عشقتك كما ينبغي

وقت العمليه

دخل اسر غرفة العمليات وهو خائف ولاكن طمئنه دخولها معه
وبعد اعطاء الطفل البنج كانت سعاد ستخرج من الغرفه ولكنها احست بحد يقف ورائها ولم يعطيها فرصه للهرب او للصريخ فرش علي وجهها بنج فاغم عليها فخرجوا بها هي واسر من باب خلفي لا يعرفه احد
ونقلوها هي واسر الي مكان اخر
……………………..……………………..……….
قبل معاد المدرسه بساعه ونصف كانت مي تقف علي باب فيلا المنياوي وترن الجرس
ففتحت لها سهي

سهي:انسه مي اهلا وسهلا نورتي

مي بابتسامه:تسلمي ده بنورك ياانسه سهي

سهي:حضرتك مصممه لسه علي انسه سهي دي

مي:ايون ومش هقولك سهي لا لما انتي تقوليلي مي
المهم قوليلي بقي سيف لبس ولا لسه علشان الحفله

سهي:لا مش راضي يلبس واي حد بيكلمه ويحاول يقنعه انه يلبس يروح مزعقله وقافل الباب في وشه

مي:كده طيب ينفع اطلعله

سهي:طبعا ينفع اتفضلي

مي:تسلمي

وصعدت مي الي غرفة سيف
وطرقت الباب

فسمعت صوت سيف يقول:انا مش هروح الحفله فمحدش يخبط عليا وسبوني انام

مي:ده انا يا سيف ياحبيبي

فتح سيف الباب ودخل يجري علي السرير وهو بيعيط
فدخلت مي اليه وجلست بجانبه علي السرير وضمته الي ان هذأ فبعد عنها ونظر لها في حزن وقال:هو انا وحش اوي علشان كده كلكو مش بتحبوني

مي:مين قال كده احنا كلنا بنحبك اوووي

سيف:لا انتوا مش بتحبوني
بابي ودايما بيزعقلي ويضربني ومش بيسأل عليا خالص
وانتي كمان زعقتيلي امبارح

مي:لا ياقلبي احنا بنحبك جدا
بس ممكن بابي يكون عنده مشاكل في الشغل او مضايق علشان كده بيتعصب عليك وده غلط بس معلشي ده بابي ولازم تستحمله
اما انا بقي فده علشان انت غلط جامد وخرجتني عن شعوري يعني ينفع اللي عملته وانك تضرب الطفل جامد بالمنظر ده وتزعقله وتشتمه كمان علشان حضني كتيييييير وبسني

سيف بحزن:لا مينفعش بس بردو مكنتيش زعقتيلي كنتي قولتيلي براحه

مي:طيب في دي عندك حق خلاص مش تزعل

سيف:ماشي وانا كمان غلطان فمش تزعلي مني

مي:خلاص ياقلبي انا مش زعلانه يلا قوم بقي البس علشان نروح الحفله ولا هتسبني اروح لوحدي

قام سيف وذهب لها وقبلها من وجنتها وجري ليحضر ملابسه ويرتديها وهو يقول:لا طبعا هلبس هو انا مجنون اسيبك تروحي لوحدك علشان العيال يجروا عليكي ويحضنوكي ويبوسوكي وكمان هتتعكسي ياقمر

مي:هههههههههههههههه طيب يلا البس يا لمض

وبعد ما ارتدي سيف ملابسه وذهبوا الي المدرسه ولكنهم لم يعرفوا ان شريف سمع حديثهم
……………………..……………………..……………………..……………………..……………………..….
في الحفله

كان سيف لمي مثل البودي جارد بيمنع اي حد يقرب منها وهي بتحاول تفهمه ان كده مينفعش بس هو رافض انه يسمع لانه بيغير عليها جدا

وكان سيف وياسين فرحانين جدا علشان كل واحد فيهم مع اللي بيحبها وبيحسها ويعتبرها امه
وهما فعلا بيحاولوا انهم يكونوا ليهم امهات حقيقين ويحسسوهم ويغمروهم بحنانهم وحبهم

