عشقتك كما ينبغي

مي:تمام يبقي اتفضل اتكلم يااستاذ يحيي

قاطع كلام يحيي دخول سيف

سيف داخل يجري علي حضنها وهو يقول:ميس ميس

حضنته مي وقبلته في انحاء وجهه باشتياق فهي تعلقت بهذا الصغير ورفعته ولفت بيه وهما الاتنين بيضحكوا ومبسوطين

فهم اتفقو ان ياتي لها سيف كل يوم يجلس معها في البريك ويأكل معها ويلعبوا سويا وكانت مي تقول له انزل العب شويه مع صحابك
كان بيرفض وبيفضل يقعد معاها

مي وهي لسه بتلف بيه :ياقلبي انت وحشتني اووي

سيف:انتي كمان وحشتيني اوي اوي ياميس

فعمل يحيي صوت علشان تفتكر انه موجود

فاخدت مي بالها منه وافتكرت انه موجود فنزلت سيف بس فضلت حضناه وقالت بااحراج:معلشي يااستاذ يحيي نسيت ان حضرتك موجود

يحيي:ولا يهمك يااستاذه مي

سيف بحزن:هو انتي عندك شغل ياميس ومش هتقعدي معايا

قبلته مي وقالت:معلشي ياحبيبي
بس ده عمو يحيي بابا ياسين وهو عايزني في موضوع وبعدها لو فيه وقت هقعد معاك

سيف بحزن:طيب
وذهب الي يحيي ووقف امامه ووضع يديه في وسطه وقال:علفكره بقي يا عمو
ميس مي بتحبني انا اكتر منهم كلهم
ومتخليش ياسين يقعد يغظني ويكلمني عن ميس مي
وكمان متخلهوش يكلمني تاني علشان هضربه علشان هو وحش ورخم وبارد ها

مي بحزم:سيف عيب كده من امتي بنشتم زمايلنا
اعتذر حالا لعمو

سيف وهو يطأطأ رأسه قال:انا اسف ياعمو علشان شتمته
بس بردوا ميس مي بتحبني انا اكتر
وهي بتاعتي وحبيبتي انا بس
فخليه ملهوش دعوه بيها

يحيي وهو مبتسم:شكلك بتحب ميس مي اووي

سيف: اوي اوي
اد الدنيا دي كلها واد ابحر الواسع الكبير اوووي

يحيي:ياااه ده كتير اوي

سيف:واكتر كمان يا عمو
وبعدين هي حبيبتي انا بس
صح يا ميس

مي:صح ياقلب الميس
استريحت كده بقي

سيف:ايون

مي:طيب يالمض انت
ممكن بقي ابني حبيبي يقعد علي الكرسي هناك وياكل الساندوتشات بتاعته وياخد فوني يلعب عليه علشان نزلتله العبه اللي بيحبها لغاية ما اخلص كلام مع عمو

سيف بسعاده:حاضر يااحلي ميس

مي:بس هتخلص الساندوتشات كلها اتفقنا

سيف:اتفقنا

وجلس سيف علي الكرسي يتناول ساندوتشاته بشهيه لا يحسها الا في وجودها هي

مي:معلشي يااستاذ يحيي علي الكلام اللي سيف قاله
بس هو متعلق بيا وبيغير عليا اوي

يحيي:ولا يهمك
انا مزعلتش منه
بس هو يقربلك ايه

مي:للاسف هو ميقربليش حاجه
بس هو في غلاوة ابني ويوم ماهتجوز واخلف عمري ماهحب عيالي اكتر منه
هيبقوا كلهم غلاوه واحده عندي لاني بحبه اوووي واتعلقت بيه جدا

يحيي:ربنا يخليه ليكي

مي:اللهم امين يارب العالمين
ها اتفضل ايه الموضوع اللي حضرتك كنت عاوز تكلمني فيه

يحيي:بصراحه انا بحب واحده من زمان اوووي بس القدر والنصيب فرقنا
وهي اتجوزت واحد تاني وانا اتجوزت واحده تانيه
بس من قريب اتقابلت معاها صدفه وعرفت انها انفصلت عن جوزها
وطلبت ايديها وقولت لياسين بس هو رافض الفكره دي خالص او حتي انه يشوفها رغم انها بتحبه اووي ومتأكد انها هتكون ام تانيه له

