عشقتك كما ينبغي
اللَّهم ياربي ورب كل شيء ومليكه إني أدعوك باسمك الواحد الأحد الفرد الصمد وأدعوك باسمك الأعظم الذي إذا دعيت به أجبت وإذا سُئلت به أعطيت أن تمنن عليَّ بصلاح أحوال أهلي وذريتي
ربنا هب لنا من أزواجنا وذرياتنا قرة أعين واجعلنا للمتقين إماماً
اللـهم امدد في أعمارهم مع الصحة والعافية في طاعتك ورضاك
اللَّـهم رب صغيرهم وقوِّ ضعيفهم واشف مريضهم
اللَّـهم عافهم فِي أبدانهم وأسماعهم وأبصارهم وأنفسهم وجوارحهم واجعلهم من المعافين من البلاء برحمتك
المعصومين من الذنوب والزلل والخطأ بتقواك الموفقين للخير والرشد بطاعتك
اللهم حبب إليهم الإيمان وزينه في قلوبهم وكرِّه إليهم الكفر والفسوق والعصيان
واجعلهم من الراشدين فضلاً منك ونعمة وأنت خير الرازقين
رب واصرف عنهم السوء والفحشاء واجعلهم من عبادك المخلصين
اللَّـهم اجعلهم مطيعين غيرعاصين ولا عاقِّين ولا خطَّائين
……………………..
الحلقه السابعة عشر:
نظر فارس الي سيف الذي كان ينظر لهم في حزن فهم جميعا نسوا حتي جدو اللي نانا منال قالتله عليه مش سأل عليه ونساه
فذهب له فااارس وهو منجذب لذلك الطفل بحزنه وبرائته وهو يقسم بداخله ان ضحكته وسعادته احلي بكتير من حزنه
وعندما ذهب له نزل لمستواه وقال:اسمك ايه
سيف:اسمي سيف
فارس الجد:سيف ايه
سيف:سيف شريف
نظر فارس له بصدمه اهذا حفيده اولد حفيده وهو ليس اول من يمسكه اكبر حفيده ولم تراه عينيه ولم يلعب معه ولم يراه وهو يكبر امامه فتنهد بحزن علي كل ما فاته ونظر لشريف وقال:هو انت اتجوزت وخلفت
شريف:ايوه يا بابا
فاارس:امال مراتك فين
شريف بنظره وضحت لوالده مقدار ما يشعر به من الم وحزن ولاكن والده لا يعرف هل الالم والحزن علي مراته المتوفيه ام لسبب اخر:ماتت يا بابا
فاارس بحزن علي ابنه وحفيده:الله يرحمها يابني
ونظر الي سيف بحنان وحب:انت عارف انا ابقي مين بقي ياسيفو
سيف ببرائه:نانا قالتلي انك جدو الحقيقي وان جدو حسين مش جدو بس انا مش فاهم ازاي وانت كنت فين طول السنين دي بس مش مهم المهم ان بقي عندي جدو طيب وهيلعب معايا ومش هيزعقلي صح ياجدو
فارس:صح ياقلب جدو
ازاي بقي جدو حسن مش جدو انا هفهمك انا ابقي جدو ابو بابا شريف وجدو حسين يبقي اخويا بس هو مشي ومش هيرجع تاني ابدا
وانا كنت فين فاانا ياحبيبي كنت مسافر لوحدي ورجعت ومش هبعد عنكم تاني ابدا ان شاء الله
فهمت بقي ياسيفو
سيف:ايوه ياجدو فهمت كده
فارس:طب هات حضن كبير خالص خالص بقي لجدو
رمي سيف نفسه في حضن جده وحضنه فارس بقوه وفضل يقبله وهو مش مصدق ان الملاك ده يبقي حفيده
وبعد مده بعد سيف عن حضن جده
و قعد فارس وقعد سيف في حضنه وحوليه اولاده ومراته وقعدو كلهم يتكلمو ويهزرو ويضحكو في جو يسوده الحب والاحترام والسعاده وقعدو كلهم كعيله واحده لاول مره من سنين
……………………..
بعد مرور شهرين
وصي شريف علي حسين انه يتعامل اسود معامله في السجن
وصدرت المحكمه بالحكم علي حسين بالاعدام شنقا ولاكن لم ينفذ الحكم حتي الان
ورفع فارس قضيه يثبت فيها انه حي وان اولاده احياء وان المستشفيات باسمه وكسب القضيه واولاده اتسمو باسمه وبقو من عيلة الحناوي
وفرحو جميعا بهذه الاخبار السعيده
واليوم سيأتي يوسف من السفر وسيذهب جابر إلي المطار ليستقبله
……………………..
وفي صباح ذلك اليوم
نزل جابر علي السلم وهو يقول:صباح الخير
الجميع:صباح النور
فارس الاب:هتروح ياحبيبي تجيب صحبك اللي حكتلي عنه من المطار
جابر:ايوه يا بابا بس قبل ما اروح عايز اتكلم معاك لوحدنا في المكتب شويه
فارس:من عنيا ياحبيبي تعالي يلا علي المكتب
وبعد ما جلسو في غرفة المكتب
فارس:خير بقي ياسيدي
جابر:بابا انا عاوز اتجوز
فااارس بسعاده:بجد ياجبروتي طب هي مين
جابر:ماما حكتلك كل حاجه عن المهمه صح
فارس:ايوه حكتلي بس ده ايه علقته بالبنت اللي هتتجوزها
جابر:اصل انا عايز اتجوز بنت اللواء اللي ساعدتني في الخطه
فاارس:طيب هي اسمها ايه ووالدها اسمه ايه علشان اسأل عنهم
جابر:هي اسمها حبيبه وتبقي بنت اللواء احمد الدمرداش
وقف والده في صدمه:بتقول تبقي بنت مين
جابر باستغراب:في ايه يا بابا بقولك تبقي بنت اللواء احمد الدمرداش
الاب:يااااه ده الدنيا صغيره اووووي
انت عارف ياجابر اللواء احمد الدمرداش يبقي صاحب عمري وكان من اعز واقرب اصحابي من واحنا في اعدادي بس للاسف افترقنا بعد متجوزت ومكنش حد يعرف خالص بتهديد عمك ليا لما كنا في المطعم وقبل ما نعمل الحدثه اكتشفت ان حسين بيهرب هروين ويتاجر في الاعضاء وبيعمل بلاوي كتييير وكله بااسمي انا علشان لما يقع انا اللي اشيل الليله وساعتها بحكم شغل احمد عرف ان التهريب بااسمي طبعا مكنش مصدق اني اعمل كده لغاية في يوم كان معاد عمليه من عمليات حسين هجم عليه احمد علشان يمسكه ويسلمه للعداله وهو متأكد ان الراجل اللي هيمسكه ميبقاش انا بس ساعتها لما جه احمد يمسك حسين قدر يقلد صوتي ويخلي احمد يصدق انه انا خصوصا انه كان لابس قناع علشان يداري وشه ولما جه احمد يشيل القناع علشان يتأكد ان كان انا ولا لا ضربه حسين بالرصاص والرصاصه جت في رجله وبسببها بقي قعيد وهرب حسين منه ومن ساعتها وهو فاكر اني تاجر الاعضاء واني ضربته بالنار فااكيد دلوقتي بقي بيكرهني
جابر بصدمه: الراجل ده ايه شيطان
طب انت موافق علي جوازي من بنته ولا لا
الاب بخبث:لو رفضت هتكسر كلمتي وتروح تتقدملها صح
جابر:معاش ولا كان يا بابا اللي يكسر كلمتك لو رفضت يبقي خلاص اعتبرني متكلمتش في الموضوع ده اصلا بس تبقي عارف اني مش هتجوز خاالص
الاب بفخر:منال عرفت تربي فعلا ربة راجل رغم اني مبقاليش ياما معاكو ومش انا اللي ربيتك للاسف بس بردو رفضت تكسر كلمتي