وبعد انتهاء الحفله

اتي شريف واخذ ابنه ليذهبوا الي فيلتهم
وعندما رأي شريف مي تجنبها وكأنها مش موجوده وده غاظ مي جدا ولاكنها تجنبته ايضا وسلمت علي سيف واحتضنته وقبلته وغادرت الي بيتها

وايضا اتي يحيي واخذ لمياء وياسين وذهبو لمنزلهم
……………………..……………………..……………………..…….
في عربية شريف

شريف:شكلك مبسوط

سيف:جدا يا بابي ميس مي دي احسن واحده في الدنيا كلها انا بحبها اووووي
وانهارده لعبت معايا كتييير جدا ومسبتنيش لوحدي خالص وانت عارف كمان يابابي انهارده واحنا بنلعب جه كذا ولد عايزين يسلموا عليها بس انا موافقتش وسلمت عليهم بدالها

شريف:هههههههههه شكلك بتحبها اوي

سيف:جدا جدا يا بابي محدش بيحبها قدي وانت عارف كمان يا بابي انا بغير عليها اوي ولما طفل بيجي يسلم عليها او يحضنها او يبوسها انا بضايق جدا

شريف:بتضايق ليه

سيف:مش عارف بس ببقي عايزها تحضني انا وتبوسني انا مش هما وكمان بخاف لحسن تحب اي طفل تاني اكتر مني وتنساني وتبعد عني

شريف وهو يفكر في فكره من اجل سعادة طفله قال :طيب

واكملو باقي الطريق في صمت الي ان وصلوا للفيلا
……………………..……………………..……………………..…..
في المكان الذي نقلت له سعاد واسر

استيقظت سعاد من المخدر علي بكاء اسر فنظرت اليه وجدته مرعوب من المكان ويرتعش
فجرت اليه واحتضنته وقالت له بهمس:متخفش ياحبيبي انا معاك لحد ما اوصلك لماما

اسر بشك:بجد

سعاد:بجد بس انت مش تخاف اتفقنا

اسر:اتفقنا

سعاد:طيب يلا نام شويه قبل ما اوديك لماما

اسر:ماشي

واخدته في حضنها لغاية ما نام
ووضعته علي سرير ما في الغرفه وذهبت عند الباب لتعرف ما يدور بالخارج
ولكنها سمعت هذا الحوار

الشخص الاول:ها قالك ايه

الشخص التاني:نستنا ومنجيش جمبهم لغاية ما يجي الباشا علشان هيحضر العمليه

الشخص التالت:وهي عمليه واحده دول كذا عمليه ومتنساش انهم زي ما احنا عاوزين الولد وامه

الشخص الاول:ومين هيسافر مع الباشا والاعضاء

الشخص التاني:المفروض الست اللي خاطفها جوه دي هي وابنها

الشخص الاول:وهي مين الست دي اصلا

الشخص التاني:بيقولوا ان الباشا بيحبها وطلب انه يتجوزها بس هي رفضت لفرق السن اللي بينهم ولانها بتكرهه كمان لانها بتحب جوزها اللي مات وهي بتقول انه هو السبب في موته

الشخص الاول:هو انت تعرفو

الشخص التاني:انت اهبل يابني محدش شافوا واللي بيشوفوا بيموت والوحيد اللي عارفه هو الدكتور حامد ده دراعه اليمين ودكاتره معينين

الشخص الاول:يعني المفروض ان الباشا هيجي وتعمل العمليه للي اسمها سعاد دي وابنها مع انها خساره في الموت بس يلا مش مهم وبعد العمليه الباشا هيسافر ومعاه الست اللي جوه دي وابنها علشان مش راضيه تسيبو صح

الشخص التاني:اه صح

الشخص الاول:طيب انا عندي سؤال اللي اسمها سعاد دي وابنها هنعملهم العمليه وناخد اعضائهم والست اللي جوه دي هتسافر مع الباشا هي وابنها طيب والبنات والاطفال اللي جوه دول هتعملوا ايه فيهم

الشخص التالت بشك:هو انت بتسأل كتير ليه

الشخص الاول بثبات:عادي لان دي اول طلعه ليه فأحب اني افهم الحوار ماشي ازاي لاني مكمل معاكو بعون الله

