرضاش ويقوله انا قاعد مع مامي

وبعد شويه جت مدام مها ام اسر واياد اكيد فكرنها وباركت لهم واتمنت ليهم السعاده وبعدها جت لمياء وقبلت مي وباركت لها وقالت مي:كده متجيش تقفي معايا من الصبح

لمياء:معلشي ياقلبي والله غصب عني ياسين كان تعبان ومكنتش اقدر اسيبه ولما خف شويه جبته وجيت اباركلك علشان متزعليش وهمشي علشان ميتعبش اكتر

مي:طالما علشان ياسين يبقي خلاص مش زعلانه ياستي

وبعدها سلمت علي يحيي وبعدها علي ياسين واحضنته وقبلته وقالت:الف سلامه عليك يا ياسو

ياسين:الله يسلمك ياميس

وكانت لمياء تسلم وتبارك لشريف فنادي عليها ياسين
فاتت اليه وقالت :ايه يا ياسو

ياسين بتعب:مامي انا تعبان اووي يلا بينا نروح

لمياء:طيب ياحبيبي يلا بينا
والتفتت إلي مي وقالتلها:معلشي بقي ياسين تعبان ولازم نروح متزعليش مني

مي:ولا يهمك ياقلبي روحي وابقي طمنيني عليه

لمياء:حاضر من عيوني
وغادرت لمياء ويحيي وابنهم

فقال سيف بغضب شديد وغيره:كده يامامي ماشي انا زعلان منك جدا ومش هكلمك تاني

مي باستغراب:فيه ياسيف ايه اللي حصل

سيف:مامي انا متكلمتش علشان متزعليش مني ولأننا متفقين بس انا مش هكلمك تاني بقي علشان انا زعلان منك

مي:طب قولي الاول قصدك علي ايه

سيف:قصدي انك حضنتي ياسين وبوستيه وانا مبحبش كده بقي

ضحكت مي وقالت:انتي بتغيري عليا يابيضه ياخلاثي ياناااس علي حبيب مامته ده اللي بيغير عليها
وراحت حضنته وقبلته وقعدت تزغزغه
وبعدها بصت في عيونه وقالتله:سيف ياحبيبي ياسين وكلهم زي عيالي مفيهاش حاجه لما احضنهم وابوسهم

سيف:عارف يامامي انه عادي بس انا بزعل وبضايق مش بحب حد يحضنك ويبوسك غيري

مي احتضنته:ياروحي انت

سيف قبلها وقال:انا بحبك اووي

مي:وانا بموت فيك ياقلبي

اما شريف فلم يتكلم معهم كان يسلم فقط علي من يأتي ليبارك له مهو ابنه مستولي تماما علي عروسته ويمنع اي حد من الاقتراب منها حتي هو

اما عند جابر وحبيبه فهم في عالم من الرومانسيه تعالو نطفل عليهم شويه

جابر:اخيرا بقيتي ليا
اخيرا بقيتي حلالي ومراتي

حبيبه بشويه كسوف:اخيرا بقيت ليا
اخيرا بقيت حلالي وجوزي

جابر:انا كلي ليكي ياحبيبتي وعمر ما قلبي ولا عنيا هتشوف غيرك وده وعد مني ليكي
علشان انتي مش بس مراتي انتي اختي وصحبتي وامي وحبيبتي وبنتي
انتي احلي نعمه بعتهالي ربنا
ربنا يديمك في حياتي طول العمر ياملاكي

حبيبه:مش عارفه ارد واقول ايه علي الكلام الجميل ده
انت بجد احلي واغلي نعمه بعتهالي ربنا
ربنا يخليك ليا ياابويا واخويا وصحبي وحبيبي وابني

خلاص بقي كفايه تطفل عليهم

بعد كده اتجمعو العيلتين في احلي صوره

بعد كده كملو الفرح وشغلو اغاني شعبي ومهرجانات وقعدو يرقصو بسعاده
وفي اخر الفرح اشتغلت اغنيه سلو للعرسان وكانت اسمها فرحتنا
وبعدها اشتغلت اغنية الزفه وكانت اسمها علي بيت حبيبي

بعد كده انتهي الفرح
وركبو العربيات وذهبو إلي الفيلا في سعاده وفرح

ولكنهم لم يعلمو ان في من يتمني ويدبر لهم الاذيه ولكن ليس الان فهو يعطيهم مزيذ من الوقت حتي يسمتعو بالفرح والسعاده ثم يحزنهم بااقسي الطرق الممكنه لينتقم منهم علي شئ لم يكن لهم فيه ذنب

انتهت الحلقه
……………………..……………………..…………………