جابر:حتي ولو مكنتش ربتني بس ده غصب عنك وبعدين ربتني او لا انت ابويا اللي ربنا امرني ببره واذا كنت مع الراجل اللي رباني ومكنتش بحبه رفضت اكسر كلمته ورحت معاه علشان اخطب اللي عاوزها بعيدا
عن أني فركشت الموضوع بس رحت معاه برضو
هاجي بقى لما أبويا آللي بحبه واحترمه وغالي أووي عندي يقولي كلمه اكسرها وبعدين انا متأكد أنك لو رفضت هيبقي لمصلحتي
الأب بحب وفخر:ربنا يخليك ليا ياجبروتي ياسندي آللي هتسند عليه لما اعجز أنت واخواتك
جابر بحب:ويخليك لينا يا احن اب في الدنيا كلها
مقولتليش بقى بعد وصلة الحب دي موافق ولا
الاب:هههههههههههه تفتكر لما تكون حاجه هتسعد ابني يبقى هوافق ولا هرفض
موافق طبعا ياحبيبي كفايه أنها تبقي بنت صاحبي واخويا يعني عارف ومتأكد من تربيته وإنها طالما تربية أحمد الدمرداش تبقى بنت بمية راجل
جابر بسعادة قام حضنه وقال:متحرمش منك أبدا يااحن واطيب اب
فارس بسعادة لسعادة ابنه:ولا منكم ياحبيبي ياارب
جابر:يارب يابابا
هنروح أمتي بقى عشان بالمره نفهم عمو احمد الحقيقه
الأب بتفكير:بعد متوصل صاحبك لبيته وتيجي هنروح انا وانت بس ونفهمه اللحقيقه ونكلمه عن موضوعك ولو وافق نحدد معاد لقراية الفتحه ونروح كلنا
جابر:تمام يابابا
هروح آنا بقى أستقبل يوسف و اوصله بيته وجيلك ياحاج
الاب بابتسامه:ماشي ياسيدي مستنيك
وذهب جابر إلي المطار ليستقبل صديق عمره
……………………..
في المطار
اول ما شاف جابر يوسف جري عليه وحضنه بحب
جابر:حمدلله على سلامتك ياصاحبي
يوسف بحب:الله يسلمك يازميلي
جابر:اسكندريه نورت لما رجعتلها ياجو
يوسف:اسكندريه منوره طول منتا فيها يابوره
وركبو للعربيه وانطلق جابر بها
وفي الطريق حكي يوسف لجابر كل حاجه حصلت في سفره وبعدها حكى جابر ليوسف كل اللي حصل معاه طول سفر يوسف
يوسف بااندهاش:ايه ده ولا الأفلام يابنى
جابر:انت بتقول فيها ده انا لو حد حكالي أن ده حصله كنت قولت عليه مجنون
يوسف:المهم طمني عليك بقى لما تيجي من عند العروسة يابرنس
جابر:اشطا يامعلم بس انت مش ناوي تيجي عندنا عشان تتعرف على بابا
يوسف:اكيد يابنى هاجي بس بعد قرى فتحتك بقي أن شاء الله
جابر:اشطا بس انت جي معايا في قراية الفتحه
يوسف:معلشي بقى خليها على الخطوبة أنت عارف انا راجع بسبب أن حصل مشاكل في الشغل هنا ومش عارفين يسيطروا عليها
جابر:ماشي هعديها المرادي بس عشان انا عارف المشاكل أد إيه وصعبه ازاي
وصل جابر يوسف لمنزله
وذهب هو اللي أبيه الذي كان في انتظاره
جابر:ها ياحاج جهزت
فارس:ايوه ياحبيبي يلا بينا
وركبو العربيه وتوجهو إلي منزل اللواء احمد الدمرداش
ورنو الجرس وفتحت لهم الداده ام مبروك وطلبو منها مقابلة اللواء احمد فقالت لهم انها هتديه خبر وبعد موافقة اللواء احمد علي مقابلتهم جلسو في الصالون ينتظروه فسمعو صوت فجعهم يقول:انتو مين
نظرو لذلك الصوت فتفاجؤ بطفله جميله جدا جدا خصوصا بعيونها اللي لون السما الصافيه وبشقاوتها اللي محلياها