الشخص التالت بشك:اه

الشخص التاني:البنات والعيال دول اسيدي هيسفروهم بره وهيشغلو البنات في الشغل اياه ويخلوهم يبسطوا مزاج كبارات البلد علشان الباشا يعمل شغل معاهم وفي رجاله بيشترو البت وتبقي بتاعتهم لمزاجهم اما العيال فدول بقي بيوزعوهم اللي عايز عيل علشان معندوش ولا مبيخلفش بيدفع وياخد العيل اللي يختاره وفي بقي اللي بيروحوا يتعلموا السلاح ويبقوا ارهابين وفي بقي اللي بياخدوهم يعلموهم توزيع المخدرات والهروين وكلهم قبل ما ياخدوا العيال بيدفعوا للباشا المطلوب

الشخص الاول في باله اه ياولاد الجزمه ده انا مش هسيبكوا وهجيب حق كل الناس وكل ام واب اتحرق قلبهم علي ابنهم ولا بنتهم وكل دمعه نزلت من عيونهم ولكنه قال:اه انا كده فهمت طيب قدينا قاعدين مستنين الباشا يجي علشان نخلص والعمليه تتعمل

الشخص التاني:زمانه جي

الشخص الاول:هو احناا هنحضر العمليه

الشخص التاني:لاطبعا هندخل سعاد دي وابنها جوه ونخرج احنا نقف علي الباب ولما نخرج الباشا هيظهر بقي جوه من باب مخفي محدش يعرف عنه حاجه ولا حد يعرف مكانه

الشخص الاول:تمام

الشخص التالت:هو الباشا متجوز في السر علي مراته صح

الشخص التاني:اه بس محدش يعرف متجوز مين ولا هو مين ولا عنده عيال ولا لا كل اللي نعرفه عنه انه متجوز في السر وبيحب الست اللي جوه دي واسمها مها وانه كبير في السن بس غير كده محدش يعرف عنه غير الدكتور حامد بس اللي يعرف عنه كل حاجه

الشخص الاول:بس انت عارف الحاجات دي كلها ازاي

الشخص التاني:يابني انا بقالي معاهم 5 سنين

الشخص الاول:اه علشان كده

وبعد مرور ساعتين

دخلوا التلات اشخاص للغرفه الموجوده فيها سعاد وابنها واخذوهم وسط صراخ وبكاء سعاد وهي تحتضن اسر بخوف مصطنع الي الغرفه اللي هتتعمل فيها العمليه وخرجو
واتي الدكتور حامد وعندما اغلق الباب دخل الباشا الكبير ومعه طاقم خاص دكاتره وممرضين الذين يثق فيهم ويعرفونه
……………………..……………………..……………..
اما بالخارج

قال الشخص الاول :هعملكم شاي نشربوا لغاية ما العمليه تخلص

الشخصين التاني والتالت:ماشي

وبعد ما شربوا الشاي راحوا في نوم عميق ولم يشعروا بشئ من حولهم

فاخذ الشخص الاول الهاتف واتصل علي احدهم وقال:انا نيمتهم يلا تعالوا علشان نلحقهم قبل ما يعملوا فيهم حاجه

رد الطرف الاخر:طيب بس اطلع انت

الشخص الاول:لا انا هدخل معاكم ويلا مضيعش وقت

الطرف الاخر:طيب
……………………..……………………..…………..
داخل الغرفه اللي هتتعمل فيها العمليه
وهم يبدأو فيها

فتح الباب ودخل الشخص الاول وهو جابر ومعه رجال كثيرين من الشرطه ومعهم ايضا شريف

شريف:المكان كله محاصر
جرت سعاد وفي يديها اسر ووقفت بجانبهم وهي تبقي حبيبه
وذهب دكتور وممرضه من الطاقم اليهم ووقفو بجانبهم فهم ممن افيق ضميرهم وساعدوهم في القبض عليه وهم من ساعدو جابر ليجعلوه من الحراس الثلاثه

شريف:لف نفسك لينا يا باشا عايزين نشوف وشك مش افاك

لف الباشا وجهه اليهم وعندما رأهم قال بصدمه:جابر وشريف

نظروا اليه بصدمه فالباشا تاجر الاعضاء يبقي …….

انتهت الحلقه