عشقتك كما ينبغي

لمياء:ها يا ميوشه مالك بقي فيكي ايه

مي:مخنوقه من كل حاجه وكمان سيف يا لمياء بقاله يومين مش بيجي المدرسه وانا قلقانه عليه اوي وقلبي مقبوض بفكر اروح له اطمن عليه لحسن يكون تعبان

لمياء:بعد الشر عليه ان شاء الله خير طيب ماتروحي وشوفي علشان لو تعبان فهيبقي محتاج ليكي جدا خصوصا انه متعلق بيكي وبيحبك

مي:انا كمان بحبه اوووي يالمياء واتعلقت بيه وبدعي ربنا انه ميبعدش عني ابدا بس مش عايزه اروح علشان ابوه ده انا لو شفته هشتمه انا المره اللي فاتت من الصدمه مقدرتش اتكلم

لمياء:متحتكيش بيه يا مي انتي رايحه تطمني علي سيف يبقي متتكلميش معاه خالص

مي:طيب ماشي هروح له بكره بعد الاجتماع
صحيح انتي جايه بكره ولا لا

لمياء:اه طبعا جيه مع ياسو

مي:تمام تفتكري سيف مش عايز يجي علشان محدش يقول له علي الاجتماع او الحفله

لمياء:ممكن بردو مش بعيد

مي:لما اروح بكره بقي هشوف انا اهم حاجه عندي انه يكون بخير

لمياء:ان شاء الله ياميوشه

وبعد مااتكلموا شويه
روحت مي ودخلت لمياء الي غرفة ياسو ونامت بجانبه وهي تحتضنه
……………………..……………………..……………………..……………………..
في الصباح

ذهبت لمياء الي الاجتماع وكان ياسين سعيد بهذا لانه شعر انه اصبح لديه ام ولن يكون بمفرده بعد اليوم
وبعد المدرسه ذهبت مي الي فيلا المنياوي
……………………..……………………..…………………..
وفي فيلا المنياوي
دق جرز الباب
فتوجهت الداده لتفتح وتدعي ام سعد

ام سعد:خير مين حضرتك

مي:انا ميس مي مدرسة سيف في المدرسه وكنت جايه اطمن عليه علشان بقاله يومين مبيجيش

ام سعد:اخيرا حضرتك جيتي طيب ثانيه واحده هندهلك الهانم بس اتفضلي ادخلي

دخلت مي وجلست وهي مستغربه ان الداده عرفتها وبتقولها اخيرا جيتي
وبعد قليل سمعت صوت فنظرت لصاحبة الصوت وجدت امرأه انيقه ومحببه وملامحها جميله جدا

فقالت تلك المرأه:اهلا وسهلا نورتي ياميس انا ابقي الدكتوره منال جدة سيف

مي:اهلا بيكي يادكتوره البيت منور باصحابه

الدتوره منال:تسلمي

مي:انا كنت جيه اطمن علي سيف بقالوا يومين مبيجيش

الدكتوره منال:الحمدلله انك جيتي
احنا كنا هنكلم حضرتك نطلب منك انك تيجي بس انتي سبقتينا

مي:ليه

الدكتوره منال:علشان سيف تعبان جدا ومش عايز ياكل وسخن وكل ما حد يقرب منه علشان يعمله كمدات يعيط وميرضاش ومش بينادي علي اسم حد غير اسمك انتي
حتي الدكتور كشف عليه بعد ايه بعد ما اقعد ساعه بيحايل في سيف وقالنا ان العلاج مش هيجيب نتيجه الا بوجود اللي بينادي عليها

مي بخوف علي سيف:ياحبيبي يابني
طيب ممكن اطلع اشوفه

الدكتوره منال:اكيد طبعا اتفضلي معايا هوريكي اوضته

مي:تمام يلا

وعند باب غرفة سيف قالت الدكتوره منال:خشي له انتي بقي
لانه محتاجك لوحدك

مي:تمام

وعندما فتحت الباب وجدت امامها شريف وهو ينظر الي سيف بقلق وخوف ويقبله بهدوء علي جبهته

وعندما دخلت لاحظها شريف فاعتدل في وقفته ونظر لها وقال: اخيرا جيتي سيف محتاجك اوي

نظرت مي اليه بحزن فرغم انهم لا يتفقوا ابدا الا ان شئ واحد يجمعهم وهو حب سيف حتي لو هو بينكر ده فقالت:هو حبيبي عامل ايه دلوقتي

شريف:زي ما هو بيصحي ينادي عليكي ويفتح عينه يدور عليكي ويغمضها تاني
ومش راضي ياكل ابدا كلهم حولوا معاه مبيرضاش
هسيبك معاه انا متأكد انك اللي هتخلي يخف وياكل
عن اذنك

مي:اتفضل

وعندما غادر شريف من الغرفه
نظرت مي الي سيف لتجده نائم مثل الملائكه في هدوء
ولكنه يحاول فتح عينيه ولو يستطيع فجريت اليه وجلست بجانبه علي السرير وقبلة جبينه لتشعر بمدي سخونيته فقاست له الحراره لتجدها 39
فنظرت في انحاء الغرفه فوجدت علي الكومدينه كمدات فقامت واخذتها وجلست وبدأت بعمل الكمادات له وقالت:سيف حبيبي انا جمبك قوم بقي ياقلبي

وبعد دقائق فتح سيف عينيه ليجدها امامه فابتسم وقال في سره مامي انتي هنا وحشتيني اووي ولكنه قال لها:ايه اللي جابك انا زعلان منك ومش بكلمك

اتفاجأت مي من رده ولكنها قالت:زعلان مني ومش بتكلمني مره واحده طيب ليه

سيف:علشان انتي مش بتحبيني وانا كنت تعبان بقالي يومين وانتي مجتيش الا انهارده وانا كنت عاوزك جمبي

مي:ياقلبي انا والله مكنتش اعرف انك تعبان
ومعرفتش الا لما جيت انهارده علشان اطمن عليك

سيف:بس بردو انا كنت عاوزك جمبي

مي:خلاص ياقلبي وانا جمبك اهو دلوقتي وهجيلك كل يوم ومش هسيبك الا لما تقوم بالسلامه وترجع المدرسه يا بطل

سيف:بجد ياميس

مي: بجد ياقلب الميس

واثناء حديثهم سمعوا طرق علي الباب فقالت مي:اتفضل

فدخلت فتاه ملامحها رقيقه وقالت بهدوء:دكتوره منال بتقول لحضرتك الغدا جاهز ياهانم وهي مش هتقبل اي اعذار

مي:اولا الغي هانم دي علشان مبحبهاش ومبقاش في هوانم دلوقتي
انا اسمي مي بس

الفتاه:عيب طبعا ميصحش يا هانم

مي:بردوا هانم
بصي لو مي صعبه اوووي كده خليها ميس او استاذه لغاية ماتتعودي علي مي

الفتاه بابتسامه:ربنا يخليكي يااستاذه ويجبر بخطرك

مي: تسلمي
قوليلي بقي اسمك ايه

الفتاه:سهي

مي:عاشت الاسامي ياسهي اسمك جميل اووي

سهي بسعاده فهي لاول مره تسمع كلمه حلوه من حد او تقابل حد يكلمها بالطريقه دي وكأنهم صحاب مش شغاله عندها هو اه كل اللي في البيت عمرهم ما زعلوها او عملوها وحش بس اخدين جمب ومش بيتكلموا معاها او مع حد من الخدم الا للاوامر وبس فقالت:انا مش عارفه اقولك ايه بجد بس ربنا يرزقك باابن الحلال اللي يصونك ويستهلك

مي بابتسامه:انا وانتي يارب ياسهي
قوليلي انتي في سنه كام

سهي بخجل:معايا دبلوم تجاره

مي:طيب ومالك بتقوليها وانتي مكسوفه اوي كده
ماله دبلوم التجاره في غيرك مقدروش يوصلوله علفكره
بس لو انتي عندك هدف وعايزه تكملي وتخشي كليه خدي رقمي اهو وكلميني وانا هساعدك