فنزل جابر إلي مستواها وقال:انا اسمي جابر وانتي يا اموره اسمك ايه بقي
الطفله:اسمي ملك ياعمو جابر
جابر:اسمك حلو زيك ياملوكه قوليلي بقي انتي شبه حبيبه اووي تقربلها ايه
ملك:ميرسي ياعمو
وعمتو حبيبه تبقي عمتو يعني اخت بابي وكله بيقول زيك كده اني سبها جدا وكلهم مسميني حبيبه الصغيوره
جابر بابتسامه:ماشي ياحبيبه ياصغيوره قوليلي بقي صحاب
ملك:اممممممم موافقه ياعمو صحاب
جابر:اتفقنا طب عاوز بوسه بقي
اعطته ملك البوسه
فقال:الله ياناااس علي العسل ده وباسها هو كمان
ضحكت ملك بسعاده:معرفتنيس بقي ياعمو جابر علي عمو ده(وشاورت علي فارس)
جابر:ده ياملوكه يبقي عمو فارس بابايا
ملك:اوكي
نزلت حبيبه عليهم وقالت:طبعا الرويتر بتاعتنا عملتلكو ازعاج صح
كلهم:ههههههههههه
ملك بغضب اطفال:بقي كده ياعمتو بقي انا بعمل ازعاج ماسي ماسي اصلي سبهك في كل حاجه ياعمتو
جابر:دي عثل يابيبو
حبيبه:عثل اسود ياخويا
جابر:مينفعش خاالص اخوكي دي ده انا حتي جي اتقدملك واتجوزك يعني مينفعش خالص ابقي اخوكي اصل اللي هعمله معاكي بعد منتجوز مينفعش خالص اخوكي يعمله
حبيبه بكثوف:اتلم ياض انت ابوك قاعد
جابر بصدمه مصطنعه:ياض وابوك لا بقي دي مش حبيبه خالص ده واحد صاحبي اللي بيتكلم كده انا غيرت رأي ومش لاعب
فارس الاب:اتلم ياجابر انا قاعد
جابر:منور ياحج والله خد رحتك
حبيبه:معلشي ياعمو مخدتش بالي اني مسلمتش علي حضرتك
ازي حضرتك عامل ايه
فارس:ولا يهمك ياقمر
وانا الحمدلله ياحبيبة عمو انتي
جابر:انا قاعد علفكره ياحج
فارس:اتنيل ياض لما اشوف القمر دي
جابر:عيب عليك ده انت حتي كبرت وعجزت خلاص وبعدين القمر دي بتاعي انا وبلاش كده ها علشان مقولش لمنال وهي تتصرف معاك
فارس:هو مين اللي كبر وعجز ياض ده انا لسه شباب وبصحتي واجدع منكو كمان ولا ايه رأيك يابيبو
حبيبه:طبعا ياعمو هو انت في زيك
جابر:والله وانا كيس جوافه قاعد ولا ايه بقي
حبيبه وفارس :ههههههههههههه
فارس:اهدي ياهبل دي بنتي
جابر:عارف ياعم بس دي قمري انا بس وملاكي انا بس
حبيبه بكثوف:بس بقي اتلم
جابر:لا والله وبالنسبه لعمو اللي مكنش فيه زيه وتيجي لحد عندي انا بقي واتلم واسكت وتتكثفي
حبيبه:ايوه بقي عندك مانع
جابر:لا ياريس هو انا اقدر اتكلم
حبيبه:ايوه كده
فارس الاب:اسد يالا الصراحه
جابر:طبعا ده انا اعجبك اوووي
فارس الاب:طبعا مهو باين من اولها اهو
حبيبه:هطلع انا بقي وبابا خلاص نازل
فارس وجابر:ماشي
صعدت حبيبه ألي غرفتها وبعد دقائق جائت الخادمه وهي تمشي بجانب كرسي اللواء احمد الدمرداش الذي يحركه بيديه وعندما اوصلته ذهبت إلي عملها
قال اللواء احمد:السلام عليكم
جابر وفارس:وعليكم السلام ورحمة الله وبركاته
عندما دقق احمد النظر في فارس قال بصدمه شديده:فارس الحناوي
فارس:ايوه انا يااحمد يا تري هتطردني من بيتك ولا هتستقبلني فيه
انتهت الحلقه