رواية مودة ورحمة تأليف شيماء عبد العزيز

(مودة ورحمة) الحلقة25

حلا:انتِ!!
الفتاة:حلا!هو انتم الجيران الجداد
حلا بابتسامة:اه احنا بجد مبسوطة جدًا إنك هتبقي جارتي
ملك:حلا هو انا احط دي ف….معلش ما أخدتش بالي إنك بتكلمي حد
حلا:دي آلاء زميلتي في الشغل تخيلي طلعت جارتنا
ملك:بجد! يا محاسن الصدف
وسلمت على آلاء:تشرفت بمعرفتك
آلاء:الشرف ليا… صحيح إنا طالعة عشان أساعدكم يلا بقى عشان نلحق نخلص وتيجوا بسرعة
حلا:مش عارفه أقولك إيه
آلاء:تقوليلي مكان حاجة التنضيف عشان ننجز.. الشقة محتاجة شغل كتير
ملك:طب يلا يا شباب إلى العمل وربنا معانا أنا حاسه إن احنا هنجاهد في الشقة دي.. إلى الجهاد قصدي إلى العمل

في مركز الشرطة
باسل ينتظر حمزة في زيارة
يدخل عليه حمزة ويعجب من وجود باسل فهو لم تكن علاقته جيدة معه
حمزة:باسل!
قام باسل وسلم عليه:ازيك يا حمزة أنا عارف إنك مستغرب من زيارتي عشان علاقتنا مش أد كده بس انت مش عدوي يا حمزة أنا بس بخاف على اخواتي جدًا ومابحبش حد يأذيهم حتى بكلمة
حمزة:أنا عمري ما أقدر أأذي حلا
باسل:ع العموم خلينا في الموضوع اللي جايلك عشانه
حمزة:خير
باسل:أنا عارف إنك برئ وإن القضية دي اتلفقتلك وجايلك عشان نقدر نثبت ده واللي عمل كده ياخد جزائه
حمزة:وإيه اللي خلاك متأكد من براءتي
باسل:هقولك..

آسر يتحدث مع حلا على الهاتف
آسر:أيوه يا حلا أنا شوية وجايلك إديني العنوان بالظبط
آسر:تمام…ساعة وهكون عندك

في منزل حلا الجديد
حلا:مش عارفه أقولكم ايه يا بنات بجد ربنا يجازيكم خير أنجزتم معايا ..أنا ماكنتش متوقعة إن الشقة بالمنظر اللي كانت فيه ده تخلص النهارده
ملك:ومامت آلاء أنقذتنا بالأكل اللي طلعته ده الواحد كان خلاص محتاج عمره بعد الهدة دي
حلا:ربنا يباركلها يارب تعبت معانا
آلاء:ماتقولوش كده يا بنات ده واجب علينا وبعدين احنا بقينا جيران يعني مفيش بيننا الكلام ده
ملك:بس إيه ..شكلنا كان كارثة بعد التنضيف
حلا:ماتفكرنيش
آلاء:المهم هتنقلوا امتى؟
حلا:احتمال على بكرة بإذن الله
آلاء :طب انا هنزل أغير عبال ما انتِ تجهزي ونروح السوق نجيب اللي ناقص
حلا:طيب ماشي
ملك:وانا هفضل هنا أفرش الحاجات البسيطة اللي ناقصة دي

سيف:إيه يا محمد رأيك في المشروع ده
محمد:والله بداية حلوة لينا أنا موافق
سيف:عارف لو المشروع ده نجح هقدر اروح واتقدم لملك
محمد:ربنا يوفقك يا صاحبي وتحقق اللي نفسك فيه
سيف:ياااارب يا محمد