سهي:بجد ياااستاذه

مي:طبعا بجد انتي زي اختي

سهي:ربنا يخليكي يارب ويسعدك زي ماا دخلتي السعاده علي قلبي

مي:اللهم امين
تسلمي ياحبيبتي

واثناء حديثهم سمعوا صوت الدكتوره منال تنادي علي سهي

فقالت سهي:انا لازم انزل وهبقي اتصل بحضرتك

مي:ان شاء الله ياحبيبتي وانا هستني مكلمتك

سهي:طيب اتفضلي معايا علشان هما مستنينك تحت

مي:بصي انزلي قولي للهانم اني فعلا مش جعانه بس علشان خاترها هاكل مع سيف علشان مياكلش لوحدو
واعملولنا شربة خضار وابعتوهلنا

سهي:بس سيف بيه مبيحبش شربة الخضار

مي بحزم:اولا اسمه سيف بس يا سهي ودي بقي مفيهاش فصال
ده زي اخوكي الصغير
ثانيا بقي ابعتيهالنا بس وانا هعرف اخليه ياكلها بطريقتي

سهي:حاضر يااستاذه عن اذنك

مي:اتفضلي ياانسه سهي
ومش هقولك سهي الا لما تقوليلي مي

ابتسمت سهي لمي التي احبتها بطيبة قلبها وخفة دمها وغادرت الغرفه وهي ميقنه رغم الفرق بينهم الا انها اكتسبت اخت كبيره وصديقه رائعه ومعرفة انسانه حقا لا يوجد مثلها الكثير

وبعد مغادرة سهي
نظرت مي لسيف الذي يحاول اصطناع النوم فهو حقا لا يحب شوربة الخضار
فجلست مي بجانبه وقالت:متعملش نايم ها
انا عارفه انك صاحي

سيف:مبحبش شوربة الخضار طعمها وحش

مي:اولا انا قولتلك حرام نقول علي الاكل اننا مبنحبوش علشان دي نعمة ربنا واسمها هو مبيحبناش

سيف:طيب هو مبيحبنيش فمش هكله

مي:كده وتسبني اكل لوحدي

سيف:لا هاكل معاكي بس اي حاجه تانيه غير شربة الخضار

مي:سيف حبيبي الشوربه دي مفيده جدا علشان تخف بسرعه

سيف:بس

مي:مبسش بقي يا سيفو
هناكلها مع بعض

سيف بحنق طفولي:طيب

وبعد قليل احضرت خادمه اخري طبق الشوربه وتناولته مي منها وجلست بجانب سيف وقالت:الشوربه جت مين البطل اللي هياكلها

سيف:مش انا

مي:بطل دلع يا سيفو بقي ويلا كل

واطعمته مي بيديها الطبق باكمله وكانت تحكي له قصص وتحاول اشغاله باي موضوع حتي لا ينتبه انها لم تأكل الا معلقتين وانه انهي الطبق باكمله

فقالت مي بعد الانتهاء:خلصنا بالهنا والشفا ياحبيبي

سيف:الحمدلله

مي:شفت بقي طعمها حلو ازاي

سيف بكذب فهو اكلها لان مي التي تطعمه بيديها وليس لطعمها:لا طبعا بردوا مبتحبنيش ها
انا اكلتها بس علشان انا بطل وعايز اخف بسرعه

مي:طيب ياعم البطل دلوقتي انا لازم امشي علشان اتأخرت جدا عليهم

سيف بحزن:لا خليكي شويه علشان خاطري متمشيش

قبلته مي وقالت:معلشي ياقلبي مش هينفع والله علشان اتأخرت بس بكره هجيلك تاني
وكمان حبيبي لازم ينام بقي علشان يستريح شويه

سيف:بس انا مش عايز انام

مي:طيب ايه رأيك لو تنام في حضني واحكيلك حدوته وبعد ما تنام همشي اتفقنا

سيف بسعاده:اتفقنا

احتضنت مي سيف وقبلته وحكت له الحدوته ونام سيف فقامت وغطته وقبلته تاني ونزلت وسلمت علي الدكتوره منال جدة سيف وروحت
……………………..……………………..……………………
ومرت باقي الايام بدون احداث تذكر
الا من ذهاب مي كل يوم الي سيف لتطمئن عليه وتلعب معه
لحد ما خف سيف ورجع المدرسه وكان سعيد جدا باهتمام مي بيه
اما شريف ومي فكانوا كل ما يتقابلوا يا يتخانقوا او يتجاهلوا بعض
الي ان اتي يوم العمليه

انتهت الحلقه
……………………..……………………..……………………..…