مي:طيب ياسين مقلش لحضرتك هو رافض الفكره ليه
هو ما يعرفهاش

يحيي:علشان اللي ربنا يسامحها خالة ياسين مفهماه اني لو اتجوزت هنساه وهعيش مع مراتي
وانها هتكون قاسيه معاه وهتضربه ومش هتحبه ابدا
فهو رافض انه يشوفها او يكلمها حتي
طيب تصدقي انه مكنش بيحب يتكلم مع اي ست
بس من ساعة ما اتعرف عليكي واتعامل معاكي وهو ابتدا يتكلم معاكي علشان حبك بجد

مي:تمام انا كده فهمت
طيب ثانيه واحده
سيف حبيبي

سيف:نعم ياميس

مي :خلصت ساندوتشاتك ياحبيبي

سيف:ايوه ياميس خلصتها كلها
مبسوطه مني بقي

مي:شطور يابطل
انا دايما مبسوطه منك ياقلبي
بقولك ياحبيبي انزل نديلي ياسين من تحت

سيف:حاضر ياميس

ونزل سيف علشان ينادي ياسين

وبعد دقايق طلع سيف وقال:طالع ورايا ياميس بس كان بيعيط

يحيي:متعرفش ليه ياسيف

سيف:لا ياعمو معرفش

مي:طيب اتفضل اقعد يااستاذ يحيي ولما يطلع انا هفهم منه

يحيي:تمام

وعندما اتي ياسين ورائ والده جري عليه فاحتضنه يحيي وقبله

فقال ياسين:بابي ايه اللي جابك هنا

يحيي:كنت عاوز ميس مي في موضوع

ياسين:ماشي

مي:تعالي يا ياسو عايزاك

فذهب اليها ياسين وقال:نعم ياميس

مي:حبيبي انت كنت بتعيط ليه

ياسين:مفيش ياميس

مي:لا في يا ياسو
قولي في ايه انت هتخبي عليا

ياسين:اصل بابي عاوز يتجوز

مي:طيب انت عارف بابي جي هنا ليه

ياسين:لا معرفش

مي:بابي جي علشان عايزك تقعد مع طنط اللي عاوز يتجوزها
بس قولي بقي انت زعلان ليه ده انت المفروض تفرح علشان بابي هيجبلك مامي تلعب معاك وتحبك وتاخد بالها منك

ياسين:انا خايف لحسن تضربني ومش تحبني

مي:لا يا ياسو احنا مبنحكمش علي حد من غير ما نشوفه ونعرفه
روح ياحبيبي مع بابي واتعرف عليها وبعدين ابقي قول لبابي رأيك

ياسين:بس

مي:مبسش روح الاول واتعرف عليها مش يمكن تطلع كويسه وتكون بتحبك

ياسين:طيب انا موافق
بس ميس مي يا بابي تيجي معانا واحنا بنقابل طنط

يحيي:مفيش مانع يا ياسو
بس المهم رأي ميس مي

مي:معنديش مانع

يحيي:تمام
حضرتك فاضيه دلوقتي نروح نقابلها ولا نأجل المعاد

مي:لا ملوش لزمه التأجيل انا خلصت حصصي

يحيي:تمام يلا بينا

مي:تمام يلا
بس ممكن تسبقوني انتوا وانا خمس دقايق وهحصلكو

يحيي:ماشي

وذهب يحيي وابنه الي السياره
وذهبت مي حيث يجلس سيف ويلعب بالهاتف فنزلت لمستواه وقالت له:سيف حبيبي

سيف بفرحه:نعم ياميس
انتي خلصتي وهتقعدي معايا بقي

مي:اه ياقلبي خلصت بس معلشي بقي لازم امشي
وهنقعد مع بعض بكره ماشي

سيف بحزن:ماشي بس انتي هتمشي مع ياسين

مي:اه ياحبيبي بس ده علشان بابا ياسين عايز يجيب له ماما وهو مش موافق

سيف:يعني انتي هتكوني مامت ياسين

مي:لا يا سيفو دي طنط تانيه بس ياسين عايزني اروح معاه
المهم عايزه حبيبي لما يروح ياكل كويس ويعمل الهوم ورك كله اتفقنا

سيف:اتفقنا بس خلي بالك من نفسك

احتضنته مي وقبلته وقالت:حاضر ياحبيبي وانت كمان

سيف:حاضر ياميس

مي:بااااي

سيف:بااااي

انتهت الحلقه