في عمارة حلا
تهبط حلا وتقوم بالطرق على باب آلاء ليتوجها للسوق لشراء بعض مستلزمات المنزل كما اتفقا فيقابلها آسر أمام منزل آلاء
آسر:بتعملي ايه يا حلا
حلا:آسر كنت بخبط على آلاء عشان هننزل نشتري شوية حاجات
آسر:آلاء مين؟
وفي هذا الوقت تفتح آلا الباب
آلاء ولم ترى آسر:أنا جهزت خلاص يلا بينا
آسر:هو انتِ!
آلاء وقد تفاجأت من وجوده ولكن حلا سبقتها وتحدثت
حلا:دي آلاء صاحبتي وجارتنا هنا وكانت بتشتغل معانا في الشركة أكيد شوفتها هناك.. وده آسر ابن عمي وزي ما قولتلك كلنا هنيجي نسكن هنا
آسر في سره:ايه الوقعة المهببة دي يعني من دون كل البشر ام لسان أطول منها دي تطلع جارتي أنا… ده أنا هشوف أيام.. ربنا يستر
آلاء:ايه في مشكلة؟
آسر:لا أبدًا ده انا مبسوط جدًا
آلاء بضحكة مستفزة:ولسه هتنبسط أكتر
آسر بقلق:واضح
باسل:السلام عليكم
الجميع:وعليكم السلام
حلا:كويس انك جيت يا باسل إيه رأيكم تيجوا معانا انتَ وآسر عشان في حاجات كتير هانجيبها ومش هنقدر نشيلها أنا وآلاء
باسل:طب يلا بينا عشان مانتأخرش
آسر:وخلينا كلنا نروح في عربيتي
باسل:ماشي

عمر:بابا أنا عايز اروح لحلا
أمجد:حاضر يا حبيبي بكره هاخدك عندها
عمر:وعد؟
أمجد:وعد.. يلا بقى عايزك تخلص أكلك ده كله
عمر:حاضر

وبعد انتهاء التسوق
وفي مدخل العمارة يحمل آسر الكثير من الشنط الثقيلة
آلاء برخامة:تحب يا أستاذ آسر أساعدك شوية
آسر وكادأن يتعثر من ثقل الأشياء:لا شكرًا دول خفاف جدًا
آلاء:اه ماهو واضح..شكلك أول مرة تشيل الكمية دي أكيد كان عندك اللي يشيلك وانتَ بتمشي باشا
آسر بغيظ:قصدك ايه يعني
آلاء:ولا حاجة ماقصدش يلا نطلع عشان نحصل حلا وأستاذ باسل
وسبقته على الدرج
آسر:أووووف بدأنا..وصعد ورائها
في الشقة
حلا:في حاجات ناسينا نشتريها أنا هنزل أجيبها بسرعة واجي
آسر:هتشتريها منين السوق بعيد عن هنا
حلا:أنا شوفت على أول الشارع العمومي سوبر ماركت هنزل بسرعة واجي
آسر:طب استني أنزل معاكي عشان ماتنزليش لوحدك
وفي هذه اللحظة تخرج ملك من المطبخ
ملك:آسر تعالى ركب دولاب المطبخ مع باسل
آسر:طيب
حلا:خلاص أنا هنزل أجيب ومش هتأخر

نزلت حلا وجاءت لتعبر الطريق العمومي متجهة إلى السوبر ماركت وفي وسط الطريق ظهرت فجأة أمامها سيارة لم تستطع تفاديها فصدمتها

تجمع القليل من الناس حولها وهبط شخص ما من السيارة التي صدمتها
الشخص:وسعوا شوية وسعوا شوية
وانحنى بجانبها فوجدها تنزف بغزارة فقام بحملها سريعا
الشخص:وسعوا بسرعة لازم انقلها المستشفى
ووضعها على المقعد الخلفي لسيارته وركب هو في مقعد السائق وقاد سريعًا للمستشفى
وكانت حلا غائبة عن الوعي وهو يتحدث معها
الشخص:استحملي شوية قربنا نوصل
وحينما وصل إلى المستشفى قام بحملها واتجه بها نحو الطوارئ
الشخص:بسرعه إلحقوها نزفت كتير
الدكتور للممرضات:خدوها الطوارئ بسرعة
والتفت للشخص الذي كان يحملها:هي ايه اللي حصلها بالظبط
الشخص:ظهرت فجأة قصاد عربيتي و…
الدكتور:تمام تمام يعني حادثة عربية
الشخص:أيوه
الدكتور:طيب احنا مضطرين نبلغ البوليس عشان دي حادثة
الشخص بعصبية:اعمل اللي تعمله بس انقذها بسرعة بقولك بتنزف بقالها كتير
……………………………………………
ونكمل الحلقة القادمة إن شاء الله☺