رواية مودة ورحمة تأليف شيماء عبد العزيز

(مودة ورحمة) الحلقة3

كادت حلا أن تصطدم بزوجة عمها(مش حمزة?)
حلا:أنا آسفة يا طنط مكنتش واخده بالى
فاتن:لا مفيش حاجة..هو انتِ لبسه الطرحه دي ليه انتِ هنا في البيت مش في الشارع
حلا:أيوه يا طنط بس لازم ألبسها لإن فيه عمال رجالة وحمزة وآسر كمان فمينفعش أكون بشعري
فاتن وهي مش عاجبها الكلام: براحتك انتِ حره

وذهبت حلا لغرفة جدها وطرقت الباب
الجد:ادخل
حلا بابتسامة:قالولي ان حضرتك طلبتني
الجد بابتسامة واشتياق :ادخلي يا حلا
دلفت وجلست أمام جدها
الجد:بنتي أنا عايز اعتذرلك على كل حاجه حصلت من زمان أنا فقت بس فقت متأخر أوي بعد اما حرمت نفسي من ابني وحفيدتي.. كنت شايف الفلوس كل حاجة ووقفت قصاد ابني ودمرتله حياته وبعدته عن حضني وحتى لما فقت لنفسي وقررت ادور عليكم قعدت سنين مش عارف اوصلكم ولما عرفت كان ابني مات(وبدموع)مات قبل ما اشوفه واعتذرله بس ربنا كريم عوضني ببنت من ريحته
وأكمل حديثه وهو يربت على وجنتيها: عوضني بيكي يا حلا
تعرفي يا حلا اني أول اما اشوفتك عرفت كمان اني مديون لوالدتك باعتذار.. ابني مش بس عرف يختار زوجة ده اختار أم صالحة لبنته (وحضن حلا)أنا فخور بيكي يا حلا
حلا وهي تبكي في حضن جدها: أنا ربنا عوضني بيك يا جدي ربنا يبارك في عمرك
وفضلت هي وجدها يتكلموا وتحكيله عن حياتها لحد اما رحمة بلغتهم ان الأكل جهز

ساعدت جدها إلى أن وصلوا لغرفة الطعام
تجمعت العائلة حول المائدة ما عدا حمزة لم يصل بعد
ترأس جدها المائدة وجلست حلا بجوار فاتن وعندما شرعوا بتناول الغداء دلف حمزة وجلس مقابل حلا
حمزة:أخبارك ايه النهارده يا جدي
الجد:بخير يا بني وبقيت أحسن لما حلا بقت وسطينا
ابتسمت له حلا
الجد:أخبار الشغل معاك ايه
حمزة:كل حاجة تمام يا جدي متقلقش
الجد:حمزة أنا عايز حلا تبدأ شغل في الشركة
تفاجئ الجميع حتى حلا
حمزة:هتشتغل ايه في الشركة؟!
الجد:هتشتغل في الترجمة واستقبال الوفود لان احنا محتاجين المجال ده في شركة القاسم
حمزة:خلاص يا جدي هرتب الموضوع ده النهارده لإني نازل الشركة تاني و تقدر تشتغل من بكره
الجد:جهزي نفسك بكرة يا حلا عشان تبدأي وعايزك ترفعي راسي
حلا باستغراب:بس يا جدي..
الجد:مبسش أنا قولت خلاص هتبدأي من بكرة
حلا:اللي تشوفه يا جدي بإذن الله هكون جاهزة بكرة
يأتي اتصال لحمزة من الشركة ويضطر للذهاب مرة أخرى
فاتن:بس يا عمي أنا شايفة ان حلا متتعبش نفسها في الشغل وكده كده كل حاجة هتعوزها هتجيلها ليه تتعب نفسها
الجد:اللي انا قولته هو اللي هيتنفذ
عاصم:بابا عنده حق يا فاتن حلا ليها حق في الشركة دي ولازم تباشر مع حمزة وآسر في الشغل
آسر:أيوه بقى كل أحفاد آل قاسم هيتحدوا علشان يرفعوا من وضع الشركة ونرجعها لمجدها القديم
وبمزاح: ده احنا هنعمل شغل..هنعمل شغل
ضحك الجميع على دعابة آسر ما عدا فاتن
وبعد الغداء ذهبت فاتن إلى النادي وذهب عاصم إلى اجتماع وخرج الجد وحلا وآسر إلى الحديقة
الجد:ايه يا آسر انت مش وراك شغل ولا ايه
آسر:لا ما انا واخد أجازة بقى حد يفوت القاعدة الحلوه دي
الجد:ده حمزة هيطلع عينك
آسر يصطنع الفزع وينهض سريعًا:اه صح حمزة ده هيشعلقني
..معلش بقى كان نفسي اقعد معاكي يا حلا بس اعمل ايه حكم القوي..بس ملحوقة بكرة هتيجي الشركة وهتلقيني في وشك 24 ساعة سلام عليكم وأسرع لسيارته
ضحك الجد وحلا على تصرفات آسر ورددا:وعليكم السلام
الجد:آسر ده مشكلة… هتلاقيه كده24ساعة
حلاي بضحكة رقيقة :لا مهو واضح
وظلت تتسامر مع جدها وتقص له عن حياتها في فرنسا إلى أن سمعوا آذان العصر
حلا:الوقت سرقنا ومأخدتش علاجك يلا بينا نطلع بقى
الجد:أنا لسه مشبعتش منك.. أنا عايزك تحكيلي كل حاجة
حلا بابتسامة: أنا قاعده معاك يا جدي وهفضل جنبك علطول بس خلينا دلوقتي نطلع علشان اديك الدوا وتستريح شويه
وافق الجد وساعدته حلا في الصعود إلى غرفته وناولته دوائه وبعد أن اطمئنت عليه ذهبت لغرفتها وأدت فرضها ثم هاتفت ملك وقصت عليها أمر العمل
شجعتها ملك وأخبرتها أن ذلك العمل هو بداية لحياة جديدة

مر الوقت وحان موعد وجبة العشاء
تجمعت العائلة وأخبرها حمزة أن تكون مستعدة في صباح الغد لتبدأ عملها
وفي اليوم التالي……
…………………………….
نكمل الحلقة القادمة بإذن الله?

error: